12 ஆம் வகுப்பு பொருளியல் பயிற்சி 5 மதிப்பெண் படைப்பு வினாக்கள் (புதிய பாடத்திட்டம்) 2020 - 12th Standard Economics Tamil Medium Model 5 Mark Creative Questions (New Syllabus 2020)

12ஆம் வகுப்பு Economics / பொருளியல் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Economics / பொருளியல் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

Generic 5

8 x 5 = 40

திடக்கழிவுகள் - வரையறு.

அயல்நாட்டு செலுத்து சமமின்மைக்கான காரணங்கள்:

உற்பத்தி முறையில் நாட்டு வருவாய் எவ்வாறு கணக்கிடப்படுகிறது என்பதை விவரி?

ரெப்போ விகிதம் மற்றும் மீள் ரெப்போ விகிதம் வேறுபாடு தருக?

கலப்பு பொருளாதார அமைப்பின் நன்மை தீமைகள் யாவை?

மாநில அரசின் வரி மூலங்கள் யாவை?

நேர்கோட்டு ஒட்டுறவு மாதிரியின் எடுகோள்கள் யாவை?

பொருளாதாரத் திட்டமிடலும் ஆதரவான கருத்துக்களை விவரி

Visit QB365-SLMS - https://www.qb365.in/slms/

Answers Key:

Generic 5

8 x 5 = 40

1. மனித நடவடிக்கைகளில் பயனில்லாத தேவையற்ற பொருட்களைக் கழிப்பதே "திடக்கழிவுகள்"ஆகும்.
2. அவை திடப் பொருட்களாகவோ அல்லது பகுதி திடப் பொருட்களாகவோ அல்லது திரவமாகவோ இருக்கும்.
எ.கா: i) வீட்டுக்கழிவுகள்,
ii) மருத்துவமனைக்கழிவுகள்
iii) கட்டுமானத்துறை கழிவுகள்
iv) விவசாயக் கழிவுகள்
v) தொழிற்சாலைக்கழிவுகள்.

1. சுழற்சியின் ஏற்ற இறக்கம்:
மந்த காலங்களில் பன்னாட்டு வாணிகம் வீழ்ச்சி அடைகிறது. செழிப்பான காலங்களில் வாணிகம் வளர்கிறது.
2. கட்டமைப்பு மாற்றங்கள்:
வளரும் நாடுகளில் பொருளாதார மேம்பாட்டுத் திட்டங்கள். அபரிமிதமான முதலீடு கட்டமைப்பை மாற்றி அமைத்து அயல்நாட்டு செலுத்து சமநிலையை உருவாக்குகிறது.
3. மேம்பாட்டுச் செலவு:
நாடுகள் வளர்ச்சியின் ஆரம்ப கட்டத்தில் ஏற்றுமதி வாய்ப்பு குறைவு. நாட்டம் அதிகம்.
4. மிகை நுகர்வுப் போக்கு:
ஆடம்பரப் பொருட்களின் மீது பேராசை அயல்நாட்டுச் செலுத்து நிலையில் பாதகமான விளைவுகளை உண்டாக்குகிறது.
5. வெளிக்காட்டும் விளைவு:
மற்றவர் வாங்கும் பொருட்களை தாமும் வாங்க வேண்டும் என்பது வெளிக்காட்டும் விளைவு.
6. வெளிநாட்டில் கடன் வாங்குதல்:
வாங்கும் ஆண்டில் அயல்நாட்டு செலுத்து நிலையில் உபரியும் வட்டியும் பற்றாக்குறை சமமின்மையை ஏற்படுத்தும்.

