(i) நிப்டி (NIFTY 50) என்ற வார்த்தை நேஷனல் (National) மற்றும் ஃபிப்டி (FIFTY) என்ற இரண்டு வார்த்தைகளை அடிப்படையாகக் கொண்டது
(ii) இது இந்தியாவின் அனைத்து பிரிவுகளிலும் திறம்பட செயலாற்றும் 50 முக்கிய நிறுவனங்களின் பங்குகளின் வணிகத்தைக் குறிப்பதாகும்
(iii) தேசிய பங்குச் சந்தையில் (NSE) மிக முக்கிய பங்குகளின் வணிகத்தை பிரதிபலிப்பதால் நாட்டின் அனைத்து துறைகளின் நிறுவனப் பங்குகளும் வளர்ச்சியைக் குறிப்பிடுவதாக இது அமைகிறது
(iv) நிப்டி அமைப்பு நாட்டின் பல்வேறு தரப்பட்ட 24 பிரிவுகளில் உள்ள 50 தொழில் நிறுவனங்களில் பங்குகளை உள்ளடக்கியதாகும்
(v) இது மாறுபட்ட பிரிவுகளின் முக்கிய பங்குகள் செயல்பாட்டை அடிப்படையாகக் கொண்டு நிப்டி கணக்கிடப்படுகிறது
(vi) தேசிய பங்குச் சந்தையில் ஃபியூச்சர்ஸ் மற்றும் ஆப்ஷன்ஸ் வசதிகள் இருப்பதால் நிப்டி ஒரு குறிப்பிடத்தக்க அம்சமாக விளங்குகிறது
(vii) நிப்டி கணக்கீடுகளை செய்ய நிறுவனங்களின் அளவையொட்டி சந்தை மூலதனமாக்குதல் முறையை பயன்படுத்துகின்றன

1. நல்ல திறமை 
(i) சிறந்த தேர்ந்தெடுத்தல் முறை பல்வேறு நடவடிக்கைகளில் திறம் வாய்ந்த நபர்களை தேர்வு செய்ய வகை செய்கிறது.
(ii) இது நிறுவனத்தின் உற்பத்தித்திறன் மேம்படவும், இலாபம் அதிகரிக்கவும் வழி செய்கிறது,
2. சிறந்த திறன் 
(i) குறிப்பிட்ட வேலைக்கு சரியான நபரை தேர்ந்தெடுத்ததன் காரணமாக அவர்கள் சிறந்த முறையில் பணியாற்றி நிறுவனத்தின் இலக்குகளை எளிதில் அடைய முடிகிறது.
(ii) இதனால் நிறுவனத்தின் ஒட்டுமொத்த திறன் உயருகிறது.
3. குறைக்கப்பட்ட பயிற்சி மற்றும் வளர்ச்சிக்கான செலவு 
(i) தகுதி வாய்ந்த தனி நபர், தகுதி வாய்ந்த அதிகாரத்தை பெற்றுள்ளதால் ஊழியரின் சிறந்த தேர்வு நிச்சயமாக பயிற்சி செலவுகளைக் குறைக்கும்.
(ii) சரியான பதவிக்கு மிகச் சரியான நபரை தேர்வு செய்வதன் மூலம் அவர்கள் பணி நுட்பங்களை எளிதாகவும், விரைவாகவும் புரிந்துகொள்ள முடியும்.
4. குறைக்கப்பட்ட பணி சுழற்சி 
(i) விண்ணப்பதாரர்கள் சரியான தேர்வு குறைவான தொழிலாளர் சுழற்சியை நோக்கி செல்கிறது.
(ii) நிறுவனம் குறைந்த ஆட்சேர்ப்பு செலவின் மூலம் பயனடையலாம்.
5. வேலையைத் தூண்டுதல் 
(i) சரியான நபரை சரியான தேர்வு குறைவான தொழிலாளர் சுழற்சியை நோக்கி செல்கிறது.
(ii) பணியாளர் தங்களது திறமை முழுமையாகப் பயன்படுத்தப்படுகிறது என உணர்கிறார்கள்.
(iii) இதனால் பணியாளர்கள் தங்களது பணியில் சிறப்புக் கவனம் செலுத்துகிறார்கள்.
6. பிற நன்மைகள் 
(i) விண்ணப்பதாரர்களை முறையான தேர்வு செய்வதால் பணிக்கு வராத நிலை குறைக்கப்படுகிறது.
(ii) மேலும் பாதுகாப்பு முன்னெச்சரிக்கைகளை முழுமையாகப் பின்பற்றுவதால் பணியிடத்தில் நிகழும் விபத்துகள் முழுமையாகக் குறைக்கப்படுகின்றது.

(i) வைப்புச் சான்றிதழ் வங்கிகள் மற்றும் நிதி நிறுவனங்களால் வழங்கப்படும் குறுகிய கால வைப்புச் சான்றிதழ் ஆவணங்களாகும்.
(ii) இதை வங்கிகளுக்கும், நிதி நிறுவனங்களுக்கும் தங்களது நிதி ஆதாரங்களை உயர்த்திக் கொள்வதற்காக வெளியிடுகின்றன
(iii) வைப்புச் சான்றிதழ் கடன் உறுதி பத்திர வடிவத்தில் பயன்பாட்டில் வழங்கப்படுகிறது
(iv) இவை எளிதில் மாற்றக்கூடிய இயல்புடையதாகவும், விரைவாக சந்தைப்படுத்தக் கூடியதாகவும், குறிப்பிட்ட முகமதிப்பு மற்றும் முதிர்வு தொகை ஆகியவற்றைக் கொண்டிருக்கும்
(v) இது ஒரு நபரிடமிருந்து மற்றொரு நபருக்கு மாற்றக்கூடிய தன்மையுடையது
(vi) இது மாற்றக்கூடிய தன்மையுடையதால் இதற்கு மாற்றுமுறை ஆவண வைப்புச் சான்றிதழ் என்றும் அழைக்கப்படுகிறது
வைப்புச் சான்றிதழின் இழப்புகள்:
1. கால வைப்புக்கான உரிமை ஆவணம் ஆகும்
2. பிணையமற்ற மாற்றுமுறை ஆவணங்கள் ஆகும்
3. மேல் எழுதுதல் மூலம் எளிதில் மாற்றி வழங்கும் தன்மை உடையது
4. முகமதிப்பிலிருந்து வட்டத்தில் வெளியிடுதல்
5. சலுகை நாட்கள் இல்லாமல் குறிப்பிட்ட தேதியில் திரும்பச் செலுத்தக்கூடியது.

