மூன்று வகை பயனாளர் சேவையகக் கட்டமைப்பு :
1. ஒற்றை அடுக்கு கட்டமைப்பு 
2. இரண்டு அடுக்கு கட்டமைப்பு 
3. பல/மூன்று அடுக்கு கட்டமைப்பு 
1. ஒற்றை அடுக்கு கட்டமைப்பு :
(i) சேவையகம் பயன்படுத்துகின்றது. பயனாளரால் அணுகப்படுகின்றது.
(ii) பயனாளர் பயன்பாடு சேவையக கணிப்பொறிக்குள்ளேயே இயங்குகின்றது.

2. இரண்டு அடுக்கு கட்டமைப்பு 
(i) இந்த கட்டமைப்பைச் சேவையகம் பயன்படுத்துகின்றது.
(ii) இரண்டு அடுக்கு ஊடாடுதலை கொண்டு பயனாளரால் அணுகப்படுகின்றது.
(iii) அதாவது பயனாளர் அடுக்கு ஒன்றிலும் சேவையகம் அடுக்கு இரண்டிலும் இயங்குகின்றன.

3. பல/மூன்று அடுக்கு கட்டமைப்பு :
(i) இந்த கட்டமைப்பைச் சேவையகம் பயன்படுத்துகின்றது.
(ii) ஒன்றிற்கு மேற்பட்ட அடுக்கு ஊடாடுதலைக் கொண்டு பயனரால் அணுகப்படுகின்றது.
(iii) நிரலர் வணிக ரீதியான அடுக்குகளின் எண்ணிக்கையை மென்பொருளின் தேவையைப் பொறுத்து தீர்மானிக்கிறார்.
(iv) இந்த காரணத்தினால் இந்த மாதிரியை பல/மூன்று அடுக்கு கட்டமைப்பு என்கிறோம்.

(i) 1950 ஆம் ஆண்டில் பிற்பகுதியில் யு.எஸ். இராணுவ ரேடார் அமைப்பு SAGE பயன்படுத்தப்பட்டது.
(ii) 1960 ஆம் ஆண்டில் SAGE வர்த்தக விமான முன்பதிவு அமைப்பிற்கான இரண்டு முதன்மை கணினிகளுடன் தொடர்புடையது.
(iii) இங்கே பாக்கெட் சுவிட்ச் முறையில் பாக்கெட்டுகள் என அழைக்கப்படும் ஒரு சிறிய பிரிவுகளாக பிரிக்கப்பட்டு, அதன் இலக்கு அடையும் போது அனைத்தும் இணைக்கப்படும்.
(iv) 1965 ஆம் ஆண்டில் தொலைபேசி சுவிட்ச் பரவலாக பயன்படுத்தப்பட்டது. இது வெஸ்டர்ன் எலக்ட்ரிக் என்னும் நிறுவனத்தால் அறிமுகப்படுத்தப்பட்டது. உண்மையான கணினி கட்டுப்பாட்டை நடைமுறைப்படுத்தப்பட்டது.
(v) 1966 ஆம் ஆண்டில் WAN (Wide Area Network) நேரப் பகிர்வுக்கு அறிமுகப்படுத்தப்பட்டது.
(vi) 1969-1970 ஆம் ஆண்டு ARPANET உருவானது.
(vii) 1973 ஆம் ஆண்டில் TCP/IP ஐ பயன்படுத்தி X.25 வணிக சேவைகளைப் பயன்படுத்தியது. பின்னர் TCP/IP வலையமைப்புகளை விரிவாக்குவதற்கான உள்கட்டமைப்புகளைப் பயன்படுத்தியது.
(ix) ARCNET டோக்கன் - பாஸிங் வலையமைப்பு முதலில் 1976 ல் சேமிப்பு சாதனத்தைப் பகிர உதவியது.
(x) 1995 ஆம் ஆண்டில், ஈத்தர்நெட் தொழில் நுட்பத்தின் பரிமாற்ற வேக திறன் 10 Mbit / s லிருந்து 100 Mbit வரை அதிகரித்தது.
(xi) 1998, ஈத்தர்நெட்டின் பரிமாற்ற வேக திறன் 100 Gbit/s வரை அதிகபட்ச வேகம் அதிகரித்துள்ளது. ஈதர்நெட்டில் புதிய FIBER OPTIC கேபிள் வேகங்கள் போன்ற எளிதாக மேம்படுத்தும் திறன் உள்ளது.

