பொருளாதார அளவையியலின் நோக்கங்கள்:
1. பொருளாதார நடவடிக்கைகளை முன்கணித்தல் மூலமாக அறிந்து விளக்குவதற்கு உதவுகின்றது.
2. இவை மாறிகளுக்கு இடையேயுள்ள கடந்த காலத்திலுள்ள பழைய, நிறுவப்பட்ட உறவுகளை மீண்டும் நிரூபிப்பதற்கும் உதவுகின்றது.
3. புதிய கோட்பாடுகளையும் புதிய உறவுகளையும் நிறுவுவதற்கு உதவுகின்றது.
4. எடுகோள்களை சோதனை செய்யவும், முழுத்தொகுப்பின் பண்புகளை மதிப்பீடு செய்யவும் உதவுகின்றது.

நில மாசு: "கழிவுகளைக் கொட்டுவதால் நிலம் தரக்குறைவானதாக மாறும். சுற்றுச்சூழலில் கொட்டப்படும் பல திட, திரவ, வாயுப் பண்டங்கள் நிலத்தின் தன்மையைக் கெடுத்துவிடுதல் நிலமாசு ஆகும்”.
நிலமாசுவிற்கான காரணங்கள் :
காடுகளை அழித்தல் : காடுகளை அழித்து நிலமாக மாற்றுவது சுற்றுச்சூழல் பாதிப்புக்கு முக்கியமான காரணியாக விளங்குகின்றது.
வேளாண்மை நடவடிக்கைகள்: உழவர்கள் அதிக நச்சுத் தன்மை கொண்ட உரம், பூச்சி மருந்து ஆகியவற்றைப் பயன்படுத்துவதால் நிலம் நச்சுத் தன்மை அடைகின்றது.
சுரங்கத் தொழில்கள்: கனிமங்களை வெட்டி எடுக்கும் போதும், சுரங்கங்கள் அமைக்கப்படும் போதும் நிலம் மாசு அடைகின்றது.
மண்ணில் புதைத்தல் : ஒவ்வொரு குடும்பமும் ஒவ்வொரு ஆண்டிலும் டன் கணக்கில் குப்பையை உற்பத்தி செய்கின்றது. மறுசுழற்சி செய்ய முடியாத கழிவுகள் நிலத்தில் புதைக்கப்பட்டு நிலமாசு அதிகரிக்கக் காரணமாக உள்ளது.
கட்டுமானப் பணிகள் : மக்கள் தொகை வளர்ச்சி, நகர்ப்புறமாதல் ஆகியன காரணமாக கட்டடங்களின் வளர்ச்சி அதிகமாக உள்ளது. அதனால், மணல், மரம், கம்பி, சிமெண்ட், செங்கல், நெகிழிப் பண்டங்கள் ஆகியவற்றின் கழிவுகள் குப்பைகளாகப் புறநகர்ப் பகுதிகளில் கொட்டப்படுகின்றன. இதன் காரணமாக நிலம் மாசடைகின்றது.
அணுமின் கழிவுகள்: அணுமின் நிலையங்களிலுள்ள கழிவுகளான கதிர்வீச்சுப் பண்டங்கள், நச்சுத் தன்மை கொண்ட தீமை விளைவிக்கும் வேதிப்பண்டங்கள் மனித நலத்தைப் பாதிக்கின்றது. இதன் மூலமும் நிலம் மாசுபடக் கூடும்.

செய்தி, தொழில்நுட்ப வளர்ச்சியில் E-கழிவுகள் என்று பொதுவாக அழைக்கப்படும் மின்னணுக் கழிவுகள் ஏற்படுகின்றன.
இவை குளிர்சாதனப் பெட்டிகள், காற்றுச் சீரமைப்பிகள், (Air conditioners), கைபேசிகள், கணினிகள் முதலான பெருமளவில் வீட்டு உபயோகத்திற்குப் பயன்படுத்தும் மின்னணுச் சாதனங்களை உள்ளடக்கியவையாகும்.
தொலைக்காட்சி, கணினிகள், கேட்கும் கருவிகள், தொலைபேசி, VCR, DVD, தொலைநகல், நகலெடுக்கும் இயந்திரங்கள், கம்பியில்லா கருவிகள் முதலான வீட்டு பயன்பாட்டு பொருட்களை கழிக்கும் போதோ அல்லது மறுசுழற்சி செய்யும் போதோ E-கழிவுகள் தோன்றும்.

