(i) ஓய்வு நிலையில் உள்ளபோது உள்ள நமது உண்மை எடை (actual weight), மேலே அல்லது நாம் நகரும் போது அதே மதிப்பில் இருக்காது.
(ii) புவிஈர்ப்பு விசை மட்டுமின்றி, இன்ன பிற விசைகளால் ஒரு பொருளின் எடையில் மாற்றம் ஏற்படும்.
(iii) இந்த எடை தோற்ற எடை என்றழைக்கப்படுகிறது.

நிறை என்பது பொருட்களின் அடிப்படைப் பண்பாகும். பொருட்களின் நிறை என்பது அதில் அடங்கியுள்ள பருப்பொருளின் அளவாகும். இதன் அலகு கிலோகிராம் ஆகும்.

(i) பொருளொன்றை மேல் நோக்கி வீசினால் புவி ஈர்ப்பு விசையின் தாக்கத்தால், அதன் திசைவேகம் படிப்படியாக குறையும்.
(ii) ஒரு குறிப்பிட்ட உயரத்தில் மதிப்பு முழுமையாக சுழி ஆகிறது. ஈர்ப்பு விசையினால் கீழே விழும் போது அதன் திசைவேகம் தொடர்ந்து மாற்றம் பெறுகிறது.
(iii) இது அப்பொருளுக்கு முடுக்கத்தினை ஏற்படுத்தும். இம்முடுக்கம் புவி ஈர்ப்பு முடுக்கம் என்றழைக்கப்படுகிறது.
(iv) புவி ஈர்ப்பு முடுக்கத்தின் சராசரி மதிப்பு (கடல் மட்டத்தில்) 9.8 மீ வி^-2 ஆகும்.
(v) இதன் பொருளானது, தடையின்றி கீழே விழும் பொருளின் திசைவேகம், ஒரு வினாடிக்கு 9.8 மீ வி^-1 என்ற அளவில் மாற்றம் பெறும் என்பதாகும்.
(vi) 'g' இந்த மதிப்பு புவியில் அனைத்து இடங்களிலும் ஒரே மதிப்பாய் இருக்காது.

(i) மிகக் குறைந்த காலஅளவில் மிக அதிக அளவு செயல்படும் விசை, கணத்தாக்கு விசை எனப்படும்.
(ii) F என்ற விசை t கால அளவில் ஒரு பொருள் மீது செயல்பட்டால், ஏற்படும் கணத்தாக்கு (J) ன் மதிப்பு, விசை மற்றும் கால அளவின் பெருக்கற் பலனுக்கு சமமாக இருக்கும்.
கணத்தாக்கு J=F x t ....(1)
(iii) நியூட்டனின் இரண்டாவது இயக்க விதிப்படி, F=Δp/t (Δp என்பது t கால இடைவெளியில் ஏற்படும் உந்தமாற்றம் என்பதை குறிக்கிறது).
Δp = F x t
(iv) சமன்பாடு (1) மற்றும் (2)-ஐ சமன் செய்ய, கணத்தாக்கு J = Δp
(v) கணத்தாக்கு என்பது உந்த மாற்றத்திற்கு சமமான அளவாகும். இதன் அலகு கிகி மீவி^-1 அல்லது நியூட்டன் விநாடி ஆகும்.

தண்டொன்றின் ஒரு முனையை தரையிலோ அல்லது சுவரிலோ நிலையாக பொருத்தி, மறுமுனையில் தண்டின் தொடுகோட்டின் வழியே விசை செயல்படுத்தப்பட்டால், தண்டானது நிலைப் புள்ளியை மையமாக வைத்து சுழலும். இப்புள்ளி சுழற்புள்ளி (point of rotation) எனப்படும்.

தொகுபயன் விசைக்கு சமமான, ஆனால் எதிர் திசையில் செயல்படும் ஒரு விசையானது, பொருட்களை சம நிலைக்கு கொண்டுவர உதவுகிறது. இவ்விசை 'எதிர்சமனி' (Equilibrant) என்று அழைக்கப்படுகிறது.

