அணிசேரா இயக்கம் என்பது நாடுகளிடையே அமைதி மட்டும் முன்னேற்றத்திற்கான பரஸ்பர உதவிக்கானதாகும்.

1. நுகர்வோர் பொருட்கள்:
இறுதி நுகர்விற்காக வைத்திருக்கும் பொருட்கள் நுகர்வோர் பொருட்கள் எனப்படும்.
2. மூலதன பொருட்கள்:
இப்பொருளை மற்றொரு உற்பத்தியில் பயன்படுத்தினால் அது மூலதன பொருட்கள் எனப்படும்.

1. ஆனை மலை
2. நீலகிரி மலை
3. வருசநாடு மலை
4. ஆண்டிப்பட்டிமலை
5. பழனி மலை
6. பொதிகை மலை
7. ஏலக்காய் மலை

1. பிரேசில் - B
2. ரஷ்யா - R
3. இந்தியா - I
4. சீனா - C
5. தென்னாப்பிரிக்கா - S

(i) தேசியக் கல்வியை முன்னெடுக்கும் பொருட்டு ஒரு குருகுலமானது V.V. சுப்ரமணியரால் சேரன்மாதேவியில் நிறுவப்பெற்றது. இது காங்கிரசிடமிருந்து நிதியினைப் பெற்றது.
(ii) இருந்தபோதிலும் சாதியின் அடிப்படையில் மாணவர்கள் பாடுபடுத்தப்பட்டனர். பிராமண மாணவர்களுக்கும் பிராமணர் அல்லாத மாணவர்களுக்கும் தனித்தனியே உணவு பரிமாறப்பட்டது. உணவிலும் வேறுபாடுகள் இருந்தன.
(iii) இது ஈ.வெ.ரா. வின் கவனத்திற்கு கொண்டு வரப்பட்டது, அவர் மற்றொரு தலைவரான P.வரதராஜுலுவுடன் இணைந்து இப்பழக்கத்தைக் கேள்விக் குள்ளாக்கி கடுமையாக விமர்சித்தார்.

1. இசுலாமிய மதத்தலைவர் என உலகம் முழுவதும் போற்றப்பட்ட துருக்கியின் கலிபா கடுமையாக நடத்தப்பட்டார்.
2. அவருக்கு ஆதரவாக தோற்றுவிக்கப்பட்ட இயக்கமே கிலாபத் இயக்கம் என்று அழைக்கப்பட்டது.
3. மௌலானா முகமது அலி மற்றும் மௌலானா சௌகத் அலி எனும் அலி சகோதரர்கள் தலைமையில் இவ்வியக்கம் நடந்தது.
4. இந்த இயக்கத்துக்கு ஆதரவளித்த காந்தியடிகள், இந்த இயக்கத்தை இந்து முஸ்லிம்களை இணைக்க ஒரு வாய்ப்பாகக் கருதினார்.

(i) 1907 இல் ஆல்காட்டின் மறைவுக்குப் பின்னர் இவ்வமைப்பின் தலைவராக அன்னிபெசண்ட் (1847 - 1933) தேர்ந்தெடுக்கப்பட்டதைத் தொடர்ந்து, இவ்வியக்கம் மேலும் செல்வாக்குப் பெற்றது.
(ii) இந்திய தேசிய அரசியலில் முக்கியத்துவம் பெற்ற  அவர் தன்னாட்சி இயக்கச் சங்கத்தை அமைத்து அயர்லாந்திற்கு வழங்கப்பட்டதைப் போல இந்தியாவிற்கும் தன்னாட்சி வழங்கப்பட வேண்டுமென்று கோரிக்கை வைத்தார்.
(iii) அன்னிபெசன்ட் பிரம்மஞானக் கருத்துக்களை தன்னுடைய நியூ இந்தியா, காமன்வீல் எனும் செய்தித்தாள்களில் மூலம் பரப்பினார்.

(i) 1912 இல் நிறுவப்பட்ட ஆப்ரிக்க தேசிய காங்கிரஸ் கட்சி (ANC) இனவாதம் நடைமுறைப்படுத்தப்படுவதை எதிர்த்தது. இருந்த போதிலும் ஆப்பிரிக்க தேசிய காங்கிரஸின் தலைவர்களுக்கு எதிராக வன்முறை கட்டவிழ்த்து விடப்பட்டது
(ii) நெல்சன் மண்டேலா அரசியல் வானில் பிரகாசிக்கத் தொடங்கி பொது மக்களின் பேராதரவைப் பெற்றபோது ஆப்பிரிக்க தேசிய காங்கிரஸ் கட்சி தடை செய்யப்பட்டு நெல்சன் மண்டேலா சிறை வைக்கப்பட்டார்.
(iii) உலக அளவிலான எதிர்ப்பலைகள் தென் ஆப்பிரிக்காவில் இனவாத ஆட்சியை முடிவுக்கு கொண்டுவர உதவியது. 1990 இல் ஆப்பிரிக்க தேசிய காங்கிரஸ் மீதான தடை விலக்கிக்கொள்ளப்பட்டு மண்டேலா 27 ஆண்டுகளுக்குப் பின் விடுதலை செய்யப்பட்டார்
(iv) இதனைத் தொடர்ந்து நடைபெற்ற தேர்தலில் ஆப்பிரிக்க மக்களுக்கு வாக்குரிமை வழங்கப்பட்டது. தேர்தலில் ஆப்பிரிக்க தேசிய காங்கிரஸ் வெற்றி பெற்று மண்டேலா தென்னாப்பிரிக்காவின் முதல் கறுப்பின குடியரசுத் தலைவரானார்

சட்டத்திற்கு புறம்பாக தடுத்து வைத்திருக்கும் ஒருவரை நீதிமன்றத்தில் முன்னிலைப்படுத்த ஆட்கொணர் பேராணை வெளியிடப்படுகிறது. இது சட்டத்திற்கு புறம்பாக கைது செய்யப்பட்டு மறைத்து வைத்தலை தடுக்கிறது.

இந்திய உச்ச நீதிமன்ற தலைமை நீதிபதியை குடியரசுத் தலைவர் நியமிக்கிறார், மற்ற நீதிபதிகளை தலைமை நீதிபதியை தலைவராகக் கொண்ட மூத்த நீதிபதிகள் குழு (Collegium) இன் ஆலோசனையுடன் குடியரசுத் தலைவர் நியமிக்கிறார்.

