ஒரு வலிமையான காந்தத்தை நீருள்ள முகவைக்கு மேலே வைத்தால் நீருக்குள் உள்ள குண்டுசிகள் அனைத்தும் மேலே வந்து காந்தத்தில் ஒட்டிக் கொள்ளும்.

எதிரெதிர் துருவங்கள் (N-S), (S-N) ஒன்றை ஒன்று ஈர்க்கும். (அ) காந்தத்தின் முனை N எனவே (ஆ) காந்தத்தின் முனை S எனில் ஈர்க்கும்.
காந்தம் (ஆ) வின் முனைகள் (S-N) ஆகும்.

அ) கொடுக்கப்பட்ட காந்தத்தை இரும்புத் தூளில் புரட்டும்போது காந்தத்தின் எப்பகுதியில் இரும்புத்தூள்கள் அதிகம் ஒட்டுகின்றதோ அது காந்தத்தின் துருவங்கள் ஆகும்
ஆ) காந்தத்தின் துருவப்பகுதிகளில் இரும்புத் தூள்கள் அதிகம் ஒட்டிக்கொள்கின்றன. ஏனெனில் துருவங்களில் காந்த வலிமை அதிகம்.

காந்தத் தன்மையை இழக்கக் காரணங்கள்
1. வெப்பப்படுத்துதல்
2. சுத்தியால் தட்டுதல்
3. உயரத்திலிருந்து கீழே போடுதல்

காந்தத்தின் ஒத்த துருவங்கள் (N - N, S - S) ஒன்றையொன்று விலக்கும்.
எதிரெதிர் துருவங்கள் (N - S, S - N) ஒன்றையொன்று ஈர்க்கும்.

மின்காந்தத் தொடர்வண்டியில் மின்காந்தங்கள் பயன்படுகின்றன. இவற்றின் வழியே மின்சாரம் பாயும்போது மட்டுமே காந்தத்தன்மை பெறுகின்றன. மின்சாரத்தின் திசை மாறும்போது இதன் துருவங்களும் மாறுகின்றன. தொடர்வண்டியின் அடியிலும், தண்டவாளத்திலும் உள்ள காந்தங்களின் ஒத்த துருவங்கள் ஒன்றையொன்று விலக்குவதன் காரணமாக இத்தொடர்வண்டிகள் தண்டவாளத்திலிருந்து 10 செ.மீ உயரத்தில் அந்தரத்தில் நிறுத்தப்படுகின்றன. காந்தத்தின் விலக்கு விசை மற்றும் ஈர்ப்பு விசையை பயன்படுத்தி தொடர்வண்டி முன்னோக்கி செலுத்தப்படுகிறது. மின்னோட்டத்தின் மூலம் இக்காந்தங்களை நம்மால் கட்டுப்படுத்த முடியும். இத்தொடர்வண்டியில் உராய்வு விசை கிடையாது. அதனால் மணிக்கு 300 கி.மீ வேகத்திற்கு மேல் எளிதாகச் செல்லலாம்.

1. ஒரு சட்டக காந்தத்தை எடுத்து அதன் ஒரு முனையை இரும்பு ஊசியின் ஒரு முனையிலிருந்து மறுமுனை வரை தேய்க்க வேண்டும்.
2. காந்த முனையை மாற்றக் கூடாது.
3. இரும்பு ஊசியின் எந்த முனையில் இருந்து ஆரம்பித்தோமோ அதே முனையில் இருந்தே மீண்டும் மீண்டும் தேய்க்க வேண்டும்.
4. இதே போல் 30- 40 முறை தேய்க்க வேண்டும்.
5. இப்போது இரும்பு ஊசி காந்தத்தன்மையை பெற்றுள்ளதா என பார்க்க குண்டூசி அல்லது இரும்பு துகள்களை ஈர்க்கிறதா என பார்க்க வேண்டும். அது ஈர்க்கும்
6. இல்லையெனில் இதே முறையை பின்பற்றி மீண்டும் சில முறை தேய்த்தால் இரும்பு ஊசி காந்தத் தன்மையை பெறும்.