அ) கூற்று மற்றும் காரணம் இரண்டு சரி, கூற்று காரணத்திற்கான சரியான விளக்கம்

இ) கூற்று சரி, காரணம் தவறு

இ) ஏரிப்பாசனம்

ஈ) கரிசல் மண்

இந்தியாவில் மண் சீரழிவு என்பது ஒரு முக்கிய பிரச்சனையாக உள்ளது. இந்திய விண்வெளி ஆராய்ச்சி நிறுவனத்தின் (IRS) 2015 ஆண்டு அறிக்கையின்படி 147 மில்லியன் ஹெக்டேர் நிலப்பரப்பு மண் அரிப்பால் பாதிப்பு அடைந்துள்ளது.

1. கால்நடைகள் இந்தியாவின் விவசாயத்தோடு ஒருங்கிணைந்த கூறுகள் ஆகும். கால்நடைகளின் பல்வேறு வகைப் பயன்பாடுகள் காரணமாக இவை சமூக மற்றும் பொருளாதார முக்கியத்துவம் வாய்ந்த ஒன்றாகக் கருதப்படுகின்றன.
2. ஊட்டச்சத்து நிறைந்த உணவுகளை அளிப்பதன் மூலம் இவை உணவு மற்றும் ஊட்டச்சத்து பாதுகாப்பை மேம்படுத்துகிறது.
3. வேளாண்மை பொய்க்கும் பொழுது வேலை வாய்ப்பையும், வருவாயையும் அளிக்கின்றன. மேலும் நிலத்தை உழுவதற்கும், பயிர்களுக்கு உரம் அளிப்பவையாகவும் அவை விளங்குகின்றன.

ஆற்றின் குறுக்கே பல்வேறு நோக்கங்களுக்காக அணைகளைக் கட்டுவதால் இவை பல்நோக்கு ஆற்று பள்ளத்தாக்குத் திட்டங்கள் என்று அழைக்கப்படுகிறது.
பல்நோக்கு திட்டத்தின் பெயர் : 
1. தாமோதர் பள்ளத்தாக்குத் திட்டம்
2. பக்ரா நங்கல் திட்டம்
3. ஹிராகுட் திட்டம்
4. கோசி திட்டம்

1. மண் என்பது கனிமங்களின் கூட்டுப் பொருட்கள், மக்கிய தாவரங்கள், விலங்கினப் பொருட்கள், காற்று மற்றும் நீர் ஆகியவற்றை உள்ளடக்கியது ஆகும்.
2. இது புவியின் மேற்பரப்பில் காணப்படும் நுண்ணிய துகள்களாலான ஒரு அடுக்காகும்.
3. பல்வேறு காலநிலை சூழலில் பாறைகள் சிதைவடைவதால் மண் உருவாகிறது. இது பிரதேசத்திற்கு பிரதேசம் வேறுபடும்.

	வண்டல் மண்	கரிசல் மண்
1	சிற்றோடைகள் மற்றும் ஆறுகளின் வேகம் குறையும் பொழுது படிய வைத்தலினால் வண்டல் மண் உருவாகின்றது.	தக்காணப் பகுதியில் உள்ள பசால்ட் பாறைகளிலிருந்து கரிசல் மண் உருவாகிறது.
2	புதிய வண்டலான காதர் வெளிர் நிறமும், பழைய வண்டலான பாங்கர் அடர் நிறமும் கொண்டது.	கரிசல் மண் கருப்பு நிறமாக உள்ளது.
3	சமவெளிப் பகுதிகளிலும், ஆற்றுப் பள்ளத்தாக்குகளிலும் வண்டல் மண் காணப்படுகிறது.	பீடபூமிப் பகுதிகளில் கரிசல் மண் காணப்படுகிறது.
4	நெல், கோதுமை, கரும்பு மற்றும் எண்ணெய் வித்துக்கள் பயிரிட ஏற்றமண் இதுவாகும்.	பருத்தி, புகையிலை, கரும்பு மற்றும் தினை வகைகள் பயிரிட ஏற்ற மண் இதுவாகும்.

