இணைய பயன்பாடுகள்	அக இணைய பயன்பாடுகள்	புற இணைய பயன்பாடுகள்
நிரல் மற்றும் கோப்புகளை பதிவிறக்கம் செய்தல்	நிறுவனத்தின் விதிமுறைகள் மற்றும் நிபந்தனைகளைப் பகிர்தல்.	வாடிக்கையாளர்கள் தொடர்பு
சமூக ஊடகம்.	பணியாளர் தரவுத்தளத்தை அணுகுதல்	நிகழ்நிலைக் கல்வி பயிற்சி
மின்னஞ்சல்	சுற்றறிக்கைகள் / அலுவலக கட்டளைகளை விநியோகித்தல்	கணக்கு நிலை விசாரணை
மின் வங்கிச் சேவை	கட்டளைகளை விநியோகித்தல்	பொருள் இருப்பு விசாரணை
ஒலி மற்றும் ஒளி கலந்துரையாடல்	வாடிக்கையாளர் தரவு மற்றும் தயாரிப்புகளை அணுகுதல்	நிகழ்நிலை விவாதம்
மின் வணிகம்	பொதுவான ஆர்வமுள்ள தகவலைப் பகிர்தல்	விநியோக மேலாண்மை
கோப்பு பகிர்தல்	தனிப்பட்ட / துறை சார்ந்த முகப்புப் பக்கங்களைத் தொடங்குதல்	தேவை நிலை விசாரணை
தகவல் பெற உலாவுதல்.	அறிக்கைகளைச் சமர்ப்பித்தல்	உத்தரவாதத்தைப் பதிவு செய்தல்
தேடுபொறிகள் மூலமாக இணைய முகவரிகளை தேடுதல்	பெருநிறுவன தொலைபேசி அடைவுகள்	உரிமைக் கோரிக்கை
அளவளாவுதல்		விநியோக முன்னேற்றம்

நவீன கடன் அட்டையில் உள்ள விவரங்கள்:
1. வழங்குபவர்: வழங்கும் வங்கியின் சின்னம் (துணை பிரிவு அல்லது திட்டம் ஏதேனும் இருப்பின் அதனுடன் சேர்த்து)
2. கடன் அட்டை எண்: நவீன கடன் அட்டை எண் 16 இலக்க தனித்துவ அடையாள எண்.
3. வாடிக்கையாளர் பெயர்: அட்டையின் முன்பக்கத்தில் புடைப்பு எழுத்தில் பொறிக்கப்பட்டிருக்கும் மேலும் காந்த பட்டையிலும் சேமிக்கப்படும்.
4. EMV சில்லு: இது காந்தப் பட்டைக்கு கூடுதலாக அட்டையின் தகவல்களைச் சேமிக்க உள்ள ஒரு உட்பொதிக்கப்பட்ட ஒருங்கிணைந்த சில்லு. EMV என்பது Europay - Mastercard - Visa என்பதன் சுருக்கமாகும். இந்த மூன்று பெயர்களும் இந்த தொழில்நுட்பத்தை உருவாக்கிய நிறுவனங்களின் பெயர்களைக் குறிக்கிறது. இது சில்லுடன் பின் கையொப்பம் மற்றும் சில்லுடன் - (PIN) என வகைப்படுத்தப்பட்டுள்ளது.
5. RFID சின்னம்: சாய்ந்த Wi-Fi சின்னம் போன்ற வலதுபுற நோக்கி நான்கு வளைவு கொடுக்கல் இருக்கும். இது ஒரு தொடர்பு இல்லாத சூட்டிகை அட்டை (Contactless Smart Card) என்பதைக் குறிக்கிறது.
6. காலாவதி மாதம் மற்றும் ஆண்டு: அட்டையின் முன்பக்கத்தில் இருக்கும். அச்சிடப்பட்ட மாதத்தின் கடைசி நாள் வரை அட்டை செல்லுபடியாகும்.
7. அட்டை நிறுவன அடையாள சின்னம்: இது கடன் அட்டை அமைப்பின் பெயர். விசா மற்றும் மாஸ்டர்கார்டு முன்னணி கடன் அட்டை நிறுவனங்கள் ஆகும். RUPAY என்பது 2012 ல் தொடங்கப்பட்ட இந்திய உள்நாட்டு திறந்த வளையக் கடன் அட்டை அமைப்பு ஆகும்.
9 முப்பரிமாணப் ஒளிப்படிமம்: நகலெடுத்தலை தடுக்கும் ஒரு பாதுகாப்பு அம்சம். ஒளி கற்றையின் குறுக்கீட்டால் உருவாக்கப்படும் முப்பரிமாண உருவமாகும்.
10 கையொப்பம் பலகம்: அட்டையின் பின்புறத்தில் வாடிக்கையாளரின் கையொப்பம் இருக்கும். இது வாடிக்கையாளரை அடையாளம் காணும் முயற்சியாகப் பயன்படுத்தப்படுகிறது. மேலும் அட்டை எண்ணின் கடைசி 4 இலக்கங்களையும் கொண்டிருக்கும்.
11. CVC/CVV: அட்டை சரிபார்ப்பு குறியீடு/மதிப்பு (Card Verification Code/Value) என்பது வழக்கமாக கையொப்ப பலக்கத்தின் இடதுபுறம் அச்சிடப்படும் 3 இலக்க குறியீடு ஆகும். CVC2 தொலை பரிவர்த்தனைகளில் பயன்படுத்தப்படுகிறது. மேலே குறிப்பிட்டவை தவிர, ஒவ்வொரு கடன் அட்டையும் வழங்குனரின் பொறுப்புத் திறப்பு செய்தி, முகவரி மற்றும் தொலைபேசி எண் ஆகியவற்றையும் கொண்டிருக்கும்.

வழிமுறை 1:
1. உரையேற்றப்பட்ட பணிக்குறியை உரையை வைக்க வேண்டிய இடத்தில் கிளிக் செய்து தேவையான அளவிற்கு இழுத்துவிட வேண்டும்.
2. இப்பொழுது உரை நாம் வரையறுத்த உரைத்தொகுதிற்குள் உரை முழுவதும் வைக்க முடியவில்லை எனில் கீழ்ப்பக்க விண்டோஸேடில் சிவப்பு நிற முக்கோணம் தோன்றும். இதில் கிளிக் செய்தால் மறுபடியும் உரையேற்றப்பட்ட பணிக்குறி தோன்றும்.
3. இப்பொழுது புதிய உரைத் தொகுதியை உருவாக்கி அதில் கிளிக் செய்ய வேண்டும்.
4. இந்த செயல்முறையை சிவப்பு நிற முக்கோணம் மறையும் வரை (அ) செருக வேண்டிய உரை உள்ள வரை திரும்ப திரும்ப செய்ய வேண்டும்.
வழிமுறை :
1. இதே போன்று ஒரு பக்கத்தில் உரையை செருக வேண்டுமெனில் பக்கத்தின் மேற்பகுதியில் உரையேற்றப்பட்ட பணிக்குறியை வைத்து கிளிக் செய்ய வேண்டும்.
2. உரையானது அப்பக்கம் முழுவதும் நிரம்பும்.
3. ஒரு பக்கத்தை விட அதிகமான உரை இருந்தால், கீழ்ப்பகுதியில் உள்ள விண்டோஸேடில் சிவப்பு நிற முக்கோணம் தோன்றும்.
4. இப்பொழுது பட்டிப் பட்டையில் Layout \(\rightarrow \) Insert Pages என்பதைக் கிளிக் செய்து புதிய பக்கத்தை உருவாக்கி, பக்கத்தின் மேல் பகுதியில் உரையேற்றப்பட்ட பணிக்குறியை கிளிக் செய்ய வேண்டும்.
இதை செருக வேண்டிய உரை உள்ள வரை திரும்பத் திரும்ப செய்ய  வேண்டும். 