(i) அறிவுசார் சொத்துரிமை தொடர்பான வர்த்தக உரிமைகள் (TRIPs-Trade Related Aspects of Intellectual Property Rights) :
அறிவுசார் பண்டங்களின் உரிமைகள் என்பது ஒரு வணிக மதிப்புடன் கூடிய தகவல் என வரையறுக்கலாம். TRIPs ன் கீழ் பண்டங்கள் அல்லது செயல்முறைகள் அனைத்து துறைகளின் தொழில்நுட்பங்களில் எந்தவொரு கண்டுபிடிப்புக்கும் காப்புரிமை வழங்குகிறது.
(ii) வர்த்தக தொடர்புடைய முதலீட்டு நடவடிக்கைகள் (TRIMs - Trade Related Investment Measures) :
உள்நாட்டு தொழில்களின் வளர்ச்சிக்காக தேவையான வசதிகளை வழங்குவதற்கு அந்நாட்டில் செய்யப்படும் வெளிநாட்டு முதலீட்டிற்கு சில நிபந்தனைகள் அல்லது கட்டுப்பாடுகளை அரசு விதிக்கும் என்பதையே TRIMs குறிக்கிறது. என உருகுவே சுற்று உடன்படிக்கை கூறுகிறது. 

1. தனிநபர் வருமானம் (தலா வருமானம்) என்பது மக்களின் வாழ்க்கைத் தரத்தை உணர்த்தும் ஒரு கருவியாகும்.
2. நாட்டு வருமானத்தை மக்கள் தொகையால் வகுப்பதன் மூலம் தனிநபர் வருமானம் (தலா வருமானம்) பெறப்படுகிறது.
தனிநபர் வருமானம் (தலா வருமானம்) = நாட்டு வருமானம்/மக்கள் தொகை

அமெரிக்க ஐக்கிய நாட்டின் தலைமையில் கூடிய முதலாளித்துவ நாடுகள் உலக அரங்கில் முதலாம் உலக நாடுகள் என்றும், சோவியத் நாட்டின் தலைமையில் கூடிய பொதுவுடைமை நாடுகள் இரண்டாம் உலக நாடுகள் என்றும் அழைக்கப்பட்டன. இவ்விரு பிரிவிலும் சேராமல் வெளியிலிருந்த நாடுகள் மூன்றாம் உலக நாடுகள் என்று அழைக்கப்பட்டன.

1. சங்கத்திற்கென்று இராணுவம் இல்லை என்பதால் தான் எடுத்த முடிவுகளை அதனால் நடைமுறைப்படுத்த இயலவில்லை.
2. "கூட்டுப்பாதுகாப்பு" எனும் கோட்பாட்டை நடைமுறையில் செயல்படுத்தவே முடியவில்லை.
3. இத்தாலி, ஜப்பான், ஜெர்மனி ஆகிய நாடுகள் சங்கத்தின் ஆணைகளுக்குக் கட்டுப்பட மறுத்தபோது, இங்கிலாந்து, பிரான்ஸ் ஆகிய நாடுகள் மட்டுமே உறுதியாகச் செயல்படும் நிலையிலிருந்தன.

அ) மார்ஷல் திட்டத்தின் துணையால் மேற்கு பெர்லின் பொருளாதாரம் செழித்தோங்கியது
ஆ) (i) கிழக்கு பெர்லினின் பொருளாதார வளர்ச்சியில் ரஷ்யா போதிய அக்கறை கொண்டிருக்கவில்லை
(ii) மேலும் கிழக்கு பெர்லினில் மக்களாட்சியோ சுதந்திரமோ இல்லாததால் மக்களுக்குப் பெரும்சிரமம் ஆக இருந்தது
இ) மேற்கு பெர்லின் ரஷ்யா கிழக்கு ஜெர்மனி மீது எந்த நேரத்திலும் படையெடுப்பார்கள் என்ற அச்சம் காரணமாக கிழக்கு ஜெர்மனி 1961 ல் சுவரை எழுப்பியது 
ஈ) பெர்லின் சுவர் முதலாளித்துவத்திற்கும் பொதுவுடைமைக்கும் இடையே இருந்தப் பிளவை அடையாளப்படுத்தியது

அ) பழமைவாத முஸ்லிம் உலமாக்கள்
ஆ) குரான் மற்றும் ஷரியத்தின் உண்மையான போதனைகளை பரப்பதல் செய்தல், இஸ்லாம் அல்லாத அயல்கூறுகளுக்கு எதிராகப் புனிதப்போர் செய்யும் உணர்வுகளை ஊக்குவித்தல் என்பனவாகும்
இ) முகமது குவாஸிம் நானோதவி (1832 - 1880), ரஷித் அகமத் கங்கோகி (1826 - 1905) ஆகியோரின் தலைமையில் 1866 - ல் உத்திரபிரதேசத்தில் சஹரன்பூரில் ஒரு பள்ளியை நிறுவினார்
ஈ) தியோபந்த் உலோமா, சையத் அகமத்கானுடைய அமைப்புகளான 'தி யுனைடெட் பேட்ரியாடிக் அசோசியேசன்' (The United Patriotic Association). முகமதன் ஆங்கிலோ - ஓரியண்டல் அசோசியேஷன் (The Mohammedan Anglo - Oriental Association) ஆகிய அவற்றிற்கு எதிரான சமய ஆணையைப் பிறப்பித்தது

அ) 1942-ஆம் ஆண்டு ஆகஸ்டு திங்களில் ஜெர்மானியர் ஸ்டாலின் கிரேடைத் தாக்கினர்
ஆ) ஸ்டாலின் கிரேடு ஆயுதங்களையும் டிராக்டர்களையும் உற்பத்தி செய்யும் முக்கிய தொழில் நகரமாகும்
இ) ஜெர்மனியின் போர் திட்டமிடல் வல்லுனர்கள் ஃபால் புளு (Operation Blue) எனும் திட்டத்தின்படி இந்நகரைக் கைப்பற்றி விடலாம் என நம்பின
ஈ) ஜெர்மனி நகரைக் கைப்பற்றிவிட்டால் தெற்கு ரஷ்யாவுடனான சோவியத்தின் போக்குவரத்துத் தொடர்புகள் துண்டிக்கப்பட்டுவிடும். மேலும் சாகஸஸ் பகுதியிலுள்ள எண்ணெய் வயல்களை சென்றடைவதற்கு ஜெர்மன் படைகளுக்கு ஸ்டாலின் கிரேடு வசதியாக இருக்கும்

