1. தரவு சிதைப்பு :
1.தரவுகளின் நம்பகத்தன்மை மற்றும் நேர்மை தொடர்பாக பிரச்சனை மின் - வணிகத்தின் முக்கிய சிக்கலாக உள்ளது .
2.இணையத்தின் வழியாக தரவுகளை பரிமாறும் போது ஹேக்கர்களால் தரவுகள் பல்வேறு தொழில்நுட்பங்கள் வாயிலாக
தவறானதாக மாற்றி இலக்கு கணிப்பொறிக்கு அனுப்பப்படுவதால தரவுகளின் நம்பகத்தன்மை சிதைக்கப்படுகிறது .
2.பண மோசடிகள் :
1.ஹேக்கிங் என்பது கணிப்பொறி (அ) வலையமைப்பிற்குள் அங்கீகரிக்கப்படாத ஊடுருவலை குறிக்கிறது.
2. சட்டவிரோதமாகக் கணிப்பொறியின் பாதுகாப்பு அரணை உடைத்து, இணையதளத்தில் உள்புகுதல் மற்றும் இரகசியத் தகவலை இடைமறித்தல் செயல் ஆகும்
3.தீங்கிழைக்கும் நிரல் அச்சுறுத்தல்கள் :
1.ஒரு ஹேக்கருக்கு மின்-வணிக தளத்தில் பணம் மற்றும் பயனர் பற்றிய தகவல்களை ஊடுருவி
பெற பல பலவீனமான பகுதிகள் உள்ளன.
2. தீங்கிழைக்கும் நிரல்கள். Cross Site scripting,(அ) SQL injection மூலம், ஒரு ஹேக்கர் கடன்
அட்டை தகவலைப் பிரித்தெடுத்து, அதனை கள்ளச் சந்தைகளில் (Black Market)- விற்பனை செய்வார்.
3. பின் அத்தகவல்களைப் பயன்படுத்தி மின் வணிகப் பரிவர்த்தனைகள் (அ) ஏடிஎம் ல்
பணம் எடுத்தல் போன்றவற்றின் மூலம் பெரும் நஷ்டம் உண்டாக்கும் மோசடி நடைபெறுதல்.
4. பரவல் சேவை மறுக்கப்படல் தாக்குதல் :
1. DDoS தாக்குதல் Network flooding) என்றும் அழைக்கப்படுகிறது.
2.மின் வணிகத்தின் தளத்தின் சேவையகத்திற்கு மிக அதிக வேண்டுகோள்களை தொடர்ந்து அனுப்புவதன் மூலம் முடக்கும் செயல் ஆகும்.
3. Botnetஐப் பயன்படுத்தி பல அடையாளம் தெரியாத கணிப்பொறிகளில் இருந்து இந்த
தாக்குதல் நடத்தப்படுவதால் சேவையகத்தின் திறனை குறைத்து அதனை செயலிழக்கச் செய்யும்.
5. சைபர் Squatting:
1.பின்னர் அதிக இலாபத்திற்கு விற்க வேண்டும் என்ற நோக்கத்தில் மற்றொரு நபர்
விரும்பக்கூடிய ஒரு இணைய களப்பெயரைப் பதிவு செய்யும் சட்டவிரோத நடைமுறையாகும்.
2.சைபர் Squatting என்பது ஒரு புகழ் பெற்ற (அ) நற்பெயர் பெற்ற நிறுவனத்தின் பெயரில் போலி
வலைப்பக்கத்தை உருவாக்கி நிறுவனத்தின் அதிகாரபூர்வ வலைப்பக்கம் என நம்பச் செய்து
வாடிக்கையாளரைத் ஏமாற்றும் செயல் ஆகும்.

1. பாதுகாப்பான மின்னணு பரிவர்த்தனை என்பது, குறிப்பாக இணையம் வழியாக கடன் அட்டை மூலம் மின்னணு பணம் செலுத்தல்களுக்கான பாதுகாப்பு நெறிமுறை ஆகும்.
