1. சுதேச அரசுகளின் இணைப்பில் முக்கியப் பங்கு வகித்த போராட்டங்களாக மூன்று போராட்டங்களைக் குறிப்பிடலாம்.
2. திருவாங்கூர் மாநிலத்தின் பொறுப்பரசாங்கம் வேண்டி அந்த மாநிலத்தின் திவான் ஆகிய சி.பி. இராமசாமியை எதிர்த்து நடத்தப்பட்ட புன்னப்புரா வயலார் ஆயுதப் போராட்டம் முக்கியமானது.
3. இன்னொரு முக்கியமான போராட்டம் பிரஜாமண்டல் மற்றும் ஒடிசாவில் நடந்த பழங்குடியினர் கிளர்ச்சிகள் (நீலகிரி, தெங்கனால் மற்றும் தல்சேர்) இந்தியாவில் நடந்த இரண்டாவது முக்கிய சுதேச எதிர்ப்பை போராட்டம் ஆகும்.
4. மைசூர் மகாராஜாவிற்கு எதிராக இந்திய தேசிய காங்கிரஸ் நடத்திய போராட்டங்களும் இந்திய சுதேச அரசுகளின் இணைப்புக்கு முக்கிய பங்காற்றின.

1. 129 - இல் வெளியாக நேரு அறிக்கை பிரிவு 86 - இல் பின்வருமாறு தெளிவாக குறிப்பிடப்பட்டிருந்தது.
2. நிதி மற்றும் நிர்வாக காரணங்களுக்கு உட்பட்டு, பெரும்பான்மை மக்கள் வாழும் இட அடிப்படையில் மாநிலங்களை மொழி வாரியாக மறு சீரமைப்பதற்கான கோரிக்கை நிறைவேற்றப்பட வேண்டும் என்பதாகும்.

1. மொழி வாரி மாநில மறுசீரமைப்பானது பெரும்பணி என்பது முதற் காரணம், இந்தியப் பிரிவினையும் அது தொடர்பான வன்முறைகளும் நிகழ்ந்து கொண்டிருந்தன.
2. இந்த நேரத்தில் மொழிவாரியாக மாநிலம் குறித்து விவாதம் மேலும் பிரச்சனைகளை உருவாக்கும் என்பதற்காக முதலில் மொழிவாரி மாநிலம் உருவாக்கம் மறுக்கப்பட்டது.

1. இரண்டு தேசங்கள் (இந்தியா, பாகிஸ்தான்) உருவான பிறகு இரண்டு நாடுகளிலும் இருந்து மக்கள் இடம் பெயர்ந்தனர்.
2. அவ்வாறு இடம் பெயர்ந்த மக்கள் இரு நாட்டு எல்லையைக் கடப்பதற்காக நகர்ந்த அகதிகளின் நீண்ட வரிசை கஃபிலா எனப்பட்டது.

1. 1947 ஜூன் 3 - இல் மௌண்ட்பேட்டன் பிரபு, அட்லி அறிவித்த தினத்திற்கு முன்னதாகவே 1947 ஆகஸ்ட் 15 அன்று இந்தியாவிற்குச் சுதந்திரம் வழங்கப்படும் என்று அறிவித்தார்.
2. மேலும் வகுப்புவாதப் பிரச்சனை, இருநாடு கோரிக்கை ஆகியவற்றின் அடிப்படையில் பிரிட்டிஷ் இந்தியாவின் அதிகாரத்தை இந்தியா - பாகிஸ்தான் என இரண்டு டொமினியன் அரசாங்கங்களிடம் பகிர்ந்து ஒப்படைப்பதே மௌண்ட் பேட்டன் திட்டத்தின் சிறப்புகள் ஆகும்