அ) காலனிய நீக்கம் என்பது காலனியாதிக்க சக்திகள் மீது கொண்டுள்ள நிறுவனம் மற்றும் சட்டம் சார்ந்த கட்டுப்பாடுகளைச் சொந்த தேசிய அரசுகளிடம் வழங்குவதாகும்
ஆ) இந்தோ - சீனாவை உருவாக்கிய மூன்று நாடுகள் கம்போடியா, லாவோஸ் வியட்நாம்
இ) சீனத் தலைநிலப் பகுதியிலிருந்து பரவிய கம்யூனிச சிந்தனைகளும் தாக்கத்தை ஏற்படுத்தியத்திலிருந்து இந்தோ - சீனாவின் கணிசமான செல்வம் காலனியாதிக்க சக்திக்கே பயன்படுவதை பலர் உணர்ந்தனர்
ஈ) இந்தோ - சீனாவில் வியட்நாம் தேசியக் கட்சியே இருந்த அரசியல் கட்சிகளில் முக்கியமானது

வரிவிதிப்புக் கொள்கைகள்:
சமத்துவ விதி:
1. வரி ஒரு கட்டாயக் கட்டணம் என்பதால், வரி முறையை வடிவமைப்பதில் சமத்துவம் என்பது முதன்மை என்பதை அனைத்து பொருளாதார வல்லுநர்களும் ஒப்புக்கொள்கிறார்கள்.
2. சமத்துவ கோட்பாடு கூறுகையில், பணக்காரர்கள் ஏழைகளைவிட அரசாங்கத்திற்கு அதிக வரி வருவாயை செலுத்த வேண்டும். ஏனென்றால் ஏழைகளை விட பணக்காரர்களுக்கு அதிக வரி செலுத்தும் திறன் உள்ளது.
உறுதி விதி:
ஒவ்வொரு வரி செலுத்துவோரும் ஒரு வருடத்தில் எவ்வளவு வரித்தொகையை அரசாங்கத்திற்கு செலுத்த வேண்டும் என்பதைக் கணக்கிட ஒவ்வொரு அரசாங்கமும் வரி முறையை முன் கூட்டியே அறிவிக்க வேண்டும்.
சிக்கன மற்றும் வசதி விதி:
1. இந்த இரண்டு விதிகளும் தொடர்புடையவை. வரி செலுத்துவோர் என்ற வகையில், நமது கணக்குகளைச் செயலாக்குவதற்கும் வரி செலுத்துவதற்கும் ஒரு செலவு செய்யப்படுகிறது.
2. எடுத்துக்காட்டாக கணக்காளர்கள் மற்றும் தணிக்கையாளர்களுக்கு சம்பளம் வழங்குதலாகும்.
உற்பத்தித் திறன் மற்றும் நெகிழ்ச்சி வரி:
1. அரசாங்கம் போதுமான வரி வருவாயைப் பெறக்கூடிய வரிகளை தேர்வு செய்ய வேண்டும். வேறு வார்த்தைகளில் கூறுவதனால், இது நிறைய வரிகளுக்குப் பதிலாக அதிக வரி அதிக வருவாயைப் பெறக் கூடிய சில வரிகளைத் தேர்வு செய்ய வேண்டும்.
2. மேலும் அவை ஒவ்வொன்றும் ஒரு சிறிய வரி வருவாயைப் பெறுகின்றன.
3. இது உற்பத்தித் திறன் வரியாகும்.

1) புவியியல் அமைப்பு, மக்கள் தொகை, திறன் கொண்ட மனித ஆற்றல் மற்றும் நாகரிகத் தொன்மை ஆகியவற்றின் அடிப்படையில் இந்தியாவுடன் ஒப்பிடுவதற்குத் தகுதி வாய்ந்த நாடு சீனா மட்டுமே.
2) உலகில் உள்ள உற்பத்தி மண்டலங்களில் ஒன்றாக இருக்கும் சீனா, இந்தியாவிற்கு மிக முக்கியமான நாடாகும்.
3) இந்தியாவும் சீனாவும் உலக வர்த்தக நிறுவனம், சர்வதேச காலநிலை மாற்றம் குறித்த பேச்சுவார்த்தைகள், உலகவங்கி சீர்திருத்தம் ஆகியவற்றில் ஒத்த கருத்தைக் கொண்டுள்ளன.
4) சீனாவால் துவங்கி வைக்கப்பட்ட ஷாங்காய் ஒத்துழைப்பு கூட்டமைப்பில் (Shanghai Cooperation) இந்தியாவிற்கு பார்வையாளர் தகுதியை வழங்கியுள்ளது. அதேபோன்று சார்க் (SARRC) அமைப்பில் பார்வையாளர் தகுதி சீனாவிற்கு வழங்கப்பட்டது. இருநாடுகளும் பல்வேறு மாறுபட்ட துறைகளில் பேச்சுவார்த்தை நடத்திட வழிகளை ஏற்படுத்தியுள்ளன.
5) இருதரப்பு வணிகம் மகத்தான வளர்ச்சியைக் கண்டுள்ளது. இந்தியாவும் சீனாவும் கல்வி பரிமாற்றத் திட்டத்தில் கையெழுத்திட்டுள்ளன.
6) அதன்படி இரு நாடுகளிலும் அங்கீகரிக்கப்பட்ட கல்வி நிறுவனங்களில் உயர்கல்வி பயில தலா 25 மாணவர்களுக்கு கல்வி உதவித்தொகை வழங்கப்பட்டு வருகிறது.

