கண், காது, மூக்கு, நாக்கு, தோல் ஆகியன ஐந்து உணர் உறுப்புகளாகும்.

இம்மண்டலமானது சிக்கலான உணவுப் பொருட்களை எளிய மூலக்கூறுகளாக மாற்றுவதோடு அதனை உட்கிரகிக்கும் பணியையும் செய்கிறது.

மூச்சுக்குழல் பொதுவாக காற்றுக்குழாய் என்று அழைக்கப்படும். இது நுரையீரலுக்கு காற்று செல்வதற்கு ஏதுவாக உள்ளது.

தமனிகள், சிரைகள் மற்றும் தந்துகிகள் ஆகியன இரத்தக் குழாய்களாகும்.

சுவாசப் பாதைக்குள் உணவு செல்வதைத் தடுக்கும் தட்டையான குரல்வளை மூடி எபிகிளாட்டிஸ் எனப்படுகிறது.

எலும்பு மண்டலமானது எலும்புகள், குருத்தெலும்புகள் மற்றும் மூட்டுகளால் ஆக்கப்பட்டுள்ளது. உடலுக்கு வடிவத்தைக் கொடுக்கிறது.

1. விலா எலும்புக் கூடு 12 இணைகள் கொண்ட வளைந்த தட்டையான விலா எலும்புகளைக் கொண்டுள்ளது.
2. அவை மென்மையான இதயம், நுரையீரல் போன்ற இன்றியமையாத உடல் உறுப்புகளைப் பாதுகாக்கின்றன.

நமது மூச்சுக் குழலும் உணவுக் குழலும் சந்திக்கும் இடத்தில் குரல் வளை மூடி அமைந்துள்ளது. இது உணவை விழுங்கும் போது மூச்சுக் குழலை மூடி உணவு அதனுள் செல்வதைத் தடுக்கிறது. நாம் சில நேரங்களில் அவசர அவசரமாக உணவு உண்ணும் போது உணவுத் துணுக்குகள் திறந்துள்ள குரல்வளை மூடி வழியாக மூச்சுக் குழாய்க்குள் சென்று விடுகின்றன. அப்போது நுரையீரலில் உள்ள காற்று அதனை மிக விரைவாக மேல்நோக்கித் தள்ளுகிறது. இதனால் விக்கலும் இருமலும் ஏற்படுகின்றன. இதேயே புரையேறுதல் என்கிறோம்..

இதயத்தில் ஒரு பாகத்தில் உள்ள சுத்த ரத்தம் மறுபக்கத்தில் உள்ள அசுத்த ரத்தத்துடன் கலந்து விடாமல் இருப்பதற்காக இதயத்தின் இரு பாகங்களும் தடித்த தசைச் சுவரால் பிரிக்கப்பட்டுள்ளன.

நாளமில்லா சுரப்பி மண்டலம்:
1. நாளமில்லா சுரப்பிகள் நமது உடலின் பல்வேறு பகுதிகளில் இருந்து ஹார்மோன் எனும் வேதிப்பொருளை சுரக்கிறது.
2. இது நம் உடலில் பல்வேறு செயல்களை ஒழுங்குப்படுத்தி நமது உடலின் உட்புறச் சூழலை பாதுகாக்கிறது.
நரம்பு மண்டலம்:
1. நியூரான் அல்லது நரம்பு செல்களால் நன்கு வளர்ச்சியடைந்துள்ளன.
2. நரம்பு மண்டலம் நாளமில்லா சுரப்பி மண்டலத்தோடு இணைந்து கடத்துதல் மற்றும் ஒருங்கிணைப்பு ஆகிய இரு முக்கியப் பணிகளைச் செய்கிறது.