(1) பளபளப்பான, மென்மையான பரப்பில் பட்டு ஒளி திரும்பும் நிகழ்வு ஒளிஎதிரொளித்தல் எனப்படும்.
(2) எதிரொளிக்கும் பரப்பைப் பொருத்து எதிரொளித்தல் இரு வகைப்படும்.
(i) ஒழுங்கான எதிரொளிப்பு
(ii) ஒழுங்கற்ற எதிரொளிப்பு
ஒழுங்கான எதிரொளிப்பு:
(i) வழவழப்பான பரப்பின் மீது ஓர் ஒளிக்கற்றையானது விழும் போது நிகழும் எதிரொளிப்பு ஒழுங்கான எதிரொளிப்பு ஆகும்.
(ii) எதிரொளிப்பிற்குப் பின் ஒளிக்கதிர்கள் ஒன்றுக்கொன்று இணையாக உள்ளது.
(iii) ஒழுங்கான எதிரொளிப்பில் ஒவ்வொரு கதிரின் படுகோணமும் எதிரொளிப்புக் கோணமும் சமமாக உள்ளது.
(iv) எதிரொளித்தல் விதியானது பின்பற்றப்படுவதால் இதில் தெளிவான பிம்பம் கிடைக்கிறது.
(v) இது கண்ணாடி எதிரொளிப்பு என்றும் அழைக்கப்படுகிறது.
(vi) (எ.கா) சமதளக் கண்ணாடியில் உருவாகும் எதிரொளிப்பு.
ஒழுங்கற்ற எதிரொளிப்பு:
(i) சொரசொரப்பான (அல்லது) ஒழுங்கற்ற பரப்பின் மீது ஒளியானது படும்போது ஒவ்வொரு ஒளிக்கதிரும் வெவ்வேறு கோணத்தில் எதிரொளிக்கும். இது ஒழுங்கற்ற எதிரொளிப்பு எனப்படும்.
(ii) ஒழுங்கற்ற எதிரொளிப்பில், ஒவ்வொரு ஒளிக்கதிரின் படுகோணமும், எதிரொளிப்புக் கோணமும் சமமாக இருக்காது.
(iii) ஒளி எதிரொளிப்பு விதிகள் சரியாக பொருந்தவில்லை. அதனால் பிம்பம் தெளிவாகக் கிடைக்காது.
(iv) இது பரவலான எதிரொளிப்பு என்றும் அழைக்கப்படும்.
(v) (எ.கா) சுவரின் மீது ஏற்படும் எதிரொளிப்பு