தீர்மானத்தினை மூன்று வகைகளாக பிரிக்கலாம் அவை :
1. சாதாரண தீர்மானம் :
ஒரு முடிவுக்கு  எதிராக இருக்கும் உறுப்பினர்களின் எண்ணிக்கையை விட ஆதரவாக இருக்கும் உறுப்பினர்களின் எண்ணிக்கை அதிகமாக இருந்தால் அது சாதாரண தீர்மானமாகும்.
சாதாரண தீர்மானம் மூலம் நடைமுறைப்படுத்தும் முடிவுகள்:
(i) நிறுமம் பெயரை திருத்துதல்
(ii) நிறும பங்கு முதலை மாற்றியமைக்க 
(iii) கடனீட்டு பத்திரத்தை மீட்க 
(iv) பங்காதாயம் அறிவிக்க 
(v) இயக்குநர்களை பணியமர்த்த 
2. சிறப்பு தீர்மானம் :
1. சிறப்பு பொருள் குறித்து நிறைவேற்றப்படும் தீர்மானம்.
2. வருகைபுரிந்துள்ள உறுப்பினர்களில் 4 இல் 3 பங்கு முடிவிற்கு சாதகமாக வாக்களிப்பது சிறப்பு தீர்மானம்.
சிறப்பு தீர்மானம் தேவைப்படும் நடவடிக்கைகள் :
(i) நிறும பதிவு அலுவலகத்தை ஒரு மாநிலத்திலிருந்து மற்றொரு மாநிலத்திற்கு மாற்றுவதற்கு.
(ii) நிறும நோக்கத்தை மாற்ற 
(iii) நிறும பெயரை மாற்ற 
(iv) சட்ட நடைமுறை விதிகளை திருத்தம் செய்ய 
(v) புதிய தொழிலை தொடங்க 
3. சிறப்பு அறிவிப்பு தேவைப்படும் தீர்மானம் 
(i) நிறும சட்டம் 2013 குறிப்பிட்டுள்ள சில நடவடிக்கைகள் குறித்து முடிவுகளை எடுக்க சிறப்பு கூட்டம் கூட்ட வேண்டியுள்ளது.
(ii) இக்கூட்டம் கூட்டும் 14 நாட்களுக்கு முன் எக்காரணத்திற்காக கூட்டப்படுகிறது என்ற விவரத்தை தெரிவிக்க வேண்டும்.
இக்கூட்டம் கூட்ட வேண்டியதன் அவசியம் :
(i) பணி ஓய்வு பெரும் தணிக்கையரை தவிர மீண்டும் பணியில் அமர்த்தவில்லை என்பதை உறுதி செய்ய.
(ii) பணி ஓய்வு பெற்ற தணிக்கையரை மீண்டும் பணியில் அமர்த்தவில்லை என்பதை உறுதி செய்ய.
(iii) ஒரு இயக்குநரை பணிக்காலம் முடியும் முன்பே பணி நீக்கம் செய்ய 
(iv) பணி நீக்கம் செய்யப்பட்ட இயக்குநர்களின் காலி இடத்தில வேறு இயக்குநர்களை பணியமர்த்த 
(v) புதிய தொழிலை தொடங்க 

நிறுமச் சட்டம் 164 ஆம் பிரிவின்படி இயக்குனராக தகுதியற்றவர்கள் :
(i) நீதிமன்றத்தால் பித்த மனநிலை பிடித்தவர் என அறிவித்த நபர்.
(ii) நீதிமன்றத்தால் திவாலானவர் என அறிவித்த நபர்.
(iii) திவாலானவர் என அறிவிக்கக் கோரி விண்ணப்பம் செய்துள்ள நபர்.
(iv) குற்றவாளி என நீதிமன்றத்தால் தீர்ப்பளிக்கப்பட்டு ஆறு மாதங்களுக்குக் குறையாமல் சிறை தண்டனை பெற்றவர்.
(v) அழைப்பு பணம் செலுத்தாத நபர்.
(vi) நீதிமன்றத்தால் தகுதியற்றவர் என தீர்மானிக்கப்பட்டு அறிவிக்கப்பட்டவர்.
(vii) பிரிவு 188 ன் கீழ் குற்றம் புரிந்தவர்களுடன் நடவடிக்கையில் ஈடுபடும் போது.
(viii) இயக்குனர் அடையாள எண்ணைப் பெறாதவர்.

1. கம்பெனி சட்டம் பிரிவு 3 (1)ன் படி ஒரு நிறுமமானது கீழ்க்கண்டவற்றுள் ஏதேனும் ஒன்றாக இருக்க வேண்டும்.
i) பொது நிறுமம்  - 7 அல்லது அதற்கு மேற்பட்ட நபர்கள் 
ii) தனி நிறுமம் - 2 அல்லது அதற்கு மேற்பட்ட நபர்கள் 
iii) தனிநபர் நிறுமம் - ஒரு நபர் 
2. தனி நிறுமம் தனது பெயர் (அ) எந்த நபரின் பெயர் வைக்க வேண்டுமோ அதை அமைப்பு முறை சாசனத்தில் எழுதி சட்டப்படி தேவையான ஆவணங்களை கொண்டு பதிவு செய்ய வேண்டும்.
3. நிறுமத்தை உருவாக்க பல நடைமுறைகளை பல்வேறு வகையில் கையாள வேண்டும். தனிநபரின் கருத்துக்கள் மூலம் ஆரம்பம் முடிவு வரை தேவையான ஆவணங்களை கொண்டு நிறுமம் உருவாக்கப்படுகிறது.
4. உருவாக்குதல் நான்கு நிலைகளைக் கொண்டது.
(i) உருவாக்கம் 
(ii) பதிவு செய்தல் 
(iii) முதலிடுதல் 
(iv) வியாபாரம் தொடங்குதல் 
5. முதல் இரண்டு நிலைகளான உருவாக்கம்,பதிவு செய்தல் என்பவை பொது தனியார் நிறுவனத்திற்கு அவசியமானதாகும்.
6. தனியார் நிறுமம் தனது வியாபார செயல்பாடுகளை பதிவு செய்தபின் தொழிலை உடனடியாக மேற்கொள்ளும் ஆனால் பொதுநிறுமம் நான்கு நிலைகளை கடந்து தொழிலை மேற்கொள்ளும்.
7. பொது நிறுமம் தன்னுடைய நிதியை உயர்த்த பொது வெளியீடு தொடர்பான சட்ட தேவைகளை பூர்த்தி செய்து நிறுமச்சட்டம் மூலம் தனது வியாபார நடவடிக்கைகளை மேற்கொள்ளலாம்.

வ.எண்	வேறுபாடு	நகர்புற தொழில் முனைவோர்	ஊரக தொழில் முனைவோர்
1.	அமைவிடம்	மாநில தலைநகரம், மாவட்ட தலைநகரம் பேரூராட்சிகளில்  தொழிலை துவங்குவார்.	கிராமப்புறங்களில் தனது தொழிலை துவங்குபவர்.
2.	அரசின் சலுகைகள்	ஊரக தொழில் முனைவோரை காட்டிலும் குறைவான அரசு சலுகைகளை பெறுகிறார்.	கிராமப்புற வளர்ச்சிக்காக அரசு அதிகமான சலுகைகளை இவருக்கு வழங்குகிறது.
3.	அமைப்பு	உற்பத்தி, சில்லறை அல்லது கூட்டு பங்கு நிறும தொழில் முனைவோராக இருக்கலாம்.	உற்பத்தி மற்றும் சில்லறை தொழில் முனைவோராக இருக்கலாம்.
4.	உற்பத்தி செலவு	நகர்ப்புறங்களில் செயல்படுவதால் அதிகமான உற்பத்தி செலவு ஏற்படுகிறது.	கிராமப்புறங்களில் செயல்படுவதால் குறைவான உற்பத்தி செலவு ஏற்படுகிறது.
5.	விலை	உற்பத்தி செலவு அதிகமாதலால் பொருளுக்கான விலையை அதிகரித்து விற்பனை செய்கிறார்.	உற்பத்தி செலவு குறைவாக உள்ளதால் நுகர்வோருக்கு குறைவான விலையில் பொருட்களை விற்பனை செய்கிறார்.