படி 1: முன்னதாக வங்கி வழங்கிய பிரத்யேக பயனர் பெயர் மற்றும் கடவுச்சொல்லைப் பயன்படுத்தி நிகழ்நிலை வங்கிக் கணக்கில் உள்நுழையவும்.
படி 2: நிதி பரிமாற்றத்தைச் செயல்படுத்த பயனாளியை "பணம் பெறுபவரில் சேர்க்கவும்". பயனாளியின் வங்கிக் கணக்கு எண். பெயர், IFSC போன்றவற்றை, "புதிய பணம் பெறுபவரின் பிரிவை சேர்" பகுதியில் நிரப்பப்பட வேண்டும்.
படி 3: பயனாளி சேர்க்கப்பட்டவுடன், நிதி பரிமாற்ற முறையை (RTGS/NEFT/IMPS) தேர்வு செய்யவும்.
படி 4: பணத்தைச் செலுத்த வேண்டிய கணக்கைத் தேர்ந்தெடுக்கவும், பணம் பெறுபவரைத் தேர்ந்தெடுக்கவும், அனுப்ப விரும்பும் தொகையை உள்ளிட்டு குறிப்புரையை (விருப்பத்தேர்வு) சேர்க்கவும்.
படி 5: சமர்ப்பி கொடுக்கவும்.
படி 6: வங்கி கணக்குடன் தொடர்புடைய கைப்பேசி எண்ணுக்குப் பெறப்பட்ட OTP ஐ உள்ளிட்டு பரிவர்த்தனையை நிறைவு செய்யவும்.
நவீன மின்னணு பணப் பரிமாற்றம் தனிப்பட்ட அடையாள எண் (PIN). ஒரு முறை கடவுச் சொல் (OTP) போன்றவற்றால் பாதுகாக்கப்படுகின்றன. ஒரு தானியங்கி தீர்வை அமைப்பு (ACH) அதன் பின் பணம் செலுத்தும்.

கோப்புகளைக் கையாளுதல் வலை பயன்பாடுகளை மேம்படுத்துவதில் உள்ள முக்கியமான செயலாகும். கோப்புகள் பல்வேறு பணிகளுக்கான கீழ்க்கண்ட நிகழ்வுகளில் செயல்படுத்தப்படுகின்றன.
1. PHP கோப்பினை திறத்தல் 
2. PHP கோப்பினை படித்தல் 
3. PHP கோப்பினை மூடுதல் 
4. PHP கோப்பினை எழுதுதல் 
5. PHP கோப்பினை சேர்த்தல் 
6. PHP கோப்பினை பதிவேற்றம் செய்தல் 
1. PHP கோப்பினை திறத்தல்: 
fopen() என்பது PHP-உள்ள ஒரு அமைப்பு செயற்கூறாகும். இந்த செயற்கூறானது சேவையகத்திலுள்ள ஒரு கோப்பினைத் திறக்க உதவுகிறது. இது இரண்டு அளவுருக்களைக் கொண்டுள்ளது கோப்பின் பெயரைக் குறிப்பிட ஒன்று. மற்றொன்று எந்த முறைமையில் (mode) கோப்பினைத் திறக்க வேண்டும் (read/ write) என்பதைக் குறிக்கின்றது.
கட்டளை அமைப்பு:
＄file _ Object = fopen(" File Name , "Read/ WriteMode") or die("Error Message! ");
எ.கா:
< ?PHP
＄myfile fopen("Student.txt", "r") or die("Unable to open file! ");
? >
2. PHP கோப்பினை படித்தல்:
fread ( ) செயற்கூறு திறந்துள்ள கோப்பிலிருந்து படிக்க உதவுகின்றது. File object என்பது fopen செயற்கூறிலிருந்து பெறப்படுகின்றது.
கட்டளை அமைப்பு:
fread(＄file _ Object,filesize("FileName"));
எ.கா:
< ?php 
fread(＄myfile,filesize(" Student. txt"));
? >
3. PHP கோப்பினை மூடுதல்:
fclose ( ) செயற்கூறானது திறக்கப்பட்ட ஒரு கோப்பினை மூடுவதற்கு உதவுகின்றது File object என்பது fopen செயற்கூறிலிருந்து பெறப்படுகின்றது.
கட்டளை அமைப்பு: fclose(＄file _Object);
எ.கா: 
< ?php
＄myfile = fopen("student.txt", "r");
// some code to be executed ....
fclose(＄myfile );
? >
4. PHP கோப்பினை எழுதுதல்:
fwrite ( ) செயற்கூறானது கோப்பில் எழுத உதவுகிறது.
கட்டளை அமைப்பு:
fwrite(＄myfile, ＄txt);