(i) மோதிலால் நேருவும், சி.ஆர்.தாஸும் 1923 ஜனவரி முதல்நாள் சுயராஜ்யக் கட்சியை தொடங்கினார்கள். இந்தக் கட்சி பின்னர் காங்கிரஸ் கட்சியின் சிறப்பு அமர்வில் அங்கீகரிக்கப்பட்டது.
(ii) ஆங்கிலேய இந்தியாவின் பேரரசு (இம்பீரியல்) சட்டப்பேரவை மற்றும் பல்வேறு மாகாண சட்டப்பேரவைக்கு பெரும் எண்ணிக்கையில் சுயராஜ்யக் கட்சி உறுப்பினர்கள் தேர்ந்தெடுக்கப்பட்டனர்.
(iii) தேசியவாதக் கருத்துக்களை முன்னெடுத்துச் செல்ல அவர்கள் சட்டப் பேரவையை ஒரு மேடையாகப் பயன்படுத்தினார்கள்.
(iv) வங்காளத்தில் அரசுடன் ஒத்துழைக்க விரும்பாததால் இந்தியர்களுக்கு என மாற்றப்பட்ட துறைகளில் பொறுப்பேற்க அவர்கள் மறுத்துவிட்டனர்.
(v) காலனி அரசின் உண்மையான இயல்பை அவர்கள் வெளிக்கொணர்ந்தனர். எனினும் 1925 - இல் அக்கட்சியின் தலைவர் சி.ஆர். தாஸ் மறைந்த பிறகு சுயராஜ்யக் கட்சி வீழ்ச்சி காணத் தொடங்கியது. சுயராஜ்யக் கட்சி உறுப்பினர்கள் சிலர் அரசுப் பதவிகளை ஏற்கக் தொடங்கினர்.
(vi) 1926 இல் சட்டப் பேரவைகளில் இருந்து சுயராஜ்யக் கட்சி விலகிக்கொண்டது.

1. 1857ஆம் ஆண்டு நடந்த கிளர்ச்சி முறையாக ஒருங்கிணைக்கப்படவில்லை. சரியாக திட்டமிடப்படவில்லை. அது தானாக நடந்தது.
2. ஆனால் தில்லி முற்றுகையிடப்பட்ட பிறகு அண்டை மாநிலங்களின் ஆதரவைப் பெற முயற்சி மேற்கொள்ளப்பட்டது.
3. ஒரு சில இந்திய மாநிலங்களைத் தவிர, இந்தக் கிளர்ச்சியில் பங்கேற்க இந்திய இனவரசர்களிடம் பொதுவாக ஆர்வம் குறைந்து காணப்பட்டது.
4. காலனி அரசுக்கு விசுவாசமாக அல்லது ஆங்கிலேய அதிகாரத்தை அறிந்து அச்சப்பட்டு இந்திய அரசர்களும், ஜமீன்தாரர்களும் ஒதுங்கியிருந்தனர்.
5. கிளர்ச்சியில் ஈடுபட்டவர்களும் குறைந்த அளவே ஆயுதங்கள் மற்றும் வெடிபொருட்கள் கிடைத்தும் அல்லது கிடைக்காமலும் இருந்தனர்.
6. ஆங்கில அறிவு பெற்ற நடுத்தர வகுப்பும் கிளர்ச்சிக்கு ஆதரவு தெரிவிக்கவில்லை.
7. மத்திய தலைமை இல்லாததும் கிளர்ச்சி தோல்வியடைய முக்கிய காரணமாக அமைந்தது.
8. ஆங்கிலேய அரசுக்கு எதிராக சண்டையிட்ட பல்வேறு சக்திகளை ஒன்றிணைக்க பொதுவான செயல்திட்டம் ஏதுமில்லாமல் போனது.
9. இந்தியர்களுக்கு போதிய ஆயுதங்கள் கிடைக்கவில்லை.
10. முறையான அமைப்பாற்றல் இல்லை.
11. இந்திய வீரர்களிடையே ஒழுக்கம் இல்லை.
12. உதவியாளர்களாலேயே காட்டிக் கொடுக்கப்பட்டனர்.
13. ஆங்கில இராணுவம் கிளர்ச்சியைக் கடுமையாக ஒடுக்கியது.

கருப்புப் பணம் :
கருப்புப் பணம் என்பது, கருப்பு சந்தையில் ஈட்டப்பட்ட வருமானம் மற்றும் செலுத்தப்படாத வரிப்பணம் ஆகும். 
வரி நிர்வாகியிடமிருந்து மறைக்கப்பட்ட கணக்கிடப்படாத பணமும் "கருப்புப் பணம்" என அழைக்கப்படுகிறது.
கருப்புப் பணத்திற்கான காரணங்கள் :
கருப்பு பணத்திற்கு பல காரணங்கள் அடையாளம் காணப்படுகின்றன. அவை
1. வரியின் அமைப்பு
2. பண்டங்கள் பற்றாக்குறை
3. உரிமம் பெறும் முறை
4. தொழில் துறையின் பங்கு
5.  கடத்தல்

1. தேயிலை, காப்பி இரப்பர், முந்திரி மற்றும் சின்கோனா ஆகியன தமிழ்நாட்டின் முக்கிய தோட்டப் பயிர்களாகும்.
2. தோட்டப்பயிர்கள் தமிழ்நாட்டின் மேற்கு தொடர்ச்சி மலைகள் மற்றும் கிழக்குத் தொடர்ச்சி மலைகளின் சரிவுகளில் பயிரிடப்படுகின்றன.
3. இந்தியாவில் அசாம் மாநிலத்திற்கு அடுத்தபடியாக தமிழ்நாடு தேயிலை பயிரிடும் பரப்பு மற்றும் உற்பத்தியில் இரண்டாமிடம் வகிக்கிறது.
4. நீலகிரி மலைகள் மற்றும் கோயம்புத்தூர் மாவட்டத்தில் உள்ள மலைகளில் தேயிலை தோட்டங்கள் காணப்படுகின்றன.
5. நீலகிரி மலைகள் மற்றும் சேலம் மாவட்டத்தில் உள்ள ஏற்காடு மலைச்சரிவுகளில் காப்பி குறிப்பிடத் தகுந்த அளவில் பயிரிடப்படுகிறது.
6. திண்டுக்கல், மதுரை மற்றும் தேனி மாவட்டங்களிலுள்ள மலைச்சரிவுகளிலும் காப்பி பயிரிடப்படுகின்றது.
7. காப்பி உற்பத்தியில் கர்நாடகா மாநிலத்திற்கு அடுத்து தமிழ்நாடு இரண்டாமிடம் வகிக்கிறது.
8. இரப்பர் தோட்டங்கள் கன்னியாகுமரியில் அதிகமாக காணப்படுகிறது.
9. தமிழ்நாட்டிலுள்ள மேற்கு தொடர்ச்சி மலை மற்றும் கிழக்கு தொடர்ச்சி மலைகளின் சரிவுகளில் மிதவெப்பம் மற்றும் ஈரமான காலநிலை உள்ள பகுதிகளில் மிளகு விளைகின்றது.
10. கடலூர் மாவட்டத்தின் பெரும்பகுதிகளில் முந்திரி பயிரிடப்படுகின்றது.