கழிவு நீரும் தேவையற்ற நீரும் வெளியேற்றப்படுதல்:
பல இடங்களில் இருந்து வருகின்ற சாக்கடைத் தண்ணீர், கழிவு நீர் குப்பைகள், வேளாண்மைக் கழிவுகள், தொழிற்சாலைக் கழிவுகள், நீர் நிலைகளில் கொட்டப்படுகின்றன.
இத்தகைய கழிவுகளில் உள்ள நச்சுப் பண்டங்கள் தண்ணீரை மாசுபடுத்தி நச்சுத்தன்மை உள்ளதாக மாற்றுகின்றன.
திடக் கழிவுகள் குவித்தல் : திடப்பொருள் கழிவுகளை நீர் நிலையில் கொட்டுதல், நீர் நிலையுடன் கலந்துவிடுமாறு விட்டுவிடுதல்.
எண்ணெய் சிந்துதல் : கப்பல்களில் குறிப்பாக எண்ணெய்க் கப்பல்களின் எண்ணெய் கடல்நீரை மாசுபடுத்துகின்றது. இதனால் கடல்வாழ் உயிரினங்கள் பாதிக்கப்படுகின்றன.
அமில மழை : காற்று மாசுவால் அமில மழை ஏற்பட்டு நீர் மாசு ஏற்படுத்துகின்றது. காற்று மாசுவில் உள்ள அமிலத் துகள்கள் தண்ணீர் ஆவியுடன் கலந்து அமில மழையை ஏற்படுத்தி சுற்றுச்சூழல் பாதிப்பை ஏற்படுத்துகின்றன.
புவி வெப்பமடைதல் : புவி வெப்பமடைதல் காரணமாக நீரின் வெப்பநிலை அதிகரித்து நீர்வாழ் உயிரினங்களைப் பாதிக்கின்றது.

பொருளாதாரத்திற்கும் சுற்றுச்சூழலுக்கும் இடையேயான தொடர்பினை விளக்க ஆலன் நீஸ் மற்றும் R.V. அய்யர்ஸ் "பொருள்சார் சமநிலை அணுகுமுறை” வகுத்துள்ளனர்.
"உற்பத்தி முறைக்குள் உள்நுழையும் எந்தவொன்றும் பிறகு வெளியேறித்தான் ஆக வேண்டும். என்பதை வலியுறுத்துகிறது.
இயற்பியலின் பொருள் மற்றும் ஆற்றல் பாதுகாப்பிற்கான வெப்ப இயக்கவியல் முதல் விதி.
இவ்விதியை ஆதாரமாகக் கொண்டு சுற்றுச்சூழலுக்கும் பொருளாதாரத்திற்குமான தொடர்பினை விளக்குவதுதான் மேற்சொன்ன பொருள்சார் சமநிலை அணுகுமுறையாகும்.
M = G - (R_C - R_P) + (R^r_P + R^r_c) = R^d_P + R^d_c

இயற்கை உலகிலிருந்து பெறப்படும் மூலப் பொருட்களும் சக்தியும் (M)

=

பொருளாதார நடவடிக்கைகள் உற்பத்தியில் பணிகளும் (G) - நுகர்ச்சிலும் உற்பத்தியிலும் ஏற்படும் கழிவுகள் (Rc + Rp) + மறுசுழற்சி செய்யப்பட்ட உற்பத்தியும் நுகர்ச்சிக் கழிவுகளும் (Rpr + Rcr)

=

இயற்கை உலகில் இறுதியாக விடப்படும் உற்பத்தியும் நுகர்ச்சிக் கழிவுகளும் = (Rpd + Rcd)

தற்கால அரசின் பணிகள் :
இராணுவம்
நீதித்துறை
நிறுவனங்கள்
சமூகநலன்
கட்டமைப்பு
பேரின பொருளாதார கொள்கை
சமூக நீதி
முற்றுரிமை கட்டுப்பாடு.

தனியார் நிதி மற்றும் பொது நிதியின் ஒற்றுமைகள்:
பகுத்தறியும் தன்மை: பொது நிதியும் தனி நிதியும் பகுத்தறிவை அடிப்படையாகக் கொண்டவை. இரண்டும் குறைந்த செலவில் அதிக நலத்தைப் பெறுவதையே முக்கியமான நோக்கமாகக் கொண்டுள்ளன.
கடனுக்கான வரையறை: இரண்டுக்குமான கடன்கள் வரையறை கொண்டுள்ளது. அரசின் பற்றாக்குறை வரவு, செலவு, திட்டத்திற்கும் எல்லை இருக்கிறது.
வளங்களின் பயன்பாடு: தனியார் துறையும் பொது துறையும் வரையறுக்கப்பட்ட வளங்களையே கொண்டுள்ளன. இவ்விரண்டும் உத்தம அளவில் வளங்களைப் பயன்படுத்த முனைகின்றன.

