இறந்த கூட்டாளிக்குச் சேர வேண்டிய தொகையை அவரின் நிறைவேற்றாளர் அல்லது சட்டமுறை பிரதிநிதியிடம் மாற்றுவதற்கான பதிவு

நாள்	விவரம்	பே.ப.எண்	பற்று ரூ.	வரவு ரூ.
	இறந்த கூட்டாளியின் முதல் க/கு                    ப		XXX
	இறந்த கூட்டாளியின் நிறைவேற்றாளர் க/கு			XXX

(i) ஆதாய விகிதம் கணக்கிடுவதன் நோக்கம் விலகும் கூட்டாளிக்கு கொடுக்கப்படும் நற்பெயரை ஏற்றுக் கொள்வதாகும். ஆதாயப் பங்கு பின்வருமாறு கணக்கிடப்படுகிறது.
(ii) ஆதாயப்பங்கு = புதிய பங்கு - பழைய பங்கு
(iii) ஆதாய விகிதம் = தொடரும் கூட்டாளிகளுக்கு கிடைக்க பெற்ற ஆதாயத்தின் விகிதமாகும்.

(i) தொடரும் கூட்டாளிகள் விலகும் கூட்டாளியின் இலாபப் பங்கிலிருந்து ஒரு பகுதியை ஆதாயமாகப் பெறுகின்றனர்
(ii) அந்த ஆதாயம் அனைத்துக் கூட்டாளிகளினாலும் அல்லது ஒரு சில கூட்டாளிகளாலும் பிரித்துக் கொள்ளப்படும். ஆதாய விகிதம் என்பது தொடரும் கூட்டாளிகளும் கிடைக்கப்பெற்ற இலாபத்தின் விகிதாச்சாரம் ஆகும்.

தியாக விகிதம் என்பது பழைய கூட்டாளிகளின் தங்கள் இலாபத்தில் ஒரு விகிதத்தை புதிய கூட்டாளிக்கு ஆதரவாக தியாகம் செய்வது அல்லது விட்டுக் கொடுப்பது ஆகும். இந்த தியாக விகிதம் கணக்கிடுவதன் நோக்கம் புதிய கூட்டாளி கொண்டு வரும் நற்பெயரைப் பகிர்ந்து கொள்வதாகும்.
தியாகப் பங்கு = பழைய பங்கு - புதிய பங்கு
தியாக விகிதம் = பழைய கூட்டாளிகள் தியாகம் செய்த பங்கின் விகிதம்

1) நிலை அறிக்கை என்பது ஒரு குறிப்பிட்ட நாளுக்கான சொத்துகள் மற்றும் பொறுப்புகள் இருப்பைக்காட்டும் ஒரு அறிக்கை ஆகும்.
2) சொத்துக்களின் இருப்புகள் வலது பக்கமும் மற்றும் பொறுப்புகளின் இருப்புகள் இடது பக்கத்திலும் காண்பிக்கப்பெறும்.
3) மொத்தச் சொத்துகள் மற்றும் மொத்தப் பொறுப்புகளின் வேறுபாட்டுத் தொகை முதலாக எடுத்துக் கொள்ளப்படுகிறது.

1) கணக்கேடுகள், இரட்டைப் பதிவு முறையின் படி பராமரிக்கப்படாத போது அந்த பதிவேடுகள் முழுமைபெறா கணக்கியல் பதிவேடுகள் என்று அழைக்கப்படுகின்றன.
2) பொதுவாக, ரொக்கக் கணக்கு மற்றும் ஆள்சார் கணக்குகளான வாடிக்கையாளர் மற்றும் கடனீந்தோர் கணக்கு மட்டுமே முழுமையாகவும், பிற கணக்குகள் தேவைக்கேற்பவும் பராமரிக்கப்படுகின்றன.

1) நுழைவுக்கட்டணம் 
2) பொது நன்கொடைகள் 
3) பங்காதாயம் 
4) வாடகை பெற்றது.

1) ஆயுள் உறுப்பினர் கட்டணம் 
2) உயில்கொடை 
3) அறக்கட்டளை நிதி 
4) முதலீடுகள் விற்ற தொகை 

ஒரு இலாப நோக்கற்ற அமைப்புக்கு உயில் மூலமாக அளிக்கப்படும் பரிசு உயில்கொடை ஆகும். இது ஒரு முதலின வரவாகும்.

