QB365 provides detailed and simple solution for every
Book back Questions in class 10 Social Science Subject. It will helps to get more idea about question pattern in every Book back questions with solution.

latest Book back Questions

10ஆம் வகுப்பு Social Science / சமூக அறிவியல் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Social Science / சமூக அறிவியல் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

Generic 5

5 x 5 = 25

பொருளாதார முன்னேற்றத்தில் வரி விதிப்பின் பங்கினை விளக்குக.

கருப்பு பணம் என்றால் என்ன ? அதற்கான காரணங்களை எழுதுக

GST யின் அமைப்பை எழுதுக.

சில நேர்முக மற்றும் மறைமுக வரிகளை விளக்குக

பொருளாதார முன்னேற்ற கொள்கைகளில் அரசின் பங்கினை விவரி?

Visit QB365-SLMS - https://www.qb365.in/slms/

Answers Key:

Generic 5

5 x 5 = 25

வளங்களை திரட்டுதல் :
1. வரி விதிப்பு அரசாங்கத்திற்கு கணிசமான அளவிற்கு வருவாய் திரட்டுவதற்கு உதவுகிறது.
2. குறிப்பாக நேர்முக வரிகளான தனிநபர் வருமான வரி, நிறுவன வரி மற்றும் மறைமுக வரிகளான ஆயத்தீர்வை, சுங்கவரி ஆகியவற்றின் மூலமாக வரி வருவாய் திரட்டப்படுகிறது.
வருமான ஏற்றத்தாழ்வுகளைக் குறைத்தல் :
1. வரியின் மூலம் சமத்துவ முறையை உருவாக்கலாம். குறிப்பாக, நேர்முக வரியில் வளர்வீதவரி முறை பின்பற்றப்படுகிறது.
2. அதேபோல் சில மறைமுக வரிகளான ஆடம்பரப் பண்டங்களின் மீது விதிக்கப்படும் வரி வளர்வீத வரியின் தன்மையுடையதாகும்.
சமூக நலன் :
வரி விதிப்பு சமூக நலனை உருவாக்குகிறது. சில விரும்பத்தகாத பொருட்களான மதுபானங்கள் போன்ற பொருட்களின் மீது அதிகமான வரி விதிப்பதன் மூலம் சமூக நலன் பாதுகாக்கப்படுகிறது.
அந்நியச் செலாவணி :
வரிவிதிப்பு ஏற்றுமதியை ஊக்குவித்து இறக்குமதியைக் கட்டுப்படுத்துகிறது. பொதுவாக வளர்ந்து வரும் நாடுகளை விட வளர்ந்த நாடுகளின் ஏற்றுமதிப் பொருட்களுக்கு அதிகமாக வரிகளை விதிப்பதில்லை.
வட்டார முன்னேற்றம் :
வட்டார வளர்ச்சியில் வரிவிதிப்பு முக்கிய பங்கை வகிக்கிறது. பின்தங்கிய பகுதிகளில் தொழில் நிறுவனங்கள் அமைப்பதற்காக வரிச்சலுகையையும், வரி விடுமுறைகளையும் அளிப்பதன் மூலம், அப்பகுதிகளில் தொழிற்சாலைகளை அமைப்பதற்கு வணிக நிறுவனங்களைத் தூண்டுகிறது.
பண வீக்கத்தைக் கட்டுப்படுத்துதல் :
வரி என்பது பணவீக்கத்தைக் கட்டுப்படுத்தும் கருவிகளுள் ஒன்றாக பயன்படுத்தப்படுகிறது. அரசாங்கம் பண்டங்கள் மீதான வரி விகிதத்தை குறைப்பதன் மூலம் பண வீக்கத்தைக் கட்டுப்படுத்த முடியும்.