சார்க்கின் பணிகள் கீழே பட்டியலிடப்பட்டுள்ளன.
1. தெற்காசிய நாடுகளின் ஒத்துழைப்பை பராமரித்தல்.
2. உறுப்பினர் நாடுகளின் பொதுவான சிக்கல்களுக்கு தீர்வு காணுதல்.
3. உறுப்பினர் நாடுகளிடையிலான உறவை மேம்படுத்துதல்.
4. வறுமை ஒழிப்புத்திட்டங்கள் மூலம் ஏழ்மையை ஒழிப்பது.
5. பயங்கரவாதச் செயல்களைத் தடுப்பது.

பத்தாவது உச்சி மாநாடு தென் ஆப்பிரிக்காவில் ஜூலை 2018 ஆம் ஆண்டில் நடைபெற்றது.
1. உள்ளடக்கிய வளர்ச்சி
2. வாணிகச் சிக்கல்கள்
3. உலகளாவிய அரசு நிர்வாகம்
4. பகிரத்தக்க வளமை
5. நாடுகளின் அமைதி மற்றும் பாதுகாப்பு ஆகியவையே இந்த உச்சி மாநாட்டின் விவாதத் தலைப்புகள் ஆகும்.

1. வங்கி, காப்பீடு, போக்குவரத்து, தொலைத்தொடர்பு, ஆகிய பணிகளில் பன்னாட்டு வாணிகம் நடைபெறுவதற்குத் தேவையான சாதகமான விதிகளை முதன்முதலில் தொகுத்துக் கொடுத்த முதலாவது, பல தரப்பு பன்னாட்டு ஒப்பந்தமாகும்.
2. காட் ஒப்பந்தத்தில் உறுப்பினர் நாடுகள் தாங்கள் விரும்பும் நாடுகளுக்கு மிகவும் சாதகமான நாடு (MFN) எனும் சலுகையை வழங்க அனுமதித்தது.
3. பணிகள் வாணிக ஒப்பந்தத்தில் ஒரு நாட்டுக்கு சாதகமான நாடு என சலுகை வழங்கினர்.
4. அந்தச் சலுகைகளை அனைத்து நாடுகளுக்கும் வழங்க வேண்டும் என்று ஒப்பந்த விதி திருத்தியமைக்கப்பட்டது.

1. அயல்நாட்டுச் செலாவணி சந்தை விசைகளான மாறுகின்ற அயல்நாட்டுச் செலாவணிக்கான தேவையும் அளிப்பும் பரிமாற்று வீதத்தை நிர்ணயிக்கும் முறையே மாறுகின்ற பரிமாற்று வீதமாகும்.
2. இது மிதக்கும் பரிமாற்று வீதம் என்றும் அழைக்கலாம்.

இறக்குமதியைக் கட்டுப்படுத்தும் கீழ்காணும் வழிமுறைகளை நடைமுறைப்படுத்தி இறக்குமதியைக் கட்டுப்படுத்தலாம்.
1. இறக்குமதி மீது வரிவிதித்தல் முன்பே விதிக்கப் பட்டிருந்தால் விகிதத்தை அதிகப்படுத்தலாம்.
2. பங்களவு நிர்ணயித்து இறக்குமதியைக் குறைக்கலாம். பங்களவு என்பது இறக்குமதி அளவை நிர்ணயித்தலாகும்.
3. கட்டுப்பாடு அல்லது தவிர்ப்பு என்ற முறையில் அத்தியாவசியமற்ற பண்டங்களைக் குறைப்பது. ஆனால் இது கடத்தலை ஊக்குவிக்கும்.

