ஒப்புநோக்கு அறிக்கை ஐந்து பத்திகளைக் கொண்டது. ஒப்புநோக்கு அறிக்கைகள் தயாரிக்கப்படும் போது பின்பற்ற வேண்டிய நிலைகள் பின்வருமாறு:
1) பத்தி 1: இந்தப் பத்தியில் வருமான அறிக்கை மற்றும் இருப்புநிலைக்குறிப்பில் உள்ள விவரங்கள் பதியப்படும்.
2) பத்தி 2: முதல் ஆண்டிற்கான தொகையைப் பதிவு செய்யவும்.
3) பத்தி 3: இரண்டாம் ஆண்டிற்கான தொகையைப் பதிவு செய்யவும்.
4) பத்தி 4: முதலாண்டு தொகைக்கும் இரண்டாமாண்டு தொகைக்கும் இடையேயான வேறுபாட்டினைக் காட்டவும். 2-ம் ஆண்டில் மதிப்பு அதிகரித்திருந்தால் கூட்டல் அடையாளமும் மதிப்பு குறைந்திருந்தால் கழித்தல் அடையாளமும் இட வேண்டும்.
5) பத்தி 5:4-ஆம் பத்தியில் கொடுக்கப்பட்டுள்ள தொகையினை இரண்டாம் பத்தியில் (முதல் ஆண்டு தொகை) கொடுக்கப்பட்டுள்ள தொகையுடன் வகுத்து (கூடும் அல்லது குறையும் தொகை) 4-ஆம் பத்தியின் தொகைக்கான கூடும் அல்லது குறையும் சதவீதத்தினைக் காட்டவும்.

1) ரொக்க ஓட்ட பகுப்பாய்வு என்பது ரொக்க ஓட்ட அறிக்கை தயாரிப்பதைக் குறிக்கும். இது ஒரு குறிப்பிட்ட காலத்தில் உள்வரும் மற்றும் வெளிச் செல்லும் ரொக்கம் மற்றும் ரொக்கத்திற்கு சமமானவைகளை வெளிப்படுத்தும்.
2) ரொக்கம் என்பது கை ரொக்கம் மற்றும் வங்கியில் உள்ள கேட்பு வைப்புகளை உள்ளடக்கியது.
3) ரொக்கத்திற்கு சமமானவைகள் என்பது குறுகிய காலத்தில் அதிக நட்டமில்லாமல் ரொக்கமாக மாற்றக்கூடிய குறுகிய கால முதலீடுகளைக் குறிக்கும்.
4) ரொக்க ஓட்டப் பகுப்பாய்வு வணிக நிறுவனத்தின் நீர்மைத்தன்மை மற்றும் கடன் தீர்க்கும் திறன் விகிதங்கள் கணக்கிடுவதற்கு உதவிகரமானதாக இருக்கிறது.

விவரம்	ரூ.இலட்சங்களில்			போக்கு சதவீதங்கள்
	2015-16	2016-17	2017-18	2015-16	2016-17	2017-18
விற்பனை மூலம் பெற்ற வருவாய்	100	120	160	100	120	160
கூட்டுக: இதர வருமானம்	20	24	20	100	120	100
மொத்த வருமானங்கள்	120	144	180	100	120	150
கழிக்க: செலவுகள்	20	14	40	100	70	200
வரிக்கு முன்னர் உள்ள இலாபம்	100	130	140	100	130	140
கழிக்க: வருமானவரி 30%	30	39	42	100	130	140
வரிக்கு பின்னர் உள்ள இலாபம்	70	91	98	100	130	140