கருப்புப் பணம் :
கருப்புப் பணம் என்பது, கருப்பு சந்தையில் ஈட்டப்பட்ட வருமானம் மற்றும் செலுத்தப்படாத வரிப்பணம் ஆகும்.
வரி நிர்வாகியிடமிருந்து மறைக்கப்பட்ட கணக்கிடப்படாத பணமும் "கருப்புப் பணம்" என அழைக்கப்படுகிறது.
கருப்புப் பணத்திற்கான காரணங்கள் :
கருப்பு பணத்திற்கு பல காரணங்கள் அடையாளம் காணப்படுகின்றன. அவை
1. வரியின் அமைப்பு
2. பண்டங்கள் பற்றாக்குறை
3. உரிமம் பெறும் முறை
4. தொழில் துறையின் பங்கு
5. கடத்தல்

மாநில பண்டங்கள் மற்றும் பணிகள் வரி (SGST) (மாநிலத்திற்குள்) :
1. மதிப்புக் கூட்டு வரி (VAT)
2. ஆடம்பர வரி
3. பரிசுச் சீட்டு வரி
4. விற்பனை வரி
5. கொள்முதல் வரி
6. பொழுதுபோக்கு வரி
7. மாநில கூடுதல் கட்டணம் மற்றும் வரிகள்
மத்திய பண்டங்கள் மற்றும் பணிகள் வரி (CGST) (மாநிலத்திற்குள்) :
1. மத்திய சுங்கத்தீர்வை
2. கூடுதல் கட்டணம்
3. சேவை வரி
4. எதிர் வரி
5. கல்விக் கட்டணம் (இடைநிலைக் கல்வி மற்றும் மேல்நிலைக் கல்வி வரி}
6. கூடுதல் ஆயத்தீர்வை
ஒருங்கிணைந்த பண்டங்கள் மற்றும் பணிகள் வரி (IGST) (மாநிலங்களுக்கு இடையே) :
1. நான்கு முக்கிய GST விகிதங்கள் உள்ளன.
5%, 12%, 18% மற்றும் 28%
2. காய்கறிகள் மற்றும் உணவு தானியங்கள் போன்ற வாழ்க்கைக்குத் தேவையான அத்தியாவசியத் தேவைகளுக்கான அனைத்து பண்டங்களுக்கும் இந்த வரியிலிருந்து விலக்கு அளிக்கப்படுகின்றது.

