I . வருமானவரிச் சட்டம் :
a) பங்குனர்களுக்கு உரிய பங்காதாயம் குறிப்பிட்ட ஆண்டில் வழங்குவது.
b) பணியாளர்களின் சம்பளம் மற்றும் வட்டி ஆகியவற்றிலிருந்து வருமான வரியை கழித்து மீதியை செலுத்துவது.
c ) கழிக்கப்பட்ட வரி  அரசு கருவூலத்தில் செலுத்தப்பட்டதா என உறுதி செய்தல்.
d) பங்குனர்கள் ஊழியர்களுக்கு வருமானவரி கழிக்கப்பட்டதற்கான சான்றிதழ் வழங்குதல்.
e) வருமானவரி அதிகாரிகளுக்கு தாக்கல் செய்ய வேண்டிய கோப்புகளை சரிபார்த்து உரிய காலக்கெடுவிற்குள் வழங்குதல்.
II. இந்திய முத்திரை வரிச்சட்டம் :
பங்கு ஒதுக்கீடு கடிதம், பங்கு சான்றிதழ் போன்ற முக்கிய நிறும ஆவணங்களில் அஞ்சல் தலை ஒட்டப்பட்டுள்ளதா என சரிபார்த்தல்.
III. விற்பனை வரிச்சட்டம் :
விற்பனை மீதான வரியை உரிய நேரத்தில் உரிய முறையில் செலுத்துவதற்கும் தேவையான ஆவணங்களை சரிபார்த்து விற்பனை வரிதுறை அதிகாரிகளிடம் அளிக்கப்பட்டதா என உறுதி செய்தல்.
IV. இதர சட்டங்கள் :
நிறும செயல்பாட்டிற்கு தேவையான அனைத்து சட்டங்களை பற்றி தெரிந்து வைத்திருப்பது நிறும செயலரின் பொறுப்பு ஆகும்.

 I. சட்டப்பூர்வமான அதிகாரங்கள் :
(i) பங்குதாரர்களிடமிருந்து வர வேண்டிய பங்குகள் மீதான செலுத்தப்படாத அழைப்புகளை பெறுவதற்கான அதிகாரம்.
(ii) கடனீட்டுப் பத்திரங்கள் வெளியிடுவதற்கான அதிகாரம்.
(iii) கடனீட்டுப் பத்திரம் தவிர இதர வழிகளில் கடன் வாங்குவதற்கான அதிகாரம்.
(iv) நிறுமத்தின் நிதியை முதலீடு செய்யும் அதிகாரம்.
(v) புதிய கடன்களை உருவாக்கும் அதிகாரம்.
(vi) நிறுமத்தின் வியாபாரத்தை பல்வகைப்படுத்தும் அதிகாரம்.
(vii) ஒருங்கிணைத்தல், ஒன்று சேர்த்தல் மற்றும் மறு சீரமைப்பு செய்தல் போன்றவற்றை அங்கீகரிப்பதற்கான அதிகாரம்.
(viii) நிதிநிலை அறிக்கை மற்றும் இயக்குனர் குழுவின் அறிக்கைகளை அங்கீகரிப்பதற்கான அதிகாரம்.
II . மேலாண்மை அல்லது நிர்வாக ரீதியான அதிகாரங்கள்:
i) மூன்றாம் நபருடன் ஒப்பந்தம் மேற்கொள்ளும் அதிகாரம்.
ii) பங்குகளை ஒதுக்கீடு செய்தல், திரும்பப் பெறுதல் மற்றும் பங்குகளை மாற்றுவதற்கான அதிகாரம்.
iii) கடன் பத்திரங்களை வெளியிட வேண்டிய விதிமுறை களையும் நிபந்தனைகளையும் முடிவு செய்யும் அதிகாரம்.
iv) புதிய கொள்கைகளை நடைமுறைப்படுத்துவதற்கும்,வணிகத்தை செயல்படுத்துவதற்கும் வழிமுறைகளை உருவாக்க அதிகாரம்.
v) நிர்வாக இயக்குனர், மேலாளர் மற்றும் கம்பெனி செயலரை நியமனம் செய்யும் அதிகாரம்.
vi) தன் கீழ் பணியாற்றும் ஊழியர்களை மேற்பார்வை செய்தல் மற்றும் கட்டுப்படுத்துதல்.
III. தீர்மானத்தின் மீது இயக்குனர் அதிகாரங்கள் :
i) நிறுமனத்தின் சொத்தை விற்க அல்லது குத்தகைக்கு விடும் உரிமை 
ii) கடனை திரும்ப செலுத்த இயக்குனருக்கு தேவையான காலத்தை அனுமதிப்பது.
iii) செலுத்தப்பட்ட மூலதனம் மற்றும் காப்புகள் ஆகியவற்றின் கூட்டு தொகைக்கு மேல் கடன் வாங்கும் அதிகாரம்,
iv) ஐந்து ஆண்டுகளுக்கு மேலாக ஒரு நபரை முகவராக நியமனம் செய்தல்.
v) மிகை ஊதிய பங்குகளை வெளியிடுதல் மற்றும் மறுசீரமைப்பு செய்தல்.
vi) மூன்று ஆண்டுகளின் சராசரி இலாபத்தில் 5% அல்லது ரூ.50,000 இதில் எது அதிகமோ அத்தொகையை தொண்டு நோக்கங்களுக்காக பங்களிப்பு செய்வதற்கான அதிகாரம்.
IV. இதர அதிகாரங்கள் :
i) சாதாரண காலிப் பணியிடங்களை நிரப்பும் அதிகாரம்.
ii) நிறும முதல் தணிக்கையாளரை நியமிக்கும் அதிகாரம்.
iii) மாற்று இயக்குனர், கூடுதல் இயக்குனர் மற்றும் நிர்வாக இயக்குனர்களை நியமிக்கும் அதிகாரம்.
iv) முக்கிய நிர்வாக அல்லது மேலாண்மை அதிகாரிகளை நீக்கும் அதிகாரம்.
v) பங்குகளுக்கான இடைக்கால மற்றும் இறுதி பங்காதாயத்தை பரிந்துரை செய்யும் அதிகாரம்.
vi) நிறும கடன் தீர்க்கும் நிலைமையை அறிவிக்கும் அதிகாரம்.
vii) அரசியல் அமைப்பிற்கு பங்களிப்பு செய்யும் அதிகாரம்.

அ) பொதுவாக ஏற்றுக்கொள்ளப்பட்ட உகந்த கலவை :
1. குறைந்தது ஒரு பெண் இயக்குனர்களுடன் கூடிய செயல்படும் மற்றும் செயல் நிர்வாகம் அல்லாத இயக்குனர்கள்.
2. 50 % க்கு குறையாமல் செயல் நிர்வாகம் அல்லாத இயக்குனர்கள் கொண்ட ஒருங்கிணைப்பாக இருக்க வேண்டும்.
ஆ)செயல் நிர்வாகம் அல்லாத இயக்குனர் தலைவராக இருக்கும்போது :
குறைந்தது மூன்றில் ஒரு பங்கு செயல் நிர்வாக இயக்குனர்கள் சுதந்திர இயக்குனராக இருக்க வேண்டும்.
இ) செயல் நிர்வாகம் அல்லாத இயக்குனர் தோற்றுவிப்பாளராக அல்லது தோற்றுவிப்பாளருடன் தொடர்புடையவராக அல்லது இயக்குனர் குழுவிற்கு சமமான மட்டத்தில் இருக்கும் போது அல்லது இயக்குனர் குழு மட்டத்தில் ஒரு நிலை பெற்றிருக்கும்போது :
1. குறைந்தபட்சம் 50 % சுதந்திர இயக்குனர்களைக் கொண்டு இருக்க வேண்டும்.
2. இயக்குனர்கள் நிறுமத்தின் குறிக்கோளை அடைய வித்தியாசமான அணுகுமுறையைக் கொண்டிருக்க வேண்டும்.