களப்பெயர் முறைமை வேலை செய்யும் விதம்:
(i) பயனர் உலாவியில் URLஐ தட்டச்சு செய்யும் பொழுது, கணினியானது முதலில் தொடர்புடைய IP முகவரியை அக்கணிப்பொறியின் DNS இடைத்தேக்கத்தில் (Cache) தேடுகிறது.
(ii) இடைத்தேக்கத்தில் IP முகவரி கண்டுபிடிக்கப்பட்டால், அதைப் பற்றிய தகவல் அங்கிருந்து மீட்கப்படும். இல்லையெனில், கணினி தீர்வியிடம் DNS வினவலை (DNS query) தொடங்க வேண்டும்.
(iii) இந்த தீர்வி (Resolver) இணைய வழங்குநரின் (ISP) சேவையகத்தில் இடம் பெற்றிருக்கும்.
(iv) ஒவ்வொரு தீர்வியும் தனக்கென்று இடைத் தேக்கத்தை (cache) பெற்றிருக்கிறது.
(v) அதில் ஐபி முகவரி போன்ற தகவல்கள் கண்டறியப்பட்டால் அந்த தகவல்கள் மீட்டெடுக்கப்படும். இல்லையெனில் வினவல் அடுத்த பெயர்ச்சேவையகத்திற்கு (Domain NameServer) அதாவது, TLD (உயர்நிலைகளம்) க்கு அனுப்பப்படுகிறது. TLD அந்த வினவலை மதிப்பாய்வு செய்து குறிப்பிட்ட களத்துடன் தொடர்புடைய பெயர் சேவையகங்களுக்கு வினவலை அனுப்புகிறது.
(vi) IP முகவரி கிடைக்கும்வரை அடுத்தடுத்த பெயர் சேவையகங்களுக்கு வினவல் அனுப்பப்படுகிறது.
(vii) இறுதியில் IP முகவரி கண்டறியப்பட்டு அதற்கான பதிவுகள் தீர்விக்கு (Resolver) அனுப்பப்படுகிறது.
(viii) பின்னர் தீர்வி இந்த பதிவுகளை கணினி உலாவிக்கு (Browser) வழங்குகிறது.
(ix) இப்பொழுது, கண்டறியப்பட்ட IP முகவரிக்கான வலைப்பக்கங்களை பயனரால் பார்க்க முடியும்.

PHPன் மடக்கு கட்டமைப்பு என்பது ஒரு சுழற்சி கட்டுப்பாட்டு கட்டமைப்பாகும். இது ஒரு நிரல் தொகுதியை குறிப்பிட்ட தடவைகள் மீண்டும் மீண்டும் செயல்படுத்தும். குறிப்பிட்ட தடவைகள் மீண்டும் மீண்டும் செயல்படுத்தும் மடக்குகளை ”வரம்புடை மடக்குகள்” (Bounded Loops) என்றும் அழைக்கலாம். PHP நான்கு வகையான மடக்குகளை வழங்குகிறது.
மடக்கு அமைப்பின் வகைகள்:
1. for மடக்கு 
2. foreach மடக்கு 
3. while மடக்கு 
4. do-while மடக்கு 
1. for மடக்கு: நிரலர் முன்னதாகவே எத்தனை முறை மடக்கினை செயல்படுத்தப்பட வேண்டும் என்பதை அறிந்திருந்தால் இம்மடக்கினைப் பயன்படுத்தலாம்.
2. foreach மடக்கு: foreach மடக்கு PHP-ல் மிகவும் பிரத்தியேகமான ஒன்றாகும். இது அணிகளுடன் மட்டுமே செயல்படுகிறது. மடக்கின் சுழற்சியானது அணியில் உள்ள ஒவ்வொரு திறவு இணை மதிப்பை பொறுத்தது. மடக்கின் ஒவ்வொரு சுழற்சியின் போதும் நடப்பு அணி உறுப்பின் மதிப்பானது ＄value மாறியில் இருத்தப்படுகிறது மற்றும் அணியின் சுட்டு ஒவ்வொரு மதிப்பாக அணியின் உறுப்பின் இருந்து வரை நகர்த்தப்படுகிறது.
3. while மடக்கு : While மடக்கு கொடுக்கப்பட்ட நிபந்தனையின் மதிப்பு மெய் என இருக்கும்வரை ஒரு நிரல் தொகுதியை மீண்டும் மீண்டும் செயல்படுத்தும்
4. do-while மடக்கு: do while மடக்கு எப்பொழுதும் மடக்கினை முதல் முறை செயல்படுத்தும் போதே மடக்கின் உடற்பகுதியில் உள்ள கூற்றுகளை ஒரு முறை செயல்படுத்தும். ஆனால், கொடுக்கப்பட்ட நிரல் தொகுதியை நிபந்தனை சோதிப்பதற்கு முன்னர் ஒரே ஒரு முறையேனும் செயல்படுத்தும். அதாவது, இங்கே நிபந்தனை, மடக்கின் இறுதியில் மட்டுமே சோதிக்கப்படுகிறது.

