MySQL நிர்வாகக் கட்டளைகள் :
1. Use Database -இந்த கட்டளை MySQLல் பணி செய்வதற்கான தரவுத்தளத்தைத் தேர்ந்தெடுக்கப் பயன்படுகிறது.
2. Show Database - தரவுத்தள சேவையகத்தில் இருக்கும் அனைத்து தரவுத் தளங்களையும் பட்டியிலிடுகிறது.
3. Show Tables - பயன்பாட்டில் உள்ள தரவுத்தளத்தில் இருக்கும் அனைத்து அட்டவணைகளையும் பட்டியிலிடுகிறது. 
4. SHOW COLUMNS FROM table_name -கொடுக்கப்பட்ட அட்டவணையின் அனைத்து பண்புக்கூறுகள், பண்புக் கூறுவகை மற்றும் பிற தகவல்களைப் பட்டியிலிடுகிறது.
5. SHOW INDEX FROM table_name - கொடுக்கப்பட்ட அட்டவணையின் அனைத்து குறியீடுகளையும் காண்பிக்கிறது.
6. SHOW TABLE STATUS LIKE tablename/G :
அட்டவணையின் செயல் திறனை விரிவான அறிக்கையுடன் வழங்குகிறது.

MYSQLல் உள்ள சிறப்புரிமைகள் :

சிறப்பியல்புகள்	பயன்பாடு/செயல் (வழங்கப்பட்டால்)
Select _ priv	பயனர் தரவுத்தள அட்டவணைகளில் இருந்து வரிசைகளைத் தேர்வு செய்யலாம்.
insert_ priv	பயனர் தரவுத்தள அட்டவணைகளில் வரிசைகளை செருகலாம்
Update_priv	பயனர் தரவுத்தள அட்டவணைகளின் வரிசைகளைப் புதுப்பிக்கலாம்.
Delete_Priv	பயனர் தரவுத்தள அட்டவணைகளின் வரிசைகளை நீக்கலாம்
Create_priv	பயனர் தரவுத்தளங்களில் புதிய அட்டவணையை உருவாக்கலாம்.
Alter_ priv	பயனர் தரவுத்தள அமைப்பில் மாற்றங்களைச் செய்யலாம்.

எண் அளவை (Cardinality):
(i) இது உறவுநிலையில் சேர்க்கப்பட வேண்டிய உருப்பொருள்களின் எண்ணிக்கையாக வரையறுக்கப்படுகிறது.
(ii) அதாவது, உறவு நிலை வழியாக மற்றொரு தொகுப்பில் உள்ள உருப்பொருள்களின் எண்ணிக்கையுடன் இணைக்கப்பட்ட ஒரு தொகுப்பில் உள்ள உருப்பொருள்களின் எண்ணிக்கை, ஒன்றுடன் ஒன்று, ஒன்றுடன் பல, பலவற்றுடன் பல என்பன எண் அளவையின் மூன்று வகைப்பாடுகள் ஆகும்.

iii) மேலே உள்ள படம் எண் அளவை எடுத்துக்காட்டில், person மற்றும் Vehicle என்ற இரண்டு உருப்பொருள்கள் உள்ளன.
(iv) இயங்கிக் கொண்டிருக்கும் வாகனம் (Vehicle), இயங்குகின்ற ஓட்டுநர் (person) என எடுத்துக்கொண்டால் வாகனம் மற்றும் ஓட்டுநருக்கு இடையே ஒன்றுடன் ஒன்று உறவுநிலை உருவாக்கப்படும்.

(v) எண் அளவை உறவுநிலை 1 to n மேலே உள்ள எடுத்துக்காட்டில், வாடிக்கையாளர் (Customer) தன் தேவைகளை (Orders) முன்வைப்பது. ஒன்றுடன் பல உறவுநிலையாகும்.
(vi) இங்கு வாடிக்கையாளர், பல தேவைகளை முன்வைக்கலாம் மற்றும் தேவைகள் ஒரே ஒரு வாடிக்கையாளரை மட்டுமே சார்ந்து இருக்கும்.