I. தோற்றுவிப்பு பணிகள்:
i) வாய்ப்புகளைக் கண்டறிதல்:
(i) எந்தெந்த தொழிலில் நுழைந்தால் என்னென்ன வாய்ப்புகள் கிடைக்கும் என எப்பொழுதும் சிந்திக்க வேண்டும்.
(ii) எந்த செயல்வினை (தொழில்) பலனளிக்கும் என ஆராய்ந்து அதை தேர்வு செய்வது முதல் பணி.
ii) தொழிலின் நோக்கத்தை தீர்மானித்தல்:
தான் நுழைந்த தொழிலின் நன்மை மற்றும் உற்பத்தி தொழிலா, வணிகத் தொழிலா என்பதை முடிவு செய்து நோக்கத்தை தீர்மானிக்க வேண்டும்.
iii) ஆழ்ந்த பகுப்பாய்வு:
தொழில் முனைவோர் உற்பத்தி செய்ய நினைத்துள்ள பொருளை தயாரிக்க தேவைப்படும் மூலப்பொருட்கள் என்ன? அதை எவ்வாறு பெறுவது? எனவும் ஆய்வு நடத்திட வேண்டும்.
iv) தொழில் நிறுமத்தின் அமைப்பு முறையினை தேர்வு செய்வது:
தொழில் முனைவோர் தான் துவங்க விரும்பும் தொழில் தனியாள் வணிகமா, கூட்டாண்மையா அல்லது கூட்டுறவு அமைப்பா என்பதை முடிவு செய்ய வேண்டும்.
v) தொழில் துவங்கும் சடங்கு முறைகள்:
பொருத்தமான தொழில் அமைப்பு தேர்ந்தெடுத்த பின்னர், அவற்றை ஏற்படுத்த பல சடங்கு முறைகள் உள்ளன.
எ.கா: தனியாள் வணிகம் - சட்ட சடங்குகள் பெரியதாக இல்லை
கூட்டாண்மை - பத்திரம் தயாரித்து பதிவு செய்தல்
நிறுமம், கூட்டுறவு - ஏராளமான சட்ட சடங்குகள்
vi) தொழில் திட்டம் தயாரித்தல்:
(i) தொழில் திட்டம் ஒரு செயல் ஆவணமாகும். தொழில் முனைவோர் இதனை தயாரிக்க வேண்டும்.
(ii) இத்திட்டத்தின் மூலமே தான் மேற்கொள்ள இருக்கும் தொழிலின் நோக்கங்களை குறிப்பிட்ட காலத்திற்குள் அடைய முடியும்.
vii) நிதி திரட்டுவது:
(i) தொழிலை தொடங்க தேவைப்படும் நிதியை தீர்மானிக்க வேண்டும்.
(ii) நிதியை சொந்த சேமிப்பு, நண்பர்கள், உறவினர்கள், வங்கிகள் மற்றும் பிற நிதி நிறுவனங்களிடமிருந்து பெறலாம்.
(iii) எனவே நிலைமுதல் மற்றும் நடைமுறை முதலை பெறும் மூல ஆதாரங்களை அடையாளம் காண வேண்டும்.
viii) கருவிகள் மற்றும் கச்சாப்பொருட்களை பெறுதல்:
பொருட்களை தயாரிக்க உதவும் கருவிகள் மற்றும் தொழில்நுட்பம் எங்கு கிடைக்கும் என ஆராய வேண்டும்.
II. மேலாண்மை பணிகள்:
i) திட்டம் தீட்டுதல்:
மேற்கொண்ட தொழிலானது தனது இலக்கினை நோக்கி செம்மையாக சென்றிட திட்டமிடுதல் வேண்டும்.
ii) அமைப்புப் பணி:
தொழில் திட்டத்தினை அரங்கேற்ற தேவைப்படும் தொழில் அமைப்பினை தேர்வு செய்தல், அகக் கட்டமைப்பு முறையை வடிவமைத்தல், துறைகளை உருவாக்குதல், அதிகார ஒப்படைப்பு செய்தல் போன்ற அலுவலக நடைமுறை செயல்படுத்த வேண்டும்.
iii) கட்டளை இடுதல்:
i) தொழில் முனைவோர் தன்னிடம் பணிபுரியும் ஊழியர்களை செம்மையாக வழிநடத்திச் செல்ல வேண்டும் மற்றும் ஊடகப்படுத்த வேண்டும்.
ii) அனைத்து பணியாளர்களுக்கு தங்களது ஒதுக்கப்பட்ட பணிகளை செவ்வனே நிறைவேற்ற நல்ல தலைமையை நல்க வேண்டும்.
iv) கட்டுப்பாடு காத்தல்:
ஊழியர்கள் நல்ல முறையில் வேலை செய்கிறார்களோ, அனைத்து பணிகளும் நல்ல முறையில் நடக்கிறதா என உறுதி செய்ய நல்ல தலைமையை நல்க வேண்டும்.
v) ஒருங்கிணைப்பு:
தொழில் முனைவோர் பலதரப்பட்ட துறைகளின் தனிப்பட்ட செயல்பாடுகளை ஒன்றுபடுத்தி அவற்றை தொழிலின் இலக்கை நோக்கி திருப்ப வேண்டும்.
III. வணிகப் பணிகள்:
i) உற்பத்தி அல்லது தயாரிப்பு பணி:
எந்த இடத்தில் தொழிலை நிறுவுவது, தொழிலை நிறுவிய இடத்தின் உள் அமைப்பு, எவ்வளவு பொருள், எவ்வளவு அளவு, பொருளின் வடிவம் போன்ற உற்பத்தி தொடர்பான பணிகளை முடிவு செய்து செயலில் இறங்க வேண்டும்.
ii) சந்தையிடுகை:
பொருள் உற்பத்தி செய்வதற்கு முன் தொடங்கி வாடிக்கையாளர் வசம் கொண்டு செல்வதற்கு தேவையான அனைத்து நடவடிக்கைகளையும் தொழில் முனைவோர் எடுக்க வேண்டும்.
iii) கணக்கியல் பணி:
ஒரு குறிப்பிட்ட கால கட்டத்தில் தொழில் நிறுவனத்தின் இலாபம் அல்லது நட்டம் மற்றும் நிதி நிலையும் கணக்கிட வேண்டும்.
iv) நிதி சார் பணி:
நிதி சார் பணியைப் பொறுத்தவரை தொழில் முனைவோர் நிதியூட்டும் முறையினை முடிவு செய்ய வேண்டும்.
v) மனிதவள பணிகள்:
தொழில் முனைவோர் தான் மேற்கொண்டுள்ள தொழிலை செயல்படுத்த எவ்வளவு மனித சக்தி தேவைப்படும் என திட்டம் தயாரிக்க வேண்டும். 