(i) மின் வணிக அமைப்பு வாரத்தின் எல்லா நாட்களிலும் எல்லா நேரங்களிலும் இயக்கப்படுகிறது. மின்னணு முறையில் வணிகம் செய்ய , நுகர்வோர் அல்லது விற்பனையாளருக்கு இயல்நிலை கடை திறந்திருக்கத் தேவையில்லை . மக்கள் தங்கள் தேவைக்கேற்ற நேரங்களில் வணிகங்களுடன் தொடர்பு கொள்ளலாம்.
(ii) வேகம், மின் வணிகத்தின் ஒரு முக்கிய நன்மை, மேம்பட்ட மின்னணு தகவல் தொடர்பு அமைப்புகள் செய்திகளை உடனடியாக உலகம் முழுவதும் சென்றடைய அனுமதிக்கிறது. இணையம் அல்லது மின் - வணிக உலகில் தகவல் தொடர்பு தாமதம் என்பதே கிடையாது
(iii) இணையத்தின் மூலம் பொருட்கள் மற்றும் சேவைகளைப் பெறுவது, விலை குறைவானது மற்றும் எளிதானதாகும். இது நுகர்வோருக்குக் குறைந்த செலவில் வாங்குவதற்கான வாய்ப்பை வழங்குகிறது. நேரடியாக உற்பத்தியாளரிடமிருந்தே குறைந்த விலையில் பொருட்கள் வாங்க முடியும்.
(iv) இன்றைய நுகர்வோர்களுக்கு உலகமே ஒரு சந்தையாக மாறியுள்ளது. வாங்குவதற்கான முடிவை எடுப்பதற்கு முன்பு பல்வேறு வலைத்தளங்களில் அதே பொருட்களை ஒப்பிட்டு, மதிப்பிடுவதன் மூலம் அவர்கள் பரவலான விருப்பத்தைப் பெற முடியும்
(v) வாடிக்கையாளர்கள் வீட்டிலோ (அ) தங்கள் வசதிக்கேற்ப எங்கு வேண்டுமானாலும் பொருட்களைப் பெற்றுக் கொள்ளலாம். அதற்கான கட்டணத்தையும் மின் - செலுத்துதல் மூலம் செய்யலாம்.

ER மாதிரியின் அடிப்படை கருத்துகள் பின்வருவனவற்றைக் கொண்டுள்ளது.
(i) உருப்பொருள் அல்லது உருப்பொருள் வகை
(ii) பண்புக்கூறுகள்
(iii) உறவுநிலை
இவைகள் ER வரைபடம் மற்றும் ER மாதிரியை உருவாக்க உதவி செய்கின்றன. இவற்றின் உதவியுடன் எந்தவொரு தரவுதளத்தையும் வடிவமைக்கவும், உருவாக்கவும் முடியும். மேலும் அந்த தரவுத்தளத்தின் கருத்துருவைப் பார்வையிடவும் முடியும்.
உருப்பொருள் அல்லது உருப்பொருள் வகை :
(i) ஒரு உருப்பொருள் என்பது ஒரு சாதாரண மனிதனும் எளிதாக அடையாளம் காணக்கூடிய நிஜ உலக பொருள் அல்லது அசைவூட்டல் போன்ற எதுவாகவும் இருக்கலாம்.
(ii) எடுத்துக்காட்டு: ஒரு நிறுவனத்தின் தரவுதளத்தில் Employee, HR, Manager உருப்பொருள்களாகக் கருதப்படுகின்றன.
உருப்பொருளின் வகைகள் :
(i) உறுதியான உருப்பொருள் (StrongEntity)
(ii) உறுதியற்ற உருப்பொருள் (WeakEntity)
(iii) உருப்பொருள் உதாரணங்கள் (Entity Instances)
பண்புக்கூறுகள் (Attributes): ஒரு பண்புக்கூறு என்பது உருப்பொருள் பற்றிய தகவல்களாகும். இது உருப்பொருளை விவரித்தல், அளவிடுதல், தகுதியாக்குதல், வகைப்படுத்துதல் மற்றும் குறிப்பிடுதல் போன்றவற்றைச் செய்கிறது. ஒரு பண்புக்கூறு எப்பொழுதும் ஒற்றை மதிப்பையே கொண்டிருக்கும். அந்த மதிப்பு எண் அல்லது எழுத்து அல்லது சரங்களாக (String) இருக்கலாம்.
பண்புக்கூறுகள் வகைகள் (Types of Attributes):
(i) திறவு கோல் பண்புக்கூறுகள் (key Attributes)
(ii) எளிய பண்புக்கூறுகள் (Simple Attributes)
(iii) கலப்புப் பண்புக்கூறுகள் (composite Attributes)
(iv) ஒற்றை மதிப்புடைய பண்புக்கூறுகள் (Single valued Attributes)
(v) பல மதிப்புடைய பண்புக்கூறுகள் (Multi valued Attributes)
உறவு நிலையின் வகைகள்:
ER மாதிரியில், இரண்டு உருப்பொருளுக்கு இடையே உறவுநிலை உள்ளது. மூன்று வகையான உறவுநிலைகள் உள்ளன. மேலும் ER மாதிரியானது கீழே கொடுக்கப்பட்டுள்ள மூன்று வகைகளைச் சார்ந்துள்ளது.
(i) ஒன்றுடன் ஒன்று உறவுநிலை : A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-வின் 0 (அ) 1 நிலை,உருப்பொருள் B-யின் (0 (அ) 1 நிலையுடன் தொடர்புபடுத்தப்படும் பொழுதோ மற்றும் உருப்பொருள் B-ன் 0 (அ) 1 நிலை, உருப்பொருள் A-ன் 0 (அ) 1 நிலையுடன் தொடர்புபடுத்தப்படும் பொழுதோ, உறவுநிலை தரவுதள வடிவமைப்பில், ஒன்றுடன் ஒன்று (1:1) உறவுநிலை உருவாகிறது.
(ii) ஒன்றுடன் பல உறவுநிலை : A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் 1 நிலை, உருப்பொருள் B-இன் ) (அ) 1 (அ) பல நிலைகளுடனும், மற்றும் உருப்பொருள் B-இன் 1 நிலை, உருப்பொருள் A-இன் 0 (அ) 1 நிலைகளுடனும் தொடர்புபடுத்தப்படும் பொழுது, உறவுநிலை தரவுதள வடிவமைப்பில், ஒன்றுடன் பல (1:N) உறவுநிலை உருவாகிறது.
(iii) பலவற்றுடன் பல உறவுநிலை : A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் 1 நிலை, உருப்பொருள் B-இன் 1 நிலை, உருப்பொருள் A-இன் ) (அ) 1 (அ) பல நிலைகளுடனும் தொடர்புபடுத்தப்படும் பொழுது. உறவுநிலை தரவுதள வடிவமைப்பில், பலவற்றுடன் பல (M:N) உறவுநிலை உருவாகிறது.