வங்கப்பிரிவினை:
1. கர்சன் பிரபு 1905ஆம் ஆண்டு வங்கப்பிரிவினையினை நடைமுறைப்படுத்தினார். இது மிகவும் அதிருப்தியினை சம்பாதித்த நிகழ்வாகும்.
2. இந்துக்கள், முஸ்லிம்களிடையே பிளவை உருவாக்கி வங்காளத்தில் ஆங்கிலேய ஆட்சிக்கு எதிராக நடந்த அரசியல் நடவடிக்கைகளை அடக்க வங்கப்பிரிவினை வகுக்கப்பட்டது.
3. வங்காளிகளின் ஆதிக்கத்தை கட்டுப்படுத்தி தேசியவாத இயக்கத்தை வலுவிழக்கச் செய்வதே வங்கப்பிரிவினைக்கான நோக்கம் என்று வெளிப்படையாகத் தெரிவிக்கப்பட்டது.
4. வங்காளத்தைப் பிரித்து இரண்டு நிர்வாகப் பிரிவுகளின் கீழ் வைத்ததன் மூலம் வங்காள மொழி பேசும் மக்களை, ஒரு மொழி சிறுபான்மையினர் என்ற தகுதிக்கு கர்சன் பிரபு குறைத்துவிட்டார்.
5. இந்தியா முழுவதும் விரிவான போராட்டங்கள் பரவ இந்தப் பிரிவினை வழிவகுத்ததன் மூலம் இந்திய தேசிய இயக்கத்துக்கு புதிய அத்தியாயத்தை உருவாக்கியது.
6. மத அடிப்படையில் வங்காள மக்களை பிரிக்கவேண்டிய பிரிவினைச் செயலானது அவர்களைப் பிரிப்பதற்குப் பதிலாக ஒன்றிணைத்தது.
பிரிவினைக்கு எதிரான இயக்கம்:
1. பிரிவினை பற்றி யோசனை கூறப்பட்ட நிலையிலேயே மித தேசியவாதிகள், தீவிர தேசியவாதிகள் ஆகிய இரு பிரிவு தலைவர்கள் குழுக்களும் விமர்சனம் செய்தன.
2. ஆரம்பகாலப் பிரிவினைவாத எதிர்ப்பு பிரச்சாரம் இங்கிலாந்தின் பொதுக்கருத்தை மாற்றும் குறிக்கோளில் மட்டுமே பயன்படுத்தப்பட்டது.
3. அதனால் வேண்டுகோள்கள், செய்திப்பிரச்சாரங்கள், மனுக்கள், பொதுக்கூட்டங்கள் ஆகியவற்றின் மூலமாக பிரிவினைக்கு எதிராக அவர்கள் போராட்டம் நடத்தினார்கள்.
4. விரிவான ஆர்ப்பாட்டங்கள் நடந்தபோதிலும் 1905ஆம் ஆண்டு ஜூலை 19ஆம் நாள் வங்கப்பிரிவினை அறிவிக்கப்பட்டது.
5. வங்கப் பிரிவினையை தடுக்கத்தவறிய மித தேசியவாதத் தலைவர்கள், புதிய யுக்தியாக அந்நியப் பொருட்களை புறக்கணிக்கும் நோக்கத்தோடு சுதேசி இயக்கத்தைத் தொடங்கினர்.
6. முழுமையான மறைமுக எதிர்ப்பைத் துவங்குவதற்கு பிரச்சாரத்தைப் பயன்படுத்த மித தேசியவாதிகள் ஆதரவாக இல்லை.
7. மற்றொரு புறம் தீவிர தேசியவாதிகள் வங்காளத்தை தாண்டி இந்த இயக்கத்தை விரிவு செய்வதற்கு மிகப்பெரிய அளவில் பொதுமக்கள் போராட்டத்தை துவங்க ஆதரவாக இருந்தனர்.
8. 1905 அக்டோபர் 16இல் வங்காளம் அதிகாரபூர்வமாகப் பிரிவினையானபோது அந்த நாள் துக்க நாளாக அறிவிக்கப்பட்டது.
9. ஆயிரக்கணக்கானவர்கள் கங்கை நதியில் புனித நீராடியதோடு வந்தே மாதரம் பாடலை பாடியபடி கல்கத்தாவின் சாலைகளில் அணிவகுத்துச் சென்றார்கள். வங்காளத்தில் புறக்கணிப்பும் சுதேசி இயக்கமும் எப்பொழுதும் ஒன்றுடன் ஒன்று இணைந்தே இருந்தன.

இந்திய தொழிலகங்கள் பல சவால்களை எதிர்கொண்டுள்ளன. அவற்றில் சில முக்கிய பிரச்சனைகள்.
1. மின் பற்றாக்குறை மற்றும் சீரற்ற மின் வினியோகம்.
2. தொழிலகங்கள் நிறுவுவதற்கேற்ற பரந்த நிலப்பரப்பு இல்லாமை.
3. கடன் பெறுவதிலுள்ள நடைமுறை சிக்கல்கள்
4. கடனுக்கான அதிக வட்டி விகிதம்
5. மலிவான ஊதியத்திற்கு வேலையாட்கள் கிடைக்காமை.
6. ஊழியர்களுக்கான தொழில்நுட்ப மற்றும் தொழில்முறை பயிற்சிகள் இல்லாமை.
7. தொழிற்பேட்டைகளுக்கருகில் வசிப்பதற்கு ஏற்ற சூழல் இல்லாமை.

