1. வெளிநாட்டு ஒத்துழைப்பை கூட்டுதல் 
2. சந்தை விரிவாக்கம் 
3. தொழில்நுட்ப வளர்ச்சி 

தனியார்மயமாக்கல் என்றால் பொதுத்துறை நிறுவனங்களின் உரிமைகளை தனியார் நிறுவனங்களுக்கு மாற்றி தரும் நிகழ்வு அல்லது கொள்கையை குறிப்பிடுவதாகும். சுருங்கக் கூறின் தனியார்மயமாக்கல் என்பது பொதுதுறைக்கு ஒதுக்கப்பட்ட தொழில்களை தனியார் துறைக்கு மாற்ற அனுமதி அளிப்பதாகும்.

அரசு மற்றும் தனியார் துறை ஆகிய இரண்டின் பங்களிப்பு இணைந்ததாக இருக்கும் பொருளாதாரம் கலப்பு பொருளாதாரம் எனப்படும். (எ.கா: இந்திய பொருளாதாரம்)

விரைவான தொழில்நுட்ப வளர்ச்சியின் காரணமாக வணிகத்தின் எதிர்கால சூழலை சுருக்கமாக ஏற்ற இறக்கம், நிச்சயமற்ற தன்மை, சிக்கலானத் தன்மை மற்றும் தெளிவற்றத் தன்மை கொண்டவை என்று கூறலாம்.

(i) நாடு முழுவதும் சரக்குகள் மற்றும் சேவைகளில் மறைமுக வரியாக சரக்குகள் மற்றும் சேவைகள் வரி விதிக்கப்பட்டுள்ளது. இது ஒரு விரிவான, பல கட்ட இலக்கு அடிப்படையிலான மதிப்பு கூட்டுவரியாகும்.
(ii) சரக்குகள் மற்றும் சேவைகள் வரி என்பது. சரக்குகள் மற்றும் சேவை வரி தொடர்பான பிரச்சினைகள் தீர்ப்பது தொடர்பாக மத்திய மற்றும் மாநில அரசுகளுக்கு பரிந்துரைகளை வழங்கும் ஒரு அரசியலமைப்பு ஆகும்.

உட்புறச் சூழல் என்பது நிறுவனத்தின் உட்புறத்தோடு தொடர்புடைய காரணிகளாகும். எனவே இவற்றைக் கட்டுப்படுத்துதல், மாற்றி அமைத்தல், போன்றவற்றை நிறுவனங்கள் எளிதில் மேற்கொள்ள முடியும். எடுத்துக்காட்டாக கொள்கைகள் மற்றும் திட்டங்கள், நிறுவன கட்டமைப்பு, ஊழியர்கள், நிதி மற்றும் வளங்கள் போன்றவை ஆகும்.

1. "நிறுவனங்கள் மற்றும் தொழில்களுக்கு வெளிப்புறம் உள்ள அனைத்து காரணிகளும் அவர்களின் அமைப்பு மற்றும் நடவடிக்கைகளை பாதிக்கும்.".
2. "காலநிலை அல்லது சூழ்நிலைகள், சமுதாய, பொருளாதார, அரசியல் மற்றும் நிறுவனம் சார்ந்த நிலைமைகளின் தொகுப்பே வணிகத்தின் சுற்றுச்சூழல் ஆகிறது."  -ஆர்தர். எம்.வேய்மர் 

(i) குறைந்த இயக்கச் செலவுகளின் அடக்கம் மற்றும் புதிய மூல பொருட்கள் மற்றும் கூடுதல் சந்தை அனுகல் மூலம் பெரிய நிறுவனங்கள் போட்டி திறனை பெறுகின்றன.
(ii) பன்னாட்டு நிறுவனங்கள் (MNC's) பொருட்களை தயாரிக்க வாங்க மற்றும் பொருட்களை விற்பனை செய்ய முடிகின்றது.
(iii) உலகமயமாக்கல் நுகர்வோர் பொருட்களின் சந்தையை வெகுவாக (ஏற்றத்துடன்) பெருக்கிட உதவும் வாய்ப்பை உருவாக்கலாம்.