1. நேரு அறிமுகப்படுத்திய குறிக்கோள் தீர்மானம் இந்திய அரசமைப்பின் உணர்வு மற்றும் உள்ளடக்கத்திற்கான மிகச் சுருக்கமான அறிமுகமாக அமைந்தது.
2. சபையால் ஏற்றுக் கொள்ளப்பட்ட இந்த தீர்மானத்தின் முக்கியத்துவத்தை இந்திய அரசமைப்பின் முகவுரை அடிப்படை உரிமைகள் மற்றும் அரசின் நெறிமுறைக் கோட்பாடுகளின் மூலம் விளக்கப்பட்டுள்ளது.
3. 1946, டிசம்பர் 13 அன்று ஜவஹர்லால் நேரு இந்திய அரசமைப்புக்கான குறிக்கோள் தீர்மானத்தை அரசமைப்பு நிர்ணயசபையில் அறிமுகப்படுத்தினார்.

1. இந்திய தேசிய காங்கிரஸ் கராச்சி கூட்டத்தில் (மார்ச் 1931) நிறைவேற்றப்பட்ட அடிப்படை உரிமைகள் தீர்மானத்தில் இடம் பெற்ற தன்னாட்சி என்பதன் பொருள் மற்றும் விடுதலைப் போராட்டத்தின் இலக்கியல் (Idealism) ஆகியவற்றை அடிப்படையாகக் கொண்டே இந்திய அரசியலமைப்பு உருவாக்கப்பட வேண்டும் என்ற நோக்கில் காங்கிரஸ் அரசமைப்பு நிர்ணயசபை உருவாக்கியது.
2. குடிமக்களுக்கு அடிப்படை உரிமைகளையும், அரசு கொள்கைகளுக்கான வழிகாட்டு நெறிமுறைகளையும் நம்பிக்கையுடன் உறுதி செய்யும் ஓர் ஆவணமாக இந்திய அரசமைப்பு உருவாக்கப்படுவதற்கு இதுவே அடிப்படைக் காரணமாகும்.

1. 1950 ஏப்ரல் 8 - இல் நேரு மற்றும் லியாகத் அலிகான் இடையே டெல்லி ஒப்பந்தம் ஏற்பட்டது.
2. இதில் இரு தரப்பாலும் உள்ள சிறுபான்மையினரின் நம்பிக்கையை மீட்டெடுப்பது பற்றி குறிப்பிடப்பட்டது.
3. ஆனால் அதற்கேற்றாற்போல் நிலைமை சுமூகமாக இல்லை.
4. ஒப்பந்தம் கையெழுத்தானபோதே மேற்கு பஞ்சாபிலிருந்து சென்றவர்களை கிழக்கு பஞ்சாபிலும், தில்லியிலும், தங்க வைத்து மறுவாழ்வு அளிப்பதற்கும் இந்திய அரசாங்கம் நடவடிக்கை எடுத்து வந்தது.

1. பிரிவினைக்குப் பின் இந்தியாவில் 42 மில்லியன் முஸ்லிம்களும், பாக்கிஸ்தானில் 20 மில்லியன் முஸ்லிம் அல்லாத இந்துக்கள், சிந்தியர்கள் மற்றும் சீக்கியர்கள் இருந்தனர்.
2. இந்து - முஸ்லிம் வன்முறைகளுக்கு இடையே ஏற்பட்ட உயிர்க் கொலைகள், அதிகாரப் பரிமாற்றம் மென்மையாக நடைபெறவில்லை.
3. இந்திய ராயல் கப்பற்படை கலகம், ஐ.என்.ஏ வழக்குகள் ஆகியவற்றின் போது நிலவிய இந்து முஸ்லிம் ஒற்றுமை தற்போது குலைந்து வெடிக்கும் எரிமலை போல் மாறியிருந்தது.
4. வகுப்பு வாதக் கலவரங்கள் இந்தியா எங்கும், குறிப்பாக வங்காளம், மற்றும் பஞ்சாப்பில் அதிகமாக நடைபெற்றன.