	ராபி பருவம்	காரிஃப் பருவம்
1	இந்தியாவில் ராபி பருவம் பயிரிடப்படும் காலம்.(அக்டோபர் - மார்ச்)	காரிஃப் பருவம் பயிரிடப்படும் காலம்.(ஜூன் -செப்டம்பர்)
2	வடமாநிலங்களில்  கோதுமை, பருப்பு, ஆளிவிதைகள், கடுகு, பார்லி ஆகிய பயிர்கள் பயிரிடப்படும்.	வடமாநிலங்களில் நெல், பருத்தி, மக்காச் சோளம், உளுந்து, கம்பு ஆகிய பயிர்கள் பயிரிடப்படும்.

பல்நோக்கு திட்டம்;
1. பல்நோக்குத்திட்டம் என்பது ஒரு அறிவியல் முறையிலான நீர்வள மேலாண்மைத் திட்டமாகும்.
2. ஆற்றின் குறுக்கே பல்வேறு நோக்கங்களுக்காக அணையைக் கட்டுவதால் இது பல்நோக்கு ஆற்றுப் பள்ளத்தாக்குத் திட்டம் என்று அழைக்கப்படுகிறது.
3. நீர்ப்பாசனம், நீர்மின் உற்பத்தி, குடிநீர், வெள்ளத்தடுப்பு, தொழிற்சாலைகளுக்கு நீர் வழங்குதல், மீன்வள மேம்பாடு மற்றும் நீர் வழிப் போக்குவரத்து போன்றவை இதன் பல்வேறு நோக்கங்களாகும்.
ஹிராகுட் திட்டம்:
1. இத்திட்டம் மகாநதியின் மீது 1948 ல் தொடங்கப்பட்டு 1957ல் முடிக்கப்பட்டது. இத்திட்டத்திற்காக ஒதுக்கப்பட்ட தொகை ரூ 83 கோடியாகும்.
2. இத்திட்டத்தின் கீழ் மகாநதியின் மீது ஒரிசாவில் ஒரு நீண்ட அணை கட்டப்பட்டது. அது 4.8 கி.மீ நீளமும், 61 மீட்டர் உயரமும் உடையது. இந்த அணைக்கட்டுதான் உலகின் மிக நீண்ட அணைக்கட்டு ஆகும்.
3. இந்த அணை சுமார் 810 கோடி கியூபிக் மீட்டர் நீரைத் தேக்கிவைக்கும் திறன் கொண்டது. இத்திட்டத்தின் கீழ் 9 மின்நிலையங்கள் கட்டப்பட்டு 347.5 மெகாவாட் நீர்மின்சக்தி உற்பத்தி செய்யப்படுகிறது.
4. வெள்ளத் தடுப்பு, ஒரிசாவின் இயற்கை வள பாதுகாப்பு, நீர்ப்பாசனம் மற்றும் நீர்மின் உற்பத்தியை நோக்கமாகக் கொண்டது இத்திட்டமாகும்.
5. இத்திட்டத்தின் மூலம் 52,609 சதுரகிலோமீட்டர் பரப்பளவு நிலம் நீர்ப்பாசன வசதி பெறுகிறது.
பக்ரா நங்கல் திட்டம்:
1. பக்ராநங்கல் இந்தியாவின் மிகப்பெரிய பல்நோக்குத்திட்டம் ஆகும். சிந்து நதியின் துணையாறாகிய சட்லஜ் ஆற்றின் குறுக்கே பக்ரா என்னும் இடத்தில் ஒரு அணை கட்டப்பட்டுள்ளது.
2. இத்திட்டத்தினால் பஞ்சாப், ஹரியானா, இமாச்சலபிரதேசம், இராஜஸ்தான் ஆகிய மாநிலங்கள் பயன்பெறுகின்றன.
3. பக்ரா நங்கல் திட்டம் உலகின் பெரிய புவி ஈர்ப்பு அணை ஆகும்.
4. பக்ரா அணைக்குக் கீழாக நங்கல் என்னுமிடத்தில் ஒரு அணை கட்டப்பட்டுள்ளது. இதுவும் சட்லஜ் ஆற்றின் மீதே அமைந்துள்ளது.
5. பக்ராவில் 2 மின்சக்தி நிலையங்களும், நங்கலில் 2 மின்சக்தி நிலையங்களும் உள்ளன.
6. பக்ராநங்கல் திட்டத்தினால் 52,609 சதுரகிலோ மீட்டர் பரப்பளவுள்ள விவசாய நிலம் நீர்ப்பாசன வசதி பெறுகிறது.
7. 1500 மெகாவாட் நீர்மின்சக்தி உற்பத்தி செய்யப்படுகிறது.