(i) தாராளமயமாக்கல் என்பது வணிக நடைமுறையில் உள்ள சட்ட திட்டங்களை அல்லது விதிகளை பொருளாதாரத்தில், சந்தை நல்ல நிலையை அடைய அரசாங்கம் கட்டுப்பாடுகளை தளர்த்துவது ஆகும்.
(ii) அரசாங்கத்தின் கொள்கையான வரிவிதிப்பு, ஏற்றுமதி இறக்குமதி தீர்வைகள், மானியங்கள் மற்றும் பிறக்கட்டுப்பாடுகள், நாடுகளுக்கிடையே உள்ள சட்டத்திட்டங்களை தளர்த்தும் நடவடிக்கை ஆகும்.
(iii) தாராளமயமாக்குதலின் மூலமான புதிய தொழிற்கொள்கை உரிமம் முறை அல்லது "உரிமம் ராஜ்” போன்றவற்றை அகற்றியது தாராளமயமாக்குதலின் படிவங்கள் (அல்லது) அமைப்புகள் தாராளமயமாக்கல் தொடர்பாக அரசு பல நடவடிக்கைகளை மேற்கொண்டுள்ளது.

கடந்த காலங்களில் தொழில் நுட்பத்தின் விரைவான வளர்ச்சி அனைத்து வியாபாரத்திலும் பெரும் தாக்கத்தை ஏற்படுத்தியுள்ளது. தகவல் தொழில்நுட்பம் மற்றும் தொலைத்தொடர்பின் வளர்ச்சி உலகளாவிய சந்தையை உருவாக்கியுள்ளது.
1. புதுமைகளை படைத்து வாடிக்கையாளர்களை கவர்தல் மூலம் வணிகத்தின் வாழ்வாதாரத்தை நிலைநாட்டிக் கொள்ள முடியும்.
2. வாடிக்கையாளர்களை நன்கு அறிந்து கொள்ள தகவல் ஆய்ந்தெடுத்தல் மற்றும் தகவல் பகுப்பாய்வு பயன்படுத்தப்படுகின்றன.
3. இவை பொருட்களை நிர்வகிப்பதற்கும் உற்பத்தி செய்த பொருட்களை கிடங்குகளில் சேமித்து வைக்கவும் பணம் பெறவும் பயன்படுகின்றன.
1. நாடுகளில் கிடைக்கும் தொழில்நுட்பத்தின் நிலை.
2. தொழில்நுட்ப மாற்ற விகிதம்
3. போட்டியாளர்களால் ஏற்றுக்கொள்ளப்பட்ட தொழில் நுட்பம்.
4. காலாவதியான தொழில்நுட்ப முறைகள்.

சரக்குகள் மற்றும் சேவைகள் வரிக்குழு மத்திய மற்றும் மாநில அரசுகளுக்கு பரிந்துரைகளை வழங்கும். 
அவை பின்வருமாறு:
1) சரக்குகள் மற்றும் சேவைகள் வரிகளில் உட்படுத்துக்கூடிய மத்திய, மாநிலங்கள் மற்றும் உள்ளூர் அமைப்புகளால் விதிக்கப்படும் வரி, செஸ் மற்றும் கூடுதல் கட்டணம்.
2) GST வரி விலக்கு, மேல்வரி விலக்கு அளிக்கப்பட பொருட்கள் சேவைகள் தொடர்பாக.
3) மாதிரி பொருட்கள் மற்றும் சேவைகள் வரிச்சட்டங்கள் சேவைகள் வரியில் உள்நாட்டிற்கு கொடுக்கப்பட  வேண்டிய மூலதனத்தீர்வை, மாநிலங்களுக்கு இடையேயான விற்பனை மீது விதிக்கப்படும் வரி அல்லது வணிக வரிசட்ட பிரிவு 269A ன் படி வழங்கப்பட வேண்டிய மூலதனத் தீர்வை ஆகியவை.
4) GST இல் இருந்து விலக்கு அளிக்கப்பட பொருட்கள் மற்றும் சேவைகள் நுழைவுத் திறனின் எல்லை வரம்பு பொருட்கள் மற்றும் சேவைகள் வரிகளின் தரவரிசைகளின் தர விகிதங்கள் உட்பட.
5) ஒரு குறிப்பிட்ட காலத்திற்கான சிறப்பு வரிவிகிதம் பற்றி அல்லது ஒரு குறிப்பிட்ட காலத்தில் உள்ள வரி விகிதங்கள் இயற்கை பேரழிவு அல்லது அதன் போது கூடுதல் வளங்களை உயர்த்துதல் தொடர்பான. 
6) அருணாச்சல பிரதேசம், அசாம், ஜம்மு காஷ்மீர், மனிப்பூர், மேகாலயா, மிசோரம், நாகலாந்து, சிக்கிம், திரிபுரா, ஹிமாச்சல பிரதேசம் மற்றும் உத்தரகாண்ட் போன்ற மாநிலங்களுக்கு சிறப்பு ஒதுக்கீடு குறித்த பரிந்துரைகளை GST குழு வழங்கும்.