அட்சப் பரவல் கடலிலிருந்து அமைந்துள்ள தொலைவு, கடல் மட்டத்திலிருந்து உயரம் பருவக்காற்று, நிலத்தோற்றம், ஜெட்காற்றுகள் போன்றவை இந்திய காலநிலையை பாதிக்கும் காரணிகளாகும்.
அட்சங்கள்:
1) இந்தியா 8^o4' வட அட்சம் முதல் 37^o6' வட அட்சம் வரை அமைந்துள்ளது. 23o 30' வட அட்சமான கடகரேகை நாட்டை இரு சமபாகங்களாக பிரிக்கிறது.
2) கடகரேகைக்கு தெற்கே அமைந்துள்ள பகுதிகளில் ஆண்டு முழுவதும் அதிக வெப்பமும் மிக குளிரற்ற சூழலும் நிலவுகிறது.
3) கடகரேகைக்கு வடக்கே உள்ள பகுதிகள் மித வெப்ப காலநிலையைக் கொண்டுள்ளது. கோடைக் காலத்தில் இப்பகுதியின் வெப்பம் 40oCக்கு மேலாகவும் குளிர் காலத்தில் வெப்பநிலை உறைநிலையை ஒட்டியும் உள்ளன.
உயரம்:
1) புவிப்பரப்பிலிருந்து உயரே செல்ல செல்ல வளிமண்டலத்தில் ஒவ்வொரு 1000 மீட்டர் உயரத்திற்கு 6.5^oC என்ற அளவில் வெப்பநிலை குறைகிறது. இதற்கு இயல்பு வெப்ப வீழ்ச்சி என்று பெயர்.
2) எனவே சமவெளிப் பகுதிகளைக் காட்டிலும் மலைப்பகுதிகள் குளிராக இருக்கும்.
3) உதகை தென்னிந்தியாவின் இதர மழை வாழிடங்கள் மற்றும் இமயமலையில் அமைந்துள்ள முசௌரி, சிம்லா போன்ற பகுதிகள் சமவெளிகளைவிட மிகவும் குளிராக உள்ளது.

GDP யில் பல முக்கிய பண்டங்கள் மற்றும் பணிகள் சேர்க்கப்படவில்லை :
(i) சந்தையில் விற்கப்படும் பண்டங்கள் மற்றும் பணிகளின் மதிப்பு மட்டுமே மொத்த உள்நாட்டு உற்பத்தியில் அடங்கும்.
(ii) பெற்றோர்கள் அவர்களுடைய குழந்தைகளுக்கு செய்யும் பணிகள்/சேவைகள் மிக முக்கியமானது.
(iii) ஆனால் அதை மொத்த உள்நாட்டு உற்பத்தியில் சேர்க்கப்படுவதில்லை. ஏனெனில் அது சந்தையில் விற்பனை செய்யப்படவில்லை.
(iv) இது போலவே சுத்தமான காற்று ஆரோக்கியமான வாழ்க்கைக்கு முக்கியமானது. இதற்கு சந்தை மதிப்பு இல்லை.
(v) ஆகவே இவை மொத்த உள்நாட்டு உற்பத்தியின் வரம்புக்கு வருவதில்லை.
GDP அளவை மட்டும் அளவிடுகிறது தரத்தை அல்ல :
(i) 1970 களில் பள்ளிகள் மற்றும் வங்கிகளில் பந்துமுனை பேனாக்கள் பயன்படுத்த அனுமதிக்கவில்லை.
(ii) ஏனென்றால் இந்தியாவில் கிடைக்கக்கூடிய மிக தரமற்ற பொருளாக இருந்தது.
(iii) அதன் பின்னர் இந்தியாவில் தயாரிக்கப்பட்ட பந்துமுனை பேனாக்களின் தரம் மேம்படுத்தப்பட்டதால் அவற்றின் உற்பத்தியும் குறிப்பிடத்தக்க அளவு அதிகரித்தது.
(iv) எனவே பண்டத்தினுடைய தரம் என்பது மிக முக்கியமானதாகும். ஆனால் அது மொத்த உள்நாட்டு உற்பத்தியில் பின்பற்றப்படுவதில்லை.
GDP யில் நாட்டு வருமான பகிர்ந்தளிப்பு பற்றி கூறவில்லை :
(i) ஒரு நாட்டில் மொத்த உள்நாட்டு உற்பத்தி விரைவாக வளரலாம். ஆனால் வருமானம் சமனற்ற நிலையில் பகிர்ந்தளிக்கப்படுகிறது.
(ii) இதனால் ஒரு சிறிய சதவீத மக்களே பயன் அடைகிறார்கள்.
GDP மக்கள் வாழும் வாழ்க்கை முறையைப் பற்றி கூறவில்லை:
மிகவும் குறைந்த சுகாதார நிலை மக்கள் ஜனநாயக மற்ற அரசியல் அமைப்பு அதிகமாக மற்றும் உயர் தற்கொலை விகிதம் ஆகியவை மொத்த உள்நாட்டு உற்பத்தியில் உயர்மட்ட தனிநபர் வருமானத்தின் கைகளில் கொண்டு செல்ல முடியும்.

 இந்தியாவில் செயற்கைக்கோள் தகவல் தொடர்பின் முக்கியத்துவம்:
1. செயற்கை கோளானது தொடர்ச்சியாக மிகப்பெரும் பரப்பிலான படிமம் மற்றும் தகவல்களை அளிப்பதன் மூலம் மிகவும் முக்கியத்துவம் வாய்ந்த ஒரு தகவல் தொடர்பு சாதனமாக இந்தியாவில் விளங்குகிறது.
2. செயற்கைக்கோள் படிமங்களைப் பயன்படுத்தி, வானிலை ஆய்வு, வானிலை முன் அறிவிப்பு  இயற்கைப் பேரழிவு கண்காணிப்பு போன்ற முக்கியப் பணிகள் மேற்கொள்ளப்படுகின்றன.
3. 1969 ஆம் ஆண்டு இந்திய விண்வெளி ஆராய்ச்சி மையம் நிறுவப்பட்ட பின்னர், தொலைத்தொடர்பு பரிமாற்றத்தில் செயற்கைக் கோள்கள் ஒரு புதிய சகாப்தத்தை ஏற்படுத்தியுள்ளன.
4. இந்திய செயற்கைக்கோள் தகவல் தொடர்பு அமைப்பு இரண்டு பிரிவுகளைக் கொண்டது.
அ) இந்திய செயற்கைக்கோள் அமைப்பு (INSAT)
ஆ) இந்திய தொலையுணர்வு செயற்கைக்கோள் அமைப்பு (IRS)
5. 1983 இல் நிறுவப்பட்ட இந்திய தேசிய செயற்கைக்கோள் அமைப்பு, தொலைத்தொடர்பு, வானியல் ஆய்வு மற்றும் பல்வேறு திட்டங்களை உள்ளடக்கிய ஒரு பல்நோக்கு திட்ட அமைப்பாக உள்ளது.
6. இன்சாட் வரிசை செயற்கைக் கோள்கள், கைபேசி, தொலைபேசி, வானொலி மற்றும் தொலைக்காட்சிகளுக்கு சமிக்கைகளை அனுப்ப பயன்படுகிறது. மேலும் இது வானிலையைக் கண்டறியவும், ராணுவப் பயன்பாட்டிற்கும் பயன்படுத்தப்படுகிறது.
7. 1983 ஆம் ஆண்டு ஏவப்பட்ட இன்சாட் 18 தகவல் தொடர்பிற்காக ஏவப்பட்ட முதல் இன்சாட் வரிசை செயற்கைக்கோளாகும்.
8. 2018 ஆம் ஆண்டு ஏவப்பட்ட ஜி-சாட் 7A தகவல் தொடர்புக்காக ஏவப்பட்ட சமீபத்திய செயற்கைக்கோளாகும்.

