1. புரோடிஸ்டா உலகத்தில் ஒரு செல் உயிரிகளும் சில எளிய பல செல் யூகேரியோட்டுகளும் அடங்கும்.
2. தாவர வகை புரோடிஸ்டுகள் தற்சார்பு ஊட்ட மூலமும் விலங்கு வகை புரோடிஸ்டுகள் பிற ஊட்ட முறை மூலமும் உணவு எடுத்துக் கொள்ளும்.

பாக்டீரியங்கள் மற்றும் நீலப்பசும்பாசிகள் மொனிரா வகைக்கு எடுத்துக்காட்டுகளாகும்.

பொருள்களுக்கிடையேயான ஒற்றுமை வேற்றுமைகளை இரு பகுதிகளாக பகுத்தல் இருபிளவு திறவுகோல் எனப்படும்.

i) இவ்வகைபாட்டின் அமைப்பானது அதிகமாக அறிவியல் ரீதியாகவும் மற்றும் இயற்கையின் முறைப்படியும் அமைந்துள்ளது.
ii) இந்த வகைப்பாடு செல்லின் அமைப்பு உணவு ஊட்ட முறை மற்றும் பரிணாம வளர்ச்சியின் ஆரம்ப நிலையின் பண்புகளைத் தெளிவாக குறிக்கின்றது.

1. வகைப்பாட்டில் ஏழு முக்கிய படிநிலைகள் உள்ளன.
2. அவை உலகம், தொகுதி, வகுப்பு, வரிசை, குடும்பம், பேரினம், சிற்றினம் ஆகும்.
3. வகைப்பாட்டின் அடிப்படை அலகு சிற்றினமாகும்.

1. காஸ்பார்டு பாஹின், 1623 ஆம் ஆண்டு உயிரினங்களை இரண்டு சொல் கொண்ட பெயர்களோடு அழைப்பதை அறிமுகப்படுத்தினார். இதற்கு இருசொல் பெயரிடும் முறை என்று பெயர். இதனை 1753 ஆம் ஆண்டு கரோலஸ் லின்னேயஸ் என்பவர் செயல்படுத்தினார். இவரே “நவீன வகைப்பாட்டியலின் தந்தை" என்று அழைக்கப்படுகிறார்.
2. இரு சொல் பெயரிடும் முறை என்பது உயிரினங்களுக்கு உலக அளவில் பெயரிடும் முறை ஆகும். இந்த முறைப்படி ஒவ்வொரு உயிரினமும் முதலில் பேரினப்பெயரும், இரண்டாவதாக சிற்றினப்பெயருமாக இரண்டு பெயர்களைக் கொண்டிருக்கும். ஆங்கிலத்தில் எழுதும் போது பேரினப் பெயரின் முதல் எழுத்து பெரிய எழுத்திலும், சிற்றினப் பெயரின் முதல் எழுத்து சிறிய எழுத்திலும் எழுதப்பட வேண்டும்.
3. உதாரணம்: வெங்காயத்தின் இரு சொல் பெயர் அல்லியம் சட்டைவம். அல்லியம் பேரினப் பெயர் சட்டைவம் சிற்றினப் பெயர் ஆகும். வட்டார மொழிப் பெயர் என்பது ஒரு குறிப்பிட்ட பகுதியில் அறியப்படும் ஒரு உள்ளூர் பெயராகும்.
4. இரு சொற் பெயர் என்பது என்றும் மாறாத ஒரு உலகளாவிய பெயர் ஆகும். அறிவியல் அறிஞர்கள் புதிய உயிரினங்களை இனம் கண்டு, அதனைக் குறிப்பிட்ட படிநிலையில் வைப்பதற்கு இரு சொல் பெயரிடும் முறையும் வகைப்படுத்துதலும் உதவுகிறது.