நிறுமக் கணக்குகள்

12ஆம் வகுப்பு Accountancy / கணக்குப்பதிவியல் தமிழ் மீடியம் | மாதிரி வினாத்தாள்கள் | முக்கிய வினாக்கள் | கேள்வி விடை தொகுப்பு | வினாத்தாள்கள் | பொதுத்தேர்வு மாதிரி வினாத்தாள்கள் , Accountancy / கணக்குப்பதிவியல் பாடத்திற்கான மாதிரி வினாத்தாள்கள், முக்கிய கேள்வி-விடைகள், ஒருமார்க் கேள்விகள், காலாண்டு & பொதுத்தேர்வு கேள்வித் தொகுப்புகள்

Questions:

Generic 2

2 x 2 = 4

முத்து என்பவர் ரூ.10 மதிப்புள்ள 20 சாதாரண பங்குகளை வைத்திருந்தார். அவர் அதன் விண்ணப்பத் தொகையாக ரூ.2 செலுத்திய நிலையில் ஒதுக்கீட்டுப் பணம் ரூ.3 மற்றும் முதல் அழைப்பு பணம் ரூ.1 செலுத்தவில்லை. முதல் அழைப்புக்கு பின்னர் இயக்குநர்கள் அப்பங்குகளை ஒறுப்பிழப்பு செய்ய முடிவு செய்தனர். பங்கு ஒறுப்பிழப்பிற்கான குறிப்பேட்டுப் பதிவினைத் தரவும்.

அனிதா என்பவர் தஞ்சாவூர் மோட்டார் வரையறு நிறுமத்தின் ரூ.10 மதிப்புள்ள 500 நேர்மைப் பங்குகளை வைத்துள்ளார். அவர் விண்ணப்பத்தின் மீது ரூ.3, ஒதுக்கீட்டின் மீது ரூ.5 செலுத்தி உள்ளார். ஆனால் முதலாம் மற்றும் இறுதி அழைப்புத் தொகையான ரூ.2 செலுத்தவில்லை. அழைப்புத் தொகையை செலுத்தத் தவறியதால் இயக்குநர்கள் அப்பங்குகளை ஒறுப்பிழப்பு செய்தனர். ஒறுப்பிழப்பிற்கான குறிப்பேட்டுப் பதிவினைத் தரவும்.

Generic 3

6 x 3 = 18

ரொக்கம் தவிர இதர மறுபயனுக்கு பங்கு வெளியீடு என்றால் என்ன?

சிறுகுறிப்பு வரைக.
(அ) அங்கீகரிக்கப்பட்ட முதல்
(ஆ) காப்புமுதல்

ஒறுப்பிழப்பு செய்த பங்குகளின் மறுவெளியீடு என்றால் என்ன?

அழைப்பு முன்பணம் குறித்து சுருக்கமாக எழுதவும்.

மருது நிறுமம் ரூ.10 மதிப்புள்ள 150 பங்குகளை பங்கொன்றுக்கு ரூ.4 இறுதி அழைப்புத் தொகை செலுத்தத் தவறியதால் ஒறுப்பிழப்பு செய்தது. அவற்றில் 100 பங்குகளை பங்கொன்றுக்கு ரூ.9 வீதம் மறுவெளியீடு செய்தது. ஒறுப்பிழப்பு மற்றும் மறுவெளியீட்டிற்கான குறிப்பேட்டுப் பதிவுகளைத் தரவும்.

அனு நிறுமத்தால் ரூ.10 முகமதிப்பில் வெளியிடப்பட்ட நேர்மைப் பங்குகளில், தியாகு என்பவர் வைத்திருந்த ரூ.200 நேர்மைப் பங்குகளுக்கு இறுதி அழைப்புத் தொகையான ரூ.3 செலுத்தாத காரணத்தால் அவை ஒறுப்பிழப்பு செய்யப்பட்டன. அப்பங்குகள் ரூ.6 வீதம் லக்ஷ்மனுக்கு மறுவெளியீடு செய்யப்பட்டன. ஒறுப்பிழப்பு மற்றும் மறுவெளியீட்டிற்கான குறிப்பேட்டுப் பதிவுகளைத் தரவும்

Generic 5

2 x 5 = 10

முன்னுரிமைப் பங்குகளுக்கும், நேர்மைப் பங்குகளுக்குமுள்ள வேறுபாடுகளை கூறவும்

10.

