இந்தியாவில் GDP யின் துறை வாரியான 2017-18 ன் பங்களிப்பு:
1. விவசாயம் (முதன்மைத் துறை) = 17.09%
2. தொழில்கள் (இரண்டாம் துறை) = 29.03%
3. பணிகள் (மூன்றாம் துறை) = 52.08%

முதன்மைத்துறை (விவசாயத் துறை)	இரண்டாம் துறை (தொழில்)	மூன்றாம் துறை (பணிகள்)
கால்நடை பண்ணைகள்	இரும்பு எஃகு தொழில்	அரசு
மீன் பிடித்தல்	ஜவுளித் தொழில்	அறிவியல் ஆராய்ச்சி
சுரங்கங்கள்	சணல்	போக்குவரத்து
காடுகள் வளர்த்தல்	சர்க்கரை	தகவல் தொடர்பு
	சிமெண்ட்	வர்த்தகம்
	காகிதம்	தபால் மற்றும் தந்தி
	பெட்ரோலியம்	வங்கி
	ஆட்டோமொபைல்ஸ்	கல்வி
	சிறு தொழில்கள்	பொழுதுபோக்கு
		சுகாதாரம்
		தகவல் தொழில் நுட்பம்

1. மதிப்புக் கூட்டு முறையில், ஒவ்வொரு இடைநிலைப் பண்டத்தின் மதிப்பைக் கூட்டினால், இறுதிப் பண்டத்தின் மதிப்பை அடையலாம்.
2. உற்பத்தியில் பயன்படுத்தப்பட்ட அனைத்து இடைநிலைப் பண்டங்களின் மதிப்பைச் சேர்க்கும் பொழுது, பொருளாதாரத்தில் உற்பத்தி செய்யப்பட்ட இறுதிப் பண்டங்களின் மொத்த மதிப்பு கிடைக்கிறது.
எடுத்துக்காட்டு : டீ தூள் + பால் + சர்க்கரை / இடைநிலைப் பண்டங்களின் மதிப்பு = தேநீர்/இறுதிப்பண்டத்தின் மதிப்பு

GDP யின் முக்கியத்துவம்:
1. பொருளாதார வளர்ச்சி பற்றிய ஆய்வு பற்றி அறிந்து கொள்ளப் பயன்படுகிறது.
2. பணவீக்கம் மற்றும் பணவாட்டத்தின் சிக்கல்கள் பற்றி அறிய உதவுகிறது.
3. உலகின் வளர்ந்த நாடுகளுடன் ஒப்பீடு செய்வதற்குப் பயன்படுகிறது.
4. வாங்கும் திறன் மதிப்பீடு செய்வதற்கு உதவுகிறது.
5. பொதுத்துறை பற்றி அனைவரும் தெரிந்துகொள்ள பயன்படுகிறது.
6. பொருளாதாரத் திட்டமிட வழிகாட்டியாகவும் பயன்படுகிறது.

        நாட்டு வருமானம் என்பது ஒரு நாட்டில் ஓர் ஆண்டில் உற்பத்தி செய்யப்பட்ட பண்டங்கள் மற்றும் பணிகளின் மொத்த மதிப்பாகும்.

வளர்ச்சிப் பாதையில் GDP:
1. இந்தியா தன் வளர்ச்சி பாதையில் முதலாவதாக நெருக்கமான வர்த்தகக் கொள்கையை எடுத்துக் கொண்டது.
2. இது உள்நாட்டுத் தொழில்களுக்கு ஒரு உந்துதலை ஏற்படுத்தியது.
3. இது வெளிநாட்டு பொருட்களையும், நிறுவனங்களையும் சார்ந்திருத்தலைக் குறைக்கும் நிலைமையையும் ஏற்படுத்தியது.
4. இந்தியாவில் கடந்த இரண்டு சகாப்தங்களாக GDP யின் நிலையான அதிக வளர்ச்சியால் தனிநபர் வருமானம் அதிகரித்ததும், முழு வறுமை குறைந்தும் காணப்படுகின்றன.
5. 12 ஆண்டுகளின் தனிநபர் வருமானம் இரண்டு மடங்காக உயர்ந்துள்ளது. இந்தியா தனிநபர் வருமானத்தில் நடுத்தர வருவாய் நாடுகளின் பிரிவில் இடம் பிடித்துள்ளது.
வேலைவாய்ப்பு:
1. ஐந்தாண்டுத் திட்டத்தின் கீழ் வேலைவாய்ப்பு உருவாக்கத்திற்கு ஒரு உந்துதல் வழங்கப்பட்டது.
2. வறுமை ஒழிப்பு மற்றும் கிராமப்புற வளர்ச்சி இந்திய வளர்ச்சிப் பாதையின் ஒரு பகுதியாகும்.
3. பொதுத்துறைக்கு குறிப்பிடத்தக்க முக்கியத்துவம் கொடுக்கப்பட்டது.
4. தனியார் நிறுவனங்கள் மற்றும் தொழிற்சாலைகள் கடுமையான ஒழுங்கு முறை மற்றும் தரநிலைக்கு உட்பட்டவை ஆயின.
5. அரசாங்கமானது மக்களின் ஒரே பாதுகாப்பாளராகவும் சமூக நலத்திற்காகயும் செயல்படும் என்றும் நம்பப்படுகிறது.
6. தற்போது 12 ஆண்டுகளில் தனிநபர் வருமானம் இரண்டு மடங்காக உயர்ந்துள்ளது.
7. மற்ற பிற நாடுகளை விட, இந்தியா வெவ்வேறான வளர்ச்சிப் பாதையைப் பின்பற்றுகிறது.
8. இந்தியா வேளாண்மையிலிருந்து மிக விரைவில் பணிகளுக்கு மாறியது.

