1932 ஆம் ஆண்டு காந்தியடிகள் மற்றும் அம்பேத்கர் இடையே ஒப்பந்தம் ஒன்று எட்டப்பட்டது. இது பூனா ஒப்பந்தம் என்று அழைக்கப்பட்டது.
முக்கிய விதிமுறைகள்:
1. தனித் தொகுதிகள் பற்றிய கொள்கைகள் கைவிடப்பட்டன மாறாக ஒடுக்கப்பட்ட வகுப்பு மக்களுக்கு இட ஒதுக்கீடு வழங்கும் கூட்டுத்தொகுதிகள் பற்றிய யோசனை ஏற்கப்பட்டது.
2.  ஒடுக்கப்பட்ட வகுப்பினருக்கான இடங்கள் 71லிருந்து 148ஆக அதிகரிக்கப்பட்டது. மத்திய சட்டப்பேரவையில் 18 சதவீத இடங்கள் ஒதுக்கப்பட்டன.

1. டொமினியன் எனப்படும் தன்னாட்சிப் பகுதியின் தகுதி குறித்து திருப்தி அடையாத  காங்கிரஸினர் சிலர், முழுமையான சுதந்திரம் வேண்டி கோரிக்கை வைத்தனர்.
2. 1929 டிசம்பர் மாதம் லாகூரில் ஜவகர்லால் நேரு தலைமையில் நடந்த காங்கிரஸ் அமர்வில் முழுமையான சுதந்திரம் என்பது இலக்காக அறிவிக்கப்பட்டது.
3. முழுமையான சுயராஜ்ஜியம் என்பது முழுமையான சுதந்திரம் பெறுவது ஆகும்.

1. சர் ஜான் சைமன் தலைமையிலான இந்தக் குழுவில் ஏழு உறுப்பினர்கள் இடம் பெற்றனர். இக்குழுவில் இந்தியர்கள் எவரும் இடம்பெறாமல் அனைவரும் வெள்ளையர்களாகவே இடம் பெற்றனர்.
2. இந்தியர் ஒருவர் கூட உறுப்பினராக இல்லாத காரணத்தால் இந்தியர்கள் ஆத்திரமும் அவமானமும் அடைந்தனர். தங்கள் அரசியல் சாசனத்தை நிர்ணமிக்க தங்களுக்கு உரிமை இல்லாத நிலை கண்டு கொதித்தனர்.
3. காங்கிரஸ் மற்றும் முஸ்லீம்லீக் உள்ளிட்ட அனைத்து இந்தியப் பிரிவுகளும் சைமன் குழுவினை புறக்கணிப்பது என முடிவு செய்தது.

(i) காங்கிரஸ் கட்சி இரண்டாகப் பிளவுபட்டது. அவை மாற்றத்தை விரும்புவோர்கள் மற்றும் மாற்றத்தை விரும்பாதவர்கள் என இரண்டு பிரிவுகள் ஆகும்.
(ii) மோதிலால் நேரு. சி.ஆர்.தாஸ் ஆகியோர் தலைமையிலான காங்கிரசார் தேர்தலில் போட்டியிட்டு சட்ட பேரவைக்குள் நுழைய வேண்டும் என்று விரும்பினார்கள்.
(iii) சட்டப் பேரவைகளில் பங்கேற்று பணியாற்றுவதன் மூலம் மட்டுமே தேசநலன்கள் மேம்படும் என்றும், இரட்டை ஆட்சியில் பங்கேற்பதன் மூலம் தான் காலனி ஆதிக்க அரசை பாதிப்படைய வைக்க முடியும் என்றும் அவர்கள் வாதிட்டனர்.
(iv) அவர்களே மாற்றத்தை விரும்புவோர் என்று அழைக்கப்பட்டனர். வல்லபாய் பட்டேல், சி.ராஜகோபாலாச்சாரி உள்ளிட்ட காந்தியடிகளைத் தீவிரமாகப் பின்பற்றிய பலர் மாற்றத்தை விரும்பாதவர்களாக அரசுடன் ஒத்துழையாமை இயக்கத்தை தொடர விரும்பினார்கள்.

1. இசுலாமிய மதத்தலைவர் என உலகம் முழுவதும் போற்றப்பட்ட துருக்கியின் கலிபா கடுமையாக நடத்தப்பட்டார்.
2. அவருக்கு ஆதரவாக தோற்றுவிக்கப்பட்ட இயக்கமே கிலாபத் இயக்கம் என்று அழைக்கப்பட்டது.
3. மௌலானா முகமது அலி மற்றும் மௌலானா சௌகத் அலி எனும் அலி சகோதரர்கள் தலைமையில் இவ்வியக்கம் நடந்தது.
4. இந்த இயக்கத்துக்கு ஆதரவளித்த காந்தியடிகள், இந்த இயக்கத்தை இந்து முஸ்லிம்களை இணைக்க ஒரு வாய்ப்பாகக் கருதினார்.