(i) வேதிச்சமநிலை என்பது ஒரு மீள்வேதிவினையின் வினைப்படுபொருள் மற்றும் வினை விளைப் பொருளின் செறிவில் எந்த மாற்றமும் நிகழாத நிலை ஆகும்.
சமநிலையின் பண்புகள்:
(i) வேதிச்சமநிலையில் முன்னோக்கு வினையின் வேகமும், பின்னோக்கு வினையின் வேகமும் சமம்.
(ii) நேரத்தை பொறுத்து அழுத்தம், செறிவு, நிறம், அடர்த்தி, பாகுநிலை போன்றவை மாறாது.
(iii) வேதிச்சமநிலை என்பது ஒரு இயங்கும் சமநிலை. ஏனெனில், முன்னோக்கு வினையும் பின்னோக்கு வினையும் தொடர்ந்து நிலையாக நடந்து கொண்டிருக்கும்.
(iv) இயற்பியல் சமநிலையில், அனைத்து நிலைமைகளும் மாறாத கனஅளவைப் பெறுகின்றன. 

i) விலங்குகள் pH சார்ந்துள்ள உணர்வு
1. நமது உடல் 7.0 முதல் 7.8 வரை உள்ள pH எல்லையை சார்ந்த வேலை செய்கிறது.
2. நம் உடலில் உள்ள திரவங்கள் வெவ்வேறு pH மதிப்புகளை கொண்டவை.
3. எடுத்துக்காட்டாக: மனித இரத்தத்தின் pH மதிப்பு 7.35 லிருந்து 7.45 ஆகும்.
4. இந்த மதிப்பிலிருந்து குறைந்தாலோ (அ) அதிகரித்தாலோ, அது நோயை உண்டாக்கும்.
ii) மனித செரிமான மண்டலத்தின் pH மதிப்பு
1. நமது இரைப்பை ஹைட்ரோகுளோரிக் அமிலத்தை சுரக்கிறது.
2. இது இரைப்பையை பாதிக்காமல் உணவை செரிக்க உதவுகிறது.
3. சரியான செரிமானம் இல்லாதபோது இரைப்பையானது கூடுதலான அமிலத்தைச் சுரந்து வலியையும், எரிச்சலையும் ஏற்படுத்துகிறது.
4. இத்திரவத்தின் தோராயமான pH மதிப்பு 2.0 ஆகும்
iii) மண்ணின் pH மதிப்பு
சிட்ரிக் அமிலம் கொண்ட பழங்கள் சற்று காரத்தன்மை உள்ள மண்ணிலும், நெல் அமிலத்தன்மை கொண்ட மண்ணிலும், கரும்பு நடுநிலைத்தன்மை கொண்ட மண்ணிலும் வளரும்.
iv) pH மாற்றம் - பற்சிதைவுக்கு காரணம்:
மனித உமிழ்நீரின் pH மதிப்பு 6.5 - 7.5 வரை உள்ளது.
நமது பற்களின் மேற்பரப்பு படலமானது கால்சியம் பாஸ்பேட்டால் ஆனது. உமிழ்நீரின் pH 5.5 க்கும் கீழே குறையும்பொழுது பற்களின் மேற்பரப்பு படலம் (எனாமல்) பாதிக்கப்படுகிறது. இது பற்சிதைவு எனப்படுகிறது.
பொதுவாக நாம் பயன்படுத்தும் பற்பசைகள் காரத்தன்மை கொண்டவை.
இவை கூடுதல் அமிலத்தன்மையை நடுநிலையாக்கம் செய்து பற்சிதைவைத் தடுக்கின்றன.
(v) மழை நீரின் pH மதிப்பு:
(i) மழைநீரின் pH மதிப்பு ஏறக்குறைய 7 ஆகும்.
(ii) இது  நடுநிலைத்தன்மை கொண்டது. ஆனால் சல்பர் டை ஆக்சைடு, நைட்ரஜன் ஆக்சைடு போன்ற மாசுக்கள் மழைநீரில் கரைந்து அதன் pH மதிப்பை 7 - ல் இருந்து குறைப்பதால்  அமில மழை ஏற்படுகிறது.
(iii) இந்த அமில மழைநீர் ஆறுகளில் சேரும்பொழுது அவற்றின் pH குறைந்து, நீர்வாழ் உயிர்களின் வாழ்வு பாதிக்கப்படுகிறது.