2019, மார்ச் 31 ஆம் நாளையபொது அளவு வருவாய் அறிக்கை

விவரம்	மணி நிறுமம்		கனி நிறுமம்
	தொகை	விற்பனை மூலம் பெற்ற வருவாயில் சதவீதம்	தொகை	விற்பனை மூலம் பெற்ற வருவாயில் சதவீதம்
	ரூ.		ரூ.
விற்பனை மூலம் பெற்ற வருவாய்	2,00,000	100	2,50,000	100
கூட்டுக: இதர வருமானம்	30,000	15	25,000	10
மொத்த வருவாய்	2,30,000	115	2,75,000	110
கழிக்க: செலவுகள்	1,10,000	55	1,25,000	50
வரிக்கு முன்னர் உள்ள இலாபம்	1,20,000	60	1,50,000	60

அப்துல் வரையறு நிறுமத்தின் 2016, மார்ச் 31 மற்றும் 2017, மார்ச் 31 ஆம் நாளோடு முடிவடையும் ஆண்டுக்குரிய ஒப்பீட்டு வருமான அறிக்கை

விவரம்	2015-16	2016-17	தொகையின் கூடுதல் (+) அல்லது குறைவு (-)	சதவீதத்தின் கூடுதல் (+) அல்லது குறைவு (-)
	ரூ.	ரூ.	ரூ.
விற்பனை மூலம் பெற்ற வருவாய்	3,00,000	3,60,000	+60,000	+20
கூட்டுக: இதர வருமானங்கள்	1,00,000	60,000	–40,000	–40
மொத்த வருமானங்கள்	4,00,000	4,20,000	+20,000	+5
கழிக்க: செலவுகள்	2,00,000	1,80,000	–20,000	–10
வரிக்கு முன் இலாபம்	2,00,000	2,40,000	+40,000	+20
கழிக்க: வருமானவரி 30%	60,000	72,000	+12,000	+20
வரிக்கு பின்னர் உள்ள இலாபம்	1,40,000	1,68,000	+28,000	+20

மரியா வரையறு நிறுமத்தின்
2018, மார்ச் 31 ஆம் நாளைய பொது அளவு இருப்புநிலைக்குறிப்பு.

விவரம்	தொகை	மொத்த சொத்துகளில் சதவீதம்
	ரூ.
I. பங்குமூலதனம் மற்றும் பொறுப்புகள்
பங்குதாரர் நிதி	4,00,000	50
நீண்ட காலப் பொறுப்புகள்	3,20,000	40
நடப்புப் பொறுப்புகள்	80,000	10
மொத்தம்	8,00,000	100
II. சொத்துகள்
நிலைச் சொத்துகள்	6,00,000	75
நடப்புச் சொத்துகள்	2,00,000	25
மொத்தம்	8,00,000	100

1) பல ஆண்டுகளுக்கான தொகைகளைப் பகுப்பாய்வு செய்வதற்கு எடுத்துக் கொண்டால், அப்பகுப்பாய்வு கிடைமட்ட பகுப்பாய்வு என்றழைக்கப்படும்.
2) பொதுவாக, ஒரு ஆண்டானது அடிப்படை ஆண்டாக எடுத்துக் கொள்ளப்பட்டு பிற ஆண்டுகளுடனான தொகை அடிப்படை ஆண்டுடன் ஒப்பீடு செய்யப்படுகிறது.
3) ஒப்பீடு அறிக்கைகள், மற்றும் போக்கு சதவீதங்கள் போன்றவை கிடைமட்ட பகுப்பாய்விற்கான எடுத்துக்காட்டுகள் ஆகும்.

நிதிநிலை அறிக்கையில் காணப்படும் பல்வேறு விவரங்களுக்கிடையேயான தொடர்புகளை கண்டறிந்து, மதிப்பிட்டு ஒப்பீடு செய்வதே நிதிநிலை அறிக்கை பகுப்பாய்வு ஆகும். இது வணிக நிறுவனத்தின் செயல்பாடுகளையும், நிதி நிலையையும் புரிந்து கொள்வதற்கு வழி செய்கிறது.