வாணிபக் கொடுப்பல் நிலை		அயல்நாட்டு செலுத்து நிலை
1	ஒரு நாட்டின் ஒரு குறிப்பிட்ட ஆண்டில் பண்டங்களின் ஏற்றுமதி, இறக்குமதி ஆகியவற்றின் மதிப்பையே வாணிகக் கொடுப்பல் நிலை என்கிறோம்.	நாடு ஒரு குறிப்பிட்ட காலத்தில் உலக நாடுகளுடன் மேற்கொள்ளும் பொருளாதார பரிமாற்ற அறிக்கையை அயல்நாட்டுச் செலுத்துச் சமநிலை என்கிறோம்.
2	ஒரு நாட்டின் வாணிகக் கொடுப்பல் நிலை அறிக்கையில் பண்டங்களின் ஏற்றுமதி, இறக்குமதி விவரங்கள் மட்டுமே தொகுத்தளிக்கப்படுவது கவனிக்கத்தக்கது.	இது இரட்டைப் பதிவு கணக்கியல் முறையில் தயாரிக்கப்படும் அறிக்கையாகும்.
3	பண்டங்கள் ஏற்றுமதி இறக்குமதியை "புலப்படும் வாணிகம் எனவும் அழைக்கலாம்.	நாடுகளுக்கிடையே பண்டங்கள் மட்டுமல்லாமல் பணிகள், மூலதனம், பணம் போன்றவையும் பரிமாறிக் கொள்ளப்படுகிறது.

நிகர பண்டமாற்று வாணிப வீதம்:
1. நிகர பண்டமாற்று வீதத்தை எப்.டபிள்யூ, தாஸிக் 1927 இல் வடிவமைத்தார்.
2. ஏற்றுமதி விலைகளுக்கும், இறக்குமதி விலைகளுக்கும் இடையிலான விகிதமே நிகரப் பண்டமாற்று வாணிக வீதம் என்கிறார். ஜேக்கப் வைனர் இதை பண்ட வாணிப வீதம் என்றழைக்கிறார்.
Tn = (Px/Pm)x100
Tn = நிகர பண்டமாற்று வாணிக வீதம் 
Px = ஏற்றுமதி விலைக் குறியீட்டெண் 
Pm = இறக்குமதி விலைக் குறியீட்டெண் 
மொத்த பண்டமாற்று வாணிப வீதம்:
1. இந்த வீதத்தையும் தாஸிக் என்பவரே 1927ஆம் ஆண்டில் அறிமுகப்படுத்தினார். நிகரப் பண்டமாற்று வீதத்தை மேம்படுத்தி இதை வடிவமைத்தார்.
2. மொத்த ஏற்றுமதி பண்டங்களின் குறியீட்டெண்ணிற்கும், மொத்த இறக்குமதிப் பண்டங்களின் குறியீட்டெண்ணிற்குமிடையிலான விகிதத்தை 100 ஆல் பெருக்கக் கிடைக்கும் தொகையாக மொத்தப் பண்டமாற்று வாணிக வீதத்தைப் புரிந்து கொள்ளலாம்.
Tg = (Qm/Qx) x 100
Tg = மொத்த பண்டமாற்று வாணிக வீதம் 
QM = இறக்குமதி அளவு குறியீட்டெண் 
Qx = ஏற்றுமதி அளவு குறியீட்டெண் 

கேம்பிரிட்ஜ் அணுகுமுறை (ரொக்க இருப்பு அணுகுமுறை)
1. மார்ஷலின் சமன்பாடு பின்வருமாறு வழங்கப்பட்டுள்ளது: 
M = KPY இங்கு 
M = பணத்தின் அளவு 
Y = சமுதாயத்தின் மொத்த உண்மை வருமானம் 
P = பொது விலைமட்டம் 
K = மக்கள் தங்கள் கையில் ரொக்கமாக வைத்திருக்க விரும்பும் சமுதாயத்தின் மொத்த உண்மை வருமானத்தின் ஒரு பகுதி
மேற்கண்ட சமன்பாட்டினை மாற்றி எழுதும் பொழுது, P=M/KY என்று பொதுவிலை மட்டத்தினை (P) யைக் காண உதவுகிறது.
2. கீன்சின் முதல் சமன்பாடு பின்வரும் வகையில் அமைகின்றது:
n = PK (or) P = n/K
இங்கு
N = மொத்த பண அளிப்பு 
P = நுகர்ச்சிப் பண்டங்களின் விலை மட்டம்
K = மக்கள் தங்கள் கையில் வைத்திருக்க விரும்பும் வருமானத்தின் ஒரு பகுதி - நுகர்ச்சிப் பண்டங்களின் அலகுகளில்
கீன்ஸ் k என்பதனை உண்மை இருப்பு (Real Balance) என குறிப்பிடுகிறார். ஏனெனில் மக்களின் ரொக்கக் கையிருப்பு இங்கு நுகர்ச்சிப் பண்டங்களின் அளவுகளில் கணக்கிடப்படுகிறது.

