12 ஆம் வகுப்பு வணிகவியல் பயிற்சி 3 மதிப்பெண் புத்தக வினாக்கள் (புதிய பாடத்திட்டம்) 2020 - 12th Standard Commerce Tamil Medium Model 3 Mark Book Back Questions (New Syllabus 2020)

12ஆம் வகுப்பு Commerce / வணிகவியல் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Commerce / வணிகவியல் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

Generic 3

29 x 3 = 87

வாக்கெடுப்பு குறித்து நீங்கள் அறிந்துகொண்டது என்ன?

எப்பொழுது இயக்குனர் தனது அலுவலகத்திலிருந்து நீக்கப்படுகிறார்.

எப்பொழுது மாற்று இயக்குநர்களை நியமிக்கலாம்?

பங்குகளை வட்டத்தில் வெளியிடுவது என்றால் என்ன? அப்படி வெளியிட நிறைவேற்ற வேண்டிய நிபந்தனைகள் யாவை?

பின்வருவனவற்றிற்கு சிறுகுறிப்பு வரைக.
1) பால்பொருள் உற்பத்தி தொழில் முனைவோர் மேம்பாட்டு திட்டம்
2) திட்ட அறிக்கை

தொழில் முனைவையே தொழிலாகக் கொண்ட முனைவோர் எப்படி செயல்படுகிறார்?

தொழில் முனைவோர் மற்றும் அகத்தொழில் முனைவோர் இவர்களை வேறுபடுத்துக.

மாற்றுமுறை மற்றும் உரிமை மாற்றம் இவைகளை வேறுபடுத்துக. (ஏதேனும் 3)

விற்பனை உடன்பாடு என்றால் என்ன?

10.

முதலீடுகளை திரும்பப்பெறுதலின் நன்மைகள் யாவை?

11.

மின் வணிகத்திற்கும் மின் வியாபாரத்திற்கும் உள்ள வேறுபாடுகள் யாவை?

12.

இந்தியாவில் பெருநிறுவன நிர்வாகத்தின் கட்டமைப்பு பற்றி எடுத்துரைக்க.

13.

தேசிய ஆணையத்தின் உறுப்பினர்கள் பற்றி விவரி.

14.

நுகர்வோர் உரிமைகள் - வரையறு.

15.

நுகர்வோரியல் குறித்து இயற்றப்பட்ட முக்கியச் சட்டங்கள் யாவை? (ஏதேனும் 3)

16.

சந்தையிடுகையின் கருத்துக்களை விவரிக்கவும்.

17.

காலத்தின் அடிப்படையில் சந்தையினை எப்படி வகைப்படுத்துவாய்?

18.

தொழிற்சாலைக்குள் பயிற்சி என்றால் என்ன?

19.

அடைவுச் சோதனை குறித்து நீவீர் அறிவது யாது?

20.

விளம்பரத்திற்கும் கோரப்படாத விண்ணப்பங்களுக்கும் இடையே உள்ள இரண்டு வேறுபாடுகள் தருக.

21.

மனித வளத்தின் முக்கியத்துவம் என்ன? (ஏதேனும் 3)

22.

புறத்தோற்றமற்ற பத்திரங்கள் என்றால் என்ன?

23.

தேசிய பங்குச் சந்தை முறை (NSMS) பற்றி விளக்குக.

24.

கருவூல இரசீதின் வகைகளை விவரி. (ஏதேனும் 3)

25.

இந்திய மூலதனச் சந்தையின் தோற்றம் மற்றும் வளர்ச்சியை விவரி.

26.

உடனடி சந்தை மற்றும் எதிர் நோக்கிய சந்தைகளுக்கும் இடையேயான வேறுபாடுகளை விளக்குக.

27.

விதிவிலக்கு மேலாண்மையில் உள்ள செயல்முறைகள் என்ன?

28.

முடிவெடுத்தல் முக்கியமென்று நீங்கள் ஏன் நினைக்கிறீர்கள்?

29.

மேலாண்மை கலையா? அறிவியலா?

Visit QB365-SLMS - https://www.qb365.in/slms/

Answers Key:

Generic 3

29 x 3 = 87

1. வாக்கெடுப்பு என்ற சொல் இலத்தீன் சொல்லான "வாக்கம்" என்ற சொல்லிலிருந்து வந்தது.
2. ஒரு முன்மொழிவுக்கு ஆதரவாகவோ அல்லது எதிராகவோ ஒருவர் தனது விருப்பத்தை உரிய முறையில் பதிவு செய்வது வாக்கெடுப்பு.
3. ஒரு நிறுமத்தின் முன்மொழிவை இயக்குநர்கள் வாக்கெடுப்பு நடத்தி முறையாக நிறைவேற்றப்பட வேண்டும்.

