அ) பருமப்பொருள் மூலதனம் (அல்லது) பொருட்சார் மூலதனம் (எ.கா) இயந்திரங்கள், கருவிகள், கட்டிடங்கள் போன்றவை.
ஆ) பணமூலதனம் அல்லது பணவியல் வளங்கள் (எ.கா) வங்கி வைப்புகள், பங்குகள் மற்றும் பத்திரங்கள் போன்றவை.
இ) மனித மூலதனம் அல்லது மனிதத் திறன் வளங்கள் (எ.கா) கல்வி, பயிற்சி மற்றும் சுகாதாரம் ஆகியவற்றில் முதலீடுகள்.

அ) வேலை பகுப்பு முறையை, ஆடம்ஸ்மித் தனது “நாடுகளின் செல்வமும்" அவற்றை உருவாக்குகின்ற காரணிகளும், ஓர் ஆய்வு என்ற நூலின் மூலம் அறிமுகப்படுத்தியுள்ளார்.
ஆ) ஒரு உற்பத்தியை நன்கு வரையறுக்கப்பட்ட வெவ்வேறு உட்பிரிவுகளாகப் பிரித்து அந்த உட்பிரிவுகள் ஒவ்வொன்றையும் ஒவ்வொரு தனிப்பட்ட உழைப்பாளி அல்லது உழைப்பாளர் குழுவினரிடம் ஒப்படைத்தலே வேலைப்பகுப்பு முறை எனப்படும்.

உற்பத்திப் பாதையில் உழைப்பு என்பது மனித இடுபொருள் ஆகும். "ஒரு பணியை ஒருவர் செய்வதால் அவருக்கு கிடைக்கும் மனநிறை மட்டுமின்றி அதனை செய்வதற்காக கைமாறு எதிர்பார்த்து மனிதன் தன் உடல் அல்லது அறிவை முழுமையாகவோ, பகுதியாகவோ பயன்படுத்தி மேற்கொள்ளும் கடும் முயற்சியே உழைப்பு ஆகும் என ஆல்பிரட் மார்ஷல் உழைப்பை வரையறுத்துள்ளார்.

உற்பத்தியின் வகைகள்:
(i) முதன்மை நிலை உற்பத்தி (வேளாண்துறை உற்பத்தி)
(ii) இரண்டாம் நிலை உற்பத்தி (தொழில்துறை உற்பத்தி)
(iii) மூன்றாம் நிலை உற்பத்தி (சேவைத்துறை உற்பத்தி)

பயன்பாட்டை அதன் இயல்பைப் பொருத்து வடிவப் பயன்பாடு, இடப்பயன்பாடு, காலப் பயன்பாடு என வகைப்படுத்தலாம்.

முதன்மை நிலை உற்பத்தி :
இயற்கையாக கிடைக்கும் பொருள்களை நேரடியாகப் பயன்படுத்திச் செய்கின்ற செயல்பாடுகளுக்குட்பட்ட நிலையை முதன்மை நிலை உற்பத்தி என்கிறோம். முதன்மை நிலையில் வேளாண்மைக்கு முதலிடம் அளிக்கப்படுவதால் இதனை வேளாண்மைத் துறை உற்பத்தி எனவும் கூறுவர். வேளாண்மை, காடுவளர்ப்பு, மீன் பிடித்தல், சுரங்க தொழில், மற்றும் எண்ணெய் வளங்களை பிரித்தெடுத்தல் போன்றவை முதன்மை நிலை உற்பத்திக்கு உதாரணங்களாகும்,
இரண்டாம் நிலை உற்பத்தி :
இரண்டாம் நிலையில் தொழிற்சாலைக்கு முக்கியத்துவம் அளிக்கப்படுவதால், இதனைத் தொழில்துறை உற்பத்தி எனவும் கூறுவர். நான்கு சக்கர வாகனங்கள், ஆயத்த ஆடைகள், இரசாயனப் பொருள்கள் பொறியியல் மற்றும் கட்டுமானப் பணிகள் போன்றவைகள் இரண்டாம் நிலை உற்பத்திக்கு உதாரணங்களாகும்.
மூன்றாம் நிலை உற்பத்தி :
சமூகத்தில் ஆசிரியர்கள், மருத்துவர்கள், போன்றோர் ஆற்றும் சேவைகள் மூன்றாம் உற்பத்தி எனலாம். இவைகள் கண்களுக்கு புலப்படதாவை வங்கி, காப்பீடு, கல்வி, மற்றும் பாதுகாப்பு ஆகியவைம் சேவைத்துறைகளுக்கு எடுத்துக்காட்டுகளாகும்.