இருப்புநிலைக் குறிப்பு ஒரு அமைப்பின் நிதிநிலையை வெளிப்படுத்தும் அறிக்கை ஆகும். இலாப நோக்கற்ற அமைப்புகளுக்கான இருப்புநிலைக் குறிப்பு தயாரிப்பது பெரும்பாலும் வியாபார அமைப்புகளுக்கு தயாரிப்பது போன்றதாகும். கணக்காண்டின் இறுதிநாளில் உள்ள சொத்துகள் மற்றும் பொறுப்புகள் இருப்புநிலைக் குறிப்பில் பதியப்படுகின்றன.

ஒரு நிறுவனத்தில் வழக்கமான ஊழியராக இல்லாத ஒருவருக்கு வழங்கப்படும் ஊதியமே மதிப்பூதியம் எனப்படும். இது ஒரு வருவாயினச் செலவாகும்.

இலாப நோக்கற்ற அமைப்புகள் அரசு மற்றும் இதர அமைப்புகளிடமிருந்து பல்வேறு வகையான மானியங்களைப் பெறுகின்றன. அவையாவன: கட்டடங்கள் கட்டுவதற்காகப் பெறப்படும் மானியமானது திரும்பத் திரும்ப நிகழாத் தன்மையுடையதால் முதலின வரவாகக் கருதப்படுகிறது.
சொத்துகளைப் பராமரிக்கவும் மற்றும் சம்பளம் கொடுக்கவும் பெறப்படும் மானியமானது திரும்பத் திரும்ப நிகழும் தன்மையுடையதால் வருவாயின வரவாகக் கருதப்படுகிறது.

கணக்காண்டின் இறுதியில், இலாப நோக்கற்ற அமைப்புகள் பின்வரும் இறுதிக் கணக்குகளைத் தயாரிக்கின்றன:
1) பெறுதல்கள் மற்றும் செலுத்தல்கள் கணக்கு 
2) வருவாய் மற்றும் செலவினக் கணக்கு மற்றும் 
3) இருப்புநிலைக் குறிப்பு

1) ஆயுள் உறுப்பினர் கட்டணம் 
2) உயில்கொடை 
3) அறக்கட்டளை நிதி 
4) முதலீடுகள் விற்ற தொகை 

உறுப்பினர்களிடமிருந்து பெறப்படும் ஆயுள் உறுப்பினர் கட்டணம் ஒரு முதலின வரவாகும். ஏனெனில், இது திரும்பத் திரும்ப நிகழாத் தன்மை கொண்டது.

1) சில அமைப்புகள் இலாபம் ஈட்டும் நோக்கத்திற்காக அல்லாமல் பொதுமக்களுக்கு சேவை செய்யும் நோக்கத்திற்காகவும் தொடங்கப்படுகின்றன. அவை கலை, பண்பாடு, கல்வி மற்றும் விளையாட்டு போன்றவற்றை மேம்படுத்துவதற்காக உருவாக்கப்படுகின்றன. இந்த அமைப்புகள் இலாப நோக்கற்ற அமைப்புகள் என்று அழைக்கப்படுகின்றன.
2) அறக்கொடை நிறுவனங்கள், கல்வி நிறுவனங்கள், பண்பாட்டு மன்றங்கள், விளையாட்டு மற்றும் மனமகிழ் மன்றங்கள், மருத்துவமனைகள், நூலகங்கள் மற்றும் இலக்கிய அமைப்புகள் போன்றவை இலாப நோக்கற்ற அமைப்புகளுக்கு உதாரணங்கள் ஆகும்.