1) போக்குப் பகுப்பாய்வு என்பது ஒரு காலக்கட்டத்திற்கு மேல் உள்ள தொகைகளின் இயக்கத்தை ஆய்வு செய்வதாகும். 
2) போக்கு என்பது வளர்ந்து வரும் போக்காகவோ அல்லது குறைந்து செல்லும் அல்லது முறையற்ற போக்காகவோ இருக்கலாம்.
3) இரண்டு ஆண்டுகளுக்கு மேலாக உள்ள தகவல்களை பகுப்பாய்வு செய்ய ஒப்பீட்டு அளவு அறிக்கை முறையை பயன்படுத்துவது கடினமானதாகும். எனவே, போக்குப் பகுப்பாய்வு பயன்படுத்தப்படலாம்.

"நிதி" என்பது நடைமுறை முதலைக் குறிப்பதாகும். நடைமுறை முதல் என்பது நடப்புப் பொறுப்புகளை விட அதிகமாக உள்ள நடப்புச் சொத்துகளைக் குறிப்பதாகும். ஓட்டம் என்பது இயக்கம் என்பதைக் குறிக்கும்.

நிதிநிலை அறிக்கை பகுப்பாய்விற்கு பயன்படுத்தப்படும் கருவிகளில் பொதுவானவை
பின்வருமாறு:
1) ஒப்பீட்டு அறிக்கை 
2) பொது அளவு அறிக்கைகள் 
3) போக்குப் பகுப்பாய்வு 
4) நிதி ஓட்டப் பகுப்பாய்வு 
5) ரொக்க ஓட்டப் பகுப்பாய்வு 

1) ஒரு கணக்காண்டின் இறுதியில் வியாபாரத்தின் இயக்க முடிவுகள் மற்றும் நிதிநிலையை அறிந்து கொள்ள தயாரிக்கப்படும் அறிக்கைகளே நிதிநிலை அறிக்கைகள் ஆகும்.
2) வியாபார நிறுவனங்களால் தயாரிக்கப்படும் வருமான அறிக்கை மற்றும் இருப்பு நிலைக்குறிப்பு ஆகியவை அடிப்படை நிதிநிலை அறிக்கைகளாகும்.

(i) விகிதங்கள் வழிமுறைகளை மட்டும் தருகின்றன :
விகிதங்களே முடிவல்ல, ஆனால், ஒரு குறிப்பிட்ட நோக்கத்தினை அடைவதற்கான வழிமுறைகளை மட்டும் அவை தருகின்றன.
(ii) விலை நிலையில் ஏற்படும் மாற்றம் :
நிதிநிலை அறிக்கைகளில் தரப்பட்டுள்ள புராதன தகவல்களின் அடிப்படையில் விகிதப் பகுப்பாய்வு மேற்கொள்ளப்படுவதால் விலை நிலையில் ஏற்படும் மாற்றம் மற்றும் தற்போதைய மதிப்பை இது பிரதிபலிப்பதில்லை.

(i) முதலீடு மீதான வருவாய், வட்டி மற்றும் வரிக்கு முன்னர் உள்ள நிகர இலாபத்திற்கும் பயன்படுத்தப்பட்ட முதலுக்கும் உள்ள விகிதத்தைக் காட்டுகிறது. (பங்குதாரர் நிதி மற்றும் நீண்டகாலக் கடன்கள்).
(ii) இந்த விகிதமானது பயன்படுத்தப்பட்ட முதல், வணிகத்தில் எவ்வாறு திறமையாகப் பயன்படுத்தப்பட்டுள்ளது என்பதை அளவிடுகின்றது.
(iii) இது வணிக நிறுவனத்தின் ஒட்டுமொத்த இலாபத் தன்மையை அளவிடுகிறது.
(iv) முதலீடு மீதான வருவாய்  =  வட்டி மற்றும் வரிக்கு முன்னர் உள்ள நிகர இலாபம் / பயன்படுத்தப்பட்ட முதல் x 100

(i) புற அக பொறுப்புகள் விகிதம் ஒரு வணிக நிறுவனத்தின் நீண்டகால கடன் தீர்க்கும் திறனை மதிப்பிடுவதற்கு கணக்கிடப்படுகிறது.
(ii) புற அக பொறுப்புகள் விகிதம் நீண்டகால கடன் மற்றும் பங்குதாரர் நிதிக்கும் உள்ள தொடர்பினை வெளிப்படுத்துகிறது.
(iii) இது கீழ்கண்டவாறு கணக்கிடப்படுகிறது.
புற அக பொறுப்புகள் விகிதம் 

(i) விரைவு விகிதம் நீர்மைச் சொத்துக்களுக்கும், நடப்புப் பொறுப்புகளுக்குமுள்ள விகிதாச்சாரமாகும்.
(ii) இது ஒரு வணிக நிறுவனம் தன்னுடைய நடப்புப் பொறுப்புகளை எப்போது செலுத்த வேண்டுமோ அப்போது அதை நீர்மைச் சொத்துகளிலிருந்து எதிர்கொள்ளும் நிலையில் உள்ளதா என்பதை குறிக்கிறது.