i) தேவை-இழுப்புப் பணவீக்கம்:
அளிப்புநிலையாக உள்ள நிலையில் பொருட்களுக்கான தேவை அதிகரிக்கும் பொழுது விலைவாசி உயருகிறது. இது தேவை இழுப்பு பணவீக்கம் என்றழைக்கப்படுகிறது.
ii). செலவு உந்து பணவீக்கம்:
உற்பத்தியில் மூலப்பொருட்கள் இதர இடுபொருட்களுக்கான செலவு உயருகின்றது பொழுது உற்பத்திச் செலவு கூடி பண்டங்களுக்கான விலை அதிகரிக்கின்றது. இவ்வகை பணவீக்கம் செலவு-உந்து பணவீக்கம் எனப்படுகிறது.

i) தவழும் பணவீக்கம் : தவழும் பணவீக்கம் மிகக் குறைவான, எளிமையான விகிதத்தில் பணவீக்க விகிதம் இருப்பதாகும். நீண்ட காலத்தில் விலைவாசி உயர்வதை மக்கள் எளிதாக உணர முடியாத அளவில் இருக்கும் பணவீக்கமே தவழும் பணவீக்கம் எனப்படுகிறது. இது மிதமான பணவீக்கம் (Mild Inflation) எனப்படுகிறது.
ii) நடக்கும் பணவீக்கம் : பணவீக்கம் மிதமான வேகத்தில் ஒற்றை இலக்கத்தில், அதாவது 3 முதல் 9 விழுக்காடு அளவில் இருந்தால் அது நடக்கும் பணவீக்கம் அல்லது நகரும் பணவீக்கம் (Trolling Inflation) என்றழைக்கப்படுகிறது.
iii) ஓடும் பணவீக்கம் : ஆண்டு பணவீக்க விகிதம் 10 முதல் 20 விழுக்காட்டிற்குள் இருந்தால் அது ஓடும் பணவீக்கம் எனப்படுகிறது. வேகமான விலைவாசி அதிகரிப்பை ஓட்டத்துடன் உவமைப்படுத்திச் சொல்வதால் அது ஓடும் பணவீக்கம் எனப்படுகிறது.
iv) தாவும் பணவீக்கம் : தாவும் பணவீக்கம் அல்லது உயர் பணவீக்கம் என்பது சமாளிக்க முடியாத அளவிற்கு இரண்டு அல்லது மூன்று இலக்க விழுக்காட்டில் உள்ள பணவீக்கம் ஆகும்.

1. ரொக்க வைப்பு விகிதம் (Cash Deposit Ratio - CDR) : இது பொதுமக்கள் கையில் வைத்திருக்கும் பணம்/ வங்கி வைப்புகளில் உள்ள பணம் என்ற விகிதத்தை குறிக்கும்.
2. ரொக்க இருப்பு வைப்பு விகிதம் (Reserve Deposit Ratio - RDR): வங்கி தனது பாதுகாப்பு பெட்டகத்தில் வைத்திருக்கும் இருப்பு மற்றும் மைய வங்கியில் வைத்திருக்கும் ரொக்க வைப்பு / மொத்த வைப்புகள் என்ற விகிதம்.
3. ரொக்க இருப்பு விகிதம் (Cash Reserve Ratio - CRR) : "வங்கியில் வைப்புகளில் குறைந்தபட்சமாக மைய வங்கியில் வைக்க வேண்டிய அளவு/ வங்கிகளில் செலுத்தப்பட்ட மொத்த வைப்புகள்" என்ற விகிதம்.
4. சட்டபூர்வ நீர்மை விகிதம் (Statutory Liquidity Ratio - SLR) : " வணிக வங்கிகள் வைத்திருக்கும் நீர்மை தன்மையிலான சொத்துக்கள்/ வணிக வங்கிகளில் இருக்கும் மொத்த கேட்பும் மற்றும் கால வைப்புகளும்" என்ற விகிதம்.