(vii) எண் அளவை உறவுநிலை n to n மாணவர்கள் (Students), பாடப்பிரிவுகளில் (Courses) பதிவு செய்வது பலவற்றுடன் பல உறவுநிலைக்கான எடுத்துக்காட்டாகும்.
(viii) ஒரு மாணவன், ஒன்றுக்கும் மேற்பட்ட பாடப்பிரிவுகளில் பதிவு செய்ய முடியும். மற்றும் ஒரு பாடப்பிரிவு. பல மாணவர்களால் பதிவு செய்யப்படமுடியும். எனவே இது பலவற்றுடன் பல வகையாகும்.

ER மாதிரியில், இரண்டு உருப்பொருளுக்கு இடையே உறவுநிலை உள்ளது. மூன்று வகையான உறவுநிலைகள் உள்ளன. மேலும் ER மாதிரியானது கீழே கொடுக்கப்பட்டுள்ள மூன்று வகைகளைச் சார்ந்துள்ளது.
(i) ஒன்றுடன் ஒன்று உறவுநிலை (One to-one relationship) :
A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் (அ) 1 நிலை, உருப்பொருள் B-இன் 0 (அ) 1 நிலையுடன் தொடர்பு படுத்தப்படும் பொழுதோ மற்றும் உருப்பொருள் B-இன் 0 (அ) 1 நிலை, உருப்பொருள் A-இன் 0 (அ) 1 நிலையுடன் தொடர்புபடுத்தப்படும் பொழுதோ, உறவுநிலை தரவுதள வடிவமைப்பில், ஒன்றுடன் ஒன்று (1:1) உறவுநிலை உருவாகிறது.
(ii) ஒன்றுடன் பல உறவுநிலை (one-to-many relationship) :
A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் 1 நிலை, உருப்பொருள் B-இன் 0 (அ) 1 (அ) பல நிலைகளுடனும், மற்றும் உருப்பொருள் B-இன் 1 நிலை, உருப்பொருள் A-இன்) (அ) 1 நிலைகளுடனும் தொடர்புபடுத்தப்படும் பொழுது, உறவுநிலை தரவுதள வடிவமைப்பில், ஒன்றுடன் பல (1:N) உறவுநிலை உருவாகிறது.
(iii) பலவற்றுடன் பல உறவுநிலை (Many-to many relationship) :
A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் 1 நிலை, உருப்பொருள் B-இன் 1 நிலை, உருப்பொருள் A-இன் 0 (அ) 1 (அ) பல நிலைகளுடனும் தொடர்புபடுத்தப்படும் பொழுது, உறவுநிலை தரவுதள வடிவமைப்பில், பலவற்றுடன் பல (M:N) உறவுநிலை உருவாகிறது.

(i) தரவுகளை சேமித்தல் என்ற கருத்துரு பல்வேறு வடிவமைப்பில் 40 வருடங்களுக்கு முன்பே தொடங்கப்பட்டது.
(ii) முந்தைய நாட்களில், தரவுகளை சேமிக்க துளை அட்டை (Punched Card) தொழில்நுட்பம் பயன்படுத்தப்பட்டது. பிறகு கோப்புகள் (Files) பயன்படுத்தப்பட்டன.
(iii) கோப்பு அமைப்புகளே தரவுதள அமைப்பின் முன்னோடி என்றழைக்கப்படுகின்றன.
(iv) கோப்பு அமைப்பில், குறியீட்டு, சீரற்ற மற்றும் தொடர் அணுகல் போன்ற பல்வேறு அணுகல் முறைகள் உள்ளன. கோப்பு அமைப்பில் பின்வரும் பல வரம்புகள் இருந்தன.
தரவு நகல்கள் : ஒரே தரவானது, செயலாக்கதிற்கான பல வளங்களால் பயன்படுத்தப்பட்டது.
அதிக பராமரிப்பு: அணுகல் கட்டுப்பாடு மற்றும் தரவு நிலைத்தன்மையை சரிபார்க்க அதிக பராமரிப்பு தொகை தேவைப்பட்டது.
பாதுகாப்பு : தரவுக்கு குறைந்த பாதுகாப்பே வழங்கப்பட்டது. எனவே, கோப்பு அமைப்பின் மேற்கூறிய வரம்புகளை சமாளிக்க தரவுதள அமைப்புகள் பிரபலமானது.

