காரணம்: மருஸ்தலி என்ற சொல்லிற்கு "இறந்த நிலம்" (Land of Dead) என்று பொருள். இப்பாலைவனத்தின் கிழக்குப்பகுதியில் மணல் மேடுகள் நிறைந்துள்ளன. எனவே இப்பாலைவனம் மருஸ்தலி என்று அழைக்கப்படுகிறது.

காரணம் : சோட்டா நாகபுரி பீடபூமி ஜார்கண்ட் மாநிலத்தின் பெரும்பகுதி மேற்கு வங்காளம், பீகார், சத்தீஸ்கர் மற்றும் ஒடிசாவின் சில பகுதிகளை உள்ளடக்கியது. இப்பகுதி இரும்புத் தாது மற்றும் நிலக்கரி போன்ற கனிம வளத்திற்கு புகழ் பெற்றது.

காரணம்: இமயமலைகள், புவிமேலோட்டு பேரியக்க விசைகள் காரணமாக புவி மேலோடு மடிக்கப்பட்டு, மடிப்பு மலைகளாக உருவாகின.

வ.எண்	GMT	IST
1	GMT -கீரீன்விச் சராசரி நேரம்	IST-இந்தியத் திட்ட நேரம்
2	இது 0o தீர்க்க ரேகையை அடிப்படையாகக் கொண்டு கணக்கிடப்படுகிறது.	இது 82.30o கிழக்கு தீர்க்க ரேகையை அடிப்படையாகக் கொண்டு கணக்கிடப்படுகிறது.
3	இத்தீர்க்க ரேகை லண்டனில் உள்ள கிரீன்விச் வழியாகச் செல்கிறது.	இத்தீர்க்க ரேகை அலகாபாத் வழியாக செல்கிறது.
4	இது 5.30 மணி நேரம் இந்தியதிட்ட நேரத்தை விட பின்னதாக உள்ளது.	இது 5.30 மணி நேரம் கீரீன்விச் சராசரி நேரத்தை விட முன்னதாக உள்ளது.

வ.எண்	அந்தமான் நிகோபார் தீவுகள்	இலட்சத்தீவுகள்
1	இத்தீவுகள் வங்காள விரிகுடாவில் காணப்படுகிறது	இத்தீவுகள் அரபிக்கடலில் காணப்படுகிறது
2	இதன் தலைநகரம் போர்ட் பிளேயர்.	இதன் தலைநகரம் காவராத்தி
3	இத்தீவுகள் எரிமலைகளால் உருவானதாகும்.	இத்தீவுகள் முருகைப் பாறைகளால் ஆனது.

	இமாத்ரி	இமாச்சல்
1	இமாத்ரி பெரிய இமயமலை என்றும் அழைக்கப்படுகிறது	இமாச்சல் சிறிய இமயமலை என்றும் அழைக்கப்படுகிறது.
2	இதன் சராசரி உயரம் 6000 மீ ஆகும்.	இதன் சராசரி உயரம் 3500 மீ முதல் 4500 வரை வேறுபடுகிறது.
3	இதன் சராசரி அகலம் 25 கி.மீ ஆகும்.	இதன் சராசரி அகலம் 80 கி.மீ ஆகும்.
4	இம்மலையில் மிக உயர்ந்த சிகரங்கள் காணப்படுகின்றன. எ.கா. எவரெஸ்ட் சிகரம், கஞ்சன் ஜுங்கா	இம்மலையில் கோடை வாழிடங்கள் காணப்படுகின்றன. எ.கா. சிம்லா, நைனிட்டால், டார்ஜ்லிங்.