(i) பங்குதாரர்களால் நீக்கம் - பிரிவு(169)
1. இயக்குனர்கள் பின்பற்றிய கொள்கைகள் பொருத்தமானதல்ல என பங்குதாரர்கள் கருதினால்,
2. சிறப்பு அறிவிப்பை வழங்குவதன் மூலமும், சாதாரண தீர்மானத்தை நிறைவேற்றுவதன் மூலமும் இயக்குனரின் பதவிக்காலம் முடியும் முன் இயக்குனரை பதவியிலிருந்து நீக்கலாம்.
(ii) மத்திய அரசால் நீக்கப்படுதல் :
1. பொறுப்புகளை நிறைவேற்றுவதில் மோசடி.
2. விவேகமான வர்த்தக நடைமுறையின்மை.
3. கடுமையான வியாபார பாதிப்பு.
4. பொது நலனுக்கு சேதமளிக்கும் வகையில் நிர்வாகம் நடத்தப்படுவது.
போன்ற காரணங்களால் மத்திய அரசு இயக்குனரை நீக்கலாம்.
(iii) நிறும /கம்பெனி சட்ட வாரியத்தால் நீக்கப்படுதல் :
ஒரு இயக்குனர் தனது அதிகாரத்தை தவறாக பயன்படுத்துகிறார் என்று கம்பெனி சட்டவாரியத்திற்கு அறிக்கை சமர்ப்பிக்கப்பட்டால் கம்பெனி சட்ட வாரியத்திற்கு அறிக்கை சமர்ப்பிக்கப்பட்டால் கம்பெனி சட்ட வாரியத்தால் இயக்குனர் நீக்கப்படலாம்.

(i) ஒரு இயக்குநர் இந்தியாவில் குறைந்தது மூன்று மாதத்திற்கு மேல் இல்லையென்றால் அவருக்கு பதிலாக கூடுதல் இயக்குநர்களை இயக்குநர் குழு நியமிக்கலாம். இவ்வாறு நியமிப்பதற்கு கம்பெனியின் செயல்முறை ஏட்டில் அங்கீகாரம் அளிக்கப்பட்டிருக்க வேண்டும் அல்லது பொதுக்கூட்டத்தில் ஒரு தீர்மானம் இயற்றி அதன் வாயிலாக நியமிக்கலாம்.
(ii) இந்த மாற்று இயக்குநர் உண்மையான இயக்குநருக்கு முகவராக அல்லது பதிலாக கருதப்படமாட்டார்.

1. பங்குகளின் வெளியீட்டு விலை முகமதிப்பை விட குறைவாக இருந்தால் அது வட்டத்தில் (தள்ளுபடியில் வெளியிடுதல் என அழைக்கப்படுகிறது.
(எ.கா) Rs.10 முகமதிப்புடைய பங்குகளை Rs.8க்கு வெளியிட்டால் தள்ளுபடி Rs.2.
2. நிறுமச் சட்டம் 2013 பிரிவு (53)ன் படி தள்ளுபடி பங்குகளை வெளியிடுதல்.

1. பால் பண்ணை தொழில் முனைவோர் மேம்பாட்டு திட்டம் :
விவசாயம், செல்லப்பிராணிகள், விலங்குகள் மற்றும் சிறிய பால்பண்ணைகளை உருவாக்கும் செயல்திட்டங்களுக்கும் மற்றும் அதற்கான கருவிகளை வாங்க நிதி உதவி அளிப்பது.
2. திட்ட அறிக்கை :
நிதியியல், தொழில்நுட்ப அறிவு உழைப்பு மற்றும் மூலப் பொருட்களின் ஆதாரங்கள், சந்தை திறன் மற்றும் இலாபத்தன்மை போன்ற அம்சங்களை உள்ளடக்கிய அறிக்கை.

1. எந்த ஒரு தொழிலையும் நிரந்தரமாக நடத்த மாட்டார்.
2. புதிய தொழிலை நடப்பு சூழ்நிலைக்கு ஏற்ப சிந்தித்து உருவாக்கி வளர்த்து பின் அத்தொழிலை விட்டு வெளியேறுவது இவரின் பலம்.
3. இவரை தொழில் முனைவு வித்தகர்கள் எனவும் அழைக்கலாம்.

அடிப்படை	தொழில் முனைபவர்	அகத்தொழில் முனைவோர்
சிந்தனை	தடையற்ற சிந்தனையாளர்	தன்னிசையான சிந்தனையாளர் ஆனால் தொழில் நிறுமத்தின் உள் செயல்படுபவர்
சார்பு நிலை	தன்னிசையான நபர்	தொழில் முனைவோரை சார்ந்து இருப்பவர்
நிதி தோற்றத்தால்	தன் சொந்த முயற்சியில் தொழிலுக்கான நிதியை திரட்ட வேண்டும்	நிதி திரட்டும் பொறுப்பில்லை. ஆனால் நிதியை கையாளும் பொறுப்பு உள்ளது.
வெகுமதி	இலாபம் என்ற வெகுமதியைப் பெறுகிறார்	இலாபத்தில் பங்கில்லை, ஊதியம், ஊக்க ஊதியம் மற்றும் மேம்படிகள் பெற வாய்ப்புண்டு
இடர் ஏற்றல்	கட்டாயம் இடர் ஏற்க வேண்டும்	இடர்பாட்டில் பங்கு பெறுவதில்லை. செயல்திட்டம் தோல்விக்கு பொறுப்பேற்பதில்லை
தகுநிலை / தரநிலை	உரிமையாளர்	ஊழியர்
செயல்பாடு	தொழிலுக்குப் புறத்தே நின்று பெரும்பாலும் செயல்படுபவர்	முழு நிறுமத்திற்கு உட்பட்டு இயங்கும் நபர்

வ.எண்	வேறுபாடுகள்	மாற்றுமுறைத் தன்மை	உரிமைமாற்றம்
1	சட்டமுறை உரிமை மாற்றம்	ஆவண மாற்றுமுறை ஆவணத்தைப் பொறுத்தவரை உரிமையை மேலெழுதித் தருவதன் மூலமாகவோ அல்லது கொணர்பவர் மாற்றுச் சீட்டை வகையில் ஒப்படைப்பதன் மூலமாகவோ உரிமை மாற்றம் செய்ய முடியும்.	உரிமை மாற்றும் சட்டத்தின் கீழ் வரையறுக்கப்பட்ட சடங்கு முறைப்படி உரிமை மாற்ற வேண்டும்.
2	அறிவிப்பு	மாற்றுமுறை ஆவணத்தைக் கொண்ட நபர் கடனாளியிடமிருந்து பணத்தை செலுத்தி கேட்க தேவையில்லை.	உரிமை மாற்றத்தில் உரிமை மாற்றம் பெற்றவர் கடனாளியிடமிருந்து தன்னிடம் கடன் தொகையை செலுத்த அறிவிக்க வேண்டும்.
4	மறுபயன்	மாற்றுமுறைத் தன்மையில் மறுபயன் இருப்பதாகக் கொள்ளப்படுகிறது.	உரிமை மாற்றம் பெற்றவர் மறுபயனை மெய்ப்பிக்க வேண்டும்.

விற்பனை ஒப்பந்தம் என்ற சொல்லில் விற்பனையும் மற்றும் விற்பனை உடன்பாடும் உள்ளடக்கியது.
1. விற்பனை -பொருளின் உரிமையை உடனே மாற்றிவிடக்கூடிய நடவடிக்கைகள்.
2. விற்பனை உடன்பாடு - பொருளின் உரிமையை எதிர்காலத்தில் மாற்றும் நடவடிக்கைகள்.

10.

1. பொதுக் கடன் குறைதல்
2. வணிக ரீதியான ஆபத்தை தனியார் துறைக்கு மாற்றுவது.
3. தனியார் மூலதனத்தை அதிகமாக ஊக்கப்படுத்துவது.
4. புதிய நிறுவனங்களை சந்தையில் நுழைவதற்கு அனுமதிக்கிறது.

11.

