தீர்மானத்தினை மூன்று வகைகளாக பிரிக்கலாம் அவை :
1. சாதாரண தீர்மானம் :
ஒரு முடிவுக்கு  எதிராக இருக்கும் உறுப்பினர்களின் எண்ணிக்கையை விட ஆதரவாக இருக்கும் உறுப்பினர்களின் எண்ணிக்கை அதிகமாக இருந்தால் அது சாதாரண தீர்மானமாகும்.
சாதாரண தீர்மானம் மூலம் நடைமுறைப்படுத்தும் முடிவுகள்:
(i) நிறுமம் பெயரை திருத்துதல்
(ii) நிறும பங்கு முதலை மாற்றியமைக்க 
(iii) கடனீட்டு பத்திரத்தை மீட்க 
(iv) பங்காதாயம் அறிவிக்க 
(v) இயக்குநர்களை பணியமர்த்த 
2. சிறப்பு தீர்மானம் :
1. சிறப்பு பொருள் குறித்து நிறைவேற்றப்படும் தீர்மானம்.
2. வருகைபுரிந்துள்ள உறுப்பினர்களில் 4 இல் 3 பங்கு முடிவிற்கு சாதகமாக வாக்களிப்பது சிறப்பு தீர்மானம்.
சிறப்பு தீர்மானம் தேவைப்படும் நடவடிக்கைகள் :
(i) நிறும பதிவு அலுவலகத்தை ஒரு மாநிலத்திலிருந்து மற்றொரு மாநிலத்திற்கு மாற்றுவதற்கு.
(ii) நிறும நோக்கத்தை மாற்ற 
(iii) நிறும பெயரை மாற்ற 
(iv) சட்ட நடைமுறை விதிகளை திருத்தம் செய்ய 
(v) புதிய தொழிலை தொடங்க 
3. சிறப்பு அறிவிப்பு தேவைப்படும் தீர்மானம் 
(i) நிறும சட்டம் 2013 குறிப்பிட்டுள்ள சில நடவடிக்கைகள் குறித்து முடிவுகளை எடுக்க சிறப்பு கூட்டம் கூட்ட வேண்டியுள்ளது.
(ii) இக்கூட்டம் கூட்டும் 14 நாட்களுக்கு முன் எக்காரணத்திற்காக கூட்டப்படுகிறது என்ற விவரத்தை தெரிவிக்க வேண்டும்.
இக்கூட்டம் கூட்ட வேண்டியதன் அவசியம் :
(i) பணி ஓய்வு பெரும் தணிக்கையரை தவிர மீண்டும் பணியில் அமர்த்தவில்லை என்பதை உறுதி செய்ய.
(ii) பணி ஓய்வு பெற்ற தணிக்கையரை மீண்டும் பணியில் அமர்த்தவில்லை என்பதை உறுதி செய்ய.
(iii) ஒரு இயக்குநரை பணிக்காலம் முடியும் முன்பே பணி நீக்கம் செய்ய 
(iv) பணி நீக்கம் செய்யப்பட்ட இயக்குநர்களின் காலி இடத்தில வேறு இயக்குநர்களை பணியமர்த்த 
(v) புதிய தொழிலை தொடங்க 

 I. சட்டப்பூர்வமான அதிகாரங்கள் :
(i) பங்குதாரர்களிடமிருந்து வர வேண்டிய பங்குகள் மீதான செலுத்தப்படாத அழைப்புகளை பெறுவதற்கான அதிகாரம்.
(ii) கடனீட்டுப் பத்திரங்கள் வெளியிடுவதற்கான அதிகாரம்.
(iii) கடனீட்டுப் பத்திரம் தவிர இதர வழிகளில் கடன் வாங்குவதற்கான அதிகாரம்.
(iv) நிறுமத்தின் நிதியை முதலீடு செய்யும் அதிகாரம்.
(v) புதிய கடன்களை உருவாக்கும் அதிகாரம்.
(vi) நிறுமத்தின் வியாபாரத்தை பல்வகைப்படுத்தும் அதிகாரம்.
(vii) ஒருங்கிணைத்தல், ஒன்று சேர்த்தல் மற்றும் மறு சீரமைப்பு செய்தல் போன்றவற்றை அங்கீகரிப்பதற்கான அதிகாரம்.
(viii) நிதிநிலை அறிக்கை மற்றும் இயக்குனர் குழுவின் அறிக்கைகளை அங்கீகரிப்பதற்கான அதிகாரம்.
II . மேலாண்மை அல்லது நிர்வாக ரீதியான அதிகாரங்கள்:
i) மூன்றாம் நபருடன் ஒப்பந்தம் மேற்கொள்ளும் அதிகாரம்.
ii) பங்குகளை ஒதுக்கீடு செய்தல், திரும்பப் பெறுதல் மற்றும் பங்குகளை மாற்றுவதற்கான அதிகாரம்.
iii) கடன் பத்திரங்களை வெளியிட வேண்டிய விதிமுறை களையும் நிபந்தனைகளையும் முடிவு செய்யும் அதிகாரம்.
iv) புதிய கொள்கைகளை நடைமுறைப்படுத்துவதற்கும்,வணிகத்தை செயல்படுத்துவதற்கும் வழிமுறைகளை உருவாக்க அதிகாரம்.
v) நிர்வாக இயக்குனர், மேலாளர் மற்றும் கம்பெனி செயலரை நியமனம் செய்யும் அதிகாரம்.
vi) தன் கீழ் பணியாற்றும் ஊழியர்களை மேற்பார்வை செய்தல் மற்றும் கட்டுப்படுத்துதல்.
III. தீர்மானத்தின் மீது இயக்குனர் அதிகாரங்கள் :
i) நிறுமனத்தின் சொத்தை விற்க அல்லது குத்தகைக்கு விடும் உரிமை 
ii) கடனை திரும்ப செலுத்த இயக்குனருக்கு தேவையான காலத்தை அனுமதிப்பது.
iii) செலுத்தப்பட்ட மூலதனம் மற்றும் காப்புகள் ஆகியவற்றின் கூட்டு தொகைக்கு மேல் கடன் வாங்கும் அதிகாரம்,
iv) ஐந்து ஆண்டுகளுக்கு மேலாக ஒரு நபரை முகவராக நியமனம் செய்தல்.
v) மிகை ஊதிய பங்குகளை வெளியிடுதல் மற்றும் மறுசீரமைப்பு செய்தல்.
vi) மூன்று ஆண்டுகளின் சராசரி இலாபத்தில் 5% அல்லது ரூ.50,000 இதில் எது அதிகமோ அத்தொகையை தொண்டு நோக்கங்களுக்காக பங்களிப்பு செய்வதற்கான அதிகாரம்.
IV. இதர அதிகாரங்கள் :
i) சாதாரண காலிப் பணியிடங்களை நிரப்பும் அதிகாரம்.
ii) நிறும முதல் தணிக்கையாளரை நியமிக்கும் அதிகாரம்.
iii) மாற்று இயக்குனர், கூடுதல் இயக்குனர் மற்றும் நிர்வாக இயக்குனர்களை நியமிக்கும் அதிகாரம்.
iv) முக்கிய நிர்வாக அல்லது மேலாண்மை அதிகாரிகளை நீக்கும் அதிகாரம்.
v) பங்குகளுக்கான இடைக்கால மற்றும் இறுதி பங்காதாயத்தை பரிந்துரை செய்யும் அதிகாரம்.
vi) நிறும கடன் தீர்க்கும் நிலைமையை அறிவிக்கும் அதிகாரம்.
vii) அரசியல் அமைப்பிற்கு பங்களிப்பு செய்யும் அதிகாரம்.

