கொதிக்கும் நீரைக் காட்டிலும் நீராவி அதிகக் காயத்தை ஏற்படுத்தும். ஏனெனில் நீராவியில் நீரின் கொதிநிலை வெப்பத்துடன், அது ஆவியாகும் போது உருவாகும் உள்ளுறை வெப்பமும் (latent heat) கூடுதலாகச் சேர்ந்து உள்ளது. எனவே நீராவியால் உண்டாகும் காயம் கொதிநீரின் காயத்தை விட அதிகத் தீங்கு விளைவிக்கும்.

ஒரு திரவத்தை சூடுபடுத்தும் போது அத்திரவத்தின் ஆவி அழுத்தம் உயருகிறது. மேலும் ஒரு குறிப்பிட்ட வெப்பநிலையில் அத்திரவத்தினூடே குமிழிகள் உருவாகத் துவங்குகிறது. இவ்வெப்பநிலையே அத்திரவத்தின் கொதிநிலை எனப்படுகிறது.

பதங்கமாதல்

(i) சில திண்மப் பொருட்களை வெப்பப்படுத்தும் போது திரவ நிலையை அடையாமல் நேரடியாக திண்ம நிலையிலிருந்து வாயு நிலைக்கு மாற்றமடைகின்றன. இந்நிகழ்விற்கு பதங்கமாதல் என்று பெயர்.
(ii) எ.கா: அயோடின், கற்பூரம்.

வாயுவின் அழுத்தமானது அதன் வெப்பநிலை அதிகரிக்கும்போது அதிகரிக்கிறது.

(i) ஒரு பொருளின் மேற்பரப்பில் வேறொரு பொருளின் துகள்கள் கவரப்படும் நிகழ்வு பரப்புக் கவர்தல் எனப்படும்.
(ii) எ.கா: கரி அதன் மேற்பரப்பில் வாயுவை கவர்கிறது.

மாறா வெப்பநிலையில் கொடுக்கப்பட்டுள்ள நிறையுள்ள ஒரு நல்லியல்பு வாயுவின் அழுத்தமானது அதன் கனஅளவிற்கு எதிர் விகிதத் தொடர்புடையது.இது பாயில் விதி ஆகும். 

i) வாயுக்களில் உள்ள துகள்கள் ஒன்றுக்கொன்று நெருக்கமின்றி இருப்பதால் அவைகளுக்கிடையே அதிக இடைவெளி உள்ளது.
ii) ஆகவே அவைகள் ஒன்றுக்கொன்று நெருக்கப்படலாம் அல்லது எளிதில் அழுத்தப்படலாம். எனவே நிலையான கனஅளவைப் பெற்றிருக்கவில்லை.

i) திண்மங்களில் துகள்களுக்கிடையேயுள்ள இடைவெளியானது குறைவாக இருப்பதால் திண்மங்களை அழுத்த முடியாது.
ii) அவை ஒன்றோடு ஒன்று நெருக்கமாக உள்ளன.
iii) துகள்களுக்கிடையே உள்ள இடைவெளி குறைவு. எனவே திண்மங்கள் நிலையான அளவைக் கொண்டுள்ளது.

தங்கத்தின் தூய்மையை காரட் என்ற அலகின் மூலம் கண்டறியலாம். 22 காரட் தங்கப் பதக்கம் தூய பொருள் அல்ல. 22 காரட் தங்கப்பதக்கத்தில் 22 பங்கு தங்கமும் 2 பங்கு தாமிரமும் உள்ளது. மேலும் பதக்கத்தின் மேல் 916 என்ற முத்திரை பதிக்கப்பட்டிருக்கும். இதன் மூலமும் நாம் கண்டறியலாம்.