1. மனித வளத்தின் மூலமாக மட்டுமே மற்ற அனைத்து வளங்களும் திறம்பட பயன்படுத்தப்படுகின்றன.
2. ஒரு நிறுவனத்தின் நிலையான வளர்ச்சி முக்கிய வளமான மனித வளத்தைச் சார்ந்துள்ளது.
3. தொழில்துறை உறவுகள் மனித வளத்தைத் சார்ந்துள்ளது.
4. மனித வளங்கள் மூலமாக மட்டுமே மனித உறவுகள் சாத்தியமாகிறது.
5. மனித வளமானது பிற அனைத்து உற்பத்தி காரணிகளையும் நிர்வகிக்கிறது
6. பயிற்சி மற்றும் அபிவிருத்தி திட்டங்களின் மூலம் மனித வளத்தைப் பயன்படுத்த முடியும்.
7. மேலாண்மையின் அனைத்து மட்டங்களிலும் மனித வளத்தைப் பயன்படுத்த முடியும்.
8. மனித வளங்கள் சட்டபூர்வ கட்டமைப்பினால் நன்கு பாதுகாக்கப்படுகின்றன.

1. அமைப்பு மற்றும் தனிநபர்களின் குறிக்கோள்களை ஒருங்கிணைக்க நிர்வாகத்தால் ஒரு முயற்சி மேற்கொள்ளப்படுகிறது.
2. குறுகிய கால இலக்குகளுடன் நிறுவனத்தின் நீண்ட கால இலக்குகளை இணைக்க முயற்சி செய்கிறது.
3. சமுதாய குறிக்கோள்களுடன் அமைப்பின் குறிக்கோள்களை தொடர்புபடுத்த முயற்சி செய்கிறது.
4. குறியிலக்கு மேலாண்மை இலக்குகளை மட்டும் அடையச் செய்வதல்ல, திறமையான செயல்திறனையும் அடையச் செய்கிறது.
5. இது இலக்குகளை சீர்படுத்துவதற்கும், மாற்றுவதற்கும் மற்றும் மேம்படுத்துவதற்கும் நிலையான கவனத்தினை செலுத்துகிறது.
6. இது அனைத்து நிலைகளிலும் இலக்குகளை அடைவதற்கான அமைப்பின் திறனை அதிகரிக்கச் செய்கிறது.
7. குறியிலக்கு மேலாண்மை மூலம் ஊழியர்களுக்கு அதிகபட்ச ஊக்கம் மற்றும் திருப்தி கிடைக்கச் செய்கிறது.
8. இலக்கு அமைக்கும் செயல்பாட்டில் ஊழியர்களின் பங்களிப்பை அங்கீகரிக்கிறது.
9. நோக்கத்தை மாற்ற, அதிகாரத்துடன் இருப்பவர்களுடன் ஆலோசனைகள் செய்கின்றது.
10. நம்பிக்கை, நல்லெண்ணம் மற்றும் விருப்பத்திற்கு ஏற்ப செயல்படுவதற்குரிய ஒரு சூழலை ஊக்குவிக்கிறது.

1. அறிவின் தொகுப்பு:
i. தற்போது மேலாண்மை உயர் தனிச்சிறப்பு வாய்ந்த மேலாண்மைக் கோட்பாடு மற்றும் தத்துவத்தை உருவாக்கியுள்ளது.
ii. வணிக உலகம் அல்லது அரசுத்துறை அல்லது தனியார் துறை போன்றவற்றின் வேலை வாய்ப்பு உலகில் வெற்றிகரமாக நுழைவதற்கு சிறந்த கடவுச்சீட்டு போன்றது மேலாண்மை ஆகும்.
2. மேலாண்மைக் கருவிகள்:
கணக்கியல், வணிகச் சட்டங்கள், உளவியல், புள்ளியியல், பொருளியல், தரவு செயலாக்கம் என மேலாண்மையின் கிளைகள் பல்கிப் பெருகி விரிவடைந்துள்ளது.
3. தனிப் பாடப்பிரிவு:
i. பல்வேறு பல்கலைக்கழகங்களும், உயர்கல்வி நிறுவனங்களும் மேலாண்மைக் கல்வியை தனிப் பாடப்பிரிவாக அங்கீகரித்திருக்கின்றன.
ii. ஏற்றுமதி மேலாண்மை, ஆள்சார் மேலாண்மை, உற்பத்தி மேலாண்மை, சந்தை மேலாண்மை, நிதி மேலாண்மை போன்ற சிறப்புப் பாடப் பிரிவுகள், பயிற்சித் திட்டங்கள் போன்றவற்றின் மூலம் மேலாண்மை நவீனமயமானதாகவும், பிரபலமடைந்தும் வருகின்றது.
4. சிறப்பீடுபாடு:
வணிகத்தின் ஒவ்வொரு செயல்பாட்டுப் பகுதியையும் சீரிய முறையில் மேலாண்மை செய்து வணிகத்தை சிறப்பாக நிர்வகிக்க உயர்கல்வித் தகுதியும், முறையான பயிற்சியும் பெற்ற, உரிய முன் அனுபவமுள்ளவர்களை தேர்ந்தெடுத்து பணியமர்த்த வேண்டும்.
5. நடத்தை விதி:
i. நுகர்வோர் சார்ந்த சந்தைப்படுத்துதல் கருத்தாக்கம் என்பது பெரு நிறுவன நடத்தை விதியினையும் பிரதிபலிப்பதாகும்.
ii. நுகர்வோர் இயக்கங்களின் அழுத்தம், தொழிற்சங்க வாதம், பொதுமக்கள் கருத்து மற்றும் சட்டம் ஆகியவை அறம் சார்ந்த விதிகளைத் தோற்றுவித்து மேலாண்மையை வலுவாகத் தூண்டுகிறது.
6. பணி ரீதியானதொரு அமைப்பு:
பல்வேறு நாடுகளில் மேலாண்மைப் பிரிவுகளில் அறிவுப் பரவலாக்கம் ஏற்படவும், மேலாண்மை சிறப்புத் தொழில் குறித்த பொதுமக்கள் மனதில் ஒரு சிறந்த தோற்றத்தை உருவாக்கவும் வணிக மேலாண்மை சங்கங்கள் நடவடிக்கை மேற்கொள்கிறது.