1. ஒரு பொருளாதாரத்தில் உள்ள மொத்த பண அளவே பண அளிப்பு ஆகும்.
2. ஒரு குறிப்பிட்ட நேரத்தில் நாட்டில் புழக்கத்தில் உள்ள பண அளவைக் குறிப்பதே பண அளிப்பதாகும்.
3. வட்டி விகிதம், விலைவாசி போன்றவற்றை நிர்ணயிப்பதில் பண அளிப்பு முக்கியப் பங்காற்றுகிறது.
4. குறிப்பிட்ட காலத்தில் பண அளிப்பு நிலைக் (stock) கருத்தாகவும் ஒரு கால இடைவெளியில் தடையிலா ஓட்டக் (flow) கருத்தாகவும் உள்ளது.

1. ஒரு நாட்டில் ஓர் ஆண்டில் உற்பத்தி செய்யப்பட்ட பண்டங்கள், பணிகளின் தொகு மதிப்பே தொகு அளிப்பு எனப்படும்.
2. தொகு அளிப்புச் சார்பானது வேலைவாய்ப்பு அளவோடு சேர்ந்து அதிகரிக்கும்.
3. தொகு அளிப்பு என்பது தேவையான உற்பத்தியை நாட்டில் அதிகரிப்பதற்கு பயன்படுத்தப்படும் தேவையான உழைப்பாளர்களின் எண்ணிக்கை மற்றும் பிற பண்டங்கள் பயன்படுத்துவதைக் குறிக்கும்.
= C+S+T+R_f
4. வரைபடம் வேலைவாய்ப்புக்கும், எதிர்பார்க்கும் வருமானத்திற்கும் உள்ள தொடர்பை விளக்குகிறது.

5. சுழியத்திலிருந்து ஆரம்பிக்கப்பட்ட Z நேர்கோடு என்பது பணக்கூலி மாறாமல் இருக்கும்போது உள்ள நிலையையும் மற்றொரு (Z₁) வேலைவாய்ப்பைப் பொருத்து பணக்கூலி மாறும் போது உள்ள நிலையையும் விளக்குகின்றன.
6. Z கோடு நேர்கோடாகவும், Z₁, கோடு குறிப்பிட்ட நிலைக்கு பிறகு வளைகோடாகவும் இருக்கிறது.
7. ON_f அளவில் பொருளாதாரம் முழுவேலை நிலையை அடைகிறது. அதற்குப் பின்பு உழைப்பினை அதிகப்படுத்தி உற்பத்தியை அதிகப்படுத்த இயலாது.
8. எனவே, N_f க்குப் பின்னர், தொகு அளிப்புக் கோடு செங்குத்தாக நெகிழ்வற்றதாக உள்ளது.

1. புதியப் பொருளாதாரக் கோட்பாடுகளின் வளர்ச்சியில், கீன்சு எழுதிய புத்தகமான "வேலைவாய்ப்பு, வட்டி, பணம் பற்றிய பொதுக்கோட்பாடு." ஒரு திருப்புமுனையாக இருக்கிறது.
2. கீன்சின் கோட்பாடு, முழு வேலைவாய்ப்பு கருத்தை மட்டும் விளக்காமல், குறைந்த வேலை நிலைக்கும் வாய்ப்பு இருப்பதை சுட்டுக்காட்டுகிறது.
3. கீன்சின் கோட்பாடு ஒரு பொதுக் கோட்பாடாகவேத் திகழ்ந்தது. இது எல்லா வகைச் சூழ்நிலைகளுக்கும் பொருந்துவதாக இருக்கிறது.
4. கீன்சின் கருத்துகள் குறுகிய காலத்தை அடிப்படையாகக் கொண்டு இருந்தன.
5. அவரது கருத்துப்படி, வேலைவாய்ப்பின் அளவு நிர்ணயிக்கப்படும் போது உற்பத்திக் காரணிகளான மூலதனம், உழைப்பு, திறன், தொழில்நுட்பம் ஆகியவை மாறாமலேயே இருக்கும்.

சே விதியின் விளைவுகள்:
1. அதிக உற்பத்திக்கோ. வேலையின்மைக்கோ வாய்ப்பில்லை.
2. பயன்படுத்தாத வளங்கள் நாட்டில் இருந்தால், முழு வேலை வாய்ப்பு வரை அவற்றைப் பயன்படுத்துவது
3. இலாபகரமாக இருக்கும். உற்பத்திக் காரணிகள் அவற்றின் உற்பத்தித் திறனுக்குச் சமமாக ஊதியங்களையும் ஏற்றுக் கொள்ளும்.
4. விலைக் கருவி தானாக இயங்குவதால் அங்கு அரசின் தலையீடு தேவையிருக்காது.
5. வட்டி வீத நெகிழ்வுத்தன்மை, சேமிப்பிற்கும் முதலீட்டிற்கும் சமநிலையை உருவாக்கும்.
6. பரிவர்த்தனைக்கு மட்டுமே பணம் செயல்படும். பணத்தை மக்கள் கையிருப்பாக வைத்திருக்கமாட்டார்கள்.

