QB365 provides detailed and simple solution for every book back questions in class 12 Biology subject.It will helps to get more idea about question pattern in every book back questions with solution.

latest Book back Questions

12ஆம் வகுப்பு Biology / உயிரியல் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Biology / உயிரியல் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

Generic 3

5 x 3 = 15

ஒரு தாங்கிக்கடத்தியை எவ்வாறு அடையாளம் காண்பாய்?

தாங்கிக் கடத்திகள் இல்லாமல் ஓம்புயிரித் தாவரத்திற்கு பொருத்தமான விரும்பத்தகுந்த மரபணுவை மாற்ற முடியுமா? உன் விடை எதுவாகினும் அதை நியாயப்படுத்துக.

தடைகட்டு (ரெஸ்ட்ரிக்க்ஷன்) நொதி என்றால் என்ன? அவற்றின் வகைகளைக் கூறி, உயிரிதொழில்நுட்பவியலில் அதன் பங்கைக் குறிப்பிடுக?

உயிரிதொழில்நுட்பவியலின் பயன்பாட்டைக் குறிப்பிடுக.

pBR 322 எனும் வார்த்தையிலிருந்து நீர் அறிந்து கொள்வது என்ன?

Visit QB365-SLMS - https://www.qb365.in/slms/

Answers Key:

Generic 3

5 x 3 = 15

பண்புகள்		செயல்/பணி
அ	தன்னிச்சையாகப் பெருக்கமடைய திறன்	ஓம்புயிரி செல்களுக்குள் அவற்றுடைய DNA செருகலுடன் தன்னிச்சையாக பெருக்கமடைந்து பல மடங்கு நகல்களை உற்பத்தி செய்கிறது.
ஆ.	சிறிய அளவு -குறைந்த மூலக்கூறு எடை கொண்டிருக்க வேண்டும் (10kb க்கும் குறைவு)	இதனால் ஓம்புயிரி செல்லுக்குள் நுழைத்தால், மாறுதல் எளிதாகிறது.
இ.	பெருக்கமடைதல் தோற்றுவிக்க காணப்பட வேண்டும்.(Ori)	காணப்பட்டால் மட்டுமே ஓம்புயிரி செல்லுக்குள் தன்னிச்சையாகப் பெருக்கமடைய இயலும்.
ஈ.	அடையாளக் குறி (உயிரி எதிர்ப்பொருள் தடுப்பு) கொண்டிருக்க வேண்டும்.	இதனால் மரபணு மாற்றமடைந்த ஓம்புயிரி செல்லுக்குள் அதனை அடையாளம் கண்டறிய முடியும்.
உ.	DNA செருகலோடு ஒருங்கிணைவதற்கு தனிப்பட்ட இலக்குக் கலங்களைப் பெற்றிருக்க வேண்டும் மற்றும் தாங்கியிருக்கும் DNA செருகலுடன் சேர்ந்து ஓம்புயிரி செல்லின் மரபணு தொகுப்புடன் ஒருங்கிணையும் திறனைப் பெற்றிருக்க வேண்டும்.	இதனால் ஓம்புயிரியின் மரபணு தொகுப்புக்குள் எடுத்துச் செல்லப்பட இயலும்.
ஊ.	ஒன்று (அ) ஒன்றுக்கு மேற்பட்ட நகலாக்க களங்கள் (MCS) கொண்டிருப்பது சிறப்பானது.	MCS இருப்பதால் தேவைப்படும் தடைக்கட்டு நொதிகளின் பயன்பாட்டிற்கு வழிவகை செய்கிறது.