வினையின் வினைவேகத்தைப் பாதிக்கக் கூடிய முக்கிய காரணிகள்:
i) வினைபடு பொருள்களின் தன்மை
ii) வெப்பநிலை
iii) வினையூக்கி
iv) அழுத்தம்
v) வினைப்படு பொருளின் புறப்பரப்பளவு
i) வினைபடு பொருள்களின் தன்மை:
சோடியம், ஹைட்ரோகுளோரிக் அமிலத்தைவிட, அசிட்டிக் அமிலத்துடன் மெதுவாக வினைபுரிகிறது.
ஏனென்றால் ஹைட்ரோகுளோரிக் அமிலம், அசிட்டிக் அமிலத்தை விட வினைதிறன் மிக்கது. எனவே, வினைபடு பொருளின் இயல்பு வினைவேகத்தை பாதிக்கிறது.
2Na_(s) + 2 HCl_(aq) \(\rightarrow\) 2 NaCl_(aq) + H_2(g) (வேகமாக)
2 Na_(s) + 2 CH₃ COOH_(aq) \(\rightarrow\) 2 CH₃ COONa_(aq) + H_2(g) (மெதுவாக)
ii) வினைபடு பொருள்களின் செறிவு:
குறிப்பிட்ட கனஅளவு கொண்ட கரைசலில் கரைந்துள்ள கரைபொருளின் அளவே செறிவு ஆகும்.
செறிவு அதிகமாக இருக்கும் போது குறிப்பிட்ட கனஅளவில் துகள்களின் எண்ணிக்கை அதிகமாக இருப்பதால், வினையின் வேகமும் அதிகரிக்கும்.
துத்தநாக துகள்கள், 1 M HCl-ஐ விட 2 M HCl -ல் வேகமாக வினைபுரியும்.
iii) வெப்பநிலை:
வெப்பநிலை அதிகரிக்கும்போது வினைபடு பொருள்களின் பிணைப்புகள் எளிதில் உடைந்து வினையின் வேகம் அதிகரிக்கிறது.
அறை வெப்பநிலையில் கால்சியம் கார்பனேட் மெதுவாக வினைபுரியும். ஆனால் வெப்பப்படுத்தும்போது வினையின் வேகம் அதிகரிக்கும்.
iv) அழுத்தம்:
வாயுநிலையிலுள்ள வினைபடுபொருள்களில் அழுத்தம் அதிகரிக்கும் போது வினையின் வேகம் அதிகரிக்கும்.
ஏனெனில், அழுத்தத்தை அதிகரிக்கும்போது வினைபடு பொருள்களின் துகள்கள் மிக அருகே வந்து அடிக்கடி மோதலில் ஈடுபடுகின்றன.
v) வினையூக்கி:
வினையூக்கி என்பது வினையில் நேரடியாக ஈடுபடாமல், வினையின் வேகத்தை அதிகரிக்கும். 
பொட்டாசியம் குளோரேட்டை சூடுபடுத்தும் போது ஆக்சிஜன் குறைவான வேகத்தில் வெளிவருகிறது.
ஆனால் மாங்கனீசு டை ஆக்சைடை வினைபடு பொருளுடன் சேர்த்த பிறகு ஆக்சிஜனின் வெளியேறும் வேகம் அதிகரிக்கிறது.
vi) வினைபடு பொருள்களின் புறப்பரப்பளவு:
வேதிவினையில் கட்டியான வினைபடுபொருள்களை விட, தூளாக்கப்பட்ட வினைப்படுபொருள்களே விரைவாக வினைபுரியும்.
கட்டியான கால்சியம் கார்பனேட்டை விட தூளாக்கப்பட்ட கால்சியம் கார்பனேட் ஹைட்ரோகுளோரிக் அமிலத்துடன் மிக வேகமாக வினைபுரிகிறது.
ஏனெனில் தூளாக்கும் பொழுது புறப்பரப்பளவு அதிகரிக்கிறது.

