சாலைப் போக்குவரத்தின் சாதக அம்சங்கள்:
1. சாலைவழி, குறுகிய மற்றும் நீண்ட தூரத்திற்கு பயணிகள் மற்றும் சரக்குகளைக் கொண்டு செல்வதில் முக்கியப் பங்கு வகிக்கிறது.
2. இது குறுகிய, மத்திய மற்றும் தொலைதூர சேவைகளுக்கு மிகவும் ஏற்றது.
3. இது குறுகிய தூர பயணத்திற்கு மிகவும் உகந்தது ஆகும்.
4. சாலைகளை அமைப்பது மற்றும் பராமரிப்பு செய்வது மற்ற போக்குவரத்து முறைகளை ஒப்பிடும் பொழுது மலிவானதாகும்.
5. சாலைப் போக்குவரத்து அமைப்பு மூலம் பண்ணைகள், தொழிற்சாலைகள் மற்றும் சந்தைகள் ஆகியவற்றிற்கு இடையில் எளிதில் தொடர்பு ஏற்படுகிறது.
6. இது சமுதாயத்தின் அனைத்துப் பிரிவு மக்களாலும் பயன்படுத்தக்கூடிய மலிவான போக்குவரத்து ஆகும்.

தகவல் தொடர்பு:
தகவல்கள், எண்ணங்கள் மற்றும் கருத்துகளின் பரிமாற்றத்தையே தகவல் தொடர்பு என்கிறோம். தகவல் தொடர்புத் துறையில், தொழில்நுட்பம் வியக்கத்தக்க வகையில் உள்ளது.
வகைகள்:
i. பொதுத்தகவல் தொடர்பு
ii. தனிமனித தகவல் தொடர்பு

இந்தியாவின் முக்கிய உள்நாட்டு நீர்வழிப் போக்குவரத்து:
தேசிய நீர்வழிப்போக்குவரத்து எண்: 1
இது ஹால்தியா மற்றும் அலகாபாத் இடையே 1620 கி.மீ நீளத்தைக் கொண்டு, கங்கை - பாகிரதி -ஹுக்ளி ஆறுகளுடன் இணைந்து செயல்படுகிறது.
தேசிய நீர்வழிப்போக்குவரத்து எண்: 2
இது பிரம்மபுத்ரா ஆற்றில் துப்ரி மற்றும் காடியாவிற்கு இடையே சுமார் 891 கி.மீ நீளத்தைக் கொண்டுள்ளது.
தேசிய நீர்வழிப்போக்குவரத்து எண்: 3
இந்த நீர்வழி கேரளா மாநிலத்தின் கொல்லம் மற்றும் கோட்டபுரம் இடையே உள்ளது. 
24 மணி நேரமும் செயல்பட்டு 205 கி.மீ தொலைவிற்கு போக்குவரத்து வசதியை அளிக்கக்கூடிய இந்தியாவின் முதல் தேசிய நீர்வழிப் போக்குவரத்து இதுவாகும்.

1. எண்ணெய் மற்றும் இயற்கை எரிவாயு வயல்களையும், எண்ணெய் சுத்திகரிப்பு நிலையங்களையும், அதன் சந்தை பகுதிகளோடு இணைப்பதற்கு, எளிதான மற்றும் சிறந்த போக்குவரத்தாக குழாய் போக்குவரத்து செயல்பட்டு வருகிறது.
2. முன்னதாக இவை நகரங்களுக்கும், தொழிற்சாலைகளுக்கும் தண்ணீர் வழங்குவதற்கு பயன்படுத்தப்பட்டது. 
3. தற்பொழுது திடப்பொருள்களும் குழம்பாக்குதல் மூலம் குழாய் வழியே கொண்டு செல்லப்படுகிறது.
4. குழாய் போக்குவரத்து அமைப்பதற்கு ஆரம்பகால செலவுகள் அதிகம். ஆனால் இதனை பராமரிப்பதற்கான செலவு மிகவும் குறைவு.
5. இவற்றை கடினமான நிலப்பகுதிகளிலும், நீருக்கு அடியிலும் அமைக்க இயலும். இது தடங்கலற்ற, குறைந்த செலவுடைய, காலதாமதமற்ற மற்றும் ஆவியாதலற்ற போக்குவரத்து ஆகும்.

மனித வள மேம்பாடு: மனித வள மேம்பாடு என்பது கல்வி, உடல்நலம், அதிகாரம் போன்றவைகளில் மக்களுக்கான வாய்ப்புகளை அதிகப்படுத்தும் ஒரு செயல் முறையாகும்.