1. தயாரிப்பு மேலாளர் : பல்லூடக உருவாக்குதலில் குறித்த நேரத்தில் முழு தரத்துடன் பல்லூடகத் திட்ட உருவாக்கத்தை வரையறுப்பது மற்றும் ஒருங்கிணைப்பது.
2. பொருளடக்க வல்லுநர் : ஏற்கனவே திட்டமிட்ட பயன்பாட்டின் பொருளடக்கத்தைப் பற்றி அனைத்து ஆராய்ச்சி செயல்பாடுகளையும் செய்வதற்கு பொறுப்பானவர்.
3. ஸ்கிரிப்ட் எழுத்தாளர் : கருத்துக்களை முப்பரிமாண சூழல்களில் காட்சிப்படுத்துகிறார். தேவை ஏற்படின் நிரல் மீது மெய்நிகர் உண்மை ஒருங்கிணைப்பைப் பயன்படுத்தலாம்.
4. உரைப் பதிப்பாளர் : உரை எப்பொழுதும் கட்டமைப்பாகவும் சரியான இலக்கணத்தோடும் இருக்க வேண்டும் என்பதற்கு பொறுப்பானவர்.
5. பல்லூடக வடிவமைப்பாளர் : பல்லூடகத்தின் அனைத்து அடிப்படைத் தொகுதிகளைப் படைப்பாக மென்பொருளைப் பயன்படுத்தி அசைவூட்டல் போன்றவற்றை ஒருங்கிணைப்பவர்.
6. கணினி வரைகலை கலைஞர் : நிரலின் வரைகலைக் கூறுகளான பின்னணி புல்லட்கள், பொத்தான்கள், பாடப்பதிப்பாய்வு, 3D பொருள்கள், அசைவூட்டல் மற்றும் சின்னங்கள் ஆகியவற்றைக் கையாளும் பங்கினை வகிப்பவர்.
7. ஒலி மற்றும் ஒளிக்காட்சி வல்லுநர் : பதிவு செய்தல், ஒலி விளைவுகளைப் பதிப்பாய்வு செய்தல் மற்றும் இலக்கமாக்கல் ஆகியவற்றுக்கு பொறுப்பானவர்.
8. கணினி நிரலர் : பொருத்தமான மொழியில் குறிமுறை (அ) ஸ்கிரிப்ட் வரிகளை எழுதுபவர்.
9. வலை வல்லுநர் : ஒரு இணைய வலைப் பக்கத்தை உருவாக்க, அதை பராமரிப்பது மற்றும் இணைய சேவைகள் மூலம் பரவலான சமூக அணுகுதலை வழங்குதல்.

EFT (Electronic Funds Transfer) அமெரிக்காவில் மின்னணு காசோலைகள் (அ) மின் - காசோலைகள் என்று குறிப்பிடப்படுகிறது.

EDUSAT (Educational Satellite) என்பது கல்வி துறையில் மெய்நிகர் வகுப்பறைகள் பயனுள்ள முறையில் உருவாக்குவதற்கான சேவைகளை வழங்க இந்தியாவில் செலுத்தப்பட்டுள்ள செயற்கைக்கோளாக.

கிளிப்பிங்  கருவி: வடத்துடன் ஈத்தர்நெட் இணைப்பியை இணைக்கப் பயன்படும் ஒரு கருவி
1. வடத்தை தேவையான நீளம் வெட்டிக்கொள்ளவும்.
2. வடத்தின் இருபுறமும் இருந்து 1 அங்குல அளவிற்கு பாதுகாப்பு உறையை நீக்கவும். இதனால் முறுக்கப்பட்ட இணை கம்பிகள் வெளியே தெரியும்.
3. கம்பி அகற்றப்பட்ட பிறகு, சிறிய கம்பிகளை அவிழ்த்து, சரியான வயரிங் அமைப்பில் வைக்கவும். (T568 B பொதுவாக விரும்பப்படுகிறது).

Open NMS (Open Network Management System) என்பது இலவச மற்றும் திறந்த மூல வசதியுடன் வெளிவந்த தொடக்க காலத்திய தரமான வலையமைப்பு கண்காணிப்பு மற்றும் மேலாண்மை அமைப்பு ஆகும்.

ஒரு நிறுவனம் தனது வேலையின் ஒரு பகுதியை செய்ய மற்றொரு நிறுவனத்தை பணியமர்த்தினால், அது புறத்திறனீட்டம் என்று அழைக்கப்படுகிறது.

1. ஃபிஷிங் என்பது ஒரு வகை மின்-வணிக அச்சுறுத்தலாகும்.
2. உண்மையான வங்கி அதிகாரியாக தன்னை பாசாங்கு செய்யும் ஒருவர், மின்னஞ்சல், தொலைபேசி அல்லது குறுஞ்செய்தி மூலம்  பயனரை தொடர்பு கொண்டு அவர்களின் வங்கி கணக்கு எண், கடன் அட்டை விவரங்கள், OTP,PIN அல்லது கடவுச்சொற்கள் போன்ற முக்கிய தரவை கேட்டு தனிநபர்களை வலையில் சிக்க வைக்க முயற்சிப்பார்.
3. அதன் விளைவு அடையாள திருட்டு மற்றும் நிதி இழப்பு போன்ற பேரழிவு செயல்களுக்கு வழிவகுக்கும்.