X நிறுமம் ரூ.10 மதிப்புள்ள 10,000 நேர்மைப் பங்குகளை வெளியீடு செய்தது. பங்குகள் மீதான பணம் செலுத்த வேண்டிய விவரங்கள் பின்வருமாறு:
விண்ணப்பத்தின் போது = ரூ.2
ஒதுக்கீட்டின் போது = ரூ.4
முதல் அழைப்பின் போது = ரூ.2
இறுதி அழைப்பின் போது = ரூ.2
30,000 பங்குகளுக்கான விண்ணப்பங்கள் பெறப்பட்டன. 10,000 விண்ணப்பங்கள் நிராகரிக்கப்பட்டன. மீதமுள்ள விண்ணப்பங்கள் விகிதச்சார அடிப்படையில் ஒதுக்கீடு செய்யப்பட்டு, மிகுதியாகப் பெற்ற விண்ணப்பத் தொகையை ஒதுக்கீட்டிற்கு பயன்படுத்தி கொள்ளப்பட்டது. இயக்குனர்கள் இரண்டு அழைப்புகளையும் மேற்கொண்டனர். 600 பங்குகளின் இரண்டாம் அழைப்புத் தொகையை தவிர அனைத்து தொகைகளும் பெறப்பட்டன. பின்னர் அப்பங்குகள் ஒறுப்பிழப்பு செய்யப்பட்டன. அவற்றில், 400 பங்குகள் ஒரு பங்கிற்கு ரூ.7 பெற்றுக் கொண்டு, முழுமையாக செலுத்திய பங்காக மறுவெளியீடு செய்யப்பட்டன குறிப்பேட்டுப் பதிவுகள் தரவும்.

Visit QB365-SLMS - https://www.qb365.in/slms/

Answers Key:

Generic 2

2 x 2 = 4

குறிப்பேட்டுப் பதிவு
விவரம்		பற்று ரூ.	வரவு ரூ.
நேர்மைப் பங்கு முதல் க/கு (20 × 6)	ப	120
நேர்மைப் பங்கு ஒதுக்கீடு க/கு (20 × 3)			60
நேர்மைப் பங்கு முதல் அழைப்பு க/கு (20 × 1)			20
பங்கு ஒறுப்பிழப்பு க/கு (20 × 2)			40
(பங்குகள் ஒறுப்பிழப்பு செய்தது)

குறிப்பேட்டுப் பதிவு
விவரம்		பற்று ரூ.	வரவு ரூ.
நேர்மைப் பங்கு முதல் க/கு (500 × 10)	ப	5,000
நேர்மைப் பங்கு முதல் மற்றும் இறுதி அழைப்பு க/கு (500 × 2)			1,000
பங்கு ஒறுப்பிழப்பு க/கு (500 × 8)			4,000
(அழைப்புப் பணம் செலுத்தாததால் 500 பங்குகள் ஒறுப்பிழப்பு செய்யப்பட்டன)

Generic 3

6 x 3 = 18

நிறுமம், நிலம் மற்றும் கட்டடம், இயந்திரம் போன்ற நிலைச் சொத்துகளை வாங்கும் போது, பங்குகளை ரொக்கத்திற்கு அல்லாத மறுபயனுக்காக வெளியிடலாம். இத்தருணத்தில் கீழ்க்கண்ட குறிப்பேடுப் பதிவுகளைப் பதிய வேண்டும்.

	விவரம்		பற்று ரூ.	வரவு ரூ.
1)	சொத்துகளை வாங்கும் போது குறிப்பிட்ட சொத்து க/கு	ப	XXX
	விற்பனையாளர் க/கு			XXX
2)	பங்குகளை வெளியிடும் போது விற்பனையாளர் க/கு	ப	XXX
	நேர்மைப் பங்கு முதல் க/கு			XXX
	பத்திர முனைமக் க/கு (முனைமத்தில் வெளியிட்டால்)			XXX

ஒரு நிறுமம் வணிக நிறுவனத்தை வாங்குவதற்காகவும், தோற்றுவிப்பாளர்களுக்கு அவர்களின் பணிக்காகவும், தரகர் மற்றும் ஒப்புறுதியாளர்களுக்கு கழிவு கொடுப்பதற்காகவும் போன்ற ரொக்கத்திற்கு அல்லாத மறுபயனுக்காக பங்குகளை வெளியிடலாம்.

