அலுமினியம் பாக்சைட் தாதுவிலிருந்து பெறப்படுகிறது. இத்தாது நீரேற்ற அலுமினிய ஆக்சைட் உள்ள பாறைகளில் காணப்படுகிறது. குறைந்த எடை மற்றும் கடினத்தன்மைக் கொண்ட பண்புகளால் அலுமினியமானது விமானக் கட்டுமானங்களிலும் தானியங்கி இயந்திரங்களிலும் அதிகம் பயன்படுத்தப்படுகிறது.

மேற்குக் கடற்கரையிலுள்ள எண்ணெய் வயல்கள்:
1. பாசின் எண்ணெய் வயல்
2. மும்பை ஹை
3. குஜராத் கடற்கரை
4. அங்கலேஸ்வர்
5. காம்பே-லூனி பகுதிகள்
6. அகமதாபாத் - கலோல் பகுதி
கிழக்குக் கடற்கரையிலுள்ள எண்ணெய் வயல்கள்:
1. பிரம்மபுத்திரா பள்ளத்தாக்கு (அசாம்)
2. திக்பாய்
3. நாகர்காட்டியா
4. மோரான் ஹக்ரிஜன்
5. ருத்ரசாகர் - லாவா
6. சர்மா பள்ளத்தாக்கு
7. அந்தமான், நிகோபாரின் உட்பகுதிகள்
8. மன்னார் வளைகுடா
9. பலேஷ்வர் கடற்கரை

1. இயற்கை எரிவாயு என்பது ஆயிரக்கணக்கான ஆண்டுகளுக்கு முன் அழிந்து புதையுண்ட தாவரங்கள் மற்றும் விலங்கினங்கள் அதிக வெப்பம் மற்றும் அழுத்தம் காரணமாக மக்குவதன் மூலம் உண்டாகக்கூடிய ஒரு வாயு ஆகும்.
2. இயற்கை எரிவாயு பொதுவாக பெட்ரோலிய பகுதிகளுடன் இணைந்து காணப்படுகிறது.
3. இது வெப்பப்படுத்தலுக்கும், சமையலுக்கும் மின் உற்பத்திக்கும் வாகனங்களுக்கு எரிபொருளாகவும் விளங்குகிறது

கனிமங்கள்
ஒரு குறிப்பிட்ட வேதியியல் மற்றும் இயற்பியல் பண்புகளைக் கொண்ட உயிருள்ள மற்றும் உயிரற்ற இயற்கை மூலங்கள் கனிமங்கள் ஆகும். இவை புவியிலிருந்து அகழ்ந்தெடுக்கப்படுகிறது.
வகைகள்
வேதியியல் மற்றும் இயற்பியல் பண்புகளின் அடிப்படையில் கனிமங்கள் இரண்டு பிரிவுகளாக வகைப்படுத்தப்படுகின்றன. அவை,
i. உலோகக் கனிமங்கள்
ii. அலோகக் கனிமங்கள்

இயற்கையிலிருந்து பெறப்பட்டு உயிரினங்களால் பயன்படுத்தப்படும் அனைத்து வளங்களும் "இயற்கை வளம்" என்று அழைக்கப்படுகிறது.
வகைகள்:
1. புதுப்பிக்கக் கூடிய வளங்கள்
2. புதுப்பிக்க இயலா வளங்கள்

இந்தியாவின் எஃகு தொழிலகங்கள்:
1. இரும்பு எஃகு தொழிற்சாலைகள் இதன் உற்பத்தி பொருள்களை மற்ற தொழிலகங்களுக்கு தேவையான மூலப்பொருளாக அளிப்பதனால் இது அடிப்படையான உலோகத் தொழிற்சாலை என அழைக்கப்படுகிறது.
2. பொறியியல் கனரக இயந்திரங்கள், எந்திரக் கருவிகள், வாகனங்கள், ரயில் என்ஜின்கள் மற்றும் ரயில்வே உபகரணங்கள் தயாரிக்கும் தொழிற்சாலைகள் இரும்பை மூலப்பொருள்களாகப் பயன்படுத்துகின்றன.
3. ஒரு நாட்டின் தொழில் வளர்ச்சி இரும்பு எஃகு உற்பத்தியின் அளவைக் கொண்டு தீர்மானிக்கப்படுகிறது.
4. டாடா இரும்பு எஃகு தொழிற்சாலை 1907 ஆம் ஆண்டு 'சாக்சி' என்றழைக்கப்பட்ட ஜாம்ஷெட்பூரில் தொடங்கப்பட்ட முதல் நவீன தொழிற்சாலையாகும்.
5. இரும்பு எஃகு ஆலைகள் ஜார்கண்ட், மேற்கு வங்காளம், ஒடிசா ஆகிய மாநிலங்களில் செறிந்து காணப்படுகின்றன.
6. ஜாரியா, ராணிகஞ்ச், பொகாரோ, கரன்புரா ஆகிய நிலக்கரி வயல்களும் மற்றும் மயூர்பஞ்ச், கியோன்சர், புரேனா ஆகிய இரும்புதாது சுரங்கங்களும் ஒன்றுக்கொன்று அருகாமையில் அமைந்திருப்பது இதன் செறிவிற்குக் காரணமாகும்.
7. மேலும் இத்தொழிற்சாலைக்குத் தேவையான டோலமைட், மாங்கனீசு மற்றும் சிலிகான் போன்ற தாது படிவுகள் போதுமான அளவில் கிடைக்கின்றன.
8. இந்தியாவில் 10 பெரிய இரும்பு எஃகுத் தொழிலகங்கள் அமைந்துள்ளன.
9. டாட்டா இரும்பு எஃகு ஆலை, இந்தியா எஃகு நிறுவனம், இந்துஸ்தான் எஃகு நிறுவனங்கள், விஸ்வேஷ்வரையா இரும்பு எஃகு நிறுவனம் மற்றும் சேலம் எஃகு ஆலை ஆகியவை முக்கியமான இரும்பு எஃகுத் தொழிலகங்கள் ஆகும்.

