கணினி அறிமுகம்

11ஆம் வகுப்பு Computer Applications / கணினி பயன்பாடுகள் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Computer Applications / கணினி பயன்பாடுகள் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

Multiple Choice Question

5 x 1 = 5

ஒரு கணிப்பொறி மீண்டும் தொடங்கும் போது எந்த வகையான தொடங்குதலைப் பயன்படுத்துகிறது.

(a)

உடன் தொடக்கம்

(b)

தண் தொடக்கம்

(c)

தொடு தொடக்கம்

(d)

மெய் தொடக்கம்

ஏ.டி.எம் இயந்திரங்களில், கீழ்க்கண்டவற்றுள் எது பயன்படுத்தப்படுகிறது?

(a)

தொடுதிரை

(b)

திரையகம்

(c)

ஒலி பெருக்கி

(d)

அச்சுப்பொறி

கட்டிட வரைபடத் திட்டம், பிளக்ஸ் அட்டை போன்றவற்றை அச்சிடப் பயன்படும் வெளியீட்டு சாதனம் எது?

(a)

வெப்ப அச்சுப்பொறி

(b)

வரைவி

(c)

புள்ளி அச்சுப்பொறி

(d)

மைபீச்சு அச்சுப்பொறி

தற்காலிக நினைவகம் எது?

(a)

ROM

(b)

PROM

(c)

RAM

(d)

EPROM

முதல் தலைமுறை கணிப்பொறிகளில் பயன்படுத்தப்பட்ட பகுதிப்பொருள் _______.

(a)

வெற்றிடக்குழுல்

(b)

திரிதடையகம்

(c)

ஒருங்கிணைந்தச் சுற்றுகள்

(d)

நுண்செயலிகள்

Generic 2

7 x 2 = 14

இரண்டாம் தலைமுறைக் கணிப்பொறிகளின் நிறைகள் யாவை?

முதல் தலைமுறைக் கணிப்பொறிகளின் குறைபாடுகளைப் பட்டியலிடு.

கணிப்பொறியின் தந்தை என அழைக்கப்படுவர் யார்? ஏன் அவ்வாறு அழைக்கப்படுகிறார்?

கணித ஏரணச் செயலகத்தின் (ALU) செயல்பாடு யாது?

10.

மையச் செயலகத்தின் (CPU) பகுதிகள் யாவை?

11.

தரவு மற்றும் தகவல் வேறுபடுத்துக.

12.

கணிப்பொறி என்றால் என்ன?

Generic 3

7 x 3 = 21

13.

தட்டல் வகை மற்றும் தட்டா வகை அச்சுப்பொறி - வேறுபடுத்துக்க.

14.

கணிப்பொறியின் ஐந்து தலைமுறைகள் ஒவ்வொன்றிலும் பயன்படுத்திய முதன்மைப் பொருள் யாது?

15.

முதல் இழக்கவகைக் கணிப்பொறி பற்றிக் குறிப்பு வரைக.

16.

திரையகத்தின் குறிப்பிடத்தக்க சிறப்பியல்புகளைப் பற்றி எழுதுக.

17.

ஆறாவது தலைமுறையின் தன்மைகளைப் பற்றி சுருக்கமாக எழுதுக.

18.

தட்டல் வகை அச்சுப்பொறியைப் பற்றி சிறுகுறிப்பு வரைக.

19.

ஒளியியல் சுட்டி மற்றும் லேசர் சுட்டி வேறுபடுத்துக

Generic 5

2 x 5 = 10

20.

மிகவும் பொதுவாகப் பயன்படுத்தப்படும் சுட்டியின் வகைகளை விவரி.

21.

கணிப்பொறியின் அடிப்படை பாகங்களைத் தெளிவான விளக்கப்படத்துடன் விளக்கு.

Visit QB365-SLMS - https://www.qb365.in/slms/

Answers Key:

Multiple Choice Question

5 x 1 = 5

(a)
உடன் தொடக்கம்

(a)
தொடுதிரை

(b)
வரைவி

(a)
வெற்றிடக்குழுல்

Generic 2

7 x 2 = 14

1. முதல் தலைமுறையுடன் ஒப்பிடும்போது அளவில் சிறியது, குறைந்த மின்சாரத்தை எடுத்துக்கொண்டது.
2. குறைந்த வெப்பத்தை உருவாக்கியது.
3. துளையிட்ட அட்டை, உள்ளீட்டுக்கு பயன்படுத்தப்பட்டது.
4. முதல் இயக்க அமைப்பான தொகுப்பு செயலாக்க அமைப்பு உருவாக்கப்பட்டது.
5. இயந்திர மொழி மற்றும் அசெம்பளி மொழி பயன்படுத்தப்பட்டது.