இரண்டு சேர்மங்கள் வினைபுரியும் பொழுது அவற்றின் அயனிகள் பரிமாறிக் கொள்ளப்படுமானால் அவ்வினை இரட்டை இடப்பெயர்ச்சி வினை எனப்படுகிறது.
அவை: இரு வகைப்படும்
i) வீழ்படிவாக்கல் வினை
ii) நடுநிலையாக்கல் வினை
i) வீழ்படிவாக்கல் வினைகள்:
இரு சேர்மங்களின் நீர்க்கரைசல்களை கலக்கும் பொழுது, அவை வினைபுரிந்து நீரில் கரையாத ஒரு விளைபொருளும், நீரில் கரையும் ஒரு விளைபொருளும் தோன்றினால் அவ்வினை வீழ்படிவாக்கல் வினை எனப்படும்.

பொட்டாசியம் அயோடைடு மற்றும் லெட் நைட்ரேட்டுடன் வினைபுரிந்து மஞ்சள் நிற லெட் அயோடைடு சேர்மத்தை வீழ்படிவாக தருகிறது.
Pb(NO₃)_2(aq) + 2 KI_(aq) - PbI_2(s) + 2 KNO_3(aq)
ii) நடுநிலையாக்கல் வினைகள்:
• இதில் அமிலமும், காரமும் வினைபுரிந்து உப்பையும் நீரையும் தந்து, அமிலத்தன்மையும், காரத்தன்மையும், நடுநிலையாக்கப்படுவதால் இது நடுநிலையாக்கல் வினை எனப்படுகிறது.

சோடியம் ஹைட்ராக்ஸைடு ஹைட்ரோகுளோரிக் அமிலத்துடன் வினைபுரிந்து, சோடியம் குளோரைடு என்ற நடுநிலையான உப்பு நீரில் கரைந்து கிடைக்கிறது.
NaOH_(aq) + HCl_(aq) \(\rightarrow\) NaCl_(aq) + H₂O_(l)

1. ஒரு சேர்மம் வெப்பத்தை உட்கொண்டு சிதைவுற்று இரண்டு (அ) அதற்கு மேற்பட்ட எளிய மூலக்கூறுகளாக சிதைவுறும் வினை வெப்பச் சிதைவு வினை எனப்படும்.
2. மெர்குரி II ஆக்சைடு வெப்பத்தினால் சிதைவுற்று மெர்குரி மற்றும் ஆக்சிஜன் வாயுவாக மாறுகிறது.
3. இவ்வினை சேர்மத்திலிருந்து தனிமம் / தனிமம் சிதைவடைதல் என்ற வகையைச் சார்ந்தது.

4. கால்சியம் கார்பனேட்டை வெப்பப்படுத்தும்போது சிதைவுற்று கால்சியம் மற்றும் கார்பன் டை ஆக்சைடாக மாறுகிறது.
5. இவ்வினை சேர்மத்திலிருந்து சேர்மம் / சேர்மம் என்ற வகையைச் சார்ந்தது.

வெப்பச் சிதைவு வினைகளில் பிணைப்புகளை உடைப்பதற்கு வெப்பம் தரப்படுகிறது.
இது போன்ற வெப்பத்தை உறிஞ்சும் வினைகளை "வெப்பக்கொள் வினைகள்" எனலாம்.