QB365 provides detailed and simple solution for every
Book back Questions in class 12 Accountancy Subject. It will helps to get more idea about question pattern in every Book back questions with solution.

latest Book back Questions

12ஆம் வகுப்பு Accountancy / கணக்குப்பதிவியல் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Accountancy / கணக்குப்பதிவியல் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

Generic 3

3 x 3 = 9

முழுமை பெறா பதிவேடுகளிலிருந்து கடன் விற்பனைத் தொகை எவ்வாறு கண்டறியப்படுகிறது?

நிலை அறிக்கை வாயிலாக இலாபம் அல்லது நட்டம் கண்டறியும் படிநிலைகளைத் தரவும்.

முழுமை பெறா பதிவேடுகளின் குறைபாடுகள் யாவை?

Generic 5

2 x 5 = 10

நிலை அறிக்கை மற்றும் இருப்புநிலைக் குறிப்புக்கும் இடையே உள்ள வேறுபாடுகளைத் தரவும்.

இரட்டைப்பதிவு முறை மற்றும் முழுமை பெறா பதிவேடுகளுக்கும் இடையே உள்ள வேறுபாடுகள் யாவை?

Visit QB365-SLMS - https://www.qb365.in/slms/

Answers Key:

Generic 3

3 x 3 = 9

ரொக்க விற்பனையுடன் கடன் விற்பனையைக் கூட்டி நாம் மொத்த விற்பனையைப் பெறலாம். ரொக்க விற்பனை ரொக்க ஏட்டில் தரப்பட்டிருக்கும். மொத்தக் கடனாளிகள் கணக்கு தயாரிக்கப்பட்டு கடன் விற்பனை கணக்கிடப்படும் மொத்தக் கடனாளிகள் மாதிரி படிவம் கீழே தரப்பட்டுள்ளது.

ப மொத்தக் கடனாளிகள் கணக்கு வ
விவரம்	ரூ	விவரம்	ரூ
இருப்பு கீ/கொ (தொடக்க இருப்பு)	xxx	ரொக்கம் பெற்றது	xxx
கடன் விற்பனை (இருப்பு கட்டும் தொகை)	xxx	தள்ளுபடி அளித்தது	xxx
		விற்பனைத் திருப்பம்	xxx
		இருப்பு கீ/இ	xxx
	xxx		xxx

நிலையறிக்கை தயாரித்து இலாபம் அல்லது நட்டம் கண்டறிவதற்கான படிநிலைகள் பின்வருமாறு:
1) ஆண்டு தொடக்கத்தில் உள்ள சொத்துகள் மற்றும் பொறுப்புகளின் இருப்புகளைக் கொண்டு தொடக்க நிலையறிக்கை தயாரித்து தொடக்க முதலைக் கண்டறியவும்.
2) கணக்காண்டின் இறுதியில் தேய்மானம், வாராக்கடன், கொடுபட வேண்டிய மற்றும் முன்கூட்டி செலுத்திய செலவுகள், பெற வேண்டிய வருமானம், முதல் மீது வட்டி, எடுப்பு மீது வட்டி போன்றவற்றிக்குத் தேவையான சரிக்கட்டுதல்களைச் செய்தபின் இறுதி நிலையறிக்கை தயாரித்து இறுதிமுதல் கண்டறியவும்.
3) இறுதி முதலுடன் எடுப்புத் தொகையினை (பணம் மற்றும் பொருட்கள் இரண்டும்) கூட்டவும்.
4) சரிகட்டப்பட்ட இறுதிமுதலைக் கண்டறிய கூடுதல் முதலைக் கழிக்கவும்.
5) சரிகட்டப்பட்ட இறுதி முதலிலிருந்து தொடக்க முதலைக் கழித்து இலாபம் அல்லது நட்டத்தினைக் கண்டறியவும்.
அ) சரிகட்டப்பட்ட இறுதி முதலானது தொடக்க விட அதிகமானதாக இருந்தால், அது இலாபத்தைக் குறிக்கும்.
ஆ) சரிக்கட்டப்பட்ட இறுதி முதலானது தொடக்க முதலை விட குறைவானதாக இருந்தால், அது நட்டத்தைக் குறிக்கும்.

முழுமை பெறா பதிவேடுகளின் குறைபாடுகள் பின்வருமாறு:
1) பதிவேடுகள் முறையாகப் பராமரிக்கப்படாமை: இது ஒரு அறிவியல் தன்மையற்ற மற்றும் ஒழுங்கற்ற கணக்கேடுகள் பராமரிப்பு முறையாகும். சொத்துக் கணக்குகள் மற்றும் பெயரளவுக் கணக்குகள் முறையாகப் பராமரிக்கப்படுவதில்லை.
2) இருப்பாய்வு தயாரிப்பது கடினம்: கணக்குகள், எல்லா விவரங்களுக்கும் பராமரிக்கப்படாததால் கணக்கேடுகள் முழுமையற்றதாக உள்ளன. எனவே, கணக்குகளின் கணக்கீட்டுச் சரித்தன்மையை அறிந்துகொள்ள இருப்பாய்வினைத் தயாரிப்பது கடினம்.
3) வியாபாரத்தின் உண்மையான இலாபம் ஈட்டும் திறனைக் கண்டறிவது கடினம்: இலாபம், பெறப்படும் தகவல்கள் மற்றும் மதிப்பீடுகளிலிருந்து கணக்கிடப்படுகிறது. எனவே, வியாபார மற்றும் இலாபநட்டக் கணக்கு துல்லியமாக தயாரிக்க முடியாததால் உண்மையான இலாபத்தை கண்டறிவது கடினம்.
4) வியாபாரத்தின் நிதிநிலையைக் கண்டறிதல் கடினம்: பொதுவாக, முழுமை பெறா பதிவேடுகளிலிருந்து சொத்துகள் மற்றும் பொறுப்புகள் மதிப்பீடுகள் மட்டுமே பெறப்படுகிறது. எனவே, ஒரு குறிப்பிட்ட நாளின் உண்மையான மற்றும் நேர்மையான நிதிநிலைத் தன்மை அல்லது நிதி நிலையை கண்டறிவது கடினமாக உள்ளது.
5) தவறுகள் மற்றும் மோசடிகள் எளிதாக கண்டறிய முடியாது: பதிவேடுகளின் ஒரு பகுதி மட்டுமே பெறப்படுவதால், கணக்கேடுகள் பராமரித்தலின் போது அகச்சோதனை செய்து தவறுகள் மற்றும் மோசடிகளைக் கண்டறிய முடியாமல் இருக்கலாம்.