	இமயமலை ஆறுகள்	தீபகற்ப ஆறுகள்
1	ஆற்றின் மத்திய மற்றும் கீழ்நிலைப் பகுதிகள் போக்குவரத்திற்கு ஏற்றது.	நீர்வழிப் போக்குவரத்திற்குப் பயன்படாதவை.
2	இமயமலையில் உற்பத்தி ஆகின்றன.	மேற்கு தொடர்ச்சி மலையில் உற்பத்தி ஆகின்றன.
3	இவை வற்றாத நதிகள் ஆகும்.	இவை வற்றும் நதிகள் ஆகும்.
4	இவை நீளமானவை மற்றும் அகலமானவை.	இவை குறுகலானவை மற்றும் நீளம் குறைந்தவை
5	மின்உற்பத்தி செய்ய இயலாத நிலை	நீர்மின் உற்பத்திக்கு ஏற்றது.

1. கங்கைச் சமவெளி மேற்கிலுள்ள யமுனை ஆற்றிலிருந்து கிழக்கிலுள்ள வங்காள தேசம் வரை சுமார் 3.75 சதுர லட்சம் கிலோ மீட்டர் பரப்பளவைக் கொண்டுள்ளது.
2. கங்கையும் அதன் துணை ஆறுகளான காக்கரா, காண்டக், கோசி, யமுனை, சாம்பல் பெட்வா போன்றவை அதில் அடங்கும்.
3. அதிக அளவில் வண்டல் படிவுகளை படிய வைத்து இந்தியாவின் மிகப்பெரிய சமவெளியை உருவாக்கியுள்ளன.

இத்தீவுக் கூட்டத்தை இரண்டு பிரிவுகளாகப் பிரிக்கலாம். அவை,
1) வடபகுதி தீவுகள் -அந்தமான் என்றும் 
2) தென்பகுதி தீவுகள் -நிக்கோபார் எனவும் அழைக்கப்படுகின்றன.
இதன் நிர்வாகத் தலைநகரம் போர்ட் பிளேயர் ஆகும். நிக்கோபாரின் தென்கோடி முனையை இந்திரா முனை என்று அழைக்கப்படுகிறது.

காரகோரம் கணவாய் (ஜம்மு -காஷ்மீர்) ஜோஜிலா கணவாய், சிப்கிலா கணவாய் (இமாச்சல் பிரதேசம்) பொமிடிலா கணவாய் (அருணாச்சல பிரதேசம்) நாதுல மற்றும் ஜெலிப்லா கணவாய் (சிக்கிம்) ஆகியன இமய மலையின் முக்கிய கணவாய்களாகும்.

தராய் மண்டலம் அதிகப்படியான ஈரப்பதம் கொண்ட பகுதியாகவும் காடுகள் வளர்வதற்கும் பல்வேறு விரிவான வனவிலங்குகள் வாழ்வதற்கு ஏற்றதாகவும் உள்ளது.

இந்தியா 8^o 4' வட அட்சம் முதல் 37^o 6' வட அட்சம் வரையிலும் 68^o 7' கிழக்கு தீர்க்கம் முதல் 97^o 25' கிழக்கு தீர்க்கம் வரையிலும் பரவியுள்ளது.

 நர்மதை, தபதி, சபர்மதி மற்றும் மாஹி ஆகிய நான்கு ஆறுகள் மட்டுமே கிழக்கிலிருந்து மேற்கு நோக்கிப் பாய்கின்றன.

தக்காண பீடபூமி:
1. தக்காண பீடபூமி, தீபகற்ப பீடபூமியில் அமைந்துள்ள மிகப் பெரிய இயற்கை அமைப்பைக் கொண்டதாகும். 
2. இது தோராயமாக முக்கோண வடிவம் கொண்டது.
3. வடமேற்கு திசையில் விந்திய, சாத்பூரா மலைத்தொடர்களையும் வடக்கில் மகாதேவ், மைக்காலா குன்றுகளையும், வடகிழக்கில் இராஜ்மகால் குன்றுகளையும், மேற்கில் மேற்கு தொடர்ச்சி மலைகளையும், கிழக்கில் கிழக்கு தொடர்ச்சி மலைகளையும் எல்லைகளாகக் கொண்டது.
4. இது சுமார் 7 லட்சம் சதுர கி.மீ பரப்பளவைக் கொண்டது. கடல் மட்டத்திலிருந்து 500 மீ முதல் 1000 மீ உயரம் வரையும் அமைந்துள்ளது.

