1. பெரும்பாலான தனிமங்கள் முதன்மை இணைதிறன் மற்றும் இரண்டாம் நிலை இணைதிறன் ஆகிய இரு இணைதிறன் ஆகிய இரு இணைதிற மதிப்புகளைப் பெற்றுள்ளன. ஒவ்வொரு தனிமமும் இவ்விரு இணை திறன்களை நிறைவு செய்ய முற்படுகின்றன. தற்போது முதன்மை இணை திறனானது உலோக அயனியின் ஆக்சிஜனேற்ற எண் எனவும், இரண்டாம் நிலை இணைதிறன், அணைவு எண் எனவும் அழைக்கப்படுகின்றன. எடுத்துக்காட்டாக, வெர்னரின் கூற்றுப்படி கோபால்டின் முதன்மை மற்றும் இரண்டாம் நிலை இணைதிற மதிப்புகள் முறையே 3 மற்றும் 6 ஆகும்.
2. பெரும்பாலான நேர்வுகளில், முதன்மை இணைதிற மதிப்பானது நேர்குறியுடையது மேலும் சில நேர்வுகளில் பூஜ்யமதிப்புடையது. இவைகள் எப்போதும் எதிர் மின்சுமையுடைய அயனிகளால் நிறைவு செய்யப்படுகின்றன. எடுத்துக்காட்டாக, CoCI₃.6NH₃ ல் Co ன் முதன்மை இணைதிறன் +3 மேலும் இது 3CI^- அயனிகளால் நிறைவு செய்யப்படுகிறது.
3. இரண்டாம் நிலை இணை திறனானது எதிர் அயனிகள், நடுநிலை மூலக்கூறுகள், நேர் அயனிகள் போன்றவற்றால் நிறைவு செய்யப்படுகிறது. எடுத்துக்காட்டாக, CoCl₂.6NH₃ல் கோபால்டின் இரண்டாம் நிலை இணைதிறன் 6 இது ஆறு நடுநிலை அம்மோனியா மூலக்கூறுகளால் நிறைவு செய்யப்படுகிறது. மாறாக, CoCl₃.5NH₃ ல் கோபால்டின் இரண்டாம் நிலை இணை திறனானது ஐந்து நடுநிலை அம்மோனியா மூலக்கூறுகள் மற்றும் ஒரு Cl^- அயனியால் நிறைவு செய்யப்படுகிறது.
4. வெர்னரின் கூற்றுப்படி, ஒரு அணைவுச் சேர்மத்தில் மைய உலோக அயனியைச் சுற்றி இரு விதமான ஈர்ப்பு தன்மை உடைய கோளங்கள் காணப்படுகின்றன. உட்புறமுள்ள கோளமானது அணைவுக்கோளம் என அழைக்கப்படுகிறது. மேலும் இக்கோளத்தில் இடம் பெற்றுள்ள தொகுதிகள் உலோகத்துடன் வலிமையாகப் பிணைக்கப்பட்டுள்ளன. வெளியே அமைந்துள்ள கோளம், அயனியாகும் கோளம் எனப்படுகிறது. இக்கோளத்தில் இடம் பெற்றுள்ள தொகுதிகள், மைய உலோக அயனியுடன் வலுவற்ற நிலையில் பிணைக்கப்பட்டுள்ளன. எனவே, அணைவுச் சேர்மத்தினைச் தகுந்த கரைப்பானில் கரைக்கும் போது இத்தொகுதிகள் அயனிகளாகப் பிரிகையுறுகின்றன.
5. முதன்மை இணைதிறனுக்கு திசைப் பண்பு இல்லை. ஆனால் இரண்டாம் நிலை இணை திறன் திசைப் பண்பினைப் பெற்றுள்ளது.
இரண்டாம்நிலை இணைதிறன் வடிவம் 4 நான்முகி வடிவம்/ தளசதுர வடிவம் 6 எண்முகி வடிவம் 

மைய உலோகத்துடன் இணைக்கப்பட்டுள்ள ஒரு முனை ஈனிகள் (வழங்கி அணுக்கள்) முப்பரிமாண புறவெளியில் வெவ்வேறு வகைகளில் அமையாமல் ஒரே வகையில் அமைவதால் நான்முகி அணைவுகள் வடிவ மாற்றியங்களை பெற்றிருப்பதில்லை.

