(i) திருநெல்வேலி மாவட்ட ஆட்சியர் ராபர்ட் ஆஷ் ஜூன் 1911 இல் மணியாச்சி ரயில் நிலையத்தில் வாஞ்சிநாதனால் சுட்டுக் கொல்லப்பட்டார்.
(ii) பாரத மாதா என்ற புரட்சிவாதக் குழுவில் வாஞ்சிநாதனும் ஒரு உறுப்பினராவார்.
(iii) புதுச்சேரியில் தனது குருவான வ.வே.சு. ஐயரிடம் துப்பாக்கி சுடும் பயிற்சி பெற்ற வாஞ்சிநாதன், வ.உ.சி. மற்றும் சுப்பிரமணிய சிவா ஆகியோரின் சிறைத் தண்டனைக்கு காரணமாக ஆஷ் துரையை சுட்டுக் கொன்றார்.
(iv) மேலும் ஐரோப்பிய அதிகாரிகளைக் கொல்வதன் மூலம் இந்தியர்களை புரட்சிக்குத் தூண்டுவதே இவ்வமைப்பின் குறிக்கோளாகும்.
(v) இச்செயல்பாடுகள் சுயராஜ்ஜியத்திற்கு இட்டுச்செல்லும் என அவர்கள் நம்பினார்கள்.   

(i) 1906 இல் வ.உ.சிதம்பரம் ஆங்கிலேயரின் கடற்பயண முற்றுரிமைக்கு எதிராகச் சுதேசி கப்பல் கம்பெனி ஒன்றை ஏற்படுத்தும் கருத்தை வெளிப்படுத்திய போது தமிழ்நாட்டின் சுதேசி இயக்கம் தேசத்தின் கவனத்தைப் பெற்றது.
(ii) 1906 ல் வ.உ.சி சுதேசி நீராவிக் கப்பல் கம்பெனி SSNC எனும் கூட்டுப்பங்கு நிறுவனத்தைப் பதிவு செய்தார்.
(iii) வ.உ.சி. S. S. கலியா, S. S. லாவோ எனும் இரண்டு நீராவிக் கப்பல்களை வாங்கினார்.
(iv) சுதேசி கப்பல் நிறுவனத்தின் வெற்றி பற்றி திலகர் தன்னுடைய கேசரி, மராட்டா பத்திரிகைகளில் எழுதினார். அரவிந்தர் கோஷும், வ.உ.சியின் சுதேச முயற்சிகளை பாராட்டி கம்பெனியின் பங்குகள் விற்பனையாவதற்கு உதவினார்.

(i) திருநெல்வேலியில் தமிழ்நாட்டுச் சுதேசி இயக்கத் தலைவர்கள் சுதேசி தினத்தை கொண்டாட அரசு நிர்வாகம் அனுமதி மறுத்தது.
(ii) இதை மீறி வ.உ.சி, சுப்பிரமணிய சிவா, பத்மநாபர் ஆகியோர் செயல்பட்டனர். அவர்கள் 1908 மார்ச் 12 இல் தேசதுரோகக் குற்றத்திற்காக கைது செய்யப்பட்டனர்.
(iii) இதனால் கைதுக்கு எதிராக உள்ளூர் மக்கள், வன்முறை நடவடிக்கைகளிலும், கடையடைப்புகளிலும் ஈடுபட்டனர்
(iv) திருநெல்வேலியில் நகரசபைக் கட்டடமும், காவல் நிலையமும் தீ வைக்கப்பட்டன. நூற்பாலைத் தொழிலாளர்கள் ஆலையைவிட்டு வெளியேறி போராட்டம் நடத்தினார்கள். இதில் காவல்துறையினரின் துப்பாக்கிச் சூட்டிற்கு நால்வர் பலியானார்கள்.

1. புரட்சிகர பயங்கரவாதியாகிய அனுசீலன் சமிதியைச் சேர்ந்த ஹேமச்சந்திர கனுங்கோ பாரிஸ் சென்று இராணுவப் பயிற்சிப் பெற்று நாடு திரும்பி மணிக்தலா எனுமிடத்திலிருந்த ஒரு பண்ணை வீட்டில் குண்டுகள் தயாரிப்பதற்கான ஒரு தொழில்கூடத்தை நிறுவினார்.
2. சுதேசி போராட்டக்காரர்களை கொடூரமாக நடத்திய டக்ளஸ் கிங்ஸ்போர்டு எனும் ஆங்கில அதிகாரியை குண்டு வீசி கொல்ல திட்டம் தீட்டப்பட்டது.  
3. கொலை செய்யும் பொறுப்பு புரட்சிவாதிகளான குதிரம் போஸ் மற்றும் பிரஃபுல்லா சாக்கி  ஆகியோரிடம் ஒப்படைக்கப்பட்டது.
4. 1908 ஏப்ரல் 30 இல் அவர்கள் தவறுதலாக ஒரு சாரட் வண்டியின் மீது குண்டை வீச கிங்ஸ்போர்டுக்குப் பதிலாக வேறு இரண்டு ஆங்கில பெண்கள் அதில் கொல்லப்பட்டனர்.
இதனால் பிரஃபுல்லா சாக்கி தற்கொலை செய்து கொல்ல,  குதிரம் போஸ் ஆங்கில அரசால் தூக்கிலிடப்பட்டார்.