துணை வினவல்கள்:
(i) இதில் முதன்மை வினவலுக்கு உள்ளே SQL வினவல் எழுதப்படுகிறது. இது பின்னலான அல்லது துணை வினவல் எனப்படும். துணை வினவல்கள் முதலில் இயக்கப்படுகின்றன. 
(ii) இதனுடைய விடையானது நிபந்தனையாக முதன்மை வினவலுக்கு அமைகிறது. துணை வினவல் கீழே உள்ள விதிகளை பின்பற்ற வேண்டும்.
1. துணை வினவல்கள் அடைப்புக் குறிக்குள் எழுதப்படவேண்டும்.
2. ஒப்பீட்டு செயற்குறிக்கு வலது புறத்தில் துணை வினவல் அமையவேண்டும்.
3. ORDER BY பிரிவு துணை வினவலில் பயன்படுத்தவில்லை, ஏனெனில் துணை வினவல்கள் அதனுள்ளேயே விடைகளை கையாள முடியாது.
(iii) EMPLOYEE அட்டவணையை கருத்தில் கொண்டால் EMPID, Name, Age D Salary ஆகிய புலங்கள் உள்ளன. மாதிரி தரவுகள் கீழே உள்ள அட்டவணை-ல் கொடுக்கப்பட்டுள்ளன

EMPID	Name	Age	Salary
101	Ram	35	15000
102	Gopal	41	30000
103	Priya	32	13000
104	Hari	37	20000

(iv) பின்வரும் வினவலில் SELECT கூற்றில் துணை வினவல் பயன்படுத்தப்பட்டுள்ளது. SELECT * From Employee where EMPID IN (SELECT EMPID from Emplooyee WHERE Salary < 20000);
(v) முதலில் அடைப்புக்குறிக்குள் உள்ள வினவல் இயக்கப்படும். அதன் விடையாக EMPID 101 மற்றும் 103 மீட்டெடுக்கப்படும்.
(vi) இப்பொழுது வெளியே உள்ள வினவல் இயக்கப்படும். இப்பொழுது வினவல் பின்வருமாறு : SELECT* from Employee where EmpID IN (101, 102)
(vii) இதன் வெளியீடு பின்வரும் அட்டவணையில் உள்ளது.பின்வரும் வினவலில் SELCT கூற்றில் துணை வினவல் பயன்படுத்தப்பட்டுள்ளது.

EMPID	NAME	Age	Salary
101	Ram	35	15000
103	Priya	32	13000

(viii) இதைப்போல துணை வினவல்களானது INSERT, UPDATE மற்றும் DELETE உடன் பயன்படுத்தப்படுகிறது.

தரவுதளத்தை சிறந்த மற்றும் திறமையான முறையில் வடிவமைப்பதற்கான, பல திறந்த மூல கருவிகள் கிடைக்கின்றன. phymyAdmin என்பது வலை நிர்வாகத்திற்கு மிகவும் பிரபலமானதாகவும். MYSQL Work bench மற்றும் Heidi SQ போன்றவை பிரபலமான டெக்ஸ்டாப் பயன்பாட்டு கருவிகளாகும்.
PHPMYADMIN (Web Admin):
(i) MYSQL -ன் நிர்வாகக் கருவி ஆனது - PHP -ல் எழுதப்பட்ட ஒரு வலைப்பயன்பாடாகும்.
(ii) இவைகள் வலைச் சேவைகளில் முக்கியமாகப் பயன்படுத்தப்படுகின்றன.
(iii) CSV -ல் இருந்து தரவுகளை தருவித்தல் மற்றும் தரவுகளை பல்வேறு வடிவமைப்பில் வழங்குதலுக்கான வலை இடைமுகத்தை வழங்குவது இதன் முக்கிய அம்சமாகும்.
(iv) இது MYSQL சேவையாக செயல்களான இணைப்புகள், செயல்முறைகள் மற்றும் நினைவகப் பயன்பாடு போன்றவற்றை கண்காணிப்பதற்கான நேரடி வரைப்படங்களை (Charts) உருவாக்குகிறது. இது சிக்கலான வினவல்களை எளிமையாக்கவும் பயன்படுகிறது.
MY SQL Work bench (டெஸ்க்டாப் பயன்பாடு):
(i) இது நிரலர்கள் மற்றும் DBA - வால் முக்கியமாக காட்சிப்படுத்தலுக்காகப் பயன்படுத்தப்படும் ஒரு தரவுதளக் கருவி ஆகும்.
(ii) இந்தக் கருவி தரவு மாதிரியாக்கம், SQLஉருவாக்கம், சேவையக மற்றும் MYSQLன் காப்புப் பிரதி (Back up) போன்றவற்றில் உதவுகிறது.
(iii) இதன் அடிப்படை வெளியீட்டு பதிப்பு 5.0 ஆகும். தற்போது 8.0 அனைத்து இயக்க அமைப்புகளிலும் பயன்படுத்தப்படுகிறது.
(iv) இந்தக் கருவியின் SQL பதிப்பாளர் (editor) பல வெளியீடு தொகுதிகளை கையாளுவதில் நெகிழ்வுத் தன்மையுடனும் மற்றும் வசதியாகவும் உள்ளது.
HeidiSQL (டெக்ஸ்டாப் பயன்பாடு) :
(i) இந்த திறந்த மூலக்கூறுகள் சிறந்த தரவுத்தள அமைப்புகளின் நிர்வாகத்தில் உதவுகிறது.
(ii) இது சேவையக இணைப்பு, தரவுதளங்கள். அட்டவணைகள், காட்சிகள், தூண்டுதல்கள் மற்றும்  நிகழ்வுகள் ஆகியவற்றுகான GUI (Graphical| User Interface) சிறப்பம்சங்களை ஆதரிக்கிறது.

