செல்லில் உள்ள தேவையில்லாத நுண்உறுப்புகளை அழிக்கக் கூடியது. எனவே இவை செல்களின் துப்புரவாளர்கள் என அழைக்கப்படுகிறது.

குரோமேட்டின் இழைகள், உட்கருமணி போன்ற முக்கிய பொருள்கள் உட்கருவில் உள்ளன.

செல்சுவர் செல்லைப் பாதுகாக்கவும் அதன் வடிவத்தை நிலைப்படுத்தவும் பயன்படுகிறது.

வைரஸ் செல்லற்றவை அவை செல்களால் ஆனவை அல்ல. இவை செல்களைக் காட்டிலும் மேலும் சிறியவை. இவை உயிருள்ள செல்களில் மட்டுமே இனப்பெருக்கம் செய்ய இயலும். எனவே வைரஸ் செல்லற்றவை எனப்படுகிறது.

1. உட்கரு தாவர மற்றும் விலங்கு செல்லின் உள்ளே சைட்டோபிளாசத்திற்கு உள்ளே காணப்படுகிறது.
2. உட்கரு உறை, உட்கருவினை சூழ்ந்துள்ளது. ஒன்று அல்லது இரண்டு நியூக்ளியோலஸ் மற்றும் குரோமேட்டின் உடல் ஆகியவை உட்கருவினுள் காணப்படுகிறது. செல்லின் மூளையாகச் செயல்படுகிறது.

செல் ➝திசு➝ உறுப்பு➝ உறுப்பு மண்டலம் ➝உயிரினம் 

ஒரு கட்டிடம் செங்கல் சுவரால் ஆனது. அந்த செங்கல் சுவர் ஏராளமான செங்கற்களால் ஆனது, அது போல் நமது உடலும் பல செல்களால் ஆனது. உயிரினத்தின் அடிப்படை செயல் அலகு செல். எனவே நமக்கு செல் மிக அவசியம்.

1) கோல்கை உறுப்புகள்:
சவ்வால் சூழப்பட்ட பைகள் ஒன்றன் மேல் ஒன்று அடுக்கி வைக்கப்பட்டு, சுரப்பி குழல்களுடன் அமைந்துள்ள அமைப்பு கோல்கை உறுப்புகள் என அழைக்கப்படுகின்றன. கோல்கை உறுப்புகள் நொதிகளைச் சுரப்பது, உணவு செரிமானம் அடையச் செய்வது, உணவிலிருந்து புரதத்தை பிரித்து செல்லுக்கும், உடலுக்கும் வலு சேர்ப்பது போன்ற பணிகளில் ஈடுபடுகின்றன.


2) லைசோசோம் - தற்கொலைப்பை :
தற்கொலைப்பை “நான் எவ்வவற்றை தொடுகிறேனோ, அவை அழியும்”. லைசோசோம் நுண்ணோக்கியால் மட்டுமே பார்க்கக் கூடிய மிகவும் சிறிய அமைப்பாகும். இவை செல்லின் முதன்மையான செரிமான பகுதி ஆகும். இவை செல்லிலேயே சிதைவடைவதால் இவற்றை "தற்கொலைப்பை " என்று அழைக்கிறோம்.


 

3) நியூக்ளியஸ்:
உட்கரு செல்லின் மூளையாகச் செயல்படுகிறது. தாவர மற்றும் விலங்கு செல்களில், சைட்டோபிளாசத்திற்கு உள்ளே உட்கரு உள்ளது. உட்கரு உறை உட்கருவைச் சூழ்ந்துள்ளது. ஒன்று அல்லது இரண்டு நியூக்ளியோலஸ் மற்றும் குரோமேட்டின் உடல் ஆகியவை உட்கருவின் உள்ளே உள்ளன. செல்பிரிதலின் போது, குரோமேட்டின் உடலானது குரோமோசோமாக அமைக்கப்படுகிறது.