மக்கள் அனைத்துப் பொருட்களையும் நிகழ்நிலையில் வாங்குவதில்லை:
1. விலையுயர்ந்த நகைகள், ஆடைகள் அல்லது அலங்காரப் பொருட்கள் போன்ற சில தயாரிப்புகளை மக்கள் நிகழ்நிலையில் வாங்க விரும்பாதவை .
போட்டி மற்றும் பெருநிறுவன பாதிப்பு:
1. உலகளாவிய சந்தையை அணுகுதல் என்பது எப்போதும் ஒரு போட்டியுடன் இணைத்தே வருகிறது.
2. பல வியாபார நிறுவனங்கள் ஏற்கனவே இணைய மயமாக்கப்பட்ட வணிக போட்டியாளர்களிடமிருந்து சர்வதேசப் போட்டியை எதிர்கொண்டிருக்கின்றன.
3. ஒரு நிறுவனத்தின் போட்டி நிறுவனங்கள் வலைத்தளத்திலிருந்து அதன் பொருட்களை பற்றிய விவரங்கள், விலைப் பட்டியல்கள் போன்ற வியாபார தகவலைப் பெற முடியும்.
4. இதன் மூலம் அந்நிறுவனம் இணைய அறுவடை பாதிப்புக்குள்ளாக்குகிறது.
பாதுகாப்பு:
1. பாதுகாப்பு என்பது மின் - வணிகத்தில் ஒரு பெரும் பிரச்சனையாக உள்ளது.
2. மின் வணிக பரிவர்த்தனையில் அதிக இணைய மோசடிகள் நடைபெறுகின்றன என்பதால் மக்கள் பொதுவாக தங்கள் தனிப்பட்ட தகவலை வழங்கப் பயப்படுகிறார்கள்
வாடிக்கையாளர் பற்றிணைப்பு:
1. பற்றுறுதியான வாடிக்கையாளர்களைக் கொள்ளாமல் வணிகம் நீண்டகாலம் நீடித்திருக்க முடியாது.
2. வாடிக்கையாளர்கள் எப்போதும் தங்களுக்குச் சிறந்த சலுகைகளை அளிக்கும் ஒரு வலைப்பக்கத்திலிருந்து மட்டுமே வாங்க விரும்புவார்கள்.
திறன்மிக்க ஊழியர்களின் பற்றாக்குறை:
1. மின் - வணிகத்தின் பொதி கட்டுதல் மற்றும் விநியோகம் போன்ற சில துறைகளுக்கு உடல் உழைப்பும் மனித மேற்பார்வையும் தேவைப்படுகின்றன.
2. போக்குவரத்து தாமதங்களுடன் தொடர்புடைய சிக்கல்களை தீர்க்க தொழில்நுட்ப தகுதி வாய்ந்த ஊழியர்கள் தேவைப்படலாம்.
பரிவர்த்தனைகள் அளவு மற்றும் மதிப்பு:
1. ஒரு பேனாவின் விநியோக செலவு பேனா விலையையே விஞ்சும். மின் - வணிகம் பெரும்பாலும் பணம் செலுத்துவதற்காக கடன் அட்டைப் பயன்படுத்துகிறது.
2. கடன் அட்டை மூலமாக பணம் செலுத்துவதிலுள்ள கட்டுப்பாடுகளால் மிகச் சிறிய மற்றும் மிகப்பெரிய பரிவர்த்தனைகள் நிகழ்நிலையில் நடைபெறுவதில்லை.

1. வடத்தை தேவையான நீளம் வெட்டிக் கொள்ளவும்.
2. வடத்தின் இருபுறமும் இருந்து 1 அங்குல அளவிற்கு பாதுகாப்பு உறையை நீக்கவும். இதனால் முறுக்கப்பட்ட இணை கம்பிகள் வெளியே தெரியும்.
3. கம்பி அகற்றப்பட்ட பிறகு, சிறிய கம்பிகளை அவிழ்த்து, சரியான வயரிங் அமைப்பில் வைக்கவும்
4. கம்பிகளை ஒன்றாக வைத்து அவற்றை ஒரே அளவுள்ளதாக (1/2 அங்குல) வெட்டவும்.
5. இணைப்பில் உள்ள 8 பள்ளங்களில் இந்த 8 நிற கம்பிகளை சேர்க்கவும். பிளாஸ்டிக் உறை இணைப்பின் உள்ளே செல்லும் வகையில் செருகப்பட வேண்டும்.
6. Crimping கருவியைப் பயன்படுத்தி RJ45 இணைப்பியை வடத்தில் பொருத்தவும். கையால் இழுத்தால் வெளிவராத அளவிற்கு நன்கு பொருந்தியிருக்க வேண்டும். இப்போது வடம் தரவு பரிமாற்றத்திற்குத் தயாராக உள்ளது.
7. தேவைப்பட்டால் வடத்தின் இணைப்பைச் சரிபார்க்க ஒரு வட சோதிப்பானை (Cable Tester) பயன்படுத்தவும்.