2. இது, GTE, IBM மைக்ரோசாப்ட் மற்றும் நெட்ஸ்கேப்பின் பங்களிப்புடன், 1996ல் விசா மற்றும் மாஸ்டர்கார்டு நிறுவனங்களால் உருவாக்கப்பட்டது.
3. SET இன் செயலாக்கம் எண்முறைக் கையொப்பம் மற்றும் பரிமாற்ற தரவின் குறியாக்கம் ஆகியவற்றின் அடிப்படையில் செயலாக்கப்படுகிறது.
4. தனியுரிமையை உறுதிப்படுத்த இரட்டைக் கையொப்பங்களை உறுதிப்படுத்த, பயன்படுகிறது.
5. இது மூன்று பங்களிப்பாளர்களை உள்ளடக்கியது:
i. வாடிக்கையாளர்
ii. விற்பவர்
iii. விற்பவரின் வங்கி
6. இந்த அமைப்பு முறைக்கு மூன்று பங்களிப்பாளர்களிலிருந்தும் சான்றிதழ்கள் தேவைப்படுகின்றன.
7. வாடிக்கையாளரின் மற்றும் விற்பனையாளரின் சான்றிதழ்கள் அந்தந்த வங்கிகளின் மூலம் வழங்கப்படுகின்றன. அதன் பிறகுதான் வர்த்தக பரிவர்த்தனை நடைபெற முடியும்.
9. இந்த SET நெறிமுறையில், கடன் அட்டை எண் விற்பவருக்குத் தெரியாமல் இருக்கும்.
10. எனவே விற்பவரின் கோப்புகளில் சேமிக்கப்பட முடியாது. மேலும் ஒரு ஹேக்கர் மூலம் மீட்க முடியாது.
11. திறந்த பிணையத்தில், கடன் அட்டைகளை பயன்படுத்தி செய்யப்படும் மின்னணு பரிவர்த்தனையின் பாதுகாப்புக்கு SET நெறிமுறை உத்தரவாதம் அளிக்கிறது.
12. இதில் பரிமாற்றத் தரவு மாற்றமடையாமல் இருப்பது மற்றும் பரிவர்த்தனைகளை மறுதலிக்கப்படாமல் இருப்பது ஆகியவற்றை உறுதி செய்வது போன்ற நன்மைகள் உண்டு.
13. எனவே, மின்னணு கடன் அட்டை பரிமாற்றத்திற்காக சர்வதேச அளவில் அங்கீகரிக்கப்பட்ட தரமாக மாறியுள்ளது.

அ. எண்முறைச் சான்றிதழ்:
1. ஒரு எண்முறைச் சான்றிதழ் (அ) பொது குறியீட்டு சான்றிதழ் என்பது ஒருவரது பொது குறியீட்டின் உரிமையை நிரூபிக்க பயன்படுத்தப்படும் ஒரு மின்னணு ஆவணம் ஆகும்.
2. இந்த சான்றிதழில் அனுப்புநரின் அடையாளம் பற்றிய தகவல்கள், அனுப்புநரின் எண்முறைக் கையொப்பம் மற்றும் அவரின் பொது குறியீடு போன்ற தகவல்கள் அடங்கியிருக்கும்.
3. இது அங்கீகரிக்கப்பட்ட சான்றளிப்பு அதிகாரிகளால் வழங்கப்படுகிறது.
4. ஒருவர் எண்முறை சான்றிதழைக் கோருகையில் சான்றளிப்பு அதிகாரி விண்ணப்பதாரரின் அடையாளத்தை சரிபார்ப்பார்.
5. விண்ணப்பதாரர் அனைத்து தேவைகளையும் பூர்த்தி செய்தால் மட்டுமே, சான்றளிப்பு அலுவலர் அவரின் சான்றிதழை வழங்குவார்.