1. கம்பெனி சட்டம் பிரிவு 3 (1)ன் படி ஒரு நிறுமமானது கீழ்க்கண்டவற்றுள் ஏதேனும் ஒன்றாக இருக்க வேண்டும்.
i) பொது நிறுமம்  - 7 அல்லது அதற்கு மேற்பட்ட நபர்கள் 
ii) தனி நிறுமம் - 2 அல்லது அதற்கு மேற்பட்ட நபர்கள் 
iii) தனிநபர் நிறுமம் - ஒரு நபர் 
2. தனி நிறுமம் தனது பெயர் (அ) எந்த நபரின் பெயர் வைக்க வேண்டுமோ அதை அமைப்பு முறை சாசனத்தில் எழுதி சட்டப்படி தேவையான ஆவணங்களை கொண்டு பதிவு செய்ய வேண்டும்.
3. நிறுமத்தை உருவாக்க பல நடைமுறைகளை பல்வேறு வகையில் கையாள வேண்டும். தனிநபரின் கருத்துக்கள் மூலம் ஆரம்பம் முடிவு வரை தேவையான ஆவணங்களை கொண்டு நிறுமம் உருவாக்கப்படுகிறது.
4. உருவாக்குதல் நான்கு நிலைகளைக் கொண்டது.
(i) உருவாக்கம் 
(ii) பதிவு செய்தல் 
(iii) முதலிடுதல் 
(iv) வியாபாரம் தொடங்குதல் 
5. முதல் இரண்டு நிலைகளான உருவாக்கம்,பதிவு செய்தல் என்பவை பொது தனியார் நிறுவனத்திற்கு அவசியமானதாகும்.
6. தனியார் நிறுமம் தனது வியாபார செயல்பாடுகளை பதிவு செய்தபின் தொழிலை உடனடியாக மேற்கொள்ளும் ஆனால் பொதுநிறுமம் நான்கு நிலைகளை கடந்து தொழிலை மேற்கொள்ளும்.
7. பொது நிறுமம் தன்னுடைய நிதியை உயர்த்த பொது வெளியீடு தொடர்பான சட்ட தேவைகளை பூர்த்தி செய்து நிறுமச்சட்டம் மூலம் தனது வியாபார நடவடிக்கைகளை மேற்கொள்ளலாம்.

(i) பொருள் தேர்வு எதிர்பார்ப்பு : திறன், உள்நோக்கம் ஆகியவற்றின் அடிப்படையில் ஒரு தயாரிப்பு ஒன்றைத் தேர்ந்தெடுக்கலாம். அவர்/அவள் ஒரு அடையாளக்குறியீடு, புதிய தயாரிப்பு ஒன்றைத் தேர்ந்தெடுக்கலாம் அல்லது ஏற்கனவே உற்பத்தி செய்து கொண்டு இருக்கும் பொருட்களின் தன்மையை அதாவது கூடுதல் வசதிகள், இட வசதிகள், எளிதான செயல்திறன், விலையை குறைக்க போன்றவற்றிற்கும் இருக்கும். திட்டத்தின் பொருளாதார நம்பகத்தன்மையை தொழில் முனைவோர் ஏற்படுத்த வேண்டும்.
(ii) உரிமையின் வடிவத்தை தேர்வு செய்தல் Selection of form of Ownership:
 குடும்பம் உரிமை, கூட்டாண்மை, தனியார் வரம்புக்குட்பட்ட நிறுவனம் ஆகியவற்றிற்கான தொழில்முறை அமைப்பு நிறுவனத்தை தேர்வு செய்ய வேண்டும். குடும்பத்தின் உரிமைகள் மற்றும் கூட்டாண்மை வடிவங்கள் ஆகியவை நிறுவன நிதியுதவி, நிர்வாக மற்றும் தொழில்நுட்ப திறன்கள் மற்றும் வணிக அனுபவங்களை நிறைவு செய்வதற்கு முன்னுரிமை கொடுக்கப்பட வேண்டும்.
(iii) இடத் தேர்வு Selection of Site : தொழில் முனைவோர் தனது முயற்சியைத் தக்க வைப்பதற்கு பொருத்தமான தொழில் இடத்தை தேர்ந்தெடுக்க வேண்டும். அதன் அவருக்கு இடத்தை தேர்வு செய்ய நான்கு வாய்ப்புகள் உள்ளன.
(iv) மூலதன கட்டமைப்பை தீர்மானித்தல் : தொழில் முனைவோர் தனது தொழிலுக்கு தேவையான முதலை எங்கிருந்து எவ்வாறு திரட்ட வேண்டும் என்பதை தீர்மானிக்க வேண்டும்.
(v) உற்பத்தியை கையகப்படுத்துதல் என்பதை அறிதல் : தொழில்துறை ஆய்வுக்கூடங்கள், ஆராய்ச்சி மற்றும் தொழில்துறை மேம்பாட்டு பிரிவுகள் மற்றும் தனிப்பட்ட ஆலோசகரிடமிருந்து உற்பத்தி செய்வது பற்றிய ஆலோசனைகளை கேட்டறிதல்.
(vi) திட்ட அறிக்கை தயாரித்தல் : நிதியியல், தொழில்நுட்ப அறிவு, உழைப்பு மற்றும் மூலப்பொருட்களின் ஆதாரங்கள் சந்தைதிறன் மற்றும் இலாபத்தன்மை போன்ற அம்சங்களை உள்ளடக்கிய திட்ட அறிக்கையை தயாரிக்க வேண்டும்.
(vii) தற்காலிகமான பதிவு சான்றிதழ் பெறுதல்: தற்காலிகமான பதிவு சான்றிதழுக்கு விண்ணப்பிக்க வேண்டும். தொழில் முனைவோர் சில நிபந்தனைகள் பூர்த்தி செய்யப்பட்ட பின்னர் ஒரு வருட காலத்திற்கு ஆறு மாதத்திற்கு ஒருமுறை புதுப்பிக்கும் வண்ணம் தரப்படும்.

பணிசார் வகைப்பாடு :
(i) புதுமை படைக்கும் தொழில் முனைவோர் : ஒரு புதுமை புகுத்திக் கொண்டே இருப்பவர். இவர்கள் எப்போதும் வியாபாரச் சூழல்களை உன்னிப்பாகக் கவனித்துக்கொண்டே இருப்பவர்கள். அதன் அடிப்படையில் நுகர்வோருக்கு எந்தெந்த தேவை நிறைவேறாமல் இருக்கிறது என்பதைப் பகுத்து ஆய்ந்து அதனை தங்களுடைய பொருட்களின் மூலம் நிறைவேற்றுவார்கள்.
(ii) மாதிரியை பின்பற்றும் தொழில் முனைவோர்:
மாதிரியை பின்பற்றும் தொழில் முனைவோர்கள் தற்போது சந்தையில் கிடைக்கும் பொருள்களை தங்களின் அறிவு, ஆற்றல், வல்லமையை வைத்துக்கொண்டு வேறுமுறையில் வடிவமைப்பவர்கள். இவர்கள் மேலைநாடுகளில் வடிவமைக்கப்பட்ட பொருட்களை தங்களின் உள்ளூர் தேவைக்கு ஏற்றபடி உருமாற்றி வெளியிடுபவர்கள்.
(iii) காலம் கடத்தும் பழமைவாத தொழில்முனைவோர் :
பழமை தொழில் முனைவோர்கள் எதையும் புதிதாக புகுத்துவதில் தயக்கம் காட்டுபவர்கள். குறிப்பாக புதியது புகுத்தினால் இடர் வந்துவிடும் என அச்சம் கொள்பவர்கள். தொழில் சூழ்நிலைகள் மாறிவரும் போதிலும் மாறாத இவர்கள் மாற்றத்தை வேறு வழி இல்லாத நிலையில் ஏற்க தள்ளப்படுபவர்கள்.
(iv) மந்தமான தொழில் முனைவோர் (அ) ஆண் தேனி தொழில் முனைவோர் :
மந்தமான தொழில் முனைவோர்களும் பழமைவாத தொழில் முனைவோருக்கு நிகராக மாறுதல்களை ஏற்க விரும்பாதவர்கள். இவர்கள் யாரும் நுழைய விரும்பாத அல்லது பெரிய நிறுமங்களால் புறக்கணிக்கப்பட்ட ஒரு சிறிய சந்தையில் செயல்படுபவர்கள். அதாவது சிறிய குட்டையில் பெரிய மீனாக அரசாள்பவர்கள். அந்த சிறுசந்தையில் எவ்வித மாற்றமும் செய்யாமல் அப்படியே இயங்குபவர்கள்.