செல்தகு மேலெழுத்தின் இயல்புகள்: ஆவணத்தின் முகப்பில் மேலெழுத வேண்டும். மையில் எழுதுவதே நல்லது;
(i) பென்சிலால் அதை அழித்துத் திருத்த ஏதுவாகும். இதனால் மோசடி ஏதும் நடைபெறலாம்.
(ii) மேலெழுதுபவர் தாம் இயல்பாக கையொப்பம் இடுவது போன்றே மேலெழுத வேண்டும்.
(iii) மேலெழுத்தில் பெயர் எழுதப்பட்டபடியேதான் கையொப்பமும் இருக்க வேண்டும். பெயர் தவறாக எழுதியிருப்பின், கையெழுத்தும் அத்தவறான எழுத்துக் கொண்டதாக இருத்தல் வேண்டும்.
(iv) ஆவணத்தின் முழுமதிப்பிற்கும் மேலெழுதப்படல் வேண்டும். மதிப்பின் ஒரு பகுதிக்கு மேலெழுத்து செய்யப்பட்டிருப்பின் அது செல்லாது.
(v) எழுதப் படிக்கத் தெரியாதவர்கள் தமது இடக்கை பெருவிரல் குறி இட்டால் போதுமானது. அவர் இட்ட பெருவிரல் குறியை ஒருவர் சான்று கூறல்வேண்டும்.
(vi) மாற்றுமுறை ஆவணத்தில் மேலெழுத்திட போதிய இடம் இல்லையானால், ஒரு சிறு ஒட்டுத்தாளை ஆவணத்துடன் சேர்த்து அதில் மேலெழுத்து இடலாம்.

வேறுபாட்டு அடிப்படை		விற்பனை	விற்பனை ஒப்பந்தம்
1	உரிமை மாற்றம்	பொருளின் உரிமை உடனடியாக மாறிவிடுகிறது.	பொருளின் உரிமை எதிர்காலத்தில் மாறும் தன்மை உடையது.
2	நட்ட இடர்பாடு	விற்கப்பட்ட பொருள் சேதமுற்றால் அதனால் ஏற்பட்ட நட்டம் வாங்குபவரை சாரும்.	விற்கப்பட்ட சரக்கு வாங்குபவர் கைவசம் இருந்தால் கூட பொருள் சேதமுற்றால் அல்லது அழிவுற்றால் நட்டத்தை விற்பனையாளர்தான் ஏற்க வேண்டும்.
3	ஒப்பந்த மீறுகையின் விளைவுகள்	விலையை செலுத்த வாங்குநர் மறுத்தால் சரக்கு விற்குனரிடமே இருந்தாலும் கூட வாங்குபவர் மீது விலைதரக் கோரி வழக்கு தொடர முடியும்.	வாங்குனர் ஒப்பந்தத்தை மீறி செயல்படும் பொழுது விற்பவர் பொருளை வாங்குனரிடமிருந்து கைப்பற்றிக்கொள்ள முடியும். மேலும் வாங்குனர் மீது வழக்கு தொடர முடியும்.
4	ஒப்பந்தத்தின் தன்மை	இது நிறைவேறிய ஒப்பந்தம் ஆகும். எனவே சரக்குரிமை உடனடியாக மாற்றப்படுகிறது.	இது நிறைவேற வேண்டிய ஒப்பந்தம் ஆகும். உரிமை மாற்றம் எதிர்காலத்தில் நிகழ உள்ளது.
5	வாங்குநரின் நொடிப்பு	வாங்குனர் விலையை செலுத்தும் முன்னரே நொடிப்பு நிலையை அடைந்துவிடின் விற்பனை செய்த சரக்கு விற்றவரின் கைவசம் இருந்தாலும், இருப்பவர் அச்சரக்கினை கலைப்பு அதிகாரி வசம் கொடுத்து அந்த விலைக்கான விகிதப்படி தொகையை மட்டுமே பெற உரிமை உண்டு.	விற்பனை உடன்பாட்டில் விற்குநர் வாங்குனர் கைவசம் உள்ள சொத்தை கலைப்பு அதிகாரியிடம் ஒப்படைக்க தேவையில்லை. காரணம் உரிமை இன்னமும் வாங்குனர்க்கு மாற்றப்படவில்லை.
6	விற்பனையாளரின் நொடிப்பு	விற்றசரக்கை வாங்குபவரிடம் ஒப்படைக்கும் முன் விற்குநர் நொடிப்பு நிலை அடைந்துவிட்டால் வாங்குனர் கலைப்பு அதிகாரியிடம் அச்சொத்தை பெற்றுக் கொள்ளலாம்.	விற்பனை உடன்பாட்டில் அவ்வாறு செய்ய இயலாது. வாங்கியவர் பணம் செலுத்தியிருந்தால் கூட விகிதப்படி தொகையை பெறும் உரிமை மட்டுமே உண்டு.

நன்மைகள்
(அ) வெளி நாட்டு முதலீடுகள் அதிகரிப்பு: (Increase in Foreign Investment)
ஒரு நாடு வணிகத்தை தாராளமயமாக்குதலின் மூலமாக அதிக அளவில் வெளிநாடுகளிலிருந்து கவர்ச்சிகரமான முதலீடுகளை பெற முடிகின்றது. அம்முதலீடுகள் மூலமாக உள்நாட்டில் மூலதனத்தை பெருக்குவதோடு அதன் பொருளாதாரத்தை பன்மடங்கு பெருக்குவதற்கு உதவுகிறது. 
(ஆ) அந்நிய செலாவணி இருப்பு அதிகரிப்பு (Increase the Foreign Exchange Reserve)
வெளி நாட்டு முதலீட்டிற்கும் அந்நிய செலாவணிக்குமான கட்டுப்பாடுகளை தளர்த்தி மூலதனத்தை எளிதில் பெறுவதற்கு வழிவகை செய்துள்ளது.
(இ) நுகர்வு அதிகரிப்பு : (Increase in Consumption)
தாராளமயமாக்களினால் ஒரு நாட்டில் பயன்பாட்டிற்கு அதிக அளவிலான பொருட்கள் கிடைக்கவும் அதிக உற்பத்திக்கும் வழிவகை செய்கிறது.
(ஈ) விலைக்கட்டுப்பாடு : (Control Over Price)
ஏற்றுமதி இறக்குமதி தீர்வைகளை நீக்குவதால் நுகர்வோருக்கு குறைந்த விலைக்கு பொருட்கள் கிடைக்க வாய்ப்பு ஏற்பட்டுள்ளது. இந்நிலையில் தாராளமயமாக்கலினால் இறக்குமதி நாடுகளுக்கு நன்மை விளைவிக்கிறது.
(உ) வெளிநாட்டில் பெறும் கடன்களை குறைக்கிறது (Reduction in external borrowings)
தாராளமயமாக்கலின் மூலம் வெளி நாட்டுக் கடன்களை ஈர்ப்பதன் மூலம் வெளிநாட்டு வர்த்தகக் கடன்களை வாங்கும் வாய்ப்பு குறைகிறது.
குறைபாடுகள்:
(அ) வேலையின்மையை அதிகரித்தல் (Increase in Unemployment)
வர்த்தக தாராளமயமாக்கல் பெரும்பாலும் பொருளாதாரத்தின் சமநிலைக்கு வழிவகுப்பதால் சிறு தொழில்களில் சில வளர்ந்தும் சில சிறு தொழில்களில் சரிவும் ஏற்படுகிறது. இதனால் சில தொழிற்சாலைகள் மூடுகின்ற நிலையால் வேலையில்லா நிலை உருவாகிறது.
(ஆ) உள்நாட்டு தொழில் அலகுகளின் இழப்பு (Loss to Domestic Units)
தாராளமயமாக்கல் கோட்பாட்டில் குறைந்த நுழைவுக் கட்டுப்பாடுகளுடன் வெளிநாட்டு தொழில்கள் பல நாடுகளில் ஊடுருவ சாத்தியம் அதிகம் உள்ளது. இது உள்நாட்டு தொழில்களை அச்சுறுத்துவதுடன் மற்றும் போட்டியை தோற்றுவித்து உள்நாட்டு தொழிலை அடியோடு ஒழிக்கும் சதியாகவும் கருதப்படுகிறது.
(இ) அயல்நாடுகளை சார்ந்திருத்தலை பெருக்கும்:(Increased Dependence of Foreign Nation)
வர்த்தக தாராளமயமாக்கல் என்பது பலம் பொருந்திய பன்னாட்டு நிறுவனங்களிலிருந்து அதிக போட்டிகளை எதிர்கொள்ளும். அது சந்தையை தன் கட்டுபாட்டிற்கு கீழ் கொண்டுவரும் நிலையை உருவாக்க நேரிடலாம்.

