1. நைட்ரோசோமோனாஸ் யூரோப்பியா - பென்சீன் மற்றும் பலதரப்பட்ட உப்பீனி ஏறிய கரிம கூட்டுப்பொருட்களான ட்ரைகுளோரோ எத்திலீன் மற்றும் பினைல் குளோரைடு போன்றவற்றை சிதைக்கவல்லது.
2. டீகுளோரோமோனாஸ் அரோமேட்டிக்கா - காற்றற்ற சூழலில் பென்சீனை சிதைக்கவும், டொலுவீன் மற்றும் சைலீனை ஆக்ஸிகரணமடையச் செய்யும் திறனும் பெற்றுள்ளது.

ஸ்ட்ரெப்டோமைசின்:
1. இது பரந்த செயலாற்றலுள்ள உயிர் எதிர்ப்பொருள்.
2. ஸ்ட்ரெப்டோமைசிஸ் கிரைசியஸ் என்ற ஆக்டினோமைசெஸ் வகையைச் சேர்ந்த பாக்டீரியாவில் இருந்து தயாரிக்கப்படுகிறது.
3. இந்த மருந்து பொதுவாக கிராம் பாசிடிவ் மற்றும் கிராம் நெகடிவ் பாக்டீரியாக்களை அழிக்கவல்லது.
4. குறிப்பாக மைக்கோபாக்டீரியம் டியூபர்குலோசிஸை அழிக்கின்றது. இது காசநோய்க்கு காரணமானது.

நுண்ணுயிரிகளால் உற்பத்தி செய்யப்படும் செயல் திறனுள்ள மூலக்கூறுகள் (Bio active molecule)
1. ஸ்ட்ரெப்டோகைனேஸ்:
1. இது ஸ்ட்ரெப்டோகாக்கஸ் பேக்டீரியாவால் உற்பத்தி செய்யப்படுகிறது.
2. ஸ்ட்ரெப்டோகைனேஸ் நொதியும் மரபியல் மாற்றம் செய்யப்பட்ட ஸ்ட்ரெப்டோகாக்கை பாக்டீரியங்களும் இதயத் தசை நலிவுறல் நோயால் பாதிக்கப்பட்டவர்களின் இரத்தக் குழாய்களிலுள்ள இரத்தக்கட்டிகளைக் கரைக்கும் "கட்டிசிதைப்பானாகச் செயல்படுகின்றன".
2. சைக்ளோஸ்போரின் A:
1. டிரைக்கோடெர்மா பாலிஸ்போரம் என்ற பூஞ்சையிலிருந்து உற்பத்தி செய்யப்படுகிறது.
2. இது ஒரு நோய் தடுப்பாற்றல் ஒடுக்கியாக உறுப்பு மாற்றம் செய்யும் போது பயன்படுகிறது.
3. மேலும் இது அழற்சி எதிர்ப்பு, பூஞ்சை எதிர்ப்பு மற்றும் ஒட்டுண்ணி எதிர்ப்பு ஆகிய பண்புகளைக் கொண்டுள்ளது.

1. பெனிசிலின் மருந்தை பயன்படுத்துவதில் உள்ள பெரிய இடர் "மிகு உணர்மை" (Hypersensitivity) ஆகும்.
2. எல்லாராலும் பெனிசிலின் மருந்தை எடுத்துக்கொள்ள முடியாது.
3. நோயாளிக்கு ஒவ்வாமை பரிசோதனை செய்ய மருத்துவர் நோயாளியின் முன் கையில் சிறிய ஊசியால் வீரியம் குறைந்த மருந்தை செலுத்துவார்.
4. நோயாளிக்கு மருந்து ஒத்துக்கொள்ளவில்லை எனில் மருந்து செலுத்திய இடத்தில் சிவந்து அரிப்பு ஏற்படும்.
ஒவ்வாமை அறிகுறிகள்:
1. குமட்டல்
2. வாந்தி
3. அரிப்புகள்
4. மூச்சுத் திணறல்
5. இறுதியில் இரத்த நாள அழிவுகள்

இயற்கை வேளாண்மையின் முக்கியப் பண்புகள்:
1. கரிமப் பொருட்களை பயன்படுத்தி மண்ணின் தரம் பாதுகாத்தல் மற்றும் உயிரிய  செயல்பாடுகளை ஊக்குவித்தல்.
2. மண்வாழ் உயிரிகளை பயன்படுத்தி பயிர்களுக்கு ஊட்டச் சத்துகளை மறைமுகமாக அளித்தல் 
3. பயறு வகை தாவரங்களை பயன்படுத்தி மண்ணில் நைட்ரஜனை நிலைப்படுத்துதல் 
4. பயிர் சுழற்சி, உயிரியப் பல்வகைத்த தன்மை, இயற்கையான கொன்றுண்ணிகள், இயற்கை உரங்கள் மற்றும் பொருத்தமான வேதிய, வெப்ப மற்றும் உயிரிய தலையீடுகள் போன்ற முறைகளால் களை மற்றும் தீங்குயிர்கள் கட்டுப்படுத்துதல்.