சட்டம் மற்றும் அரசியல் சுற்றுச் சூழலின் முக்கிய கூறுகள் பின்வருமாறு:
(i) அரசியல் ஸ்திரத்தன்மை என்பது, தேர்தல் அமைப்பு, சட்டம் மற்றும் ஒழுங்குநிலை, இராணுவம் மற்றும் காவல்படை, ஜனாதிபதி ஆட்சியை அமுல்படுத்துதல், உள்நாட்டு யுத்தம் மற்றும் பல அளவு கொள்கை கொண்டுள்ளது.
(ii) அரசியல் அமைப்பு என்பது, அரசியல் கட்சிகள், அரசாங்கம், அதிகாரத்துவத்தின் அதிகாரம் மற்றும் பற்றாக்குறை, குடிமக்கள் மத்தியில் அரசியல் நகர்வின் நிலை, நிதி நிறுவனங்கள் மற்றும் அவர்களால் வழங்கப்படும் செல்வாக்கு அல்லது ஆதிக்கம் ஆகியவற்றின் நிதியியல் போன்றவற்றை குறிக்கிறது.
(iii) சர்வதேச அரங்கில் தலைவர்கள் மற்றும் நாட்டின் மதிப்பு போன்றவை.
(iv) சட்ட வியாபார கட்டமைப்பு மற்றும் நெகிழ்வுத்தன்மையின் அளவு போன்றவை.
(v) நாட்டின் அரசியலமைப்பு
(vi) சுங்கவரி மற்றும் இலவச வர்த்தகம் குறித்த நாட்டின் வெளியுறவுக் கொள்கை போன்றவை.

1. இயற்கை மற்றும் கனிம வளங்கள் வணிகத்தை தாங்கி நிற்கின்றன.
2. கனிமம் மற்றும் எண்ணெய் கிடைப்பதற்கான மூலப்பொருள் இயற்கை வளங்கள்.
3. வானிலை மற்றும் காலநிலை மாற்றங்களினால் நீர் மற்றும் பிற இயற்கை வளங்கள் கிடைப்பது விவசாயத்திற்கு அவசியமாகும்.
4. இடத்திற்கு இடம் நுகர்வோரின் தேவை மற்றும் நுகர்வு முறை வேறுபடலாம்.
(எ.கா) மலைப்பாகங்கள் இடத்திற்கு செல்ல நிலப்பரப்பில் பயன்படுத்தப்படும் போக்குவரத்தை மாற்றியமைக்க வேண்டும். இது நிலப்பரப்பை தாக்கும் காரணியாகும்.
5. சுற்றுச்சூழல் காரணிகளின் தாக்கத்தின் காரணமாக அரசாங்கங்கள் பாதுகாப்பு மற்றும் மாசுபாட்டை தடுக்க கடுமையான கொள்கைகளை உருவாக்குகின்றன.
6. சில தொழில்கள் புவியியல் அடிப்படை சூழல்களால் ஆதிக்கம் செலுத்தப்படுகிறது.
(எ.கா) கோயம்புத்தூரில் உள்ள பருத்தி நெசவு தொழில் துறையின் ஆதிக்கம் அங்கு நிலவும் உகந்த வானிலை காரணமாக ஏற்பட்டுள்ளது.
7. பொருட்களின் போக்குவரத்திற்கு இயற்கையான துறைமுகங்களும் துறைமுக வசதிகளும் கிடைக்கின்றன.

