இயந்திரவியல்: விசையின் செயல்பாட்டால் பொருள் மீது ஏற்படும் விளைவுகளை பற்றி பயிலும் அறிவியல் பாடம் இயந்திரவியல் ஆகும். இது இரண்டு பிரிவுகளாகப் பிரிக்கப்பட்டுள்ளது. அவை நிலையியல் மற்றும் இயங்கியல் ஆகும்.
(i) நிலையியல்: விசையின் செயல்பாட்டால் ஓய்வு நிலையிலுள்ள பொருள் மீது ஏற்படும் விளைவுகளைப் பற்றி அறியும் அறிவியல் நிலையியல் ஆகும்.
(ii) இயங்கியல்: விசையின் செயல்பாட்டால் இயக்கநிலையிலுள்ள பொருள் மீது ஏற்படும் விளைவுகளைப் பற்றி அறியும் அறிவியல் இயக்கவியல் ஆகும்.

இது இயக்க நிலைமத்தை அடிப்படையாகக் கொண்டது. ஓடும் போது பெறப்படும் திசை வேகம், தாண்டுதலின் போது ஏற்படும் திசை வேகத்துடன் தடகள வீரரால் சேர்த்துக் கொள்ளப்படுகிறது. எனவே, நீண்ட தொலைவிற்கு குதிக்க முடிகிறது. 

1. விண்கலம் மிக அதிக சுற்றியக்க திசைவேகத்தில் நகர்ந்து கொண்டிருப்பதால் அவர் அக்கலத்துடன் இணைந்து சம வேகத்தில் நகர்கிறார்.
2. அவரது முடுக்கம் விண்கல முடுக்கத்திற்கு சமமாக இருப்பதால் அவர் தடையின்றி விழும் நிலையில் உள்ளார். அப்போது அவரது தோற்ற எடை மதிப்பு சுழியாகும்.
3. எனவே அவர் அக்கலத்துடன் எடையற்ற நிலையில் காணப்படுகிறார். விண்வெளி வீரர் உண்மையில் மிதப்பதில்லை.

1. கிரிக்கெட் விளையாட்டில், வேகமாக வரும் பந்தினைப் பிடிக்க, விளையாட்டு வீரர் கையினை பின்னோக்கி இழுப்பதால் அவர் மோதல் காலத்தை அதிகரிக்கிறார்.
2. இது அவரது கையில் பந்து ஏற்படுத்தும் கணத்தாக்கு விசையின் அளவை குறைக்கிறது.

அறிவியலறிஞர் கலிலியோ விசை, நிலைமம் மற்றும் இயக்கம் பற்றி கீழ்கண்டவாறு விளக்கினார்.
(i) இயற்கையில் உள்ள புவிசார் பொருள்கள் யாவும் தத்தமது இயல்பான ஒய்வு நிலையிலோ அல்லது சீரான இயக்க நிலையிலோ தொடர்ந்து இருக்கும்.
(ii) புறவிசை ஏதும் செயல்படாத வரை பொருள்களை யாவும் தத்தமது முந்தைய நிலையிலேயே தொடர்ந்து இருக்கும்.
(iii) பொருளின் மீது விசையின் தாக்கம் இருக்கும் போது, தம் நிலை மாற்றத்தினை தவிர்க்க முயலும் தன்மை அதன் நிலைமம் எனப்படும்.
(iv) வெற்றிடத்தில் வெவ்வேறு நிறை கொண்ட பொருள்கள் யாவும் ஒரே உயரத்தில் இருந்து விழும்போது, அவை ஒரே நேரத்தில் தரையை வந்தடையும்.

நியூட்டனின் முதல் விதிப்படி, புறவிசை செயல்படாத நிலையில் இயக்கத்திலுள்ள ஒரு பொருள் தொடர்ந்து அதே திசையில் இயக்க நிலையிலேயே இருக்கும். வேகமாகச் செல்லும் இரு சக்கர வண்டி திடீரென்று நிறுத்தப்பட்டால் அதில் அமர்ந்திருப்பவர் தொடர்ந்து அதே திசையில் இயக்கம் பெற்றவராகவே இருப்பார். இதன் காரணமாக, வாகன ஓட்டி எறிபொருள் போன்று வீசப்படுவார்.
நியூட்டனின் இரண்டாவது இயக்க விதியின்படி, பொருள் ஒன்றின் மீது செலுத்தப்படும் விசையால் தோற்றுவிக்கப்படும் முடுக்கம் பொருளின் நிறையைப் பொறுத்தது. மோதல் ஏதும் ஏற்படும் பொழுது, வாகனத்தின் முன்பக்கம் உள்ள காற்றுத் தடுப்பான் கண்ணாடியின் மீது வேகமாக சென்று மோதாமல், மோதல் நேரத்தை நீட்டித்து கணத்தாக்கு விசையின் விளைவைக் குறைப்பதற்கு பெல்ட் உதவுகிறது.
தலை, முதலாவது தரையை வந்தடைந்து தலையில் அதிகமாக காயம் ஏற்பட வாய்ப்புள்ளது. அதைத் தவிர்க்க தலைக்கவசம் மிகவும் அவசியம்.