1. 1908 இல் கோரல் மில் தொழிற்சாலை ஊழியர்கள் படுமோசமான வேலை, வாழ்க்கைச் சூழல்கள் கொண்டிருந்தனர்.
2. இது வ.உ.சி, சிவா ஆகியோரின் கவனத்தைக் கவர்ந்தது. தொடர்ந்து வந்த சில நாட்களில் தலைவர்கள் இருவரும் தொழிலாளர்களிடம் உரையாற்றினார்கள்.
3. இதனால் 1908 இல் மார்ச்சில் கோரல் பருத்தி நூற்பாலைத் தொழிலாளர்கள் வேலை நிறுத்தத்தில் ஈடுபட்டனர்.
4. முடிவில் ஆலை முதலாளிகள் தொழிலாளர்களுடன் பேச்சுவார்த்தை நடத்தி அவர்களின் கோரிக்கைகளை ஏற்றுக்கொள்ள முடிவு செய்தனர்
5. தொழிலாளர்களின் வெற்றி வங்காளத்தில் தீவிர தேசியவாதிகள் இடையில் உற்சாகத்தை ஏற்படுத்தியது. சுயராஜ்ஜியத்தை நோக்கி எடுத்து வைக்கப்பட்ட முதல் அடியாகும்.

சிறப்பம்சங்கள் :
1. பெருவாரியான மக்களை ஒன்று திரட்ட மேற்கொள்ளப்பட்ட மற்றொரு வெற்றிகரமான முறை சமிதிகள், தொண்டர் படைகள் எனும் அமைப்புகள் உருவாக்கப்பட்டமையாகும்.
2. விழாக்காலங்களில் சுதேசி செய்தியை பரப்புரை செய்தல், உள்ளூரளவில் பள்ளிகளையும், நடுவர் நீதிமன்றங்களையும் உருவாக்குதல்.
3. உறுப்பினர்களுக்கு உடற்பயிற்சி அளித்தல், அறநெறிகளை கற்றுக்கொடுத்தல், பஞ்சங்களின் போதும் நோய்களின் தாக்கத்தின் போதும் சேவையாற்றுதல் போன்றப் பணிகளில் சமிதிகள் ஈடுபடுத்தப்பட்டனர்.

1. சுதேசி இயக்கத்தின் போது தனிநபர் வன்முறை எழுச்சி பெறுவதற்கு மூன்று காரணிகள் பங்களிப்பு செய்தன. புரட்சிகர செயல்பாடானது இந்திய தறுகண்மையை (வீரம்) மீட்டெடுக்கும் குறியீட்டு முயற்சியின் ஒரு பகுதியாகும்.
2. அந்நிய அடக்குமுறை ஆட்சியின் கீழ் வெகுவாகப் பொறுமை இழந்து கொண்டிருந்த இளைஞர்கள் அரசியலற்ற ஆக்கசார் செயல்பாடுகளை ஓரளவே ஏற்றுக் கொண்டனர்.
3. இளைஞர்களை வழிநடத்துவதில் தீவிரவாத தேசியவாதிகள் தோல்வி அடைந்தார்கள். எனவே தனிநபர் செயல்பாடுகள் வளர்ந்தன.
4. அத்தன்மையை ஆங்கிலேயர் அடிக்கடி எதிர்ப்பதாயும், இகழ்வதாயும்  புரட்சிவாதிகள் நம்பினர்.