i) புதிய (LPG) யின் தாக்கத்தை ஒப்பந்தங்களை அறிமுகம் செய்வது.
ii) வெளிநாட்டு முதலீடுகளை கவர்ந்திழுத்து நாட்டின் பொருளாதார வளர்ச்சிக்கு உதவியது.
iii) முற்றுமை மற்றும் வணிக தடை சட்டம் (MRTP ACT) 1969 திருத்தியமைக்கப்பட்டது.
iv) கட்டுப்பாடுகளை அகற்றுதல் 
v) பன்னாட்டு வணிகத்தை மேம்படுத்த உதவுதல் 
vi) பணவீக்கத்தை கட்டுப்படுத்துவதற்கான வழிமுறைகளை கையாள உதவுதல் 
vii) வரிகளை மறுசீரமைப்பு செய்தல் 
viii) உரிமம் வழங்கும் முறையை அகற்றிட வழிவகுத்து கையாள உதவுதல் 
1. உலகமயமாக்கல் தாராளமயமாக்கல் நாணயத்தின் இரண்டு பக்கங்கள் போன்றது, இக்கோட்பாடு தடையற்ற வாணிகத்தை பன்னாட்டு அளவில் உருவாக்கியது.
2. இதன் மூலம் பல நாடுகளின் பொருளாதார மற்றும் அரசியல் ரீதியான தடைகள் உடைத்தெறியப்பட்டன.
3. மேலும் இந்திய பொருளாதாரத்தை உலக நாடுகள் மதிக்கத்தக்க அளவிற்கு வளர்ச்சியடையச் செய்துள்ளது.

நன்மைகள்
(அ) வெளி நாட்டு முதலீடுகள் அதிகரிப்பு: (Increase in Foreign Investment)
ஒரு நாடு வணிகத்தை தாராளமயமாக்குதலின் மூலமாக அதிக அளவில் வெளிநாடுகளிலிருந்து கவர்ச்சிகரமான முதலீடுகளை பெற முடிகின்றது. அம்முதலீடுகள் மூலமாக உள்நாட்டில் மூலதனத்தை பெருக்குவதோடு அதன் பொருளாதாரத்தை பன்மடங்கு பெருக்குவதற்கு உதவுகிறது. 
(ஆ) அந்நிய செலாவணி இருப்பு அதிகரிப்பு (Increase the Foreign Exchange Reserve)
வெளி நாட்டு முதலீட்டிற்கும் அந்நிய செலாவணிக்குமான கட்டுப்பாடுகளை தளர்த்தி மூலதனத்தை எளிதில் பெறுவதற்கு வழிவகை செய்துள்ளது.
(இ) நுகர்வு அதிகரிப்பு : (Increase in Consumption)
தாராளமயமாக்களினால் ஒரு நாட்டில் பயன்பாட்டிற்கு அதிக அளவிலான பொருட்கள் கிடைக்கவும் அதிக உற்பத்திக்கும் வழிவகை செய்கிறது.
(ஈ) விலைக்கட்டுப்பாடு : (Control Over Price)
ஏற்றுமதி இறக்குமதி தீர்வைகளை நீக்குவதால் நுகர்வோருக்கு குறைந்த விலைக்கு பொருட்கள் கிடைக்க வாய்ப்பு ஏற்பட்டுள்ளது. இந்நிலையில் தாராளமயமாக்கலினால் இறக்குமதி நாடுகளுக்கு நன்மை விளைவிக்கிறது.
(உ) வெளிநாட்டில் பெறும் கடன்களை குறைக்கிறது (Reduction in external borrowings)
தாராளமயமாக்கலின் மூலம் வெளி நாட்டுக் கடன்களை ஈர்ப்பதன் மூலம் வெளிநாட்டு வர்த்தகக் கடன்களை வாங்கும் வாய்ப்பு குறைகிறது.
குறைபாடுகள்:
(அ) வேலையின்மையை அதிகரித்தல் (Increase in Unemployment)
வர்த்தக தாராளமயமாக்கல் பெரும்பாலும் பொருளாதாரத்தின் சமநிலைக்கு வழிவகுப்பதால் சிறு தொழில்களில் சில வளர்ந்தும் சில சிறு தொழில்களில் சரிவும் ஏற்படுகிறது. இதனால் சில தொழிற்சாலைகள் மூடுகின்ற நிலையால் வேலையில்லா நிலை உருவாகிறது.
(ஆ) உள்நாட்டு தொழில் அலகுகளின் இழப்பு (Loss to Domestic Units)
தாராளமயமாக்கல் கோட்பாட்டில் குறைந்த நுழைவுக் கட்டுப்பாடுகளுடன் வெளிநாட்டு தொழில்கள் பல நாடுகளில் ஊடுருவ சாத்தியம் அதிகம் உள்ளது. இது உள்நாட்டு தொழில்களை அச்சுறுத்துவதுடன் மற்றும் போட்டியை தோற்றுவித்து உள்நாட்டு தொழிலை அடியோடு ஒழிக்கும் சதியாகவும் கருதப்படுகிறது.
(இ) அயல்நாடுகளை சார்ந்திருத்தலை பெருக்கும்:(Increased Dependence of Foreign Nation)
வர்த்தக தாராளமயமாக்கல் என்பது பலம் பொருந்திய பன்னாட்டு நிறுவனங்களிலிருந்து அதிக போட்டிகளை எதிர்கொள்ளும். அது சந்தையை தன் கட்டுபாட்டிற்கு கீழ் கொண்டுவரும் நிலையை உருவாக்க நேரிடலாம்.