மின் சந்தைப்படுத்துதல் E-Marketing	பாரம்பரிய சந்தைப்படுத்துதல் Traditional Marketing
பொருள்கள் / சேவைகளை மிக விரைவாக குறைந்த செலவில் மேம்படுத்த முடியும்.	இம்முறையில் மிக தாமதமாகவும், அதிக செலவிலும் மட்டும் பொருள், சேவையை மேம்படுத்த முடியும்.
உலக அளவில் மிக விரைவில் மிக எளிதாக பொருள்களை மேம்படுத்தி சந்தையிட முடியும்.	இம்முறையில் அவ்வளவு எளிதாக உலகளவில் பொருள்களை மேம்படுத்த முடியாது. காலமும், செலவும் அதிகமாகும்.
வணிக நிறுவனங்கள் மிகக் குறைந்த அளவு மனித வளத்துடன் தொழிலை விரிவுபடுத்தலாம்.	இம்முறையில் தொழிலை விரிவுபடுத்த அதிக மனித வளம் தேவைப்படுகிறது.
இம்முறையில் ஆண்டு முழுவதும் வாரம் 7 நாட்கள் 24 மணி நேரமும் குறைந்த மனித சக்தியுடன் சந்தையிட முடியும்.	இம்முறையில் ஆண்டு முழுவதும் வாரம் 7 நாட்களிலும் 24 மணி நேரமும் சந்தையிடுவது இயலாத காரியம்.

வணிகத்தின் வெற்றி பரந்த சூழலுக்கு பொருந்தக்கூடிய தன்மையைச் சார்ந்து இருக்கிறது. ஏனென்றால், இவை கட்டுப்படுத்தமுடியாத காரணிகள் ஆகும். அவை வியாபாரத்திற்கான மகத்தான வாய்ப்புகளை வழங்குகின்றன. மேலும் வியாபாரத்திற்கு தீவிர அச்சுறுத்தல்களை ஏற்படுத்துகின்றன. பொது அல்லது பழமையான சூழல்கள் பின்வருமாறு
(1) பொருளாதாரச் சூழல்
(i) ஒரு நாட்டில் வணிகம் என்பது பொருளாதார அமைப்பு முறையின் அடிப்படையில் ஒருங்கிணைந்த பகுதியாகும்.
(ii) வணிக சுழற்சிகள் தவிர்க்க முடியாதவை. பரந்த சுற்றுச்சூழலின் பல காரணிகளிடையே தொடர்புடையவை.
(2) சமூக - கலாச்சாரச் சூழல்
வணிகம் சமூகத்தின் ஒரு அங்கமாகும். சமூக சூழலானது வணிகம் அமைந்துள்ள சமூகத்தின் மொத்தக் காரணிகளைக் குறிக்கிறது. சமுதாயத்தின் சமூக மற்றும் கலாச்சார சூழல் வணிகத்தினைப் பாதிக்கிறது.
(3) அரசியல் மற்றும் சட்டச் சூழல்
(i) ஒரு வணிகத்தை நடத்துவதற்குத் தேவையான கட்டமைப்பினை அரசியல் மற்றும் சட்டச் சூழலால் வழங்கப்படுகிறது.
(ii) ஒரு வணிகத்தின் வெற்றி என்பது அரசியல் மற்றும் சட்ட மாற்றங்களுக்கு ஏற்ப மாற்றித் தக்கவைத்துக் கொள்வதற்கான அதன் திறனில் உள்ளது.
(4) புவியியல் சார்ந்தச் சூழல்
இயற்கை வளங்கள் மற்றும் கனிம வளங்கள் போன்றவை வணிகத்தை தாங்கி நிற்கின்றன. 
(5) தொழில்நுட்பம் சார்ந்தச் சூழல்
(i) கடந்த காலங்களில் தொழில் நுட்பத்தின் விரைவான வளர்ச்சி அனைத்து வியாபாரத்திலும் பெரும் தாக்கத்தை ஏற்படுத்தியுள்ளது.
(ii) தகவல் தொழில்நுட்பம் மற்றும் தொலைத்தொடர்பின் வளர்ச்சி உலகளாவிய சந்தையை உருவாக்கியுள்ளது. எனவே போட்டியைத் தக்கவைத்துக்கொள்ள தொழில்நுட்பத்தை பயன்படுத்தி நுகர்வோரின் சிறப்புத் தேவைகளை சந்தை ஆராய்ச்சியின் மூலம் கண்டறிய முடிகிறது. 
(6) உலகளாவிய சூழல்
தொழில்நுட்பத்தின் விரைவான வளர்ச்சியுடன் வர்த்தக எல்லைகள் வேகமாக மறைந்து புதிய உலகளாவிய சந்தை வளர்ந்து வருகிறது. 

1. 1986 ஆம் ஆண்டு நுகர்வோர் பாதுகாப்பு சட்டம் மற்றும் அதன் பிரிவு 9ன் படி ஒவ்வொரு மாவட்டத்திலும் மாவட்ட மன்றம் ஏற்படுத்தப்பட்டது.
2. ஒவ்வொரு மாவட்டத்திலும் பாதிக்கப்பட்ட நுகர்வோரின் நலனை பாதுகாப்பது இதன் நோக்கம்.
உறுப்பினர்கள் :
1. தலைவர் \(\rightarrow \) மாவட்ட நீதிபதியாவதற்கு தகுதியடைய நபர்.
2. உறுப்பினர்கள் \(\rightarrow \) 2 பேர் \(\rightarrow \) கணக்கியல், தொழில்துறை, பொது விவகாரங்கள் அல்லது நிர்வாகம் தொடர்பான பிரச்சனைகள் பற்றி போதுமான அறிவு உடையவர்கள்.
இரு நபர்களில் ஒருவர் பெண் உறுப்பினராக இருக்க வேண்டும்.
அதிகார எல்லை :
1. சரக்குகள் அல்லது சேவைகளில் மதிப்பு மற்றும் இழப்பீட்டு தொகை 20 இலட்சத்திற்கு குறையாக உள்ள நட்ட ஈடு கோரும் கோரிக்கைகளை மட்டுமே கையாள வேண்டும்.
அதிகாரம் :
1. மாவட்ட மன்றத்திற்கு வரும் ஒவ்வொரு வழக்குகளும் இந்திய தண்டனை சட்டத்தின் பிரிவு 193 மற்றும் 228 ஆகியவற்றின் உட்பிரிவுக்குட்பட்ட நீதிமன்ற நடவடிக்கையாக கருதப்படும்.
2. மாவட்ட மன்றங்கள் உரிமையியல் நீதிமன்றங்களாக கருதப்படும்.
மேல் முறையீட்டு மன்றம் :
மாவட்ட கருத்துக்களம் மாநில ஆணையத்திற்கு அனுப்பிய உத்தரவுக்கு எதிராக மேல்முறையீட்டு செய்ய முடியும்.