ராதா நிறுமத்தின் 2017 மார்ச் 31 ஆம் நாளோடு முடிவடையும் ஆண்டிற்கான பொது அளவு வருமான அறிக்கை

விவரம்	தொகை ரூ.	சதவீதத்தின் கூடுதல் (+) அல்லது குறைவு (-)
விற்பனை மூலம் பெற்ற வருவாய்	4,50,000	100
கூட்டுக: இதர வருமானம்	67,500	15
மொத்த வருவாய்	5,17,500	115
கழிக்க: செலவுகள்	1,35,000	30
வரிக்கு முன்னர் உள்ள இலாபம்	3,82,500	85

குறிப்பு:
பிற வருமானத்திற்கான சதவீதம் கணக்கிடுதல் \(=\frac {67,500}{4,50,000}\times {100}=15\%\)
மொத்த வருவாய்க்கான சதவீதம் கணக்கிடுதல் \(=\frac {5,17,500}{4,50,000}\times {100}=115\%\)
செலவுகளுக்கான  சதவீதம் கணக்கிடுதல் \(=\frac {1,35,000}{4,50,000}\times {100}=30\%\)
வரிக்கு முன்னர் உள்ள இலாபத்தில் சதவீதம் கணக்கிடுதல் \(=\frac {3,82,500}{4,50,000}\times {100}=85\%\)

டேனியல் நிறுமத்தின் 2016 மற்றும் 2017 மார்ச் 31 ஆம் நாளோடு முடிவடையும் ஆண்டுக்குரிய ஒப்பீட்டு வருமான அறிக்கை

விவரம்	2015-16 ரூ.	2015-16 ரூ.	தொகையின் கூடுதல் (+) அல்லது குறைவு (-)	சதவீதத்தின் கூடுதல் (+) அல்லது குறைவு (-)
விற்பனை மூலம் பெற்ற வருவாய்	40,000	50,000	+10,000	+25
கழிக்க: இயக்க செலவுகள்	25,000	27,000	+2,500	+10
வரிக்கு முன் இலாபம்	15,000	22,500	+7,500	+50
கழிக்க: வருமான வரி	4,500	6,700	+2,250	+50
வரிக்கு பின்னர் உள்ள இலாபம்	10,500	15,750	+5,250	+50

குறிப்பு:வருமான வரி கணக்கீடு 
2015-16 15,000 x\(\frac {30}{100}=4,500\)
2016-17 22,500 x\(\frac {30}{100}=6,750\)

1) போக்குப் பகுப்பாய்வு என்பது ஒரு காலக்கட்டத்திற்கு மேல் உள்ள தொகைகளின் இயக்கத்தை ஆய்வு செய்வதாகும். 
2) போக்கு என்பது வளர்ந்து வரும் போக்காகவோ அல்லது குறைந்து செல்லும் அல்லது முறையற்ற போக்காகவோ இருக்கலாம்.
3) இரண்டு ஆண்டுகளுக்கு மேலாக உள்ள தகவல்களை பகுப்பாய்வு செய்ய ஒப்பீட்டு அளவு அறிக்கை முறையை பயன்படுத்துவது கடினமானதாகும். எனவே, போக்குப் பகுப்பாய்வு பயன்படுத்தப்படலாம்.

"நிதி" என்பது நடைமுறை முதலைக் குறிப்பதாகும். நடைமுறை முதல் என்பது நடப்புப் பொறுப்புகளை விட அதிகமாக உள்ள நடப்புச் சொத்துகளைக் குறிப்பதாகும். ஓட்டம் என்பது இயக்கம் என்பதைக் குறிக்கும்.

1) ஒரு கணக்காண்டின் இறுதியில் வியாபாரத்தின் இயக்க முடிவுகள் மற்றும் நிதிநிலையை அறிந்து கொள்ள தயாரிக்கப்படும் அறிக்கைகளே நிதிநிலை அறிக்கைகள் ஆகும்.
2) வியாபார நிறுவனங்களால் தயாரிக்கப்படும் வருமான அறிக்கை மற்றும் இருப்பு நிலைக்குறிப்பு ஆகியவை அடிப்படை நிதிநிலை அறிக்கைகளாகும்.