இயக்குநர்களின் வகைகள் :
(i) இந்திய குடியிருப்பு இயக்குநர் : இந்திய நிறுமச் சட்டம் 2013 பிரிவு 149 (3) ன் படி ஒரு நிறுமத்தின் இயக்குநர் கடந்த நாட்காட்டி ஆண்டில் ஒத்த காலத்தில் குறைந்தது 182 நாட்கள் இந்தியாவில் தங்கியிருக்க வேண்டும். அவ்வாறு உள்ளவரையே இந்திய குடியிருப்பு இயக்குநர் எனப்படுகிறார்.
(ii) சுதந்திர இயக்குநர் : இந்திய நிறுமச் சட்டம் 2013 பிரிவு 149 (6) ன் படி இவர் ஒரு மாற்று இயக்குனராவார். கீழ்க்கண்ட நிறுமங்கள் குறைந்த பட்சம் இரண்டு சுதந்திர இயக்குநர்களை நியமிக்க வேண்டும் அல்லது கொண்டிருக்க வேண்டும்.
(iii) சிறு பங்குதாரர்களின் இயக்குநர் : சிறு பங்குதாரர்களின் இயக்குநர் ஒரு பட்டியலிடப்பட்ட நிறுமம் ஒரு இயக்குனரை இவர்கள் சார்பாக நியமிக்கலாம் அவ்வாறு நியமனம் செய்ய குறைந்தபட்சம் 1,000 அல்லது பத்தில் ஒரு பங்கு பங்குதாரர்களுக்கு இது தொடர்பான எழுத்து மூலமான அறிவிப்பு செய்தியை வழங்கி இருக்க வேண்டும்.
(iv) பெயரளவு இயக்குநர் : தற்போது நடைமுறையில் உள்ள சட்டத்தின் கீழ் நிதி நிறுமங்கள் நலன் கருதி அல்லது ஏதாவது ஒரு ஒப்பந்தத்தின் படியோ அல்லது மத்திய அரசின் வழிகாட்டுதலின் படியும் நியமிக்கலாம்.
(v) பெண் இயக்குநர்: பிரிவு 149 (1) (a) படி ஒரு இயக்குநர் குழுவில் குறைந்த பட்சம் ஒரு பெண் உறுப்பினர் இருக்க வேண்டும் கீழ்க்கண்ட நிறுமங்கள் குறைந்த பட்சம் ஒரு பெண் ஏற்கனவே கொண்டிருத்தல் வேண்டும் அவை:
1. அனைத்து பட்டியலிடப்பட்ட பொது நிறுமங்கள்
2. எந்த நிறுமத்தின் செலுத்தப்பட்ட மூலதனம் 100 கோடி அல்லது அதற்கும் மேல் அல்லது விற்பனையின் அளவு 300 கோடி அல்லது அதற்கு மேல் இருக்கும் பொழுது
(vi) மாற்று இயக்குநர்கள் : ஒரு இயக்குநர் இந்தியாவில் குறைந்தது மூன்று மாதத்திற்கு மேல் இல்லையென்றால் அவருக்கு பதிலாக கூடுதல் இயக்குநர்களை இயக்குநர் குழு நியமிக்கலாம். இந்த மாற்று இயக்குநர் உண்மையான இயக்குனருக்கு முகவராக அல்லது பதிலாக கருதப்படமாட்டார்.
(vii) கூடுதல் இயக்குநர் : நிறுமம் தேவைப்பட்டால் ஒரு தனி மனிதனை இயக்குநராக நியமிக்கலாம்.
(viii) நிழல் இயக்குநர் : இயக்குநர் குழுவில் இடம்பெறாத ஒருவர் ஆனால் நிறுமத்தை நடத்த அதிகாரம் உள்ளவர்.

1. கம்பெனி சட்டம் பிரிவு 3 (1)ன் படி ஒரு நிறுமமானது கீழ்க்கண்டவற்றுள் ஏதேனும் ஒன்றாக இருக்க வேண்டும்.
i) பொது நிறுமம்  - 7 அல்லது அதற்கு மேற்பட்ட நபர்கள் 
ii) தனி நிறுமம் - 2 அல்லது அதற்கு மேற்பட்ட நபர்கள் 
iii) தனிநபர் நிறுமம் - ஒரு நபர் 
2. தனி நிறுமம் தனது பெயர் (அ) எந்த நபரின் பெயர் வைக்க வேண்டுமோ அதை அமைப்பு முறை சாசனத்தில் எழுதி சட்டப்படி தேவையான ஆவணங்களை கொண்டு பதிவு செய்ய வேண்டும்.
3. நிறுமத்தை உருவாக்க பல நடைமுறைகளை பல்வேறு வகையில் கையாள வேண்டும். தனிநபரின் கருத்துக்கள் மூலம் ஆரம்பம் முடிவு வரை தேவையான ஆவணங்களை கொண்டு நிறுமம் உருவாக்கப்படுகிறது.
4. உருவாக்குதல் நான்கு நிலைகளைக் கொண்டது.
(i) உருவாக்கம் 
(ii) பதிவு செய்தல் 
(iii) முதலிடுதல் 
(iv) வியாபாரம் தொடங்குதல் 
5. முதல் இரண்டு நிலைகளான உருவாக்கம்,பதிவு செய்தல் என்பவை பொது தனியார் நிறுவனத்திற்கு அவசியமானதாகும்.
6. தனியார் நிறுமம் தனது வியாபார செயல்பாடுகளை பதிவு செய்தபின் தொழிலை உடனடியாக மேற்கொள்ளும் ஆனால் பொதுநிறுமம் நான்கு நிலைகளை கடந்து தொழிலை மேற்கொள்ளும்.
7. பொது நிறுமம் தன்னுடைய நிதியை உயர்த்த பொது வெளியீடு தொடர்பான சட்ட தேவைகளை பூர்த்தி செய்து நிறுமச்சட்டம் மூலம் தனது வியாபார நடவடிக்கைகளை மேற்கொள்ளலாம்.

பணிசார் வகைப்பாடு :
(i) புதுமை படைக்கும் தொழில் முனைவோர் : ஒரு புதுமை புகுத்திக் கொண்டே இருப்பவர். இவர்கள் எப்போதும் வியாபாரச் சூழல்களை உன்னிப்பாகக் கவனித்துக்கொண்டே இருப்பவர்கள். அதன் அடிப்படையில் நுகர்வோருக்கு எந்தெந்த தேவை நிறைவேறாமல் இருக்கிறது என்பதைப் பகுத்து ஆய்ந்து அதனை தங்களுடைய பொருட்களின் மூலம் நிறைவேற்றுவார்கள்.
(ii) மாதிரியை பின்பற்றும் தொழில் முனைவோர்:
மாதிரியை பின்பற்றும் தொழில் முனைவோர்கள் தற்போது சந்தையில் கிடைக்கும் பொருள்களை தங்களின் அறிவு, ஆற்றல், வல்லமையை வைத்துக்கொண்டு வேறுமுறையில் வடிவமைப்பவர்கள். இவர்கள் மேலைநாடுகளில் வடிவமைக்கப்பட்ட பொருட்களை தங்களின் உள்ளூர் தேவைக்கு ஏற்றபடி உருமாற்றி வெளியிடுபவர்கள்.
(iii) காலம் கடத்தும் பழமைவாத தொழில்முனைவோர் :
பழமை தொழில் முனைவோர்கள் எதையும் புதிதாக புகுத்துவதில் தயக்கம் காட்டுபவர்கள். குறிப்பாக புதியது புகுத்தினால் இடர் வந்துவிடும் என அச்சம் கொள்பவர்கள். தொழில் சூழ்நிலைகள் மாறிவரும் போதிலும் மாறாத இவர்கள் மாற்றத்தை வேறு வழி இல்லாத நிலையில் ஏற்க தள்ளப்படுபவர்கள்.
(iv) மந்தமான தொழில் முனைவோர் (அ) ஆண் தேனி தொழில் முனைவோர் :
மந்தமான தொழில் முனைவோர்களும் பழமைவாத தொழில் முனைவோருக்கு நிகராக மாறுதல்களை ஏற்க விரும்பாதவர்கள். இவர்கள் யாரும் நுழைய விரும்பாத அல்லது பெரிய நிறுமங்களால் புறக்கணிக்கப்பட்ட ஒரு சிறிய சந்தையில் செயல்படுபவர்கள். அதாவது சிறிய குட்டையில் பெரிய மீனாக அரசாள்பவர்கள். அந்த சிறுசந்தையில் எவ்வித மாற்றமும் செய்யாமல் அப்படியே இயங்குபவர்கள்.

(i) ஒவ்வொரு மாற்றுமுறை ஆவணமும் மறுபயன் கருதி வரையப்பட்டது.
(ii) ஒவ்வொரு மாற்றுமுறை ஆவணமும் ஒப்புக் கொள்வதாகக் கருதப்படுகிறது.
(iii) அதில் குறிப்பிடப்பட்டிருக்கும் நாளில் அது எழுதப்பட்டது.
(iv) நியாயமான காலத்திற்குள் முதிர்வுக்கு முன்பாக ஏற்கப்பட்டதாக கருதப்படுகிறது.
(v) அதன் முதிர்வு தேதிக்கு முன்பே ஏற்கப்பட்டதாக கருதப்படுகிறது.
(vi) மாற்றுமுறை ஆவணம் காணாமல் போனாலும் முறைப்படி முத்திரையிடப்படுவதாக கருதப்படுகிறது.
(vii) இதனை வைத்திருப்பவர் முறைப்படி உடைமை பெற்றவராக கருதப்படுகிறார்.
(viii) மாற்றுமுறை ஆவணத்தில் மேலெழுதப்பட்டது என குறிப்பிடப்பட வேண்டும்.