பண்புகூறுகளின் வகைகள் (Types of Attributes):
(i) திறவு கோல் பண்புக்கூறுகள் (Key Attributes)
(ii) எளிய பண்புக்கூறுகள் (Simple Attributes)
(iii) கலப்பு பண்புக்கூறுகள் (Composite Attributes)
(iv) ஒற்றை மதிப்புடைய பண்புக்கூறுகள் (Single valued Attributes)
(v) பல மதிப்புடைய பண்புக்கூறுகள் (Multi valued Attributes)
திறவுகோல் பண்புக்கூறுகள்:
பொதுவாக ஒரு திறவுகோல் பண்புக்கூறு என்பது ஒரு உருப்பொருளின் தனித்தன்மையான பண்புகளை விவரிக்கிறது.
எளிய பண்புக்கூறுகள்:
(i) எளிய பண்புக்கூறுகளை, பிரிக்க முடியாது. இவற்றின் உருப்பொருளுக்கு ஒற்றை மதிப்பே இருக்க முடியும்.
(ii) எடுத்துக்காட்டு: employee என்ற உருப்பொருளின் பண்புக்கூறாக name-ஐ எடுத்துக்கொண்டால் இங்கு அந்த பண்புக்கூறின் மதிப்பு ஒற்றை மதிப்பாகவே இருக்கும்.

கலப்பு பண்புக்கூறுகள்:
(i) கலப்பு பண்புக்கூறுகளை, அதன் அர்த்தங்களை மாற்றாமலே எளிய பண்புக்கூறுகளாகப் பிரிக்க முடியும்.
(ii) எடுத்துக்காட்டு: மேலே உள்ள வரைபடத்தில் employee என்பது ஒரு உருப்பொருளாகும். Name என்பது First Name மற்றும் Last Name என்ற இரண்டு எளிய பண்புக்கூறுகளாகப் பிரிக்கப்பட்ட கலப்பு பண்புக்கூறாகும்.
ஒற்றை மதிப்புடைய பண்புக்கூறுகள் :
(i) ஒற்றை மதிப்புடைய பண்புக்கூறுகள் ஒரு மதிப்பை மட்டுமே கொண்டிருக்கும். பல மதிப்புகளை கொண்டிருக்காது.