இந்தியாவின் அண்டை நாடுகளின் பெயர்கள்:
மேற்கு : பாகிஸ்தான்,
வடமேற்கு : ஆப்கானிஸ்தான்,
வடக்கு : சீனா, நேபாளம், பூடான் 
கிழக்கு : மியான்மர், வங்காளதேசம் 

கங்கை ஆற்று வடிநிலம்:
1. கங்கையாற்றின் தொகுப்பு 8,61,404 ச.கி.மீ பரப்பளவில் பாயும் இந்தியாவின் மிகப்பெரிய வடிகால் அமைப்பைக் கொண்டதாகும்.
2. கங்கைச் சமவெளியில் பல நகரங்கள் ஆற்றங்கரையையொட்டி அமைந்துள்ளன.
3. கங்கைச் சமவெளி அதிக மக்களடர்த்தி கொண்டதாகும்.
4. கங்கை ஆறு உத்தரகாண்ட் மாநிலத்திலுள்ள கங்கோத்ரி பனியாற்றிலிருந்து பாகிரதி என்னும் பெயருடன் உற்பத்தியாகிறது.
5. இந்நதியின் நீளம் சுமார் 2525 கி.மீ ஆகும்.
6. வடபகுதியிலிருந்து கோமதி, காக்ரா, கண்டாக், கோசி மற்றும் தென்பகுதியிலிருந்து யமுனை, சோன், சாம்பல் போன்ற துணையாறுகள் கங்கையுடன் இணைகின்றன.
7. வங்கதேசத்தில், கங்கை நதி பத்மா என்ற பெயரில் அழைக்கப்படுகிறது.
8. கங்கை மற்றும் பிரம்மபுத்திரா ஆறுகள் சேர்ந்து உலகிலேயே மிகப்பெரிய டெல்டாவை உருவாக்கி பின் வங்காள விரிகுடாவில் கலக்கின்றன.