1. கல்வி 
2. பொழுதுபோக்கு 
3. வணிக அமைப்பு 
4. மருத்துவ சேவைகள் 
5. பல்லூடகக் கலந்துரையாடல் 
6. பொது இடங்கள் 
1. கல்வி (Education) :
(i) பாரம்பரிய கற்பித்தல் முறைக்குப் பதிலாக சிறந்த மாற்று முறையினை வழங்குவதில் பல்லூடகம் முக்கிய பங்கு ஆற்றுகின்றது. இது மாணவர்களை, அசைவூட்டல் மூலம் பல்வேறு கருத்துக்களை பற்றி ஆய்வு செய்யவும், கற்றுக் கொள்ளவும் அனுமதிக்கின்றது.
(ii) மாணவர்கள் ஆசிரியர்கள் மற்றும் பெற்றோர் இந்த பல்லூடக வழிக் கற்றல் முறையையும் மற்றும் பல்லூடக கற்றல் பொருட்களையும் விரும்புகின்றனர்.
(iii) பல கல்வியாளர்கள், பல்லூடகம், புதிய வழிகளில் வகுப்பறையில் சிந்திப்பதை அறிமுகப்படுத்தியுள்ளது என்பதனை ஏற்றுக் கொள்கின்றனர்.
(iv) ஜெர்மனியிலுள்ள GMU ஆனது பல்லூடக வழி கற்பித்தல் மற்றும் கற்றல் அமைப்பிற்கு MODULO எனப் பெயரிட்டுள்ளது.
(v) இது இணையத்தை தழுவிய சூழல் கொண்டு உருவாக்கப்பட்டு மாற்றத்தக்க மற்றும் பரவலாக்கப்பட்ட கற்றல் சூழலை வழங்குவதை நோக்கமாகக் கொண்டுள்ளது.
(vi) இந்தியாவில், மின் வழிக் கற்றல் (e-learning) தொலைதூர 
வழி கற்றல் (distance learning)/மெய்நிகர் கற்றல் (Virtual Learning) போன்றவற்றை கற்பித்தல் மற்றும் கற்றலுக்காக பல்வேறு வழிகளில் பல்லூடகம் பயன்படுத்துகின்றன.
(vii) EDUSAT (Educational Satellite) என்பது கல்வி துறையில் மெய்நிகர் வகுப்பறைகள் பயனுள்ள முறையில் உருவாக்குவதற்கான சேவைகளை வழங்க இந்தியாவில் செலுத்தப்பட்டுள்ள செயற்கைக்கோளாகும்.
2. பொழுதுபோக்கு (Entertainment):
(i) பொழுதுபோக்கு தொழில் துறையில் குறிப்பிடத்தக்க முன்னேற்றத்திற்கு பல்லூடக தொழில்நுட்பம் முக்கிய காரணமாகும்.
(ii) இந்த தொழில்நுட்பமானது வானொலி, தொலைக்காட்சி ஆன்லைன் விளையாட்டு, தேவைப்படும் ஒளிக்காட்சி போன்ற அனைத்து வகையான பொழுதுபோக்கு அம்சங்களில் தேவைப்படுகிறது.
(iii) தேவைப்படும் ஒளிக்காட்சி (அ) தேவைப்படும் திரைப்படத்தை வீடுகளில் உள்ள தொலைக்காட்சி பெட்டிக்கு தனிப்பட்ட முறையில் வழங்குவது ஒரு சேவையாகும்.
3. வணிக அமைப்பு (Business Systems):
(i) பல்லூடக வணிகப் பயன்பாடுகள் வழங்குதல், பயிற்சி, இணைய நெறிமுறை போன்றவற்றை உள்ளடக்கியது.
(ii) சந்தைப்படுத்துதல் மற்றும் விளம்பர நிறுவனங்கள் அசைவூட்ட தொழில்நுட்பத்தை வியாபார முன்னேற்றத்திற்காகப் பயன்படுத்துகின்றனர்.
(iii) பணியாளர் அடையாளத்தை (ID) உருவாக்குவதில் பல்லூடகமானது பொதுவாக பயன்படுத்துகின்றது.
(iv) பல்லூடகத்தை வழங்குவதற்கு அதிக தெளிவு திறன் கொண்ட படவீழ்த்தி (Projectors) தேவை, புளுடூத் (Bluetooth) மற்றும் தனிப்பட்ட இலக்க உதவியாளர் (Personal Digital Assistant) ஆகியவை வணிகத்திற்கான பல்லூடகத் தொடர்புகளை மிகவும் பயனுள்ளதாக உருவாக்குகின்றன.
4. மருத்துவ சேவைகள் (Medical Service) :
(i) பல்லூடகத்தின் வளர்ச்சியினால் மருத்துவ சேவைகளும் வியத்தகு முறையில் வளர்ச்சி அடைந்துள்ளன.
(ii) மருத்துவ மாணவர்கள் உண்மையாக அறுவை சிகிச்சை செய்வதற்கு முன் உருவாக்கப்படுதல் (Simulation) மூலம் அறுவை சிகிச்சை முறைகளைப்  பற்றி பயிற்சி செய்கின்றனர்.
(iii) சிறிய இலக்க கேமராக்கள் மனித உடலில் செருகப்பட்டு உடலின் உட்பகுதியானது காட்சியாகக் காண்பிக்கப்படுகின்றது.
(iv) இதன் மூலம் மருத்துவ  பயிற்சியாளர்கள்  உடலினை  வெட்டி சோதிக்காமல் உடலின் உட்பகுதிகளை பார்க்க முடிகின்றது.
5. பொது இடங்கள் (Public Places)
(i) தொழில் கண்காட்சி, நூலகங்கள், இரயில் நிலையங்கள், அருங்காட்சியகம், பெரிய கடைகள், விமான நிலையங்கள் உணவகங்கள் மற்றும் கண்காட்சி போன்ற பொது இடங்களில் தானியங்கு சேவை வழங்கி (Kiosks) வடிவத்தில் பயன்படுத்துகின்றது.
(ii) இது வாடிக்கையாளர்களுக்கு தகவல்களை வழங்கி உதவுகின்றது.
(iii) தானியங்கு சேவை வழங்கியில் Kiosks-ல் வழங்கப்பட்ட தகவல்களானது அசைவூட்டம், ஒளிக்காட்சி, அசையா படங்கள், வரைகலை வரைபடம், படங்கள், ஒலி மற்றும் உரை கொண்டு மேம்படுத்தப்பட்டுள்ளது.
4. வங்கிகள் தானியங்கு சேவை வழங்கிகளை (Kiosks) ATM இயந்திர வடிவில் பயன்படுத்துகின்றன.
6. பல்லூடக கலந்துரையாடல் (Multimedia Conferencing) :
(i) பல்லூடக கலந்துரையாடல் (அ) ஒளிக்காட்சி கலந்துரையாடல் என்பது ஒரு அமைப்பாகும்.
(ii) இதில் பங்கேற்கும் பயனர்கள் வெவ்வேறு இடங்களிலிருந்தும் ஒரே அறையில் அமர்ந்து ஆலோசிப்பதைப் போன்று நேருக்கு நேராக கலந்துரையாட முடியும்.

