சிலிக்கான் டெட்ரா குளோரைடு ஈரக்காற்றில் நீராற்பகுப்படைந்து சிலிக்கா மற்றும் ஹைட்ரோ குளோரிக் அமிலத்தை தருகிறது.

Si(OH)₄ ⟶ SiO₂ + 2H₂O

(i) பீங்கான் குழாயில் உள்ள சிலிக்கா மற்றும் கார்பன் கலந்த கலவையின் மீது உலர் குளோரின் வாயுவை செலுத்தி 1675 K வெப்பநிலைக்கு வெப்பப்படுத்தும் போது சிலிக்கன் டெட்ரா குளோரைடு உருவாகிறது.
SiO₂ + 2C + 2Cl₂ ⟶ SiCl₄ + 2CO 
(ii) தொழிற்முறையில் 600 K க்கு அதிகமான வெப்பநிலையில் ஹைட்ரஜன் குளோரைடு வாயுவுடன் சிலிக்கன் வினைபுரிகிறது சிலிக்கன் டெட்ரா குளோரைடு உருவாகிறது.
Si + 4HC1 ⟶ SiCl₄ + 2H₂

BF₃ ஒரு எலக்ட்ரான் குறைச் சேர்மமாகும். எனவே எலக்ட்ரான் இரட்டைகளை பெற்றுக் கொண்டு ஈதல் சகப்பிணைப்பு உருவாக்குகிறது. எனவே BF₃ ஒரு லூயி அமிலம்.
BF₃ + NH3 ⟶ F₃B ⟶ NH₃
BF₃ + H₂O ⟶ F₃B ⟶ OH₂

(i) உயர் வெப்பநிலைகளில் அம்மோனியாவுடன் டைபோரேன் வினைபட்டு போரசோல் கிடைக்கிறது.
(ii) போரசோல் அல்லது போரசீன் என்பது கனிம பென்சீன் எனப்படும்.
  

போரிக் அமிலம், சோடியம் ஹைடிராக்சைடுடன் வினைபுரிந்து சோடியம் மெட்டா போரேட் மற்றும் சோடியம் டெட்ரா போரேட்டைத் தருகிறது

(i) போரான் - 10 ஆனது நியூட்ரான் மீது கொண்டுள்ள நாட்டமே போரான் நியூட்ரான் கவர்தல் சிகிச்சையின் (BNCT) அடிப்படையாகும்.
(ii) இது மூளைக் கட்டிகளுக்கான சிகிச்சை முறையாகும்
(iii) போரான் - 10 ஐ குறைந்த ஆற்றலுடைய வெப்ப நியூட்ரான்களைக் கொண்டு தாக்கும் போது உருவாகும் அதிக நேரிய ஆற்றலுடைய α - துகள் மற்றும் Li துகளை தரும் அணுக்கரு வினையினை அடிப்படையாகக் கொண்டது.
(iv) மூளையில் கட்டி உள்ள நோயாளி ஒருவருக்கு போரானின் சேர்மங்கள் ஊசி வழியாக செலுத்தப்படும் போது, அவை மூளை புற்றுக்கட்டிகளில் சேகரமாகிறது.
(v) பின்னர் புற்றுக்கட்டிகளில் காணப்படும் பகுதியினை வெப்ப நியூட்ரான்களைக் கொண்டு கதிர் வீச்சிற்கு உட்படுத்தும்போது α - துகள் உருவாகிறது. இது புற்றுக்கட்டி திசுக்களை அழிக்கிறது.
(vi) ஒவ்வொரு முறை போரான் - 10 நியூட்ரானை கவரும் போது இது நிகழ்கிறது.
(vii) இவ்வாறாக புற்றுநோய் கட்டிகள் மட்டும் தொடர்ந்து அழிக்கப்படுகின்றன.
(viii) பிற மூளைத் திசுக்கள் குறைந்த அளவே பாதிக்கப்படுகின்றன
(ix) கழுத்து, மார்பு, கல்லீரல் போன்ற பிற இடங்களில் உருவாகும் புற்றுநோய் கட்டிகளின் சிகிச்சைக்கும் BNCT ஐ பயன்படுத்துவது தொடர்பான ஆய்வுகள் மேற்கொள்ளப்பட்டுள்ளன.

படிகாரம், 
i) நீர் சுத்திகரிப்பில் பயன்படுகிறது.
ii) நீர் ஒட்டா ஆடைகள் தயாரித்தல், ஜவுளித் துறையிலும் பயன்படுகிறது.
iii) சாயமிடுதல், காகிதம் மற்றும் தோல் பதனிடுதல் தொழிற்சாலைகளில் பயன்படுகிறது.
iv) இரத்தக் கசிவைத் தடுக்கும்"குருதித்தடுப்பான்" ஆக பயன்படுகிறது.