 (i) விகிதம் என்பது இரண்டு தொடர்புடைய அல்லது ஒன்றை ஒன்று சார்ந்த இனங்களுக்கு இடையே உள்ள தொடர்பைக் கணிதவியல் அடிப்படையில் வெளிப்படுத்துவதாகும்.
(ii) இது, இரு இனங்களுக்கு இடையே உள்ள தொடர்பினை எண்ணியல் அல்லது எண்ணிக்கையில் குறிக்கும் இது ஒரு இனத்தை அது தொடர்பான மற்றொரு இனத்தால் வகுப்பதன் மூலம் கணக்கிடப்படுகிறது.
(iii) விகிதங்கள் கணக்கியல் தகவல்களின் அடிப்படையில் கணக்கிடப்படும்போது அவை கணக்கியல் விகிதங்கள் என்று அழைக்கப்படுகின்றன.

1. பங்குதாரர் ஒருவர் ஒதுக்கீட்டு பணத்தையோ அல்லது அழைப்புப் பணத்தையோ செலுத்தத் தவறினால் அவருடைய பங்குகள் ஒறுப்பிழப்பு செய்யப்படும்.
2. ஒறுப்பிழப்பு செய்யும் போது, ஒதுக்கீடு ரத்து செய்யப்படுவதால், அந்த அளவிற்கு செலுத்திய முதல் குறைக்கப்படும். ஒறுப்பிழப்பு செய்ததற்கு பிறகு அந்த நபர் பங்குதாரர் என்ற தகுதியை இழக்கிறார்.

நிறுமம் பங்குகளை முகமதிப்பைவிட அதிகமான விலையில் வெளியீடு செய்தால் அது முனைமத்தில் வெளியிடுதல் எனப்படும். மிகுதியான தொகை முனைமம் என்றழைக்கப்படும்.

1) பங்குதாரர் ஒருவர் தான் செலுத்த வேண்டிய ஒதுக்கீட்டுத் தொகை அல்லது அழைப்புத் தொகையை செலுத்தத் தவறினால், இன்னமும் செலுத்தப்படாமல் உள்ள தொகை 'அழைப்பு நிலுவை' எனப்படும்.
2) பிறிதொரு வகையில் கூற வேண்டுமானால் அழைக்கப்பட்டும், செலுத்தப்படாமல் உள்ள தொகை 'அழைப்பு நிலுவை' எனப்படும்.

வெளியிடப்பட்ட பங்குகளின் எண்ணிக்கையை விட விண்ணப்பிக்கப்பட்ட பங்குகளின் எண்ணிக்கை அதிகமாக இருந்தால் அது மிகை ஒப்பம் எனப்படும்.

1) ஒரு நிறுமத்தின் முதல் குறிப்பிட்ட பண மதிப்பிலான சிறிய அலகுகளாகப் பிரிக்கப்பட்டிருக்கும்.
2) இந்த அலகுகள் 'பங்குகள்' என அழைக்கப்படுகின்றன.
i)  முன்னுரிமைப் பங்குகள்
ii) நேர்மைப் பங்குகள்

வ.எண்	முன்னுரிமைப் பங்குகள்	நேர்மைப் பங்குகள்
1	பிற வகையான பங்குகள் பெற்றிருக்கும் உரிமைகளை விட, சிலவற்றில் பெற்றிருக்கும் பங்குகள் முன்னுரிமை பங்குகள் எனப்படுகின்றன.	முன்னுரிமைப் பங்குகள் அல்லாத பங்குகள் நேர்மைப் பங்குகள் ஆகும்.
2	நிறுமம் செயல்படும் வரை ஒரு குறிப்பிட்ட (நிலையான) பங்காதாயத்தை பெறுவதால், இவ்வகை பங்குநர்கள் முன்னுரிமை பெற்றுள்ளனர்.	நேர்மைப் பங்குகளுக்கான பங்காதாய விகிதம் நிலையாக இருப்பதில்லை.
3	நிறுமம் கலைக்கப்படும் பொழுது பிற புறக்கடன்கள் அனைத்தையும் அடைத்த பின்னர், சொத்துக்கள் மிகுதியிருப்பின் முதலில் முன்னுரிமைப் பங்குநர்களுக்கு முழு முதலையும் திருப்பிக் கொடுத்துவிட வேண்டும்.	நிறுமக் கலைப்பின் போதும், முன்னுரிமைப் பங்குதாரர்களுக்கு முதலை திரும்பச் செலுத்திய பிறகே நேர்மைப் பங்குதாரர்களுக்கு செலுத்தப்படும்.