1. குறியாக்கத் தொழில் நுட்பம் என்பது ஒரு செயல்திறன் மிக்க தகவல் பாதுகாப்பு அமைப்பாகும்.
2. குறியாக்க வழிமுறைகளைப் பயன்படுத்தி ஒரு மூல உரையை அர்த்தமற்ற மறைஎழுத்து உரையாக மாற்றுவது குறியாக்கம் என்று வரையறுக்கப்படுகிறது.
3. இதனால் தரவுகளின் இரகசியத்தன்மை உறுதி செய்யப்படுகிறது.
4. குறியாக்கம் மற்றும் மறைகுறியாக்கம் வழிமுறைகள் தரவை குறியாக்கம் (அ) குறிநீக்கம் செய்ய குறியீட்டை உபயோகப்படுத்துகிறது.
5. இரண்டு குறியாக்கத் தொழில்நுட்பங்கள்
i. சமச்சீர் குறியீடு குறியாக்கம்
ii. சமச்சீரற்ற குறியீடு குறியாக்கம்
i. சமச்சீர் குறியீடு குறியாக்கம்:
1. சமச்சீர் குறியீடு குறியாக்கம், நெறிமுறை குறியாக்கம் மற்றும் மறைக் குறியாக்கம் ஆகிய இரண்டிற்கும் ஒரே குறியீட்டை பயன்படுத்துகின்றன.
2. இதில் ஒரு குறிப்பிட்ட நீளமுடைய இயல் உரையை பல சிக்கலான செயல்பாடுகள் மூலம் அதே நீளம் கொண்ட மறைகுறி உரையாக மாற்றப்படுகிறது.
3. சமச்சீர் குறியீடு குறியாக்கம் வழிமுறைகள் ஒரு குறியீட்டை மட்டுமே பயன்படுத்துவதால், கோட்பாட்டின் படி, குறியாக்கம் செய்வதற்கு பயன்படுத்தப்பட்ட துல்லியமான குறியீட்டை அறிந்தவர்கள் மட்டுமே மறைகுறியாக்கம் செய்ய முடியும்.
4. AES, RC4, DES, 3DES போன்ற பிரபலமான குறியாக்கத் தொழில்நுட்பங்கள் சமச்சீர் குறியீடு குறியாக்கம் நெறிமுறைகளைப் பயன்படுத்துகின்றன.
ii. சமச்சீரற்ற குறியீடு குறியாக்கம்:
1. சமச்சீரற்ற குறியீடு குறியாக்கம் பொது குறியீடு குறியாக்கம் என்றும் அழைக்கப்படுகிறது.
2. பொது குறியீடு மற்றும் எண்முறைச் சான்றிதழ்களைப் பயன்படுத்துகிறது.
3. இதில் தகவல் பரிமாற்றம் செய்யும் நபர்களுக்கு மற்றவரின் தனிப்பட்ட குறியீடு தெரிந்திருக்க வேண்டியதில்லை.
4. ஒவ்வொரு பயனரும் தனிப்பட்ட குறியீடு மற்றும் பொது குறியீடு என அவர்களின் சொந்தக் குறியீட்டு ஜோடியை உருவாக்குவர்.
5. பொதுக் குறியீட்டு குறியாக்கம் முறையில் ஒரு பொதுக் குறியீட்டை கொண்டு இயல் உரையை மறை உரையாக மாற்றி பின் ஒரு தனிப்பட்ட குறியீட்டை கொண்டு மறை உரையை மீண்டும் இயல் உரையாக மாற்றப்படுகிறது.
எ.கா: RSA, DSS தொழில் நுட்பங்கள்

HTML படிவத்தில் படிவ உறுப்புகளின் வகைகள் பின்வருமாறு: 
1. உரைபெட்டி (Text box)
2. தேர்வுப்பெட்டி (Check box)
3. கோப்பு தேர்ந்தெடுத்தல் (File select) 
4. பொத்தான்கள் (Buttons)
5. ரேடியோ பொத்தான் (Radio button)
6. படிவ ஒட்டு (Form tag)
1. உரையினை உள்ளிட உரைப்பெட்டி (Text box) மற்றும் உரை பரப்பு (Text area) போன்ற உறுப்புகள் உள்ளன.
2. Submit பொத்தான், reset பொத்தான் மற்றும் cancel பொத்தான் போன்ற பொத்தான்கள் உள்ளன.
3. தேர்வு பெட்டி (Check box) HTML படிவத்தில் ஒன்றிற்கு மேற்பட்ட மதிப்பினை தேர்ந்தெடுக்கும் அம்சமாகும் .
4. ரேடியோ பொத்தானும் தேர்வுப்பெட்டி போன்றதுதான், ஆனால் ரேடியோ ஒரு மதிப்பினைத் தேர்வு செய்ய முடியும்.
5. கிளை கணிப்பொறியிலிருந்து சேவையகக் கணினியில் உள்ள ஒரு கோப்பினைத் தேர்வு செய்ய File Select உறுப்பு சிறந்ததாகும்.

1. தரவுத் தளத்தில் பிழைகளைக் கையாளும் முறை என்பது நம் நிரலால் உருவாகும் பிழைகளை அறிந்து அதன் பிறகு பொருத்தமான நடவடிக்கையை மேற்கொள்ளுதல் ஆகும்.
2. PHP ல் பிழைகளைக் கையாளுதல் மிகவும் எளிதாகும்.
PHP ல் பிழைகளைக் கையாளவும் மேலாண்மை செய்யவும் பயன்படும் செயற்கூறுகள்:
1. die () செயற்கூறு: செய்தியைக் காண்பித்தபின் ஸ்கிரிப்ட் நிரலை விட்டு வெளியேறப் பயன்படுகிறது.
i) நிரல் காட்டும் பிழைச் செய்திக்குப் பதிலாக பயனர் விரும்பும் செய்தியைக் காட்டப் பயன்படுகிறது.
ii) சர வடிவிலான செய்திகளை மட்டுமே வெளியிடப் பயன்படுகிறது.
2. mysqli_connect_error (): die () செயற்கூறுடன் இதைப் பயன்படுத்தி, கடைசி இணைப்பில் ஏற்படும் பிழையிலிருந்து பிழையின் விளக்கத்தை காண்பிக்கப் பயன்படுத்தலாம்.
3. mysqli_connect_errno (): கடைசி இணைப்பின் பிழைக் குறியீட்டு எண்ணைத் திருப்பித் தரும் : பிழை இல்லை எனில் 0 என்ற மதிப்பைத் தரும்.
எ.கா:
< ?php
＄conn= mysqli _connect("localhost", "user 1",
"Password", "Employee");
if(!＄conn)
{
die("Connection error: ".mysqli_connect_
error ());
die("Error is :".mysqli_connect_error());
}
else
echo"Connected Successfully";

OSI மாதிரி:
(i) Open System Interconnection (OSI) 1934 ஆம் ஆண்டு கண்டுபிடிக்கப்பட்டது.
(ii) இது மென்பொருளுடன் வலையமைப்பு நெறிமுறைகளை இயக்கும் பொதுவான கட்டமைப்பு ஆகும்.
(iii) மேலும் அமைப்பு பொதுவான வழிகாட்டுதல் அடிப்படையில் உருவாக்கப்படுகிறது. கணினி தொடர்பிற்கான தரநிலைகளை விவரிக்கிறது.
OSI அடுக்குகள்:
(i) பருநிலை அடுக்கு (Physical Layer): இது முதலாம் அடுக்கு ஆகும். இது சாதனங்களுக்கு மின் மற்றும் பருநிலை குறிப்புகளை வரையறுக்கிறது.
(ii) தரவு இணைப்பு அடுக்கு (Datalink Layer): இது இரண்டாம் அடுக்கு ஆகும். இது பரிமாற்றப்படும் தரவுகள் பிழைகள் இல்லாமல் இருப்பதற்கு உத்தரவாதம் அளிக்கிறது. இது ஈதர் நெட்டுக்கு 802.3 மற்றும் Wi-Fiக்கு 802.11 போன்ற எளிய நெறிமுறைகளைக் கொண்ட அடுக்காகும்.
(iii) வலையமைப்பு அடுக்கு (Network Layer): இது மூன்றாம் அடுக்கு ஆகும். இது தரவு பொட்டலங்களின் பாதையைத் தீர்மானிக்கிறது. இந்த அடுக்கில் IP முகவரியைப் பயன்படுத்தி தரவுப் பொட்டலங்களின் பாதை கண்டுபிடிக்கப்படுகிறது.
(iv) இடமாற்ற அடுக்கு (Transport Layer): இது நான்காம் அடுக்காகும். இது தரவு வெற்றிகரமாக இடமாற்றம் செய்யப்படுவதை உறுதி செய்கிறது. இது பிழை சோதனை செயல்பாட்டை கொண்டுள்ளது.
(v) தொடர் அடுக்கு (Session Layer): இது ஐந்தாம் அடுக்காகும். இது பல்வேறு வலையமைப்பு நிறுவனங்களுக்கிடையே நிறுவப்பட்ட அமைப்பு தொடரை கண்டறிகிறது. இது கணினிகளிடையே உரையாடல்களை கட்டுப்படுத்துகிறது. உதாரணமாக, தொலைவில் உள்ள ஒரு கணினியை அணுகும் போது உங்கள் கணினிக்கும் தொலைவில் உள்ள கணினிக்கு இடையே தொடர் உருவாக்கப்படுகிறது.
(vi) விளக்கக்காட்சி அடுக்கு (Presentation Layer): இது ஆறாவது அடுக்கு ஆகும். இது அடுத்த (பயன்பாட்டு அடுக்கிற்கு தரவை மொழி பெயர்த்து தருகிறது. குறியாக்கம் மற்றும் மறைகுறியாக்க நெறிமுறைகள் இந்த அடுக்கில் ஏற்படுகின்றன. இது பாதுகாப்பு துளை அடுக்கை (Secure Socket Layer SSL) ஐ ஒத்ததாகும்
(vii) பயன்பாட்டு அடுக்கு (Application Layer): இது ஏழாவது அடுக்காகும். இது கணினியில் உள்ள மென்பொருளை உள்ளடக்கிய பயனர் இடைமுக மேடையாக செயல்படுகிறது.

பெயர் சேவையகம்:
(i) பெயர் சேவையகம் என்பது களப்பெயர் வெளியின் மிக முக்கிய அங்கமாகும்.
(ii) இது களப்பெயரை ஐபி முகவரியாக மாற்றுகிறது.
(iii) உலகளாவிய பயன்பாட்டிற்காக அதிக எண்ணிக்கையிலான களப்பெயர்களை தேக்கி வைக்க வேண்டிய தேவை இருப்பதால் பல சேவையகங்கள் படிநிலை முறையில் இணைக்கப்பட்டுப் பயன்படுத்தப்படுகின்றன.
பெயர் சேவையகங்களின் வகைகள்:
முழு களப்பெயர் முறைமையையும் கட்டுப்படுத்துவதற்கு மூன்று வகையான பெயர் சேவையகங்கள் உள்ளன.
(i) மூலப் பெயர் சேவையகம் (Root Nameserver) - இது முழு DNS மர அமைப்பை கொண்டிருக்கும் (Top level server) ஆகும். இது ICANN என்ற அமைப்பின் மூலம் பராமரிக்கப்படுகிறது. இதில் மொத்தம் 13 சேவையகங்கள் உள்ளன.
(ii) முதன்மை பெயர் சேவையகம் (Primary/ Nameserver) - இது மண்டல வளப் பதிவுகளைக் (Zone resource records) . இந்த பதிவுகள் களப்பெயர் உரிமையாளர்களால் புதுப்பிக்கப்படுகிறது.
(iii) இரண்டாம்நிலை பெயர் சேவையகம்  (Secondary Nameserver) - இந்த சேவையகம்  புதுப்பிக்கப்படுவதில்லை. ஆனால் முதன்மை சேவையக கோப்புகளை நகலெடுக்கிறது. இது வினவல்களைப் பகிர்வதன் மூலம் முதன்மைச் சேவையகத்தின் பணிச்சுமையை குறைக்கிறது. 

do while மடக்கு எப்பொழுதும் மடக்கினை முதல் முறை செயல்படுத்தும் போதே மடக்கின் உடற்பகுதியில் உள்ள கூற்றுகளை ஒரு முறை செயல்படுத்தும். ஆனால், கொடுக்கப்பட்ட நிரல் தொகுதியை நிபந்தனை சோதிப்பதற்கு முன்னர் ஒரே ஒரு முறையேனும் செயல்படுத்தும். அதாவது, இங்கே நிபந்தனை, மடக்கின் இறுதியில் மட்டுமே சோதிக்கப்படுகிறது.
கட்டளை அமைப்பு:
do {
code to executed;
} while (condition is true);
எ.கா:
< ?php
＄Student_ count = 10;
＄student_ number= 1;
do
{
echo "The student number is:
＄student_ number< br >";
＄student_ number++;
}
while($student_ number< = ＄Student_ count)
? >

● Apache license 2.0
● BSD 3-Clause “New” or “Revised” License
● BSD 2-Clause “Simplified” or “Free BSD” License
● GNU General Public License (GPL)
● GNU Library of “Lesser” General Public License (LGPL)
● MIT License
● Mozilla Public License 2.0
● Common Development and Distribution License
● Eclipse Public License