1. இவ்வகை சந்தையிடுதல் ஒரு நேரடி சந்தையிடுதல் வகையைச் சார்ந்தது.
2. இம்முறையில் ஒரு மொத்த வியாபாரி அல்லது விநியோகஸ்தரை நிறுவனம் முதலில் நிர்ணயிக்கும். பின்னர் விநியோகஸ்தர்கள் அவர்களின் கீழ் பல விநியோகஸ்தர்களை நிர்ணயிப்பர்.
3. விநியோகஸ்தர்களும் அவர்களின் கீழ் பல விநியோகஸ்தர்களை அமர்த்தி விற்பனையை பெருக்கும் முறையையே பல்நோக்கு அளவு சந்தையிடுதல் என்கிறோம்.
4. இவ்வாறு அமர்த்தப்படுபவர்கள் கீழ்நிலையர் அல்லது கீழ்நிலை விநியோகஸ்தர்கள் என அழைக்கப்படுகின்றனர்.
5. இம்முறையில் ஒவ்வொரு விற்பனையாளர்களும் தாங்கள் செய்த விற்பனைக்கு மட்டுமல்லாமல் அவர்களின் கீழ் பணியாற்றும் விற்பனையாளர்கள் செய்யும் விற்பனைக்கும் சேர்த்து விற்பனை கழிவை பெறுவார்கள்.
6. இம்முறையில் விற்பனையாளர்கள் சொல் வழி அல்லது வாய்வழி தொடர்பு அல்லது உறவு வழி பரிந்துரையின் மூலம் பொருட்களை சந்தையிடுதலைக் குறிக்கிறது.
7. இம்முறை சந்தையிடுதல் விற்பனையாளர் அல்லது விநியோகஸ்தர்கள் மட்டும் விற்பனை செய்யாமல் அவர்களுடன் இணைத்து மற்றவர்களையும் விற்பனை செய்ய தூண்டுவர்.
8. இம்முறை சந்தையிடுதலுக்கு எடுத்துக்காட்டாக டியுப்பர் மற்றும் ஆம்வே நிறுவனங்களின் விற்பனை முறையைக் கூறலாம்.

1. பணியின் தரத்தினை உயர்த்துதல்:
i. பணியில் கவனம் செலுத்துவதுடன் பயிற்சி ஒரு குறிப்பிட்ட பணியாளரின் திறனை மேம்படுத்துகிறது.
ii. இது பணியாளரின் பணி தரத்தினை அதிகரிக்க வகை செய்கிறது.
2. பணியாளரின் வளர்ச்சியை மேம்படுத்துதல்:
பயிற்சி பெற்ற ஊழியர்கள் தங்கள் வேலையில் திறன் மிக்க ஊழியர்களின் செயல்திறன் மேம்பாட்டில் புதிய திறன்களை ஊக்குவிப்பது பயிற்சி ஆகும்.
3. வழக்கொழிவை தடுத்தல்:
i. சமீபத்தில் தொழில்நுட்பங்கள் மற்றும் நுட்பங்களைப் பற்றிய கூடுதல் அறிவைக் கற்றுக் கொள்ள பயிற்சி அளிக்கிறது.
ii. பணியாளர்கள் தற்கால தொழில்நுட்பம் மற்றும் போக்குடன் புதுப்பிக்கப்படுகிறார்கள்.
4. புதிய பணியாளர்களுக்கு விழிப்பூட்டல்:
பயிற்சியின் மூலம் புதிய பணியாளர்கள், வேலை முறைமை, நுட்பங்கள், அறிக்கைகள், பணியில் பயன்படுத்தப்படும் கருவிகள் மற்றும் உபகரணங்களை பயிற்சி நிறுவனத்தின் உதவியுடன் வேலை செய்யும் கலாச்சாரம் போன்றவற்றை கற்றுக் கொள்ளலாம்.
5. மேம்படுத்தப்பட்ட பாதுகாப்பு நடவடிக்கைகள்:
i. வேலையில் ஈடுபடும்போது பணியினால் ஏற்படும் பாதிப்புகள் மற்றும் பாதுகாப்பு நடவடிக்கை குறித்த விழிப்புணர்வினை முறையான பயிற்சியின் மூலம் பெறுகின்றனர்.
ii . இது வேலை இடத்தில் பணி பாதுகாப்பினை மேம்படுத்த மற்றும் விபத்துக்களை தவிர்க்க உதவுகிறது.
6. ஊழியர்களை ஊக்குவித்தல்:
i. ஒரு பணியாளர் தன் பதவி திட்டமிடுதலுக்கு ஏற்ப தொடர்ந்து தன் மேம்பாட்டிற்காக தன் பணி பாதையில் முன்னேறி செல்ல அவசியமாகிறது.
ii. பயிற்சியானது அவர்களுக்கு செயலூக்கம் அளிப்பதோடு மட்டுமல்லாமல் நிர்வாகத்தின் மீதான அக்கறையையும், மறு உணர்வையும் ஊட்டுகிறது.
7. அதிக உற்பத்தித் திறன் மற்றும் இலாபங்கள்:
சிறந்த பயிற்சியளிக்கப்பட்ட ஊழியர்களின் பங்களிப்பு மேலும் திறன்களையும் உத்திகளையும் அளித்து வேலையினை கச்சிதமாகவும், விரைவாகவும் முடிப்பதற்கு பயிற்சி முறை உதவுகிறது.
8. செலவு குறைப்பு:
i. பயிற்சியளிக்கப்பட்ட ஊழியர்கள் வளங்களை திறமையான முறையில் பயன்படுத்தலாம்.
ii. வள ஆதாரங்களை வீணடிக்க எந்த வாய்ப்புகளும் இல்லை.
iii. இது செலவுகளைக் குறைக்க வழிவகுக்கிறது.
9. குறைந்த மேற்பார்வை:
பயிற்சி அளிக்கப்பட்ட ஊழியர்கள் தங்கள் பணியை செய்வதற்கு தேவையான அனைத்து தெளிவு நிலையைப் பெற்றிருப்பதால் குறைவான மேற்பார்வை போதுமானது.
10. சிறந்த ஒத்திசைவு:
ஊழியர்கள் புதிய தொழில்நுட்பங்கள் மற்றும் புதிய மாற்றங்களை தொடர் பயிற்சியின் மூலம் தங்களை மாற்றிக் கொள்ள முடிகிறது.

