கடிகாரங்களின் வகைகள்:
I. காட்சியின் அடிப்படையில் கடிகாரத்தின் வகைகள்.
(i) ஒப்புமை வகைக் கடிகாரங்கள்:
1. இவை பாரம்பரியமான கடிகாரங்கள்.
2. மணிமுள், நிமிட முள், வினாடி முள் என மூன்று குறிமுள்கள் மூலம் நேரத்தைக்காட்டுகின்றன.
3.எந்திரவியல் தொழில்நுட்பம் அல்லது மின்னியல் தொழில்நுட்ப அடிப்படையில் செயல்படுகின்றன.
(ii) எண்ணிலக்க வகைக் கடிகாரங்கள்:
1. நேரத்தை நேரடியாக எண்களாகவோ, குறியீடுகளாகவோ காட்டுகின்றன.
2. இவை 12 மணி நேரம் அல்லது 24 மணி நேரத்தைக் காட்டும் வகையில் வடிவமைக்கப்படுகின்றன.
II. செயல்படும் முறையின் அடிப்படையில் கடிகாரத்தின் வகைகள்:
(i) குவார்ட்ஸ் கடிகாரங்கள்:
1. இவை குவார்ட்ஸ் எனப்படும் படிகத்தினால் கட்டுப்படுத்தப்படும் மின்னனு அலைவுகள் மூலம் இயங்குகின்றன.
2.இவை இயந்திரவியல் கடிகாரங்களை விட மிகவும் துல்லியமானவை.
3. துல்லியத்தன்மை - 10⁹ வினாடிக்கு 1 வினாடி.
(ii) அணுக்கடிகாரங்கள்:
1. இவை அணுவினுள் ஏற்படும் அதிர்வுகளை அடிப்படையாகக் கொண்டு செயல்படுகின்றன.
2. துல்லியத்தன்மை - 10¹³ வினாடிக்கு 1 வினாடி.
3. இவை பூமியில் இருப்பிடத்தை காட்டும் அமைப்பு, பூமியில் வழிகாட்டும் செயற்கை கோள் அமைப்பு, பன்னாட்டு நேரப்பங்கீட்டு அமைப்பு ஆகியவற்றில் பயன்படுத்தப்படுகிறது.