மகளிர் தொழில் முனைவோர்கள் எதிர்கொள்ளும் பிரச்சினைகள் : மகளிர் தொழில் முனைவோர்கட்கு மேற்குறிப்பிட்டவாறு ஏராளமான வாய்ப்புகள் இருந்தபோதும், அவர்கள் எதிர்கொள்ளும் சவால்கள் ஏராளம் என பல ஆராய்ச்சிகள் வெளிப்படுத்தியுள்ளன. அவைகளில் சிலவற்றை கீழே விவாதிப்போம்.
(i) நிதிப்பிரச்சினை: மகளிர் தொழில் முனைவோர்களுக்கு தங்களின் தொழில் வினையில் ஏற்படும் நிதிப் பற்றாக்குறையை சமாளிப்பது மிகப்பெரிய சவாலாக விளங்குகிறது. தங்களின் பெயரில் சொத்துக்கள் இல்லாத மகளிர் உரிமையாளர்கள் பிணைக்கடன் பெறுவதில் பெரும் இன்னல்களுக்கு உட்படுத்தப்படுகிறார்கள்.
(ii) இயக்கத்தடை : மகளிர் தொழில் முனைவோர்கள்
நமது நாட்டு கலாச்சாரப்படி அவர்கள் நடந்து கொள்ள வேண்டிய சூழலில் வீட்டுப் பொறுப்புகளையும் சுமக்க வேண்டியுள்ளது. என்னதான் தொழில் உரிமையாளராக மகளிர் உயர்ந்தாலும் தாயாக, மனைவியாக, மகளாக, மருமகளாக, மாமியாராக, பாட்டியாக தன்னுடைய கடமைகளை தட்டிக்கழிக்க முடிவதில்லை. தொழிலை துவங்கிய பின் பல்வேறு காரணங்களுக்காக மகளிர் வெளியில் செல்ல முடிவதில்லை.
(iii) கல்வியறிவு இன்மை : ஏட்டறிவு இல்லா அல்லது குறைவாக படித்துள்ள மகளிர் தொழில் முனைவோர்கள் வியாபாரம் அல்லது தொழில் தொடர்பான கருத்துக்களை முழுவதாக புரிந்து கொள்ள முடியாதவராக உள்ளனர். உதாரணமாக கணக்கை பராமரித்தல், பணம் கொடுக்கல் வாங்கலை கணக்கு வைத்துக் கொள்ளுதல், பொருளை சந்தையிடத் தொழில்நுட்ப கருத்துக்களை உள்வாங்குதல் போன்ற பல தரப்பட்ட செய்திகளை தெளிவாக விளங்கிக் கொள்ள குறைவான படிப்பு அல்லது படிப்பறிவு இன்மை மிகப்பெரிய இடையூறாக இருக்கிறது.
(iv) ஆதரவு இன்மை : மகளிர் தொழில் முனைவோர் செம்மையாக தன் வினையை செயல்படுத்த பலதரப்பட்ட மக்களின் கனிவு, பரிவு மற்றும் ஆதரவு இவைகள் தேவைப்படுகின்றன. குறிப்பாக கணவன், பிள்ளைகள், பெற்றோர்கள், வாழ்க்கைப்பட்ட இடம், நண்பர்கள், அயல் அண்டையில் வசிப்பவர்கள் என பலரின் ஒத்துழைப்பு தேவைப்படுகிறது.
v) கடும்போட்டி : தாராளமயமான போட்டி உலகில் மகளிர் தொழில் முனைவோர்கள் பெரிய நடுத்தர தொழில்களிடமிருந்து கடுமையான போட்டியை எதிர்கொள்கின்றனர். போட்டியை வலுவாக எதிர்கொள்ள விளம்பரம் மற்றும் விற்பனைப் பெருக்க யுக்திகளை கையாள வேண்டியுள்ள சூழ்நிலையில் மகளிர் தொழில் முனைவோர்கள் ஈடுகொடுக்க முடியாமல் திணறுகின்றனர்.

(i) ஒவ்வொரு மாற்றுமுறை ஆவணமும் மறுபயன் கருதி வரையப்பட்டது.
(ii) ஒவ்வொரு மாற்றுமுறை ஆவணமும் ஒப்புக் கொள்வதாகக் கருதப்படுகிறது.
(iii) அதில் குறிப்பிடப்பட்டிருக்கும் நாளில் அது எழுதப்பட்டது.
(iv) நியாயமான காலத்திற்குள் முதிர்வுக்கு முன்பாக ஏற்கப்பட்டதாக கருதப்படுகிறது.
(v) அதன் முதிர்வு தேதிக்கு முன்பே ஏற்கப்பட்டதாக கருதப்படுகிறது.
(vi) மாற்றுமுறை ஆவணம் காணாமல் போனாலும் முறைப்படி முத்திரையிடப்படுவதாக கருதப்படுகிறது.
(vii) இதனை வைத்திருப்பவர் முறைப்படி உடைமை பெற்றவராக கருதப்படுகிறார்.
(viii) மாற்றுமுறை ஆவணத்தில் மேலெழுதப்பட்டது என குறிப்பிடப்பட வேண்டும்.

1. இருக்கின்ற சரக்கு:
1. ஒப்பந்தம் செய்யும்போது விற்பனையாளரின் கைவசம் உள்ள சரக்கு.
2. விற்பனை செய்ய முகவரின் வசம் ஒப்படைக்கப்பட்ட சரக்கு.
3. அடமானம் பெற்றவர் விற்கும் அடமானம் பெற்றவர் விற்கும் அடமான சொத்து.
அ) ஒப்பிய சரக்கு:
பல சரக்குகளில் இந்த சரக்குதான் வாங்க தேர்வு செய்கிறேன் என அடையாளம் காட்டப்பட்ட சரக்கு.
(எ.கா) பல சேலைகளை பார்த்து பச்சை வண்ணமுள்ள இந்த சேலைதான் வேண்டும் என அடையாளம் காட்டுவது.
ஆ) உறுதி செய்யப்பட்ட சரக்கு:
விற்பனை ஒப்பந்தம் செய்யப்பட்ட பின்பு இன்னதுதான் என்று உணரப்பட்ட சரக்கு.
(எ.கா) திரு. மதன் என்பவர் ராஜ் என்பவரிடம் பைக் வாங்க செல்கிறார். அங்கு Show room இல் பைக் காண்பிக்கப்படுகிறது. என்ன பைக் வாங்க வேண்டும் என முடிவெடுக்காத நிலையில் அங்கு காட்டப்பட்ட அனைத்து பைக்குகளும் உறுதியிடா சரக்கு.
2. எதிர்கால சரக்கு:
ஒப்பந்தம் செய்யும் போது தன் கைவசம் இல்லாத ஆனால் எதிர்காலத்தில் உற்பத்தி செய்வதோ அல்லது பிறரிடமிருந்து வாங்கியோ தரப்படும் சரக்கு.
(எ.கா) 1. இராஜன் என்பவர் கோபால் என்பவரிடம் 100 மூட்டை அரிசி அடுத்தமாதம் நடைபெறும் திருமண விழாவிற்கு தருவதாக உடன்படுகிறார்.
2. இந்நிலையில் அரிசி என்ற பொருள் எதிர்கால சரக்கைக் குறிக்கும்.
3. வருநிகழ்வு சார் சரக்கு:
1. இது ஒரு வகை எதிர்கால சரக்கு ஆகும்.
2. இந்த சரக்கு விற்பவர் கைவசம் வந்து சேர்வது எதிர்காலத்தில் நடக்கும் நிகழ்ச்சியை பொறுத்தது.
எ.கா. 1. A என்பவர் B என்பவரோடு ஒரு ஒப்பந்தம் செய்கிறார். கோதுமை C என்பவரிடமிருந்து கிடைத்தால் விற்கிறேன் என்பதாகும்.
2. கோதுமை என்பது கிடைக்கலாம் கிடைக்காமலும் போகலாம்.

நன்மைகள்
(அ) வெளி நாட்டு முதலீடுகள் அதிகரிப்பு: (Increase in Foreign Investment)
ஒரு நாடு வணிகத்தை தாராளமயமாக்குதலின் மூலமாக அதிக அளவில் வெளிநாடுகளிலிருந்து கவர்ச்சிகரமான முதலீடுகளை பெற முடிகின்றது. அம்முதலீடுகள் மூலமாக உள்நாட்டில் மூலதனத்தை பெருக்குவதோடு அதன் பொருளாதாரத்தை பன்மடங்கு பெருக்குவதற்கு உதவுகிறது. 
(ஆ) அந்நிய செலாவணி இருப்பு அதிகரிப்பு (Increase the Foreign Exchange Reserve)
வெளி நாட்டு முதலீட்டிற்கும் அந்நிய செலாவணிக்குமான கட்டுப்பாடுகளை தளர்த்தி மூலதனத்தை எளிதில் பெறுவதற்கு வழிவகை செய்துள்ளது.
(இ) நுகர்வு அதிகரிப்பு : (Increase in Consumption)
தாராளமயமாக்களினால் ஒரு நாட்டில் பயன்பாட்டிற்கு அதிக அளவிலான பொருட்கள் கிடைக்கவும் அதிக உற்பத்திக்கும் வழிவகை செய்கிறது.
(ஈ) விலைக்கட்டுப்பாடு : (Control Over Price)
ஏற்றுமதி இறக்குமதி தீர்வைகளை நீக்குவதால் நுகர்வோருக்கு குறைந்த விலைக்கு பொருட்கள் கிடைக்க வாய்ப்பு ஏற்பட்டுள்ளது. இந்நிலையில் தாராளமயமாக்கலினால் இறக்குமதி நாடுகளுக்கு நன்மை விளைவிக்கிறது.
(உ) வெளிநாட்டில் பெறும் கடன்களை குறைக்கிறது (Reduction in external borrowings)
தாராளமயமாக்கலின் மூலம் வெளி நாட்டுக் கடன்களை ஈர்ப்பதன் மூலம் வெளிநாட்டு வர்த்தகக் கடன்களை வாங்கும் வாய்ப்பு குறைகிறது.
குறைபாடுகள்:
(அ) வேலையின்மையை அதிகரித்தல் (Increase in Unemployment)
வர்த்தக தாராளமயமாக்கல் பெரும்பாலும் பொருளாதாரத்தின் சமநிலைக்கு வழிவகுப்பதால் சிறு தொழில்களில் சில வளர்ந்தும் சில சிறு தொழில்களில் சரிவும் ஏற்படுகிறது. இதனால் சில தொழிற்சாலைகள் மூடுகின்ற நிலையால் வேலையில்லா நிலை உருவாகிறது.
(ஆ) உள்நாட்டு தொழில் அலகுகளின் இழப்பு (Loss to Domestic Units)
தாராளமயமாக்கல் கோட்பாட்டில் குறைந்த நுழைவுக் கட்டுப்பாடுகளுடன் வெளிநாட்டு தொழில்கள் பல நாடுகளில் ஊடுருவ சாத்தியம் அதிகம் உள்ளது. இது உள்நாட்டு தொழில்களை அச்சுறுத்துவதுடன் மற்றும் போட்டியை தோற்றுவித்து உள்நாட்டு தொழிலை அடியோடு ஒழிக்கும் சதியாகவும் கருதப்படுகிறது.
(இ) அயல்நாடுகளை சார்ந்திருத்தலை பெருக்கும்:(Increased Dependence of Foreign Nation)
வர்த்தக தாராளமயமாக்கல் என்பது பலம் பொருந்திய பன்னாட்டு நிறுவனங்களிலிருந்து அதிக போட்டிகளை எதிர்கொள்ளும். அது சந்தையை தன் கட்டுபாட்டிற்கு கீழ் கொண்டுவரும் நிலையை உருவாக்க நேரிடலாம்.