 I. சட்டப்பூர்வமான அதிகாரங்கள் :
(i) பங்குதாரர்களிடமிருந்து வர வேண்டிய பங்குகள் மீதான செலுத்தப்படாத அழைப்புகளை பெறுவதற்கான அதிகாரம்.
(ii) கடனீட்டுப் பத்திரங்கள் வெளியிடுவதற்கான அதிகாரம்.
(iii) கடனீட்டுப் பத்திரம் தவிர இதர வழிகளில் கடன் வாங்குவதற்கான அதிகாரம்.
(iv) நிறுமத்தின் நிதியை முதலீடு செய்யும் அதிகாரம்.
(v) புதிய கடன்களை உருவாக்கும் அதிகாரம்.
(vi) நிறுமத்தின் வியாபாரத்தை பல்வகைப்படுத்தும் அதிகாரம்.
(vii) ஒருங்கிணைத்தல், ஒன்று சேர்த்தல் மற்றும் மறு சீரமைப்பு செய்தல் போன்றவற்றை அங்கீகரிப்பதற்கான அதிகாரம்.
(viii) நிதிநிலை அறிக்கை மற்றும் இயக்குனர் குழுவின் அறிக்கைகளை அங்கீகரிப்பதற்கான அதிகாரம்.
II . மேலாண்மை அல்லது நிர்வாக ரீதியான அதிகாரங்கள்:
i) மூன்றாம் நபருடன் ஒப்பந்தம் மேற்கொள்ளும் அதிகாரம்.
ii) பங்குகளை ஒதுக்கீடு செய்தல், திரும்பப் பெறுதல் மற்றும் பங்குகளை மாற்றுவதற்கான அதிகாரம்.
iii) கடன் பத்திரங்களை வெளியிட வேண்டிய விதிமுறை களையும் நிபந்தனைகளையும் முடிவு செய்யும் அதிகாரம்.
iv) புதிய கொள்கைகளை நடைமுறைப்படுத்துவதற்கும்,வணிகத்தை செயல்படுத்துவதற்கும் வழிமுறைகளை உருவாக்க அதிகாரம்.
v) நிர்வாக இயக்குனர், மேலாளர் மற்றும் கம்பெனி செயலரை நியமனம் செய்யும் அதிகாரம்.
vi) தன் கீழ் பணியாற்றும் ஊழியர்களை மேற்பார்வை செய்தல் மற்றும் கட்டுப்படுத்துதல்.
III. தீர்மானத்தின் மீது இயக்குனர் அதிகாரங்கள் :
i) நிறுமனத்தின் சொத்தை விற்க அல்லது குத்தகைக்கு விடும் உரிமை 
ii) கடனை திரும்ப செலுத்த இயக்குனருக்கு தேவையான காலத்தை அனுமதிப்பது.
iii) செலுத்தப்பட்ட மூலதனம் மற்றும் காப்புகள் ஆகியவற்றின் கூட்டு தொகைக்கு மேல் கடன் வாங்கும் அதிகாரம்,
iv) ஐந்து ஆண்டுகளுக்கு மேலாக ஒரு நபரை முகவராக நியமனம் செய்தல்.
v) மிகை ஊதிய பங்குகளை வெளியிடுதல் மற்றும் மறுசீரமைப்பு செய்தல்.
vi) மூன்று ஆண்டுகளின் சராசரி இலாபத்தில் 5% அல்லது ரூ.50,000 இதில் எது அதிகமோ அத்தொகையை தொண்டு நோக்கங்களுக்காக பங்களிப்பு செய்வதற்கான அதிகாரம்.
IV. இதர அதிகாரங்கள் :
i) சாதாரண காலிப் பணியிடங்களை நிரப்பும் அதிகாரம்.
ii) நிறும முதல் தணிக்கையாளரை நியமிக்கும் அதிகாரம்.
iii) மாற்று இயக்குனர், கூடுதல் இயக்குனர் மற்றும் நிர்வாக இயக்குனர்களை நியமிக்கும் அதிகாரம்.
iv) முக்கிய நிர்வாக அல்லது மேலாண்மை அதிகாரிகளை நீக்கும் அதிகாரம்.
v) பங்குகளுக்கான இடைக்கால மற்றும் இறுதி பங்காதாயத்தை பரிந்துரை செய்யும் அதிகாரம்.
vi) நிறும கடன் தீர்க்கும் நிலைமையை அறிவிக்கும் அதிகாரம்.
vii) அரசியல் அமைப்பிற்கு பங்களிப்பு செய்யும் அதிகாரம்.

1. கம்பெனி சட்டம் பிரிவு 3 (1)ன் படி ஒரு நிறுமமானது கீழ்க்கண்டவற்றுள் ஏதேனும் ஒன்றாக இருக்க வேண்டும்.
i) பொது நிறுமம்  - 7 அல்லது அதற்கு மேற்பட்ட நபர்கள் 
ii) தனி நிறுமம் - 2 அல்லது அதற்கு மேற்பட்ட நபர்கள் 
iii) தனிநபர் நிறுமம் - ஒரு நபர் 
2. தனி நிறுமம் தனது பெயர் (அ) எந்த நபரின் பெயர் வைக்க வேண்டுமோ அதை அமைப்பு முறை சாசனத்தில் எழுதி சட்டப்படி தேவையான ஆவணங்களை கொண்டு பதிவு செய்ய வேண்டும்.
3. நிறுமத்தை உருவாக்க பல நடைமுறைகளை பல்வேறு வகையில் கையாள வேண்டும். தனிநபரின் கருத்துக்கள் மூலம் ஆரம்பம் முடிவு வரை தேவையான ஆவணங்களை கொண்டு நிறுமம் உருவாக்கப்படுகிறது.
4. உருவாக்குதல் நான்கு நிலைகளைக் கொண்டது.
(i) உருவாக்கம் 
(ii) பதிவு செய்தல் 
(iii) முதலிடுதல் 
(iv) வியாபாரம் தொடங்குதல் 
5. முதல் இரண்டு நிலைகளான உருவாக்கம்,பதிவு செய்தல் என்பவை பொது தனியார் நிறுவனத்திற்கு அவசியமானதாகும்.
6. தனியார் நிறுமம் தனது வியாபார செயல்பாடுகளை பதிவு செய்தபின் தொழிலை உடனடியாக மேற்கொள்ளும் ஆனால் பொதுநிறுமம் நான்கு நிலைகளை கடந்து தொழிலை மேற்கொள்ளும்.
7. பொது நிறுமம் தன்னுடைய நிதியை உயர்த்த பொது வெளியீடு தொடர்பான சட்ட தேவைகளை பூர்த்தி செய்து நிறுமச்சட்டம் மூலம் தனது வியாபார நடவடிக்கைகளை மேற்கொள்ளலாம்.

வ.எண்	வேறுபாடு	நகர்புற தொழில் முனைவோர்	ஊரக தொழில் முனைவோர்
1.	அமைவிடம்	மாநில தலைநகரம், மாவட்ட தலைநகரம் பேரூராட்சிகளில்  தொழிலை துவங்குவார்.	கிராமப்புறங்களில் தனது தொழிலை துவங்குபவர்.
2.	அரசின் சலுகைகள்	ஊரக தொழில் முனைவோரை காட்டிலும் குறைவான அரசு சலுகைகளை பெறுகிறார்.	கிராமப்புற வளர்ச்சிக்காக அரசு அதிகமான சலுகைகளை இவருக்கு வழங்குகிறது.
3.	அமைப்பு	உற்பத்தி, சில்லறை அல்லது கூட்டு பங்கு நிறும தொழில் முனைவோராக இருக்கலாம்.	உற்பத்தி மற்றும் சில்லறை தொழில் முனைவோராக இருக்கலாம்.
4.	உற்பத்தி செலவு	நகர்ப்புறங்களில் செயல்படுவதால் அதிகமான உற்பத்தி செலவு ஏற்படுகிறது.	கிராமப்புறங்களில் செயல்படுவதால் குறைவான உற்பத்தி செலவு ஏற்படுகிறது.
5.	விலை	உற்பத்தி செலவு அதிகமாதலால் பொருளுக்கான விலையை அதிகரித்து விற்பனை செய்கிறார்.	உற்பத்தி செலவு குறைவாக உள்ளதால் நுகர்வோருக்கு குறைவான விலையில் பொருட்களை விற்பனை செய்கிறார்.