(i) அலுனைட் - படிகாரக் கல் என்பதிலிருந்து பொட்டாஷ் படிகாரம் தயாரிக்கப்படுகிறது. இதன் வாய்பாடு K₂SO₄·Al₂(SO₄)₃.4Al(OH)₃ 
(ii) படிகாரக் கல்லை அதிகளவு கந்தக அமிலத்துடன் வினைப்படுத்தும் போது அலுமினியம் ஹைட்ராக்ஸைடு முற்றிலும் அலுமினியம் சல்பேட்டாக மாறுகிறது.
(iii) இதனுடன் கணக்கிடப்பட அளவு பொட்டாசியம் சல்பேட் கரைசல் சேர்க்கப்பட்டு, படிகமாக்கப்படும் போது பொட்டாஷ் படிகாரம் படிகமாகிறது.
(iv) இது மறு படிகமாக்கல் மூலம் தூய்மையாக்கப்படுகிறது.

(v) K₂SO₄ + AI₂(SO₄)₃ + 24H₂O ⟶ K₂SO₄·AI₂(SO₄)₃.24H₂O

(i) டைக்லைமில் கரைந்துள்ள சோடியம் போரோ ஹைட்ரைடுடன் அயோடின் வினைபடும் போது டைபோரேன் உருவாகிறது.
2NaBH₄ + I₂ ⟶ B₂H₆ + 2Nal + H₂
(ii) மெக்னீசியம் போரைடை HCl உடன் வெப்பப்படுத்தும் போது எளிதில் ஆவியாகும் போரேன்கள் உருவாகின்றன
2Mg₃B₂ + 12HCl ⟶ 6MgCl₂ + B₄H₁₀ + H₂
B₄H₁₀ + H₂ ⟶ 2B₂H₆

போரிக் அமிலம் :
1. பளபளப்பான மண் பாண்டங்கள், எனாமல் மற்றும் நிறமிகள் தயாரிக்க பயன்படுகிறது
2. புரை தடுப்பானாக பயன்படுகிறது
3. கண் மருந்தாக பயன்படுகிறது
4. உணவு பாதுகாப்பான பயன்படுகிறது

சிலிக்கன் மற்றும் ஆக்சிஜன் ஆகியவற்றை கொண்ட நான்முகி [SiO4]4- அலகுகள் வெவ்வேறு வடிவங்கள் பிணைக்கப்பட்டு கிடைக்கும் கனிமங்கள் சிலிக்கேட்டுகள் எனப்படும்

(i) சிலிக்கோன்கள் அல்லது பாலி சிலோக்சேன்கள் என்பவை கரிம சிலிக்கான் பலபடிகளாகும்.
(ii) பொதுவான எளிய வாய்பாடு (R₂SiO)
(iii) இவற்றின் எளிய வாய்பாடு, கீட்டேன்களைப் (R₂CO) போன்ற அமைப்பைப் பெற்றிருப்பதால் இவை சிலிக்கோன்கள் எனப்படுகின்றன
(iv) இவை நேர்கோட்டு பலபடிகளாகவோ அல்லது குறுக்குப் பலபடிகளாகவோ இருக்கலாம்.
(v) இவற்றின் மிக அதிக வெப்ப நிலைப்புத் தன்மையின் காரணமாக, இவை உயர்வெப்பப் பலபடிகள் எனப்படுகின்றன.
சிலிக்கோன்களின் வகைகள்:
i) நேர்கோட்டு சிலிக்கோன்கள்:
இவை டை ஆல்கைல் அல்லது டை அரைல் சிலிக்கான் குளோரைடுகளை நீராற்பகுத்து பின்னர் குறுக்கே வினைக்கு உட்படுத்திப் பெறப்படுகின்றன.
அ) சிலிக்கோன் ரப்பர்கள்:
இவ்வகை சிலிக்கோன்கள், மெத்திலீன் அல்லது அதையொத்த தொகுதிகளைக் கொண்டு ஒன்றாக இணைக்கப்பட்டுள்ளன.
ஆ) சிலிக்கோன் பிசின்கள்:
அக்ரிலிக் எஸ்டர்கள் போன்ற கரிம பிசின்களுடன் சிலிக்கோன்களைக் கலப்பதன் மூலம் இவை பெறப்படுகின்றன
ii) வளைய சிலிக்கோன்கள்:
இவை R₂SiCl₂ ஐ நீராற்பகுத்து பெறப்படுகின்றன.
iii) குறுக்கு பிணைப்பு சிலிக்கோன்கள்:
இவை RSiCl₃ ஐ நீராற்பகுத்து பெறப்படுகின்றன.
தயாரிப்பு:
(i) காப்பர் வினைவேக மாற்றி முன்னிலையில் 570 K வெப்பநிலையில் சிலிக்கன் மீது ஆவி நிலையிலுள்ள RC1 அல்லது ArC1 ஐ செலுத்தும்போது R₂SiCl₂ (டை ஆல்கைல் டைகுளோரோ சிலேன்கள்) அல்லது Ar₂SiCl₂ (டை அரைல் டைகுளோரோ சிலேன்கள்) உருவாகின்றன.
2RC1 + Si \(\underrightarrow { \\ Cu/570K } \) R₂SiCl₂
(ii) R₂SiCl₂ ஐ நீராற்பகுக்கும் போது சங்கிலித் தொடர் பலபடிகள் உருவாகின்றன. இவை இரு முனைகளிலும் நீண்டு கொண்டே செல்கின்றன