வியாபாரத்தின் செயல் திறனை உடனடியாக பாதிக்கும் சுற்றுச் சூழலாக இருக்கும் காரணிகளை நுண்ணிய சூழல் குறிக்கிறது. இதில் பின்வருவன அடங்கும்.
(அ) நிதி அளிப்பவர்கள்:
(i) கடனீட்டுப் பத்திரதாரர்கள் மற்றும் நிதி நிறுவனங்கள் வணிகம் சிறந்த முறையில் இயங்க முக்கிய பங்கினை வகிக்கிறார்கள்.
(ii) அவர்களின் நிதிதிறன், கொள்கை உத்திகள், இடர் பற்றிய அணுகுமுறை மற்றும் நிதிசாரா அமைப்புகளின் பங்கு முக்கியமாக உள்ளது.
(ஆ) சரக்கு விற்பனையாளர்கள் :
எந்தவொரு அமைப்பிலும் மூலப்பொருட்கள் மற்றும் இதர உள்ளீடுகளின் வழங்குநர்கள் மிகவும் முக்கியப் பங்கு வகிக்கிறார்கள். விநியோகிப்பாளரிடமிருந்து பெறப்படும் பொருட்கள் உற்பத்திகளில் தொடர்ச்சியான செயல்பாட்டை செயல்படுத்துகிறது.
(இ) சந்தையிடுகை இடைநிலையர்கள்:
(i) உற்பத்தி பொருளை விற்பனை செய்யவும் நுகர்வோரிடம் கொண்டு சேர்ப்பதற்கும் விநியோகிப்பாளர்களின் உதவி தேவைப்படுகிறது.
(ii) இவர்கள் நிறுவனத்தையும், நுகர்வோரையும் இணைக்கும் திகழ்கின்றனர். மொத்த விற்பனையாளர்கள் சில்லறை விற்பனையாளர்கள் மற்றும் முகவர்கள் பொருள்களை நுகர்வோரிடம் சேர்ப்பதை உறுதி செய்கின்றனர்.
(ஈ) பொது மக்கள்:
தொழிலில் தாக்கத்தை ஏற்படுத்தும் பின்வரும் குழுக்கள் பொது மக்கள் எனப்படுகிறது.அவையானவை  ஊடகக்குழு, குடிமக்கள் குழு மற்றும் உள்ளூர் பொது மக்கள் போன்ற குழுக்கள் வியாபாரத்தில் தாக்கத்தை ஏற்படுத்தியுள்ளது. பொது மக்களிடம் ஒரு வியாபாரத்தை உருவாக்குவதற்கும் அல்லது அழிப்பதற்குமான திறமை உள்ளது.
(உ) வாடிக்கையாளர்கள்
ஒவ்வொரு வியாபாரத்தின் நோக்கமும் அதன் வாடிக்கையாளர்களின் தேவையை நிறைவேற்றுவதாகும். வாடிக்கையாளரே வணிகத்தின் மன்னராக கருதப்படுகிறார் மற்றும் அவர்களைச் சுற்றியே வணிகம் உள்ளது.
(ஊ) போட்டியாளர்கள்:
அனைத்து நிறுவனங்களும் எல்லா நிலைகளிலும் போட்டியை எதிர்கொள்ள வேண்டியுள்ளது.உள்ளுர், தேசிய மற்றும் உலகளாவிய அளவில் ஒரே மாதிரியான பொருள் உற்பத்தி அல்லது தயாரிப்புகள் இருப்பதால் நிறுவனங்கள் பல்வேறு நிலைகளில் போட்டியிட கூடிய நிலை ஏற்படுகிறது.