(அ) அங்கீகரிக்கப்பட்ட முதல்
இது அமைப்பு முறையேட்டின் படி அங்கீகரிக்கப்பட்ட முதல் ஆகும். இது அதிகபட்சமாக முதலாக திரட்ட அனுமதிக்கப்பட்ட தொகை. இதனைப் 'பதிவு செய்யப்பட்ட முதல்' அல்லது 'பெயரளவு முதல்' என்றும் கூறலாம்.
(ஆ) காப்புமுதல்
ஒரு நிறுமம் அதன் கலைப்பின் போது மட்டும் அழைப்பு விடுக்கலாம் என ஒதுக்கி வைத்துள்ள அழைக்கப்பட்ட முதலின் ஒரு பகுதியினை 'காப்பு முதல்' என்று அழைக்கலாம்.

1) ஒறுப்பிழப்பு செய்யப்பட்ட பங்குகள் நிறுமத்தால் மறுவெளியீடு செய்யப்படலாம். அப்பங்குகள் எந்த விலையிலும் மறுவெளியீடு செய்யலாம்.
2) ஆனால், வெளியீட்டு விலை ஒறுப்பிழப்பு செய்யப்பட்ட பங்குகளின் செலுத்தப் பெறாத தொகையைக் காட்டிலும் குறைவாக இருக்கக் கூடாது.
3) உதாரணமாக, ஒறுப்பிழப்பு செய்யப்பட்ட ஒரு பங்கின் மதிப்பு ரூ.10 அதற்கு ரூ.4 விண்ணப்பப் பணமாக செலுத்தப்பட்டிருந்தது.
4) அப்பங்குகள் முழுவதும் செலுத்தப்பட்டவைகளாக மறுவெளியீடு செய்யப்பட்டன. அதன் புதிய விலை குறைந்தபட்சமாக ரூ.6(10-4) என நிர்ணயிக்கப்பட வேண்டும்.
5) ஒறுப்பிழப்பு செய்யப்பட்ட பங்குகள் நட்டத்தில் மறுவெளியீடு செய்யப்படும் போது, அந்த நட்டம் ஒறுப்பிழப்பு கணக்கில் பற்று செய்யப்படுகிறது.
6) ஒறுப்பிழப்பு செய்யப்பட்ட பங்குகள் முனைமத்தில் மறுவெளியீடு செய்யப்பட்டால், அந்த முனைமத்தொகை பத்திர முனைமக் கணக்கில் வரவு வைக்கப்படும்.

1) பங்கின் அழைக்கப்பட்ட மதிப்பை விட அதிகமாகப் பெறப்பட்ட தொகை அழைப்பு முன்பணம் எனப்படும். இது பங்கு விண்ணப்பம் அல்லது பங்கு ஒதுக்கீடு அல்லது பங்கு அழைப்புக் கணக்கில் அதிகமாக பெறப்பட்ட தொகையாகும்.
2) அவ்வாறு அதிகமாகப் பெறப்பட்ட தொகையை திருப்பி அளிக்க வேண்டும் அல்லது எதிர்காலத்தில் செலுத்த வேண்டிய தொகைகளில் சரிக்கட்ட வேண்டும்.
3) அவ்வாறு எதிர்காலத்தில் செலுத்தப்பட வேண்டிய தொகைகளில் சரிக்கட்ட தீர்மானித்தால், அந்த அதிகமாகப் பெறப்பட்ட தொகையை அழைப்பு முன்பணம் என்ற தனிக் கணக்கிற்கு மாற்றலாம்.
4) அழைப்பு முன்பணம் நிறுமத்தின் பங்கு முதலில் ஒரு பகுதி அல்ல மற்றும் அதற்கு பங்காதாயம் ஏதும் செலுத்த வேண்டியதில்லை.
5) இது இருப்புநிலைக் குறிப்பில் இதர நடப்புப்பொறுப்புகளின் கீழ் காட்டப்படும்.