நன்மைகள்
i. அனைத்து நேரத்திலும் சந்தை:
1. மின் சந்தை வாரத்தின் 7 நாட்களிலும் 24 மணி நேரத்திலும் (24x7) பயனாளிக்கு சந்தை வசதியை அளிக்கிறது.
2. இதனால் நுகர்வோர் எந்த இடத்திலிருந்தும் எந்த நேரத்திலும் பொருள்களையும் சேவைகளையும் பெறவும் அளிக்கவும் முடியும்.
ii. நேரடி தொடர்பு:
1. தயாரிப்பாளருக்கும் நுகர்வோருக்கும் இடையே நேரடி தொடர்பு ஏற்படுவதால் செலவுகள் குறைக்கப்படுகிறது.
2. இதனால் மலிவான விலையில் பொருட்களை இணைய சந்தையிடுகையின் வாயிலாக நுகர்வோர்கள் பொருட்களை வாங்க இயலுகிறது.
iii. தேவையை பெறுதல்:
நுகர்வோர் தங்களுக்கு தேவைப்படும் எத்தகைய பொருள்களையும் மற்றும் சேவைகளையும் மின் சந்தையில் பல்வேறு தளங்கள் மற்றும் வலை பக்கங்கள் மூலம் பெறலாம்.
தீமைகள்
i. அதிக செலவு:
1. மின் சந்தைப்படுத்துதலில் விளம்பரம் செய்யவும், வணிக தளம் அமைக்கவும் பெரிய அளவில் செலவிட வேண்டும்.
2. வலைதள வடிவமைப்பு, மென்பொருள், நுண்பொருள், வணிகதளப் பராமரிப்பு, வினியோக செலவு போன்றவற்றிக்கு அதிக அளவில் முதலீடு செய்ய வேண்டியுள்ளது.
ii. சிறிய நிறுவனத்திற்கு பொருந்தாது:
மிக தொலைவில் உள்ள வாடிக்கையாளர்களுக்கு பொருள் மற்றும் சேவைகளை வழங்க சிறிய நிறுவனங்களுக்கு மின் சந்தைப்படுத்தல் பொருந்தாது.
iii. தகவல்களைப் புதுப்பித்தல்:
1. இன்றைய சூழலில் வாடிக்கையாளர்கள் எண்ணிக்கை தொடர்ந்து அதிகரித்துக் கொண்டிருக்கிறது. இதற்கு ஏற்ப நிறுவனங்கள் இணைய தளத்தில் போதிய விவரங்களைப் புதுப்பிக்கின்றன.
2. தகவல்களை அவ்வப்பொழுது புதுப்பிப்பது மிகவும் கடினமாக இருக்கும்.

வணிகத்தின் வெற்றி பரந்த சூழலுக்கு பொருந்தக்கூடிய தன்மையைச் சார்ந்து இருக்கிறது. ஏனென்றால், இவை கட்டுப்படுத்தமுடியாத காரணிகள் ஆகும். அவை வியாபாரத்திற்கான மகத்தான வாய்ப்புகளை வழங்குகின்றன. மேலும் வியாபாரத்திற்கு தீவிர அச்சுறுத்தல்களை ஏற்படுத்துகின்றன. பொது அல்லது பழமையான சூழல்கள் பின்வருமாறு
(1) பொருளாதாரச் சூழல்
(i) ஒரு நாட்டில் வணிகம் என்பது பொருளாதார அமைப்பு முறையின் அடிப்படையில் ஒருங்கிணைந்த பகுதியாகும்.
(ii) வணிக சுழற்சிகள் தவிர்க்க முடியாதவை. பரந்த சுற்றுச்சூழலின் பல காரணிகளிடையே தொடர்புடையவை.
(2) சமூக - கலாச்சாரச் சூழல்
வணிகம் சமூகத்தின் ஒரு அங்கமாகும். சமூக சூழலானது வணிகம் அமைந்துள்ள சமூகத்தின் மொத்தக் காரணிகளைக் குறிக்கிறது. சமுதாயத்தின் சமூக மற்றும் கலாச்சார சூழல் வணிகத்தினைப் பாதிக்கிறது.
(3) அரசியல் மற்றும் சட்டச் சூழல்
(i) ஒரு வணிகத்தை நடத்துவதற்குத் தேவையான கட்டமைப்பினை அரசியல் மற்றும் சட்டச் சூழலால் வழங்கப்படுகிறது.
(ii) ஒரு வணிகத்தின் வெற்றி என்பது அரசியல் மற்றும் சட்ட மாற்றங்களுக்கு ஏற்ப மாற்றித் தக்கவைத்துக் கொள்வதற்கான அதன் திறனில் உள்ளது.
(4) புவியியல் சார்ந்தச் சூழல்
இயற்கை வளங்கள் மற்றும் கனிம வளங்கள் போன்றவை வணிகத்தை தாங்கி நிற்கின்றன. 
(5) தொழில்நுட்பம் சார்ந்தச் சூழல்
(i) கடந்த காலங்களில் தொழில் நுட்பத்தின் விரைவான வளர்ச்சி அனைத்து வியாபாரத்திலும் பெரும் தாக்கத்தை ஏற்படுத்தியுள்ளது.
(ii) தகவல் தொழில்நுட்பம் மற்றும் தொலைத்தொடர்பின் வளர்ச்சி உலகளாவிய சந்தையை உருவாக்கியுள்ளது. எனவே போட்டியைத் தக்கவைத்துக்கொள்ள தொழில்நுட்பத்தை பயன்படுத்தி நுகர்வோரின் சிறப்புத் தேவைகளை சந்தை ஆராய்ச்சியின் மூலம் கண்டறிய முடிகிறது. 
(6) உலகளாவிய சூழல்
தொழில்நுட்பத்தின் விரைவான வளர்ச்சியுடன் வர்த்தக எல்லைகள் வேகமாக மறைந்து புதிய உலகளாவிய சந்தை வளர்ந்து வருகிறது. 

1. 1986 ஆம் ஆண்டு நுகர்வோர் பாதுகாப்பு சட்டம் மற்றும் அதன் பிரிவு 9ன் படி ஒவ்வொரு மாவட்டத்திலும் மாவட்ட மன்றம் ஏற்படுத்தப்பட்டது.
2. ஒவ்வொரு மாவட்டத்திலும் பாதிக்கப்பட்ட நுகர்வோரின் நலனை பாதுகாப்பது இதன் நோக்கம்.
உறுப்பினர்கள் :
1. தலைவர் \(\rightarrow \) மாவட்ட நீதிபதியாவதற்கு தகுதியடைய நபர்.
2. உறுப்பினர்கள் \(\rightarrow \) 2 பேர் \(\rightarrow \) கணக்கியல், தொழில்துறை, பொது விவகாரங்கள் அல்லது நிர்வாகம் தொடர்பான பிரச்சனைகள் பற்றி போதுமான அறிவு உடையவர்கள்.
இரு நபர்களில் ஒருவர் பெண் உறுப்பினராக இருக்க வேண்டும்.
அதிகார எல்லை :
1. சரக்குகள் அல்லது சேவைகளில் மதிப்பு மற்றும் இழப்பீட்டு தொகை 20 இலட்சத்திற்கு குறையாக உள்ள நட்ட ஈடு கோரும் கோரிக்கைகளை மட்டுமே கையாள வேண்டும்.
அதிகாரம் :
1. மாவட்ட மன்றத்திற்கு வரும் ஒவ்வொரு வழக்குகளும் இந்திய தண்டனை சட்டத்தின் பிரிவு 193 மற்றும் 228 ஆகியவற்றின் உட்பிரிவுக்குட்பட்ட நீதிமன்ற நடவடிக்கையாக கருதப்படும்.
2. மாவட்ட மன்றங்கள் உரிமையியல் நீதிமன்றங்களாக கருதப்படும்.
மேல் முறையீட்டு மன்றம் :
மாவட்ட கருத்துக்களம் மாநில ஆணையத்திற்கு அனுப்பிய உத்தரவுக்கு எதிராக மேல்முறையீட்டு செய்ய முடியும்.

1. உடல்நல பாதுகாப்பு உரிமை மற்றும் பாதுகாப்பிற்கான உரிமை :
(i) சில தயாரிப்பு பொருட்கள் நுகர்வோரின் உடல்நலம், சொத்துக்கள் மற்றும் வாழ்வு முறையில் அபாயத்தை ஏற்படுத்தக் கூடியதாக இருக்கலாம்.
(ii) இன்றைய சூழலில் சட்டத்திற்கு புறம்பான மற்றும் பாதுகாப்பில்லாத பொருட்களை தயாரிப்பதோ அல்லது விற்பனை செய்யவோ கூடாது என்ற கடமை விற்பனையாளருக்கும் மற்றும் உற்பத்தி செய்வோருக்கும் உள்ளது.
2. தகவல் பெறும் உரிமை :
பொருட்களை வாங்கும் பொழுது நுகர்வோர் அதன் பெயர், கலவை, பயன்படுத்தும் அளவு, உற்பத்தி மற்றும் காலாவதியாகும் நாள், தயாரிப்பு பிரிவு மற்றும் எச்சரிக்கை பற்றிய அனைத்து தகவல்களையும் கேட்டுப் பெற வேண்டும்.
3. தேர்ந்தெடுக்கும் உரிமை :
(i) தேர்வு என்பது பரந்த வழிகளில் தரம், வியாபாரக் குறியீடு, நியாயமான விலை போன்றவற்றின் அடிப்படையில் பொருட்களை தேர்ந்தெடுப்பதாகும்.
(ii) ஒரு திறமையான விற்பனையாளர் நுகர்வோரை மன நிறைவு கொள்ள பரவலான பொருட்களின் தேர்வினை கருதுகிறார்.
4. செவிமடுக்கும் உரிமை :
(i) வணிக நிறுவனங்கள் நுகர்வோரின் புகார்கள் மற்றும் குறைகளை திறந்த மனதுடனும், கருணை மனப்பான்மையுடனும் செவிமடுக்க வேண்டும்.
(ii) அனைத்து நிறுவனங்களும் நுகர்வோரின் குறைகளைக் கண்டறிய தனியான துறை அல்லது பகுதி அல்லது பிரிவை ஏற்படுத்த வேண்டும்.
5. நிவாரணம் காணும் உரிமை :
ஒரு குறிப்பிட்ட கால இடைவெளியில் உண்மையான கூற்றுகளுக்கு நியாயமான மற்றும்  உறுதியான தீர்வு கிடைக்கும் என்ற நம்பிக்கையை வணிக நிறுவனங்கள் ஏற்படுத்த வேண்டும்.
6. நுகர்வோர் கல்வி உரிமை :
(i) பல நுகர்வோர் அமைப்புகள் மற்றும் சில சிறப்பு பெற்ற தொழில்கள் நுகர்வோர் கல்வியினை வழங்குகின்றன.
(ii) இதன் மூலம் நுகர்வோர் வாழ்நாள் முழுவதும் தன்னுடைய உரிமையைப் பற்றி அறிந்தவராக இருக்கிறார்.
7. வாழ்க்கை தர உரிமை :
(i) வணிக நிறுவனங்கள் மனித வர்க்கத்திற்கான சமூகப் பொறுப்புடன் உற்பத்தி மற்றும் வெளியீடு செய்ய வேண்டும்.
(ii) உற்பத்தியாளர்கள் தங்கள் உற்பத்தி கழிவுகள் மற்றும் கழிவுநீரை வெளியேற்றும்பொழுது அவை சுற்றுச் சூழல் மற்றும் மனிதர்களைப்  பாதிக்காவண்ணம் இருக்க வேண்டும்.
8. நுகர்வோர் பாதுகாப்பு உரிமை :
(i) நுகர்வோர் தனது பட்டறிவுடன், ஐ.எஸ்.ஐ (ISI) குறியீடு உள்ள உபகரணங்களை பயன்படுத்த வேண்டும்.
(ii) இதன் மூலம் நுகர்வோர்களுக்கு தரமான பொருட்களை மட்டுமே தயாரிக்க வேண்டும் என்ற எண்ணத்தை ஏற்படுத்த வேண்டும்.
9. அடிப்படை தேவைகளுக்கான உரிமை :
(i) ஒவ்வொரு நுகர்வோருக்கும் அடிப்படை தேவைகளான உணவு, உடை மற்றும் சுத்தமான நீர், ஆரோக்கியமான சூழலை பெற உரிமை உண்டு.
(ii) இது புதிதாக சேர்க்கப்பட்ட நுகர்வோர் உரிமையாகும்.
(iii) இவை மனித வாழ்க்கையின் தரத்தை மேம்படுத்துகிறது.

1. அத்தியாவசியப் பொருட்கள் சட்டம் 1955 :
அத்தியாவசியப் பொருட்களை விற்பனை செய்பவர்கள் செயற்கையாக விலையேற்றம் செய்யும் நோக்குடன் பொருட்களை பதுக்கி வைத்தல், செயற்கை பற்றாக்குறையை உருவாக்குதல், கள்ளச்சந்தையில் அதிக விலைக்கு விற்பனை செய்தல் போன்றவற்றை தடைசெய்ய உருவாக்கப்பட்டது.
2. வேளாண் பொருட்கள் தரப்படுத்தல் மற்றும் விற்பனை சட்டம் 1937:
வேளாண்மை உற்பத்தி பொருட்களை நல்ல தரத்துடன் வழங்குவதாக உறுதி செய்கிறது.
3. உணவுப் பொருட்கள் கலப்பட தடைச்சட்டம் 1954 :
உணவுப் பொருட்களில் கலப்படம் செய்வதை பரிசோதித்து தரமான உணவுப் பொருட்களை வழங்குவதன் மூலம் நுகர்வோர் உடல்நலத்தை பாதுகாக்கிறது.
4. எடை மற்றும் அளவுகள் சட்டம் 1958:
(i) எடை குறைவு மற்றும் அளவு குறைபாடுகளை போக்கி நுகர்வோரை பாதுகாக்கிறது.
(ii) இச்சட்டம் அளவியல் சட்டம் 2009 ஆக திருத்தியமைக்கப்பட்டது.
5. இந்திய தர நிறுவனச் சட்டம் 1952:
உற்பத்தி பொருட்கள் பெற்றிருக்க வேண்டிய குறைந்தபட்ச தரநிலைகளை பூர்த்தி செய்வதை உறுதி செய்து நுகர்வோருக்கு தரமான பொருட்கள் கிடைப்பதை உறுதி செய்கிறது. 

1. சந்தை என்ற சொல் "மர்கட்டஸ்" என்ற லத்தீன் சொல்லிலிருந்து பெறப்பட்டது.
2. சந்தை என்பது வணிகம் நடைபெறும் இடத்தைக் குறிக்கிறது.
3. சந்தையின் பொதுவான பயன்பாடானது பொருட்களை வாங்குதல் மற்றும் விற்பனை செய்வதற்கான ஒரு இடமாக திகழ்கிறது.
4. கிளாக் மற்றும் கிளார்க் ஆகியோரின் கருத்துப்படி சந்தை என்பது ஒரு குறிப்பிட்ட பொருளுக்கான உரிமையை மாற்றி வழங்குவதற்கு வழிவகுக்கும் சக்தியாக விளங்குகிறது.
5. பல்வேறு அணுகுமுறையின் அடிப்படையில் சந்தையை பல்வேறு பகுதிகளாக பிரிக்கப்படுகிறது.
6. பண்டங்கள் மற்றும் பணிகளை மேற்கொள்பவர் "சந்தையிடுகையாளர்" ஆவார்.
7. தற்போது சந்தை தகவல் தொழில்நுட்ப வளர்ச்சியாலும், நவீன போக்குவரத்து வசதியாலும், தாராளமயமாக்குதல் என்பது உலகெங்கிலும் எளிதாக பயணிப்பதாலும் வணிகம் நாடுகளின் எல்லையைத் தாண்டி நடைபெறுகின்றது.
8. இதனால் உலகளாவிய சர்வதேச அளவில் பொருள்களை வாங்கவும், விற்கவும் சக்தியைப் பெற்றுள்ளது.

(1) ஆரம்ப நேர்காணல் :
(i) விண்ணப்பதாரர்களின் குறிப்பிட்ட பணிக்கான பொருத்தப்பாட்டை அறிய ஆரம்ப நேர்காணல் நடத்தப்படுகிறது.
(ii) இது நேரம், பணிச்சுமை மற்றும் செலவை கட்டுப்படுத்த உதவுகிறது.
(2) வடிவமைக்கப்பட்ட நேர்காணல்
இது முன்கூட்டியே திட்டமிட்டு நடத்தப்படுகிறது. நேர்காணலில் கேட்கப்பட வேண்டிய கேள்விகள் முன் கூட்டியே தயாரிக்கப்பட்டு அதன் அடிப்படையில் நடத்தப்படுவது.
(3) வடிவமைக்கப்படாத நேர்காணல்
(i) இது கட்டமைக்கப்பட்ட நேர்காணலுக்கு நேர்மாறானது. சுதந்திரமான மற்றும் வெளிப்படையான பரஸ்பர கருத்துப் பரிமாற்றம் இருக்கும் வகையில் நேர்காணல் சூழல் இருக்க வேண்டும்.
(ii) இங்கு எதுவும் முன்கூட்டி திட்டமிடப்படுவதில்லை. நேர்காணலில் அப்போதிருக்கும் சூழல், மனநிலை போன்றவற்றின் அடிப்படையில் கேள்விகள் அமையும். கேள்விகள் முன்கூட்டி திட்டமிடப்படுவதில்லை.
(4) ஆழ்ந்த நேர்காணல்
(i) இதில் நேர்காணல் செய்யப்படுபவரின் துறை தொடர்பான ஆழமான, பரந்த அளவிலான அறிவு சோதனை செய்யப்படுகிறது.
(ii) அவர் துறையில் எந்த அளவு நிபுணத்துவம் மற்றும் நடைமுறை அறிவைப் பெற்றுள்ளார் என அறிய இத்தகைய நேர்காணல் செய்யப்படுகிறது.
(5) உயர்மட்ட குழு நேர்காணல்
(i) விண்ணப்பதாரரிடம் பலர் அடங்கிய ஒரு குழு நேர்காணல் செய்தால் அது உயர்மட்ட குழு நேர்காணல் ஆகும். பொதுவாக தலைமை பொறுப்பேற்பவர், சம்பந்தப்பட்ட துறையின் நிபுணர்கள் உளவியல் நிபுணர்கள், சிறுபான்மையினரின் பிரதிநிதிகள் இக்குழுவில் இடம் பெற்றிருப்பர்.இம்முறை சம்பந்தப்பட்ட துறையின் நிபுணர்கள், உளவியல் நிபுணர்கள், சிறுபான்மையினரின் பிரதிநிதிகள் இக்குழுவில் இடம் பெற்றிருப்பர்.

1. இணையதளம் மூலம் ஆட்சேர்ப்பிற்கான புதிய வழிகளை வடிவமைத்தல்.
2. பணி வாழ்க்கை சமநிலையை ஊக்குவிப்பதில் பங்கேற்றல்.
3. வேலைவாய்ப்பு அலுவலகங்களில் பதிவு செய்வதற்கான செயல்முறையை உருவாக்குதல்.
4. புதிய வேலைகள் மற்றும் புதிய வேலை வாய்ப்பினை அறிந்து கொள்ளல்.
5. பொதுத்துறை மற்றும் தனியார் துறை இரண்டிலும் ஏற்படும் வேலைவாய்ப்பினைப் பெறுவதற்கான வழிமுறைகளை தேர்ந்தெடுத்தல்.

மனித வள மேலாண்மையின் முக்கியத்துவத்தின் பல்வேறு காரணிகள் பின்வருமாறு:
(i) மனித சக்தி தேவைகளை அடையாளம் காணுதல்:
ஒரு நிறுவனத்தில் மனிதவள தேவைகளைத் தீர்மானிப்பது என்பது மிகவும் முக்கியமான ஒரு முதலீட்டு முறையாகும். செலவுகளை மேம்படுத்த, நிறுவனத்திற்கு தேவைப்படும் நபர்களின் எண்ணிக்கையை துல்லியமாக அடையாளம் காணப்பட வேண்டும்.
(ii) மாற்றங்களை இணைத்துக் கொள்ளல்:
மாற்றம் என்பது எந்த அமைப்பிலும் நிலையானது மற்றும் இந்த மாற்றத்தை நிறுவனத்தில் திறன்பட அறிமுகப்படுத்த மனித வள மேலாண்மை ஒரு முகவராக செயல்பட வேண்டும். 
(iii) மனித சக்தியின் சரியான தேவையை உறுதி செய்தல்:
மனித வள மேலாண்மையின் மூலமாக நிறுவனத்தில் எந்த நேரத்திலும் பணியாளர்கள் பற்றாக்குறை அல்லது உபரி ஏற்படாதவாறு பார்த்துக் கொள்ள வேண்டும்.
(iv) சரியான வேலைக்கு சரியான நபரை தேர்ந்தெடுத்தல்:
சரியான வேலைக்கு சரியான தகுதியுடைய நபர்களை மனிதவள மேலாண்மை உறுதிப்படுத்துவதால், நிறுவனத்தில் குறைதகுதி அல்லது மிகைதகுதி உடைய பணியாளர்கள் இல்லாத நிலை ஏற்படுகிறது.
(v) திறன் மற்றும் அறிவை மேம்படுத்துதல்:
பணியாளர் திறன் மற்றும் அறிவு மேம்பாடு செயல்பாடுகளை நிர்வகிப்பதில் மனிதவள மேலாண்மையின் பங்கு முக்கியத்துவம் வாய்ந்ததாக இருப்பதோடு மட்டுமில்லாமல் பயிற்சி மற்றும் வளர்ச்சித் திட்டங்கள் மூலம் இன்று வரை இருக்கும் தொழில் சார்ந்த அறிவை பணியாளர்களுக்கு வழங்குகிறது.

(1) பங்குச்சந்தைகள் மற்றும் இடைத்தரகர்கள் தொடர்பான அதிகாரங்கள் (Powers Relating to Stock Exchanges & Intermediaries)
பத்திர வணிகத்தை மேற்கொள்ளும் பங்கு பரிமாற்றகங்கள் மற்றும் இடைத் தரகர்களிடம் செபி பரந்த அதிகாரங்களைக் கொண்டுள்ளது.
(2) நாணய அபராதங்களை விதிக்கும் அதிகாரம் (Power to Impose Monetary-Penalties.)
மூலதனச்சந்தை இடைத்தரகர்கள் மற்றும் பிற பங்கேற்பாளர்கள் மீது வரம்பு மீறல்களுக்கு நாணய அபராதங்களை சுமத்துவதற்கு செபி அதிகாரத்திற்கு உட்பட்டுள்ளது. இது ஒரு குறுகிய காலத்திற்கு தங்கள் பதிவை தற்காலிகமாக நிறுத்தி வைக்கலாம்.
(3) பணியிடங்களில்  செயல்பாடுகளை தொடங்குவதற்கான அதிகாரம் ஒதுக்கப்பட்டுள்ளது (Power to Initiate Actions in Functions Assigned.)
(அ) செபி ஒதுக்கப்பட்டுள்ள பணிகள் குறித்து நடவடிக்கைகளை ஆரம்பிக்க ஒரு அதிகாரம் உண்டு.
(ஆ) உதாரணமாக, இது பல்வேறு இடைத்தரகர்களுக்கு வழிகாட்டுதல்களை வழங்கலாம் அல்லது முதலீட்டாளர்களின் நலன்களைப் பாதுகாப்பதற்கான குறிப்பிட்ட விதிகளை அறிமுகப்படுத்தலாம்.
(4) பத்திரங்களில் உள்வழி வர்த்தகத்தை, ஒழுங்குப்படுத்துவதற்கான அதிகாரம் (Power to Regulate Insider Trading.)
உள்வழி வர்த்தகத்தை ஒழுங்குபடுத்தும்  அதிகாரம் அல்லது வணிக வங்கியாளர்களின் பணிகளை ஒழுங்குபடுத்தும் அதிகாரங்களை செபி கொண்டுள்ளது.
(5) பத்திரங்கள் ஒப்பந்த சட்டத்தின் கீழ் உள்ள அதிகாரங்கள் (Powers Under Securities Contracts Act.)
(அ) பங்குச்சந்தை திறம்பட ஒழுங்குபடுத்த நிதி அமைச்சகம் பத்திரங்கள் ஒப்பந்தங்கள் (ஒழுங்குவிதிகள்) சட்டத்தின் கீழ் பல்வேறு அதிகாரங்களை செபிக்கு 13 செப்டம்பர், 1994 அன்று ஒரு அறிவித்தல் மூலம் வழங்கியுள்ளது.
(ஆ) ஒவ்வொரு பங்குச் சந்தையிலும் ஆளும் குழுவில் மூன்று உறுப்பினர்களை நியமிக்க நிதி அமைச்சகம் செபிக்கும் அதிகாரம் அளிக்கிறது.
(6) பங்குச்சந்தை வணிகத்தை ஒழுங்குபடுத்தும் அதிகாரம் (Power to Regulate Business of Stock Exchanges)
பத்திரச் சந்தை மற்றும் பரஸ்பர நிதியுடன் தொடர்புடைய இடைநிலையர்கள், மோசடியான மற்றும் முறையற்ற வியாபார செயல்பாடுகள் மற்றும் நிறுவனங்கள் ஒருங்கிணைப்பு போன்றவற்றை ஒழுங்குபடுத்தும் அதிகாரங்களை செபி கொண்டுள்ளது.