உற்பத்தி முறை என்பது ஒரு நாட்டின் மொத்த உற்பத்தியை கணக்கிடுவது ஆகும். இதனை சரக்கு முறை என்பர். ஒரு குறிப்பிட்ட ஆண்டில் விவசாயம், தொழில் வாணிபம் போன்ற துறைகளிலிருந்து கிடைக்கும் வருமானம் தேசிய வருமானம் ஆகும். இதனை கணக்கீடு செய்யும்போது ஒரு துறையின் வெளியீடு வேறு துறை உற்பத்தியின் உள்ளீடாக அமைய வாய்ப்புள்ளது. இதனை கணக்கில் எடுக்காவிடில் இரண்டு முறை கணக்கில் சேர்ந்து வரும்.
பண்ணை உற்பத்தியின் மதிப்பு கணக்கிடல்:
1. 64 வகை விவசாய பொருள்களின் மொத்த உற்பத்தி மதிப்பிடப்படுகிறது. இது ஒரு ஹெக்டேருக்கு சராசரி உற்பத்தியை கணக்கிட்டு பயிரிடப்பட்ட நிலப்பரப்பால் பெருக்கினால் உற்பத்தியின் அளவு கிடைக்கும்.
2. ஒவ்வொரு பொருளின் மொத்த உற்பத்தியும் சந்தை விலையால் மதிப்பிடப்படுகிறது.
3. எல்லா பயிர்களின் மொத்த உற்பத்தியை எடுத்துக் கொண்டு விவசாயத்துறையின் மொத்த உற்பத்தியின் மதிப்பு கணக்கிடப்படுகிறது.
4. விவசாய உற்பத்தியின் நிகர மதிப்பு கணக்கிடுவதற்கு மொத்த விவசாய உற்பத்தி மதிப்பிலிருந்து விதை, உரம், அங்காடி கட்டணம் சரி செய்தல் தேய்மானம் போன்றவற்றை கழிக்க வேண்டும்.
5. மேலும் மற்ற துறைகளான கால்நடை, காடுகள், மீன் வளர்ப்பு, சுரங்க தொழில், தொழிற்சாலை போன்றவற்றின் மொத்த உற்பத்தி மதிப்பீடு செய்யப்பட்டு அவற்றின் மொத்த மதிப்பு கணக்கிடப்படுகிறது.
இவை அனைத்தையும் ஒன்று கூட்டினால் நாட்டின் உற்பத்தி முறையில் தேசிய வருவாயை கணக்கிடலாம்.

	ரெப்போ விகிதம் (RR)	மீள் ரெப்போ விகிதம் (RRR)
1	வணிக வங்கிகளுக்கு மைய வங்கி குறுகிய கால கடன் வழங்கும்போது விதிக்கப்படும் வட்டி விகிதம் இது.	வணிக வங்கிகளிடமிருந்து வாங்கும் கடனுக்கான RBI கொடுக்க விரும்பும் வட்டி விகிதம் இது.
2	பணவீக்கத்தை கட்டுப்படுத்த ரெப்போ விகிதத்தை அதிகப்படுத்தப்படும்.	மீள் ரெப்போ விகிதத்தை உயர்த்தி பணவீக்கத்தை கட்டுப்படுத்தும்