நன்மைகள்
(அ) வெளி நாட்டு முதலீடுகள் அதிகரிப்பு: (Increase in Foreign Investment)
ஒரு நாடு வணிகத்தை தாராளமயமாக்குதலின் மூலமாக அதிக அளவில் வெளிநாடுகளிலிருந்து கவர்ச்சிகரமான முதலீடுகளை பெற முடிகின்றது. அம்முதலீடுகள் மூலமாக உள்நாட்டில் மூலதனத்தை பெருக்குவதோடு அதன் பொருளாதாரத்தை பன்மடங்கு பெருக்குவதற்கு உதவுகிறது. 
(ஆ) அந்நிய செலாவணி இருப்பு அதிகரிப்பு (Increase the Foreign Exchange Reserve)
வெளி நாட்டு முதலீட்டிற்கும் அந்நிய செலாவணிக்குமான கட்டுப்பாடுகளை தளர்த்தி மூலதனத்தை எளிதில் பெறுவதற்கு வழிவகை செய்துள்ளது.
(இ) நுகர்வு அதிகரிப்பு : (Increase in Consumption)
தாராளமயமாக்களினால் ஒரு நாட்டில் பயன்பாட்டிற்கு அதிக அளவிலான பொருட்கள் கிடைக்கவும் அதிக உற்பத்திக்கும் வழிவகை செய்கிறது.
(ஈ) விலைக்கட்டுப்பாடு : (Control Over Price)
ஏற்றுமதி இறக்குமதி தீர்வைகளை நீக்குவதால் நுகர்வோருக்கு குறைந்த விலைக்கு பொருட்கள் கிடைக்க வாய்ப்பு ஏற்பட்டுள்ளது. இந்நிலையில் தாராளமயமாக்கலினால் இறக்குமதி நாடுகளுக்கு நன்மை விளைவிக்கிறது.
(உ) வெளிநாட்டில் பெறும் கடன்களை குறைக்கிறது (Reduction in external borrowings)
தாராளமயமாக்கலின் மூலம் வெளி நாட்டுக் கடன்களை ஈர்ப்பதன் மூலம் வெளிநாட்டு வர்த்தகக் கடன்களை வாங்கும் வாய்ப்பு குறைகிறது.
குறைபாடுகள்:
(அ) வேலையின்மையை அதிகரித்தல் (Increase in Unemployment)
வர்த்தக தாராளமயமாக்கல் பெரும்பாலும் பொருளாதாரத்தின் சமநிலைக்கு வழிவகுப்பதால் சிறு தொழில்களில் சில வளர்ந்தும் சில சிறு தொழில்களில் சரிவும் ஏற்படுகிறது. இதனால் சில தொழிற்சாலைகள் மூடுகின்ற நிலையால் வேலையில்லா நிலை உருவாகிறது.
(ஆ) உள்நாட்டு தொழில் அலகுகளின் இழப்பு (Loss to Domestic Units)
தாராளமயமாக்கல் கோட்பாட்டில் குறைந்த நுழைவுக் கட்டுப்பாடுகளுடன் வெளிநாட்டு தொழில்கள் பல நாடுகளில் ஊடுருவ சாத்தியம் அதிகம் உள்ளது. இது உள்நாட்டு தொழில்களை அச்சுறுத்துவதுடன் மற்றும் போட்டியை தோற்றுவித்து உள்நாட்டு தொழிலை அடியோடு ஒழிக்கும் சதியாகவும் கருதப்படுகிறது.
(இ) அயல்நாடுகளை சார்ந்திருத்தலை பெருக்கும்:(Increased Dependence of Foreign Nation)
வர்த்தக தாராளமயமாக்கல் என்பது பலம் பொருந்திய பன்னாட்டு நிறுவனங்களிலிருந்து அதிக போட்டிகளை எதிர்கொள்ளும். அது சந்தையை தன் கட்டுபாட்டிற்கு கீழ் கொண்டுவரும் நிலையை உருவாக்க நேரிடலாம்.

1. இணையம்:
i. தொழில்நுட்ப வளர்ச்சியின் காரணமாக சந்தையிடுதல் இணையம் மூலம் செய்யப்படுகின்றது.
ii. பொருட்களை அல்லது சேவைகளை இணையம் வழியாக பரிமாற்றம் செய்யப்படுகிறது.
2. மின் மார்க்கெட்டிங் முறை:
மின் இணையம், மின்னஞ்சல், வயர்லெஸ் ஊடகம், மின் வலையமைப்பு மற்றும் மின்னணு வாடிக்கையாளர் மேலாண்மை முறை போன்ற டிஜிட்டல் தொழில் நுட்பங்களை பயன்படுத்தி சந்தையிடுதலின் நோக்கத்தை அடைய முடிகிறது.
3. மின்னணு வாடிக்கையாளர் மேலாண்மை:
வளரும் நவீன காலத்தில் வாடிக்கையாளரின் விருப்பங்களையும், தேவைகளையும் பூர்த்தி செய்வதற்கும், சந்தையிடுவதற்கும் இந்த மின்னணு மேலாண்மை உதவி புரிகின்றது.
4. சமூக தொழில்நுட்ப ஊடகங்கள் (Social Media's):
1. சமீப கால அபரிதமான தொழில்நுட்ப வளர்ச்சியில், சமூக ஊடகங்களாக திகழ்கின்ற யூடியூப், முகநூல், ட்விட்டர் போன்ற இதர முறைகள் மூலம் சந்தையிடுதல் விரிவாக்கம் செய்யப்படுகின்றது.
2. இது சந்தையிடுதலின் அபரிதமான வளர்ச்சிக்கும் வழிவகை செய்கிறது.
5. பல்நோக்கு அளவு சந்தையிடுதல்:
1. பல விநியோகஸ்தர்களை நிர்ணயம் செய்து சந்தையிடுதலின் முக்கிய நோக்கத்தை இதன் வாயிலாக அடையச் செய்தல்.
2. இதில் அமர்த்தப்பட்ட விநியோகஸ்தர்களை கீழ்நிலை விநியோகஸ்தர்கள் என்று அழைக்கப்படுகின்றனர்.
3. இதனால் சந்தையிடுதலின் பணி எளிமையாக நடைபெறுகின்றது.

வணிகத்தின் வெற்றி பரந்த சூழலுக்கு பொருந்தக்கூடிய தன்மையைச் சார்ந்து இருக்கிறது. ஏனென்றால், இவை கட்டுப்படுத்தமுடியாத காரணிகள் ஆகும். அவை வியாபாரத்திற்கான மகத்தான வாய்ப்புகளை வழங்குகின்றன. மேலும் வியாபாரத்திற்கு தீவிர அச்சுறுத்தல்களை ஏற்படுத்துகின்றன. பொது அல்லது பழமையான சூழல்கள் பின்வருமாறு
(1) பொருளாதாரச் சூழல்
(i) ஒரு நாட்டில் வணிகம் என்பது பொருளாதார அமைப்பு முறையின் அடிப்படையில் ஒருங்கிணைந்த பகுதியாகும்.
(ii) வணிக சுழற்சிகள் தவிர்க்க முடியாதவை. பரந்த சுற்றுச்சூழலின் பல காரணிகளிடையே தொடர்புடையவை.
(2) சமூக - கலாச்சாரச் சூழல்
வணிகம் சமூகத்தின் ஒரு அங்கமாகும். சமூக சூழலானது வணிகம் அமைந்துள்ள சமூகத்தின் மொத்தக் காரணிகளைக் குறிக்கிறது. சமுதாயத்தின் சமூக மற்றும் கலாச்சார சூழல் வணிகத்தினைப் பாதிக்கிறது.
(3) அரசியல் மற்றும் சட்டச் சூழல்
(i) ஒரு வணிகத்தை நடத்துவதற்குத் தேவையான கட்டமைப்பினை அரசியல் மற்றும் சட்டச் சூழலால் வழங்கப்படுகிறது.
(ii) ஒரு வணிகத்தின் வெற்றி என்பது அரசியல் மற்றும் சட்ட மாற்றங்களுக்கு ஏற்ப மாற்றித் தக்கவைத்துக் கொள்வதற்கான அதன் திறனில் உள்ளது.
(4) புவியியல் சார்ந்தச் சூழல்
இயற்கை வளங்கள் மற்றும் கனிம வளங்கள் போன்றவை வணிகத்தை தாங்கி நிற்கின்றன. 
(5) தொழில்நுட்பம் சார்ந்தச் சூழல்
(i) கடந்த காலங்களில் தொழில் நுட்பத்தின் விரைவான வளர்ச்சி அனைத்து வியாபாரத்திலும் பெரும் தாக்கத்தை ஏற்படுத்தியுள்ளது.
(ii) தகவல் தொழில்நுட்பம் மற்றும் தொலைத்தொடர்பின் வளர்ச்சி உலகளாவிய சந்தையை உருவாக்கியுள்ளது. எனவே போட்டியைத் தக்கவைத்துக்கொள்ள தொழில்நுட்பத்தை பயன்படுத்தி நுகர்வோரின் சிறப்புத் தேவைகளை சந்தை ஆராய்ச்சியின் மூலம் கண்டறிய முடிகிறது. 
(6) உலகளாவிய சூழல்
தொழில்நுட்பத்தின் விரைவான வளர்ச்சியுடன் வர்த்தக எல்லைகள் வேகமாக மறைந்து புதிய உலகளாவிய சந்தை வளர்ந்து வருகிறது. 