GDP ஐ கணக்கிடும் முறைகள்
1. செலவின முறை.
2. வருமான முறை.
3. மதிப்புக் கூட்டு முறை.
செலவின முறை:
இந்த முறையில் மொத்த உள்நாட்டு உற்பத்தியை ஒரு குறிப்பிட்ட காலத்தில் ஒரு நாட்டில் உற்பத்தி செய்த அனைத்து இறுதிப்பண்ட பணிகளுக்கு மேற்கொள்ளும் செலவுகளின் கூட்டுத் தொகையே ஆகும்.
Y=C+I+G+(X-M)
வருமான முறை:
பண்டங்கள் மற்றும் பணிகளை உற்பத்தி செய்வதில் ஈடுபட்டுள்ள ஆண்கள் மற்றும் பெண்களின் வருமானத்தைக் கணக்கிட்டு மொத்த உள்நாட்டு உற்பத்தியை இந்த முறை கூறுகிறது. வருமான முறையில் GDPஐ கணக்கிடும் முறை
வருமானம் = கூலி + வாடகை + வட்டி + லாபம்
மதிப்புக் கூட்டு முறை:
மதிப்புக் கூட்டு முறையில், ஒவ்வொரு இடைநிலை பண்டத்தின் மதிப்பை கூட்டினால் இறுதிப் பண்டத்தின் மதிப்பை அடையலாம்.
உற்பத்தியில் பயன்படுத்தப்பட்ட அனைத்து இடைநிலை பண்டங்களின் மதிப்பை சேர்க்கும் பொழுது, பொருளாதாரத்தில் உற்பத்தி செய்யப்பட்ட இறுதிப் பண்டங்களின் மொத்த மதிப்பு கிடைக்கிறது.
மதிப்புக் கூட்டு முறை:
டீ தூள் + பால் + சர்க்கரை = தேநீர்
இடைநிலை பண்டங்களின் மொத்த மதிப்பு = இறுதிப் பண்டம்.

நாட்டு வருமானத்தைக் கணக்கிடும் கருத்துக்கள்:
1. மொத்த நாட்டு உற்பத்தி (GNI)
2. மொத்த உள்நாட்டு உற்பத்தி (GDP)
3. நிகர நாட்டு உற்பத்தி (NNP)
4. நிகர உள்நாட்டு உற்பத்தி (NDP)
5. தலா வருமானம் (PCT)
6. தனிப்பட்ட வருமானம் (PI)
7. செலவிடத்தகுதியான வருமானம் (DI)
மொத்த நாட்டு உற்பத்தி (GNP):
1. மொத்த நாட்டு உற்பத்தி என்பது அந்நாட்டு மக்களால் ஒரு வருடத்தில் (ஈட்டிய வருமானம்) உற்பத்தி செய்யப்பட்ட வெளியீடுகளின் (பண்டங்கள் + பணிகள்) மதிப்பைக் குறிக்கும்.
2. வெளிநாட்டு முதலீடு மூலம் ஈட்டிய இலாபமும் இதில் அடங்கும்.
மொத்த உள்நாட்டு உற்பத்தி (GDP)
ஒரு ஆண்டில் நாட்டின் புவியியல் எல்லைக்குள் உள்ள உற்பத்திக் காரணிகளினால் உற்பத்தி செய்யப்பட்ட வெளியீடுகளின் (பண்டங்கள் + பணிகள்) மொத்த மதிப்பே உள்நாட்டு உற்பத்தியாகும்.
நிகர நாட்டு உற்பத்தி (NNP):
மொத்த நாட்டு உற்பத்தியிலிருந்து மூலதன தேய்மானத்தின் மதிப்பை நீக்கியபின் கிடைக்கும் பண மதிப்பு நிகர நாட்டு உற்பத்தியாகும்.
நிகர நாட்டு உற்பத்தி (NNP) = மொத்த நாட்டு உற்பத்தி (GNP) - தேய்மானம்.
நிகர உள்நாட்டு உற்பத்தி (NDP):
நிகர உள்நாட்டு உற்பத்தி என்பது மொத்த உள்நாட்டு உற்பத்தியின் ஒரு பகுதியாகும். மொத்த உள்நாட்டு உற்பத்தியிலிருந்து தேய்மானத்தைக் (தேய்மான செலவின் அளவு) கழித்தபின் கிடைப்பது நிகர உள்நாட்டு உற்பத்தியாகும்.
நிகர உள்நாட்டு உற்பத்தி (NDI) = மொத்த உள்நாட்டு உற்பத்தி (GDI) - தேய்மானம்.
தலா வருமானம் அல்லது தனிநபர் வருமானம் (CI)
தலா வருமானம் என்பது மக்களின் வாழ்க்கைத் தரத்தை உணர்த்தும் ஒரு கருவியாகும்.
நாட்டு வருமானத்தை மக்கள் தொகையால் வகுப்பதன் மூலம் தலா வருமானம் பெறப்படுகிறது.
தலா வருமானம் = நாட்டு வருமானம்/மக்கள் தொகை
தனிப்பட்ட வருமானம் (PI):
நேர்முக வரிவிதிப்பிற்கு முன் தனி நபர்கள் மற்றும் ஒரு நாட்டின் குடும்பங்களின் மூலம் அனைத்து ஆதாரங்களிலிருந்தும் பெறப்படுகின்ற மொத்த பண வருமானத்தைத் தனிப்பட்ட வருமானம் என்கிறோம்.
செலவிடத் தகுதியான வருமானம் (DI):
தனி நபர்கள் மற்றும் குடும்பங்களின் உண்மையான வருமானத்தில் நுகர்வுக்கு செலவிடப்படுகின்ற வருமானத்தை செலவிட தகுதியான வருமானம் என்கிறோம்.