ஒரு நிறுமம் தனது பங்குகளை முகமதிப்பினை விட (பெயரளவு மதிப்பு) அதிக விலைக்கு வெளியிடும் போது அந்தப் பங்குகள் முனைமத்தில் வெளியிடுதல் என்று அழைக்கப்படுகிறது.

1) பொது மக்களுக்கு வெளியிடப்படும் அனைத்துப் பங்குகளும் முழுவதும் ஒப்பப்படாமல் போகலாம்.
2) வெளியிடப்பட்ட பங்குகளின் எண்ணிக்கையை விட ஒப்பப்பட்ட பங்குகளின் எண்ணிக்கை குறைவாக இருந்தால் அது குறை ஒப்பம் எனப்படும்.

ஒரு பொதுநிறுமம் தகவலறிக்கை மூலம் பொது மக்களுக்கு வெளியிடும் நேர்மைப் பங்கு வெளியீட்டினை பொது வெளியீடு என்று அழைப்பர். இது தொடக்க பொது முனைவு மற்றும் கூடுதல் முனைவுகளையும் உள்ளடக்கியது.

லின்ட்லே பிரபு அவர்களின் கூற்றுப்படி, "பொதுவான பங்கிற்காக பணம் அல்லது பண மதிப்பினை வழங்கி அதனை சில தொழில் அல்லது வணிகத்தில் பயன்படுத்தி, அதிலிருந்து பெறும் இலாபம் மற்றும் நட்டங்களைப் பகிர்ந்து கொள்ளும் பல நபர்களின் கூட்டமைப்பே நிறுமம் ஆகும். பங்களிப்பாக பெறக்கூடிய பொதுப்பங்குகளின் பண மதிப்பே நிறுமத்தின் மூலதனம் ஆகும். அம்மூலதனத்திற்கு பங்களிப்புச் செய்யும் நபர்கள் அல்லது அந்நிறுமத்தை உருவாக்குபவர்கள் அல்லது அந்நிறுமம் யாருக்குச் சொந்தமானதோ அவர்கள் நிறுமத்தின் உறுப்பினர்கள் ஆவர். ஒவ்வொரு உறுப்பினருக்கும் உரிய மூலதனத்தின் பகுதி அவருக்கான பங்கு ஆகும்".

1) தனியார் ஒதுக்கீடு:
தனியார் ஒதுக்கீடு என்பது நிறுமத்தால், ஒரு குறிப்பிட்ட நபர்களின் குழுவிற்கு (பொது வெளியீடாக அல்லாமல்) நேர்மைப் பங்குகளுக்கான முனைவு அல்லது தனியார் ஒதுக்கீடு அழைப்பு கடிதம் விடுப்பதாகும். இது, இந்திய நிறுமச்சட்டம், 2013, பிரிவு 42-ல் குறிப்பிட்டுள்ள நிபந்தனைகளைப் பூர்த்தி செய்வதாக இருக்க வேண்டும்.
2) உரிமை வெளியீடு:
நிறுமத்தில் ஏற்கனவே உள்ள பங்குதாரர்களுக்கு, முனைவு கடிதம் மூலம் பங்குகளை ஒதுக்கீடு செய்வது உரிமை வெளியீடு ஆகும்.
3) மேலூதிய பங்கு வெளியீடு:
நிறுமத்தில் ஏற்கனவே பங்குதாரர்களாக உள்ளவர்களுக்கு பகிர்ந்துதரா இலாபத்திலிருந்து இலவசமாக நேர்மைப் பங்குகளை வெளியிடுவது மேலூதிய பங்கு வெளியீடு எனப்படும்.