சொத்து, உற்பத்திச் சாதனங்களின் உரிமம்:
உற்பத்திச் சாதனங்களும், சொத்துகளும் தனியாருக்கும், பொதுத்துறைக்கும் சொந்தமாக இருக்கும்.
பொதுத்துறையும், தனியார் துறையும் இணைந்திருக்கும்:
கலப்புப் பொருளாதாரங்களில் தனியார்துறைகள், பொதுத்துறைகள் ஆகிய இரண்டும் இணைந்திருக்கும்.
பொருளாதாரத் திட்டமிடல் :
மையத் திட்டக்குழு பொருளாதாரத் திட்டங்களைத் தயாரிக்கும். அரசினால் தயாரிக்கப்படும் தேசியத் திட்டங்களை தனியார் துறையும் பொதுத்துறையும் மதித்து பின்பற்றும்.
பொருளாதாரச் சிக்கல்களுக்குத் தீர்வு:
எதனை உற்பத்தி செய்வது? எப்படி உற்பத்தி செய்வது? யாருக்காக உற்பத்தி செய்வது? எப்படிப் பகிர்ந்தளிப்பது எனும் அடிப்படைச் சிக்கல்களை விலை இயக்க முறை, அரசின் தலையீடு ஆகியவை மூலம் தீர்க்கப்படும்.

சிவப்பு நாடா முறையும் அரசு அலுவலர்களும் (அதிகார வர்க்கம்) :
அனைத்து முடிவுகளையும் அரசு அமைப்புகளே எடுப்பதால், அரசு அலுவலர்கள் பலரின் அனுமதி பெற வேண்டி, கோப்புகள் ஒரு மேசையிலிருந்து மற்றொன்றுக்கு செல்லும் கால அளவு அதிகமாகிறது. இதனால் சிவப்பு நாடா முறை ஏற்படுகிறது. 
ஊக்கமில்லாமை :
சமதருமத்தின் மிகப்பெரிய குறை என்பது, இந்த முறையில் திறமைக்கு எந்த ஊக்கமும் அளிப்பதில்லை எனவே, உற்பத்தித் திறனும் பாதிக்கப்படும்.
தெரிவு செய்வதில் சுதந்திரம் குறைவு:
பண்டங்கள். பணிகள் நுகர்வதில் தெரிவு செய்யும் சுதந்திரம் நுகர்வோரால் அனுபவிக்க முடியாது.
அதிகாரம் குவிதல் :
அரசே அனைத்து முடிவுகளையும் எடுக்கிறது. பொருளாதார தீர்மானங்களில் தனியார் எந்த முயற்சியும் எடுப்பது இல்லை. எனவே, அரசே மிகவும் சக்தி வாய்ந்ததாக கருதப்படுகிறது. அதிகாரத்தைத் தவறாகப் பயன்படுத்த வாய்ப்பாகவும் அமைகிறது

1. வளர்ச்சி நிலை:
வளர்ந்த, வளராத, முன்னேறாத மற்றும் வளரும் பொருளாதார அமைப்புகள்.
2. நடவடிக்கைகளின் முறை:
முதலாளித்துவ, சமத்துவ மற்றும் கலப்பு பொருளாதார அமைப்புகள்.
3. நடவடிக்கைகளின் அளவு:
சிறிய மற்றும் பெரிய பொருளாதார அமைப்புகள்.
4. செயல்படும் தன்மை:
நிலையான மற்றும் இயங்கும் பொருளாதார அமைப்புகள்.
5. செயல் பரப்பு தன்மை:
மூடிய மற்றும் திறந்தவெளி பொருளாதார அமைப்புகள்.
6. முன்னேற்ற தன்மை:
பழைமையான மற்றும் நவீன பொருளாதார அமைப்புகள்.
7. தேசிய வருவாய் அளவு:
குறைந்த வருவாய், இடைநிலை வருவாய் மற்றும் அதிக வருவாய் பொருளாதார அமைப்புகள்.