PHPஇல் மாறிகளுக்குக் கொடுக்கப்படும் மதிப்புகள் அதன் தரவு வகையைத் தீர்மானிக்கின்றன. PHP இல் கீழ்க்கண்ட 8 வகையான தரவு வகைகள் உள்ளன. அவை:
(i) Integer
(ii) Float
(iii) String
(iv) Boolean
(v) Array
(vi) Object
(vii) Resource
(viii) NULL
(i) Integer:
Integer எண்களைக் கொண்டதாகும். இது நேர்மறை எண்ணாகவோ, எதிர்மறை எண்ணாகவோ அல்லது பூஜ்ஜியமாக (zero) இருக்கலாம்.
எடுத்துக்காட்டு :
$age = 30;
$count = -10;
(ii) Float:
Float என்னும் தரவு வகை தசமப்புள்ளி எண்களைக் கொண்டதாகும்.
எடுத்துக்காட்டு :
$price = 19.99;
$weight = 65.5;
(iii) String:
String குறியுருக்களின் தொகுதியைக் கொண்டதாகும். இவை ஒற்றை (' ') அல்லது இரட்டை மேற்கோள் குறிகளுக்குள் (“ ") கொடுக்கப்பட்டிருக்கும்.
எடுத்துக்காட்டு :
$name = "Barath";
$message = 'Hello, World!';
(iv) Boolean: Boolean தரவு வகையானது True அல்லது False என்ற இரண்டு மதிப்புகளுள் ஒன்றைக் கொண்டிருக்கும்.
எடுத்துக்காட்டு :
$is_admin = true;
$is_logged_in = false;
(v) Array:
Array என்பது ஒற்றை மாறியில் பல மதிப்புகளைக் கொண்ட தரவு வகையாகும்.
எடுத்துக்காட்டு :
$prices = array(10, 20, 30);
$items = array("item1", "item2", "item3");
$prices = array(19.99, 24.99, 29.99);
(vi) Object:
Object என்னும் தரவு வகையானது இனக்குழுவின் சான்றுருவைக் குறிக்கிறது.
எடுத்துக்காட்டு :
$user = new User();
$product = new Product();
(vii) Resource:
Resource என்பது ஒரு கோப்பு அல்லது தரவுத்தளம் போன்ற வெளிப்புற வளத்திற்கான இணைப்பைக் குறிக்கும் ஒரு சிறப்புத் தரவு வகை ஆகும்.
எடுத்துக்காட்டு :
$fp = fopen("file.txt", "r");
// $fp is a resource
$conn = mysqli_connect("localhost", "username", "password", "database");
// $conn is a resource
(viii) NULL:
NULL என்பது ஒரு சிறப்புத் தரவு வகை ஆகும். இது NULL என்ற மதிப்பைப் பெற்றுள்ளது. NULL என்பது ஒரு மதிப்பிலி ஆகும். NULL என்ற சிறப்புச் சொல்லிற்கு எழுத்து வடிவுணர்வு கிடையாது.
எடுத்துக்காட்டு :
$x = null;
$y = " ";

கணிப்பொறிகள் இணையத் தொழில்நுட்பங்கள் மற்றும் மின்னணு தகவல்தொடர்பு ஆகியவற்றின் வருகையால் பல மற்றும் மின்னணு பணம் செலுத்துதல் முறைகளும் உருவாகியுள்ளன
1. மின்னணு தீர்வைச் சேவைகள் (ECS)
2. மின்னணு நிதிப் பரிமாற்றம் (EFT)
3. நிகழ் நேர மொத்த தீர்வை (RTGS)
1. மின்னணு தீர்வைச் சேவைகள்
(i) மின்னணு தீர்வை சேவை (Electronic Clearing Services - ECS) என்பது ஒரு வங்கிக் கணக்கிலிருந்து பல வங்கிக் கணக்கிலிருந்து பல வங்கிக் கணக்குகளுக்கோ அல்லது பல வங்கிக்கணக்கிலிருந்து ஒன்றிற்கோ, கணினி மற்றும் இணைய தொழில்நுட்பத்தைப் பயன்படுத்தி பணப் பரிமாற்றும் செய்வது ஆகும்
(ii) இந்த அமைப்பு காகிதமற்ற பணம் செலுத்தும் வசதியை வழங்குகிறது
(iii) இந்த முறையின் நன்மைகள் திரள் பணம் செலுத்துதல், உத்தரவாதமான பணம் செலுத்துதல் மற்றும் பணம் செலுதும் தேதிகளை நினைவில் கொள்ள வேண்டிய அவசியமில்லை.
(iv) வரவு மற்றும் பற்று இரண்டு நோக்கங்களுக்காகவும் ECS ஐப் பயன்படுத்த முடியும். அதாவது மொத்தமாகப் பணத்தை செலுத்துவதற்கும் (அ) மொத்தமாகப் பணத்தைச் சேகரிக்கவும் பயன்படுத்தலாம்
2. மின்னணு நிதிப் பரிமாற்றம்:
(i) மின்னணு திதிப் பரிமாற்றம் (Electronic funds transfer - EFT) என்பது நிகழ்நிலையில் 'மின்னணு' மூலம் பண மதிப்பை பரிமாற்றம் செய்வதாகும்
(ii) இதில் அனுப்புநரின் வங்கிக் கிளையிலிருந்து அனுப்பப்பட்ட தொகை, அதே நாளில் தொகுதியாகப் பெருநரின் வங்கிக் கிளைக்கு வரவு வைக்கப்படுகிறது
(iii) EFT முறை B2B வணிக மாதிரிகளில் ஒரு கணக்கிலிருந்து மற்றொரு கணக்கிற்கு நிதிகளை மாற்றுவதற்கு பரவலாகப் பயன்படுத்தப்படும் முறையாகும்.
3. நிகழ் நேர மொத்த வணிகத் தீர்வு:
(i) நிகழ் நேர மொத்த வணிகத் தீர்வு (Real Time Gross Settlement - RTGS) நிதி நிறுவனங்களுக்கு குறிப்பாக வங்கிகளுக்கு இடையிலான பரிவார்த்தனைகளில் தீர்வுக்காக பயன்படுத்தப்படும் ஒரு நிகழ் நேர செலுத்தல் முறையாகும்
(ii) RTGS பரிமாற்றங்கள் பொதுவாகப் பெரிய மதிப்பு செலுத்துதல்கள், அதாவது அதிக மதிப்பு பரிவத்தனைகள் ஆகும்

பண்புகூறுகளின் வகைகள் (Types of Attributes):
(i) திறவு கோல் பண்புக்கூறுகள் (Key Attributes)
(ii) எளிய பண்புக்கூறுகள் (Simple Attributes)
(iii) கலப்பு பண்புக்கூறுகள் (Composite Attributes)
(iv) ஒற்றை மதிப்புடைய பண்புக்கூறுகள் (Single valued Attributes)
(v) பல மதிப்புடைய பண்புக்கூறுகள் (Multi valued Attributes)
திறவுகோல் பண்புக்கூறுகள்:
பொதுவாக ஒரு திறவுகோல் பண்புக்கூறு என்பது ஒரு உருப்பொருளின் தனித்தன்மையான பண்புகளை விவரிக்கிறது.
எளிய பண்புக்கூறுகள்:
(i) எளிய பண்புக்கூறுகளை, பிரிக்க முடியாது. இவற்றின் உருப்பொருளுக்கு ஒற்றை மதிப்பே இருக்க முடியும்.
(ii) எடுத்துக்காட்டு: employee என்ற உருப்பொருளின் பண்புக்கூறாக name-ஐ எடுத்துக்கொண்டால் இங்கு அந்த பண்புக்கூறின் மதிப்பு ஒற்றை மதிப்பாகவே இருக்கும்.