1) சில அமைப்புகள் இலாபம் ஈட்டும் நோக்கத்திற்காக அல்லாமல் பொதுமக்களுக்கு சேவை செய்யும் நோக்கத்திற்காகவும் தொடங்கப்படுகின்றன. அவை கலை, பண்பாடு, கல்வி மற்றும் விளையாட்டு போன்றவற்றை மேம்படுத்துவதற்காக உருவாக்கப்படுகின்றன. இந்த அமைப்புகள் இலாப நோக்கற்ற அமைப்புகள் என்று அழைக்கப்படுகின்றன.
2) அறக்கொடை நிறுவனங்கள், கல்வி நிறுவனங்கள், பண்பாட்டு மன்றங்கள், விளையாட்டு மற்றும் மனமகிழ் மன்றங்கள், மருத்துவமனைகள், நூலகங்கள் மற்றும் இலக்கிய அமைப்புகள் போன்றவை இலாப நோக்கற்ற அமைப்புகளுக்கு உதாரணங்கள் ஆகும்.

சாதாரண இலாப விகிதம் என்பது ஒரு தொழிலில் ஒரே தன்மையுடைய வியாபார நிறுவனங்கள் சாதாரண சூழ்நிலைகளில் ஈட்டும் இலாப விகிதம் எனப்படும்.

ஒரு வியாபாரத்தின் உயர் இலாபம் என்பது சாதாரண இலாபத்தை விட கூடுதலாக உள்ள சராசரி இலாபம் ஆகும்.
உள்ள இலாபம் = சராசரி இலாபம் - சாதாரண இலாபம்

(i) ஒரு தொழிலுக்கு நன்மையை தரக்கூடிய அத்தொழிலின் புகழ் அல்லது நன்மதிப்பு நற்பெயர் ஆகும். இது அத்தொழிலுக்கு அதிக இலாபம் ஈட்ட உதவுகிறது
(ii) இது எதிர்காலத்தில் நிறுவனம் மிகுதியாக ஈட்டக்கூடிய வருமானங்களில் தற்போதைய மதிப்பு ஆகும்

(i) நிலைமுதல் முறையில் கூட்டாளிகளின் முதல் மாறாமல் இருக்கும் மற்றும் பொதுவாக அதே தொகையாக நிலையானதாக இருக்கும்
(ii) ஒவ்வொரு கூட்டாளிக்கும் இரண்டு கணக்குகள் பராமரிக்கப்படவேண்டும் அதாவது (அ) முதல் கணக்கு மற்றும் (ஆ)  நடப்புக் கணக்கு.
(iii) தொடக்க முதல் கொண்டு வந்தது, கூடுதல் முதல் கொண்டு வந்தது மற்றும் முதல் நிரந்தரமாக திரும்ப எடுத்தது போன்றவை தொடர்பான நடவடிக்கைகள் முதல் கணக்கில் பதிவு செய்யப்படுகின்றன மற்ற அனைத்து நடவடிக்கைகளும் நடப்புக் கணக்கில் பதிவு செய்யப்படுகின்றன.

கூட்டாண்மை ஒப்பாவணம் என்பது கூட்டாளிகளுக்கிடையேயான உடன்படிக்கையின் விதிகளை உள்ளடக்கிய எழுத்து வடிவிலான ஒரு ஆவணம் ஆகும்

ஒரு கூட்டாளி நிறுவனத்தில் இருந்து விலகும் போது பின்வரும் சரிக்கட்டுதல்கள் அவசியமாகிறது.
(i) பகிர்ந்து தரா இலாபங்கள், காப்புகள் மற்றும் நட்டங்களைப் பகிர்ந்தளித்தல் அவசியமாகிறது.
(ii) சொத்துக்களையும் பொறுப்புகளையும் மறுமதிப்பீடு செய்தல்
(iii) புதிய விகிதம் மற்றும் தியாக விகிதம் ஆகியவற்றைத் தீர்மானித்தல்.
(iv) நற்பெயர் சரிக்கட்டுதல்
(v) கூட்டாளி விலகும் நாள் வரை உள்ள நடப்பு ஆண்டு இலாபம் அல்லது நட்டத்தை சரிக்கட்டுதல்
(vi) விலகும் கூட்டாளிக்கு செலுத்த வேண்டிய தொகையை செலுத்துதல்.