கலப்பு பொருளாதார அமைப்பின் நன்மைகள்:
1. அதிவேக பொருளாதார வளர்ச்சி: இதன் சிறந்த தன்மை அதிவேக பொருளாதார வளர்ச்சியை ஊக்குவிப்பதாகும். பொது தேவைகளும் சிந்திக்கப்படுகின்றன
2. சமமான வளர்ச்சி: பொருளாதாரத்தில் சமநிலை வளர்ச்சியை கலப்புத்துவம் ஊக்குவிக்கிறது
3. வளங்களை சரியாக பயன்படுத்துதல்: அரசு பல்வேறு முக்கிய நடவடிக்கைகளை நேரடியாக கட்டுப்படுத்தும். மேலும் தனியார் துறையை மறைமுகமாக கட்டுப்படுத்தும்.
4. பொருளாதார சமத்துவம்: அரசு வருவாய் வரியை வளர்வீத முறையைப் பயன்படுத்தி பொருளாதார சமத்துவத்தைக் கொண்டு வருகிறது
5. சமூகத்திற்கு சிறப்பு நன்மைகள்: குறைந்தபட்ச கூலி, பகிர்வு முறை சட்டம், நியாய விலைக் கடைகள் ஆகியவற்றின் மூலம் சமூக நல நடவடிக்கைகளை உருவாக்குகிறது
கலப்பு பொருளாதார அமைப்பின் தீமைகள்:
1. ஒருங்கிணைப்பு இல்லாமை: கலப்புத்துவத்தின் மிகப்பெரிய குறைபாடு பொதுத்துறைக்கும், தனியார் துறைக்கும் ஒருங்கிணைப்பு இல்லாததாகும்.
2. போட்டி மனப்பான்மை: அரசு மற்றும் தனியார் துறைகள் இணைந்து செயலாற்ற வாய்ப்பு குறைவு. இவை இரண்டும் போட்டித் தன்மையுடைதான் செயல்படும்
3. திறமையின்மை: மந்தமான அதிகார முறை, சிவப்பு நாடா முறை, ஊக்கமின்மை ஆகியவை திறமையின்மை ஏற்பட வாய்ப்பு உண்டு.
4. தேசியமயமாக்கல் பற்றிய பயம்: தேசியமயமாக்குதல் என்ற பயம் தனியார் துறையின் வளர்ச்சியையும், புதிதாக்க முயற்சியையும் தடை செய்யும்
5. விரிவடையும் சமத்துவமின்மை: வளங்களின் உரிமை, பரம்பரை சட்டம், மக்களின் இலாப நோக்கம் ஆகியவை பணக்காரர், ஏழைகளிடையே இடைவெளியை விரிவடையச் செய்கின்றன

1. தல வரி
2. வேளாண் நிலங்கள் மீதான வரி
3. மது மற்றும் போதைப் பொருள்கள் மீதான கலால் வரி
4. பண்ணை வரி
5. நில வருவாய்
6. வேளாண் வருவாய் வரி
7. நிலம் மற்றும் கட்டிடங்கள் மீதான வரி
8. கனிம வளங்கள் எடுப்பதற்கான உரிமை வரி
9. மின்சார நுகர்வு மற்றும் உற்பத்தி வரி
10. சாலை சுங்க கட்டணம்
11. வாகன வரி
12. விலங்குகள் மற்றும் படகுகள் மீதான வரி
13. வியாபாரம் மற்றும் தொழிலாளர்கள் மீதான விற்பனை வரி
14. கேளிக்கை வரி
15. செய்தித்தாள் தவிர்த்த இதர பொருட்கள் மீதான விற்பனை வரி
16. செய்தித்தாள் தவிர இதர விளம்பரங்கள் மீதான வரி
17. சாலை மற்றும் நீர்வழி மார்க்கமாக எடுத்துச் செல்லும் பொருட்கள், மற்றும் பயணிகள் மீதான வரி
18. உள்ளூர் பகுதியில் நுகர்வு மற்றும் விற்பனை வரி.