ஆம். தாங்கிக்கடத்தி அற்ற மரபணு மாற்ற முறை காணப்படுகிறது. இதில் அயல் மரபணு தாங்கிக் கடத்தி உதவியின்றி தாவரத்திற்குள்ளாக செலுத்தப்படுகிறது.
அ) வேதியியல் வழி மரபணு மாற்றம்
பாலி எத்திலீன் கிளைக்கால் மாற்ற டெக்ஸ்ட்ரான் சல்ஃபேட் போன்ற வேதிப்பொருட்கள் புரோட்டோபிளாஸ்ட்களுக்குள் DNA வை எடுத்துக் கொள்ளத் தூண்டி புரோட்டோபிளாஸ்ட் இணைவை ஊக்குவிக்கின்றன.
ஆ) நுண்பொருள் உட்செலுத்துதல்
தாவர செல்களை மரபணு மாற்றம் செய்ய DNA வை, நேரடியாக ஒரு மிக நுண்ணிய முனை உடைய கண்ணாடி ஊசி (அ) நுண் -பிப்பெட்டினை பயன்படுத்தி உட்கருவினுள் உட்செலுத்தப்படுகிறது.புரோட்டோபிளாஸ்ட்கள் ஒரு திட தாங்கிய அகரோஸில் (கண்ணாடித் தகட்டில் வைக்கப்பட்டுள்ளது) நிலை நிறுத்தப்படுகின்றன.
இ) மின்துலையாக்க முறையில் மரபணு மாற்றம்
திசுக்கள், செல்கள் (அ) புரோட்டோபிளாஸ்ட்கள் உயர் மின் அழுத்த விசை கொடுக்கப்படுகிறது. தன்னால் பிளாஸ்மா சவ்வில் உண்டாகும் தற்காலிகத் துளைகள் மூலம் அயல் DNA உள்ளிழுக்கப்படுகிறது.
ஈ) லிப்போசோம் வழி மரபணு மாற்ற முறை (லிப்போஃபெக்சன்)
லிப்போசோம்கள் என்ற நுண்பைகள் வழியாக மரபணு (அ) DNA தாவர செல்களின் நுண் பைகளுக்கு மாற்றப்படுகின்றது. இது காற்று உறை சூழப்பட்ட DNA வினால் நுண்குமிழ் பைக்குள் (vacuole) தாங்கிச் செல்லப்படுகிறது. இது நுண்குமிழ் பையிலுள்ள அமில pH, புரோட்டீயேஸ் நொதி ஆகியவற்றால் ஏற்படும் சிதைவிலிருந்து பாதுகாக்கிறது. இதனால் லிப்போசோம் காற்றுக் குமிழியின் டோனோபிளாஸ்ட் இணைகிறது. இந்த முறை லிப்போஃபெக்சன் (lipofection) எனப்படுகிறது.
உ) பயோலிஸ்டிக் முறை
நுண்ணிய தங்க (அ) டங்ஸ்டன் (1-3μm)துகள்களால் பூச்சு செய்யப்பட்ட அயல் DNA இலக்கு திசு (அ) செல்களில் துகள் துப்பாக்கி, நுண் எறிதல் துப்பாக்கி, வெடிப்புத் துப்பாக்கி பயன்படுத்தி அதிக விசையுடன் செலுத்தப்படுகிறது. பின்னர் செயற்கை ஊடகத்தில் வளர்க்கப்படுகிறது. இதன் மூலம் மரபணு மாற்றமடைந்த செல்களிலிருந்து தாவரங்களை மீளுருவாக்கம் செய்ய இயலும்.

1. இது மூலக்கூறு கத்தரிக்கோல் எனப்படுகிறது.
2. 1963 ஆம் ஆண்டு எ.கோலை பாக்டீரியாவில் இருந்து தனிமைப்படுத்தப்பட்டது.
3. இது DNA மூலக்கூறுக்குள் குறிப்பிட்ட அடையாளம் காணக்கூடிய பகுதிக்கு அருகில் (அ) இடத்தில் DNA ஐ துண்டிக்கின்றன. இது தடைகட்டு களம் எனப்படும்.
4. செயல்படும் விதம் அடிப்படையில் பிரிப்பது
அ. எக்சோ நியூக்ளியேஸ்
DNA மூலக்கூறின் உட்புறம் ஒரு முனையில் இருந்து நியுக்ளியோடைடுகளை நீக்குகிறது.
(எ.கா) Bal 31, எக்சோ நியுக்ளியேஸ் III
ஆ. எண்டோ நியூக்ளியேஸ்
இது நொதி மூலக்கூறின் உட்புறம் உள்ள ஃபாஸ்ஃபோடை - எஸ்டர் பிணைப்பை நீக்குகிறது.
(எ.கா) Hind II, EcoR 1, Pvul, Bam H1, Taq போன்றவை
எண்டோ நியூக்ளியேஸ் 3 வகுப்புகளைக் கொண்டது.
வகை I, II மற்றும் இவை செயல்படும் விதத்தில் சிறிய வேறுபாடுகளைக் கொண்டது.
வகை - II : இது மறுகூட்டிணைவு தொழில் நுட்பத்தில் அதிகம் பயன்படுகிறது. இது 4-8bp கொண்டுள்ள வரிசைக்குள்ளே DNA வை அடையாளம் கண்டறிந்து Hind II
குறிப்பிட்ட வரிசையிலுள்ள 6 கார இணைகளை அடையாளம் கண்டறிந்து அங்கு DNA மூலக்கூறுகளைத் துண்டிக்கிறது (Recognition sequences). இது வரை வேறுபட்ட அடையாள தொடர்வரிசை உடைய ஏறத்தாழ 900 தடைகட்டு நொதிகள் பாக்டீரியங்களிலிருந்து பிரித்து எடுக்கப்பட்டுள்ளன.