1. பற்றுரிமை"
1. விலை முழுவதையும் பெறும் வரை சரக்கை தன் வசம் வைத்துக் கொள்ளும் உரிமை விலை செலுத்தப்படா வணிகருக்கு உண்டு.
2. இவ்வுரிமையை பெற கீழ்க்கண்ட நிபந்தனைகளை நிறைவேற்ற வேண்டும்.
i) சரக்கின் உடைமையை விற்றவர் பெற்றிருக்க வேண்டும்.
ii) கடனுக்கு சரக்கை விற்றிருக்கக் கூடாது.
iii) வாங்குனர் நொடிப்பு நிலை அடைந்திருக்க வேண்டும்.
பற்றுரிமை இழப்பு:
i) விற்ற பொருளுக்கான விலையை தராத நிலையில் சரக்கை தான் நினைத்தபடி நிறுத்தி வைக்கவும். உரிமையை ஒப்பந்தம் போடும் பொழுதே எடுத்துக்கொள்ள தவறும் பொழுது.
ii) வாங்குநரோ அல்லது அவரின் முகவரோ பொருளின் உடமையை பெற்றுவிட்டால்.
iii) பற்றுரிமை செய்ய உரிமையை விற்பவர் விட்டுக் கொடுத்திருந்தால் மேற்கண்ட காரணங்களால் பற்றுரிமை இழக்கப்படுகிறது.
2. வழி இடைநிறுத்த உரிமை:
சரக்கு விற்பவரிடமிருந்து வாங்குபவரிடம் செல்லும் பொழுது அதை வழிமறித்து தன்வசம் கையகப்படுத்தும் உரிமை விலைபெறாத வணிகருக்கு உண்டு.
நிபந்தனைகள்:
அ) i) சரக்கு விற்பவரிடமோ அல்லது வாங்குபவரிடமோ இருக்க கூடாது.
ii) பொது சரக்கேற்றியிடம் பொருளை சேர்க்கும் நோக்குடன் ஒப்படைக்கப்பட்டு வழியில் சென்று கொண்டிருக்க வேண்டும்.
வழி இடைநிறுத்த உரிமை இழப்பு:
அ) சரக்கின் உடமையை வாங்குனருக்கோ அல்லது அவரின் முகவருக்கோ சரக்கேற்றி கொடுத்து விடும்பொழுது.
ஆ) பொருள் சேரவேண்டிய இடத்தில் சேர்ந்த பிறகு பொது சரக்கேற்றி நிறுவனம் வாங்குனருக்கோ அல்லது அவரின் முகவருக்கோ பொருள் வந்து சேர்ந்து விட்டது என்றும் அதனை எடுத்துச் செல்ல ஏற்பாடு செய்ய வேண்டும் என்ற தகவல் தெரிவித்த பொழுது.
3. மறு விற்பனை உரிமை:
அ) விற்கப்பட்ட சரக்கு அழியும் தருவாயில் உள்ள போது 
ஆ) பற்றுரிமை அல்லது வழிமறித்து பெறப்பட்ட சரக்கை வேறுநபருக்கு விற்கும் தனது எண்ணத்தை கூறிய பிறகும் வாங்குனர் அதற்கான விலையை செலுத்தாத பொழுது.
இ) மறு விற்பனை செய்யும் உரிமையை சரக்கு விற்பனை ஒப்பந்தத்தில் கூறப்பட்டிருந்தால் வாங்குநருக்கு விற்பவர் அறிவிப்பு தர தேவையில்லை.

வஎண்		மனித வளம்	மனித வள மேலாண்மை
1.	பொருள்	தனிப்பட்ட மற்றும் நிறுவனக் குறிக்கோள்களை அடைவதற்கு எவர் ஒருவர் திறமை, தனித்திறன், அறிவு, தகுதிகள், போட்டித் திறன் மற்றும் சொல் திறன் பெற்றிருக்கிறாரோ அவரே மனித வளமாக கருதப்படுகிறார்.	மனித வளத்தை நிர்வகிக்கும் மேலாண்மையின் கிளையே மனித வள மேலாண்மை என அழைக்கப்படுகிறது.
2.	காரணி	உற்பத்தி செய்யும் ஒரே காரணியாக இது திகழ்கிறது.	திறன்மிக்க மேலாண்மை எங்கு இருக்கிறதோ அங்கெல்லாம் இது இருக்கிறது.
3.	வெளிப்படுத்துதல்	இது கண்டுபிடிப்பு மற்றும் படைப்பாற்றல் ஆகியவற்றை வெளிப்படுத்துகிறது.	இது பணியாளர்களிடையே வேலைப்பகிர்வினை வெளிப்படுத்துகிறது.
4.	தன்மை	இது நகரும் தன்மை கொண்டது	இது நிறுவனத்துடன் தொடர்புடையது
5.	காணப்படும் இடம்	மனித வளம் எங்கு இருக்கிறதோ அங்கெல்லாம் மனித வள மேலாண்மை இருக்கிறது.	திறன் மிக்க மேலாண்மை எங்கு இருக்கிறதோ அங்கெல்லாம் மனித வளம் இருக்கிறது.
6.	மதிப்பு மற்றும் காலம்	மனித வளங்களால் உண்டாகும் மதிப்பு மற்றும் பாராட்டுகள், நீண்ட காலத்திற்கு கிடைக்கிறது.	ஒரு நிறுவனம் நீண்ட காலம் இயங்கிக் கொண்டிருந்தால் அந்நிறுவனத்தில் மனித வளம் நிர்வகிப்பது தொடர்பான செயல்பாடுகளும் தொடர்ந்து நீடிக்க நிலையில் இருக்கும்.