நுகர்வோரின் பொறுப்புகள் பின்வரும் வகையில் பட்டியலிடப்படுகின்றன.
(i) விற்பனை ஒப்பந்த சட்டத்தின் விதிகள் மற்றும் நிபந்தனைகளின்படி பொருளுக்கான விலையை நுகர்வோர்கள் செலுத்த வேண்டும்.
(ii) பொருட்களை நுகர்வோரின் இருப்பிடத்தில் வழங்குமாறு விற்பனையாளரைக் கேட்டுக் கொள்வது அவரின் பொறுப்பாகும்.
(iii) ஒப்பந்தச் சட்டத்தின்படி குறித்த நேரத்தில் பொருட்களை நுகர்வோர் பெற்றுக் கொள்ளவில்லையென்றால் அதனால் ஏற்படும் நட்டத்திற்கு அவரே பொறுப்பாவார்.
(iv) நுகர்வோர் பொருட்களைப் பெற்றுக் கொண்டு தாமதமாக விற்பனையாளருக்கு பணம் செலுத்தினாலோ அல்லது பொருட்களுக்கு சேதம் ஏற்படுத்திவிட்டாலோ அதற்கான நஷ்டஈடு தர வேண்டியது நுகர்வோரின் கடமையாகும்.
(v) நுகர்வோர் தங்களிடமிருக்கும் பொருட்களை அதன் விதிமுறைகளின்படி மற்றும் முன்னெச்சரிக்கையுடன் அப்பொருட்களை பயன்படுத்த வேண்டும்.
(vi) நுகர்வோர் பொருட்கள் மீதான தனது தேவையை தெளிவாக விற்பனையாளரிடம் வெளிப்படுத்த வேண்டும்.

பின்வருபவை நுகர்வோர் பாதுகாப்புச் சட்டத்தின் நோக்கங்கள் ஆகும்
1. நுகர்வோரின் உயிருக்கும் உடமைக்கும் ஊறு விளைவிக்கும் பொருட்களை சந்தைப்படுத்துவதற்கு எதிராக நுகர்வோரைப் பாதுகாத்தல்.
2. நுகர்வோர் வாங்கும் பொருட்களின் தரம், அளவு, சுத்தத்தன்மை, விலை மற்றும் தரநிலை குறித்த உண்மையான மற்றும் முழுமையான தகவல்களை நுகர்வோருக்கு அளித்தல்.
3. வணிகர்களின் நியாயமற்ற வணிக நடைமுறைகளிலிருந்து நுகர்வோரைப் பாதுகாத்தல்.
4. சுரண்டல் நடைமுறைகளுக்கு எதிராக தீர்வுகளை தேட நுகர்வோருக்கு அதிகாரமளித்தல்.
5. நுகர்வோர்களின் உரிமைகள் மற்றும் கடமைகளை அறிந்து கொள்ளச் செய்தல்.
6. நல்ல தரமான பொருட்களை சரியான விலைகளில் கிடைக்கச் செய்வதன் மூலம் அவர்களின் சிறந்த வாழ்க்கைத் தரத்தை உறுதிப்படுத்துதல். 
7. நுகர்வோர் தங்களது உரிமைகளை நிலைநாட்ட நுகர்வோர் குழுக்கள் மற்றும் பிற அதிகார அமைப்புகளை ஏற்படுத்துதல்.

(1) பொருள் (Product)
பொருள் சந்தையில் ஒரு முக்கிய கூறு ஆகும். பொருள் இல்லையெனில் எந்த ஒரு சந்தையும் இயங்க இயலாது என்று கூறுகின்ற அளவிற்கு பொருள் முக்கிய இடம் பெறுகிறது.
(2) விலை (Price)
விலை என்பது பண்டங்கள் மற்றும் பணியின் மாற்று மதிப்பாக பெறப்படும் ஒன்றாகும்.
(3) இடம் (Place)
(i) ஒரு பொருள் என்னதான் தரம் வாய்ந்தவையாகவும், விலையில் சாதகத்தன்மை மற்றும் சிறந்த மேம்பாட்டு நடவடிக்கைகள் இருந்தபோதிலும் உற்பத்தி இடத்திலிருந்து நுகர்வு இடம் வரை பொருட்களை சரியான முறையில் மற்றும் சரியான நேரத்தில் கொண்டு செல்லவில்லை எனில் அனைத்தும் பயன் அற்றதாகும்.
(ii) எனவே சரியான நேரத்தில் சரியான இடத்திற்கு கொண்டு செல்வதற்கு இடம் ஒரு முக்கியப் பங்கு வகிக்கிறது.
(4) விற்பனை மேம்பாடு / விளம்பரம் (Promotion)
சந்தையில் ஒரு பொருள் என்ன தான் தரமுடையதாக இருந்தாலும் மேலும் விலையில் சாதக நிலை இருந்தாலும் நுகர்வோர் மத்தியில் பொருளின் சிறப்பு இயல்புகள் மற்றும் பயன்பாடு குறித்து தெரியப்படுத்தாத நிலையில் அப்பொருள் நிர்ணயித்த வெற்றியை ஒரு போதும் அடைய இயலாது, எனவே மேம்பாட்டு நடவடிக்கைகள் மிகவும் அவசியமான ஒன்றாகும். மேம்பாட்டு நடவடிக்கையில் விளம்பரம் அதிக பங்கு வகிக்கிறது.

பொருளாதாரத்தின் அடிப்படையில்: 
அ. முறையான (செம்மையான) சந்தை:
இவ்வகை சந்தையில், ஒரே இயல்பான தன்மை கொண்ட பண்டங்கள் மற்றும் பணிகளை ஒரே விதமான விலையின் அடிப்படையில் கையாளப்படுகிறது: இந்த சந்தை கீழ்க்காணும் நிபந்தனைகளை கொண்டுள்ளது.
i. அதிக எண்ணிக்கை உள்ள வாங்குவோர் மற்றும் விற்போரை கொண்டுள்ளது.
ii. பொருட்களின் விலை சந்தை முழுவதும் ஒரே சீராக இருத்தல்.
iii. வாங்குவோர் மற்றும் விற்போர் சந்தையை பற்றி தெளிவாக அறிந்திருத்தல்.
iv. பொருட்கள் தங்கு தடையின்றி ஒரு இடத்திலிருந்து மற்றொரு இடத்திற்கு செல்வதற்கு வழிவகை செய்கிறது.
ஆ. முறையற்ற அல்லது செம்மையற்ற சந்தை (Imperfect Market)
இவ்வகை சந்தை பல்வகை பொருட்கள் மற்றும் பல்வேறு விலைகளை கொண்டுள்ளது. ஒரே தன்மை மற்றும் விலைகொண்ட பொருட்கள் இச்சந்தையில் மேற்கொள்ளப்பட மாட்டாது. கீழ்க்கண்ட செயல்பாடுகளின் அடிப்படையில் இத்தகைய சந்தை செயல்படுகிறது. அவற்றை காணலாம். 
i. பொருட்கள் ஒத்த தன்மை இன்மை
ii. விலையில் ஏற்ற தாழ்வு
iii. தகவல் தொடர்பில் குறைபாடு
iv. ஒரு இடத்திலிருந்து மற்றொரு இடத்திற்கு பொருட்களை கொண்டு செல்வதில் உள்ள தடைகள்.