1. உலக அமைதியையும் ஒத்துழைப்பையும் மேம்படுத்துவதற்காக ஐ.நா.சாசனத்தின் 10 அம்சக் கோட்பாடுகள் உள்ளடக்கிய பேரறிக்கை, அதில் முக்கிய கோட்பாடுகள் பின்வருமாறு:
2. அடிப்படை மனித உரிமைகள் மற்றும் ஐ.நா.சாசனத்தின் நோக்கங்கள் மற்றும் கோட்பாடுகளை மதித்து நடத்தல்.
3. அனைத்து நாடுகளின் இறையாண்மை மற்றும் எல்லை ஒருமைப்பாட்டிற்கு மரியாதை அளித்தல்.
4. அனைத்து இனங்களின் சமத்துவத்தையும் பெரிய மற்றும் சிறிய அளவிலான அனைத்து நாடுகளின் சமத்துவத்தையும் அங்கீகரித்தல்.
5. மற்றொரு நாட்டின் உள் நிகழ்வுகளில் தலையீடு அல்லது தலையீடுகளில் இருந்து விலகுதல்.
6. பரஸ்பர நலன்களையும் ஒத்துழைப்பையும் மேம்படுத்துதல்.
7. நீதி மற்றும் சர்வதேசக் கடமைகளை மதித்தல்.
8. எந்தவொரு நாடும் பிறநாடுகள் மீது அழுத்தங்களைச் செலுத்தாமல் ஒதுங்கி இருத்தல்.
9. ஒரு நாடு அடுத்த நாட்டை ஆக்கிரமிப்பு செய்யக்கூடாது.
10. அனைத்து சர்வதேச முரண்பாடுகளையும் சமாதான வழியில், நடுவர் வழியில் அமைதியான முறையில் தீர்த்துக் கொள்ளுதல் ஆகியவை பாண்டுங் பேரறிக்கையின் முக்கிய கோட்பாடுகள் ஆகும்.

1. இந்திய அரசமைப்பின் உறுப்பு 3 (Article 3) பின்வருமாறு தெரிவிக்கிறது.
2. நாடாளுமன்றம் சட்டத்தின் மூலம் பின்வரும் நடவடிக்கைகளை எடுக்கலாம்.
3. ஒரு மாநிலத்திலிருந்து நிலப்பகுதியைப் பிரித்தோ அல்லது இரண்டு அல்லது அதற்கு மேற்பட்ட மாநிலங்களை அல்லது மாநிலங்களின் பகுதிகளை இணைத்தோ அல்லது ஏதேனும் நிலப்பகுதியை மாநிலப் பகுதிகளோடு இணைத்தோ புதிய மாநிலத்தை உருவாக்கலாம்.
4. எந்த மாநிலத்தின் நிலப்பகுதியையும் அதிகரிக்கலாம்.
5. எந்த மாநிலத்தின் நிலப்பகுதியையும் குறைக்கலாம்.
6. எந்த மாநிலத்தின் எல்லைகளையும் மாற்றியமைக்கலாம்.