விண்டோஸ் 7 இயக்க அமைப்பில், Start > All Programs > Adobe > Page Maker 7.0 > Adobe PageMaker 7.0 என்ற வரிசையில் கிளிக் செய்து அடோப் பேஜ்மேக்கரைத் திறக்கலாம்.

மின்னணு தரவு பரிமாற்றம்: 
(i) மின்னணு தரவு பரிமாற்றம் (Electronic Data Interchange - EDI) என்பது வர்த்தக நிறுவனங்களுக்கு இடையே மின்னணு வணிக ஆவணங்களை பரிமாற்றம் செய்வதை குறிக்கும்.
(ii) இது ஒரு தனிப்பயன் தடம் மூலமாகவோ அல்லது இணையம் மூலமாகவோ முன் வரையறுக்கப்பட்ட வடிவத்தில், அதிக மனித தலையீடு இல்லாமல் நடைபெறுகிறது.

அணி என்பது ஒரே தரவு வகையைச் சார்ந்த ஒன்றுக்கு மேற்பட்ட மதிப்புகளை ஒரே நேரத்தில் வைக்கப் பயன்படும்.
வகைகள் :
1. சுட்டு எண்கள் கொண்ட அணிகள் 
2. தொடர்புறுத்த அணிகள் 
3. பல பரிமாண அணிகள் 
1. சுட்டு எண்கள் கொண்ட அணிகள் :
அணி மாறியியல் உள்ள மதிப்புகள் எண்களைச் சுட்டெண்களாகக் கொண்ட அணிகளாக இருப்பின் திறவிற்கு இணை மதிப்புகள் இருத்தப்படும். பயனர் இந்த திறவுகளைப் பயன்படுத்தி மதிப்புகளை எடுத்துக்கொள்வர்.
கட்டளை அமைப்பு :
அணியானது array ( ) என்ற சிறப்புச் சொல்லுடன் வரையறுக்கப்படுகிறது.

＄teacher_name = array("Iniyan:,"Kavin","Nilant"),
echo"The student name are".
＄teacher_name[0],"＄＄teacher_name[1] "and",＄teacher_name[2]
?>
2. தொடர்புறுத்த அணிகள் :
(i) பெயரிடப்பட்ட திறவுகளை இருத்தி வைக்கப்பயன்படுத்தப்படும்.
(ii) திறவும், மதிப்பும் இணைந்த தரவுக் கட்டமைப்பாகும்.
கட்டளை அமைப்பு :
array(key=>value, key=>,key=>value,etc,);
key=Specifies the key (numeric or string)
value=Specifies the value
எ.கா :
＄marks = array("student1" =>"35");
echo"student 1 mark is ".＄marks['student1'];
echo"Student 2 mark is",＄marks['student2'];
 3. பல பரிமாண அணி
(i) பல பரிமாண அணி என்பது ஒன்று அல்லது அதற்கு மேற்பட்ட அணிகளைக் கொண்ட ஒரு அணி ஆகும்.
(ii) PHPல் பல்வேறு வகையான (அ) அளவுள்ள பல பரிமாண அணிகளை உருவாக்க முடியும்.
(iii) அதாவது இரண்டு மூன்று நான்கு ஐந்து (அ) அதற்கும் அதிகமான அளவுள்ள பரிமாண அணிகளை உருவாக்கலாம்.
எ.கா:
//A two-dimensional array
＄student=array
(
array("Iniyan",100,96),
array("Kavin",60,59),
);
?>

(i) MySQLi என்பது PHP மொழியின் நீட்டிப்பு ஆகும்.
(ii) இது MySQLi  தரவுத்தளத்தை அணுகப் பயன்படுகிறது.
(iii) MySQLi  என்பது MySQLi  Improved என்பதைக் குறிக்கும்.
(iv) இதன் தற்போதைய பதிப்பு 5.0.0