நேர்கோட்டு ஒட்டுறவு மாதிரியின் எடுகோள்கள்:
1) மாதிரியில் கொடுக்கப்பட்டுள்ள சில மாறிகள் சம வாய்ப்பு மாறிகள்
2) சில மாதிரிகளில் U_i மற்றும் விளக்க மாறிகள் (X₁, X₂, X₃ ...) இடையேயுள்ள தொடர்பை விளக்கும்
மதிப்புகளின் பரவல் பற்றிய எடுகோள் சாதாரண குறைந்த வர்க்க முறையில் கூறப்பட்ட சமவாய்ப்பு மாறி எடுகோள்கள் ஆகும். விளக்க மாறிகளின் தொடர்பும் அவற்றிற்கு இடையிலான தொடர்பு பற்றியும் மற்ற எடுகோள்கள் குறிப்பிடுகின்றது
எடுகோள்கள்:
1. U என்பது சமவாய்ப்புள்ள உண்மையான மாறி. அதாவது U வின் மதிப்பு நேரிடையாகவோ எதிரிடையாகவோ அல்லது பூஜ்யமாகவோ இருக்கலாம். எனவே U வின் சராசரி மதிப்பு பூஜ்யமாகும்
2. விலக்க அளவை மதிப்பு U மாறிக்கு நிலையானதாக இருக்கும்
3. U மாறி சமசீர் பரவலை உடையது
4. இணை விலக்க அளவை மதிப்பு U_i மாறிக்கும் எந்த U_jமாறிக்கும் பூஜ்யமாகவே இருக்கும்
5. U மாறி விளக்க மாறிகளிலிருந்து தனித்து உள்ளது
6. விளக்க மாறிகளின் மதிப்புகள் பிழை இல்லாமல் அளவிடப்படுகின்றது.
7. விளக்க மாறிகள் முழுமையாக நேர்கோட்டுத் தொடர்பு உடையவை அல்ல
8. மாறிகளை அனைத்தும் சரியான முறையில் தொகுக்கப்பட வேண்டும்
9. தொடர்பு சரியாக, குறிப்பிட்டதாக இருக்க வேண்டும்
10. தொகுதி அளவுகள் நேர்கோட்டு முறையில் அமைக்கப்பட வேண்டும்

1. நாட்டுப் சந்தைகளின் இயக்கத்தை முடுக்கிவிடுதலும் உறுதியாக்குதலும்
பின்தங்கிய நாடுகளில் சந்தை சக்திகள் சரிவர இயங்காததற்கு அறியாமையும், பிரபலமும் இல்லாததே ஆகும். நாட்டில் பெரும்பாலான பகுதிகளில் பணமாற்ற பரிமாற்றம் நடைபெறுகிறது. பொருட்கள், உற்பத்திக் காரணிகள், பணம் மற்றும் மூலதன அங்காடிகள் அமைப்புமுறை ஆகியவை ஒழுங்குற அமைக்கப்படவில்லை. எனவே, திட்டமிட்ட பொருளாதாரமே அங்காடிப் பொருளாதாரத்திற்கு சிறந்த மாற்றமாக கருதப்படுகிறது
2. வேலையின்மை அகற்றுதல்:
மூலதன குறைவும், தொழிலாளர்களின் எண்ணிக்கை அதிகரிப்பும் ஏற்படுவதால் அதிகரித்து வரும் தொழிலாளர்களின் எண்ணிக்கைக்கு ஏற்ப வேலைவாய்ப்பை உருவாக்குவது அரசுகளுக்கு சவாலாக உள்ளது. பின்தங்கிய நாடுகளில் வேலையின்மை மற்றும் மறைமுக வேலையின்மை அகற்ற திட்டமிடுதல் அவசியமாகும்
3. சமமான முன்னேற்றம் ஏற்படுத்துதல்:
பின்தங்கிய நாடுகளில் வேளாண்மை, தொழில், சமூகக் கட்டமைப்பு, உள்நாட்டு மற்றும் பன்னாட்டு வணிகம் ஆகியத் துறைகளின் முன்னேற்றம் நாட்டின் பொருளாதார முன்னேற்றம் விரைவாக நடைபெற திட்டமிடல் தேவைப்படுகிறது.
1. வேளாண்துறை மற்றும் தொழில்துறை முன்னேற்றம்
2. கட்டமைப்பு முன்னேற்றம்
3. பண மற்றும் மூலதன அங்காடியின் முன்னேற்றம்
4. திட்டமிடல் வறுமையும் ஏற்றத்தாழ்வையும் குறைக்கும்:
திட்டமிடல் என்பது மட்டுமே பின்தங்கிய நாடுகள், நாட்டு வருமானம் மற்றும் தலா வருமானத்தை அதிகரிக்கவும், வறுமையும் ஏற்றத்தாழ்வுகளை குறைக்கவும் வேலைவாய்ப்பினை அதிகரிக்கவும் செய்கிறது