1. அளவில் பெரியது.
2. அதிக அளவு மின்சாரத்தை எடுத்துக் கொண்டது.
3. அதிக வெப்பம் காரணமாகச் செயலிழக்கும்.
4. இயந்திர மொழி பயன்படுத்தப்பட்டது.

1. 1837ம் ஆண்டு "அனலடிக்கல் இன்ஜின்" என்ற கருவியை வடிவமைத்த சார்லஸ் பாபேஜ், "கணிப்பொறியின் தந்தை" என அழைக்கப்படுகிறார்.
2. "அனலடிக்கல் இன்ஜின்" கணித ஏரணச் செயலகத்தையும், உள்ளிணைந்த நினைவகத்தையும் உள்ளடக்கியது.
3. இவரின் இந்த "அனலடிக்கல் இன்ஜின்" முதல் பொதுப்பயன் கணிப்பொறிகளை வடிவமைக்க அடிப்படையாக அமைந்ததால் அவர் அவ்வாறு அழைக்கப்படுகிறார்.

1. மையச் செயலகத்தின் ஒரு பகுதியாக உள்ள கணித ஏரணச் செயலகம், பல கணிப்பீடு செயல்களைத் தரவின் மீது நிகழ்த்துகிறது.
2. கூட்டல், கழித்தல், பெருக்கல், வகுத்தல் மற்றும் தருக்கச் செயல்கள் போன்ற கணிதச் செயல்பாடுகளைக் கணித ஏரணச் செயலகம் செய்கிறது.
3. மையச்செயலகத்தில் உள்ள உள் நினைவகத்தில் இதன் விடை சேமிக்கப்படுகிறது. கணித ஏரணச் செயலகத்தின் தருக்கச் செயல் திறனே கணிப்பொறியின் முடிவெடுக்கும் திறனை மேம்படுத்துகின்றன.

10.

மையச்செயலகத்தின் மூன்று பகுதிகள் உள்ளன. அவை
1. கட்டுப்பாட்டகம் (CU-Control Unit).
2. கணித ஏரணச் செயலகம் (AlU - Arithmetic and Logic Unit)
3. நினைவகம் (MU - Memory Unit) ஆகும்.

11.

தரவு	தகவல்
1. பல்வேறு வகைகளிலும் திரட்டப்படும் அடிப்படைச் செய்தித்துணுக்கு தரவு எனப்படும். இது தொடர்ப்பு கொள்வதற்கும். விளக்குவதற்கும் அல்லது செயலாக்கம் செய்வதற்கும் ஏற்றது.	தகவல் என்பது முடிவுகளை எடுக்கக்கூடிய உண்மைகளின் தொகுப்பாகும்.
2. அர்த்தமற்றவை.	அர்த்தமுள்ளவை.
எ.கா: 16, 'Arun', 'c'	எ.கா:அருண் வயது 16

12.

கணிப்பொறி என்பது கொடுக்கப்பட்ட கட்டளைகளை உள்ளீடாகப் பெற்று, அதிவேகமாகச் செயல்பட்டு, விரும்பிய வெளியீட்டை வழங்கும் ஒரு மின்னணு சாதனம் ஆகும்.

Generic 3

7 x 3 = 21

13.

தட்டல் வகை	தட்டா வகை
1.சிறுகம்பி, மைநாடா மீது தட்டி ஒரு புள்ளியை அல்லது முழு எழுத்தை ஏற்படுத்தும்.	லேசர் மற்றும் நிலை மின்னோட்டத் தொழில் நுட்பத்தைப் பயன்படுத்துகிறது.
2. இயந்திர அழுத்தத்தைப் பயன்படுத்தி ஒரே சமையத்தில் பல படிகள் எடுக்க முடியும்.	பல படிகள் எடுக்க முடியாது.
3. வேகம் மற்றும் தரத்தில் குறைந்தது.	வேகம் மற்றும் தரத்தில் சிறந்தது.
எ.கா: புள்ளி அச்சுப்பொறி, வரிபுள்ளி அச்சுப்பொறி	எ.கா: லேசர் அச்சுப்பொறி மை பீச்சு அச்சுப்பொறி

14.