(i) ஒரு பொருள் மீது பல்வேறு விசைகள் செயல்படும்போது, அவற்றின் மொத்த விளைவை ஏற்படுத்தும் ஒரு தனித்த விசை 'தொகுபயன் விசை' என்றழைக்கப்படுகிறது.
(ii) இதன் மதிப்பு, செயல்படும் அனைத்து விசைகளின் வெக்டார் கூடுதலுக்குச் (விசைகளின் எண்மதிப்பு மற்றும் திசை ஆகியவற்றின் கூடுதல்) சமமாகும்.

(i) இயங்கும் பொருளின் நிறை மற்றும் திசைவேகத்தின் பெருக்கற்பலன் உந்தம்  எனப்படும். இதன் திசையானது பொருளின் திசைவேக திசையிலேயே அமையும். இது ஒரு வெக்டார் அளவாகும்.
(ii) உந்தம் (p)=நிறை (m) x திசைவேகம் (v)
p = mv
(iii) விசையின் எண் மதிப்பானது உந்தத்தால் அளவிடப்படுகிறது. இதன் SI அலகு கிகி மீவி^-1, CGS அலகு கி செ.மீ வி^-1 ஆகும்.

(i) நேர்க்கோட்டு இயக்கம் வட்ட இயக்கம், அலைவு இயக்கம் என்பன இயக்கத்திற்கு சில எடுத்துக்காட்டுகள்.
(ii) இயக்கத்தின் கூறுகளாவன: இடப்பெயர்ச்சி திசைவேகம் மற்றும் முடுக்கம்.

இயந்திரவியல்: விசையின் செயல்பாட்டால் பொருள் மீது ஏற்படும் விளைவுகளை பற்றி பயிலும் அறிவியல் பாடம் இயந்திரவியல் ஆகும். இது இரண்டு பிரிவுகளாகப் பிரிக்கப்பட்டுள்ளது. அவை நிலையியல் மற்றும் இயங்கியல் ஆகும்.
(i) நிலையியல்: விசையின் செயல்பாட்டால் ஓய்வு நிலையிலுள்ள பொருள் மீது ஏற்படும் விளைவுகளைப் பற்றி அறியும் அறிவியல் நிலையியல் ஆகும்.
(ii) இயங்கியல்: விசையின் செயல்பாட்டால் இயக்கநிலையிலுள்ள பொருள் மீது ஏற்படும் விளைவுகளைப் பற்றி அறியும் அறிவியல் இயக்கவியல் ஆகும்.

1. விண்கலம் மிக அதிக சுற்றியக்க திசைவேகத்தில் நகர்ந்து கொண்டிருப்பதால் அவர் அக்கலத்துடன் இணைந்து சம வேகத்தில் நகர்கிறார்.
2. அவரது முடுக்கம் விண்கல முடுக்கத்திற்கு சமமாக இருப்பதால் அவர் தடையின்றி விழும் நிலையில் உள்ளார். அப்போது அவரது தோற்ற எடை மதிப்பு சுழியாகும்.
3. எனவே அவர் அக்கலத்துடன் எடையற்ற நிலையில் காணப்படுகிறார். விண்வெளி வீரர் உண்மையில் மிதப்பதில்லை.

பொருள் ஒன்றின் மீது செயல்படும் விசையானது, அப்பொருளின் உந்த மாறுபாட்டு வீதத்திற்கு நேர்த்தகவில் அமையும். மேலும் இந்த உந்த மாறுபாடு விசையின் திசையிலேயே அமையும்.
F = m x a

F₁ = 5N
F₂ = 15N F = F₂ - F₁ (F₂ > F₁)
F = 15 - 5 = 10N
F = 10N
தொகுபயன் விசை 15N செயல்படும் திசையில் செயல்படும்

ஒவ்வொரு பொருளும் தன்மீது சமன் செய்யப்படாத புறவிசை ஏதும் செயல்படாத வரையில், தமது ஓய்வு நிலையையோ, அல்லது சென்று கொண்டிருக்கும் நேர்க்கோட்டு இயக்க நிலையையோ மாற்றுவதை எதிர்க்கும் தன்மை "நிலைமம்" என்றழைக்கப்படுகிறது.
நிலைமத்தின் வகைகள்:
(i) ஓய்வில் நிலைமம் 
(ii) இயக்கத்தில் நிலைமம்
(iii) திசையில் நிலைமம்