மருது நிறுமத்தின் ஏடுகளில் குறிப்பேட்டுப் பதிவுகள்
விவரம்		பற்று ரூ.	வரவு ரூ.
பங்குமுதல் க/கு (150 × 10)	ப	1,500
பங்கு இறுதி அழைப்பு க/கு (150 × 4)			600
பங்கு ஒறுப்பிழப்பு க/கு (150 × 6)			900
(150 பங்குகள் ஒறுப்பிழப்பு செய்யப்பட்டன)
வங்கி க/கு (100 × 9)	ப	900
பங்கு ஒறுப்பிழப்பு க/கு (100 × 1)	ப	100
பங்குமுதல் க/கு (100 × 10)			1,000
(ஒறுப்பிழப்பு செய்யப்பட்ட 100 பங்குகள் ரூ.9 வீதம் மறுவெளியீடு செய்யப்பட்டன)
பங்கு ஒறுப்பிழப்பு க/கு	ப	500
முதலினக் காப்பு க/கு			500
(மறுவெளியீட்டின் இலாபம் முதலினக் காப்பு கணக்கிற்கு மாற்றப்பட்டது)

குறிப்பு:
150 பங்குகளுக்கான ஒறுப்பிழப்புத் தொகை = ரூ.900
100 பங்குகளுக்கான ஒறுப்பிழப்புத் தொகை = \(\frac {900}{150}\) x 100 = ரூ.600
இலாபம் அல்லது நட்டம் = ஒறுப்பிழப்புத் தொகை – மறுவெளியீட்டுத் தள்ளுபடி
= 600 – 100
நிகர ஆதாயம் = ரூ. 500

அனு நிறுமத்தின் ஏடுகளில் குறிப்பேட்டுப் பதிவுகள்
விவரம்		பற்று ரூ.	வரவு ரூ.
நேர்மைப் பங்கு முதல் க/கு (200 × 10)	ப	2,000
நேர்மைப் பங்கு இறுதி அழைப்பு க/கு (200 × 3)			600
பங்கு ஒறுப்பிழப்பு க/கு (200 × 7)			1,400
(200 பங்குகள் ஒறுப்பிழப்பு செய்யப்பட்டன)
வங்கி க/கு (200 × 6)	ப	1,200
பங்கு ஒறுப்பிழப்பு க/கு (200 × 4)	ப	800
நேர்மைப் பங்குமுதல் க/கு (200 × 10)			2,000
(ஒறுப்பிழப்பு செய்த பங்குகள் மறுவெளியீடு செய்யப்பட்டன)
பங்கு ஒறுப்பிழப்பு க/கு (1,400-800)	ப	600
முதலினக் காப்பு க/கு			600
(பங்கு ஒறுப்பிழப்பு கணக்கு முதலினக் காப்பு கணக்கிற்கு மாற்றப்பட்டது)

Generic 5

2 x 5 = 10

வ.எண்	முன்னுரிமைப் பங்குகள்	நேர்மைப் பங்குகள்
1	பிற வகையான பங்குகள் பெற்றிருக்கும் உரிமைகளை விட, சிலவற்றில் பெற்றிருக்கும் பங்குகள் முன்னுரிமை பங்குகள் எனப்படுகின்றன.	முன்னுரிமைப் பங்குகள் அல்லாத பங்குகள் நேர்மைப் பங்குகள் ஆகும்.
2	நிறுமம் செயல்படும் வரை ஒரு குறிப்பிட்ட (நிலையான) பங்காதாயத்தை பெறுவதால், இவ்வகை பங்குநர்கள் முன்னுரிமை பெற்றுள்ளனர்.	நேர்மைப் பங்குகளுக்கான பங்காதாய விகிதம் நிலையாக இருப்பதில்லை.
3	நிறுமம் கலைக்கப்படும் பொழுது பிற புறக்கடன்கள் அனைத்தையும் அடைத்த பின்னர், சொத்துக்கள் மிகுதியிருப்பின் முதலில் முன்னுரிமைப் பங்குநர்களுக்கு முழு முதலையும் திருப்பிக் கொடுத்துவிட வேண்டும்.	நிறுமக் கலைப்பின் போதும், முன்னுரிமைப் பங்குதாரர்களுக்கு முதலை திரும்பச் செலுத்திய பிறகே நேர்மைப் பங்குதாரர்களுக்கு செலுத்தப்படும்.

10.