கலப்பு பண்புக்கூறுகள்:
(i) கலப்பு பண்புக்கூறுகளை, அதன் அர்த்தங்களை மாற்றாமலே எளிய பண்புக்கூறுகளாகப் பிரிக்க முடியும்.
(ii) எடுத்துக்காட்டு: மேலே உள்ள வரைபடத்தில் employee என்பது ஒரு உருப்பொருளாகும். Name என்பது First Name மற்றும் Last Name என்ற இரண்டு எளிய பண்புக்கூறுகளாகப் பிரிக்கப்பட்ட கலப்பு பண்புக்கூறாகும்.
ஒற்றை மதிப்புடைய பண்புக்கூறுகள் :
(i) ஒற்றை மதிப்புடைய பண்புக்கூறுகள் ஒரு மதிப்பை மட்டுமே கொண்டிருக்கும். பல மதிப்புகளை கொண்டிருக்காது.

(ii) எடுத்துக்காட்டு : Age பண்புக்கூறு. இதில் ஒரு நபருக்க ஒரு மதிப்பு (Value) மட்டுமே இருக்கும்.
பண்புக்கூறு  மதிப்பு  Age  3 Roll no  85 பல மதிப்புடைய பண்புக்கூறுகள் :
(i) பல மதிப்புடைய பண்புக்கூறுகள் ஆனது ஒன்றுக்கு மேற்பட்ட மதிப்புகளைக் கொண்டிருக்கும்.
(ii) எடுத்துக்காட்டு : Degree ஒரு நபர் பல பட்டங்களைக் கொண்டிருக்கலாம். எனவே இது பல மதிப்புடைய பண்புக்கூறாகும்.
பண்புக்கூறு  மதிப்பு  Degree  B.Tech, MBA  Bank_Account  SBI, HDFC 

1. SSL (Secure Sockets Layer) என்பது இணைய பரிமாற்றங்களைப் பாதுகாப்பதற்கான ஒரு கலப்பு குறியாக்க நெறிமுறை ஆகும்.
2. மாஸ்டர்கார்டு, பாங்க் ஆப் அமெரிக்கா, MCL மற்றும் சிலிக்கான் கிராபிக்ஸ் ஆகியோருடன் இணைந்து நெட்ஸ்கேப் நிறுவனம் SSL தரநிலையை உருவாக்கியது.
3. இது இணையத்தில் தரவு பரிமாற்றத்தின் பாதுகாப்பை உறுதிப்படுத்துவதற்கான பொது குறியீடு குறியாக்கவியல் செயல்முறையின் அடிப்படையில் அமைந்துள்ளது.
4. இதன் நோக்கம் ஒரு அங்கீகார நடவடிக்கைக்கு பிறகு முனையம் மற்றும் சேவையகம் இடையே ஒரு பாதுகாப்பான தகவல் தொடர்பு தடத்தை நிறுவுவது ஆகும்.
5. SSL அமைப்பானது கூடுதல் பாதுகாப்பு அடுக்காகச் செயல்படுகிறது. மேலும் TCP இல் பயன்பாட்டு அடுக்கு மற்றும் போக்குவரத்து அடுக்கு ஆகியவற்றுக்கு இடையில் உள்ள தரவுகளின் பாதுகாப்பை உறுதிப்படுத்துகிறது.
எ.கா:
ஒரு இணைய  உலாவியைப் பயன்படுத்தி SSL பாதுகாக்கப்பட்ட மின்-வணிக தளத்துடன் பயனரை இணைக்க, மின்-வணிக தளம் எந்த ஒரு கூடுதல் கையாளுதலின்றி, குறியாக்கப்பட்டத் தரவை அனுப்பும்.
6. பாதுகாப்பான சாக்கெட்ஸ் அடுக்குகள் (SSL) 2001ல் பரிமாற்ற அடுக்கு பாதுகாப்பு (Transport Layer Security TLS) என்று பெயர் மாற்றம் செய்யப்பட்டது. ஆனால், இன்னமும் அது SSL என்ற பெயரில் பிரபலமாக அறியப்படுகிறது.
7. மேலும் பெரும்பாலான பாதுகாப்பான தகவல் தொடர்புகள் இந்த நெறிமுறை மூலமே தொடர்கின்றன.
8. SSL நெறிமுறையில் தலையிட வேண்டிய தேவை இல்லாத பயனாளருக்கு அதன் செயலாக்கம் முழுமையாக மறைக்கப்படுகிறது.
9. பயனர் செய்ய வேண்டிய ஒரே செயல் உரலி http:// க்கு பதிலாக http:// உடன் தொடங்குவதை உறுதிப்படுத்துவது மட்டுமே.
10. "S" (Secured) என்பது, பாதுகாக்கப்பட்ட என்பதையும் பூட்டு குறியையும் முன்னொட்டாகக் கொண்டிருக்கும்.

பாதுகாப்பு சிக்கல்கள் மின்-வணிகத்திற்கு மிகவும் கவலையளிக்கும் பிரச்சனையாக இருப்பதால், மின்-வணிக செயல்பாடுகளின் பாதுகாப்பை உறுதி செய்வது மின்-வர்த்தகத்தின் முக்கிய ஆராய்ச்சித் துறையாக மாறிவிட்டது. மின்-வணிகம் தொடர்புடைய சில பாதுகாப்பு அம்சங்கள் பின்வருமாறு.
(i) அங்கீகாரம் (Authenticity): தரவு மூலத்தை அங்கீகரித்தல்.
(ii) இருப்பு (Availability): தரவு தாமதம் அல்லது நீக்கத்தை தடுத்தல்.
(iii) முழுமை (Completeness): தகவல்களையும் ஒன்றிணைத்தல்.
(iv) இரகசியத்தன்மை (Confidentiality): அங்கீகரிக்கப்படாத நபர்களிடமிருந்து தரவை பாதுகாத்தல்.
(v) திறனுடைமை (Effectiveness): வன்பொருள், மென்பொருள் மற்றும் தரவை முழுமையாகவும் திறம்படவும் கையாளுதல்.
(vi) நேர்மை (Integrity): அங்கீகரிக்கப்படாத தரவு மாற்றத்தை தடுத்தல்.
(vii) மறுதலிக்கப்படாதிருத்தல் (Non-repudiation): உடன்படிக்கை மீறாதிருத்தல்.
(viii) தனியுரிமை (Privacy): வாடிக்கையாளர்களின் தனிப்பட்ட தரவுகளை பிறர் பயன்படுத்தாமல் தடுத்தல்.
(ix) நம்பகத்தன்மை (Reliability): தனிநபர்கள் அல்லது நிறுவனங்களின் நம்பகத்தன்மையை அடையாளங்காணல்.
(x) மீளாய்வு திறன் (Review ability): தணிக்கை நடவடிக்கைகள் மற்றும் வணிகச் செயல்பாடுகளை கண்காணிக்கும் திறன்.