பொது அளவு அறிக்கைகள் மூன்று பத்திகளுடன் தயாரிக்கப்படுகின்றன. பொது அளவு அறிக்கைகள் தயாரிக்க பின்வரும் படிநிலைகள் பின்பற்றப்படுகின்றன.
1) பத்தி 1: வருமான அறிக்கை அல்லது இருப்புநிலைக் குறிப்பில் உள்ள இனங்களின் விவரங்கள் இப்பத்தியில் எழுதப்படுகின்றன.
2) பத்தி 2: தொகையினைப் பதிவு செய்யவும்.
3) பத்தி 3: பொதுவான அடிப்படையாக 100 என்பதை எடுத்துக் கொள்ளவும். எடுத்துக்காட்டாக விற்பனை மூலம் பெற்ற வருவாய் என்பது வருமான அறிக்கைக்கு அடிப்படையாகவும், இருப்புநிலைக் குறிப்பின் மொத்தத் தொகை, இருப்புநிலைக் குறிப்பிற்கு அடிப்படையாகவும் எடுத்துக்கொள்ளப்படலாம். பத்தி 2-ல் உள்ள விவரங்களுக்கு பொதுவான அடிப்படையை கொண்டு சதவீதம் கணக்கீடு செய்து 3-ஆம் பத்தியில் பதிவு செய்யவும்.

ஒப்புநோக்கு அறிக்கை ஐந்து பத்திகளைக் கொண்டது. ஒப்புநோக்கு அறிக்கைகள் தயாரிக்கப்படும் போது பின்பற்ற வேண்டிய நிலைகள் பின்வருமாறு:
1) பத்தி 1: இந்தப் பத்தியில் வருமான அறிக்கை மற்றும் இருப்புநிலைக்குறிப்பில் உள்ள விவரங்கள் பதியப்படும்.
2) பத்தி 2: முதல் ஆண்டிற்கான தொகையைப் பதிவு செய்யவும்.
3) பத்தி 3: இரண்டாம் ஆண்டிற்கான தொகையைப் பதிவு செய்யவும்.
4) பத்தி 4: முதலாண்டு தொகைக்கும் இரண்டாமாண்டு தொகைக்கும் இடையேயான வேறுபாட்டினைக் காட்டவும். 2-ம் ஆண்டில் மதிப்பு அதிகரித்திருந்தால் கூட்டல் அடையாளமும் மதிப்பு குறைந்திருந்தால் கழித்தல் அடையாளமும் இட வேண்டும்.
5) பத்தி 5:4-ஆம் பத்தியில் கொடுக்கப்பட்டுள்ள தொகையினை இரண்டாம் பத்தியில் (முதல் ஆண்டு தொகை) கொடுக்கப்பட்டுள்ள தொகையுடன் வகுத்து (கூடும் அல்லது குறையும் தொகை) 4-ஆம் பத்தியின் தொகைக்கான கூடும் அல்லது குறையும் சதவீதத்தினைக் காட்டவும்.

1) விலை நிலை மாற்றங்களை பொருட்படுத்துவதில்லை:
விலை நிலைகளில் ஏற்படும் மாற்றங்கள் நிதிநிலை அறிக்கைகள் எடுத்துக்கொள்ளப்படுவதில்லை. எனவே, அவை நடப்பு நிலைமையை வெளிப்படுத்தாமல் போகலாம்.
2) நிலைத்தன்மை குறைவு: 
பல்வேறு நிறுவனங்கள், பல்வேறு கணக்கியல் முறைகளை பின்பற்றுகின்றன. எனவே இரண்டு தொழிலமைப்புகளை ஒப்பீடு செய்வது கடினமாகும்.
3) தனிப்பட்ட முடிவுகளினால் பாதிக்கப்படுகிறது:
நிதிநிலை அறிக்கைகள் தயாரிப்பு என்பது தனிநபரின் முடிவுக்குட்பட்டது. எனவே, இவை ஒருதலைப்பட்சமானதாக இருக்கலாம்.