(iii) மோனோ ஆல்கைல் டிரை குளோரோ சிலேன்களை (RSiCI₃) நீராற்பகுக்கும் போது மிகவும் சிக்கலான குறுக்கு பலபடிகள் உருவாகின்றன.
(iv) சங்கிலித் தொடர்கள் சிலிக்கோன்களிலுள்ள முனைய -OH தொகுதிகளிலிருந்து நீர் மூலக்கூறுகளை நீக்குவதன் மூலம் அவற்றை வளைய சிலிக்கோன்களாக மாற்ற இயலும்.  
    

(i) கார்பன் பல்வேறு புறவேற்றுமை வடிவங்களில் காணப்படுகிறது.
(ii) கிராஃபைட் மற்றும் வைரம் ஆகியன பொதுவாக காணப்படும் புறவேற்றுமை வடிவங்களாகும்
(iii) கிராஃபீன், ஃபுல்லரீன்கள் மற்றும் கார்பன் நானோ குழாய்கள் ஆகியன முக்கியமான புறவேற்றுமை வடிவங்களாகும்
கிராஃபைட்:
(i) இது சாதாரண வெப்ப அழுத்த நிலையில் அதிக நிலைப்புத் தன்மை கொண்ட கார்பனின் புறவேற்றுமை வடிவமாகும்.
(ii) இது sp² இனக்கலப்படைந்த கார்பன் அணுக்களால் ஆன இருபரிமாண, தட்டையான, தாள் போன்ற அறுங்கோண வலையாகும்.
(iii) இதில் C-C பிணைப்பு நீளம் 1.41 A^o, இது பென்சீனில் காணப்படும் C-C பிணைப்பு நீளத்தை (1.40 A^o) ஒத்துள்ளது.
(iv) ஒவ்வொரு கார்பன் அணுவும், தன் இணைதிறன் கூட்டில் உள்ள நான்கு எலக்ட்ரான்களில் மூன்றை பயன்படுத்தி சுற்றியுள்ள மற்ற மூன்று கார்பன் அணுக்களுடன் மூன்று σ பிணைப்புகளை உருவாக்குகிறது.
(v) இனக்கலப்பில் ஈடுபடாத p - ஆர்பிட்டாலில் உள்ள நான்காவது எலக்ட்ரான் π பிணைப்பை உருவாக்குகிறது.
(vi) இந்த π எலக்ட்ரான்கள் முழுத்தாள் அமைப்பின் மீது உள்ளடங்காத் தன்மையைப் பெற்று கிராஃபைட்டின் மின்கடத்துத் திறனுக்கு காரணமாகிறது. எனவே கிராஃபைட் மின்சாரத்தைக் கடத்துகிறது
(vii) அடுத்தடுத்த கார்பன் தாள்கள் வலிமை குறைந்த வாண்டர்வால்ஸ் விசைகளால் ஒருங்கே இறுக்கி வைக்கப்பட்டுள்ளன. அடுத்தடுத்த தாள்களுக்கு இடைப்பட்ட தூரம் 3.40 A^o. இதுவே கிராஃபைட்டின் மிருதுவான தன்மைக்கும், வழுக்கும் தன்மைக்கும் காரணமாகும். எனவே கிராஃபைட் தனித்தோ அல்லது எண்ணெய்களுடன் கலந்தோ உயவுப் பொருளாக பயன்படுத்தப்படுகிறது.