வ.எண்.	அடிப்படை	மின் வணிகம்	மின் வியாபாரம்
1.	பொருள்	மின் வணிகம் என்பது மின் வலைய தளத்தின் வழியாக பொருள்கள் மற்றும் சேவைகளை பெறுவதையும் அளிப்பதையும் குறிக்கும்.	மின் வியாபாரம் என்பது பொருள் மற்றும் சேவைகளை பெறுவது, அளிப்பது மட்டுமின்றி அதற்கும் அப்பாற்பட்ட வழங்கல் வழி மேலாண்மை போன்றவைகளை உள்ளடக்கியதாகும்.
2.	வியாபாரம்	மின் வணிகம், மின் வியாபாரம் இரண்டும் ஒரே மாதிரியான பொருளை வியாபாரம் செய்கிறது.	இதிலும் ஒரே மாதிரியான பொருளை வியாபாரம் செய்கிறது.

12.

1) குறைந்தபட்சம் 3 இல் 1 பங்கு தன்னிச்சையாக இயக்குநர்கள் இருக்க வேண்டும்.
2) அதில் ஒரு தன்னிச்சையான பெண் இயக்குனர் இருக்க வேண்டும்.
3) அனைத்து ஒப்பந்தங்கள், பணம் செலுத்துதல்கள் சம்பந்தப்பட்ட நபர்களுக்கு வெளிப்படையாக இருத்தல் வேண்டும்.
4) பொருளாதார நட்ட ஈடு சம்பந்தமாக விவரங்கள் வெளிப்படையாக இருக்க வேண்டும்.
5) தலைமைச் செயல் மற்றும் தலைமை நிதி அதிகாரி நிதிநிலை அறிக்கைகளில் சட்டப்பூர்வமான விதிமுறைகளை முறையாக கடைபிடிக்கின்றனவா என சரிபார்த்து கையெழுத்திட வேண்டும்.

13.

தேசிய குறை தீர்ப்பு ஆணையம் அறிவிப்பின் மூலம் நிறுவப்பட்ட இவ்வமைப்பில்
(i) 5 உறுப்பினர்கள் இடம் பெற்றுள்ளார்கள்.
(ii) அவர்களில் ஒருவர் நீதித் துறையைச் சார்ந்தவராக இருத்தல் வேண்டும்.
(iii) ஏனைய நபர்கள் பிற துறைகளில் அறிவு, ஆற்றல், அனுபவம் பெற்றவராக இருத்தல் வேண்டும்.
(iv) இவ்வமைப்பில் பெண் உறுப்பினர் இருக்க வேண்டும்.

14.

1. நுகர்வோர் பாதுகாப்புச் சட்டம் 1986 இன் படி ஒவ்வொருவரும் தனி நபர், கூட்டாண்மை, இந்து கூட்டுக்குடும்பம் மற்றும் நிறுமம் என்பதனுள் அடங்குவர்.
2. அவர்களின் உரிமை என்பது மூலப்பொருட்களை கொள்முதல் செய்து முடிவுற்ற பொருட்களாக உற்பத்தி செய்வது.
3. நுகர்வோர் பாதுகாப்புச் சட்டத்தின் முக்கியத்துவம் ஒவ்வொரு நுகர்வோரும் தனது உரிமை பற்றியும், நீதிமன்றம் மற்றும் அதன் உரிமைகள், வரம்பு மீறல்களைப் பற்றி தெரிந்து கொள்வதேயாகும்.

15.

(i) இந்திய ஒப்பந்தச் சட்டம், 1872.
(ii) பொருட்கள் விற்பனைச் சட்டம், 1930
(iii) வேளாண்பொருட்கள் தரப்படுத்துதல் மற்றும் விற்பனைச் சட்டம், 1937.

16.

சந்தையிடுகையின் கருத்துக்கள்:
(i) நவீன சந்தையிடுகை கொள்கையானது அறிவுத் திறத்தை பயன்படுத்த உதவுகிறது.
(ii) கொள்கை வழிகாட்டல் மேம்பாடு மற்றும் நல்லதொரு பயனுள்ள செயல்படுத்துகிறது.
(iii) முன்னேற்ற செயல் குறித்து சரியான நடவடிக்கை மேற்கொள்கிறது.

17.