கன உந்து (Heavy vehicle) - ன் இயக்க ஆற்றல் = \(\frac { 1 }{ 2 } \)m₁v₁²
இரு சக்கர வாகனத்தின் இயக்க ஆற்றல் = \(\frac { 1 }{ 2 } \)m₂v₂²
 \(\frac { 1 }{ 2 } \)m₁v₁² = \(\frac { 1 }{ 2 } \)m₂v₂² = K எனக் கொள்வோம்.
\(v_{1}=\sqrt{\frac{2 K}{m_{1}}} \) மற்றும் \( v_{2}=\sqrt{\frac{2 K}{m_{2}}}\)
இரண்டு வாகனங்களின் உந்தம்
\(\mathrm{p}_{1}=\mathrm{m}_{1} \mathrm{v}_{1}=\mathrm{m}_{1} \sqrt{\frac{2 \mathrm{~K}}{\mathrm{~m}_{1}}}=\sqrt{2 \mathrm{~m}_{1} \mathrm{~K}} \)
\(\mathrm{p}_{2}=\mathrm{m}_{2} \mathrm{v}_{2}=\mathrm{m}_{2} \sqrt{\frac{2 \mathrm{~K}}{\mathrm{~m}_{2}}}=\sqrt{2 \mathrm{~m}_{2} \mathrm{~K}}\)
உந்த விகிதம்
\(\frac{p_{1}}{p_{2}}=\frac{\sqrt{2 m_{1} \mathrm{~K}}}{\sqrt{2 m_{2} \mathrm{~K}}}\)
ஆனால்,\(\mathrm{m}_{1}=4 \mathrm{~m}_{2}\)
\(=\frac{\sqrt{2 \times 4 m_2 K}}{\sqrt{2 m_2 K}}=\frac{\sqrt{4}}{1}=\frac{2}{1}\)
உந்த விகிதம் = 2 : 1

நிலைமத்தின் வகைகள்
அ) ஓய்வில் நிலைமம்:
நிலையாக உள்ள ஒவ்வொரு பொருளும் தமது ஓய்வு நிலை மாற்றத்தை எதிர்க்கும் பண்பு ஓய்வில் நிலைமம் எனப்படும்.
எ.கா: கிளைகளை உலுக்கிய பின் மரத்திலிருந்து கீழே விழும் இலைகள், பழுத்தபின் விழும் பழங்கள் இவை யாவும் ஓய்விற்கான நிலைமத்திற்கு எடுத்துக்காட்டாகும். 
ஆ) இயக்கத்தில் நிலைமம் :
இயக்க நிலையில் உள்ள பொருள், தமது இயக்க நிலை மாற்றத்தை எதிர்க்கும் பண்பு இயக்கத்தில் நிலைமம் எனப்படும்.
எ.கா : நீளம் தாண்டுதல் போட்டியில் உள்ள போட்டியாளர் நீண்ட தூரம் தாண்டுவதற்காக, தாம் தாண்டும் முன் சிறிது தூரம் ஓடுவதற்கு காரணம் இயக்கத்திற்கான நிலைமம் ஆகும்.
இ) திசையில் நிலைமம் :
இயக்க நிலையில் உள்ள பொருள், இயங்கும் திசையில் இருந்து மாறாது, திசை மாற்றத்தினை எதிர்க்கும் பண்பு திசையில் நிலைமம் எனப்படும்.
எ.கா : ஓடும் மகிழுந்து வளைபாதையில் செல்லும் போது பயணியர், ஒரு பக்கமாக சாயக் காரணம் திசைக்கான நிலைமம் ஆகும்.

கொடுக்கப்பட்டவை:
பந்தின் நிறை (m)=150 g
m =150 x 10^-3 kg
பந்தின் தொடக்க வேகம் u =12 ms^-1
பந்தின் இறுதி வேகம் v =-20 ms^-1
[-ve குறியீடு பின்னோக்கிய இயக்கத்தைக் குறிக்கும்]
கண்டறிய:
கணத்தாக்கு J=?
கணத்தாக்கு  =நேர்க்கோட்டு உந்த மாறுபாடு
=mv -mu
= இறுதி உந்தம் - தொடக்க உந்தம்
m (v - u) =150 x 10^-3 [-20 - 12]
= 150 x 10^-3 x -32
J = - 4.8 kg ms^-1.

கொடுக்கப்பட்டவை:
எடை (W)=100 டைன்
g =10 m/s² =1000 cm/s²
கண்டறிய:
பொருளின் நிறை m =?
W =mg, m =\(\frac { W }{ g } \)

நிறை m =10^-1g

கொடுக்கப்பட்டவை:
துப்பாக்கிக் குண்டின் நிறை (m) = 50 x 10^-3 kg
குண்டின் தொடக்கவேகம் u = 300 ms^-1
இறுதி வேகம் v =0
நேரம் t =1s
கண்டறிய:
(i) கணத்தாக்கு J =?
(ii) விசை F =?
(i) கணத்தாக்கு J =உந்த மாறுபாடு
=m(v- u)
=50 x 10^-3(0 - 300)
= -15 Ns
(ii) விசை F =F x t = -15 = F x 1s
F =\(\frac{-15}{1}\) = -15N