1. 'உயிரிய உரங்கள்' மண்ணின் ஊட்டச்சத்து தரத்தை வளப்படுத்தக் கூடிய உயிருள்ள நுண்ணுயிரிகளால் உருவாக்கப்பட்டதாகும்.
2. இவை பல ஊட்டச் சத்துகள் மற்றும் போதுமான அளவு கரிம பொருட்களை வழங்குகிறது.
3. இதனால் மண்ணின் அமைப்பு முறை, கட்டமைப்பு, நீர் சேமிப்புத் திறன், நேர்மின் அயனி பரிமாற்ற திறன் மற்றும் கார அமிலத் தன்மை (pH) போன்ற இயற்பிய வேதிய பண்புகளை அதிகரிக்கச் செய்கிறது.
பாக்டீரியா:
4. ரைசோபியம் - இணைந்து வாழக்கூடிய (Symbiotic) நைட்ரஜனை நிலைப்படுத்தும் பாக்டீரியா ஆகும்.
5. இவை பயறு வகைத் தாவரங்களின் வேர் முடிச்சுகளில் தொற்றி வளிமண்டல நைட்ரஜனை கரிம வடிவில் நிலைப்படுத்துகின்றன.
6. அசோஸ்பைரில்லம் மற்றும் அசிட்டோபாக்டர் போன்ற தனித்து வாழும் பாக்டீரியாக்கள் வளிமண்டல நைட்ரஜனை நிலைப்படுத்தி மண்ணின் நைட்ரஜன் அளவை அதிகப்படுத்துகின்றன.
பூஞ்சைகள்:
7. பூஞ்சைகளும் தாவரங்களின் வேர்களும் இணைந்து வாழும் அமைப்பு மைக்கோரைசா எனப்படும்.
8. இதில் இணை வாழ் உயிரியான பூஞ்சை மண்ணிலிருந்து பாஸ்பரசை உறிஞ்சி தாவரங்களுக்கு அளிக்கிறது.
9. இத்தகைய இணை வாழ்வை கொண்டுள்ள தாவரங்கள் வேறு பல நன்மைகளையும் பெறுகின்றன.
10. வேரிலுள்ள நோயூக்கிகளுக்கு எதிரான எதிர்ப்புத் திறன், உப்புத்தன்மை மற்றும் வறட்சி தாங்கு திறன், தாவர வளர்ச்சியை மேம்படுத்துதல் போன்ற பிற நன்மைகள் ஆகும்.
எ.கா: குளோமஸ் என்ற பேரினத்தின் பல உறுப்பு இனங்கள் மைக்கோரைசாவை ஏற்படுத்துகின்றன.

நுண்ணுயிரிகள் வணிக மற்றும் தொழிற்துறை ரீதியான ஆல்கஹால் உற்பத்திக்கு மட்டுமின்றி கரிம அமிலங்கள் மற்றும் நொதிகளின் உற்பத்திக்கும் பயன்படுகின்றன.
கரிம அமிலங்கள் மற்றும் பயன்படும் நுண்ணுயிரிகள்:
1. சிட்ரிக் அமிலம் - ஆஸ்பர்ஜில்லஸ் நைஜர்
2. அசிடிக் அமிலம் - அசிட்டோபாக்டர் அசிட்டை
3. ஃபியூமரிக் அமிலம் - ரைசோபஸ் ஒரிசா
4. பியூட்டிரிக் அமிலம் - கிளாஸ்டிரிடியம் பியூட்டைரிக்கம்
5. லாக்டிக் அமிலம் - லாக்டோபேசில்லஸ்
நொதிகளின் உற்பத்தி:
வணிக ரீதியிலான நொதிகளின் உற்பத்திக்கு ஈஸ்ட் அதாவது சக்காரோமைசஸ் செரிவிசியே மற்றும் பாக்டீரியாக்கள் பயன்படுகின்றன.
i) லைபேஸ்: நொதி துணிகளில் படிந்த எண்ணெய் கறைகளை நீக்க சலவைப் பொருட்களில் பயன்படுத்தப்படுகிறது.
ii) பெக்டினேஸ், புரோட்டியேஸ், செல்லுலேஸ்: இந்த நொதிகள் புட்டியில் அடைக்கப்பட்ட சாறுகளை தெளிவடைய செய்ய பயன்படுகின்றன.
iii) ரென்னட்: இந்த நொதி பாலை கெட்டியான தயிராக மாற்றுவதற்குப் பயன்படுகிறது.
iv) ஸ்ட்ரெப்டோகைனேஸ்: இந்நொதியும் மரபியல் மாற்றம் செய்யப்பட்ட ஸ்ட்ரெப்டோகாக்கை பாக்டீரியங்களும் இதயத்தசை நலிவுறல் நோயால் பாதிக்கப்பட்டவர்களின் இரத்தக் குழாய்களிலுள்ள இரத்தக் கட்டிகளைக் கரைக்கும் 'கட்டி சிதைப்பானாக' செயல்படுகின்றன.