ஒரு நிறுமத்தின் பங்குமுதல் பின்வரும் பிரிவுகளாகப் பிரிக்கப்படுகின்றன:
1) அங்கீகரிக்கப்பட்ட முதல்:
i) இது அமைப்பு முறையேட்டின் படி அங்கீகரிக்கப்பட்ட முதல் ஆகும்.
ii) அதிகபட்சமாக முதலாக திரட்ட அனுமதிக்கப்பட்ட தொகை.
iii) இதனைப் 'பதிவு செய்யப்பட்ட முதல்' அல்லது 'பெயரளவு முதல்' என்றும் கூறலாம்.
2) வெளியிட்ட முதல்:
வாங்குவதற்கென வெளியிடப்பட்ட அங்கீகரிக்கப்பட்ட முதலின் ஒரு பகுதி வெளியிட்ட முதல் ஆகும்.
3) ஒப்பிய முதல்:
வெளியிட்ட முதலில், வாங்குவதற்கு ஒப்புக்கொண்ட, மேலும் நிறுமத்தால் ஒதுக்கீடு செய்யப்பட்ட முதல் ஒப்பிய முதல் ஆகும்.
4) அழைக்கப்பட்ட முதல்:
பணம் செலுத்தப்பட, நிறுமத்தால் அழைக்கப்பட ஒப்பிய முதலில், ஒரு பகுதி அழைக்கப்பட்ட முதல் ஆகும்.
5) செலுத்தப்பட்ட முதல்:
பங்குதாரர்களால் உண்மையில் செலுத்தப்பட்ட அழைக்கப்பட்ட முதலின் ஒரு பகுதி செலுத்தப்பட்ட முதல் ஆகும்.
6) காப்பு முதல்:
ஒரு நிறுமம் அதன் கலைப்பின்போது மட்டும் அழைப்பு விடுக்கலாம் என ஒதுக்கி வைத்துள்ள அழைக்கப்பட்ட முதலின் ஒரு பகுதியினை 'காப்பு முதல்' என்று அழைக்கலாம்.

நிறுமத்தின் பண்புகள் பின்வருமாறு:
1) தன்னிச்சையான அமைப்பு: ஒரு நிறுமம் என்பது தன்னார்வ நபர்களின் சங்கம் ஆகும். எந்த ஒரு சட்டமும் எவரையும் நிறுமத்தைத் தோற்றுவிக்க கட்டாயப்படுத்த முடியாது.
2) தனிச்சட்ட உரு. நிறுமம் ஒரு செயற்கை நபர். இது ஒரு தனிச் சட்டப்பூர்வமான அமைப்பாகும். இது அதன் உறுப்பினர்களிடமிருந்து தனித்தியங்குகிறது.
3) பொதுமுத்திரை: ஒரு நிறுமம் அதற்கான பொது முத்திரையைப் பெற்றிருக்கலாம். அது ஆவணங்களின் மீது பதிக்கப்படலாம்.
4) நீண்ட வாழ்நாள்: ஒரு நிறுமம் எப்பொழுதும் தொடர்ந்து இயங்கக் கூடியது. அதன் உறுப்பினர்களின் மாற்றங்களினால், அதன் தொடர்ச்சி பாதிக்கப்படுவதில்லை. சட்டத்தால் மட்டுமே இதனைக் கலைக்க முடியும்.
5) வரையறு பொறுப்பு: பங்குதாரர்களின் பொறுப்பு அவர்கள் நிறுமத்தில் வாங்கிய பங்குகளின் முக மதிப்பு அளவிற்கு அல்லது பொறுப்புறுதி அளித்த அளவிற்கு வரையறுக்கப்பட்டுள்ளது.
6) பங்குகளின் மாற்றத்தக்கத் தன்மை: தனி நிறுமம் தவிர, நிறுமத்தின் பங்குகள் எளிதில் மாற்றக் கூடியவை.

குறிப்பு:
முதலினக் காப்பிற்கு மாற்றுவதற்கான கணக்கீடு
15 பங்குகளை ஒறுப்பிழப்பு செய்ததற்கான தொகை = \(\frac {100}{20}\) x 15 = 75
  கழிக்க: மறுவெளியீட்டு நட்டம்                                                          =  15
                                                                                                                          ___
முதலினக் காப்பிற்கு மாற்ற வேண்டியது                                              60
                                                                                                                           ___
 பங்கு ஒறுப்பிழப்பு கணக்கில் உள்ள மீதமுள்ள தொகை (40-15) = ரூ. 25 இருப்புநிலைக் குறிப்பில் தோன்றும்.

குறிப்பு:
150 பங்குகளுக்கான ஒறுப்பிழப்புத் தொகை = ரூ.900
100 பங்குகளுக்கான ஒறுப்பிழப்புத் தொகை = \(\frac {900}{150}\) x 100 = ரூ.600
இலாபம் அல்லது நட்டம் = ஒறுப்பிழப்புத் தொகை – மறுவெளியீட்டுத் தள்ளுபடி
= 600 – 100
நிகர ஆதாயம் = ரூ. 500

குறிப்பு: நிராகரிக்கப்பட்ட பங்குகளின் எண்ணிக்கை = ரூ.4,00,000-3,00,000
= ரூ. 1,00,000

அசோக் வரையறு நிறும ஏடுகளில் குறிப்பேட்டுப் பதிவுகள்

குறிப்பு: முதலின காப்பு கணக்கிடுதல்: