இரு பல்புகளும் செல்லக்கூடிய மின்னோட்டத்தால் உயர்மின் தடையுடைய பல்பானது திறன் குறைவாக இருக்கும். எனவே அது மங்கலான ஒளிர்வினை கொண்டிருக்கும். குறைவான மின்தடை கொண்ட பல்பானது திறன் அதிகமாக இருக்கும். எனவே அதிக ஒளியுடன் எரிகிறது.
திறன், மின்தடையுடன் எதிர் விகிதத்தில் இருக்கும்.
 \(\therefore P={ \frac { { V }^{ 2 } }{ R}}\) or P=V x I
\(V\times \left( \frac { V }{ R } \right) =\frac { V^{ 2 } }{ R } \).

(i) ஜார்ஜ் சைமன் ஓம் என்ற ஜெர்மன் இயற்பியலாளர் மின்னோட்டம் மற்றும் மின்னழுத்த வேறுபாடு ஆகியவற்றிற்கிடையேயான தொடர்பினை நிறுவினார். இதுவே ஓம் விதி எனப்படும்.

இவ்விதியின்படி மாறா வெப்ப நிலையில், கடத்தி ஒன்றின் வழியே பாயும் சீரான மின்னோட்டம் கடத்தியின் முனைகளுக்கிடையே உள்ள மின்னழுத்த வேறுபாட்டிற்கு நேர்தகவில் அமையும்.
I α V. எனவே \(\frac { I }{ V } \)= மாறிலி
இந்த மாறிலி மதிப்பு \(\frac { 1 }{ R } \) ஆகும்
எனவே I=\(\left( \frac { I }{ R } \right) \)V
V=IR
இங்கு R என்பது மின்தடையாகும். ஒரு குறிப்பிட்ட பொருளுக்கு (எ.கா. நிக்ரோம்) குறிப்பிட்ட வெப்ப நிலையில் மின்தடை ஒரு மாறிலி ஆகும். மின்னழுத்த வேறுபாடு V-யும் மின்னோட்டம் I-யும் ஒன்றுக்கொன்று நேர்தகவில் அமைவதால் V மற்றும் I இடையேயான வரை படம் ஒரு நேர்கோடு ஆகும்.

மின்னோட்டம் (I) = 5 A
காலம் (t) = 1 வினாடி
எலக்ட்ரான்களின் எண்ணிக்கை (e) = ?
q = It
= 5 \(\times\) 1 = 5 கூலூம்
q = ne
n = \(\frac{q}{e}\)
\(n =\frac { 5 }{ 1.6\times 10^{ -19 } } = 31.25 \times 10^{ 18 }\)எலக்ட்ரான்களின் எண்ணிக்கை.

அ) LED தொலைக்காட்சி
LED தொலைக்காட்சி வெளியீடு பிரகாசமாக இருக்கும்.
இது மெல்லிய அளவுடையதாக இருக்கும்.
குறைவான சக்தியை பயன்படுத்துகிறது மற்றும் குறைவான ஆற்றலை நுகர்கிறது.
இதன் ஆயுட்காலம் அதிகம்.
இது மிகவும் நம்பகத்தன்மை உடையது.
ஆ) LED மின் விளக்குகளின் நன்மைகள்
LED-ல் மின் இழையில்லாத காரணத்தினால் வெப்ப ஆற்றல் இழப்பு ஏற்படுவதில்லை. மின் இழை மின்விளக்கைவிட குறைந்த வெப்பநிலையைக் கொண்டிருக்கும்.
ஒளிரும் மின் இழை பல்புடன் ஒப்பிடும் போது இது குறைந்த திறனை நுகரும்.
இது சுற்றுச்சூழலுக்கு பாதிப்பை ஏற்படுத்தாது.
பல நிறங்களில் வெளியீட்டினை பெற்றுக்கொள்ள சாத்தியமாகிறது.
மலிவு விலை மற்றும் ஆற்றல் சிக்கனம் உடையது.
பாதரசம் மற்றும் பிற நச்சுப் பொருள்கள் பயன்படுத்தப்படுவதில்லை.

R₁ = 1 Ω, R₂ = 2 Ω, R₃ = 4 Ω Current I₁ = 1 A
1 Ω மின் தடைக்கு எதிராக இருக்கும் மின்னழுத்த வேறுபாடு = I₁ R₁ = 1 × 1 = 1 V
இங்கு மின்தடைகள் இணையாக இருப்பதால் மூன்று மின்தடைக்கு எதிராகவும் சமமான மின்னழுத்த வேறுபாடே இருக்கும்.
எனவே 2 Ω மின் தடை வழியாக பாயும் மின்னோட்டம்
\(\frac { V }{ { R }_{ 2 } } =\frac { 1 }{ 2 } =0.5A\)
இதுபோல 4 Ω மின் தடை வழியாக பாயும் மின்னோட்டம் \(\frac { V }{ { R }_{ 3 } } =\frac { 1 }{ 4 } =0.25A\)

டிஜிட்டல் கடிகாரங்கள், கணக்கீட்டு கருவிகள், போக்குவரத்து சமிக்கைகள், தெரு விளக்குகள், அலங்கார விளக்குகள்.

ஒரு கடத்தியின் மின்தடையானது (R) அதன் நீளத்திற்கு (L) நேர்தகவிலும் குறுக்கு வெட்டு பரப்பிற்கு (A) எதிர்தகவில் அமையும்.
\(R \propto \frac{L}{A}\)
ஆகவே கடத்தியின் அளவை தடிமனாக்கினால் அதன் மின்தடையின் மதிப்பு குறையும்.

1. மின்னோட்டத்தின் SI அலகு ஆம்பியர் (A)
2. ஒரு கூலூம் மின்னூட்டம் ஒரு விநாடி நேரத்தில் கடத்தியின் எதாவது ஒரு குறுக்கு வெட்டுப்பகுதி வழியாக கடந்து செல்லும் போது அக்கடத்தியில் பாயும் மின்னோட்டம் ஒரு ஆம்பியர் என வரையறுக்கப்படுகிறது.

(i) மின்னாற்றல் மூலத்துடன் இணைக்கப்பட்ட மின்தடை ஒன்றின் குறுக்கே மின்னழுத்த வேறுபாடு உருவாகிறது. இந்த மின்னழுத்த வேறுபாட்டின் காரணமாக மின்தடை வழியாக ஒரு மின்னோட்டம் பாய்கிறது.
(ii) மின்னோட்டம் தொடர்ந்து மின்தடை வழியாக பாய்வதற்கு மின்னாற்றல் மூலமானது தொடர்ந்து ஆற்றலை மின்தடைக்கு கொடுத்துக் கொண்டே இருக்கும். பெற்றுக் கொண்ட ஆற்றலின் ஒரு பகுதி பயனுள்ள வேலையாக (மின்விளக்கு எரிவதற்கு) மாற்றப்படுகிறது. மற்றொரு பகுதி வெப்ப ஆற்றலாக மாற்றப்படுகிறது.
(iii) எனவே, மின் கம்பியின் வழியே மின்னோட்டம் செல்வதால் வெப்பம் உருவாகிறது. இந்த நிகழ்வு மின்னோட்டத்தின் வெப்ப விளைவு எனப்படுகிறது. மின்னோட்டத்தின் இந்த வெப்ப விளைவு மின் சூடேற்றி, மின் சலவைப் பெட்டி போன்றவைகளில் பயன்படுகிறது.