இந்திய மண் வகைகள்:
1. வண்டல் மண்
2. கரிசல் மண்
3. செம்மண்
4. சரளை மண்
5. காடு மற்றும் மலைமண்
6. வறண்ட பாலை மண்
7. உப்பு மற்றும் காரமண்
8. களிமண் மற்றும் சதுப்பு நில மண்
வண்டல் மண்:
1. சிற்றோடைகள் மற்றும் ஆறுகளின் வேகம் குறையும் பொழுது படியவைத்தலால் உருவாகும் மண் வண்டல் மண் ஆகும்.
2. வெளிர் நிறம் கொண்ட புதிய வண்டல் காதர் என்றும், அடர் நிறம் கொண்ட பழைய வண்டல் பாங்கர் என்றும் அழைக்கப்படுகிறது.
3. இம்மண் கங்கை மற்றும் பிரம்மபுத்திரா ஆற்றுப்பள்ளத்தாக்குகள், உத்தரப் பிரதேசம், உத்தரகாண்ட் பஞ்சாப், ஹரியானா, மேற்கு வங்காளம் மற்றும் பீகார் மாநிலங்களிலுள்ள சமவெளிப் பகுதிகள் கிழக்கு கடற்கரையில் அமைந்துள்ள ஆற்று முகத்துவாரப்பகுதிகளில் காணப்படுகின்றது.
கரிசல் மண்:
1. தக்காணப் பகுதியிலுள்ள பசால்ட் பாறைகளிலிருந்து உருவானது கரிசல் மண் ஆகும்.
2. இம்மண் டைட்டானியம் மற்றும் இரும்பு தாதுக்களால் கருப்பு நிறமாக உள்ளது.
3. இலை மட்குகள் இம்மண்ணில் குறைவாக உள்ளன. ஈரமாக இருக்கும்போது சேறாகவும், ஈரப்பதத்தை நீண்ட நேரம் தக்கவைத்துக்கொள்ளும் தன்மையும் உடையது.
4. இம்மண், மகாராஷ்டிரா மற்றும் மாளவப் பீடபூமி, கத்தியவார் தீபகற்பம், தெலுங்கானா, ஆந்திரப் பிரதேசத்தில் உள்ள ராயல சீமா மற்றும் கர்நாடகா மாநிலத்தின் வடபகுதி ஆகிய பகுதிகளில் காணப்படுகிறது.
செம்மண்:
1. பழமையான படிக பாறைகளான கிரானைட், நைஸ் போன்ற பாறைகள் சிதைவடைவதால் உருவாகிறது.
2. இரும்பு ஆக்ஸைடு அதிகமாகக் காணப்படுவதால் சிவப்பு நிறமாகக் காணப்படுகிறது.
3. தக்காண பீடபூமியின் கிழக்குப் பகுதி, கேரளா, தமிழ்நாடு, கர்நாடகா, ஜார்கண்ட் மற்றும் சோட்டா நாகபுரி பீடபூமி ஆகிய பகுதிகளில் காணப்படுகிறது.
சரளை மண்:
1. வெப்பம் மற்றும் குளிர் அடுத்தடுத்து நிகழும் போது மண் சுவரல் காரணமாக இம்மண் உருவாகிறது.
2. இரும்பு மற்றும் அலுமினியத்தின் நீரேற்ற ஆக்ஸைடுகளால் உருவானது ஆகும்.
3. உயரமான மலைப்பகுதிகளில் அதிகமாக காணப்படுகிறது. பொதுவாக இது ஈரப்பதத்தை தக்கவைத்துக் கொள்வதில்லை.