(i) நோக்கத்திற்காக வணிக நுகர்வோர் பாதுகாப்பு அமைப்பு ஆணையம் என்ற பெயரில் துவங்கப்பட்டு வெற்றிகரமாக செயல்பட்டு வருகிறது.
(ii) இந்த அமைப்பு நுகர்வோர் குறைபாட்டு தீர்ப்பாணையம் என அழைக்கப்படுகிறது. 
அதிகாரம்
(i) மாநில மன்றம் விசாரித்த புகார்கள் அல்லது தன்வசம் விசாரணையில் உள்ள புகார்கள் தொடர்பான ஆவணங்களை கேட்டு பெற்று ஆழ்ந்த விசாரணை செய்து தீர்ப்பு வழங்கும் அதிகாரம் பெற்றுள்ளது.
(ii) கணக்கு ஏடுகள் ஆவணங்கள் மற்றும் பொருட்களை மாநில நுகர்வோர் தன்வசம் வைத்துக்கொள்ளவும் அல்லது மேற்கூறிய இந்த ஆவணங்களை குறைதீர்ப்பு முகமத்தில் பணிபுரியும் அலுவலர்கள் பார்வைக்கோ அல்லது ஆய்வுக்கோ வழங்க அதிகாரம் பெற்றுள்ளது.
(iii) மேற்கூறிய முகமையின் அதிகாரிகளுக்கு சட்டத்தின் நோக்கத்திற்காக தேவைப்படும் தகவல்களை வழங்கும் அதிகாரம்.

1. உடல்நல பாதுகாப்பு உரிமை மற்றும் பாதுகாப்பிற்கான உரிமை :
(i) சில தயாரிப்பு பொருட்கள் நுகர்வோரின் உடல்நலம், சொத்துக்கள் மற்றும் வாழ்வு முறையில் அபாயத்தை ஏற்படுத்தக் கூடியதாக இருக்கலாம்.
(ii) இன்றைய சூழலில் சட்டத்திற்கு புறம்பான மற்றும் பாதுகாப்பில்லாத பொருட்களை தயாரிப்பதோ அல்லது விற்பனை செய்யவோ கூடாது என்ற கடமை விற்பனையாளருக்கும் மற்றும் உற்பத்தி செய்வோருக்கும் உள்ளது.
2. தகவல் பெறும் உரிமை :
பொருட்களை வாங்கும் பொழுது நுகர்வோர் அதன் பெயர், கலவை, பயன்படுத்தும் அளவு, உற்பத்தி மற்றும் காலாவதியாகும் நாள், தயாரிப்பு பிரிவு மற்றும் எச்சரிக்கை பற்றிய அனைத்து தகவல்களையும் கேட்டுப் பெற வேண்டும்.
3. தேர்ந்தெடுக்கும் உரிமை :
(i) தேர்வு என்பது பரந்த வழிகளில் தரம், வியாபாரக் குறியீடு, நியாயமான விலை போன்றவற்றின் அடிப்படையில் பொருட்களை தேர்ந்தெடுப்பதாகும்.
(ii) ஒரு திறமையான விற்பனையாளர் நுகர்வோரை மன நிறைவு கொள்ள பரவலான பொருட்களின் தேர்வினை கருதுகிறார்.
4. செவிமடுக்கும் உரிமை :
(i) வணிக நிறுவனங்கள் நுகர்வோரின் புகார்கள் மற்றும் குறைகளை திறந்த மனதுடனும், கருணை மனப்பான்மையுடனும் செவிமடுக்க வேண்டும்.
(ii) அனைத்து நிறுவனங்களும் நுகர்வோரின் குறைகளைக் கண்டறிய தனியான துறை அல்லது பகுதி அல்லது பிரிவை ஏற்படுத்த வேண்டும்.
5. நிவாரணம் காணும் உரிமை :
ஒரு குறிப்பிட்ட கால இடைவெளியில் உண்மையான கூற்றுகளுக்கு நியாயமான மற்றும்  உறுதியான தீர்வு கிடைக்கும் என்ற நம்பிக்கையை வணிக நிறுவனங்கள் ஏற்படுத்த வேண்டும்.
6. நுகர்வோர் கல்வி உரிமை :
(i) பல நுகர்வோர் அமைப்புகள் மற்றும் சில சிறப்பு பெற்ற தொழில்கள் நுகர்வோர் கல்வியினை வழங்குகின்றன.
(ii) இதன் மூலம் நுகர்வோர் வாழ்நாள் முழுவதும் தன்னுடைய உரிமையைப் பற்றி அறிந்தவராக இருக்கிறார்.
7. வாழ்க்கை தர உரிமை :
(i) வணிக நிறுவனங்கள் மனித வர்க்கத்திற்கான சமூகப் பொறுப்புடன் உற்பத்தி மற்றும் வெளியீடு செய்ய வேண்டும்.
(ii) உற்பத்தியாளர்கள் தங்கள் உற்பத்தி கழிவுகள் மற்றும் கழிவுநீரை வெளியேற்றும்பொழுது அவை சுற்றுச் சூழல் மற்றும் மனிதர்களைப்  பாதிக்காவண்ணம் இருக்க வேண்டும்.
8. நுகர்வோர் பாதுகாப்பு உரிமை :
(i) நுகர்வோர் தனது பட்டறிவுடன், ஐ.எஸ்.ஐ (ISI) குறியீடு உள்ள உபகரணங்களை பயன்படுத்த வேண்டும்.
(ii) இதன் மூலம் நுகர்வோர்களுக்கு தரமான பொருட்களை மட்டுமே தயாரிக்க வேண்டும் என்ற எண்ணத்தை ஏற்படுத்த வேண்டும்.
9. அடிப்படை தேவைகளுக்கான உரிமை :
(i) ஒவ்வொரு நுகர்வோருக்கும் அடிப்படை தேவைகளான உணவு, உடை மற்றும் சுத்தமான நீர், ஆரோக்கியமான சூழலை பெற உரிமை உண்டு.
(ii) இது புதிதாக சேர்க்கப்பட்ட நுகர்வோர் உரிமையாகும்.
(iii) இவை மனித வாழ்க்கையின் தரத்தை மேம்படுத்துகிறது.

1. நுகர்வோரை வணிகத்தின் மன்னராக கருதப்பட்டாலும் அவர்களுடைய நலன்கள் ஏறத்தாழ புறக்கணிக்கப்படுகின்றன.
2. பொருட்களின் பற்றாக்குறை, கிடைத்ததை மட்டுமே பெற்றுக்கொள்ள வேண்டிய நிலைக்கு நுகர்வோரை தள்ளி விடுகின்றது.
3. பொருட்களின் தரம் விட்டுக்கொடுக்கப்படுகிறது. உத்திரவாதம் அர்த்தமற்றதாகிறது. நுகர்வோருக்கு ஏற்படும் உடல்நல பாதிப்பு கண்டுகொள்ளப்படுவதில்லை.
4. வணிக நிறுவனங்களுக்கு கொள்ளை இலாபம் ஈட்டுதல் எனும் ஒற்றை நோக்கம் மட்டுமே மிக முக்கியமானதாக மாறி இருக்கிறது.
5. எனவே இத்தகைய சூழலில் நுகர்வோர் பாதுகாப்பு மிகவும் அவசியமான ஒன்றாகும். 

அ. சமுதாயத்திற்கு:
1. சந்தையிடுகையானது உற்பத்தியாளர் மற்றும் நுகர்வோரை இணைக்கும் ஒரு தொடர் சங்கிலியாக செயல்படுகிறது.
2. சந்தையிடுகை மக்களின் வாழ்க்கைத் தரத்தை உயர்த்த உதவிபுரிகிறது.
3. சந்தையிடுகை நாட்டின் வருமானத்தை உயர்த்த வழிவகை செய்கிறது.
4. சந்தையிடுகை வேலை வாய்ப்புகளை அதிகரிக்க உதவுகிறது.
5. சந்தையிடுகை நவீன சாகுபடி உற்பத்திக்கு வழிவகை செய்கிறது.
6. சந்தையிடுகையானது பண்டங்கள் மற்றும் பணிகள் உபரியாக உள்ள பகுதியிலிருந்து பற்றாக்குறை உள்ள பகுதிகளுக்கு சிறந்த போக்குவரத்தின் மூலம் கொண்டு சென்று ஏற்றத்தாழ்வு நிலையை சரிசெய்கிறது.
7. பின்தங்கிய மற்றும் வளர்ந்து வரும் நாட்டின் பொருளாதாரம் ஸ்திரத்தன்மை மற்றும் விரைந்து மேம்பாடு அடைய வழிவகை செய்கிறது.
8. சந்தையிடுகையானது உடமைகள், அமைப்பு, காலம் மற்றும் நேரம் போன்றவற்றை முறையாக பயன்படுத்துவதற்கு உதவிபுரிகிறது.
9. சந்தையிடுகை தேவையற்ற செலவினைக் குறைத்து நேரடியாக சமுதாயத்திற்கு பயன்படும் வகையில் செயல்படுகிறது.
10. பண்டங்களின் மதிப்பை உயர்த்துவதோடு உரிமை மாற்றம் மேற்கொண்டு நுகர்வின் காலம் மற்றும் நேரத்திலும் மாற்றம் செய்கிறது.
ஆ. தனி நிறுவனத்திற்கு:
1. அமைப்பின் வருமானத்தை அதிகரிக்கச் செய்கிறது.
2. அமைப்பின் சந்தையிடுகை பிரிவானது மேலாண்மை உற்பத்தி சார்ந்த அனைத்து வகையான தீர்மானங்களை மேற்கொள்வதற்கு வள ஆதாரமாக விளங்குகிறது.
3. சந்தையிடுகை மற்றும் புத்தாக்கம் ஆகிய இரண்டும் அனைத்து தொழிலுக்கும் அடிப்படை பணியாக விளங்குவதோடு ஒரு சக்தி வாய்ந்ததாகவும் செயல்படுகிறது.
4. தொழில் மேம்பாடு அடைய வழிவகை செய்வதோடு மக்களுக்கு வேலை வாய்ப்பினை ஏற்படுத்துகிறது.