X நிறுமத்தின் ஏடுகளில் குறிப்பேட்டுப் பதிவுகள்
விவரம்		பற்று ரூ.	வரவு ரூ
வங்கி க/கு (30,000 x 2)	ப	60,000
நேர்மைப் பங்கு விண்ணப்பக் க/கு			60,000
(30,000 பங்குகளுக்கான விண்ணப்பப் பணம் பெற்றது)
நேர்மைப் பங்கு விண்ணப்பக் க/கு (10,000 x 2)	ப	20,000
நேர்மைப் பங்குமுதல் க/கு			20,000
(பங்கு விண்ணப்பப் பணம் பங்குமுதல் கணக்கிற்கு மாற்றப்பட்டது )
நேர்மைப் பங்கு விண்ணப்பக் க/கு	ப	40,000
வங்கி க/கு (10,000 x 2)			20,000
நேர்மைப் பங்கு ஒதுக்கீட்டு க/கு (10,000 x 2)			20,000
(நிராகரிக்கப்பட்ட விண்ணப்பங்களுக்கு பணம் திருப்பி அளிக்கப்பட்டது மற்றும் மிகுதியாகப் பெற்ற விண்ணப்பத் தொகை ஒதுக்கீட்டிற்கு சரிக்கப்பட்டது)
நேர்மைப் பங்கு ஒதுக்கீட்டு க/கு (10,000 x 4)	ப	40,000
நேர்மைப் பங்குமுதல் க/கு			40,000
(ஒதுக்கீட்டுக் பணம் பெற வேண்டியது)
வங்கி க/கு (40,000-20,000)	ப	20,000
நேர்மைப் பங்கு ஒதுக்கீட்டு க/கு			20,000
(ஒதுக்கீட்டு பணம் பெற்றது)
நேர்மைப் பங்கு முதல் அழைப்பு க/கு (10,000 x 2)	ப	20,000
நேர்மைப் பங்குமுதல் க/கு			20,000
(முதல் அழைப்பு பணம் பெற வேண்டியது)
வங்கி க/கு	ப	20,000
நேர்மைப் பங்கு முதல் அழைப்பு க/கு			20,000
(முதல் அழைப்பு பணம் பெற்றது)
நேர்மைப் பங்கு இரண்டாம் மற்றும் இறுதி அழைப்பு க/கு (10,000 x 2)	ப	20,000
நேர்மைப் பங்குமுதல் க/கு			20,000
(இரண்டாம் மற்றும் இறுதி அழைப்பு பணம் பெற வேண்டியது)
வங்கி க/கு (9,400 x 2)	ப	18,800
நேர்மைப் பங்குமுதல் க/கு			18,800
(9,400 பங்குகளுக்கான இரண்டாம் மற்றும் இறுதி அழைப்பு பணம் பெற்றது)
நேர்மைப் பங்குமுதல் க/கு (600 x 10)	ப	6,000
நேர்மைப் பங்கு இரண்டாம் மற்றும் இறுதி அழைப்பு க/கு (600 x 2)			1,200
பங்கு ஒறுப்பிழப்பு க/கு (600 x 8)			4,800
(600 பங்குகள் ஒறுப்பிழப்பு செய்யப்பட்டது)
வங்கி க/கு (400 x 7)	ப	2,800
பங்கு ஒறுப்பிழப்பு க/கு (400 x 3)	ப	1,200
நேர்மைப் பங்குமுதல் க/கு			4,000
(ஒறுப்பிழப்பு செய்யப்பட்ட 400 பங்குகள் மறுவெளியீடு செய்யப்பட்டது)
பங்கு ஒறுப்பிழப்பு க/கு	ப	2,000
முதலினக் காப்பு க/கு			2,000
(மறுவெளியீட்டு இலாபம் முதலினக் காப்பு கணக்கிற்கு மாற்றப்பட்டது

குறிப்பு:
ஒறுப்பிழப்பு செய்யப்பட்ட 600 பங்குகளுக்கான தொகை = ரூ.4,800
400 பங்குகளுக்கான ஒறுப்பிழப்பு செய்யப்பட்ட தொகை = \(\frac {4,800}{600}\) x 400 = ரூ. 3,200
கழிக்க: மறுவெளியீட்டு நட்டம் 1,200
______
நிகர ஆதாயம் முதலினக் காப்பு கணக்கிற்கு மாற்றப்பட்டது 2,000
_______