(i) மிக குறுகிய கால சந்தை : இவ்வகை சந்தையில் மிக குறுகிய காலத்தில் பயன்படத்தக்க பொருட்கள் மட்டுமே கையாளப்படுகிறது. அதாவது அழுகக்கூடிய தன்மை உடைய பொருட்களான, பால், முட்டை, காய் மற்றும் கனிகள் போன்றவைகள் இத்தகைய சந்தையானது கிராமப்புறங்களில் இன்றளவும் நடைபெறுகிறது.
(ii) குறுகிய கால சந்தை : இத்தகைய சந்தையில் ஒரு சில பொருட்கள் இச்சந்தையில் தேவையை சமாளிப்பதற்கு அளிப்பின் அளவு சரிசெய்யப்படுகிறது. தேவை அளிப்பை விட அதிகமானது.
(iii) நீண்டகால சந்தை : நீடித்து உழைக்க கூடிய பொருட்களை கையாளத்தக்க வகையில் உள்ள சந்தையை இது குறிக்கிறது. இத்தகைய சந்தையில் நீண்ட காலத்திற்கு பயன்படுத்த ஏதுவாக உள்ள நுகர்வு பொருட்கள் மற்றும் சேவைகள் மட்டும் சந்தையிடுகை செய்யப்படுகிறது.

18.

1. பயிற்சி நோக்கத்திற்காக செயற்கையாக உருவாக்கப்படும் உண்மையான வேலை சூழலைப் போல, ஊழியர்களுக்கு பயிற்சியளிக்கும் முறை தொழிற்சாலைக்குள் பயிற்சி முறை எனப்படுகிறது.
2. இந்த வகையான பயிற்சி அளிப்பதன் மூலமாக தொழிற்சாலையில் உள்ள இயந்திரங்களுக்கு எவ்வித சேதாரங்களும், இழப்பும் ஏற்படாமல் தவிர்க்க முடியும்.
உதாரணம்: ஓட்டுனர்கள், விமானிகள், விண்வெளி விஞ்ஞானிகள் போன்றோருக்கு இப்பயிற்சி வழங்கப்படுகிறது.

19.

(i) இது குறிப்பிட்ட துறையில் விண்ணப்பதாரரின் அடைவுத் திறனை அளவிடும் சோதனையாகும். கல்வி நிறுவனங்களில் வழக்கமாக நடத்தப்படும் தேர்வுகள் இச்சோதனை முறையைச் சார்ந்ததே. இதனை அறிவுத் திறன் சோதனை எனவும் அழைக்கலாம்
(ii) கற்றல் அனுபவத்திற்கு முன்னும், கற்றல் அனுபவத்தின் போதும், அதன் பிறகும் நடத்தப்படுகிறது.
(iii) பணி குறித்த சிறப்பறிவில் விண்ணப்பதாரரின் தேர்ச்சி தன்மையை அறிய இச்சோதனை நடத்தப்படுகிறது.
அ) ஓட்டுனர் பணிக்கு விண்ணப்பித்தவரை வாகனம் ஓட்டிக்காட்டச் சொல்லுதல்.
ஆ) இசைப்பள்ளி மாணவரை இசைக்கச் சொல்லி கேட்டல்.
இ) ஆசிரியர் பணிக்கானவரை பாடம் நடத்திக் காட்டச் சொல்லி சோதித்தல்.

20.

வ.எண்	அடிப்படை	விளம்பரம்	கோரப்படாத விண்ணப்பம்
1.	பொருள்	பணியாளர்களை தேடும் பொருட்டு விளம்பரம் செய்யப்படுகின்றது.	வேலை தேடுவோர், தன்னிச்சையாக வேலை வேண்டி விண்ணப்பம் செய்யப்படுகின்றது.
2.	தெரிந்து கொள்ளல்	இதன் மூலம் வேலைக்கு தேவைப்படும் தகுதி, வழங்கப்படும் சம்பளம் ஆகியவற்றை தெரிந்து கொள்ள முடியும்.	வேலை தேடுவோர் தன்னுடைய தகுதி, எதிர்பார்க்கும் சம்பளம் போன்ற விவரங்களைத் தருகின்றனர்.
3.	உறுதிநிலை	விளம்பரம் தரும் நிறுவனத்தில் பணியிடம் காலியாக உள்ளது.என்பதை உறுதியாக நம்பலாம்.	விண்ணப்பிக்கும் நிறுவனத்தில் பணியிடம் காலியாக உள்ளது என்பதை உறுதியாக சொல்ல முடியாது,

21.