1. இரு வழி பிணைப்புறு ஈனி தன்னிடம் உள்ள வெவ்வேறு வழங்கி அணுக்களின் மூலம் மைய உலோக அயனியுடன் பிணைப்பினை ஏற்படுத்தும் போது இத்தகைய மாற்றியங்கள் ஏற்படுகின்றன.
2. எடுத்துக்காட்டில், நைட்ரைட் அயனியானது, 2+ மைய உலோக அயனியான Co^²+ உடன் நைட்ரஜன் அணு வழியே பிணைப்பினை ஏற்படுத்துவதால் ஒரு அணைவுச் சேர்மமும், ஆக்ஸிஜன் அணு வழியே பிணைப்பினை ஏற்படுத்துவதால் மற்றொரு அணைவுச் சேர்மமும் உருவாகின்றன.
(எ.கா) [Co(NH₃)₅ NO₂]²⁺

இரு வழி பிணைப்புறு ஈனிகள்:
\(\mathrm{NO}_2^{-}, \mathrm{CN}^{-}, \mathrm{CO} \& \mathrm{SCN}^{-}\)
எடுத்துக்காட்டு:
\(\left[\mathrm{Co}\left(\mathrm{NH}_3\right)_5 \mathrm{NO}_2\right] \mathrm{Cl}_2-\) மஞ்சள் ; \(\text { [ } \left.\mathrm{Co}\left(\mathrm{NH}_3\right)_5 \mathrm{ONO}\right] \mathrm{Cl}_2 \)  - சிவப்பு 
3. இடம் மாற்றியம், உப்பு மாற்றியம் என்றும் அழைக்கப்படும்

(i) சிஸ் பிளாட்டின் Cis [Pt (NH₃)₂ Cl₂] ஒரு தள சதுர அணைவுச் சேர்மமாகும்.
(ii) இதில் இரு ஒத்த தொகுதிகள் ஒரே பக்கத்தில் இடம்பெற்றுள்ளன.
(iii) இது பிளாட்டினத்தை அடிப்படையாகக் கொண்ட ஒரு எதிர் புற்றுநோய் மருந்தாகும்.
(iv) இம் மருந்து நீராற் பகுத்தல் அடைந்து DNA உடன் வினைபட்டு பல குறுக்கு இணைப்புகளை ஏற்படுத்துகின்றன.
(v) இதன் காரணமாக, DNA இரட்டிப்பாதல் மற்றும் நகலெடுத்தல் தடுக்கப்படுகிறது.
(vi) இதன் விளைவாக செல் வளர்ச்சி தடுக்கப்பட்டு இறுதியில் அழிக்கப்படுகிறது.
(vii) செல்லுலர் புரோட்டீன்களுடன் குறுக்கு இணைப்பினை ஏற்படுத்துவதன் மூலம் செல்பிரிதலையும் (மெட்டாசிஸ்) தடுக்கிறது.

(i) RBC இரத்த சிவப்பணு ஆனது ஹீம் தொகுதியைக் கொண்டுள்ளது. இது Fe²⁺, போர்ஃபிரின் அணைவாகும். இச்சேர்மம் நுரையீரலில் இருந்து ஆக்சிஜனை திசுக்களுக்கும், அங்கிருந்து கார்பன் டை ஆக்ஸைடை நுரையீரலுக்கும் பரிமாற்றம் செய்கிறது.
(ii) தாவரங்கள் மற்றும் பாசிகளில் காணப்படும் பச்சை நிறமிப் பொருளான குளோரோபில் Mg²⁺ அயனி மற்றும் மாற்றமடைந்த போர்ஃபிரின் ஈனி கார்பன் வளையம் எனப்படுகிறது. CO₂ மற்றும் நீரை சூரிய ஒளி முன்னிலையில் கார்போஹைட்ரேட் மற்றும் ஆக்சிஜனாக மாற்றும் தாவரங்களின் ஒளிச்சேர்க்கை வினையில் குளோரோபில் முக்கிய பங்காற்றுகிறது.
(iii) உலோகத்தினை கொண்டுள்ள ஒரே வைட்டமின் சயனோ கோபாலமீன் எனப்படும் வைட்டமின் B₁₂ ஆகும். இது Co⁺ அயனியும், போர்ஃபிரின் போன்றதொரு ஈனியும் கொண்ட அணைவுச் சேர்மமாகும்.
(iv) உயிரியல் செயல்பாடுகளை நெறிப்படுத்தும் செயல்முறைகளில் பல்வேறு நொதிகள் (என்சைம்கள்) பயன்படுகின்றன. இவை பெரும்பாலும் உலோக அணைவுச் சேர்மங்களாகும்.
(எ.கா) கார்பாக்சி பெப்டிடேஸ் என்ற புரோடியஸ் நொதி செரித்தலில் முக்கிய பங்காற்றுகிறது. இந்நொதியில் துத்தநாகத்துடன் புரோட்டின் ஈனி ஈதல் சகப்பிணைப்பில் ஈடுபட்டுள்ளது.  