1) ரொக்க ஓட்ட பகுப்பாய்வு என்பது ரொக்க ஓட்ட அறிக்கை தயாரிப்பதைக் குறிக்கும். இது ஒரு குறிப்பிட்ட காலத்தில் உள்வரும் மற்றும் வெளிச் செல்லும் ரொக்கம் மற்றும் ரொக்கத்திற்கு சமமானவைகளை வெளிப்படுத்தும்.
2) ரொக்கம் என்பது கை ரொக்கம் மற்றும் வங்கியில் உள்ள கேட்பு வைப்புகளை உள்ளடக்கியது.
3) ரொக்கத்திற்கு சமமானவைகள் என்பது குறுகிய காலத்தில் அதிக நட்டமில்லாமல் ரொக்கமாக மாற்றக்கூடிய குறுகிய கால முதலீடுகளைக் குறிக்கும்.
4) ரொக்க ஓட்டப் பகுப்பாய்வு வணிக நிறுவனத்தின் நீர்மைத்தன்மை மற்றும் கடன் தீர்க்கும் திறன் விகிதங்கள் கணக்கிடுவதற்கு உதவிகரமானதாக இருக்கிறது.

1) கடந்த கால விவரங்களின் பதிவேடு:
நிதிநிலை அறிக்கைகள் கடந்த கால விவரங்களின் அடிப்படையில் தயாரிக்கப்படுகின்றன.எனவே அவை நடப்பு நிலைமையை வெளிப்படுத்தாமல் போகலாம்.
2) இடைக்கால அறிக்கைகளை மட்டுமே தருகிறது:
நிதிநிலை அறிக்கைகள் ஒவ்வொரு கணக்காண்டின் இறுதியில் தயாரிக்கப்படுகின்றன ஆனால், வணிகத்தின் உண்மையான நிலவரத்தை, நிறுவனத்தின் கலைப்பின் போது மட்டுமே அறிய இயலும். எனவே, நிதிநிலை அறிக்கைகள் நிறுவனத்தின் துல்லியமான நிலையினை வெளிக்காட்டாது.

(i) விகிதப் பகுப்பாய்வின் குறைபாடுகள் பின்வருமாறு :
(i) விகிதங்கள் வழிமுறைகளை மட்டும் தருகின்றன.
விகிதங்களே முடிவல்ல. ஆனால் ஒரு குறிப்பிட்ட நோக்கத்தினை அடைவதற்கான வழிமுறைகளை மட்டும் அவை தருகின்றன, நிர்வாகத்தினர் அல்லது வல்லுநர்கள் விகிதங்கள் உதவியுடன் ஒரே தன்மையுடைய இனங்களை ஆய்வு செய்ய வேண்டும்.
(ii) நிதித்தகவல்களின் துல்லியத்தன்மை :
விகிதங்களின் துல்லியத்தன்மை நிதிநிலை அறிக்கையிலிருந்து எடுக்கப்படும் துல்லியத்தன்மையைப் பொறுத்து அமைகிறது. நிதிநிலை அறிக்கைகள் துல்லியமற்றதாக அடிப்படையாகக் கொண்டு கணக்கிடப்படும் விகிதங்களும் துல்லியமற்றதாகி விடுகின்றன.
(iii) நிதிநிலை அறிக்கைகள் தயாரிப்பதில் நிலைத்தன்மை :
நிறுவனங்கள் ஒருமித்த கணக்கியல் நடைமுறைகளை நிலையாகப் பின்பற்றும் போது நிறுவனங்கள் ஒருமித்த கணக்கியல் நடைமுறைகளை நிலையாகப் பின்பற்றும் போது பகுப்பாய்வின் உதவியுடன் நிறுவனத்திற்குள் ஒப்பீடு செய்வது அர்த்தமுடையதாகிறது.
(iv) விலை நிலையில் ஏற்படும் மாற்றம் :
நிதிநிலை அறிக்கைகளில் தரப்பட்டுள்ள புராதன தகவல்களின் அடிப்படையில் மேற்கொள்ளப்படுவதால் விலை நிலையில் ஏற்படும் மாற்றம் தற்போது பிரதிபலிப்பதில்லை.
 