தலைமுறை	தொழில்நுட்பம் (அ) முதன்மைப் பொருள்
1. முதல் (1942-1955) தலைமுறை	வெற்றிடக்குழல் (vaccum tube)
2. இரண்டாம் (1955 - 1964) தலைமுறை.	திரிதடையகம் (Transistors)
3. மூன்றாம் (1964 - 1975) தலைமுறை.	ஒருங்கிணைந்த சுற்றுகள் (Integrated circuits) ICs
4. நான்காம் (1975-1980) தலைமுறை.	நுண்செயலி (VLSI) Very Large Scale Integrated Circuits.
5. ஐந்தாம் (1980 - இன்று வரை) தலைமுறை.	ULSI (Ultra Large Scale Integration)

15.

1. ENIAC (Electronic Numerical Integrator and Calculator)-ஐ ஜே. பிரெஸ்பர் எகெர்ட் மற்றும் ஜான் மெளச்சிலி ஆகிய இருவர் பென்சில்வேனியா பல்கலைக் கழகத்தில் 1943ம் ஆண்டின் தொடக்கத்தில் வடிவமைக்கத் தொடங்கினர்.
2. ENIAC 1800 சதுர அடி இடப்பரப்பில் சுமார் 18000 வெற்றிடக்குழல்களுடன் 50டன் எடையில் வடிவமைக்கப்பட்டது.
3. ENIAC ஒரு கணிப்பொறிக்கான அனைத்து அம்சங்கள் கொண்டதாகவும், செயல்படும் விதத்திலும் இருந்ததால், இதுவே முதல் கணிப்பொறியாகக் கருதப்படுகிறது.

16.

1. தகவலைத் திரையில் காட்டப் பொதுவாகப் பயன்படுத்தப்படும் வெளியீட்டு சாதனம் திரையகம் ஆகும்.இது தொலைக்காட்சி பெட்டியைப் போன்றது.
2. திரையகத்தில் படங்கள் பிக்செல்ஸ் எனப்படும் படக்கூறுகளால் உருவாக்கப்படுகின்றன.
3. ஒரே வண்ணமுடைய திரையகம் கருப்பு மற்றும் வெள்ளை நிறத்தில் காட்டுகிறது. வண்ணத் திரையகம் பல நிறங்களில்காட்டுகிறது.
4. சிஆர்டி (கத்தோட் ரே டியூப்) - CRT (Cathode Ray tube), எல்சிடி (லிக்விட் கிரிஸ்டல் டிஸ்பிளே)- LCD (Liquid Crystal Display) மற்றும் எல்ஈடி (லைட் ஏமிட்டிங் டையோட்கள் - LED) (Light Emitting Diodes) போன்ற பல்வேறு வகையான திரையகங்கள் கிடைக்கின்றன.
5.திரையகம் தகவலை விஜிஏ (ஒளிஉரு வரைபட வரிசை)- VGA(Video Graphics Array) மூலம் திரையில் காட்டுகிறது.
6. விசைப்பலகை திரையகத்துடன் தொடர்பு கொள்ள ஒளிஉரு வரைபட அட்டை (Video Graphics Card) உதவுகிறது.
7. இது கணிப்பொறி மற்றும் திரையகத்தின் இடையே இடைமுகமாக செயல்படுகிறது. அண்மையில் உள்ள மதர்போர்ட்களில் உள்ளிணைந்த வரைபட அட்டை வழக்கமாக உள்ளது.

17.

1. செயற்கை நரம்பியல் வலையமைப்பின் (ANN - Artificial Neural Networks) அடிப்படையில் ஆறாவது தலைமுறை கணிப்பொறிகள், அறிவு சார்ந்த கணிப்பொறிகள் என வரையறுக்கப்படுகிறது.
2. ஆறாவது தலைமுறை, கணிப்பொறிகளின் வியத்தகு மாற்றங்களில் ஒன்று பரந்த வலையமைப்பு (WAN - Wide Area Networking(-ன் வளர்ச்சி ஆகும்.
3. இயற்கை மொழி செயலாக்கம் (NLP - Natural Language Processing) என்பது செயற்கை நுண்ணறிவின் (AI - Artificial Intelligence) - ஒரு அங்கமாகும்.
4. இது மனித மொழியைப் புரிந்துகொள்ளக் கூடிய ஒரு கணிப்பொறி நிரலை உருவாக்குவதற்கானத் திறனை வழங்குகிறது.
i .இணை மற்றும் பகிர்வு கணிப்பீடு
ii. கணிப்பொறிகள் திறமையாகவும், விரைவாகவும் மற்றும் சிறியதாகவும் இருக்கும்.
iii. செயற்கை மனிதர்கள் (Robots) உருவாக்குதல்.
iv. இயற்கை மொழி செயலாக்கம்
v. குரல் அறிதல் மென்பொருள் உருவாக்குதல்.