ஒரு புதிய கூட்டாளியை சேர்க்கும் போது பின்வரும் சரிக்கட்டுதல்கள் செய்ய வேண்டும்.
(i) பகிர்ந்து தரா இலாபம், காப்பு மற்றும் நட்டம் ஆகியவற்றை பகிர்ந்தளித்தல்
(ii) சொத்துக்களையும் பொறுப்புகளையும் மறுமதிப்பீடு செய்தல்.
(iii) புதிய இலாபவிகிதம் மற்றும் தியாகவிகிதத்தை நிர்ணயித்தல்.
(iv) நற்பெயர் சரிக்கட்டுதல்
(v) முதல் கணக்கை புதிய இலாபவிகிதத்தின் அடிப்படையில் சரிக்கட்டுதல் (ஒப்புக்கொண்டால்)

(i) நிறுவனத்தின் பெயர், தன்மை மற்றும் தொழில் செய்யும் இடம்
(ii) தொழில் தொடங்கிய நாள் மற்றும் தொழிலின் கால அளவு
(iii) அனைத்துக் கூட்டாளிகளின் பெயர் மற்றும் முகவரி
(iv) ஒவ்வொரு கூட்டாளியும் அளித்த முதல்
(v) இலாபப் பகிர்வு விகிதம்
(vi) முதல் மீது அனுமதிக்கப்படும் வட்டி வீதம்

கூட்டாண்மை நிறுவனத்திலிருந்து கூட்டாளி ஒருவர் விலகும் போது, நற்பெயர், பகிர்ந்து தரா இலாபம் அல்லது நட்டம், மறுமதிப்பீட்டு இலாபம் அல்லது நட்டம், கூட்டாளியின் ஊதியம் ஆகியவற்றை சரிக்கட்டிய பிறகு கிடைக்கக் கூடிய முதல் கணக்கின் இருப்பு அக்கூட்டாளிக்கு செலுத்தப்பட வேண்டும். கூட்டாண்மை ஒப்பாவணத்தில் குறிப்பிடப்பட்டுள்ளவாறு அவருக்கு சேர வேண்டிய தொகையைத் தீர்வு செய்ய வேண்டும்.
பின்வரும் வழிகளில் விலகும் கூட்டாளிக்கு செலுத்த வேண்டிய தொகை தீர்க்கப்படலாம்
(i) அவருக்கு சேரவேண்டிய முழுத் தொகையையும் ரொக்கமாக உடனடியாக செலுத்தலாம்
(ii) மொத்தத் தொகையையும் கூட்டாளியின் கடன் கணக்கிற்கு மாற்றிவிடலாம்.
(iii) பாதித் தொகையை உடனடியாக ரொக்கமாகவும் மீதித் தொகையை கடன் கணக்கிற்கு மாற்றிவிடலாம்

வ.
எண்: அடிப்படை தியாக விகிதம் ஆதாய விகிதம் 1. பொருள் இது புதிய கூட்டாளிக்கு, பழைய கூட்டாளிகள், தியாகம் செய்து கொடுக்கும் இலாபப் பங்கின் விகிதாச்சாரம் ஆகும் இது தொடரும் கூட்டாளிகள் விலகும் கூட்டாளியிடமிருந்து பெறும் ஆதாயப் பங்கின் விகிதாச்சாரம் ஆகும் 2. நோக்கம் இது தியாகம் செய்யும் கூட்டாளிகளுக்கு நற்பெயர் தொகையைச் சரிக்கட்டிக் கொள்வதை தீர்மானிப்பதற்காக கணக்கிடப்படுகிறது. இது ஆதாயம் பெறும் கூட்டாளிகளுக்கு நற்பெயர் தொகையை சரிக்கட்டிக் கொள்வதை தீர்மானிப்பதற்காகக் கணக்கிடப்படுகிறது 3. கணக்கிடும் காலம் இது புதிய கூட்டாளி சேர்ப்பின் போது கணக்கிடப்படுகிறது இது கூட்டாளி ஒருவர் விலகும் போது கணக்கிடப்படுகிறது. 4. கணக்கிடும் முறை இது பழைய இலாப விகிதத்திற்கும் உள்ள வேறுபாடு ஆகும்.
தியாக விகிதம் = பழைய இலாப விகிதம் - புதிய இலாப விகிதம் இது புதிய இலாப விகிதத்திற்கும் மற்றும் பழைய இலாப விகிதத்திற்கும் உள்ள வேறுபாடு ஆகும்.
ஆதாய விகிதம் = புதிய இலாப விகிதம் - பழைய இலாப விகிதம்