1. வளர்ச்சி கட்டத்தை அடிப்படையாகக் கொண்ட பொருளாதாரத்தின் இயல்பு:
i. நாடுகளை வளர்ந்த, வளரும் மற்றும் பின்தங்கிய நாடுகள் என வகைப்படுத்தலாம்.
ii. வளர்ந்த நாடுகள் - அமெரிக்கா, ஜப்பான், ஜெர்மனி, கனடா மற்றும் ஆஸ்திரேலியா. இவை பல கணினி சார்ந்த தொழில் நுட்பங்களை வெற்றிகரமாக ஒருங்கிணைத்துள்ளன.
iii. வளரும் நாடுகள் -இந்தியா, சீனா, பிரேசில், மெக்சிகோ, ஏற்றத்தாழ்வு, அதிக மக்கள் தொகை மெதுவாக தொழில்நுட்பத்தை ஏற்றுக்கொள்ளுதல் போன்றவை இவற்றின் தன்மைகள்.
iv) பின்தங்கிய நாடுகள் -மிக குறைந்த அளவிலான தொழில்நுட்ப தத்தெடுப்பு, குறைவான வாழ்க்கை தரம்.
2. பொருளாதார அமைப்பு முறையின் இயல்புகள்:
முதலாளித்துவம் - நாட்டின் அனைத்து வளங்களையும் தனிநபர் அல்லது தனியார் நிறுவனங்கள் சொந்தமாக்கி கொள்ள அரசு கொள்ள அரசு அனுமதி அளித்தல்.
சமதர்மம் (அ) சோசலிசம் - தனியார் துறை மீது அதிக கட்டுப்பாடு.
3. தேசத்தின் பொருளாதாரக் கொள்கை:
நாணயக் கொள்கை, ஏற்றுமதி இறக்குமதிக் கொள்கை, தொழில்துறைக் கொள்கை, வர்த்தகக் கொள்கை, நிதிக்கொள்கை ஆகியவை பொருளாதார சூழலின் பகுதியாக உள்ளது.
4. பொருளாதாரக் குறியீடுகள்:
மொத்த உள்நாட்டு உற்பத்தி, மொத்த தேசிய உற்பத்தி, தேசிய வருமானம், தனிநபர் வருமானம், செலுத்துகை சமநிலை, சேமிப்பு விகிதம் மற்றும் முதலீடுகள் போன்ற பொருளாதார குறியீடு முக்கியமான பகுதியை உருவாக்குகிறது.
5. நிதிசந்தை அபிவிருத்தி:
தொழில்துறை வளர்ச்சி, பணச்சந்தை, மூலதனச்சந்தை, பங்குச்சந்தை, பத்திர சந்தை மற்றும் சிறந்த வங்கியில் அமைப்பு முறை போன்றவற்றின் வெளிப்பாடு.
6. பொருளாதாரக் கட்டமைப்பு:
மூலதன உருவாக்கம், முதலீட்டு முறை, வர்த்தக சமநிலை, தொழிலாளர் உழைப்பின் அழிப்பு மற்றும் தேசிய உற்பத்தியின் கட்டமைப்பு ஆகியவை உள்ளடக்கியது.
சமூக கலாச்சார சூழல்:
1. சமூக நிறுவனங்கள் மற்றும் குழுக்கள்.
2. சமுதாயத்தில் பரவலான குடும்ப அமைப்பு.
3. வணிகத்தில் திருமணத்தின் பங்கு.
4. சமூகத்தின் சாதி அமைப்பு முறை.
5. மக்களின் பழக்க வழக்கம், நம்பிக்கை (மற்றும்) சுயமரியாதை.
6. மக்கள் தொகை காரணிகள்.
7. மக்கள் வாழ்க்கைமுறை, சுவை, விருப்பம் மற்றும் முன்னுரிமைகள்.