(ii) எடுத்துக்காட்டு : Age பண்புக்கூறு. இதில் ஒரு நபருக்க ஒரு மதிப்பு (Value) மட்டுமே இருக்கும்.
பண்புக்கூறு  மதிப்பு  Age  3 Roll no  85 பல மதிப்புடைய பண்புக்கூறுகள் :
(i) பல மதிப்புடைய பண்புக்கூறுகள் ஆனது ஒன்றுக்கு மேற்பட்ட மதிப்புகளைக் கொண்டிருக்கும்.
(ii) எடுத்துக்காட்டு : Degree ஒரு நபர் பல பட்டங்களைக் கொண்டிருக்கலாம். எனவே இது பல மதிப்புடைய பண்புக்கூறாகும்.
பண்புக்கூறு  மதிப்பு  Degree  B.Tech, MBA  Bank_Account  SBI, HDFC 

ER மாதிரியின் அடிப்படை கருத்துகள் பின்வருவனவற்றைக் கொண்டுள்ளது.
(i) உருப்பொருள் அல்லது உருப்பொருள் வகை
(ii) பண்புக்கூறுகள்
(iii) உறவுநிலை
இவைகள் ER வரைபடம் மற்றும் ER மாதிரியை உருவாக்க உதவி செய்கின்றன. இவற்றின் உதவியுடன் எந்தவொரு தரவுதளத்தையும் வடிவமைக்கவும், உருவாக்கவும் முடியும். மேலும் அந்த தரவுத்தளத்தின் கருத்துருவைப் பார்வையிடவும் முடியும்.
உருப்பொருள் அல்லது உருப்பொருள் வகை :
(i) ஒரு உருப்பொருள் என்பது ஒரு சாதாரண மனிதனும் எளிதாக அடையாளம் காணக்கூடிய நிஜ உலக பொருள் அல்லது அசைவூட்டல் போன்ற எதுவாகவும் இருக்கலாம்.
(ii) எடுத்துக்காட்டு: ஒரு நிறுவனத்தின் தரவுதளத்தில் Employee, HR, Manager உருப்பொருள்களாகக் கருதப்படுகின்றன.
உருப்பொருளின் வகைகள் :
(i) உறுதியான உருப்பொருள் (StrongEntity)
(ii) உறுதியற்ற உருப்பொருள் (WeakEntity)
(iii) உருப்பொருள் உதாரணங்கள் (Entity Instances)
பண்புக்கூறுகள் (Attributes): ஒரு பண்புக்கூறு என்பது உருப்பொருள் பற்றிய தகவல்களாகும். இது உருப்பொருளை விவரித்தல், அளவிடுதல், தகுதியாக்குதல், வகைப்படுத்துதல் மற்றும் குறிப்பிடுதல் போன்றவற்றைச் செய்கிறது. ஒரு பண்புக்கூறு எப்பொழுதும் ஒற்றை மதிப்பையே கொண்டிருக்கும். அந்த மதிப்பு எண் அல்லது எழுத்து அல்லது சரங்களாக (String) இருக்கலாம்.
பண்புக்கூறுகள் வகைகள் (Types of Attributes):
(i) திறவு கோல் பண்புக்கூறுகள் (key Attributes)
(ii) எளிய பண்புக்கூறுகள் (Simple Attributes)
(iii) கலப்புப் பண்புக்கூறுகள் (composite Attributes)
(iv) ஒற்றை மதிப்புடைய பண்புக்கூறுகள் (Single valued Attributes)
(v) பல மதிப்புடைய பண்புக்கூறுகள் (Multi valued Attributes)
உறவு நிலையின் வகைகள்:
ER மாதிரியில், இரண்டு உருப்பொருளுக்கு இடையே உறவுநிலை உள்ளது. மூன்று வகையான உறவுநிலைகள் உள்ளன. மேலும் ER மாதிரியானது கீழே கொடுக்கப்பட்டுள்ள மூன்று வகைகளைச் சார்ந்துள்ளது.
(i) ஒன்றுடன் ஒன்று உறவுநிலை : A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-வின் 0 (அ) 1 நிலை,உருப்பொருள் B-யின் (0 (அ) 1 நிலையுடன் தொடர்புபடுத்தப்படும் பொழுதோ மற்றும் உருப்பொருள் B-ன் 0 (அ) 1 நிலை, உருப்பொருள் A-ன் 0 (அ) 1 நிலையுடன் தொடர்புபடுத்தப்படும் பொழுதோ, உறவுநிலை தரவுதள வடிவமைப்பில், ஒன்றுடன் ஒன்று (1:1) உறவுநிலை உருவாகிறது.
(ii) ஒன்றுடன் பல உறவுநிலை : A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் 1 நிலை, உருப்பொருள் B-இன் ) (அ) 1 (அ) பல நிலைகளுடனும், மற்றும் உருப்பொருள் B-இன் 1 நிலை, உருப்பொருள் A-இன் 0 (அ) 1 நிலைகளுடனும் தொடர்புபடுத்தப்படும் பொழுது, உறவுநிலை தரவுதள வடிவமைப்பில், ஒன்றுடன் பல (1:N) உறவுநிலை உருவாகிறது.
(iii) பலவற்றுடன் பல உறவுநிலை : A மற்றும் B என்ற இரண்டு உருப்பொருள்களை எடுத்துக் கொள்வோம். உருப்பொருள் A-இன் 1 நிலை, உருப்பொருள் B-இன் 1 நிலை, உருப்பொருள் A-இன் ) (அ) 1 (அ) பல நிலைகளுடனும் தொடர்புபடுத்தப்படும் பொழுது. உறவுநிலை தரவுதள வடிவமைப்பில், பலவற்றுடன் பல (M:N) உறவுநிலை உருவாகிறது.