நேர்முக வரிகள் :
1. நேர்முக வரி என்பது ஒரு தனிநபர் அல்லது நிறுவனத்தின் மீது நேரடியாக விதிக்கப்படுவதாகும். இவ்வரியை மற்றவர்கள் மீது புரட்டிவிட முடியாது.
2. வருமானவரி, சொத்துவரி மற்றும் நிறுவனவரி ஆகியன நேர்முக வரிகளாகும்.
வருமான வரி :
1. வருமான வரி இந்தியாவில் விதிக்கப்படுகின்ற நேர்முக வரிமுறையில் மிக முக்கியமான வரியாகும்.
2. இவ்வரி தனிநபர் பெறுகின்ற வருமானத்தின் அடிப்படையில் விதிக்கப்படுகின்றது. இவ்வரி வசூலிக்கப்படும் விகிதம் வருமான அளவைப் பொறுத்து மாறுபடக் கூடியது ஆகும்.
நிறுவன வரி :
1. இந்நிறுவன வரி தங்கள் பங்குதாரர்களிடமிருந்து தனி நிறுவனங்களாக இருக்கும் நிறுவனங்களுக்கு விதிக்கப்படுகிறது. இது இந்தியாவில் அமைந்துள்ள சிறப்பு உரிமைகளில், மூலதன சொத்துக்களின் விற்பனையிலிருந்து வரும் வட்டி இலாபங்கள், தொழில் நுட்ப சேவைகள் மற்றும் ஈவுத்தொகைக்கான கட்டணம் போன்றவற்றிலிருந்து வசூலிக்கப்படுகிறது.
2. நிறுவன வரி வெளிநாட்டு நிறுவனங்கள் பெறும் வருமானத்தின் மீது விதிக்கப்படுகிறது அல்லது இவ்வரியானது இந்தியாவில் தோன்றுவதாகக் கருதப்படுகிறது.
சொத்து வரி :
1. சொத்து வரி (அ) செல்வ வரி என்பது சொத்திலிருந்து பெறப்பட்ட நன்மைகளுக்காக சொத்தின் உரிமையாளருக்கு விதிக்கப்படுகின்ற வரியாகும்.
2. ஒவ்வொரு ஆண்டும் சொத்தின் நடப்பு சந்தை மதிப்பின் அடிப்படையில் விதிக்கப்படுகிறது.
3. இவ்வரி தனிநபர்கள் மற்றும் நிறுவனங்களின் மீது விதிக்கப்படும் வரியாகும்.
மறைமுக வரிகள் :
1. ஒருவர் மீது விதிக்கப்பட்ட வரிச்சுமையை மற்றொருவருக்கு மாற்றப்பட்டால் அது "மறைமுக வரி" எனப்படும்.
2. முத்திரைத்தாள் வரி, பொழுதுபோக்கு வரி, சுங்கத்தீர்வை மற்றும் பண்டங்கள் மற்றும் பணிகள் மீதான வரி (GST) ஆகியன மறைமுக வரிகளாகும்.
முத்திரைத்தாள் வரி :
முத்திரைத்தாள் வரி என்பது அரசாங்க ஆவணங்கள் மீது விதிக்கப்படுகின்ற வரிகளான திருமண பதிவு, சொத்து தொடர்பான ஆவண பதிவு மற்றும் சில ஒப்பந்த பத்திரங்கள் பதிவு போன்றவைகள் மீது விதிக்கப்படுவதாகும்.
பொழுதுபோக்கு வரி :
எந்தவொரு பொழுதுபோக்கு மூலங்களாக இருந்தாலும், அரசாங்கத்தால் விதிக்கப்படுகின்ற வரி பொழுதுபோக்கு வரியாகும். உதாரணமாக திரைப்படங்கள், பொழுதுபோக்கு பூங்காக்கள், கண்காட்சிகள், விளையாட்டு நிகழ்ச்சிகள் ஆகியவற்றை பார்ப்பதற்காக விதிக்கப்படுகின்ற வரியாகும்.
சுங்கத்தீர்வை (அ) கலால் வரி :
சுங்கத்தீர்வை என்பது விற்பனையை விட, உற்பத்தியின் இயக்கத்தில் உள்ள எந்தவொரு உற்பத்திப் பொருட்களின் மீதும் விதிக்கப்படும் வரியாகும். இவ்வரி பொதுவாக விற்பனை வரி போன்ற மறைமுக வரிகளுக்கு கூடுதலாக விதிக்கப்படுகிறது.
பண்டங்கள் மற்றும் பணிகள் வரி (GST) :
1. பண்டங்கள் மற்றும் பணிகள் வரி, நுகர்வோர்கள் பண்டங்கள் மற்றும் பணிகளை வாங்கும் பொழுது விதிக்கப்படுகின்ற வரியாகும்.
2. இது மத்திய மற்றும் மாநில அரசாங்கங்களால் பண்டங்கள் மற்றும் பணிகளுக்கு விதிக்கப்படும் அனைத்து மறைமுக வரிகளையும் மாற்றுவதை நோக்கமாகக் கொண்டுள்ளது.