அ. சமுதாயத்திற்கான பயன்கள்:
i) பொருளாதார வளர்ச்சி:
உற்பத்தித் தேவைகளுக்காக நிலையான சேமிப்புகளை உறுதிப்படுத்துவதன் மூலம் பொருளாதார வளர்ச்சியை துரிதப்படுத்துகிறது.
ii) நிதி திரட்டல் தளம்:
நன்கு நிர்வகிக்கப்பட்ட இலாபத்தை உருவாக்கும் நிறுவனங்கள் புதிய பங்குகளின் மூலம் வரம்பற்ற நிதியைத் திரட்ட உதவுகிறது.
iii) வளங்களை மாற்றுதல்:
நிறுவனத்தை செம்மையாக இயக்குவதற்கு வளங்களை சிறந்த முறையில் பயன்படுத்தி பகிர்ந்தளிக்கப்படுகின்றன.
iv) மூலதன உருவாக்கம்:
பங்குச்சந்தை வாயிலாக மூலதன உருவாக்கத்தை ஊக்கப்படுத்துகிறது.
v) அரசாங்கத்திற்கான நிதி திரட்டல்:
நிதி பங்குச்சந்தை மீதான பத்திரங்களின் விற்பனை மூலம் திட்டங்களை மேற்கொள்வதற்கு நிதி திரட்ட உதவுகிறது.
ஆ. நிறுவனத்திற்கான பயன்கள்:
i) நிறுவனத்தின் மீதான நன்மதிப்பு உயருதல்:
பங்கு மாற்றகங்களில் பதிவு செய்யப்பட்ட நிறுவனங்கள் அதிகப்படியான நற்பெயரையும், கடன் பெறும் தன்மையையும் பெற்றுள்ளது.
ii) விரிவான சந்தை:
பங்குகளுக்கு விரிவான சந்தை தயாராக உள்ளது.
iii) பெரும் நிதி திரட்டப்படுதல்:
பங்குகள் மற்றும் கடனீட்டுப் பத்திரங்களின் மூலம் பங்குச்சந்தை எளிதில் பெரிய நிதியை பெருக்க முடியும்.
iv) பேரம் பேசும் வலிமையை அதிகரிக்கிறது:
கூடுதல் விரிவாக்கம், இணைப்பு அல்லது ஒருங்கிணைத்தல் காரணமாக அதிக பேரம் பேசும் சக்தி பெற்று நிறுவனங்களின் பங்குகள் விற்பனை எண்ணிக்கையை அதிகரிக்கிறது.
இ. முதலீட்டாளர்களுக்கான பயன்கள்:
i) நீர்மைத் தன்மை:
முதலீட்டாளர்கள் தங்களது பங்குகளை விரைவாக பணமாக மாற்றுவதற்கு பங்கு மாற்றகம் உதவுகிறது.
ii) பாதுகாப்பு இணை மதிப்பு சேர்க்கை:
வங்கிகளில் கடன் பெரும் பொழுது பங்கு பத்திரங்களுக்கு பங்கு பரிமாற்ற நிலையங்களில் வழங்கப்படும் பாதுகாப்பு மதிப்பு சேர்க்கப்படுகிறது.
iii) முதலீட்டாளர் பாதுகாப்பு:
பங்குச்சந்தை பரிவர்த்தனைகள், முதலீட்டாளர்கள் வட்டி, விதிமுறைகள் ஆகியவற்றை கடுமையாக நடைமுறைப்படுத்துவதன் மூலம் நியாயமான ஒப்பந்தத்தை உறுதிப்படுத்துகிறது.
iv) பங்கு பத்திரங்களின் உண்மையான மதிப்பை மதிப்பீடு செய்தல்:
பத்திரங்களின் உண்மையான மதிப்பை தினசரி பத்திரிக்கைகள், வலைத்தளங்களின் உதவியுடன் சந்தையில் எளிதாக மதிப்பீடு செய்யலாம்.
v) பத்திரங்களின் வியாபாரத்திற்கான கருவி:
பங்கு மாற்றகம், பட்டியலிடப்பட்ட பங்குகளை ஒரு சில நிமிடங்களிலேயே விற்பனை செய்வதற்கான முறைகளையும், வாங்குவதற்கான நடைமுறைகளையும் கொண்டுள்ளது.  

வணிக இரசீதின் இயல்புகள்:
1. வரைவாளர்
2. ஏற்றுக் கொள்பவர் 
3. செலுத்தல் பெறுநர் 
4. வட்டம் செய்பவர் 
5. மேல் எழுதுபவர் 
6. மதிப்பீடு 
7. முதிர்வு 
8. கடன் தர மதிப்பீடு
வணிக இரசீதின் வகைகள்:
அ) தேவை மற்றும் பண்பாட்டு இரசீதுகள்:
(i) தேவை இரசீது என்பது பணம் செலுத்துவதற்கான தேதி எதுவும் குறிப்பிடப்படாத இரசீது ஆகும்.
(ii) தேவை இரசீது என்பது இந்த இரசீதை வைத்திருப்பவர் தனக்கு எப்பொழுது பணம் தேவைப்படுகிறதோ அப்போது இந்த இரசீதுக்கு பணம் பெற்றுக் கொள்ளலாம்.
ஆ) தூய்மை இரசீது மற்றும் ஆவண இரசீதுகள்:
(i) பொருட்களின் உரிமை ஆவணம் மூலம் இணைக்கப்பட்ட இரசீதுகள் ஆவண இரசீதுகள் எனப்படும்.
(ii) எந்த ஒரு ஆவணமும் எழுதி இணைக்கப்படாத இரசீதுகள் தூய்மை இரசீதுகள் ஆகும்.
இ) உள்நாட்டு மற்றும் அயல்நாட்டு இரசீதுகள்:
(i) இந்தியாவில் எழுதப்பட்ட மற்றும் செலுத்த வேண்டிய இரசீதுகள் உள்நாட்டு இரசீதுகள் எனப்படும்.
(ii) இந்தியாவிற்கு வெளியே எழுதப்பட்டு இந்தியாவிலோ அல்லது அயல்நாட்டிலோ செலுத்தப்படும் இரசீதுகளை அயல்நாட்டு இரசீதுகள் என்றழைக்கப்படும்.
ஈ) தனித்துவமான இரசீதுகள்:
வரைதல் மற்றும் ஏற்றுக் கொள்ளல் உள்ளூர் வழக்கப்படி அல்லது வர்த்தகப் பயன்பாட்டின் மூலம் நிர்வகிக்கப்படுவதை குறிக்கும்.
உ) இருப்பிட மற்றும் வழங்கள் இரசீதுகள்:
உண்மையான வியாபார நடவடிக்கைகள் அல்லாமல் உருவாக்கப்படும் இரசீதுகளை இருப்பிட மற்றும் வழங்கள் இரசீதுகள் என்று அழைக்கப்படுகின்றன. 

