சமத்துவம் என்பது ஒரு தனி மனிதன் அல்லது ஒரு குழு வேறுபாடு காட்டி நடத்தப்படாமல் இருத்தல் அல்லது சிறப்பாக பாதுகாக்கப்பட்ட இயல்புகளான இனம், பால், இயலாமை, சமயம் அல்லது நம்பிக்கை, பாலியல் சார்ந்த போக்கு வயது அடிப்படையில் குறைவாக நடத்தப்படாமல் இருத்தல் முதலியவற்றை உறுதி செய்தலாகும்.

இந்தியா உள்ளிட்ட அனைத்து மக்களாட்சி நாடுகளும் அவற்றின் குடிமக்களுக்கு அரசியல் உரிமைகளை உறுதியளிக்கின்றன. அவை பின்வருமாறு.
1. வாக்களிக்கும் உரிமை.
2. பொது அலுவலகத்தில் பங்கு கொள்ளும் உரிமை.
3. அரசை விமர்சனம் செய்யும் உரிமை.
அ) குடிமக்கள் அனைவரும் அரசியல் வாழ்வில் தீவிரமாக பங்கெடுப்பதற்கு சமமான வாய்ப்பினை பெற்றிருத்தல் வேண்டும்.
ஆ) இந்த உரிமைகள் அனைவருக்கும் வாக்குரிமை என்பதன் அடிப்படையில் மக்களுக்கு கிடைக்கின்றது.
இ) இந்தியாவில் 18 வயது பூர்த்தியடைந்த அனைவருக்கும் எவ்வித பாகுபாடும் இல்லாமல் வாக்குரிமை அளிக்கப்பட்டுள்ளது.
ஈ) 1952 ஆம் ஆண்டில் நடைபெற்ற பொதுத் தேர்தலிலேயே இந்தியாவில் பெண்களுக்கு வாக்குரிமை அளிக்கப்பட்டுள்ளது.
உ) சுவிட்சர்லாந்து நாட்டில் 1971 ஆம் ஆண்டில் தான் பெண்களுக்கு வாக்குரிமை அளிக்கப்பட்டது.
ஊ) இந்தியாவில் 25 வயது பூர்த்தியடைந்த எவரும் தேர்தலில் போட்டியிடாலம்.
எ) அரசை விமர்சிக்கலாம் என்ற உரிமை ஒரு முக்கியமான உரிமை என்பதோடு மக்கள் தங்களது மாறுபட்டக் கருத்துக்களை பல்வேறு வகையிலும் தெரிவிக்கலாம்.
ஏ) நாட்டின் பிரதமரின் வாக்கின் மதிப்பும் ஒரு சாதாரண மனிதனின் வாக்கின் மதிப்பும் பொதுத் தேர்தலில் ஒன்றே என்பது அரசியல் சமத்துவத்தைக் குறிக்கிறது.

சமத்துவத்தின் முக்கியத்துவம்:
1. சமத்துவம் பல நூற்றாண்டுகளாக மனித சமூகத்தை ஊக்குவித்து வழிநடத்திய ஆற்றல் வாய்ந்த நீதி மற்றும் அரசியல் கோட்பாடாகும்.
2. சமத்துவம் என்ற கோட்பாடு மனித இனம் அதனுடைய சாதி, நிறம், பால், இனம் அல்லது தேசியம் ஆகியவற்றைப் பொருட்படுத்தாமல் அனைத்து மனிதர்களும் சமமான மதிப்புள்ளவர்கள்
என்ற கோட்பாட்டை அறை கூவுகிறது.
3. மக்களாட்சி கோட்பாடுகளான சுதந்திரம், சமத்துவம் ஆகியவை நீதியின் அடிப்படையில் நடைமுறைப்படுத்தப்படும் போது மட்டுமே பொருளுடையவையாக இருக்கும்.

1. நகரம், கிராமத்தில் இருந்து வரும் அனைத்து மாணவர்களுக்கும் ஏழை, பணக்காரன் என்ற வேறுபாடு இல்லாமல் சமமான கல்வி அளித்தல்.
2. குழு உரையாடலுக்கு ஒரு தலைப்பு கொடுத்தல்.
3. அனைத்து மாணவர்களும் பள்ளிச் சீருடையை அணிய வைத்தல்.
4. குழுப் போட்டி நடத்துதல்.
5. கல்வி சுற்றுலா மற்றும் பாட சம்பந்தப்பட்ட இடத்திற்கு செல்ல ஏற்பாடு செய்தல்.
6. மாணவர்கள் NSS, NCC, ECO போன்ற குழுக்களில் பங்கு பெற ஊக்குவித்தல்.