1. ஆக்சிஜேனற்ற சூழலில் கரிமப் பொருட்களை சிதைவடையச் செய்து பெறப்படும் பலவகை வாயுக்களின் கலவையே உயிர் வாயு (அ) சாண எரிவாயு ஆகும்.
2. விவசாய கழிவுகள், நகராட்சி கழிவுகள், உரங்கள், தாவர பொருட்கள், கழிவு நீர், உணவு கழிவுகள் போன்ற மூலப்பொருட்களிலிருந்து உயிரி வாயு உற்பத்தி செய்யப்படுகிறது.
3. கிராமப்புற பகுதிகள் கால்நடைகள் அதிகமாக வளர்க்கப்படுவதால் சாணம் என்ற கால்நடைக் கழிவு அதிகமாக கிடைக்க வாய்ப்புள்ளது.
4. மீத்தேனை உற்பத்தி செய்யும் பாக்டீரியங்கள் கால்நடைகளின் இரைப்பையிலும் ஆக்சிஜேனற்ற கசடுகளிலும் காணப்படுகின்றன.
5. கால்நடை சாணத்தை காற்றற்ற சூழலில் மக்கச் செய்வதன் மூலம் சாண எரிவாயு உற்பத்தி செய்யப்படுகிறது.
6. இதில் சிறிதளவு ஹைட்ரஜனுடன் கூடிய மீத்தேன், கார்பன்-டை-ஆக்சைடு, நைட்ரஜன் மற்றும் சிறிய அளவில் வேறு சில வாயுக்களும் உள்ளன.
7. ஒளியூட்டலுக்கும், சமைப்பதற்கும் உயிர் வாயு பயன்படுகிறது.
8. இதிலுள்ள எஞ்சிய நோயூக்கிகள் அற்ற சாண கரைசல் உரமாக பயன்படுகிறது.
9. இதனால் கிராமப்புற மக்கள் சமைப்பதற்கு மரக்கட்டைகளை சேகரிக்கவேண்டிய அவசியமில்லை.
10. மேலும் சுற்றுசூழலை மாசுபடுத்தாத மணமற்ற புகையற்ற நீலச்சுடரை தரவல்ல எரிபொருளாக உயிர் வாயு பயன்படுகிறது.
11. பொதுவாக உயிர் வாயு ஒரு மனிதன் ஒரு ஆண்டிற்கு பயன்படுத்தும் 4.5 டன்  மரக்கட்டைகள் பயன்படுத்துவது தவிர்க்கப்படுகிறது. இதனால் 4 டன்  பச்சைவீடு வாயுக்கள் வெளியேறுவதும் தவிர்க்கப்படுவதாக இயற்கைக்கான உலகளாவிய நிதியம் (WWF) கூறியுள்ளது.
12. கழிவுகளை உயிர் வாயு தயாரிக்க பயன்படுத்துவதால் இயற்கையில் இந்த கழிவுகள் சிதைந்து பச்சைவீடு வாயுவான மீத்தேன் வாயு வெளியேறுவதும் தவிர்க்கப்படுகிறது.
13. இவ்வாறு இயற்கைக் கழிவுகள் உயிர் வாயு தயாரிக்க பயன்படுத்தப்படுவதால் சுற்றுச்சூழல் தூய்மையாக பாதுகாக்கப்படுகிறது.
14. இவ்வாறு உயிர் வாயு வீடுகளில் தயாரிக்கப்பட்டு பயன்படுத்துவதால் சுற்றுசூழல் மாசுபாடு தவிர்க்கப்படுகிறது. மக்கள் சுகாதாரமாக வாழ வழிவகுக்கிறது.

ஈ. ரென்னட் - லாக்டிக் அமிலம்

இ. ரம் - நொதிக்க வைக்கப்பட்ட கரும்பு

ஈ. கூற்று (A) காரணம் (R) இரண்டும் தவறு.

இ. தீங்கு தரும் பூச்சிகளுக்கு எதிர்ப்பு திறன்.