இந்தியாவில் மத்திய, மாநில மற்றும் உள்ளாட்சி ஆகிய மூன்று நிலையிலான அரசாங்கங்கள் மக்கள் மற்றும் சமூகத்தின் நலனுக்காக பல்வேறு செயல்பாடுகளைச் செய்து வருகின்றன.
பாதுகாப்பு (அ) இராணுவம் :
1. எதிரிகளிடமிருந்து மக்களைப் பாதுகாப்பது இராணுவத்தின் அத்தியாவசியப் பணியாகக் கருதப்படுகிறது.
2. பாதுகாப்பு படைகளை உருவாக்குவதற்கும், பராமரிப்பதற்கும் மத்திய அரசாங்கமே பொறுப்பானதாகும்.
அயல்நாட்டுக் கொள்கை :
1. இன்றைய உலகில், நாம் அனைத்து உலக நாடுகளுடனும் நட்பான உறவைப் பராமரித்தல் அவசியமானதாகும்.
2. உலக அமைதிக்காக இந்தியா உறுதி ஏற்றுள்ளது.
3. ஏற்றுமதி மற்றும் இறக்குமதி செய்வதன் மூலமும், மூலதனம் மற்றும் உழைப்பை பரிமாற்றம் செய்வதன் மூலமும் நாம் நல்ல பொருளாதார உறவினை பராமரிக்க முடியும். இந்த சேவையை மத்திய அரசாங்கம் வழங்குகிறது.
அவ்வப்போது தேர்தல்களை நடத்துதல் :
இந்தியா ஒரு ஜனநாயக நாடு. நாம் நாடாளுமன்றம் மற்றும் சட்டமன்றத்திற்குப் பிரதிநிதிகளை தேர்ந்தெடுக்கின்றோம். இதேபோல், மாநில அரசுகள் உள்ளாட்சி மன்றங்களுக்கு தேர்தலை மாநிலத்திற்குள் நடத்துகின்றன.
சட்டம் மற்றும் ஒழுங்கு :
1. மத்திய மற்றும் மாநில அரசுகள் நமது உரிமைகள், சொத்துக்களைப் பாதுகாப்பதற்கும், நமது பொருளாதாரம் மற்றும் சமூகத்தை ஒழுங்குபடுத்துவதற்கும் ஏராளமான சட்டங்களை இயற்றுகின்றன.
2. மத்திய அரசு தேசிய, மாநில மற்றும் கீழ்நிலைகளில் உள்ள நீதிமன்றங்களை உள்ளடக்கிய ஒரு துடிப்பான நீதி அமைப்பின் மூலம் பிரச்சனைகளைத் தீர்ப்பதற்காக அமைத்துள்ளது.
3. மேலும் அந்தந்த மாநிலங்களில் காவல்துறையை நிர்வகிக்கும் பொறுப்பை மாநில அரசுகள் ஏற்றுக்கொள்கின்றன.
பொது நிர்வாகம் மற்றும் பொதுப்பண்டங்களை வழங்குதல் :
1. அரசாங்கம் பொதுவாக பல்வேறு துறைகள் மூலம் பொருளாதாரத்தையும் சமூகத்தையும் நிர்வகிக்கிறது.
2. வருவாய் துறை, பள்ளிகள், மருத்துவமனைகள் கிராம வளர்ச்சி போன்றவைகள் எடுத்துக்காட்டுகளாகும்.
3. உள்ளூர் அரசாங்கங்கள், உள்ளூர் சாலைகள், வடிகால், குடிநீர், கழிவு சேகரிப்பு மற்றும் அகற்றல் போன்ற பொது பணிகளை வழங்குகின்றன.
வருமான மறுபகிர்வு மற்றும் வறுமை ஒழிப்பு :
1. பல்வேறு நடவடிக்கைகளுக்கு நிதியளிக்க அரசு பல்வேறு வரிகளை வசூலிக்கின்றது. அதிக வருமானம் உடையவர்கள் ஏழைகளைவிட அரசாங்கத்திற்கு அதிக வரி செலுத்தக்கூடிய வகையில் வரி வசூலிக்கப்படுகிறது.
2. சில அடிப்படைத் தேவைகளான உணவு, தங்குமிடம், உடை, கல்வி, சுகாதாரப் பாதுகாப்பு மற்றும் மாத வருமானம் போன்றவற்றினை ஏழைகளுக்கு வழங்குவதற்காக அரசாங்கம் பணத்தைச் செலவிடுகிறது.
பொருளாதாரத்தை ஒழுங்குபடுத்துதல் :
1. மத்திய அரசு, பணத்தின் அளிப்பு, வட்டி வீதம், பணவீக்கம் மற்றும் அந்நியச் செலாவணி ஆகியவற்றை இந்திய மைய வங்கி மூலம் கட்டுப்படுத்துகிறது.
2. இந்திய பங்கு மற்றும் பரிவர்த்தனை வாரியம் மற்றும் இந்திய போட்டி ஆணையம் போன்ற பல்வேறு முகவர்கள் மூலமாகவும் மத்திய அரசு பொருளாதாரத்தைக் கட்டுப்படுத்துகிறது.
3. இந்தியாவில் உள்ள அரசாங்கங்கள் மற்றும் பொதுத்துறை நிறுவனங்கள் மலிவு விலையில் அத்தியாவசியமான பொருட்கள் மற்றும் சேவைகளை மக்களுக்கு வழங்குகின்றன.