வ.எண்	வேறுபாட்டிற்கான அடிப்படை	நிலை அறிக்கை	இருப்புநிலைக் குறிப்பு
1	நோக்கம்	நிலை அறிக்கை பொதுவாக வியாபாரத்தின் முதலை கண்டறிய தயாரிக்கப்படுகிறது.	இருப்புநிலைக் குறிப்பு வியாபாரத்தின் நிதிநிலையைக் கண்டறிய தயாரிக்கப்படுகிறது.
2	கணக்கியல் முறை	இரட்டைப்பதிவு முறையை பின்பற்றவது கட்டாயமானதாக இல்லாத போது நிலை அறிக்கை தயாரிக்கப்படுகிறது.	கணக்குகள் இரட்டைப்பதிவு முறையில் பராமரிக்கப்படும் போது இருப்புநிலைக்குறிப்பு தயாரிக்கப்படுகிது.
3	தயாரிப்பின் அடிப்படை	இது முழுமையாக பேரேட்டுக் கணக்குகளை அடிப்டையாகக் கொண்டதல்ல. பேரேட்டுக் கணக்குகளின் இருப்புகள் முடிந்த இடங்களில் எடுத்துக் கொள்ளப்படுகின்றன.	இது முழுமையாக பேரேட்டுக் கணக்குகளின் அடிப்படையிலேயே தயாரிக்கப்படுகிறது.
4	நம்பகத்தன்மை	இது முழுமை பெறா பதிவேடுகளை அடிப்டையாகக் கொண்டுள்ளதால் நம்பகத்தன்மை உடையது அல்ல.	இது இரட்டைப்பதிவு முறையில் தயாரிக்கப்படுவதால் நம்பகத்தன்மை உடையது.
5	விடுபட்ட விவரங்கள்	ஏடுகள் முழுமையாக பராமரிக்கப்படாததால் விடுபட்ட விவரங்களைக் கண்டறிவது கடினம்.	அனைத்து நடவடிக்கைகளின் இரண்டு தன்மைகளும் பதியப்படுவதால் விடுபட்ட விவரங்களை எளிதில் கண்டறிய முடியும்.

வ.எண்	வேறுபாட்டின் அடிப்படை	இரட்டைப்பதிவு முறை	முழுமைபெறா பதிவேடுகள்
1	நடவடிக்கைகளைப் பதிவு செய்தல்	அனைத்து நடவடிக்கைகளின் பற்று மற்றும் வரவு ஆகிய இரு தன்மைகளும் பதிவு செய்யப்படுகின்றன.	அனைத்து நடவடிக்கைகளின் பற்று மற்றும் வரவுத் தன்மைகள் முழுமையாகப் பதிவு செய்யப்படுவதில்லை.
2	சரியான இலாபம் அல்லது நட்டம் கணக்கிடுதல்	சரியான இலாபம் அல்லது நட்டம் கண்டறிய வியாபார மற்றும் இலாபநட்டக் கணக்கு தயாரிக்கப்படுகிறது.	முழுமையானத் தகவல்கள் பெற முடியாததால் வியாபார மற்றும் இலாபநட்டக் கணக்கு துல்லியமாக தயாரிக்க முடியாது. எனவே, கண்டறிந்த இலாபம் அல்லது நட்டம் துல்லியமாக இருக்காது.
3	பொருந்தும் தன்மை	இது அனைத்து அமைப்புகளுக்கும் பொருந்தக் கூடிய ஒன்றாகும்.	இது சிறிய அளவிலான தனி ஆள் வணிகம் மற்றும் கூட்டாண்மை நிறுவனங்களுக்கு பொருத்தலாம்.
4	நம்பகத்தன்மை	இது, அறிவியல்பூர்வமான கணக்கியல் முறை மற்றும் சில கணக்கியல் கொள்கைகளை அடிப்படையாகக் கொண்டுள்ளதால் நம்பகத் தன்மையுடையதாகும்.	இது அறிவியல் தன்மையற்றதால் நம்பகத்தன்மை உடையதல்ல.
5	ஏற்புத்தன்மை	கணக்கியல் பதிவேடுகள் வரி அதிகாரிகள் மற்றும் நிதி நிறுவனங்கள் உட்பட அனைத்து பயனாளர்களுக்கும் ஏற்புடையதாகும்.	கணக்கியல் பதிவேடுகள் அனைத்துப் பயனாளர்களுக்கும்  ஏற்புடையதல்ல.