18.

1. இந்த வகையில் ஒரு சிறு கம்பி, மை நாடா மீது தட்டி ஒரு புள்ளியை ஏற்படுத்தும் அல்லது ஒரு முழு எழுத்தை தட்டி அந்த எழுத்தை ஏற்படுத்தும்.
2. இந்த அச்சுப்பொறிகள் இயந்திர அழுத்தத்தைப் பயன்படுத்தி ஒரே சமயத்தில் பல படிகள் எடுக்க வகை செய்கிறது.
எ.கா: வரி அச்சுப்பொறி மற்றும் வரிபுள்ளி அச்சுப்பொறி.
3. புள்ளி அச்சுப்பொறி ஒரு குறிப்பட்ட எண்ணிக்கையிலான செருகி அல்லது கம்பிகளைப் பயன்படுத்தி அச்சிடுகிறது.
4. ஒவ்வொரு புள்ளியும் ஒரு சிறிய உலோகக் கம்பி மூலம் உருவாக்கப்படுகிறது.
5. இதில் பொதுவாக ஒரு நேரத்தில் ஒரு வரி உரையே மட்டுமே அச்சிட முடியும்.
6. விரிபுள்ளி அச்சுப்பொறிகள் நிலையான அச்சுத் தலையை அச்சிடப் பயன்படுத்துகிறது.|
7. இந்த அச்சுப்பொறிகளின், அச்சிடும் வேகம் 30 முதல் 1550 சிபிஎஸ் (CPS - Character Per Second) வரை வேறுபடுகிறது.
8. அடிப்படையில், இது ஒரு பக்க அளவிலான புள்ளிகளை அச்சிடுகிறது.
9. வரி அச்சுப்பொறிகள் வினாடிக்கு 1000 க்கு மேற்பட்ட வரிகளை அச்சிடும் திறன் கொண்டது.

19.

ஒளியியல் சுட்டி	லேசர் சுட்டி
1. ஒளிப் பயன்படுத்தப்படுகிறது.	அகச்சிவப்பு கதிர்களைப் பயன்படுத்துகிறது.
2. இதில் மூன்று பொத்தான்கள் உள்ளன.	அதிகளவாக 12 பொத்தான்கள் வரை இருக்கும். பயனர் தனக்கேற்ற வகையில் அவைகளை நிரலாக்கம் செய்து கொள்ள முடியும்.
3. குறைவான உணர்திறன் கொண்டது.	மிகுந்த உணர்திறன் கொண்டது.
4.கடினமான மேற்பரப்பில் செயல்படாது.	எந்தக் கடினமான மேற்பரப்பிலும் செயல்படும்.

Generic 5

2 x 5 = 10

20.

சுட்டியின் வகைகள்	இயங்கும் முறை	உருக்கம்
இயந்திரவியல் சுட்டி (Mechanical)	1. ஒரு சிறிய கடினமான ரப்பர் பந்து சுட்டியின் உள்ளே பொருத்தப்பட்டிருக்கும். அது அந்தச் சுட்டியின் அடிப்பகுதியில் உள்ள ஒரு துளையின் வழியே, தரைப்பகுதியில் வைக்கப்பட்டுள்ள அட்டையின் மீது உருளும் வகையில் அமைக்கப்பட்டிருக்கும். 2. சுட்டி நகர்த்தப்படும்போது பந்து உருளும். 3. பந்தின் நகர்வு, சமிக்ஞைகளாக மாற்றப்பட்டுக் கணிப்பொறிக்கு அனுப்பப்படுகிறது.	டெலிஃபன்கன், ஜெர்மானிய நிறுவனம் 02/10/1968 (Telefunken, German Company)
ஒளியியல் சுட்டி (Optical)	1. சுட்டியின் இயக்கம் மற்றும் முடுக்கம் (acceleration) அளவிடப்படும். 2. சுட்டி நகர்வதைத் தீர்மானிக்கப் பந்துக்குப் பதிலாக ஒளிப் பயன்படுத்தப்படுகிறது. 3. ஒளியியல் சுட்டியில் மூன்று பொத்தான்கள் உள்ளன. 4. ஒளியியல் சுட்டிக் குறைவான உணர்திறன் கொண்டது.	1980-ல் ரிச்சர்டு லயன் (Richard Lyon), ஸ்டீவ் கிரீஸ் (Steve Kirsch), தன்னிச்சையாக பல வகையான ஒளியியல் சுட்டியின் வகைகளைக் கண்டுபிடித்தனர்.
லேசர் சுட்டி (Laser)	1. சுட்டியின் இயக்கம் மற்றும் முடுக்கம் (acceleration) அளவிடப்படும். 2. லேசர் சுட்டி அகச்சிவப்புக் கதிர்களைப் பயன்படுத்துகிறது. 3. லேசர் சுட்டி மிகுந்த உணர்திறன் கொண்டது மற்றும் எந்தக் கடினமான மேற்பரப்பிலும் செயல்படும்.	--

21.