1. சந்தையில் ஒரு பொருள் என்னதான் தரமுடையதாக இருந்தாலும், விலையில் சாதக நிலை இருந்தாலும், நுகர்வோர் மத்தியில் பொருளின் சிறப்பு இயல்புகள் மற்றும் பயன்பாடு குறித்து தெரியப்படுத்தாத நிலையில் அப்பொருள் நிர்ணயித்த வெற்றியை ஒருபோதும் அடைய இயலாது.
2. எனவே மேம்பாடு நடவடிக்கைகள் மிகவும் அவசியமான ஒன்றாகும்.
3. மேம்பாடு நடவடிக்கையில், விளம்பரம் அதிக பங்கு வகிக்கிறது.
4. விளம்பரம் தற்போதைய சூழலில் இணையதளம், பேஸ்புக், வாட்ஸ்அப் மூலம் செய்யப்படும் போது விரைவில் நுகர்வோர்களை சென்றடையும்.
5. மேலும் பொருட்களின் சிறப்பியல்புகளை, நுகர்வோர்களின் கைபேசிகளுக்கு குறுஞ் செய்திகளாக அனுப்பி வைக்கலாம்.
6. குறிப்பிட்ட தொகைகளுக்கு மேல் பொருட்களை வாங்கும் வாடிக்கையாளர்களுக்கு சிறப்பு பரிசுகளை தந்து ஊக்குவிக்கலாம்.

(1) ஆரம்ப நேர்காணல் :
(i) விண்ணப்பதாரர்களின் குறிப்பிட்ட பணிக்கான பொருத்தப்பாட்டை அறிய ஆரம்ப நேர்காணல் நடத்தப்படுகிறது.
(ii) இது நேரம், பணிச்சுமை மற்றும் செலவை கட்டுப்படுத்த உதவுகிறது.
(2) வடிவமைக்கப்பட்ட நேர்காணல்
இது முன்கூட்டியே திட்டமிட்டு நடத்தப்படுகிறது. நேர்காணலில் கேட்கப்பட வேண்டிய கேள்விகள் முன் கூட்டியே தயாரிக்கப்பட்டு அதன் அடிப்படையில் நடத்தப்படுவது.
(3) வடிவமைக்கப்படாத நேர்காணல்
(i) இது கட்டமைக்கப்பட்ட நேர்காணலுக்கு நேர்மாறானது. சுதந்திரமான மற்றும் வெளிப்படையான பரஸ்பர கருத்துப் பரிமாற்றம் இருக்கும் வகையில் நேர்காணல் சூழல் இருக்க வேண்டும்.
(ii) இங்கு எதுவும் முன்கூட்டி திட்டமிடப்படுவதில்லை. நேர்காணலில் அப்போதிருக்கும் சூழல், மனநிலை போன்றவற்றின் அடிப்படையில் கேள்விகள் அமையும். கேள்விகள் முன்கூட்டி திட்டமிடப்படுவதில்லை.
(4) ஆழ்ந்த நேர்காணல்
(i) இதில் நேர்காணல் செய்யப்படுபவரின் துறை தொடர்பான ஆழமான, பரந்த அளவிலான அறிவு சோதனை செய்யப்படுகிறது.
(ii) அவர் துறையில் எந்த அளவு நிபுணத்துவம் மற்றும் நடைமுறை அறிவைப் பெற்றுள்ளார் என அறிய இத்தகைய நேர்காணல் செய்யப்படுகிறது.
(5) உயர்மட்ட குழு நேர்காணல்
(i) விண்ணப்பதாரரிடம் பலர் அடங்கிய ஒரு குழு நேர்காணல் செய்தால் அது உயர்மட்ட குழு நேர்காணல் ஆகும். பொதுவாக தலைமை பொறுப்பேற்பவர், சம்பந்தப்பட்ட துறையின் நிபுணர்கள் உளவியல் நிபுணர்கள், சிறுபான்மையினரின் பிரதிநிதிகள் இக்குழுவில் இடம் பெற்றிருப்பர்.இம்முறை சம்பந்தப்பட்ட துறையின் நிபுணர்கள், உளவியல் நிபுணர்கள், சிறுபான்மையினரின் பிரதிநிதிகள் இக்குழுவில் இடம் பெற்றிருப்பர்.

1. இணையதளம் மூலம் ஆட்சேர்ப்பிற்கான புதிய வழிகளை வடிவமைத்தல்.
2. பணி வாழ்க்கை சமநிலையை ஊக்குவிப்பதில் பங்கேற்றல்.
3. வேலைவாய்ப்பு அலுவலகங்களில் பதிவு செய்வதற்கான செயல்முறையை உருவாக்குதல்.
4. புதிய வேலைகள் மற்றும் புதிய வேலை வாய்ப்பினை அறிந்து கொள்ளல்.
5. பொதுத்துறை மற்றும் தனியார் துறை இரண்டிலும் ஏற்படும் வேலைவாய்ப்பினைப் பெறுவதற்கான வழிமுறைகளை தேர்ந்தெடுத்தல்.

1.  மனித சக்தி தேவையான அடையாளம் காணுதல் 
ஒரு நிறுவனத்தில் மனித வள தேவைகளைத் தீர்மானிப்பது என்பது மிகவும் முக்கியமான ஒரே முதலீட்டு முறையாகும்.
2. மாற்றங்களை இணைத்துக் கொள்ளல்.
மாற்றம் என்பது நிலையானது,மாற்றத்தை நிறுவனத்தில் திறன்பட அறிமுகப்படுத்த மனித வள மேலாண்மை ஒரு முகவராக செயல்பட வேண்டும்.
3.மனித சக்தியின் சரியான தேவையை உறுதி செய்தல் :
மனித வள மேலாண்மையின் மூலமாக நிறுவனத்தில் திறன்பட அறிமுகப்படுத்தப்பட்ட மனித வள மேலாண்மை ஒரு முகவராக செயல்பட வேண்டும்.
4. சரியான வேலைக்கு சரியான நபரைத் தேர்ந்தெடுத்தல் :
(i) சரியான வேலைக்கு சரியான தகுதியுடைய நபர்களை மனித வள மேலாண்மை உறுதிப்படுத்துகிறது.
(ii) இதனால் நிறுவனத்தில் குறை தகுதி அல்லது மிகை தகுதி உடைய பணியாளர்கள் இல்லாத நிலை ஏற்படுகிறது.
5. திறன் மற்றும் அறிவை மேம்படுத்துதல் :
(i) பணியாளர்கள் திறன் மற்றும் அறிவு மேம்பாடு செயல்பாடுகளை நிர்வகிப்பதில் மனித வள மேலாண்மை முக்கியமாக செயல்படுகிறது.
(ii) பயிற்சி மற்றும் வளர்ச்சித் திட்டங்கள் மூலம் தொழில் சார்ந்த அறிவை பணியாளர்களுக்கு வழங்குகிறது.
6. பணியாளர்களின் செயல்திறனை மதிப்பிடுதல் :
(i) மனித வள மேலாண்மை நடவடிக்கைகள் மூலம் பணியாளர்களின் செயல்திறன்களை மதிப்பீடு செய்ய முடிகிறது.
(ii) இதனால் பணிபுரிவோரின் திறனை அதிகரிக்கவும், ஊக்கமளிக்கவும், பணியாளர்களின் செயல்திறனை அறியவும் முடிகிறது.
7. போட்டி நன்மைகளை மேம்படுத்துதல் :
நிறுவனங்கள் தகுதி வாய்ந்த மற்றும் போட்டிச் சூழலை எதிர்கொள்ளும் பணியாளர்களைக் கொண்டிருந்தால் மட்டுமே உலகளாவிய போட்டிச் சந்தையின் நன்மையைப் பெற முடியும்.
8. பணியாளர் அர்ப்பணிப்பைத் தீர்மானித்தல் :
(i) மனித வள மேலாண்மை நேர்காணல் அல்லது வினாத் தொகுப்பு வாயிலாக பணியாளர்களுக்கு அவர்களின் பணி அர்ப்பணிப்பு நிலையைத் தீர்மானிக்கிறது.
9. சமூகமயமாக்க வலியுறுத்தல் :
மனிதர்கள் சமூக விலங்குகளாக இருக்கிறார்கள். நிறுவனத்தில் அதிகபட்சமாக பங்களிப்பு செய்வதற்கு ஒத்த வயதுடையோர், துணை நிலையில் உள்ளோர் மற்றும் மேலாளர்களுடன் நல்ல உறவு வைத்திருப்பது உறுதி செய்ய வேண்டும்.
10. சாதகமான பணியாளர் மனப்பான்மையை வளர்ப்பதற்கு:
(i) மேலாண்மையைப் பற்றி பணியாளர்களின் மனப்பான்மை சாதகமாக இருக்கும் வகையில் நிறுவனங்கள் ஒரு நல்ல பணிச் சூழலை உருவாக்க விரும்புகிறது.
(ii) நிறுவனங்களில் ஆலோசனை மையம்,குறை தீர்க்கும் மையம் போன்றவற்றை ஏற்படுத்துவதன் மூலமாக இச்சூழலை அடையலாம். 