வ.எண்	அடிப்படை	பெறுதல்கள் மற்றும் செலுத்தல்கள் கணக்கு	வருவாய் மற்றும் செலவினக் கணக்கு
1	நோக்கம்	இது ரொக்கப் பெறுதல்கள் மற்றும் ரொக்கச் செலுத்தல்களை அறிவதற்கு தயாரிக்கப்படுகிறது.	இது நடப்பு ஆண்டின் செலவுகளைக் காட்டிலும் மிகுதியான வருமானம் (உபரி) அல்லது வருமானத்தைக் காட்டிலும் மிகுதியான செலவுகள் (பற்றாக்குறை)குறித்து அறிந்துகொள்ள தயாரிக்கப்படுகிறது.
2	கணக்கின் தன்மை	இது ஒரு சொத்துக் கணக்காகும். இது ரொக்கக் கணக்கின் தொகுப்பாகும். அனைத்து ரொக்கப் பெறுதல்கள் பற்றுப் பக்கத்திலும், ரொக்கச் செலுத்தல்கள் வரவுப் பக்கத்திலும் பதியப்படுகின்றன.	இது ஒரு பெயரளவுக் கணக்காகும். இது இலாப நட்டக் கணக்கைப் போன்றது. செலவுகள் பற்றுப்பக்கத்திலும் மற்றும் வருமானங்கள் வரவுப் பக்கத்திலும் பதியப்படுகின்றன.
3	கணக்கியலின் அடிப்படை	இது ரொக்க அடிப்படையிலான கணக்கியலை அடிப்படையாகக் கொண்டது. ரொக்கம் சார்பற்ற விவரங்கள் பதியப்படுவதில்லை.	இது நிகழ்வு அடிப்படையிலான கணக்கியலை அடிப்படையாகக் கொண்டது. ரொக்கம் சாரா விவரங்களான கொடுபட வேண்டிய செலவுகள், தேய்மானம் போன்றவைகளும் இங்கு பதியப்படும்.
4	தொடக்க இறுதி இருப்பு	இது ரொக்கம் வங்கிக் கணக்கின் தொடக்க இருப்புடன் தொடங்கி, ரொக்கம் மற்றும் வங்கிக் கணக்கின் இறுதி இருப்புடன் முடிவடைகிறது.	இங்கு தொடக்க இருப்பு என்பது கிடையாது. இது உபரி அல்லது பற்றாக்குறையுடன் முடிவடைகிறது.
5	நடவடிக்கையின் தன்மைகள்	இது வருவாயினம் அல்லது முதலினம் என்ற வேறுபாடில்லாமல் அனைத்துப் பெறுதல்கள் மற்றும் செலுத்தல்களைக் கொண்டிருக்கும்.	இது வருவாயின நடவடிக்கைகளை மட்டுமே, அதாவது வருவாயினச் செலவுகள் மற்றும் வருவாயின வரவுகளை மட்டுமே கொண்டிருக்கும்.

(i) நிறுவனத்தின் இலாபம் ஈட்டும் திறன்:
அதிக இலாபம் ஈட்டும் ஒரு நிறுவனம் அல்லது எதிர்காலத்தில் அதிக இலாபம் ஈட்டும் திறனைக் கொண்டுள்ள ஒரு நிறுவனம் அதிகமான நற்பெயர் மதிப்பினைக் கொண்டிருக்கும்
(ii) வியாபார நிறுவனத்தின் சாதகமான அமைவிடம்:
வியாபார நிறுவனமானது வாடிக்கையாளர்களால் எளிதில் சென்றடையக் கூடிய முக்கிய இடத்திலோ அமைந்திருந்தால், அது அதிக வாடிக்கையாளர்களைக் கவரும். எனவே, அந்நிறுவனம் அதிக மதிப்பிலான நற்பெயரைக் கொண்டிருக்கும்
(iii) நல்ல தரமான பொருட்கள் மற்றும் சேவைகள் வழங்குதல்:
நல்ல தரமான பொருட்கள் மற்றும் சேவைகளை வழங்குவதால் வாடிக்கையாளர்கள் மற்றும் பொதுமக்கள் மத்தியில் நன்மதிப்பை பெற்றிருக்கும் நிறுவனத்தின் பெயர் அதிகமாக இருக்கும்
(iv) வியாபார நிறுவனத்தின் கால அளவு:
நீண்ட ஆண்டுகள் வணிகத்தை நடத்திவரும் நிறுவனத்தை வாடிக்கையாளர் நன்கு அறிந்திருப்பதால் அந்த நிறுவனம் அதிக நன்மதிப்பைக் கொண்டிருக்கும்.
(v) போட்டியின் அளவு:
போட்டியே இல்லாத அல்லது குறைவான போட்டியைக் கொண்டுள்ள நிறுவனத்தின் நற்பெயர் மதிப்பு அதிகமானதாக இருக்கும்
(vi) பிறகாரணிகள்:
உரிமையாளரின் பிரபலம், ஈர்க்கக்கூடிய விளம்பரம், வாடிக்கையாளரிடம் நெருங்கிய தொடர்பு போன்ற பிற காரணிகளும் தொழிலின் நற்பெயரின் மதிப்பை உயர்த்தக்கூடியதாகும்