(i) ஈத்தர்நெட் அட்டை ஒரு விரிவாகக் அட்டை (அ) உள்ளிணைந்த அட்டையாக இருக்கலாம்.
(ii) விரிவாக்க வகை அட்டை (தனி மின்சுற்றுப் பலகை) என்பது PCI ஈத்தர்நெட் அட்டை எனவும் அழைக்கப்படுகிறது.
(iii) கணினியின் மதர்போர்டில் உள்ள PCI ஸ்லாட்டுக்குள் செருகப்படுகிறது.
(iv) தற்போது பெரும்பாலான கணினிகளில் அட்டைகள் உள்ளன.
(v) தற்போது ரேடியோ அலைகள் மூலம் தரவுகளைப் பரிமாறும் கம்பியில்லா ஈத்தர்நெட் அட்டைகளும் பயன்பாட்டில் உள்ளன

1. தரநிலை என்பது ஒட்டுமொத்த EDIல் மிக முக்கியமான பகுதியாகும்.
2. EDI தரவு பரிமாற்றம் என்பது ஒரு ஒப்புக்கொண்ட செய்தி வடிவமைப்பின் வடிவத்தில் இருப்பதால், ஒரு ஒருங்கிணைந்த EDI தரத்தை உருவாக்குவது முக்கியமானதாகக் கருதப்படுகிறது.
3. மிகவும் பரவலாகப் பயன்படுத்தப்படும் EDI தரப்பாடுகள், ஐக்கிய நாடுகள் சபையின் UN/EDIFACT மற்றும் ANSI X12.

1. switch கூற்று பல்வேறு நிபந்தனைகளின் அடிப்படையில் பல்வேறு செயல்களைச் செய்ய பயன்படுகிறது.
switch(n) {
case label 1:
code to be executed if n=label1;
break;
case label2:
code to be executed if n= label 2; .
break;
case label3:
code to be executed if n=label3;
break;
default:
code to be executed if n is different
from all labels;
}
2. break கூற்றை ஒவ்வொரு case கூற்றின் இறுதியில் கொடுக்க வேண்டும். இல்லையெனில் அந்த case தொகுதியைத் தொடர்ந்து வரும் கூற்றுகள் செயல்படுத்தப்படும்.

(i) குறிமுறைகள் முழுவதுமாக தொலைதூர கணிப்பொறியில் நிறுவப்பட்டுள்ள வலைசேவையகத்தில் இயக்கப்படுகின்றது.
(ii) நிகழ்நேர வலை உருவாக்கத்திட்டங்களில் இயங்கு மற்றும் ஊடாடு வலைப் பக்கங்களை உருவாக்குகின்றது.
(iii) பயனர் குறிமுறையைப் பெறுகிறார் மற்றும் வலைதள உள்ளடக்கத்தை இணைய உலவி மூலம் கணிப்பொறியில் பார்க்கிறார்.
(iv) மிகவும் பாதுகாப்பானது.

(i) சமச்சீரற்ற குறியீடு குறியாக்கம் (Asymmetric Key Encryption) பொதுக் குறியீடு குறியாக்கம் என்றும் அழைக்கப்படுகிறது.
(ii) இது பொது குறியீடு மற்றும் எண்முறைச் சான்றிதழ்களை பயன்படுத்துகிறது.
(iii) RSA, ECC, DSA போன்ற நெறிமுறைகள் சமச்சீரற்ற குறியீடு குறியாக்க தொழில்நுட்பத்தை பயன்படுத்துகின்றன.

அடோப் பேஜ்மேக்கர் என்பது ஒரு பக்க வடிவமைப்பு மென்பொருளாகும்.
பயன்கள்:
(i) இது அச்சிடுவதற்கு ஏற்ற வகையில் ஆவணங்களை வடிவமைக்கப் பயன்படுகிறது.
(ii) இதைப் பயன்படுத்தி சிறிய வணிக அட்டை முதல் பெரிய புத்தகம் வரை அனைத்தையும் வடிவமைக்கலாம்.
(iii) பக்க வடிவமைப்பு, மென்பொருளில் உள்ள கருவிகள், ஆவணத்தில் எளிதாக உரை மற்றும் வரைகலை வடிவங்களை சேர்க்க உதவுகின்றன.
(iv) உதாரணமாக, பேஜ்மேக்கரைப் பயன்படுத்தி, ஒவ்வொரு பக்கத்திலும் கட்டுரைகள் மற்றும் படங்களை வைத்து ஒரு செய்தி மடலை உருவாக்க முடியும்.