விகிதப் பகுப்பாய்வின் நன்மைகள் பின்வருமாறு :
(i) செயல்பாடுகளின் செயல்திறனை அளவிடுகிறது :
விகிதப் பகுப்பாய்வு, இயக்க அடக்கவிலை மற்றும் வருவாய்க்கும் இடையே உள்ள உறவை கண்டறிவதன் மூலமும், தற்போதைய விகிதங்களைக் கடந்த கால விகிதங்களுடன் ஒப்பீடு செய்வதன் மூலமும் செயல்பாடுகளின் செயல்திறனை அளவிடுகிறது.
(ii) நிதிநிலையின் கடன் தீர்க்கும் திறனை அளவிடுகிறது :
விகிதப் பகுப்பாய்வு, ஒரு வணிக நிறுவனத்தின் நீர்மைத் தன்மை அல்லது குறுகிய கால கடன் தீர்க்கும் திறன் மற்றும் நீண்டகால கடன் தீர்க்கும் திறனை அறிய உதவுகிறது.
(iii) முதலீட்டு முடிவுகளுக்கு வழிவகை செய்கிறது :
விகிதப் பகுப்பாய்வு இலாபகரமான முதலீடு வழிவகைகள் தொடர்பான பயனுள்ள முடிவுகளை எடுப்பதற்கு நிர்வாகத்திற்கு உதவுகிறது.

இயக்க இலாப விகிதம், இயக்க இலாபத்திற்கும்,விற்பனை  மூலம் பெற்ற வருவாய்க்கும் உள்ள  விற்பனை தருகிறது, இயக்க இலாப விகிதம் வணிக நிறுவனத்தின் செயல்திறனைக் காட்டுகிறது. இது 
கீழ்கண்டவாறு கணக்கிடப்படுகிறது 

இதற்கு மாற்றாக, இயக்க இலாப விகிதம் கீழ்கண்டவாறு கணக்கிடப்படலாம்.
இயக்க இலாப விகிதம் = 100 - இயக்க அடக்க விலை விகிதம்
இயக்க இலாபம் = விற்பனை மூலம் பெற்ற வருவாய் - இயக்க அடக்க விலை 
அதிக இயக்க இலாப விகிதம் அதிக இலாபத்தைக் காட்டுகிறது. அதிக இயக்க இலாப விகிதம், வணிகத்தில் இயக்க சாரா செலவுகளைச் செலுத்துவதற்கான தொகை அதிகமாக உள்ளதைக் காட்டுகிறது.

சரக்கிருப்பு மாற்று காலம் என்பது சரக்கிருப்பை விற்பனை செய்வதற்கு எடுத்துக் கொள்ளப்படும் காலம் ஆகும். குறுகிய சரக்கிருப்பு மாற்று காலம், சரக்கிருப்பு மேலாண்மையில் அதிக செயல்திறனை குறிப்பிடுகிறது.
சரக்கிருப்பு மாற்று காலம் (நாட்களில்)

விகிதப் பகுப்பாய்வின் நோக்கங்கள் பின்வருமாறு :
(i) கணக்கியல் தொகைகளை சுருக்கமாகக்  கூற 
(ii) நிதிநிலை அறிக்கைகள் பகுப்பாய்வு செய்வதற்கு வழிவகை செய்ய 
(iii) தொழில் நிறுவனத்தின் இயக்க செயல் திறனை பகுப்பாய்வு செய்ய 
(iv) திட்டமிடுதல் மற்றும் முன்கணித்தலுக்கு உதவ 
(v) நிறுவனத்திற்குள்ளேயும் மற்றும் நிறுவனங்களுக்கிடையேயும் செயல்பாடுகளை  ஒப்பிட்டு பார்க்க.

நிறுமம், நிலம் மற்றும் கட்டடம், இயந்திரம் போன்ற நிலைச் சொத்துகளை வாங்கும் போது, பங்குகளை ரொக்கத்திற்கு அல்லாத மறுபயனுக்காக வெளியிடலாம். இத்தருணத்தில் கீழ்க்கண்ட குறிப்பேடுப் பதிவுகளைப் பதிய வேண்டும்.
 