பின்வரும் ஆதாரங்களின் காரணமாக மனித வளம் முக்கியத்துவம் வாய்ந்ததாக இருக்கிறது:
(i) மனித வளங்கள் மூலமாக மட்டுமே மனித உறவுகள் சாத்தியமாகிறது.
(ii) மனித வளமானது பிற அனைத்து உற்பத்தி காரணிகளையும் நிர்வகிக்கிறது.
(iii) பயிற்சி மற்றும் அபிவிருத்தி திட்டங்களின் மூலம் மனித வளங்களின் திறனை மேம்படுத்த முடியும்.
(iv) மேலாண்மையின் அனைத்து மட்டங்களிலும் மனித வளத்தைப் பயன்படுத்த முடியும்.
(v) மனித வளங்கள் சட்டப்பூர்வ கட்டமைப்பினால் நன்கு பாதுகாக்கப்படுகின்றன.
(vi) தொழில்துறை உறவுகள் மனித வளத்தை சார்ந்துள்ளது.
(vii) மனித வளத்தின் மூலமாக மட்டுமே மற்ற அனைத்து வளங்களும் திறம்பட பயன்படுத்தப்படுகின்றன.
(viii) ஒரு நிறுவனத்தின் நிலையான வளர்ச்சி முக்கிய வளமான மனித வளத்தை சார்ந்துள்ளது.

22.

(i) புறத்தோற்றமற்ற பத்திரங்கள் உருவாக்கம் என்பது நிறுவன பதிவாளரால் காகித வடிவிலான பங்குச் சான்றிதழை அழித்து புறத்தோற்றமில்லாத வகையில் பத்திரங்களாக மாற்றல் என்பதாகும்.
(ii) முதலீட்டாளர்களின் வேண்டுகோளின் பேரில் புறத்தோற்றமற்ற பத்திரங்களாக உருமாற்றம் செய்யப்படுகிறது. முதலீட்டாளர்கள் முதலில் வைப்பக பங்கேற்பாளர்களுடன் (Depository Participant) கணக்கை தொடங்க வேண்டும்.
(iii) 1996 ஆம் ஆண்டில் டிசம்பர் மாதம் தேசிய பங்குச் சந்தை (NSE) முதன்முதலாக புறத்தோற்றமற்ற பத்திரங்கள் வர்த்தகத்தை தொடங்கியது.
(iv) அங்கு ரிலையன்ஸ் நிறுவனம் முதன்முதலாக 100 பங்குகள் விற்பனையில் ஈடுபட்டது. 1997 டிசம்பர் மாதம் மும்பை பங்குச் சந்தை புறத்தோற்றமற்ற பத்திரங்கள் வர்த்தகத்தை தொடங்கியது.

23.

(i) தேசிய பங்குச்சந்தை அமைப்பு ஸ்ரீ எம்.ஜே. பெர்வானி தலைமையில் (பிரபலமாக பெர்வானி குழு) உயர் அதிகாரம் கொண்ட அமைப்பினால் ஏற்படுத்தப்பட்டது.
(ii) இந்தியாவில் உள்ள தேசிய பங்குச்சந்தைகள் பின்வருமாறு:
1. இந்தியாவின் தேசிய பங்குச்சந்தை
2. இந்திய பங்கு வைப்பு குழு லிமிடெட்
3. தேசிய தீர்வை மற்றும் வைப்பு முறை
4. இந்திய பங்கு பத்திரங்கள் விற்பனைக் கழகம்.

24.

கருவூல இரசீதின் வகைகள் :
கால வரையறை அடிப்படையில் இந்த இரசீதுகள் மூன்று வகைகளாக பிரிக்கப்படுகின்றன.
அவை பின்வருமாறு.
(a) 91 நாட்கள் கருவூல இரசீதுகள்;
(b) 182 நாட்கள் கருவூல இரசீதுகள்;
(c) 364 நாட்கள் கருவூல இரசீதுகள்
(i) 91 நாட்கள் கருவூல இரசீதுகள் ஒரு நிலையான 4 சதவீத தள்ளுபடி விகிதத்தில் ஏலத்தின் மூலம் வெளியிடப்படுகின்றன.
(ii) இந்திய ரிசர்வ் வங்கி 91 நாட்கள் மற்றும் 182 நாட்கள் கருவூல இரசீதுகளை ஒரு வாரம் முழுவதும் வடிகட்டும் அடிப்படையில் வெளியிடப்படுகிறது.
(iii) 364 நாட்கள் கருவூல இரசீதுகள் எவ்வித நிலையான விகிதமும் கொண்டு செயல்படுவதில்லை. இந்த தள்ளுபடி விகிதம் அதிகார அமைப்பின் இசைவினை பெற்று பங்கேற்பாளர்களுக்கு ஏலத்தில் தெரிவிக்கப்படுகிறது. இத்தகைய விகிதத்தையே தள்ளுபடி விகிதம் என்று குறிப்பிடப்படுகிறது.