Generic 5

2 x 5 = 10

வ.எண்	வேறுபாட்டிற்கான அடிப்படை	நிலை அறிக்கை	இருப்புநிலைக் குறிப்பு
1	நோக்கம்	நிலை அறிக்கை பொதுவாக வியாபாரத்தின் முதலை கண்டறிய தயாரிக்கப்படுகிறது.	இருப்புநிலைக் குறிப்பு வியாபாரத்தின் நிதிநிலையைக் கண்டறிய தயாரிக்கப்படுகிறது.
2	கணக்கியல் முறை	இரட்டைப்பதிவு முறையை பின்பற்றவது கட்டாயமானதாக இல்லாத போது நிலை அறிக்கை தயாரிக்கப்படுகிறது.	கணக்குகள் இரட்டைப்பதிவு முறையில் பராமரிக்கப்படும் போது இருப்புநிலைக்குறிப்பு தயாரிக்கப்படுகிது.
3	தயாரிப்பின் அடிப்படை	இது முழுமையாக பேரேட்டுக் கணக்குகளை அடிப்டையாகக் கொண்டதல்ல. பேரேட்டுக் கணக்குகளின் இருப்புகள் முடிந்த இடங்களில் எடுத்துக் கொள்ளப்படுகின்றன.	இது முழுமையாக பேரேட்டுக் கணக்குகளின் அடிப்படையிலேயே தயாரிக்கப்படுகிறது.
4	நம்பகத்தன்மை	இது முழுமை பெறா பதிவேடுகளை அடிப்டையாகக் கொண்டுள்ளதால் நம்பகத்தன்மை உடையது அல்ல.	இது இரட்டைப்பதிவு முறையில் தயாரிக்கப்படுவதால் நம்பகத்தன்மை உடையது.
5	விடுபட்ட விவரங்கள்	ஏடுகள் முழுமையாக பராமரிக்கப்படாததால் விடுபட்ட விவரங்களைக் கண்டறிவது கடினம்.	அனைத்து நடவடிக்கைகளின் இரண்டு தன்மைகளும் பதியப்படுவதால் விடுபட்ட விவரங்களை எளிதில் கண்டறிய முடியும்.

வ.எண்	வேறுபாட்டின் அடிப்படை	இரட்டைப்பதிவு முறை	முழுமைபெறா பதிவேடுகள்
1	நடவடிக்கைகளைப் பதிவு செய்தல்	அனைத்து நடவடிக்கைகளின் பற்று மற்றும் வரவு ஆகிய இரு தன்மைகளும் பதிவு செய்யப்படுகின்றன.	அனைத்து நடவடிக்கைகளின் பற்று மற்றும் வரவுத் தன்மைகள் முழுமையாகப் பதிவு செய்யப்படுவதில்லை.
2	சரியான இலாபம் அல்லது நட்டம் கணக்கிடுதல்	சரியான இலாபம் அல்லது நட்டம் கண்டறிய வியாபார மற்றும் இலாபநட்டக் கணக்கு தயாரிக்கப்படுகிறது.	முழுமையானத் தகவல்கள் பெற முடியாததால் வியாபார மற்றும் இலாபநட்டக் கணக்கு துல்லியமாக தயாரிக்க முடியாது. எனவே, கண்டறிந்த இலாபம் அல்லது நட்டம் துல்லியமாக இருக்காது.
3	பொருந்தும் தன்மை	இது அனைத்து அமைப்புகளுக்கும் பொருந்தக் கூடிய ஒன்றாகும்.	இது சிறிய அளவிலான தனி ஆள் வணிகம் மற்றும் கூட்டாண்மை நிறுவனங்களுக்கு பொருத்தலாம்.
4	நம்பகத்தன்மை	இது, அறிவியல்பூர்வமான கணக்கியல் முறை மற்றும் சில கணக்கியல் கொள்கைகளை அடிப்படையாகக் கொண்டுள்ளதால் நம்பகத் தன்மையுடையதாகும்.	இது அறிவியல் தன்மையற்றதால் நம்பகத்தன்மை உடையதல்ல.
5	ஏற்புத்தன்மை	கணக்கியல் பதிவேடுகள் வரி அதிகாரிகள் மற்றும் நிதி நிறுவனங்கள் உட்பட அனைத்து பயனாளர்களுக்கும் ஏற்புடையதாகும்.	கணக்கியல் பதிவேடுகள் அனைத்துப் பயனாளர்களுக்கும் ஏற்புடையதல்ல.