இந்திய மண் வகைகள்:
1. வண்டல் மண்
2. கரிசல் மண்
3. செம்மண்
4. சரளை மண்
5. காடு மற்றும் மலைமண்
6. வறண்ட பாலை மண்
7. உப்பு மற்றும் காரமண்
8. களிமண் மற்றும் சதுப்பு நில மண்
வண்டல் மண்:
1. சிற்றோடைகள் மற்றும் ஆறுகளின் வேகம் குறையும் பொழுது படியவைத்தலால் உருவாகும் மண் வண்டல் மண் ஆகும்.
2. வெளிர் நிறம் கொண்ட புதிய வண்டல் காதர் என்றும், அடர் நிறம் கொண்ட பழைய வண்டல் பாங்கர் என்றும் அழைக்கப்படுகிறது.
3. இம்மண் கங்கை மற்றும் பிரம்மபுத்திரா ஆற்றுப்பள்ளத்தாக்குகள், உத்தரப் பிரதேசம், உத்தரகாண்ட் பஞ்சாப், ஹரியானா, மேற்கு வங்காளம் மற்றும் பீகார் மாநிலங்களிலுள்ள சமவெளிப் பகுதிகள் கிழக்கு கடற்கரையில் அமைந்துள்ள ஆற்று முகத்துவாரப்பகுதிகளில் காணப்படுகின்றது.
கரிசல் மண்:
1. தக்காணப் பகுதியிலுள்ள பசால்ட் பாறைகளிலிருந்து உருவானது கரிசல் மண் ஆகும்.
2. இம்மண் டைட்டானியம் மற்றும் இரும்பு தாதுக்களால் கருப்பு நிறமாக உள்ளது.
3. இலை மட்குகள் இம்மண்ணில் குறைவாக உள்ளன. ஈரமாக இருக்கும்போது சேறாகவும், ஈரப்பதத்தை நீண்ட நேரம் தக்கவைத்துக்கொள்ளும் தன்மையும் உடையது.
4. இம்மண், மகாராஷ்டிரா மற்றும் மாளவப் பீடபூமி, கத்தியவார் தீபகற்பம், தெலுங்கானா, ஆந்திரப் பிரதேசத்தில் உள்ள ராயல சீமா மற்றும் கர்நாடகா மாநிலத்தின் வடபகுதி ஆகிய பகுதிகளில் காணப்படுகிறது.
செம்மண்:
1. பழமையான படிக பாறைகளான கிரானைட், நைஸ் போன்ற பாறைகள் சிதைவடைவதால் உருவாகிறது.
2. இரும்பு ஆக்ஸைடு அதிகமாகக் காணப்படுவதால் சிவப்பு நிறமாகக் காணப்படுகிறது.
3. தக்காண பீடபூமியின் கிழக்குப் பகுதி, கேரளா, தமிழ்நாடு, கர்நாடகா, ஜார்கண்ட் மற்றும் சோட்டா நாகபுரி பீடபூமி ஆகிய பகுதிகளில் காணப்படுகிறது.
சரளை மண்:
1. வெப்பம் மற்றும் குளிர் அடுத்தடுத்து நிகழும் போது மண் சுவரல் காரணமாக இம்மண் உருவாகிறது.
2. இரும்பு மற்றும் அலுமினியத்தின் நீரேற்ற ஆக்ஸைடுகளால் உருவானது ஆகும்.
3. உயரமான மலைப்பகுதிகளில் அதிகமாக காணப்படுகிறது. பொதுவாக இது ஈரப்பதத்தை தக்கவைத்துக் கொள்வதில்லை.
4. அசாம் குன்றுகள், கேரளா மற்றும் கர்நாடகாவில் உள்ள மேற்குத் தொடர்ச்சி மலையின் அடிவாரப் பகுதிகள், ஒடிசா மற்றும் கிழக்குத் தொடர்ச்சி மலைகளில் இவ்வகை மண் காணப்படுகிறது.
காடு மற்றும் மலை மண்:
1. பனிமழை, வெப்பநிலை வேறுபாடுகளால் பௌதீகச் சிதைவின் காரணமாக உருவாகிறது. மேலும் காலநிலைக்கு ஏற்ப இடத்திற்கு இடம் மாறுபடுகிறது.
2. இம்மண்ணில் மென்மையான மணல் மற்றும் பாறைத் துகள்கள் கலந்து காணப்படுகிறது.
3. ஜம்மு-காஷ்மீர், இமாச்சலப் பிரதேசம், உத்தரகாண்ட், சிக்கிம், போன்ற மாநிலங்களில் உள்ள ஊசியிலைக்காட்டு பகுதிகள், மேற்குத் தொடர்ச்சி மலைகள் மற்றும் கிழக்குத் தொடர்ச்சி மலைகள் ஆகிய பகுதிகளில் மலைமண் காணப்படுகிறது.
வறண்ட பாலை மண்:
1. வறண்ட கால நிலை, அதிக வெப்பம் காரணமாக ஆவியாதல் அதிகமாக இருப்பதால் மேல்மண் வறண்டு காணப்படுகிறது.
2. வெளிர் நிறம், குறைந்த இலை மக்குசத்து, மற்றும் குறைந்த ஈரப்பதம் உடைய மண் பாலை மண்ணாகும்.
3. இவ்வகை மண் இராஜஸ்தான், குஜராத்தின் வடபகுதி, பஞ்சாப் மாநிலத்தின் தென்பகுதி ஆகிய இடங்களில் காணப்படுகின்றது. .
உப்பு மற்றும் காரமண்:
1. இம்மண் சிதைக்கப்படாத பாறைகள் மற்றும் சிதைவுற்ற கனிமங்களை உடையது.
2. வடிகாலமைப்பு இல்லாமையால் நீர்பிடிப்புக் காரணமாக தீங்கு விளைவிக்கக்கூடிய உப்புகள் மண்ணின் கீழ் அடுக்கிலிருந்து மேற்பரப்பிற்கு கடத்தப்படுகிறது. இதனால் உப்பு மற்றும் காரத்தன்மையுடன் காணப்படுகிறது.
3. ஆந்திரப்பிரதேசம், கர்நாடகம், பீகார், உத்தரப் பிரதேசம், ஹரியானா, பஞ்சாப், இராஜஸ்தான் மற்றும் மகாராஷ்டிரா மாநிலங்களின் வறண்ட பகுதிகளில் இம்மண் காணப்படுகிறது.
களிமண் மற்றும் சதுப்பு நில மண்:
1. அதிக மழையும் அதிக ஈரப்பதமும் கொண்ட பகுதிகளில். இம்மண் காணப்படுகிறது.
2. இம்மண் கருமை நிறம் மற்றும் அதிக காரத்தன்மையுடையது.
3. கேரளாவில் கோட்டயம் மற்றும் ஆலப்புழை மாவட்டங்கள், ஒடிசா, தமிழ்நாடு கடற்கரைப் பகுதிகள், மேற்கு வங்காளத்திலுள்ள சுந்தரவனப் பகுதிகள், பீகார், உத்தரகாண்ட் மாநிலத்தின் பல மாவட்டங்கள் ஆகியன இம்மண் காணப்படும் பகுதிகளாகும்.