(i) போதுமான கல்வி மற்றும் வழிகாட்டல் மூலம் முதலீட்டாளர்களின் நலன்களை பாதுகாக்கிறது. 
(ii) பங்குச் சந்தைகளில் வியாபாரத்தை ஒழுங்குபடுத்துதல் மற்றும் கட்டுப்படுத்துதல். தரகர்கள் மற்றும் துணை தரகர்கள் ஆகியோர் நிதிச்சந்தையில் பதிவு செய்வது கட்டாயமாக்கப்பட்டுள்ளது. பங்கு பரிவர்த்தனை விசாரணைகள், இடைத்தரகர்கள் மற்றும் தன்னியக்க ஒழுங்குபடுத்தும் அமைப்புகளை ஆய்வு செய்தல் மற்றும் தேவையான நடவடிக்கைகளை செபி எடுக்கிறது.
(iii) பத்திரங்களில் உள்வழி வர்த்தகத்தை தடை செய்கிறது.
(iv) பங்குச் சந்தைகளில் செயல்படும் நிதி இடைத்தரகர்களால் மேற்கொள்ளப்படும் நிதி மோசடி மற்றும் நியாயமற்ற முறைகளை தடை செய்கிறது.
(v) நிதி இடைத்தரகர்களுக்கு பொருத்தமான பயிற்சி அளித்தல், பங்குச் சந்தையில் ஆரோக்கியமான சூழலுக்கு மிகவும் முக்கியமானது. மேலும், முதலீட்டாளர்களின் பாதுகாப்பையும் உறுதி செய்கிறது.
(vi) சட்டத்தின் நோக்கத்தை நிறைவேற்றுவதற்கான கட்டணம் வசூலித்தல் அல்லது சட்டத்தின் நோக்கம் நிறைவேற்றுவதற்கான வேறு எந்த வகை கட்டணம் வசூலித்தலும் இதில் அடங்கும்.
(vii) இந்திய மத்திய அரசாங்கத்தால் வழங்கப்படும் செயல்பாடுகளை செயல்படுத்துதல்.
(viii) இடைத்தரகர்களின் சுய ஒழுங்குமுறை அமைப்பை ஊக்குவித்தல்.
(ix) இது விரிவான சட்ட அதிகாரங்களை கொண்டுள்ளது.

பங்குச் சந்தையின் பல்வேறு குணாதிசயங்கள் கீழே விளக்கப்பட்டுள்ளன:
(1) பத்திரங்களுக்கான சந்தை (Market for Securities)
பங்கு பரிவர்த்தனை என்பது ஒரு சந்தை, இது பெருநிறுவனங்கள், அரசு மற்றும் அரசுக்கு இணையான நிறுவனங்கள் ஆகியவற்றின் பத்திரங்கள் வாங்கப்பட்டு விற்பனை செய்யப்படுகின்றன.
(2) மறுவிற்பனை பத்திரங்களுக்கான சந்தை (Deals in Second Hand Securities)
(i) நிறுவனங்களால் ஏற்கனவே வெளியிடப்பட்ட பங்குகள், கடனீட்டு பத்திரங்கள் மற்றும் பத்திரங்கள் விற்பனையில் இது ஈடுபடுகிறது.
(ii) கருத்துக்கூறின் இது ஏற்கனவே வெளியிடப்பட்ட அல்லது மறுவிற்பனை பத்திரங்களைக் கையாளுகிறது.
(3) தனிநபர்களின் அமைப்பு (Association of Persons)
ஒரு பங்கு மாற்றகம் என்பது தனிநபர்களின் அல்லது குழுக்களின் பதிவு செய்யப்பட்ட அல்லது பதிவு செய்யப்படாத அமைப்பாக இருக்கலாம்.
(4) மத்திய அரசின் அங்கீகாரம் (Recognition from Central Government)
பங்கு மாற்றகம் என்பது ஒழுங்கு முறைப்படுத்தப்பட்ட சந்தையாகும். அரசின் அங்கீகாரம் இதற்கு தேவைப்படுகிறது.
(5) விதிகளின்படி செயல்படுதல் (Working as per Rules)
(i) பங்குச் சந்தையில் பங்குகளை வாங்குதல் மற்றும் விற்பனை செய்தல் ஆகியவை பங்கு மாற்றகம் மற்றும் SEBI வழிகாட்டுதலின் படி அவை கொண்டுள்ள விதிகள் மற்றும் ஒழுங்குமுறைகளால் நிர்வகிக்கப்படுகின்றன.
(ii) எந்த சூழலிலும் விதிகள் மற்றும் வழிகாட்டுதல்களிலிருந்து எந்தவொரு விலகலும் அனுமதிக்கப்படவில்லை.
(6) பத்திர வர்த்தகத்தை ஒழுங்குபடுத்துதல்: பங்கு மாற்றகம் அதன் சொந்த கணக்கில் எந்தப் பத்திரங்களையும் வாங்குவதோ விற்பதோ இல்லை. பத்திர வர்த்தகத்தில் ஈடுபட்டிருக்கும் பங்கு மாற்றக உறுப்பினர்கள் மற்றும் தரகர்கள் ஆகியோர் பத்திரங்களை வர்த்தகம் செய்வதற்கு தேவையான உள்கட்டமைப்பு மற்றும் வசதிகளை அது வழங்குகிறது.
(7) பட்டியலிடப்பட்ட பத்திரங்களில் மட்டும் வணிக நடவடிக்கைகள் மேற்கொள்ள அனுமதியளித்தல் : உண்மையில் பங்கு மாற்றகம் அனுமதி பட்டியலில் இடம் பெற்றிருக்கும் பத்திரங்களை மட்டுமே வாங்கி விற்க அனுமதிக்கிறது. பங்கு பரிவர்த்தனைகளின் பட்டியலில் காணப்படாத பத்திரங்கள் பட்டியலிடப்படாத பத்திரங்கள் என்று அழைக்கப்படுகின்றன.
(8) உறுப்பினர்களால் மட்டும் மேற்கொள்ளப்படும் நடவடிக்கைகள் (Transactions Effected only through Members) :
பங்கு மாற்றகத்தில் மேற்கொள்ளப்படும் அனைத்து வகை பத்திர நடவடிக்கைகளும் அதன் அங்கீகரிக்கப்பட்ட தரகர்கள் மற்றும் உறுப்பினர்கள் மூலமாக மட்டுமே செயல்படுத்தப்படுகின்றன. பங்குச் சந்தையில் வெளிநபர்கள் அல்லது நேரடி முதலீட்டாளர்கள் பங்கு வர்த்தக நடவடிக்கைகளில் ஈடுபட அனுமதியில்லை.