தரவுதள தொழில்நுட்பம், உறவுநிலை மற்றும் பொருள் உறவுநிலை பண்புகளைக் கொண்ட மாதிரிகளின் அடிப்படையில் அமைந்துள்ளது. முக்கியமான தரவுதள மாதிரிகள் பின்வருமாறு கொடுக்கப்பட்டுள்ளன.
1. படிநிலை தரவுதள மாதிரி : 
(i) IBM- இன் முதல் DBMS ஆன IMS (Information Management System) தகவல் மேலாண்மை அமைப்பு என்பது ஒரு பிரபலமான படிநிலை தரவுதள மாதிரியாக இருந்தது.
(ii) இந்த மாதிரியின் ஒவ்வொரு பதிவிலும் (records) தகவல்கள் மரக்கிளை அமைப்பைப் போன்று பெற்றோர் குழந்தை உறவுநிலையில் அமைக்கப்பட்டுள்ளது.
(iii) இது உறவுநிலை மாதிரியின் அட்டவணைகளுக்கு (Tables) நிகரானது.

2 . வலையமைப்பு மாதிரி :
(i) முதன் முதலில் Honeywell-இல் உருவாக்கப்பட்ட தரவு மாதிரி IDS (Integrated Data Store) ஆகும்.
(ii) இது படிநிலை தரவுத்தள மாதிரியை ஒத்திருக்கும் தவிர ஒவ்வொரு உறுப்பினரும் ஒன்றுக்கு மேற்ப்பட்ட உரிமையாளரைக் கொண்டுள்ளனர்.
(iii) பலவற்றுடன் பல உறவுநிலையானது எளிய முறையால் கையாளப்படுகிறது. மூன்று தரவுதள கூறுகளைக் கொண்டுள்ளது.
(iv) அவை, வலையமைப்புத் திட்டம், துணைத் திட்டம் மற்றும் தரவு மேலாண்மைக்கான மொழி ஆகும்.

3. உறவுநிலை மாதிரி :
(i) Oracle, DB2 ஆகியவை தற்போது பயன்பாட்டில் உள்ள சில உறவுநிலை மாதிரிகள் ஆகும்.
(ii) உறவுநிலை மாதிரி சான்றுரு (instance) மற்றும் திட்டம் (schema) என்ற இரண்டு சொற்களால் வரையறுக்கப்படுகிறது.
(iii) சான்றுரு: வரிசை மற்றும் நெடுவரிசைகளைக் கொண்ட ஒரு அட்டவணை ஆகும்.

4. பொருள் சார்ந்த தரவுத்தள மாதிரி :
(i) இந்த மாதிரி பொருள் நோக்கு நிரலாக்க கருத்துருக்கள் (oop's) மற்றும் தரவுத்தள தொழில்நுட்பங்கள் ஆகிய பிணைப்பை உள்ளடக்கியது. இந்த மாதிரி உறவுநிலை மாதிரியின் அடிப்படையாக உள்ளது.
(ii) பொருள் என்ற மீண்டும் பயன்படுத்தக்கூடிய எளிய மென்பொருளை பொருள் நோக்கு நிரலாக்கம் பயன்படுத்துகிறது. இவை பொருள் நோக்கு தரவுத்தளத்தில் சேமிக்கப்படுகின்றன.