I. நிறுமத்திற்கு கிடைக்கும் நன்மைகள்:
1. இது ஊழியர்களின் திறமையை அதிகரிக்கிறது மற்றும் உற்பத்தி திறன் மற்றும் இலாபத்தை மேம்படுத்துகிறது.
2. இது மூலப்பொருள் சேதத்தினையும் மற்றும் செயலற்ற நேரத்தினையும் குறைக்கிறது.
3. இது சமீபத்திய போக்குகளுக்கு ஊழியர்களை மாற்ற உதவுகிறது.
4. இது மேற்பார்வைக்கான நேரத்தைக் குறைக்கிறது.
5. பயிற்சி முறை பணியிடத்தில் விபத்துக்களின் எண்ணிக்கை மற்றும் அதன் விளைவாக இழப்பீட்டு தொகை ஆகியவற்றை இது குறைக்கிறது.
6. பயிற்சி பணியாளர்களின் சுழற்சியைக் குறைக்கிறது.
7. சிறந்த பயிற்சியின் மூலம் தொழிற்சங்க மற்றும் மேலாண்மை உறவை மேம்படுத்த முடியும்.
II. ஊழியர்களுக்கு கிடைக்கும் நன்மைகள்:
1. பணியாளர்களின் தனித்திறன் மற்றும் அறிவுத்திறனை மேம்படுத்துகிறது.
2. குறுகிய காலத்தில் அவர்கள் பணியுயர்வு மற்றும் பண மேம்பாட்டிற்கு உதவுகிறது.
3. தொழிலாளர் உற்பத்தித் திறனை அதிகரிக்கிறது.
4. தொழிலாளரின் மனத்திண்மையை ஒழுங்குணர்வுதனை  மேம்படுத்துகிறது.
5. அதிக ஊதியம் மற்றும் வெகுமதிகளுக்கு வழிகோலுகிறது.
6. பயிற்சி பணியாளர்களிடையே பணி பற்றிய நல்ல மனப்பாங்கினையும், நம்பகத் தன்மையையும் ஏற்படுத்துகிறது.
7. ஆபத்தான பணிகளில் பணியாளர்களுக்கு பாதுகாப்பான நடைமுறைகளை உற்று நோக்க வகை செய்கிறது.
III. வாடிக்கையாளருக்கு கிடைக்கும் நன்மைகள்:
1. வாடிக்கையாளர்கள் சிறந்த தரமான பொருள்கள் மற்றும் சேவையினை பெற முடிகிறது.
2. வாடிக்கையாளர்கள் புதுமையான அல்லது மதிப்பு கூட்டப்பட்ட அல்லது சிறப்பியல்புடைய பொருள்களைப் பெறுகின்றனர்.

 1. முதலில் வேலை, அடுத்து மனிதர் 
(i) பணியின் தேவைக்கேற்ப பணியாளர் வேலையில் அமர்த்தப்பட வேண்டும்.
(ii) வேலைக்கு தேவைப்படும் விண்ணப்பதாரர் மற்றும் அவரது தகுதியில் எவ்விதமான சமரசமும் இருக்கக்கூடாது.
(iii) "முதலில் வேலை அடுத்து மனிதர்" என்பது வேலை வாய்ப்பு கொள்கையாக இருக்க வேண்டும்.
2. வேலைவாய்ப்பு :
(i) புதிய ஊழியர்களுக்கு தகுதிக்கு அதிகமான அல்லது குறைவான வேலை வழங்கப்படக் கூடாது.
(ii) தகுதியை அடிப்படையாகக் கொண்டு மனிதர்களுக்கு வேலை வழங்கப்பட வேண்டும்.
3. விதிமுறைகள் மற்றும் நிபந்தனைகள் :
பணி தொடர்பாக பணியிடத்தில் நிலவும் விதிமுறைகள் மற்றும் கலாச்சாரம் ஆகியவற்றை பணியாளர் பரவலாகத் தெரிந்து கொள்ள வேண்டும்.
4. அபராதங்கள் பற்றிய விழிப்புணர்வு :
ஊழியர் தவறு செய்தாலோ அல்லது அவரால் ஏதேனும் இழப்பு ஏற்பட்டாலோ அதன் காரணமாக அவருக்கு வழங்கப்படும் தண்டனை மற்றும் அபராதம் குறித்த விழிப்புணர்வினை அவர் பெற்றிருக்க வேண்டும்.
5. விசுவாசம் மற்றும் ஒத்துழைப்பு :
(i) பணியாளர்களுக்கு பணியமர்த்தும் போது அவருக்குள் விசுவாசம் மற்றும் ஒத்துழைப்பு உணர்வினை வளர்க்கும் முயற்சியினை மேற்கொள்ள வேண்டும்.
(ii) இதன் மூலம் அவர் வேலை மற்றும் நிறுவனம் குறித்த அவரது பொறுப்புகளை சிறப்பாக உணர்ந்து கொள்ள இயலும்.

1. இணையதளம் மூலம் ஆட்சேர்ப்பிற்கான புதிய வழிகளை வடிவமைத்தல்.
2. பணி வாழ்க்கை சமநிலையை ஊக்குவிப்பதில் பங்கேற்றல்.
3. வேலைவாய்ப்பு அலுவலகங்களில் பதிவு செய்வதற்கான செயல்முறையை உருவாக்குதல்.
4. புதிய வேலைகள் மற்றும் புதிய வேலை வாய்ப்பினை அறிந்து கொள்ளல்.
5. பொதுத்துறை மற்றும் தனியார் துறை இரண்டிலும் ஏற்படும் வேலைவாய்ப்பினைப் பெறுவதற்கான வழிமுறைகளை தேர்ந்தெடுத்தல்.

வஎண்		மனித வளம்	மனித வள மேலாண்மை
1.	பொருள்	தனிப்பட்ட மற்றும் நிறுவனக் குறிக்கோள்களை அடைவதற்கு எவர் ஒருவர் திறமை, தனித்திறன், அறிவு, தகுதிகள், போட்டித் திறன் மற்றும் சொல் திறன் பெற்றிருக்கிறாரோ அவரே மனித வளமாக கருதப்படுகிறார்.	மனித வளத்தை நிர்வகிக்கும் மேலாண்மையின் கிளையே மனித வள மேலாண்மை என அழைக்கப்படுகிறது.
2.	காரணி	உற்பத்தி செய்யும் ஒரே காரணியாக இது திகழ்கிறது.	திறன்மிக்க மேலாண்மை எங்கு இருக்கிறதோ அங்கெல்லாம் இது இருக்கிறது.
3.	வெளிப்படுத்துதல்	இது கண்டுபிடிப்பு மற்றும் படைப்பாற்றல் ஆகியவற்றை வெளிப்படுத்துகிறது.	இது பணியாளர்களிடையே வேலைப்பகிர்வினை வெளிப்படுத்துகிறது.
4.	தன்மை	இது நகரும் தன்மை கொண்டது	இது நிறுவனத்துடன் தொடர்புடையது
5.	காணப்படும் இடம்	மனித வளம் எங்கு இருக்கிறதோ அங்கெல்லாம் மனித வள மேலாண்மை இருக்கிறது.	திறன் மிக்க மேலாண்மை எங்கு இருக்கிறதோ அங்கெல்லாம் மனித வளம் இருக்கிறது.
6.	மதிப்பு மற்றும் காலம்	மனித வளங்களால் உண்டாகும் மதிப்பு மற்றும் பாராட்டுகள், நீண்ட காலத்திற்கு கிடைக்கிறது.	ஒரு நிறுவனம் நீண்ட காலம் இயங்கிக் கொண்டிருந்தால் அந்நிறுவனத்தில் மனித வளம் நிர்வகிப்பது தொடர்பான செயல்பாடுகளும் தொடர்ந்து நீடிக்க நிலையில் இருக்கும்.

(i) போதுமான கல்வி மற்றும் வழிகாட்டல் மூலம் முதலீட்டாளர்களின் நலன்களை பாதுகாக்கிறது. 
(ii) பங்குச் சந்தைகளில் வியாபாரத்தை ஒழுங்குபடுத்துதல் மற்றும் கட்டுப்படுத்துதல். தரகர்கள் மற்றும் துணை தரகர்கள் ஆகியோர் நிதிச்சந்தையில் பதிவு செய்வது கட்டாயமாக்கப்பட்டுள்ளது. பங்கு பரிவர்த்தனை விசாரணைகள், இடைத்தரகர்கள் மற்றும் தன்னியக்க ஒழுங்குபடுத்தும் அமைப்புகளை ஆய்வு செய்தல் மற்றும் தேவையான நடவடிக்கைகளை செபி எடுக்கிறது.
(iii) பத்திரங்களில் உள்வழி வர்த்தகத்தை தடை செய்கிறது.
(iv) பங்குச் சந்தைகளில் செயல்படும் நிதி இடைத்தரகர்களால் மேற்கொள்ளப்படும் நிதி மோசடி மற்றும் நியாயமற்ற முறைகளை தடை செய்கிறது.
(v) நிதி இடைத்தரகர்களுக்கு பொருத்தமான பயிற்சி அளித்தல், பங்குச் சந்தையில் ஆரோக்கியமான சூழலுக்கு மிகவும் முக்கியமானது. மேலும், முதலீட்டாளர்களின் பாதுகாப்பையும் உறுதி செய்கிறது.
(vi) சட்டத்தின் நோக்கத்தை நிறைவேற்றுவதற்கான கட்டணம் வசூலித்தல் அல்லது சட்டத்தின் நோக்கம் நிறைவேற்றுவதற்கான வேறு எந்த வகை கட்டணம் வசூலித்தலும் இதில் அடங்கும்.
(vii) இந்திய மத்திய அரசாங்கத்தால் வழங்கப்படும் செயல்பாடுகளை செயல்படுத்துதல்.
(viii) இடைத்தரகர்களின் சுய ஒழுங்குமுறை அமைப்பை ஊக்குவித்தல்.
(ix) இது விரிவான சட்ட அதிகாரங்களை கொண்டுள்ளது.