1. கருவூல இரசீதுகள்:
(i) அரசாங்கத்தால் வெளியிடப்பட்ட கருவூல இரசீதுகள் தற்போது மிகவும் பிரபலமாக உள்ள வணிக மற்றும் அதிகளவு நீர்மைத் தன்மை கொண்ட ஆவணங்களாகும்.
(ii) கருவூல இரசீதுகள் என்பது குறிப்பிட்ட காலக் கெடுவுடன் கூடிய கடன் உறுதிப் பத்திரம்.
(iii) இதன் காலம் ஒரு வருடத்திற்கு மேல் இருக்காது.
i) 91 நாட்கள் கருவூல இரசீதுகள்:
91 நாட்கள் கருவூல இரசீதுகள் ஒரு நிலையான 4 சதவீத தள்ளுபடி விகிதத்தில் ஏலத்தின் மூலம் வெளியிடப்படுகின்றன.
ii) 182 நாட்கள் கருவூல இரசீதுகள்:
இந்திய ரிசர்வ் வங்கி, 182 நாட்கள் கருவூல இரசீதுகளை ஒரு வாரம் முழுவதும் வடிகட்டும் அடிப்படையில் வெளியிடுகிறது.
iii) 364 நாட்கள் கருவூல இரசீதுகள்:
(i) இது எவ்வித நிலையான விகிதமும் கொண்டு செயல்படுவதில்லை.
(ii) இந்த தள்ளுபடி விகிதம் அதிகார அமைப்பின் இசைவினைப் பெற்று பங்கேற்பாளர்களுக்கு ஏலத்தில் தெரிவிக்கப்படுகிறது.
2. வைப்பு சான்றிதழ்கள்:
(i) வைப்பு சான்றிதழ்கள் வங்கிகள் மற்றும் நிதி நிறுவனங்களால் வழங்கப்படும் குறுகிய கால வைப்பு ஆவணங்களாகும்.
(ii) வங்கிகளும், நிதி நிறுவனங்களும் தங்களது நிதி ஆதாரங்களை உயர்த்திக் கொள்வதற்காக வெளியிடுகின்றன.
(iii) வைப்பு சான்றிதழ்கள் எளிதில் மாற்றக்கூடிய இயல்புடையதாகவும், விரைவாக சந்தைப்படுத்தக் கூடியதாகவும், குறிப்பிட்ட முகமதிப்பு மற்றும் முதிர்வுத் தொகை ஆகியவற்றைக் கொண்டிருக்கும்.
(iv) இது மாற்றுமுறை ஆவண வைப்புச் சான்றிதழ் என்றும் அழைக்கப்படுகிறது.
3. வணிக இரசீதுகள்:
(i) பொருட்களின் விற்பனையாளர்கள் மூலம் பொருட்களை வாங்குபவர் மீது எழுதி தயாரிக்கப்படும் ஒரு ஆவணமே வணிக இரசீது ஆகும்.
(ii) வணிக இரசீது சுய நீர்மை தன்மை, இரு நபர்களுக்கிடையிலான பரிமாற்றம், நடவடிக்கையின் சரியான தேதியை தெரிந்து கொள்ளும் தன்மை, நடவடிக்கை குறித்த வெளிப்படைத் தன்மை போன்ற நன்மைகளைக் கொண்டது.
i) தேவை மற்றும் பண்பாட்டு இரசீதுகள்:
(i) தேவை இரசீது என்பது பணம் செலுத்துவதற்கான தேதி எதுவும் குறிப்பிடப்படாத இரசீது ஆகும்.
(ii) தேவை இரசீது என்பது இந்த இரசீதை வைத்திருப்பவர் தனக்கு எப்பொழுது பணம் தேவைப்படுகிறதோ அப்போது இந்த இரசீதுக்கு பணம் பெற்றுக் கொள்ளலாம்.
ii) தூய்மை இரசீது மற்றும் ஆவண இரசீதுகள்:
(i) பொருட்களின் உரிமை ஆவணம் மூலம் இணைக்கப்பட்ட இரசீதுகள் ஆவண இரசீதுகள் எனப்படும்.
(ii) எந்த ஒரு ஆவணமும் எழுதி இணைக்கப்படாத இரசீதுகள் தூய்மை இரசீதுகள் ஆகும்.
iii) உள்நாட்டு மற்றும் அயல்நாட்டு இரசீதுகள்:
(i) இந்தியாவில் எழுதப்பட்ட மற்றும் செலுத்த வேண்டிய இரசீதுகள் உள்நாட்டு இரசீதுகள் எனப்படும்.
(ii) இந்தியாவிற்கு வெளியே எழுதப்பட்டு இந்தியாவிலோ அல்லது அயல்நாட்டிலோ செலுத்தப்படும் இரசீதுகளை அயல்நாட்டு இரசீதுகள் என்றழைக்கப்படும்.
iv) தனித்துவமான இரசீதுகள்:
வரைதல் மற்றும் ஏற்றுக் கொள்ளல் உள்ளூர் வழக்கப்படி அல்லது வர்த்தகப் பயன்பாட்டின் மூலம் நிர்வகிக்கப்படுவதை குறிக்கும்.
v) இருப்பிட மற்றும் வழங்கள் இரசீதுகள்:
உண்மையான வியாபார நடவடிக்கைகள் அல்லாமல் உருவாக்கப்படும் இரசீதுகளை இருப்பிட மற்றும் வழங்கள் இரசீதுகள் என்று அழைக்கப்படுகின்றன. 

அ) பத்திரங்களின் சந்தை:
பங்குகள், கடனுறுதிப் பத்திரங்கள் போன்ற பத்திரங்கள் மூலதனச் சந்தையில் கையாளப்படுவதால் இது பத்திரங்களின் சந்தை என அழைக்கப்படுகிறது.
ஆ) விலை:
பத்திரங்களின் விலை மூலதனச் சந்தையில் பத்திரங்களின் தேவை மற்றும் அளிப்பை பொறுத்து தீர்மானிக்கப்படுகிறது.
இ) பங்கேற்பாளர்கள்:
மூலதனச் சந்தையின் ஈடுபடுபவர்கள் தனிநபர்கள், நிறுமங்கள், அரசு வங்கிகள், மற்றும் இதர நிதி நிறுவனங்கள் போன்றவர்கள் ஆவார்.
ஈ) இட அமைவு:
மூலதனச் சந்தைக்கான இடம் ஒரு குறிப்பிட்ட எல்லைக்குட்பட்டதில்லை, என்றாலும் பங்கு மாற்றகம் போன்ற நன்கு தெரிந்த இடமாக இருத்தல் வேண்டும்.
உ) நிதி சார்ந்த சொத்துக்களின் சந்தை:
மூலதனச் சந்தை நீண்ட கால நிதி சார்ந்த சொத்துக்களுக்கான ஒரு மேடையை வழங்குகிறது. 

(அ) நிதி கோருதல் வகையின் அடிப்படையில் (On the Basis of Type of Financial Claim):
(i) கடன் சந்தை:
கடன் கருவிகளை வர்த்தகம் செய்வதற்கான நிதிச் சந்தை கடன் சந்தை ஆகும். அரசு பத்திரங்கள் (அ) பிணையங்கள், நிறுவன கடனீட்டு பத்திரங்கள் போன்றன.
(ii) நேர்மை பங்குச் சந்தை:
நிறுவன நேர்மை பங்குகளின் வணிகத்திற்கான நிதிச் சந்தை நேர்மை பங்குச் சந்தை ஆகும்.
(ஆ) நிதி கோருதலின் முதிர்வு அடிப்படையில் (On the Basis of Maturity of Financial Claim):
(i) பணச் சந்தை (Money Market):
குறுகிய கால, (ஓராண்டு அல்லது அதற்கு குறைவாக) நிதி கோருதலுக்கான நிதிச் சந்தை பணச் சந்தை ஆகும். எ.கா. கருவூலச் சீட்டுகள், வணிகத் தாட்கள், வைப்புச் சான்றிதழ்கள் ஆகியன.
(ii) மூலதனச் சந்தை (Capital Market):
நீண்ட கால (ஓராண்டுக்குமேல்) நிதி கோருதலுக்கான சந்தை மூலதன சந்தை ஆகும்.
எ.கா. பங்குகள், கடனீட்டுப் பத்திரங்கள் போன்றவை.
(இ) நிதி கோருதலின் வெளியீட்டுக் கால அடிப்படையில் (On the Basis of Time of Issue of Financial Claim):
(i) முதல் நிலைச் சந்தை (Primary Market):
முதன்முதலில் புதியதாக பத்திரங்களை வெளியிடும் சந்தை முதல் நிலைச்சந்தை எனப்படுகிறது. இதில் பணம் முதலீட்டாளர்களிடமிருந்து நேரடியாக நிறுவனங்களுக்குச் செல்கிறது.
(ii) இரண்டாம் நிலைச் சந்தை (Secondary Market):
ஏற்கனவே வெளியீடு செய்யப்பட்ட பங்குகளுக்கான சந்தை இரண்டாம் நிலைச் சந்தை ஆகும்.
இரண்டாம் நிலைச் சந்தையில் பங்கு மாற்றகம் ஒரு முக்கியமான நிறுவனம் ஆகும்.
(ஈ) நிதி கோருதலின் வழங்கலின் கால அடிப்படையில் (On the Basis of Timing of Delivery of Financial Claim):
(i) ரொக்கம் (அ) உடனடிச் சந்தை (Cash / Spot Market):
ஆவணங்களை வழங்கலும் ரொக்கம் பெறுதலும் உடனடியாக நடைபெறும் சந்தை உடனடிச் சந்தை ஆகும்.
(ii) முன்னோக்கிய (அ) எதிர்கால சந்தை (Forward or Futures Market):
சொத்து வழங்கலும் ரொக்கம் செலுத்தலும் முன்னரே தீர்மானிக்கப்பட்டு எதிர்காலத்தில் நடைபெறும் சந்தை எதிர்கால சந்தை ஆகும். 
(உ) நிதிச் சந்தை அமைப்பின் அடிப்படையில் (On the Basis of the Organizational Structure of this Financial Market):
(i) பரிமாற்றக வர்த்தகச் சந்தை (Exchange Traded Market):
ஒரே மாதிரியான ஒழுங்கு நடைமுறைகளை கொண்ட பங்கு மாற்றகம் பரிமாற்றக வர்த்தக சந்தை எனப்படுகிறது. இது ஒரு மையப்படுத்தப்பட்ட அமைப்பு.
(ii) எதிர்ச் சந்தை (Over the Counter Market):
வழக்கமான கொண்டு பங்கு மாற்றகத்தில் வெளியில் நடைபெறும் சந்தை எதிர்ச் சந்தை எனப்படுகிறது. இது ஒரு மையப்படுத்தப்படாத அமைப்பு