கணிப்பொறி என்பது வன்பொருள் மற்றும் மென்பொருளின் கலவையாகும். கணிப்பொறியில் உள்ள பருப்பொருள்களான மதர்போர்ட் (motherboard), நினைவகம் (memory), திரையகம் (monitor) மற்றும் விசைப்பலகை (keyboard) போன்றவை வன்பொருள் (hardware) ஆகும். மென்பொருள் (software) என்பது கணிப்பொறிக்கு வழங்கப்படும் கட்டளை அல்லது கட்டளைகளின் தொகுப்பு ஆகும். ஒரு கணிப்பொறியின் இயக்கத்திற்கு வன்பொருள் மற்றும் மென்பொருள் ஆகிய இரண்டும் துணைபுரிகிறது .

உள்ளீட்டகம்:
உள்ளீட்டகம் அனைத்து வகையான தரவுகளையும் கணிப்பொறிக்குள் உள்ளிடப் பயன்படுகிறது. உள்ளிடப்பட்ட தரவுகள் செயலாக்கத்திற்காக நினைவகத்தில் சேமிக்கப்படுகின்றன. எடுத்துக்காட்டு விசைப்பலகை, சுட்டி போன்றவை.
மையச் செயலகம்:
1. மையச் செயலகம் என்பது, கணிப்பொறிக்கு வழங்கப்படும் கட்டளைகளை. கணிப்பொறிக்கு வழங்கப்படும் கட்டளைகளை. கணிப்பொறி புரிந்துகொள்ளும் வகையில் மாற்றி முதன்மையான பகுதியாகும். இது தரவை உள்ளீடாகப் பெற்று கொடுக்கப்பட்ட கட்டளைகளின் படி செயல்படுத்தி, வெளியீட்டை வெளியிடுகிறது.
2. மையச்செயலகத்தில் மூன்று பகுதிகள் உள்ளன.
i. கட்டுப்பாட்டகம்
ii. கணித ஏரணச் செயலகம்
iii. நினைவகம்
(CU - Control Unit), கணித ஏரணச் செயலகம்(ALU - Arithmetic and Logic Unit) மற்றும் (MU - Memory Unit) நினைவகம் ஆகும்.
கணித ஏறணச் செயலகம்: மைச்செயலகத்தின் ஒரு பகுதியாக உள்ள கணித ஏரணச் செயலகம். பல கணிப்பீடு செயல்களைத் தரவின் மீது நிகழ்த்துகிறது.
கூட்டல், கழித்தல், பெருக்கல், வகுத்தல் மற்றும் சுருக்க செயல்கள் போன்ற கணிதச் செயல்பாடுகளை கணித ஏரணச் செயலகம் செய்கிறது.
கட்டுப்பாட்டகம்: மையச்செயலகம் - நினைவகம் மற்றும் உள்ளீடு / வெளியீடு சாதனங்களுக்கு இடையே பரிமாறப்படும் தரவைக் கட்டுப்பாட்டகம் கட்டுப்படுத்துகிறது. மேலும் ஒரு கணிப்பொறியின் முழுச்செயல்பாடுகளையும் இது கட்டுப்படுத்துகிறது.
வெளியீட்டகம்: பயனர்கள் புரிந்து கொள்ளகூடிய வகையில் தகவலைத் தெரிவிக்கும் எந்தவொரு வன்பொருளும் வெளியீட்டகம் எனப்படும்.
எ.கா: திரையகம், அச்சுப்பொறி.
நினைவகம்: தரவு மற்றும் நிரல் கட்டளைகள் நிறைவேற்றத் தயாராக இருக்கும்போது அதனைத் தற்கரலிகமாகச் சேமிக்க முதன்மை நினைவகம் பயன்படுகிறது. எ.கா: RAM தரவுகளை நிரந்தரமாகச் சேமித்துவைக்க இரண்டாம்நிலை நினைவகம் பயன்படுகிறது. எ.கா: வன்வட்டு, CD-ROM.