பங்குச் சந்தையின் பல்வேறு குணாதிசயங்கள் கீழே விளக்கப்பட்டுள்ளன:
(1) பத்திரங்களுக்கான சந்தை (Market for Securities)
பங்கு பரிவர்த்தனை என்பது ஒரு சந்தை, இது பெருநிறுவனங்கள், அரசு மற்றும் அரசுக்கு இணையான நிறுவனங்கள் ஆகியவற்றின் பத்திரங்கள் வாங்கப்பட்டு விற்பனை செய்யப்படுகின்றன.
(2) மறுவிற்பனை பத்திரங்களுக்கான சந்தை (Deals in Second Hand Securities)
(i) நிறுவனங்களால் ஏற்கனவே வெளியிடப்பட்ட பங்குகள், கடனீட்டு பத்திரங்கள் மற்றும் பத்திரங்கள் விற்பனையில் இது ஈடுபடுகிறது.
(ii) கருத்துக்கூறின் இது ஏற்கனவே வெளியிடப்பட்ட அல்லது மறுவிற்பனை பத்திரங்களைக் கையாளுகிறது.
(3) தனிநபர்களின் அமைப்பு (Association of Persons)
ஒரு பங்கு மாற்றகம் என்பது தனிநபர்களின் அல்லது குழுக்களின் பதிவு செய்யப்பட்ட அல்லது பதிவு செய்யப்படாத அமைப்பாக இருக்கலாம்.
(4) மத்திய அரசின் அங்கீகாரம் (Recognition from Central Government)
பங்கு மாற்றகம் என்பது ஒழுங்கு முறைப்படுத்தப்பட்ட சந்தையாகும். அரசின் அங்கீகாரம் இதற்கு தேவைப்படுகிறது.
(5) விதிகளின்படி செயல்படுதல் (Working as per Rules)
(i) பங்குச் சந்தையில் பங்குகளை வாங்குதல் மற்றும் விற்பனை செய்தல் ஆகியவை பங்கு மாற்றகம் மற்றும் SEBI வழிகாட்டுதலின் படி அவை கொண்டுள்ள விதிகள் மற்றும் ஒழுங்குமுறைகளால் நிர்வகிக்கப்படுகின்றன.
(ii) எந்த சூழலிலும் விதிகள் மற்றும் வழிகாட்டுதல்களிலிருந்து எந்தவொரு விலகலும் அனுமதிக்கப்படவில்லை.
(6) பத்திர வர்த்தகத்தை ஒழுங்குபடுத்துதல்: பங்கு மாற்றகம் அதன் சொந்த கணக்கில் எந்தப் பத்திரங்களையும் வாங்குவதோ விற்பதோ இல்லை. பத்திர வர்த்தகத்தில் ஈடுபட்டிருக்கும் பங்கு மாற்றக உறுப்பினர்கள் மற்றும் தரகர்கள் ஆகியோர் பத்திரங்களை வர்த்தகம் செய்வதற்கு தேவையான உள்கட்டமைப்பு மற்றும் வசதிகளை அது வழங்குகிறது.
(7) பட்டியலிடப்பட்ட பத்திரங்களில் மட்டும் வணிக நடவடிக்கைகள் மேற்கொள்ள அனுமதியளித்தல் : உண்மையில் பங்கு மாற்றகம் அனுமதி பட்டியலில் இடம் பெற்றிருக்கும் பத்திரங்களை மட்டுமே வாங்கி விற்க அனுமதிக்கிறது. பங்கு பரிவர்த்தனைகளின் பட்டியலில் காணப்படாத பத்திரங்கள் பட்டியலிடப்படாத பத்திரங்கள் என்று அழைக்கப்படுகின்றன.
(8) உறுப்பினர்களால் மட்டும் மேற்கொள்ளப்படும் நடவடிக்கைகள் (Transactions Effected only through Members) :
பங்கு மாற்றகத்தில் மேற்கொள்ளப்படும் அனைத்து வகை பத்திர நடவடிக்கைகளும் அதன் அங்கீகரிக்கப்பட்ட தரகர்கள் மற்றும் உறுப்பினர்கள் மூலமாக மட்டுமே செயல்படுத்தப்படுகின்றன. பங்குச் சந்தையில் வெளிநபர்கள் அல்லது நேரடி முதலீட்டாளர்கள் பங்கு வர்த்தக நடவடிக்கைகளில் ஈடுபட அனுமதியில்லை.

அரசு பத்திரங்களின் இயல்புகளை விரிவாக பின்வருமாறு பார்க்கலாம்.
1. முகமைகள்: (AGENCIES)
மத்திய அரசு. மாநில அரசுகள், அரசாங்க அமைப்புக்கு இணையான அமைப்புகள் போன்ற அதாவது உள்ளூர் அரசு அமைப்புகள் உதாரணமாக நகராட்சிகள், மாநகராட்சிகள், துறைமுகங்கள் போன்ற தன்னாட்சி அமைப்புகள், மற்றும் பிற அமைப்புகள் போன்ற முகவர்களின் மூலம் அரசு பத்திரங்கள் வெளியிடப்படுகின்றன.
2. இந்திய ரிசர்வ் வங்கியின் சிறப்பு பணி: (RBI SPECIAL ROLE)
இந்திய ரிசர்வ் வங்கி அரசு பத்திரங்கள் வாங்குதல் மற்றும் விற்பனை செய்வதில் முக்கிய பங்காற்றுகிறது. குறிப்பாக பண மேலாண்மையில் சிறப்பாக செயல்படுகிறது.
3. பத்திரங்களின் இயல்பு: (NATURE OF SECURITIES)
அரசு பத்திரங்கள் உத்தரவாதமாக வட்டி வழங்குவதால் அதிக முதலீடு செய்வது பாதுகாப்பானது மேலும் அரசே முதன்மை தொகையை திரும்ப செலுத்துவதால் முற்றிலும் பாதுகாப்பு தன்மை கொண்டதாகவும் இருக்கிறது.
4. பணப் புழக்க விபரம்: (LIQUIDITY PROFILE)
தங்க முனை பத்திரங்கள் பல வகை நீர்மை தன்மை கொண்டவை. அதன்படி மத்திய அரசால் வழங்கப்பட்ட பத்திரங்கள் அதிக நீர்மை தன்மை கொண்டதால் அதன் பணப்புழக்கமும் அதிகமாக இருக்கும்.
5. வரிவிலக்கு (TAX REBATE)
முதலீட்டாளர்களுக்கு பரந்த அளவில் வரிவிலக்கு அளிப்பது இந்த அரசு பத்திரங்களின் முக்கிய அம்சமாக விளங்குகின்றது. இந்த பத்திரங்கள் இந்த நன்மைக்காகவே மிகவும் பிரபலமானதாக உள்ளது.
(6) சந்தை (MARKET)
அரசு பத்திரங்களில் ஒவ்வொரு விற்பனை மற்றும் கொள்முதலுக்கு தனித்தனியாக பேச்சுவார்த்தை நடத்தப்படுகிறது, தங்க முனைபத்திரங்கள் ஒரு எதிரெதிர் அல்லது இணையான சந்தையாகும். இந்தியாவில் முதன்மை மற்றும் இரண்டாம் நிலை சந்தை ஆகிய இரண்டு சந்தைகளிலும் அரசு பத்திரங்கள் சந்தைப்படுத்தப்படுகிறது.
(7) படிவங்கள் (FORMS)
பங்கு சான்றிதழ்கள், உறுதிமொழி சீட்டுகள் மற்றும் கொணர்பவர் பத்திரங்கள் போன்ற வடிவங்களில் மத்திய அரசு மற்றும் மாநில அரசுகள் வழங்கும் பத்திரங்கள் இருக்கும்.
(8) பங்கேற்பாளர்கள் (PARTICIPANTS)
அரசு பத்திர சந்தையில் அரசுத்துறை வைத்துள்ள வளங்களைப் பரிமாற்றம் செய்வதில் ஒருங்கிணைந்த பங்கேற்பாளர்களாக மத்திய அரசு மற்றும் மாநில அரசுகள் உள்ளன.
(9) வர்த்தகம் (TRADING)
அரசாங்க பத்திரங்களுக்கு இரண்டாம் நிலைசந்தை, குறுகிய, சிறிய மற்றும் குறைவான செயல்திறன் கொண்டது என்றாலும் பங்குச்சந்தைகளில் அரசாங்க பத்திரங்களை விற்பனை செய்வதிலும் வாங்குவதிலும் வங்கிகள். மற்றும் பெருநிறுவனங்கள் ஈடுபடுகின்றன.
(10) வெளியீட்டு இயந்திரம் (ISSUE MECHANISM)
இந்திய ரிசர்வ் வங்கியின் கீழுள்ள பொது கடன் அலுவலகம் (PUBLIC DEBT OFFICE) அரசு பத்திரங்களை வெளியிடுகிறது.