1. இரண்டு தேசங்கள் (இந்தியா, பாகிஸ்தான்) உருவான பின்னும் பிரிந்த பகுதிகள் இரு பக்கமும் வாழ்ந்த சிறுபான்மையின மக்களை பயமும் பாதுகாப்பின்மையும் ஆட்கொண்டிருந்தன.
2. பிரிவினை வன்முறைகளுக்கு எதிர்ப்பு தெரிவித்து புதுதில்லிக்கு வெகுதொலைவில் காந்தியடிகள் உண்ணாவிரதம் இருந்தனர்.
3. பிரிவினை ஏற்படுத்திய அச்சம் இரு பக்கத்திலும் இருந்த சிறுபான்மையினரை மறுபக்கத்திற்கு குடிபெயரலாமா என்று பயத்தோடு எண்ண வைத்தது.
4. வன்முறை பரவியபோது காவல்துறை வேடிக்கை பார்த்தது.
5. இது இரு தேச சிறுபான்மையினரிடமும் இடம் பெயரும் எண்ணத்தை ஏற்படுத்தியது.
6. ஆகஸ்ட் 1947 முதல் நவம்பர் 1947 வரையிலான 4 மாத காலத்தில் 4.5 மில்லியன் மக்கள் மேற்கு பாகிஸ்தானிலிருந்து இந்தியாவிற்குக் குறிப்பாக கிழக்கு பஞ்சாப் நகரங்கள் மற்றும் புதுதில்லிக்கு இடம் பெயர்ந்தார்.
7. அதே நேரத்தில் 5.5 மில்லியன் முஸ்லிம்கள் இந்தியாவில் தங்கள் வீட்டை விட்டு (கிழக்கு பஞ்சாப் ஐக்கிய மாகாணம் மற்றும் தில்லி ஆகியவற்றிலிருந்து) இடம் பெயர்ந்து பாகிஸ்தானுக்குச் சென்றார்.
8. நிலைமை சீரான பின் மீண்டும் தங்களது இடங்களுக்கே திரும்பிவிடலாம் என்று நினைத்த மக்களுக்கு பின்னால் திரும்ப முடியவில்லை.
9. வங்காளத்தில் இரண்டு எல்லைகளிலும் கூட இந்த சட்டப்பெயர்வு நடைபெற்றது.
10. இரு நாடுகளிலும் குடிபெயர்ந்த குடும்பங்கள் விட்டுச் சென்ற சொத்துக்கள் ஆக்கிரமிக்கப்பட்டன.

1. முஸ்லிம் லீக் இந்து - முஸ்லிம் அடிப்படையில் இந்தியாவைப் பிரிவினை செய்வதற்கான கோரிக்கை லாகூர் மாநாடு (மார்ச் 1940) முதலே தொடர்ந்து வலியுறுத்தி வந்தது.
2. இந்திய வரைபடத்தைப் பிரிவினைக்கேற்றவாறு மாற்றி வரைவதற்கு லண்டனிலிருந்து வழக்கறிஞரான சர் சிரில் ராட்க்ளிஃப் அனுப்பப்பட்டார்.
3. இவர் இந்தியாவைப் பற்றிய எந்த முன் அனுபவமும் இல்லாதவராகவும் இந்திய நிலைமை புரியாதவராகவும் இருந்தார்.
4. 1947 ஜூலை 8 - இல் சர் சிரில் ராட்க்ளிஃப்  இந்தியா வந்தடைந்தார்.
5. பஞ்சாப் - வங்காளம் ஆகிய இரண்டு எல்லை ஆணையங்களுக்கும் அவர் தலைமைப் பொறுப்பு வகித்தார்.
6. சர் சிரில் ராட்க்ளிஃப் தலைமையில் அமைக்கப்பட்ட ஆணையத்தில் முஸ்லிம் சமூகம் மற்றும் இந்து சமூகத்தைச் சேர்ந்த தலா இரண்டு நீதியரசர்கள் இணைந்து பணியாற்றினர்.
7. இந்து மற்றும் முஸ்லிம் பெரும்பான்மையினர் வாழும் கிராமங்களை 1941 - ஆம் ஆண்டு மக்கள் தொகை கணக்கெடுப்பின் படி அடையாளம் காணப்பட்டது.
8. ராட்க்ளிஃப் அறிவிப்பு பல முரண்பாடுகளைக் கொண்டிருந்தது.
9. அவர் உருவாக்கிய வரைபடத்தின் அடிப்படையில் எல்லைகளை வரையறுத்துக்கொள்ளும் பொறுப்பு 1947 ஆகஸ்ட் 15க்குப் பின் இந்தியா பாகிஸ்தான் என்ற இரண்டு அரசமைப்பு நாடுகளிடம் ஒப்படைக்கப்பட்டது.