தீபகற்ப இந்திய ஆறுகள்:
1. தென் இந்தியாவில் பாயும் ஆறுகள் தீபகற்ப ஆறுகள் எனப்படுகின்றன.
2. பெரும்பாலான ஆறுகள் மேற்குத் தொடர்ச்சி மலைகளில் உற்பத்தியாகின்றன.
3. இவை பருவகால ஆறுகள் அல்லது வற்றும் ஆறுகள் எனப்படுகின்றன.
4. நீரின் அளவு மழைப்பொழிவிற்கு ஏற்றாற்போல் மாறுபடுகிறது.
5. இவ்வாறுகள் செங்குத்து சரிவுடன் கூடிய பள்ளத்தாக்கு வழியே பாய்கிறது.
தீபகற்ப ஆறுகளை அவை பாயும் திசையின் அடிப்படையில் இரு பிரிவுகளாகப் பிரிக்கலாம். அவை
1. கிழக்கு நோக்கி பாயும் ஆறுகள்
2. மேற்கு நோக்கி பாயும் ஆறுகள்
கிழக்கு நோக்கி பாயும் ஆறுகள்:
மகாநதி, கிருஷ்ணா, கோதாவரி, காவேரி
அ) மகாநதி:
1. இந்நதி சத்தீஸ்கார் மாநிலத்திலுள்ள சிஹாவாவிற்கு அருகில் உற்பத்தியாகி ஒடிசா மாநிலத்தின் வழியாக 851 கி.மீ நீளத்திற்குப் பாய்கிறது. சீநாத், டெலன், சந்தூர், சித்ரட்லா, கெங்குட்டி மற்றும் நன் ஆகியவை இதன் முக்கிய துணையாறுகளாகும்.
2. மகாநதி பல கிளையாறுகளாகப் பிரிந்து இந்தியாவின் மிகப்பெரிய டெல்டாக்களை உருவாக்குகிறது.
3. இந்நதி வங்காள விரிகுடாவில் கலக்கிறது.
ஆ) கோதாவரி:
1. தீபகற்ப இந்தியாவில் பாயும் மிக நீளமான ஆறு கோதாவரியாகும்.
2. இது மகாராஷ்ட்ரா மாநிலம் நாசிக் மாவட்டத்தில் அமைந்துள்ள மேற்குத் தொடர்ச்சி மலையில் உற்பத்தியாகிறது.
3. இந்நதி விருத்தகங்கா எனவும் அழைக்கப்படுகிறது.
4. இது ஆந்திரபிரதேசம் வழியாக பாய்ந்து வங்காள விரிகுடாவில் கலக்கிறது. பூர்ணா, பென்கங்கா, பிரனிதா, இந்திராவதி, தால் மற்றும் சபரி போன்றவை இவற்றின் துணையாறுகள் ஆகும். இந்நதி ராஜமுந்திரிக்கு அருகில் கவுதமி மற்றும் வசிஸ்தா என இரண்டு கிளைகளாகப் பிரிந்து பெரிய டெல்டாவை உருவாக்குகிறது.
இ) கிருஷ்ணா:
1. இது தீபகற்ப ஆறுகளில் இரண்டாவது பெரிய நதியாகும்.
2. இந்நதி மகாராஷ்டிரா மாநிலத்தில் உள்ள மகா பலேஷ்வர் என்ற பகுதியில் ஊற்றாக உருவாகிறது.
3. இந்நதி ஆந்திரப்பிரதேசத்தின் வழியாகப் பாய்ந்து ஹம்சலாதேவி என்ற இடத்தில் வங்காள விரிகுடாவில் கலக்கிறது.
ஈ) காவேரி:
1. காவேரி ஆறு, கர்நாடக மாநிலத்தில் குடகு மலையிலுள்ள தலைக்காவேரியில் உற்பத்தியாகிறது.
2. இது தென் இந்தியாவின் கங்கை என்றும் அழைக்கப்படுகிறது. 
3. இந்நதி கர்நாடகாவில் இரண்டாகப் பிரிந்து சிவசமுத்திரம் மற்றும் ஸ்ரீரங்கப்பட்டினம் ஆகிய புனித ஆற்றுத் தீவுகளை உருவாக்குகிறது.
4. பின்பு தமிழ்நாட்டில் நுழைந்து தொடர்ச்சியான மற்றும் குறுகலான மலையிடுக்குகள் வழியாக கொள்ளிடம், மற்றும் காவேரி என இரண்டு பிரிவுகளாக பிரிந்து இறுதியில் பூம்புகார் என்ற இடத்திற்கு அருகில் வங்கக் கடலில் கலக்கிறது.
மேற்கு நோக்கி பாயும் ஆறுகள்:
அ) நர்மதை:
1. மத்தியபிரதேசத்தில் உள்ள அமர்கண்டாக் பீடபூமியில் உற்பத்தியாகிறது.
2. இது 27 கி.மீ நீளத்திற்கு ஒரு நீண்ட கழிமுகத்தை உருவாக்கி காம்பே வளைகுடா வழியாக அரபிக் கடலில் கலக்கிறது.
3. இது மேற்கு நோக்கி பாயும் ஆறுகளிலேயே நீளமானதாகும்.
ஆ) தபதி:
1. தபதி ஆறு தீபகற்ப இந்தியாவின் முக்கிய ஆறுகளில் ஒன்றாகும்.
2. இந்நதி மத்தியப் பிரதேசத்திலுள்ள முல்டாய் என்ற இடத்தில் உற்பத்தியாகிறது.
3. பின்பு காம்பே வளைகுடா வழியாக அரபிக்கடலில் கலக்கிறது.
4. தீபகற்ப இந்திய ஆறுகளில் நர்மதை, தபதி, சபர்மதி மற்றும் மாஹி ஆகிய நான்கு ஆறுகள் மட்டுமே கிழக்கிலிருந்து மேற்கு நோக்கி பாய்கின்றன.