அ) பத்திரங்களின் சந்தை:
பங்குகள், கடனுறுதிப் பத்திரங்கள் போன்ற பத்திரங்கள் மூலதனச் சந்தையில் கையாளப்படுவதால் இது பத்திரங்களின் சந்தை என அழைக்கப்படுகிறது.
ஆ) விலை:
பத்திரங்களின் விலை மூலதனச் சந்தையில் பத்திரங்களின் தேவை மற்றும் அளிப்பை பொறுத்து தீர்மானிக்கப்படுகிறது.
இ) பங்கேற்பாளர்கள்:
மூலதனச் சந்தையின் ஈடுபடுபவர்கள் தனிநபர்கள், நிறுமங்கள், அரசு வங்கிகள், மற்றும் இதர நிதி நிறுவனங்கள் போன்றவர்கள் ஆவார்.
ஈ) இட அமைவு:
மூலதனச் சந்தைக்கான இடம் ஒரு குறிப்பிட்ட எல்லைக்குட்பட்டதில்லை, என்றாலும் பங்கு மாற்றகம் போன்ற நன்கு தெரிந்த இடமாக இருத்தல் வேண்டும்.
உ) நிதி சார்ந்த சொத்துக்களின் சந்தை:
மூலதனச் சந்தை நீண்ட கால நிதி சார்ந்த சொத்துக்களுக்கான ஒரு மேடையை வழங்குகிறது. 

நிதிச் சந்தையின் பங்கு:
நிதிச் சந்தையின் பங்கு பொருளாதாரத்தின் துரித வளர்ச்சியின் முக்கிய தேவைகளில் ஒன்று சுறுசுறுப்பான மற்றும் செழிப்பான நிதிச்சந்தை ஆகும். ஒரு நிதிச் சந்தை பின்வரும் வழிகளில் ஒரு நாட்டின் பொருளாதாரத்திற்கு உதவி செய்வதால் அது மிகப்பெரும் பயனாக திகழ்கிறது.
(அ) சேமிப்பை பெருக்குதல் (Savings Mobilization):
சேமிப்பாளர்கள் (அ) தனிநபர்கள், வணிக நிறுவனங்கள், பொதுத்துறை நிறுவனங்கள் மற்றும் அரசு போன்ற உபரி அலகுகளிடமிருந்து நிதிகளை பெறுவதன் மூலம் நிதிச் சந்தை ஒரு முக்கிய பங்கு வகிக்கிறது.
(ஆ) முதலீடுகள் (Investment):
நிதி முதலீடுகளை வசூலிப்பதிலும் அவற்றை தேவை உள்ளவர்களுக்கு வழங்குவதிலும் நிதிச் சந்தை' முக்கியப் பங்கு வகிக்கிறது.
(இ) தேசிய வளர்ச்சி (National Growth):
நிதிப் பற்றாக்குறை உள்ள நிறுவனங்களுக்கு உபரி நிதிகள் தடங்கலின்றி நடமாட்டம் செய்ய உறுதி செய்வதன் மூலம் ஒரு தேசத்தின் வளர்ச்சியில் நிதிச் சந்தை பங்களிப்பை வழங்குகிறது. நிதி ஆக்க பூர்வமான நோக்கில் பயன்படுத்த வழிவகை செய்கிறது. இது ஒட்டு மொத்த பொருளாதார வளர்ச்சிக்கு வழிவகுக்கிறது.
(ஈ) தொழில்முனைவோர் வளர்ச்சி (Entrepreneurship Growth):
தேவையான நிதி வளங்களை தொழில் முனைவோர்களுக்கு கிடைக்க பெறுவதன் மூலம் அதன் மேம்பாட்டிற்கு நிதிச் சந்தை பங்களிக்கிறது.
(உ) தொழிற்துறை மேம்பாடு (Industrial Development):
நிதிச் சந்தையின் பல்வேறு கூறுகள் ஒரு நாட்டின் தொழிற்துறையின் துரித வளர்ச்சி மற்றும் பொருளாதார மேம்பாட்டிற்கு உதவி புரிகிறது. இதன் மூலம் சமுதாயத்தின் வாழ்க்கை தரம் மற்றும் நல்வாழ்வை உயர்த்துகிறது.

1. மேலாண்மை என்பது ஒருங்கிணைத்தல்:
மனித வளம், இயந்திரங்கள், பொருட்கள், மற்றும் பணம் ஆகிய நான்கு வளங்களையும் அதன் செயல்பாடுகளையும் திறம்பட ஒருங்கிணைக்க வேண்டும்.
2. மேலாண்மை ஒரு செயல்முறை:
திட்டமிடல், ஒழுங்கமைத்தல், பணியமர்த்தல், இயக்குவித்தல் மற்றும் கட்டுப்படுத்துதல் ஆகியவற்றின் மூலம் வளங்களை திறம்பட ஒருங்கிணைத்தல்.
3. மேலாண்மை என்பது ஒரு திட்டமிட்ட செயல்முறை:
முன்கூட்டியே திட்டமிட்ட நோக்கங்களையும், குறிக்கோள்களையும் அடைவதற்காக இயக்கப்படுகிறது.
4. மேலாண்மை என்பது ஒரு சமூக செயல்பாடாகும்:
மற்றவர்கள் மூலம் குறிப்பிட்ட பொருளைப் பெறுவதற்கான கலை ஆகும்.
5. மேலாண்மை என்பது ஒரு சுழற்சியான செயல்முறை:
மேலாண்மை - திட்டமிடல் - செயல்பாடு - கட்டுப்படுத்தல் - மறுதிட்டமிடல் ஆகிய சுழற்சியை பிரதிபலிக்கிறது.