(1) பங்குச்சந்தைகள் மற்றும் இடைத்தரகர்கள் தொடர்பான அதிகாரங்கள் (Powers Relating to Stock Exchanges & Intermediaries)
பத்திர வணிகத்தை மேற்கொள்ளும் பங்கு பரிமாற்றகங்கள் மற்றும் இடைத் தரகர்களிடம் செபி பரந்த அதிகாரங்களைக் கொண்டுள்ளது.
(2) நாணய அபராதங்களை விதிக்கும் அதிகாரம் (Power to Impose Monetary-Penalties.)
மூலதனச்சந்தை இடைத்தரகர்கள் மற்றும் பிற பங்கேற்பாளர்கள் மீது வரம்பு மீறல்களுக்கு நாணய அபராதங்களை சுமத்துவதற்கு செபி அதிகாரத்திற்கு உட்பட்டுள்ளது. இது ஒரு குறுகிய காலத்திற்கு தங்கள் பதிவை தற்காலிகமாக நிறுத்தி வைக்கலாம்.
(3) பணியிடங்களில்  செயல்பாடுகளை தொடங்குவதற்கான அதிகாரம் ஒதுக்கப்பட்டுள்ளது (Power to Initiate Actions in Functions Assigned.)
(அ) செபி ஒதுக்கப்பட்டுள்ள பணிகள் குறித்து நடவடிக்கைகளை ஆரம்பிக்க ஒரு அதிகாரம் உண்டு.
(ஆ) உதாரணமாக, இது பல்வேறு இடைத்தரகர்களுக்கு வழிகாட்டுதல்களை வழங்கலாம் அல்லது முதலீட்டாளர்களின் நலன்களைப் பாதுகாப்பதற்கான குறிப்பிட்ட விதிகளை அறிமுகப்படுத்தலாம்.
(4) பத்திரங்களில் உள்வழி வர்த்தகத்தை, ஒழுங்குப்படுத்துவதற்கான அதிகாரம் (Power to Regulate Insider Trading.)
உள்வழி வர்த்தகத்தை ஒழுங்குபடுத்தும்  அதிகாரம் அல்லது வணிக வங்கியாளர்களின் பணிகளை ஒழுங்குபடுத்தும் அதிகாரங்களை செபி கொண்டுள்ளது.
(5) பத்திரங்கள் ஒப்பந்த சட்டத்தின் கீழ் உள்ள அதிகாரங்கள் (Powers Under Securities Contracts Act.)
(அ) பங்குச்சந்தை திறம்பட ஒழுங்குபடுத்த நிதி அமைச்சகம் பத்திரங்கள் ஒப்பந்தங்கள் (ஒழுங்குவிதிகள்) சட்டத்தின் கீழ் பல்வேறு அதிகாரங்களை செபிக்கு 13 செப்டம்பர், 1994 அன்று ஒரு அறிவித்தல் மூலம் வழங்கியுள்ளது.
(ஆ) ஒவ்வொரு பங்குச் சந்தையிலும் ஆளும் குழுவில் மூன்று உறுப்பினர்களை நியமிக்க நிதி அமைச்சகம் செபிக்கும் அதிகாரம் அளிக்கிறது.
(6) பங்குச்சந்தை வணிகத்தை ஒழுங்குபடுத்தும் அதிகாரம் (Power to Regulate Business of Stock Exchanges)
பத்திரச் சந்தை மற்றும் பரஸ்பர நிதியுடன் தொடர்புடைய இடைநிலையர்கள், மோசடியான மற்றும் முறையற்ற வியாபார செயல்பாடுகள் மற்றும் நிறுவனங்கள் ஒருங்கிணைப்பு போன்றவற்றை ஒழுங்குபடுத்தும் அதிகாரங்களை செபி கொண்டுள்ளது.

வ.எண்	சிறப்பியல்புகள்	பங்கு பரிவர்த்தனை	பண்டமாற்று பரிவர்த்தனை
1	பொருள்	பங்குச் சந்தை என்பது தொழில்துறை மற்றும் நிதிப் பாதுகாப்பின் கொள்முதல் மற்றும் விற்பனைக்கான ஒரு ஒழுங்கமைக்கப்பட்ட சந்தை.	ஒரு பண்டமாற்று பரிமாற்றம் என்பது பண்டங்கள் வர்த்தகம் செய்யப்படும் பரிமாற்றமாகும்.
2	பணிகள்	எளிதான சந்தைப்படுத்துதலை வழங்குதல்	பத்திரங்களுக்கு தேவை ஏற்படுத்துதல் அல்லது பத்திரங்களுக்கு விலைக் காப்பீடு சேவைகள் மற்றும் நீர்மை தன்மை ஏற்படுத்துதல்.
3	பங்கேற்பாளர்கள்	முதலீட்டாளர்கள் மற்றும் ஊக வணிகர்கள்	தயாரிப்பாளர்கள், முகவர்கள், நிறுவனங்களின் வியாபாரிகள் மற்றும் ஊகவணிகர்கள்
4	ஒப்பந்தங்களின் காலம்	ரொக்கம், உடனடி வழங்கல் மற்றும் பதினைந்து நாட்களுக்கான ஒப்பந்த கணக்கு	எதிர்கால சந்தை ஒப்பந்தங்களுக்கான 2 அல்லது 3 மாதங்கள் கால செலுத்துகை மற்றும்  உடனடி பண ஒப்பந்தங்கள்
5	முன் ஒப்பந்தம்	பத்திரங்கள் முழுமையாக தரநிலையாக்கப்படுவதால் முன்னோக்கு ஒப்பந்தங்கள் எளிமைப்படுத்தப்படுகின்றன.	எதிர்கால ஒப்பந்தத்தை எளிதாக்குவதற்கு தரநிலை  வகுப்புகளுக்கு நியமங்கள்  இருக்க வேண்டும்.
6	விலை புள்ளி	முன்னோக்கிய ஒப்பந்தங்களைப் பொறுத்தவரை ஒரு முனை புள்ளிகள் மட்டுமே சாத்தியமாகும்.	எதிர்கால ஒப்பந்தங்களுக்கான பலமுனை புள்ளிகள் சாத்தியமாகும்.
7	பணிகள்	எளிதான சந்தைப்படுத்துதலை வழங்குதல்	பத்திரங்களுக்கு தேவை ஏற்படுத்துதல் அல்லது பத்திரங்களுக்கு விலைக் காப்பீடு சேவைகள் மற்றும் நீர்மை தன்மை ஏற்படுத்துதல்.
8	நோக்கம்	பொருள் மூலதன உருவாக்கம் மற்றும் மூலதன ஆதாரங்களை சிறந்த முறையில் பயன்படுத்துதல் ஆகியவற்றை எளிதாக்குகிறது	ஆபத்து குறைப்பு மூலம் பொருட்கள் விற்பனையை அதிகரிக்க உதவுகிறது