இந்திய பருத்தி நெசவாலைகள்:
1. பருத்தி நெசவாலைகள் நம் நாட்டின் அதிக வேலை வாய்ப்பை அளிக்கும் ஆதாரங்களில் ஒன்றாக உள்ளது.
2. தற்போது இந்தியா, பருத்தி உற்பத்தியில் உலகின் மூன்றாவது பெரிய நாடாகவும் தறிகளிலும், நூற்பு கருவிகளின் எண்ணிக்கையிலும் முதன்மையான நாடாகவும் உள்ளது.
3. தற்போது பருத்தி நெசவாலைகள் இந்தியாவின் மிகப்பெரிய நவீன தொழிலகப் பிரிவாக உள்ளது.
பருத்தி நெசவாலைகளின் பரவல்:
1. மகாராஷ்டிரம், குஜராத், மேற்கு வங்காளம், உத்திரப்பிரதேசம் மற்றும் தமிழ்நாடு ஆகிய மாநிலங்களில் பருத்தி நெசவாலைகள் செறிந்து காணப்படுகின்றன.
2. தமிழ்நாட்டில் கோயம்புத்தூர், ஈரோடு, திருப்பூர், கரூர், சென்னை, திருநெல்வேலி, மதுரை, தூத்துக்குடி, சேலம், மற்றும் விருதுநகர் ஆகியன முக்கிய நெசவாலை நகரங்களாகும்.
மும்பை-இந்தியாவின் மான்செஸ்டர்:
1. மும்பை மற்றும் அதன் புறநகர் பகுதிகளில் பருத்தி நெசவாலைகள் செறிந்து காணப்படுவதால் மும்பை, இந்தியாவின் மான்செஸ்டர் என்று அழைக்கப்படுகிறது.
2. இதற்குக் காரணம் மகாராஷ்டிரா மாநிலத்தில் காணப்படும் கரிசல் மண், ஈரப்பதக்கால நிலை, மும்பைத் துறைமுகம், எளிதில் கிடைக்கும் நீர்மின்சக்தி, சந்தை வசதி மற்றும் சிறந்த போக்குவரத்து வசதி ஆகியனவாகும்.
கோயம்புத்தூர்-தென்னிந்தியாவின் மான்செஸ்டர்
1. தமிழ்நாட்டிலுள்ள கோயம்புத்தூரில் அதிக எண்ணிக்கையிலான பருத்தி நெசவாலைகள் உள்ளன.
2. இதனால் கோயம்புத்தூர் தென்னிந்தியாவின் மான்செஸ்டர் என அழைக்கப்படுகிறது.

1. மின் பற்றாக்குறை மற்றும் சீரற்ற மின் விநியோகம்.
2. தொழிலகங்கள் நிறுவுவதற்கேற்ற பரந்த நிலப்பரப்பு இல்லாமை
3. கடன் பெறுவதிலுள்ள நடைமுறை சிக்கல்கள்
4. கடனுக்கான அதிக வட்டி விகிதம்
5. மலிவான ஊதியத்திற்கு வேலையாட்கள் கிடைக்காமை
6. ஊழியர்களுக்கான தொழில்நுட்ப மற்றும் தொழிற்முறை பயிற்சிகள் இல்லாமை
7. தொழில்பேட்டைகளுக்கருகில் வசிப்பதற்கு ஏற்ற சூழல் இல்லாமை