1. பெரும்பாலான செயல் நிர்வாகிகள் குறியிலக்கு மேலாண்மை என்பது என்ன? அது எவ்வாறு செயல்படுகிறது? அதன் தேவை? நன்மை? போன்ற கருத்துக்களில் குறியிலக்கு மேலாண்மை தனது தத்துவத்தை விளக்குவதில் தோல்வி அடைந்துள்ளது.
2. குறியிலக்கு மேலாண்மை என்பது அதிக நேரத்தை எடுத்துக்கொள்ளும்  ஒரு முறையாகும். மேலும் அதிக செலவு மற்றும் அதிகமான காகித வேலை தேவைப்படுகிறது.
3. குறியிலக்கு மேலாண்மை குறுகிய கால குறிக்கோள்களை மட்டுமே வலியுறுத்துகிறது. நீண்ட கால குறிக்கோள்களை கருத்தில் கொள்வதில்லை.
4. கீழ்நிலை ஊழியர்களின் நிலை தகுந்த குறிக்கோள் அமைப்பிற்கு அவசியமாகிறது. ஆனால், குறியிலக்கு மேலாண்மையின் செயல்முறையில் இது சாத்தியம் இல்லை.
5. குறியிலக்கு மேலாண்மை திடமான ஒன்றாகும். சூழ்நிலைக்கு ஏற்றவாறு மாற்றப்பட வேண்டிய குறிக்கோள்கள் மாற்றியமைக்கப்பட வேண்டும். அவ்வாறு செய்யவில்லை என்றால், திட்டமிட்ட முடிவுகளைப் பெற முடியாது.

மேலாண்மை பணிகளை இரண்டு பிரிவுகளாக வகைப்படுத்தலாம் அவை முக்கிய பணிகள் மற்றும் துணைப்பணிகள் ஆகும்.
முதன்மைப் பணிகள்:
(i) திட்டமிடுதல்: 
திட்டமிடுதல் என்பது மேலாண்மையின் செயல்பாடுகளில் முதன்மையானது ஆகும். திட்டமிடுதல் என்பது வருங்கால தேவைகளைப் பூர்த்தி செய்வதற்கான ஒரு ஆக்கபூர்வமான மதிப்பீடு ஆகும்.
(ii) அமைத்தல் :
பணியாளர்களுக்கு பணிகளை ஒப்படைவு செய்வதும் அப்பணிகளை நிறைவேற்றுவதற்கு போதிய அதிகாரங்களை வழங்குவதும் மேலும் அதனால் ஏற்படும் விளைவுகளுக்கு பணியாளரே பொறுப்பேற்க செய்வதும் அமைத்தல் பணி எனப்படுகிறது.
(iii) பணியமர்த்தல் :
பணியமர்த்தல் என்பது பணியாளர்களைத் தேர்வு செய்தல் மற்றும் திறமையான பணியாளர்களுக்கு பணியிடமளித்தல் செயல்பாடுகளை பணியமர்த்தல் உள்ளடக்கியுள்ளது.
(iv) இயக்குவித்தல் :
தற்போதைய இலக்குகளை சாதிக்கும் பொருட்டு தொடர்ச்சியான அடிப்படையில் செயலூக்கமளித்தல், முன்னணியிலிருத்தல், வழிகாட்டுதல் மற்றும் கீழ்நிலைப் பணியாளர்களுடன் தொடர்புபடுத்துதல் போன்றன இயக்குதலைக் குறிக்கிறது.
(v) கட்டுப்படுத்துதல் :
ஊக்க ஊதிய உயர்வு மற்றும் பதவி உயர்வு அளிக்கும் முடிவுகளை எடுப்பதற்கும் பணியாளர்களின் செயல்திறனை மதிப்பிடுவதற்கும் கட்டுப்படுத்துதல் செயல்பாடு பயன்படுகிறது.
(vi) ஒருங்கிணைத்தல் : 
ஒரு நிறுவனம் தனது குறிக்கோளை அடைவதற்கு பல்வேறு திறன்கள் கொண்ட பணியாளர்களை ஒருங்கிணைப்பது ஒருங்கிணைத்தல் எனப்படுகிறது. நிறுவனத்தின் ஒவ்வொரு மேலாண்மை பணிகளிலும் ஒருங்கிணைத்தல் பணி உள்ளடங்கியுள்ளது.
(vii) செயலூக்கமளித்தல் : 
செயலூக்கமளித்தல் மூலமே நிறுவனத்தின் நோக்கங்களை அடைய முடியும். ஒரு பணியை விரைவாக செய்து முடிப்பதையும், பணியாளர்களின் பணியின் மீதான விருப்பத்தை வளர்ப்பதையும் செயலூக்கமளித்தல் என்ற சொல் உள்ளடக்கியுள்ளது.
துணைப்பணிகள் :
(i) புதுமைப்படுத்துதல் :
வியாபார உலகில் செய்யப்படும் மாற்றங்களை எதிர்கொள்ள ஊழியர்களையும் அமைப்பையும் தயார் நிலைப்படுத்தும் செயல்பாடு புதுமைப்படுத்துதல் என்பதைக் குறிக்கிறது. வியாபாரத்தில் தொடர்ச்சியான மாற்றங்கள் செய்யப்படுகின்றன.
(ii) பிரதிநிதித்துவம் :
ஒரு மேலாளர் ஒரு நிறுவனத்தின் பிரதிநிதியாக செயல்பட வேண்டும். வாடிக்கையாளர்கள், பொருட்கள் மற்றும் சேவையை அளிப்பவர்கள். அரசாங்க அதிகாரிகள், வங்கிகள், நிதி நிறுவனங்கள், தொழிற்சங்கங்கள் மற்றும் இதைப் போன்றவர்களுடன் மேலாளர் தொடர்புடன் இருக்க வேண்டும்.
(iii) முடிவெடுத்தல் :
ஒரு அமைப்பின் ஒவ்வொரு பணியாளரும் பல்வேறு எண்ணிக்கையிலான முடிவுகளை ஒவ்வொரு நாளும் எடுக்கின்றனர்.ஒரு அமைப்பு இலகுவாக செயல்படுவதற்கு முடிவெடுத்தல் உதவுகிறது.
(iv) தகவல் தொடர்பு:
தொடர்பு என்பது மனித எண்ணங்களை, கண்ணோட்டங்களை அல்லது கருத்துக்களை ஒரு நபர் மற்றொரு நபருக்கு பரிமாற்றம் செய்வதைக் குறிக்கிறது.

1. மேலாண்மை என்பது ஒருங்கிணைத்தல்:
மனித வளம், இயந்திரங்கள், பொருட்கள், மற்றும் பணம் ஆகிய நான்கு வளங்களையும் அதன் செயல்பாடுகளையும் திறம்பட ஒருங்கிணைக்க வேண்டும்.
2. மேலாண்மை ஒரு செயல்முறை:
திட்டமிடல், ஒழுங்கமைத்தல், பணியமர்த்தல், இயக்குவித்தல் மற்றும் கட்டுப்படுத்துதல் ஆகியவற்றின் மூலம் வளங்களை திறம்பட ஒருங்கிணைத்தல்.
3. மேலாண்மை என்பது ஒரு திட்டமிட்ட செயல்முறை:
முன்கூட்டியே திட்டமிட்ட நோக்கங்களையும், குறிக்கோள்களையும் அடைவதற்காக இயக்கப்படுகிறது.
4. மேலாண்மை என்பது ஒரு சமூக செயல்பாடாகும்:
மற்றவர்கள் மூலம் குறிப்பிட்ட பொருளைப் பெறுவதற்கான கலை ஆகும்.
5. மேலாண்மை என்பது ஒரு சுழற்சியான செயல்முறை:
மேலாண்மை - திட்டமிடல் - செயல்பாடு - கட்டுப்படுத்தல் - மறுதிட்டமிடல் ஆகிய சுழற்சியை பிரதிபலிக்கிறது.