(1) குறுகிய கால நிதிகள் (Short-term Funds)
குறுகிய காலநிதிகள் அல்லது பணத்திற்கு நிகரான நிதி சொத்துக்களுக்கான முற்றிலுமான ஒரு சந்தை இதுவாகும்.
(2) முதிர்வு காலம் (Maturity Period)
இச்சந்தையில் ஒரு வருடத்திற்கு குறைவான முதிர்வு காலம் கொண்ட நிதி சொத்துக்களை மட்டுமே பயன்படுத்தப்படுகிறது.
(3) பணமாக மாற்றுவது (Conversion of cash)
உடனடியாக பணமாக மாற்றியமைக்கக்கூடிய நிதிச் சொத்துக்களை மட்டுமே இச்சந்தையில் இழப்பு இல்லாமல் குறைந்தபட்ச பரிவர்த்தனை செலவில் பரிமாற்றம் செய்யப்படுகிறது.
(4) முறையான இடமில்லை (No Formal place)
பொதுவாக பரிவர்த்தனைகள் தொலைபேசி அதாவது வாய்மொழி தொடர்பு மூலமாக நடைபெறுகின்றன. சம்பந்தப்பட்ட ஆவணங்கள் மற்றும் எழுதப்பட்ட தகவல் தொடர்புகள் பின்னர் பரிமாறிக்கொள்ளலாம்.
(5) துணை சந்தைகள் (Sub-markets)
இது ஒரு ஒற்றைத் தன்மையுள்ள சந்தை அல்ல. இது தனித்தனி சிறப்புடைய பல துணைச்சந்தைகளின் தொகுப்பாகும். எ.கா: அழைப்பு பணச்சந்தை, ஏற்புச்சந்தை மற்றும் மாற்றுமுறை ஆவண சந்தைகள்.
(6) சந்தையின் பங்கு (Role of Market)
மத்திய வங்கி, வணிக வங்கிகள், வங்கிகள் அல்லாத நிதி நிறுவனங்கள், தள்ளுபடியகம் மற்றும் ஏற்பகங்கள், பணச்சந்தையின் கூறுகளாகும். வணிக வங்கிகள் பொதுவாக பங்குச் சந்தையில் மேலாதிக்க இடத்தினைக் கொண்டுள்ளது.
(7) மிகவும் ஒழுங்கமைக்கப்பட்ட வங்கி முறை (Highly Organized Banking System)
வணிக வங்கிகள் பணச்சந்தைகளின் முழு நரம்பு மையமாக இருக்கின்றன. குறுகிய கால நிதிகளை வழங்குகின்ற முதன்மை அளிப்பாளராகவும் வணிக வங்கிகள் உள்ளன. பணச்சந்தையின் பல்வேறு பிரிவுகளுக்கும் மத்திய வங்கிக்கும் உள்ள இணைப்பாக வணிக வங்கிகள் செயல்படுகின்றன.

தொழிற்சாலைகளின் தேவைகளை பூர்த்தி செய்வதற்காக புதிய நிதி நிறுவனங்கள் உருவாக்கப்பட்டு கடன் அளிக்கப்பட்டது. அந்நிறுவனங்களைப் பற்றி சுருக்கமாக கீழே காணலாம்.
துணிகர நிதி நிறுவனம்: 
துணிகர மூலதன நிதி என்பது சாதாரண நிதியில் ஒரு பகுதி ஆகும். இது புதிய திட்டம் மற்றும் கண்டுபிடிப்பிற்கு நிதி வழங்குவதற்காக உருவாக்கப்பட்டதாகும். துணிகர மூலதனம் என்பது தொழில்நுட்ப திட்டங்களை வணிகமயமாக்குவதற்கு தேவையான நிதியினை அளிக்கிறது.
பரஸ்பர நிதி:
சிறு முதலீட்டாளர்களின் சேமிப்புகளை பெரிய முதலீடாக மாற்றும் நிதி நிறுவனங்களையே பரஸ்பர நிதி என்கிறோம். நிதி நிறுவனங்களான LIC, UTI மற்றும் வணிக வங்கிகள் SBI மற்றும் கனரா வங்கி போன்றவை பரஸ்பர நிதி வணிகத்தில் ஈடுபடுகின்றன.
இந்திய எதிர் பங்கு மாற்றகம்:
பங்குகளை இந்தியா முழுவதும் மின்னணு மூலம் வியாபாரம் செய்யும் நோக்கத்தோடு முதன்மை நிதி நிறுவனங்களால் உருவாக்கப்பட்டதே OTCEI என்பதாகும். இதன் மூலம் முதலீட்டாளர் மற்றும் நிறுமத்திற்கு சில பிரச்சனைகள் இருந்த போதும் வெளிப்படைத் தன்மை, விரைவான முடிவு, நெகிழ்வு தன்மை ஆகிய நன்மைகளையும் அளிக்கிறது.
ஏட்டுக்கடன் தரகு முகமை நிறுவனங்கள்:
விற்பனை மூலம் பெற வேண்டிய பெறுதல்களின் அடிப்படையில் நிதி நிறுவனங்கள் செய்யும் நிதி ஏற்பாடே ஏட்டுக்கடன் தரகு முகமை ஆகும். இந்தியாவில் செயல்படும் சில நிறுவனங்களாவன, SBI. மற்றும் வணிக சேவைகள் SBI ன் துணை நிறுவனம் மற்றும் கான்பேங்க் ஃபேக்டரிக் லிமிடெட் கனரா வங்கியின் துணை நிறுவனம் ஆகும்.
இந்திய தேசியப் பங்கு மாற்றகம் லிமிடெட் (NSEI):
பங்குச் சந்தையின் மாதிரியாக NSEI என்பது 1992ம் ஆண்டு உருவாக்கப்பட்டது. இச்சந்தையின் நோக்கமானது மின்னணு பங்குகளை இந்தியா முழுவதும் அமைத்து கொடுப்பதாகும்.
தேசிய பத்திரங்கள் களஞ்சியம் லிமிடெட்:
காகிதமில்லா மற்றும் காகிதமாற்று பங்குகளை கொண்டுவருவதற்காக 1996ம் ஆண்டு NSDLல் உருவாக்கப்பட்டது. இரண்டாம் சந்தையில், வியாபாரத்திற்கு பின் ஏற்படும் சிக்கல்களை தீர்கவும் NSDL ல் உருவாக்கப்பட்டது.
இந்திய பங்கு வைப்பு கழகம் லிமிடெட்:
SHCIIL -ல் நோக்கமானது பங்குச் சந்தை நடவடிக்கையில் மத்திய பத்திர வைப்பாக செயல்படுவதே ஆகும். இக்கழகம் தேசிய அளவிலான நிர்வாக சீர்திருத்த பணிகளையும் செய்கிறது.