வைரம்:
(i) கார்பன் அணுக்கள் sp³ இனக்கலப்பில் உள்ளன.
(ii) ஒவ்வொரு கார்பன் அணுவும் அதனைச் சுற்றியுள்ள நான்கு வெவ்வேறு கார்பன் அணுக்களுடன் 1.54A^o பிணைப்பு நீளமுள்ள C-C ஒற்றை பிணைப்புகளால் நான்முகி பிணைக்கப்பட்டுள்ளன. எனவே வைரம் மிகக்கடினமானது
(iii) கார்பனின் நான்கு இணைதிற எலக்ட்ரான்களும் பிணைப்பில் ஈடுபட்டுள்ளன. தனி எலக்ட்ரான் ஏதும் இல்லாததால் வைரம் மின் கடத்துதிறனைப் பெறவில்லை.
(iv) மிகக் கடினமான படிகமாக இருப்பதால், கடினமான கருவிகளை கூர்மையாக்கவும், கண்ணாடிகளை வெட்டவும், துளைப்பான்களாக செய்யவும், பாறைகளைத் துளையிடவும் வைரம் பயன்படுகிறது.

ஃபுல்லரீன்கள்:
(i) ஃபுல்லரீன்கள் புதியதாக தொகுக்கப்பட்ட கார்பனின் புறவேற்றுமை வடிவங்களாகும்
(ii) கிராஃபைட் மற்றும் வைரத்தைப் போல அல்லாமல் ஃபுல்லரீன்கள் C₃₂, C_50, C₆₀, C_70, C₇₆ போன்ற தனித்த மூலக்கூறுகளாக உள்ளன.
(iii) இம்மூலக்கூறுகள் கூண்டு வடிவ அமைப்புகளைக் கொண்டுள்ளன.
(iv) பக்மின்ஸ்டர் ஃபுல்லரீன்கள் அல்லது பக்கிபால் எனப்படுவது C₆₀ என்ற மூலக்கூறு வாய்ப்பாடுகளுடன் கால் பந்து போன்ற அமைப்பைப் பெற்றுள்ளது.
இது 20 ஆறணு வளையங்களும், 12 ஐந்தணு வளையங்களும் இணைந்த வளைய அமைப்பை பெற்றுள்ளது
(v) ஒவ்வொரு கார்பன் அணுவும் sp² இனக்கலப்பு அடைந்து மூன்று σ பிணைப்புகளையும், ஒரு உள்ளடங்கா π பிணைப்பையும் உருவாக்கி இம்மூலக்கூறுகளுக்கு அரோமேட்டிக் தன்மையை பெற்றுத் தருகின்றன
(vi) C-C ஒற்றை பிணைப்பு நீளம் 1.44 A^o 
(vii) C = C இரட்டை பிணைப்பு நீளம் 1.38 A^o 

கார்பன் நானோ குழாய்கள்:
(i) கார்பன் நானோ குழாய்கள் புதிதாக கண்டறியப்பட்ட கார்பனின் புறவேற்றுமை வடிவங்களாகும்.
(ii) இவை கிராஃபைட் போன்ற குழாய் அமைப்பையும், ஃபுல்லரீன் முனைகளையும் கொண்டுள்ளன
(iii) அச்சின் வழியாக இந்த நானோ குழாய்கள், எஃகை விட அதிக வலிமை கொண்டவையாக உள்ளன
(iv) இவை மின்சாரத்தைக் கடத்துகின்றன
(v) இவை நானோ மின்னணுவியல் வினைவேக மாற்றம், பலபடிகள் மற்றும் மருந்துகள் உருவாக்கம் ஆகியவற்றில் பயன்படுகின்றன.

கிராஃபீன்:
(i) இது கிராஃபைட்டின் ஒற்றைத்தளத் தாள் ஆகும்.
(ii) sp² இனக்கலப்பு அடைந்த கார்பன் அணுக்களால் ஒற்றைத்தள தாள் வடிவமைப்பைப் பெற்றுள்ளது.
(iii) கார்பன் அணுக்கள் தேன்கூடு போன்ற படிக அமைப்பில் நெருக்கமாக பொதிக்கப்பட்டுள்ளன.
 

டை போரேன் உயர் வெப்ப நிலைகளில் ஹைட்ரஜன் வாயுவை வெளியேற்றி உயர் போரேன்களைத் தருகிறது

2B₂H₆ \(\underrightarrow { 198-373K } \) B₄H₁₀+ H₂

2B₂H₆ \(\underrightarrow { 198-373K } \) 2B₅H₉ + 6H₂
10B₂H₆ \(\underrightarrow { 523K } \) 2B₅H₉ + 2B₅H₁₀ + 11H₂