(i) [MA₂B₃]ⁿ⁺ வகை எண்முகி அணைவுச் சேர்மங்களும் வடிவ மாற்றியங்களைப் பெற்றுள்ளன.
(ii) ஒரே மாதிரியான ஈனிகள் (A) எண்முகியின் ஒரு முக்கோண முகத்தின் மூன்று மூலைகளில் இடம் பெற்று, மற்ற மூன்று ஈனிகள் (B) அதற்கு நேர் எதிராக அமைந்துள்ள முக்கோண முகத்தில் இடம் பெற்றிருக்குமானால் அம்மாற்றியம் ஒரு முக மாற்றியம் facial isomer or fac isomer எனப்படும்.
(iii) மூன்று ஒத்த ஈனிகள் ஒரு எண்முகியின் ஒரு உச்சியிலிருந்து மற்றொரு உச்சிக்கு கற்பனையாக வரையப்படும் ஒரு அரைவட்ட நெடுவரையில் அமைந்திருந்தால் அம்மாற்றியம் நெடுவரை மாற்றியம் எனப்படும்.
(iv) ஒவ்வொரு மூன்று ஈனித் தொகுதிகளும் எண்முகியின் நெடுவரையில் (meridian) அமைந்திருப்பதாக கருதப்படுவதால் இம்மாற்றியம் நெடு வரை மாற்றியம் (meridional isomer) எனப்படுகிறது.

(i) பல் இன ஈனி அணைவுகளில், மாறுபட்ட ஈனிகள் மைய உலோக அணுவைச் சுற்றி முப்பரிமாண புறவெளியில் வெவ்வேறு வகைகளில் அமைவதால் வடிவ மாற்றியம் ஏற்படுகிறது.
(ii) [MA₂B₂]ⁿ⁺ மற்றும் [MA₂BC]ⁿ⁺ ஆகிய சதுரதள அணைவுச் சேர்மங்களில் ஒத்தத் தொகுதிகள் ஒரே பக்கத்தில் காணப்பட்டால் சிஸ் மாற்றியம் எனவும், எதிர் எதிர் பக்கங்களில் காணப்பட்டால் டிரான்ஸ் மாற்றியம் எனவும் அழைக்கப்படுகிறது.
(iii) X மற்றும் Y ஆகிய இருவேறு வழங்கி அணுக்களை உடைய XY என்ற இரு முனை ஈனி கொண்ட [M(xy)₂]ⁿ⁺ என்ற தள சதுர அணைவுச் சேர்மமும், சிஸ், டிரான்ஸ் மாற்றியங்களைப் பெற்றுள்ளது.
(iv) A, B, C & D என்ற நான்கு வேறுவகை ஈனிகளைக் கொண்ட [MABCD]ⁿ⁺ என்ற தள சதுர அணைவுச் சேர்மமும், ஏதேனும் ஒரு ஈனியைக் குறிப்பாகக் கொண்டு, மற்ற மூன்று ஈனிகளை வெவ்வேறு முறைகளில் அமைப்பதன் மூலம், சிஸ், டிரான்ஸ் மாற்றியங்களை பெற்றுள்ளது.