1. 21 ஆம் நூற்றாண்டின் மிகவும் முக்கியமான பயன்பாட்டு அறிவியல்களில் முக்கியமானது.
2. வாழ்வை பயனுள்ள முறையில் செலவிட நமக்குள்ள ஒரு நம்பத்தகுந்த துறையாகும்.
3. பரந்துபட்ட பயன்பாடு வேளாண்மை, மருத்துவம், சூழல், வணிக தொழில்கள் போன்றவை
4. மரபணு மற்றும் தாவரவகைகள் போன்ற அதிக மதிப்புள்ள விளைவுகள்
Bt. பருத்தி, அரிசி, தக்காளி, புகையிலை, காலிஃபிளவர், உருளை, வாழை போன்றவை
5. மரபணு மாற்ற வேளாண் தாவர வகைகள் நோயெதிர்ப்பு திறன், களைக்கொல்லி எதிர்ப்புத்தன்மை, இறுக்க எதிர்ப்பு தன்மை
6. உயிர்தொழில் நுட்ப தொழிற்சாலையின் மிகப்பெரிய சாதனை (மருத்துவம்) இன்சுலின், இரத்தப்புரத உற்பத்தி, தடுப்பூசி மருந்து, நொதிகள், உயிரி எதிர்ப்புப் பொருட்கள், பால் சார்ந்த தயாரிப்புகள், பானங்கள் போன்றவை.
7. உயிரி சில்லுகள் அடிப்படையாகக் கொண்ட உயிரிய கணினி உருவாக்குதல்.
8. மரபணுப் பொறியியல் மரபணு கையாளுதல், திட்ட வளர்ப்பு (முழு ஆக்குத்திறன்)
9. SCP - ஸ்பைருலினா - (உணவு தொழிற்சாலை)
10 இரண்டாம் நிலை வளர்ச்சிதைப் பொருட்கள் உயிரி உரங்கள், உயிரி பூச்சிக் கொல்லிகள் மற்றும் நொதிகள் போன்றன.
11. சூழல் சார் உயிரி தொழில் நுட்பம் உயிரித்திரள் ஆற்றல், உயிரி எரிபொருள், உயிரி சீரமைப்பாக்கம், தாவர சீரமைப்பதால்

1. pBR 322 என்பது மறுகட்டமைக்கப்பட்ட பிளாஸ்மிட் ஆகும்.
2. இதில் 4361 bp கொண்டுள்ளது.
3. p = பிளாஸ்மிட்
4. BR - பிளாஸ்மிட் உருவாக்கி, அறிஞர்களான பொலிவர் மற்றும் ரொட்ரிக்ஸ் ஆகிய இருவரையும் குறிக்கின்றன.
5. 322 = அவர்களுடைய ஆய்வகத்தில் உருவாக்கப்பட்ட பிளாஸ்மிட்டின் எண்ணிக்கையாகும்.
இதில் காணப்படுவன
1. இரு வேறுபட்ட உயிரி எதிர்ப்பொருள் தடுப்பு மரபணுக்கள் (amp^R, tet^R)
2. பல தடைக்கட்டு நொதிகளுக்கான அடையாளக் களங்கள் (Hind III, EcoRI, Bam H1, SalI, PvuII, Pst1, ClaI)
3. Ori -மரபணு
4. Rop - பிளாஸ்மிட் பெருக்கமடைவதில் ஈடுபடும் புரதங்களையும் Rop குறியீடு செய்கிறது.