6. NIC, Safescript, TCS, MTNL, e-Mudhra ஆகியவை இந்திய அரசால் அங்கீகரிக்கப்பட்ட சான்றளிக்கும் நிறுவனங்கள் ஆகும்.
ஆ. எண்முறைக் கையொப்பம்:
1. ஒரு குறிப்பிட்ட மின்னணு ஆவணம், செய்தி அல்லது பரிவர்த்தனை நம்பகமானதா என சரிபார்க்கப் பயன்படும் அமைப்பு ஆகும்.
2. இது ஒரு பெறுநருக்கு, தகவல் குறிப்பிட்ட அனுப்புநரால் தான் உருவாக்கப்பட்டது என்பதற்கான உத்தரவாதம் அளிக்கிறது.
3. மேலும் இந்த தகவல், கையொப்பம் இடுபவரிடம்தான் தோன்றியதாகவும், நடுவில் உள்ள ஒரு Cracker மூலம் மாற்றம் செய்யப்படவில்லை என்பதையும் உறுதிப்படுத்துகிறது.
4. எண்முறை கையொப்பங்கள், மின்னணு ஆவணங்களின் தோற்றம், தனித்துவம், நிலை மற்றும் அனுப்புநரின் ஒப்புதல் போன்றவற்றின் ஆதாரப்பூர்வமான உறுதி மொழிகளை வழங்குகிறது.
5. எண்முறை கையொப்பங்கள், அதிக அளவு பாதுகாப்பு மற்றும் உலக அளவிலான ஏற்பு ஆகியவற்றை வழங்குவதற்காக, பொதுக் குறியீடு உள்கட்டமைப்பு (PKI) என அழைக்கப்படும். ஒரு உலகளாவிய ஏற்றுக்கொள்ளப்பட்ட தர நிலையை பயன்படுத்துகின்றன.

பாதுகாப்பு சிக்கல்கள் மின்-வணிகத்திற்கு மிகவும் கவலையளிக்கும் பிரச்சனையாக இருப்பதால், மின்-வணிக செயல்பாடுகளின் பாதுகாப்பை உறுதி செய்வது மின்-வர்த்தகத்தின் முக்கிய ஆராய்ச்சித் துறையாக மாறிவிட்டது. மின்-வணிகம் தொடர்புடைய சில பாதுகாப்பு அம்சங்கள் பின்வருமாறு.
(i) அங்கீகாரம் (Authenticity): தரவு மூலத்தை அங்கீகரித்தல்.
(ii) இருப்பு (Availability): தரவு தாமதம் அல்லது நீக்கத்தை தடுத்தல்.
(iii) முழுமை (Completeness): தகவல்களையும் ஒன்றிணைத்தல்.
(iv) இரகசியத்தன்மை (Confidentiality): அங்கீகரிக்கப்படாத நபர்களிடமிருந்து தரவை பாதுகாத்தல்.
(v) திறனுடைமை (Effectiveness): வன்பொருள், மென்பொருள் மற்றும் தரவை முழுமையாகவும் திறம்படவும் கையாளுதல்.
(vi) நேர்மை (Integrity): அங்கீகரிக்கப்படாத தரவு மாற்றத்தை தடுத்தல்.
(vii) மறுதலிக்கப்படாதிருத்தல் (Non-repudiation): உடன்படிக்கை மீறாதிருத்தல்.
(viii) தனியுரிமை (Privacy): வாடிக்கையாளர்களின் தனிப்பட்ட தரவுகளை பிறர் பயன்படுத்தாமல் தடுத்தல்.
(ix) நம்பகத்தன்மை (Reliability): தனிநபர்கள் அல்லது நிறுவனங்களின் நம்பகத்தன்மையை அடையாளங்காணல்.
(x) மீளாய்வு திறன் (Review ability): தணிக்கை நடவடிக்கைகள் மற்றும் வணிகச் செயல்பாடுகளை கண்காணிக்கும் திறன்.