நாள்		விவரம்		பே.ப.எண்	பற்று  ரூ.	வரவு  ரூ.
	1)	சொத்துகளை வாங்கும் போது குறிப்பிட்ட சொத்து க/கு	ப		XXX
		விற்பனையாளர் க/கு				XXX
	2)	பங்குகளை வெளியிடும் போது விற்பனையாளர் க/கு	ப		XXX
		நேர்மைப் பங்கு முதல் க/கு				XXX
		பத்திர முனைமக் க/கு (முனைமத்தில் வெளியிட்டால்)				XXX

ஒரு நிறுமம் வணிக நிறுவனத்தை வாங்குவதற்காகவும், தோற்றுவிப்பாளர்களுக்கு அவர்களின் பணிக்காகவும், தரகர் மற்றும் ஒப்புறுதியாளர்களுக்கு கழிவு கொடுப்பதற்காகவும் போன்ற ரொக்கத்திற்கு அல்லாத மறுபயனுக்காக பங்குகளை வெளியிடலாம்.

(அ) அங்கீகரிக்கப்பட்ட முதல்
இது அமைப்பு முறையேட்டின் படி அங்கீகரிக்கப்பட்ட முதல் ஆகும். இது அதிகபட்சமாக முதலாக திரட்ட அனுமதிக்கப்பட்ட தொகை. இதனைப் 'பதிவு செய்யப்பட்ட முதல்' அல்லது 'பெயரளவு முதல்' என்றும் கூறலாம்.
(ஆ) காப்புமுதல்
ஒரு நிறுமம் அதன் கலைப்பின் போது மட்டும் அழைப்பு விடுக்கலாம் என ஒதுக்கி வைத்துள்ள அழைக்கப்பட்ட முதலின் ஒரு பகுதியினை 'காப்பு முதல்' என்று அழைக்கலாம்.

1) ஒறுப்பிழப்பு செய்யப்பட்ட பங்குகள் நிறுமத்தால் மறுவெளியீடு செய்யப்படலாம். அப்பங்குகள் எந்த விலையிலும் மறுவெளியீடு செய்யலாம்.
2) ஆனால், வெளியீட்டு விலை ஒறுப்பிழப்பு செய்யப்பட்ட பங்குகளின் செலுத்தப் பெறாத தொகையைக் காட்டிலும் குறைவாக இருக்கக் கூடாது.
3) உதாரணமாக, ஒறுப்பிழப்பு செய்யப்பட்ட ஒரு பங்கின் மதிப்பு ரூ.10 அதற்கு ரூ.4 விண்ணப்பப் பணமாக செலுத்தப்பட்டிருந்தது.
4) அப்பங்குகள் முழுவதும் செலுத்தப்பட்டவைகளாக மறுவெளியீடு செய்யப்பட்டன. அதன் புதிய விலை குறைந்தபட்சமாக ரூ.6(10-4) என நிர்ணயிக்கப்பட வேண்டும்.
5) ஒறுப்பிழப்பு செய்யப்பட்ட பங்குகள் நட்டத்தில் மறுவெளியீடு செய்யப்படும் போது, அந்த நட்டம் ஒறுப்பிழப்பு கணக்கில் பற்று செய்யப்படுகிறது.
6) ஒறுப்பிழப்பு செய்யப்பட்ட பங்குகள் முனைமத்தில் மறுவெளியீடு செய்யப்பட்டால், அந்த முனைமத்தொகை பத்திர முனைமக் கணக்கில் வரவு வைக்கப்படும்.

1) பங்கின் அழைக்கப்பட்ட மதிப்பை விட அதிகமாகப் பெறப்பட்ட தொகை அழைப்பு முன்பணம் எனப்படும். இது பங்கு விண்ணப்பம் அல்லது பங்கு ஒதுக்கீடு அல்லது பங்கு அழைப்புக் கணக்கில் அதிகமாக பெறப்பட்ட தொகையாகும்.
2) அவ்வாறு அதிகமாகப் பெறப்பட்ட தொகையை திருப்பி அளிக்க வேண்டும் அல்லது எதிர்காலத்தில் செலுத்த வேண்டிய தொகைகளில் சரிக்கட்ட வேண்டும்.
3) அவ்வாறு எதிர்காலத்தில் செலுத்தப்பட வேண்டிய தொகைகளில் சரிக்கட்ட தீர்மானித்தால், அந்த அதிகமாகப் பெறப்பட்ட தொகையை அழைப்பு முன்பணம் என்ற தனிக் கணக்கிற்கு மாற்றலாம்.
4) அழைப்பு முன்பணம் நிறுமத்தின் பங்கு முதலில் ஒரு பகுதி அல்ல மற்றும் அதற்கு பங்காதாயம் ஏதும் செலுத்த வேண்டியதில்லை.
5) இது இருப்புநிலைக் குறிப்பில் இதர நடப்புப்பொறுப்புகளின் கீழ் காட்டப்படும்.