நிதிச் சந்தையின் பங்கு:
நிதிச் சந்தையின் பங்கு பொருளாதாரத்தின் துரித வளர்ச்சியின் முக்கிய தேவைகளில் ஒன்று சுறுசுறுப்பான மற்றும் செழிப்பான நிதிச்சந்தை ஆகும். ஒரு நிதிச் சந்தை பின்வரும் வழிகளில் ஒரு நாட்டின் பொருளாதாரத்திற்கு உதவி செய்வதால் அது மிகப்பெரும் பயனாக திகழ்கிறது.
(அ) சேமிப்பை பெருக்குதல் (Savings Mobilization):
சேமிப்பாளர்கள் (அ) தனிநபர்கள், வணிக நிறுவனங்கள், பொதுத்துறை நிறுவனங்கள் மற்றும் அரசு போன்ற உபரி அலகுகளிடமிருந்து நிதிகளை பெறுவதன் மூலம் நிதிச் சந்தை ஒரு முக்கிய பங்கு வகிக்கிறது.
(ஆ) முதலீடுகள் (Investment):
நிதி முதலீடுகளை வசூலிப்பதிலும் அவற்றை தேவை உள்ளவர்களுக்கு வழங்குவதிலும் நிதிச் சந்தை' முக்கியப் பங்கு வகிக்கிறது.
(இ) தேசிய வளர்ச்சி (National Growth):
நிதிப் பற்றாக்குறை உள்ள நிறுவனங்களுக்கு உபரி நிதிகள் தடங்கலின்றி நடமாட்டம் செய்ய உறுதி செய்வதன் மூலம் ஒரு தேசத்தின் வளர்ச்சியில் நிதிச் சந்தை பங்களிப்பை வழங்குகிறது. நிதி ஆக்க பூர்வமான நோக்கில் பயன்படுத்த வழிவகை செய்கிறது. இது ஒட்டு மொத்த பொருளாதார வளர்ச்சிக்கு வழிவகுக்கிறது.
(ஈ) தொழில்முனைவோர் வளர்ச்சி (Entrepreneurship Growth):
தேவையான நிதி வளங்களை தொழில் முனைவோர்களுக்கு கிடைக்க பெறுவதன் மூலம் அதன் மேம்பாட்டிற்கு நிதிச் சந்தை பங்களிக்கிறது.
(உ) தொழிற்துறை மேம்பாடு (Industrial Development):
நிதிச் சந்தையின் பல்வேறு கூறுகள் ஒரு நாட்டின் தொழிற்துறையின் துரித வளர்ச்சி மற்றும் பொருளாதார மேம்பாட்டிற்கு உதவி புரிகிறது. இதன் மூலம் சமுதாயத்தின் வாழ்க்கை தரம் மற்றும் நல்வாழ்வை உயர்த்துகிறது.

நவீன மேலாண்மையின் கோட்பாடுகள்: நவீன மேலாண்மையின் தந்தை எனப் போற்றப்படும் திரு.ஹென்றி ஃபோயல் ஒவ்வொரு மேலாளரும் நிறுவனத்தின் வெற்றிக்காக நடைமுறைப்படுத்த வேண்டிய 14 பிரதான கோட்பாடுகளை வரையறுத்திருக்கிறார். அவைகளாவன.
(I) வேலைப் பகிர்வு : இக்கோட்பாட்டின்படி தொழிலமைப்பின் மொத்தப்பணிச் சுமையும் சிறிய பணிகளாகப் பகிர்வு செய்ய வேண்டும். தொழிலாளர் ஒவ்வொரு தொழிலாளியின் திறமைக்கேற்ப பணி ஒதுக்கீடு செய்யப்பட்டு அப்பணியில் அத்தொழிலாளி சிறப்பீடுபாடும் நிபுணத்துவமும் அடையும் வண்ணம் தொழில் முறை வளர்ச்சியையும் பணிச்சூழலையும் உருவாக்க வேண்டும்.
(II) அதிகாரமும், பொறுப்பும்: அதிகாரம் என்பது ஒரு அலுவலர் தன் கீழ்பணியாளர்களுக்கு ஆணையிடும் உரிமையைக் குறிக்கின்றது.
(III) ஒழுங்குமுறை: இது கீழ்ப்படிதல், மற்றவர்களிடம் முறைப்படி நடத்துதல், அதிகாரத்தை மதித்தல் போன்றவை ஆகும். இவ்வொழுங்கு நிறுவனம் செம்மையாக நடைபெற இன்றியமையாததாகும்.
(IV) பொது நலனுக்காக தனி நலம் புறக்கணிக்கப்படல் வேண்டும் : நிர்வாகம் தனிப்பட்ட ஆதாயங்களை ஒதுக்கி வைத்துவிட்டு நிறுவனத்தின் நோக்கங்களை மட்டுமே முன் நிறுத்த வேண்டும். எனவே தனிப்பட்ட நபர்களின் தனிநலனை விட தொழில் நிறுவனத்தின் நோக்கமே அனைத்தையும் விட மேம்பட்டிருக்க வேண்டும்.
(v) ஊதியம் : ஊதியம் என்பது பணியாளர் களின் பணிக்கு கொடுக்கப்படும் விலையாகும். பணியாளருக்கு கொடுக்கப்படும் ஊதியமே தொழிலாளர்களை ஊக்குவிக்கும் முதன்மையான ஊக்குவிப்பவனாக இருந்து உற்பத்தியை அதிகரிப்பப்பதால் அவர்களுக்கு போதுமான ஊதியம் வழங்கப்பட வேண்டும்.

1. மேலாண்மை என்பது ஒருங்கிணைத்தல்:
மனித வளம், இயந்திரங்கள், பொருட்கள், மற்றும் பணம் ஆகிய நான்கு வளங்களையும் அதன் செயல்பாடுகளையும் திறம்பட ஒருங்கிணைக்க வேண்டும்.
2. மேலாண்மை ஒரு செயல்முறை:
திட்டமிடல், ஒழுங்கமைத்தல், பணியமர்த்தல், இயக்குவித்தல் மற்றும் கட்டுப்படுத்துதல் ஆகியவற்றின் மூலம் வளங்களை திறம்பட ஒருங்கிணைத்தல்.
3. மேலாண்மை என்பது ஒரு திட்டமிட்ட செயல்முறை:
முன்கூட்டியே திட்டமிட்ட நோக்கங்களையும், குறிக்கோள்களையும் அடைவதற்காக இயக்கப்படுகிறது.
4. மேலாண்மை என்பது ஒரு சமூக செயல்பாடாகும்:
மற்றவர்கள் மூலம் குறிப்பிட்ட பொருளைப் பெறுவதற்கான கலை ஆகும்.
5. மேலாண்மை என்பது ஒரு சுழற்சியான செயல்முறை:
மேலாண்மை - திட்டமிடல் - செயல்பாடு - கட்டுப்படுத்தல் - மறுதிட்டமிடல் ஆகிய சுழற்சியை பிரதிபலிக்கிறது.