(i) உரை வடிவங்கள் :
1. RTF (Rich Text Format) :
மைக்ரோசாப்ட் நிறுவனத்தால் 1987 ஆம் ஆண்டு குறுக்கு பணித்தள ஆவணங்களின் பரிமாற்றங்களுக்கு அறிமுகப்படுத்தப்பட்ட முதன்மைக் கோப்பு வடிவம்.
2. Plain Text :
Notepad, Gedit போன்ற உரை பதிப்பான்களின் இக்கோப்புகளைத் திறக்கலாம். படிக்கலாம் மற்றும் பதிப்பாய்வு செய்யலாம்.
(ii) நிழற்பட வடிவங்கள் :
1. TIFF (Tagged Image File Format): கணிப்பொறி பதிப்பக உலகில் பொதுவான வடிவம் மற்றும் கணினிகளுக்கிடையே பெரிய கோப்புகளை அனுப்புவதற்கு வசதியான வடிவமாகும்.
2. BMP (Bitmap) : மிகவும் பெரியது மற்றும் குறுக்கமற்றது. எனவே அதிக தெளிவுத்திறன் (அ) பெரிய நிழற்படங்களுக்காகப் பயன்படுத்தப்படுகிறது.
3. DIB (Device Independent Format) : கோப்புகளை பல்வேறு சாதனங்களில் காண்பிக்க அனுமதிக்கிறது.
4. GIF (Graphics Interchange Format) : குறுக்கப்பட்ட நிழற்பட வடிவம் மற்றும் குறைந்த அளவு வண்ணங்களைப் பயன்படுத்தும் வரைகலைக்கு மிகச் சிறந்த பொருத்தமான வடிவம்.
5. JPEG (Joint Photographic Experts Group) : அதிகபட்ச நிழற்பட குறுக்கத்தை அடைவதற்கான வடிவம் ஆகும்.
புகைப்படம், இயற்கை கலை வேலைப்பாடு மற்றும் அதைப் போன்றவற்றுடன் நன்றாக வேலை செய்யும்.
6. TGA (Targa) : அதிகத் தெளிவுத்திறன் நிழற்படங்களுக்கான முதல் பிரபலமான வடிவமாகும். பெரும்பான்மையை ஒளிக்காட்சி பிடிப்புப் பலகைகள் இதை ஆதரிக்கின்றன.
7. PNG (Portable Network Graphics) : குறைந்த இழப்பு, சிறியது மற்றும் நன்கு குறுக்கப்பட்ட செவ்வக நிழற்படங்களாகச் சேமிக்கப்படும். சிறந்த திரையிடும் தேர்வுகளுடன் முழுவதுமாக ஒழுங்குபடுத்தப்பட்டுள்ளது.
(iii) இலக்க ஒலிக் கோப்பு வடிவங்கள் :
1. WAV (Waveform Audio File Format): விண்டோஸில் குறுக்கப்படாத ஒலிக் கோப்புகளைச் சேமிக்கும் பிரபலமான வடிவம்.
2. MP3 (MPEG Layer -3 Format) : இசையை சேமிக்கவும், பதிவிறக்கம் செய்யவும் மிகவும் பிரபலமான வடிவம்.
3. OGG :  சிறந்த ஓட்டத்தினை அடைவதற்காக வடிவமைக்கப்பட்ட இலவச திறந்த மூல கொள்கலன் வடிவம்.
4. AIFF (Audio Interchange File Format) : Apple நிறுவனம் பயன்படுத்தும் தரமான ஒலி வடிவம்.
5. RA (Real Audio Format) : RA வடிவம் இணையத்தில் ஒலியின் ஓட்டத்திற்காக வடிவமைக்கப்பட்ட வடிவம்.
(iv) இலக்க ஒளிக்காட்சி கோப்பு வடிவங்கள் :
1. AVI (Audio Video Interleave): விண்டோஸிற்கான ஒளிக்காட்சிக் கோப்பு வடிவமாகும். ஒலி மற்றும் படத்தின் கூறுகளைக் கோப்பில் மாற்று நெடுவரிசைத் தொகுப்பில் சேமிக்கப்படுகிறது.
2. MPEG (Moving Pictures Experts Group) : இலக்க ஒளிக்காட்சி மற்றும் ஒலிக் குறுக்கத்தை ISO குழுவினரால் உருவாக்கப்படும் ஒரு தர நிலை ஆகும்

அசைவூட்டல் :
அசையா படங்களை மிக விரைவாக காண்பிப்பதன் மூலம் அவற்றைத் தொடர்ச்சியான அசைவு போன்ற உணர்வை கொடுக்கும் செயல்.
அசைவூட்டலில் திரை பொருள் என்பது ஒரு வெக்டர் படமாகும்.
சிறப்பம்சம் :
1. எண் மாற்றத்தைப் பயன்படுத்தி ஒருங்கிணைப்புகளை வரையறுக்க படத்துடன் அதன் பாதையின் இயக்கம் கணக்கிடப்படும்.
2. குறைந்தபட்ச சட்டக விகிதம் விநாடிக்கு 16 சட்டங்கள் என இருந்தால் மென்மையான தோற்றத்தைப் கொடுக்கும்.
3. இயற்கை தோற்றத்திற்கு குறைந்தபட்சம் விநாடிக்கு 25 சட்டகங்களாக இருத்தல் வேண்டும். 
தொழில்நுட்பம் :
(i) அசைவூட்டல் இரு அல்லது முப்பரிமாணங்களைக் கொண்டது.
(ii) திரையில் X மற்றும் Y அச்சுகளுக்கு இடையேயான பரப்பில் இரு பரிமாண அசைவூட்டல் நிழற்படத்தை உயிரோட்டமாகக் கொண்டு வருகிறது.
(iii) முப்பரிமாண அசைவூட்டத்தில் X, Y மற்றும் Z ஆகிய மூன்று அச்சுகளுக்கிடையே உயிரோட்டம் நடைபெறுகிறது.
(iv) அசைவூட்டல் கருவிகள் மிகவும் சக்தி வாய்ந்தவை ஆகும். இரண்டு வகையான அசைவூட்டல்களாவன:
1. பாதை அசைவூட்டல் 
2. சட்டக அசைவூட்டல் 
1. பாதை அசைவூட்டல் :
மாறாத பின்னணியைக் கொண்ட திரையில் ஒரு பொருளை நகர்த்துவதை உள்ளடக்கியது.
2. சட்டக அசைவூட்டல் :
பல பொருட்கள் ஒரே சமயத்தில் நகர்வதற்கு அனுமதிக்கிறது மற்றும் பின்னணி (அ) பொருள்களும் மாறுகிறது.