கூட்டாண்மை ஒப்பாவணம் இல்லாத போது அல்லது கூட்டாண்மை ஒப்பாவணத்தில் வெளிப்படையான அறிக்கை எதுவும் இல்லாத நிலையில், சட்டத்தின் பின்வரும் நிபந்தனைகள் பின்பற்றப்படுகின்றன.
(i) கூட்டாளிகளின் ஊதியம் [பிரிவு 13(அ)]:
எந்த கூட்டாளிக்கும் ஊதியம் அல்லது உழைப்பு ஊதியம் அனுமதிக்கப்பட வேண்டியதில்லை
(ii) இலாபப் பகிர்வு விகிதம் [பிரிவு 13(ஆ)]:
இலாபங்கள் அல்லது நட்டங்களை கூட்டாளிகள் சமமாகப் பகிர்ந்து கொள்ள வேண்டும்
(iii) முதல் மீது வட்டி [பிரிவு 13(இ)]:
கூட்டாளிகளின் முதல் மீது வட்டி அனுமதிக்கப்படுவதில்லை. கூட்டாளி ஒருவர் கூட்டாண்மை ஒப்பாவணத்தின்படி தான் அளித்த முதல் தொகைக்கு முதல் மீது வட்டி பெற உரிமை உடையவராயின், அந்த முதல் மீது வட்டி இலாபத்திலிருந்து மட்டுமே வழங்கப்பட வேண்டும்
(iv) கூட்டாளிக்குகளிடமிருந்து நிறுவனத்திற்காக பெறப்பட்ட கடன்மீதான வட்டி [பிரிவு 13(ஈ)]:
கடன்மீதான வட்டி ஆண்டுகளுக்கு 6% வழங்கப்பட வேண்டும்
(v) எடுப்புகள் மீது வட்டி:
கூட்டாளிகளின் எடுப்புகள் மீது வட்டி விதிக்கக்கூடாது.

வ.எண்:	வேறுபாட்டின் அடிப்படை	நிலைமுதல் முறை	மாறுபடும் முதல் முறை
1.	கணக்குகளின் எண்ணிக்கை	ஒவ்வொரு கூட்டாளிக்கும் இரண்டு கணக்குகள் அதாவது, முதல் கணக்கு மற்றும் நடப்புக் கணக்கு பராமரிக்கப்படுகின்றன	ஒவ்வொரு கூட்டாளிக்கு ஒரே ஒரு கணக்கு அதாவது, முதல் கணக்கு பராமரிக்கப்படுகிறது
2.	முதல் தொகையில் மாற்றம்	கூடுதல் முதல் கொண்டு வரும்போது அல்லது முதல் தொகையை நிரந்தரமாக திரும்ப எடுக்கும் போது, தவிர மற்ற நேரங்களில் முதல் தொகை வழக்கமாக மாறாமல் நிலையாக இருக்கும்	முதல் தொகை பருவந்தோறும் மாறிக்கொண்டே இருக்கும்
3.	இறுதி இருப்பு	முதல் கணக்கு எப்பொழுதும் வரவிருப்பையே காட்டும். ஆனால், நடப்புக் கணக்கு பற்றிருப்பையோ அல்லது வரவிருப்பையோ காட்டும்	முதல் கணக்கு பொதுவாக வரவிருப்பையே காட்டும். இது பற்றிருப்பையும் கூட காட்டலாம்
4.	சரிக்கட்டுதல்கள்	முதல் மீது வட்டி, எடுப்புகள் மீது வட்டி, ஊதியம் மற்றும் கழிவு, இலாபம் அல்லது நட்டப் பங்கு தொடர்பான அனைத்துச் சரிக்கட்டுதல்களும் நடப்புக் கணக்கில் செய்யப்படும்.	முதல் மீது வட்டி, எடுப்புகள் மீது வட்டி, ஊதியம் மற்றும் கழிவு, இலாபம் அல்லது நட்டப்பங்கு தொடர்பான அனைத்துச் சரிக்கட்டுதல்களும் முதல் கணக்கில் செய்யப்படும்