4. அசாம் குன்றுகள், கேரளா மற்றும் கர்நாடகாவில் உள்ள மேற்குத் தொடர்ச்சி மலையின் அடிவாரப் பகுதிகள், ஒடிசா மற்றும் கிழக்குத் தொடர்ச்சி மலைகளில் இவ்வகை மண் காணப்படுகிறது.
காடு மற்றும் மலை மண்:
1. பனிமழை, வெப்பநிலை வேறுபாடுகளால் பௌதீகச் சிதைவின் காரணமாக உருவாகிறது. மேலும் காலநிலைக்கு ஏற்ப இடத்திற்கு இடம் மாறுபடுகிறது.
2. இம்மண்ணில் மென்மையான மணல் மற்றும் பாறைத் துகள்கள் கலந்து காணப்படுகிறது.
3. ஜம்மு-காஷ்மீர், இமாச்சலப் பிரதேசம், உத்தரகாண்ட், சிக்கிம், போன்ற மாநிலங்களில் உள்ள ஊசியிலைக்காட்டு பகுதிகள், மேற்குத் தொடர்ச்சி மலைகள் மற்றும் கிழக்குத் தொடர்ச்சி மலைகள் ஆகிய பகுதிகளில் மலைமண் காணப்படுகிறது.
வறண்ட பாலை மண்:
1. வறண்ட கால நிலை, அதிக வெப்பம் காரணமாக ஆவியாதல் அதிகமாக இருப்பதால் மேல்மண் வறண்டு காணப்படுகிறது.
2. வெளிர் நிறம், குறைந்த இலை மக்குசத்து, மற்றும் குறைந்த ஈரப்பதம் உடைய மண் பாலை மண்ணாகும்.
3. இவ்வகை மண் இராஜஸ்தான், குஜராத்தின் வடபகுதி, பஞ்சாப் மாநிலத்தின் தென்பகுதி ஆகிய இடங்களில் காணப்படுகின்றது. .
உப்பு மற்றும் காரமண்:
1. இம்மண் சிதைக்கப்படாத பாறைகள் மற்றும் சிதைவுற்ற கனிமங்களை உடையது.
2. வடிகாலமைப்பு இல்லாமையால் நீர்பிடிப்புக் காரணமாக தீங்கு விளைவிக்கக்கூடிய உப்புகள் மண்ணின் கீழ் அடுக்கிலிருந்து மேற்பரப்பிற்கு கடத்தப்படுகிறது. இதனால் உப்பு மற்றும் காரத்தன்மையுடன் காணப்படுகிறது.
3. ஆந்திரப்பிரதேசம், கர்நாடகம், பீகார், உத்தரப் பிரதேசம், ஹரியானா, பஞ்சாப், இராஜஸ்தான் மற்றும் மகாராஷ்டிரா மாநிலங்களின் வறண்ட பகுதிகளில் இம்மண் காணப்படுகிறது.
களிமண் மற்றும் சதுப்பு நில மண்:
1. அதிக மழையும் அதிக ஈரப்பதமும் கொண்ட பகுதிகளில். இம்மண் காணப்படுகிறது.
2. இம்மண் கருமை நிறம் மற்றும் அதிக காரத்தன்மையுடையது.
3. கேரளாவில் கோட்டயம் மற்றும் ஆலப்புழை மாவட்டங்கள், ஒடிசா, தமிழ்நாடு கடற்கரைப் பகுதிகள், மேற்கு வங்காளத்திலுள்ள சுந்தரவனப் பகுதிகள், பீகார், உத்தரகாண்ட் மாநிலத்தின் பல மாவட்டங்கள் ஆகியன இம்மண் காணப்படும் பகுதிகளாகும்.