25.

(i) 1947 முதல் 1973 வரையிலான காலத்தை மூலதன சந்தையின் கட்டமைப்புக்கான வளர்ச்சிக் காலம் எனலாம்.
(ii) மூலதனச் சந்தையை பலப்படுத்த மேம்பாட்டு நிதி நிறுவனங்களான IFCI, ICICI, IDBI, UM, SFCS போன்றவை உறுதுணையாக இருந்தன.
(iii) 1980 லிருந்து 1992 வரையிலான காலத்தில் முதன்மை சந்தைக்கு தேவையான வளங்களை சேகரிக்க, கடனீட்டுப் பத்திரம் மிகவும் சக்தி வாய்ந்த ஆவணமாக செயல்பட்டது.
(iv) இரண்டாம் நிலைச் சந்தை அபரிதமான வளர்ச்சி அடைந்தது.
(v)முதன்மை சந்தை மற்றும் இரண்டாம் சந்தையினை ஒழுங்குபடுத்த SEBI அமைப்பு உருவானது.

26.

வ.எண்	ஒப்பீட்டு அடிப்படை	உடனடி சந்தை	எதிர்நோக்கிய சந்தை
1	பொருள்	ஆவணங்களை வழங்கலும், ரொக்கம் பெறுதலும் உடனடியாக நடைபெறும் சந்தை உடனடி சந்தை ஆகும்.	சொத்து வழங்கலும், ரொக்கம் செலுத்தலும் முன்னரே தீர்மானிக்கப்பட்டு எதிர்காலத்தில் நடைபெறும் சந்தை எதிர்கால சந்தை ஆகும்.
2	விலை நிர்ணயம் / முடிவு	விலைகளை உடனுக்குடன் சந்தை நிலவரத்தைப் பொறுத்து விலை முடிவு செய்வது ஆகும்.	எதிர்காலத்தில் பொருட்களை கைமாற்றிக் கொள்வதற்காக இன்றே விலைகளை முடிவு செய்வது ஆகும்.

27.

(i) முதன்மையாக, எதிர்பார்ப்பு அல்லது மதிப்பிடப்பட்ட முடிவுகளுடன் குறிக்கோள்கள் அல்லது நெறிமுறைகளை அமைப்பது அவசியமாகிறது. இந்த நிகழ்ச்சிகள் மதிப்பீடு செய்யப்பட்டு உண்மையான செயல்திறனுடன் சமமாக ஒப்பிடப்படுகின்றன.
(ii) அடுத்து, விலகல் பகுப்பாய்வு செய்யப்படுகிறது. முதுநிலை மேலாளர்கள் ஒரு சிறிய அல்லது எந்த விலகலும் இல்லாத போது, எந்த நடவடிக்கையும் எடுக்கத் தேவையில்லை. அவர்கள் மற்ற விஷயங்களில் கவனம் செலுத்தலாம்.
(iii) உண்மையான செயல்திறன்கள் கணிசமாக விலகி விட்டால், "ஒரு விதிவிலக்கு ஏற்பட்டுவிட்டது" என்ற பிரச்சினையை முதுநிலை மேலாளர்களுக்குத் தெரிவிக்கப்பட வேண்டியது அவசியமாகிறது.
(iv) இந்த "விதிவிலக்கு" உடனடியாக தீர்க்கப்பட வேண்டும் என்பதே இறுதியான நோக்கமாகும்.

28.

1. முடிவெடுத்தல் என்பது மேலாண்மையில் ஒரு முக்கியமான பணியாகும்.
2. ஒரு அமைப்பின் நோக்கங்களை நிறைவேற்றுவதற்கு ஒவ்வொரு பணியாளரும் பல்வேறு எண்ணிக்கையிலான முடிவுகளை எடுக்கின்றனர்.
3. ஒரு அமைப்பு இலகுவாக செயல்படுவதற்கு முடிவெடுத்தல் உதவுகிறது.

29.

1. மேலாண்மை என்பது ஒரு கலையும் அல்ல, அறிவியலும் அல்ல, இரண்டின் தொகுப்பாகும்.
2. மேலாண்மை என்பது அதன் இயல்பின் அடிப்படையில் ஒரு செயலை செய்வதற்கான கலையோ அல்லது ஒரு செயலை பெறுவதற்கான அறிவியலா ஆகும்.