தொழிற்சாலைகளின் தேவைகளை பூர்த்தி செய்வதற்காக புதிய நிதி நிறுவனங்கள் உருவாக்கப்பட்டு கடன் அளிக்கப்பட்டது. அந்நிறுவனங்களைப் பற்றி சுருக்கமாக கீழே காணலாம்.
துணிகர நிதி நிறுவனம்: 
துணிகர மூலதன நிதி என்பது சாதாரண நிதியில் ஒரு பகுதி ஆகும். இது புதிய திட்டம் மற்றும் கண்டுபிடிப்பிற்கு நிதி வழங்குவதற்காக உருவாக்கப்பட்டதாகும். துணிகர மூலதனம் என்பது தொழில்நுட்ப திட்டங்களை வணிகமயமாக்குவதற்கு தேவையான நிதியினை அளிக்கிறது.
பரஸ்பர நிதி:
சிறு முதலீட்டாளர்களின் சேமிப்புகளை பெரிய முதலீடாக மாற்றும் நிதி நிறுவனங்களையே பரஸ்பர நிதி என்கிறோம். நிதி நிறுவனங்களான LIC, UTI மற்றும் வணிக வங்கிகள் SBI மற்றும் கனரா வங்கி போன்றவை பரஸ்பர நிதி வணிகத்தில் ஈடுபடுகின்றன.
இந்திய எதிர் பங்கு மாற்றகம்:
பங்குகளை இந்தியா முழுவதும் மின்னணு மூலம் வியாபாரம் செய்யும் நோக்கத்தோடு முதன்மை நிதி நிறுவனங்களால் உருவாக்கப்பட்டதே OTCEI என்பதாகும். இதன் மூலம் முதலீட்டாளர் மற்றும் நிறுமத்திற்கு சில பிரச்சனைகள் இருந்த போதும் வெளிப்படைத் தன்மை, விரைவான முடிவு, நெகிழ்வு தன்மை ஆகிய நன்மைகளையும் அளிக்கிறது.
ஏட்டுக்கடன் தரகு முகமை நிறுவனங்கள்:
விற்பனை மூலம் பெற வேண்டிய பெறுதல்களின் அடிப்படையில் நிதி நிறுவனங்கள் செய்யும் நிதி ஏற்பாடே ஏட்டுக்கடன் தரகு முகமை ஆகும். இந்தியாவில் செயல்படும் சில நிறுவனங்களாவன, SBI. மற்றும் வணிக சேவைகள் SBI ன் துணை நிறுவனம் மற்றும் கான்பேங்க் ஃபேக்டரிக் லிமிடெட் கனரா வங்கியின் துணை நிறுவனம் ஆகும்.
இந்திய தேசியப் பங்கு மாற்றகம் லிமிடெட் (NSEI):
பங்குச் சந்தையின் மாதிரியாக NSEI என்பது 1992ம் ஆண்டு உருவாக்கப்பட்டது. இச்சந்தையின் நோக்கமானது மின்னணு பங்குகளை இந்தியா முழுவதும் அமைத்து கொடுப்பதாகும்.
தேசிய பத்திரங்கள் களஞ்சியம் லிமிடெட்:
காகிதமில்லா மற்றும் காகிதமாற்று பங்குகளை கொண்டுவருவதற்காக 1996ம் ஆண்டு NSDLல் உருவாக்கப்பட்டது. இரண்டாம் சந்தையில், வியாபாரத்திற்கு பின் ஏற்படும் சிக்கல்களை தீர்கவும் NSDL ல் உருவாக்கப்பட்டது.
இந்திய பங்கு வைப்பு கழகம் லிமிடெட்:
SHCIIL -ல் நோக்கமானது பங்குச் சந்தை நடவடிக்கையில் மத்திய பத்திர வைப்பாக செயல்படுவதே ஆகும். இக்கழகம் தேசிய அளவிலான நிர்வாக சீர்திருத்த பணிகளையும் செய்கிறது.

நிதிச் சந்தையின் பங்கு:
நிதிச் சந்தையின் பங்கு பொருளாதாரத்தின் துரித வளர்ச்சியின் முக்கிய தேவைகளில் ஒன்று சுறுசுறுப்பான மற்றும் செழிப்பான நிதிச்சந்தை ஆகும். ஒரு நிதிச் சந்தை பின்வரும் வழிகளில் ஒரு நாட்டின் பொருளாதாரத்திற்கு உதவி செய்வதால் அது மிகப்பெரும் பயனாக திகழ்கிறது.
(அ) சேமிப்பை பெருக்குதல் (Savings Mobilization):
சேமிப்பாளர்கள் (அ) தனிநபர்கள், வணிக நிறுவனங்கள், பொதுத்துறை நிறுவனங்கள் மற்றும் அரசு போன்ற உபரி அலகுகளிடமிருந்து நிதிகளை பெறுவதன் மூலம் நிதிச் சந்தை ஒரு முக்கிய பங்கு வகிக்கிறது.
(ஆ) முதலீடுகள் (Investment):
நிதி முதலீடுகளை வசூலிப்பதிலும் அவற்றை தேவை உள்ளவர்களுக்கு வழங்குவதிலும் நிதிச் சந்தை' முக்கியப் பங்கு வகிக்கிறது.
(இ) தேசிய வளர்ச்சி (National Growth):
நிதிப் பற்றாக்குறை உள்ள நிறுவனங்களுக்கு உபரி நிதிகள் தடங்கலின்றி நடமாட்டம் செய்ய உறுதி செய்வதன் மூலம் ஒரு தேசத்தின் வளர்ச்சியில் நிதிச் சந்தை பங்களிப்பை வழங்குகிறது. நிதி ஆக்க பூர்வமான நோக்கில் பயன்படுத்த வழிவகை செய்கிறது. இது ஒட்டு மொத்த பொருளாதார வளர்ச்சிக்கு வழிவகுக்கிறது.
(ஈ) தொழில்முனைவோர் வளர்ச்சி (Entrepreneurship Growth):
தேவையான நிதி வளங்களை தொழில் முனைவோர்களுக்கு கிடைக்க பெறுவதன் மூலம் அதன் மேம்பாட்டிற்கு நிதிச் சந்தை பங்களிக்கிறது.
(உ) தொழிற்துறை மேம்பாடு (Industrial Development):
நிதிச் சந்தையின் பல்வேறு கூறுகள் ஒரு நாட்டின் தொழிற்துறையின் துரித வளர்ச்சி மற்றும் பொருளாதார மேம்பாட்டிற்கு உதவி புரிகிறது. இதன் மூலம் சமுதாயத்தின் வாழ்க்கை தரம் மற்றும் நல்வாழ்வை உயர்த்துகிறது.

மேலாண்மையின் அடிப்படைக் கருத்து: மேலாண்மையின் அடிப்படைக் கருத்துக்களை பின்வரும் அவற்றின் தொன்றுதொட்ட இயல்புகள் மூலமாக அறிந்து கொள்ள இயலும்.
(i) அறிவின் தொகுப்பு : தற்போது மேலாண்மை உயர்தனிச் சிறப்பு வாய்ந்த மேலாண்மைக் கோட்பாடு மற்றும் தத்துவத்தை உருவாக்கியுள்ளது. மேலாண்மை இலக்கியம் அனைத்து நாடுகளிலும் வளர்ச்சி பெற்றிருக்கின்றது.
(ii) மேலாண்மைக் கருவிகள் : கணக்கியல், வணிகச் சட்டங்கள், உளவியல், புள்ளியியல், பொருளியல், தரவு செயலாக்கம் என மேலாண்மையின் கிளைகள் பல்கிப் பெருகி விரிவடைந்துள்ளது.
(iii) தனிப் பாடப்பிரிவு : பல்வேறு பல்கலைக் கழங்களும், உயர்கல்வி நிறுவனங்களும் மேலாண்மைக் கல்வியை தனிப்பாடப் பிரிவாக அங்கீகரித்திருக்கின்றன. ஏற்றுமதி மேலாண்மை, ஆள்சார் மேலாண்மை, உற்பத்தி மேலாண்மை, சந்தை மேலாண்மை, நிதி மேலாண்மை போன்ற மேலாண்மையின் பல்வேறு பகுதிகளில் கருத்தரங்கம், சிறப்புப் பாடப்பிரிவுகள், பயிற்சித் திட்டங்கள் போன்றவற்றின் மூலம் மேலாண்மை நவீனமயமானதாகவும், பிரபலமடைந்தும் வருகின்றது.
(iv) சிறப்பீடுபாடு: வணிகத்தின் ஒவ்வொரு செயல்பாட்டுப் பகுதியையும் சீரிய முறையில் மேலாண்மை செய்து வணிகத்தை சிறப்பாக நிர்வகிக்க உயர் கல்வித் தகுதியும் முறையான பயிற்சியும் பெற்ற உரிய முன்னனுபவமுள்ளவர்களை தேர்ந்தெடுத்து பணியமர்த்த வேண்டும் என்ற மனப்பாங்கு தற்போது வளர்ந்து வருகின்றது.
(v) நடத்தை விதி : நுகர்வோர்கள், ஊழியர்கள், பொதுமக்கள் அல்லது சமுதாயம் போன்றவற்றிற்கு வணிக மேலாண்மை ஆற்ற வேண்டிய சமூகப் பொறுப்புணர்வுகளை அறிவூட்டப்பட்ட வணிகர்கள் அங்கீகரித்திருக்கின்றனர். பொது கழகங்களுக்கு தற்போது சமூக மனசாட்சியும், விழிப்புணர்வும் உள்ளது.
(vi) பணி ரீதியானதொரு அமைப்பு : பல்வேறு நாடுகளில் மேலாண்மைப் பிரிவுகளில் அறிவுப் பரவலாக்கம் ஏற்படவும், மேலாண்மை சிறப்புத் தொழில் குறித்த பொதுமக்கள் மனதில் ஒரு சிறந்த தோற்றத்தை உருவாக்கவும் வணிக மேலாண்மை சங்கங்கள் நடவடிக்கை மேற்கொண்டுள்ளதை நாம் காண முடிகின்றது.