இந்தியாவின் பெரும் அரணாக உள்ள இமயமலையை மூன்று பெரும் உட்பிரிவுகளாக பிரிக்கலாம்.
1) ட்ரான்ஸ் இமயமலைகள் (மேற்கு இமய மலைகள்)
2) இமயமலைகள் (மத்திய இமயமலைகள்)
3) பூர்வாஞ்சல் குன்றுகள் (கிழக்கு இமய மலைகள்)
i. ட்ரான்ஸ் இமயமலை:
1. இம்மலைகள் மேற்கு இமயமலைகள் என்றும் அழைக்கப்படுகின்றன.
2. இவை ஜம்மு - காஷ்மீர் மற்றும் திபெத் பீடபூமியில் அமைந்துள்ளது.
3. இதன் பரப்பளவு திபெத்தில் அதிகமாக இருப்பதால் இவை திபெத்திய பீடபூமி என்றும் அழைக்கப்படுகின்றன.
4. சாஸ்கர், லடாக், கைலாஸ் மற்றும் காரகோரம் ஆகியவை இங்குள்ள முக்கியமான மலைத்தொடர்கள் ஆகும்.
ii. இமயமலை:
இமயமலைகள் இளம் மடிப்பு மலைகள். இது மூன்று உட்பிரிவுகளைக் கொண்டது.
i) உள் இமயமலைகள் / இமாத்ரி:
1. முக்கியமான சிகரங்களான எவரெஸ்ட், கஞ்சன்ஜங்கா ஆகியவை இங்கு அமைந்துள்ளன.
2. இவை நிரந்தர பனியால் சூழப்பட்டுள்ளதால் இங்கு பனியாறுகள் காணப்படுகின்றன.
ii) மத்திய இமயமலை / இமாச்சல்:
1. இது இமயமலையின் மத்தியத் தொடராகும்.
2. இத்தொடரில் வெண்கற்பாறைகள், சுண்ணாம்புப்பாறைகள் மற்றும் மணற்பாறைகள் காணப்படுகின்றன.
3. சிம்லா, முசௌரி, நைனிட்டால், அல்மோரா மற்றும் டார்ஜிலிங் போன்ற மலைவாழிடங்கள் இங்கு அமைந்துள்ளன.
iii) வெளி இமயமலை / சிவாலிக்:
1. இது மிகவும் தொடர்ச்சியற்ற மலைத்தொடராகும்.
2. இப்பகுதிகள் குடியிருப்பு வளர்ச்சிக்கு ஏற்றது.
iii. கிழக்கு இமயமலை அல்லது பூர்வாஞ்சல்:
1. இவை இமய மலையின் கிழக்குக் கிளையாகும்.
2. இது வடகிழக்கு மாநிலங்களில் பரவியுள்ளது. பெரும்பாலான குன்றுகள் இந்திய-மியான்மர் எல்லையிலும் மற்றவை இந்தியாவின் உட்பகுதியிலும் காணப்படுகின்றன.
இமயமலையின் முக்கியத்துவம்:
1. தென்மேற்கு பருவக்காற்றைத் தடுத்து வட இந்தியப் பகுதிக்கு கனமழையைக் கொடுக்கிறது.
2. இந்திய துணைக் கண்டத்திற்கு இயற்கை அரணாக அமைந்துள்ளது.
3. வற்றாத நதிகளின் பிறப்பிடமாக உள்ளது.
4. இயற்கை அழகின் காரணமாக வடக்கு மலைகள் சுற்றுலாப் பயணிகளின் சொர்க்கமாகத் திகழ்கிறது.
5. பல கோடை வாழிடங்களும், புனிதத் தலங்களான அமர்நாத், கேதர்நாத், பத்ரிநாத் மற்றும் வைஷ்ணவி தேவி கோயில்களும் இம்மலைத் தொடரில் அமைந்துள்ளன.
6. வனப்பொருட்கள் சார்ந்த தொழிலகங்களுக்கு மூலப்பொருட்களை அளிக்கிறது.
7. மத்திய ஆசியாவிலிருந்து வீசும் கடும் குளிர் காற்றைத் தடுத்து இந்தியாவை குளிரிலிருந்து பாதுகாக்கிறது.
8. இமயமலைகள் பல்லுயிர் மண்டலத்திற்கு பெயர் பெற்றவை ஆகும்.