வணிகத்தின் வெற்றி பரந்த சூழலுக்கு பொருந்தக்கூடிய தன்மையைச் சார்ந்து இருக்கிறது. ஏனென்றால், இவை கட்டுப்படுத்தமுடியாத காரணிகள் ஆகும். அவை வியாபாரத்திற்கான மகத்தான வாய்ப்புகளை வழங்குகின்றன. மேலும் வியாபாரத்திற்கு தீவிர அச்சுறுத்தல்களை ஏற்படுத்துகின்றன. பொது அல்லது பழமையான சூழல்கள் பின்வருமாறு
(1) பொருளாதாரச் சூழல்
(i) ஒரு நாட்டில் வணிகம் என்பது பொருளாதார அமைப்பு முறையின் அடிப்படையில் ஒருங்கிணைந்த பகுதியாகும்.
(ii) வணிக சுழற்சிகள் தவிர்க்க முடியாதவை. பரந்த சுற்றுச்சூழலின் பல காரணிகளிடையே தொடர்புடையவை.
(2) சமூக - கலாச்சாரச் சூழல்
வணிகம் சமூகத்தின் ஒரு அங்கமாகும். சமூக சூழலானது வணிகம் அமைந்துள்ள சமூகத்தின் மொத்தக் காரணிகளைக் குறிக்கிறது. சமுதாயத்தின் சமூக மற்றும் கலாச்சார சூழல் வணிகத்தினைப் பாதிக்கிறது.
(3) அரசியல் மற்றும் சட்டச் சூழல்
(i) ஒரு வணிகத்தை நடத்துவதற்குத் தேவையான கட்டமைப்பினை அரசியல் மற்றும் சட்டச் சூழலால் வழங்கப்படுகிறது.
(ii) ஒரு வணிகத்தின் வெற்றி என்பது அரசியல் மற்றும் சட்ட மாற்றங்களுக்கு ஏற்ப மாற்றித் தக்கவைத்துக் கொள்வதற்கான அதன் திறனில் உள்ளது.
(4) புவியியல் சார்ந்தச் சூழல்
இயற்கை வளங்கள் மற்றும் கனிம வளங்கள் போன்றவை வணிகத்தை தாங்கி நிற்கின்றன. 
(5) தொழில்நுட்பம் சார்ந்தச் சூழல்
(i) கடந்த காலங்களில் தொழில் நுட்பத்தின் விரைவான வளர்ச்சி அனைத்து வியாபாரத்திலும் பெரும் தாக்கத்தை ஏற்படுத்தியுள்ளது.
(ii) தகவல் தொழில்நுட்பம் மற்றும் தொலைத்தொடர்பின் வளர்ச்சி உலகளாவிய சந்தையை உருவாக்கியுள்ளது. எனவே போட்டியைத் தக்கவைத்துக்கொள்ள தொழில்நுட்பத்தை பயன்படுத்தி நுகர்வோரின் சிறப்புத் தேவைகளை சந்தை ஆராய்ச்சியின் மூலம் கண்டறிய முடிகிறது. 
(6) உலகளாவிய சூழல்
தொழில்நுட்பத்தின் விரைவான வளர்ச்சியுடன் வர்த்தக எல்லைகள் வேகமாக மறைந்து புதிய உலகளாவிய சந்தை வளர்ந்து வருகிறது.