1. காங்கிரசின் அடுத்த மாநாடு தீவிர தேசியவாதிகளின் கோட்டை எனக் கருதப்பட்ட பூனாவில் நடைபெறத் திட்டமிடப்பட்டது. ஆனால் மிதவாத தேசியவாதிகள் மாநாடு நடைபெறும் இடத்தை சூரத் நகருக்கு மாற்றினர்.
2. காங்கிரசின் அடுத்த தலைவர் பொறுப்புக்கு மிதவாதிகளின் வேட்பாளரான ராஷ்பீகாரி கோஷ்  என்பாருக்கு எதிராகத்  தீவிர தேசியவாதிகள் லாலா லஜபதிராயின்  பெயரை முன்மொழிந்தனர்.
3. மேலும் தீவிர தேசியவாதிகள் ராஷ்பீகாரி கோஷ் தலைவராக தேர்ந்தெடுக்கப்படுவதை எதிர்க்க முடிவு செய்தனர்.
4. இதனால் 1907 இல் சூரத் மாநாடு குழப்பத்தில் முடிந்து மிதவாத தேசியவாதிகள், தீவிர தேசியவாதிகளென இரு குழுக்களாகப் பிரிந்தது.

(i) தமிழ்நாட்டில் அதிலும் குறிப்பாக திருநெல்வேலி மாவட்டத்தில் நடைபெற்ற சுதேசி இயக்கம் பெரும் கவனத்தையும் ஆதரவையும் பெற்றது.
(ii) தொடக்கத்தில் இவ்வியக்கம் பெருமளவில் வங்கப்பிரிவினைக்கு எதிரான எதிர்வினையாகவே இருந்தது.
(iii) 1907 சென்னைக்கு வருகை தந்த பிபின் சந்திரபால் சென்னைக் கடற்கரையில் ஆற்றிய உரைகள் பார்வையாளர்களுக்கிடையே உத்வேகத்தை ஏற்படுத்தின.
(iv) தென்னாட்டுத் திலகர் என்று அழைக்கப்பட்ட வ.உ.சிதம்பரனார் தமிழ்நாட்டில் உள்ள கிராமங்களில் சுதேசி கருத்துக்களைப் பரப்பி வந்தார். 1906 இல் சுதேசி ஸ்டீம் நேவிகேஷன் கப்பல் கம்பெனியை நிறுவினார்.
(v) 1905 ல் வங்காளத்தில் தோன்றிய சுதேசி இயக்கம் தமிழக மக்களுக்கிடையே அரசியல் விழிப்புணர்வை ஏற்படுத்தியது . "வந்தே மாதரம்" என்ற முழக்கம் தமிழகத்தில் ஒலிக்கத் துவங்கியது.
(vi) சுதேசி இயக்கத் தலைவர்களான வ.உ.சி, பாரதியார், சிவா போன்றவர்களது பேச்சும், எழுத்தும் மக்களை எழுச்சியுறச் செய்தன.
(vii) வ.உ.சி.யின் சுதேசி இயக்கம் முன்னெடுப்பு தேசியத் தலைவர்களால் பாராட்டப்பெற்றது 
(viii) சுதேசி முயற்சிகளைப் பாராட்டி கம்பெனியின் பங்குகள் விற்பனையாவதற்கு அரவிந்தர் கோஷ் உதவினார்.
(ix) திருநெல்வேலி மாவட்ட ஆட்சியரான ஆஷ் என்பவரை வாஞ்சிநாதன் மணியாச்சி இரயில் நிலையத்தில் சுட்டுக்கொன்றார்.
(x) இந்த வழக்கை விசாரித்த நீதிபதிகள் ஒருவரான சங்கரன் நாயர், இந்தக் கொலை "தேசிய விழிப்பின் எதிரொலி" என்று குறிப்பிட்டார். 

(i) பத்தொன்பதாம் நூற்றாண்டின் இறுதிப் புத்தாண்டுகளில் இந்திய தேசிய காங்கிரசுக்குள்ளே மிதவாத அரசியலுக்கு எதிராக வெளிப்படையான வெறுப்பு நிலவியது.
(ii) இவ்வேறுப்பு முடிவில் ஒரு புதிய போக்காகத் தோற்றம் பெற்று அது தீவிர தேசியவாதப் போக்கெனக் குறிப்பிடப்பட்டது.
(iii) இத்தீவிர தேசியவாதிகள் அல்லது முற்போக்காளர்கள் அல்லது போர்க்குணமிக்கவர்கள் ஆவார்கள்.
(iv) தீவிர தேசியவாதத் தலைவர்களாகிய லால்-பால்-பால் ஆகியோர் மிதவாதிகளின் கவனமான அணுகுமுறை, ஆங்கிலேயரிடம் மன்றாடுதல் மனு சமர்ப்பித்தல் போன்ற மிதவாதிகளின் "இறைஞ்சுதல் கொள்கைகளை" கடுமையாக விமர்சித்தனர்.
(v) மகாராஷ்டிராவில் பாலகங்காதர திலகர் வங்காளத்தில் பிபின் சந்திரபால், பஞ்சாபில் லாலா லஜபதிராய் ஆகியோரின் தலைமையில் இப்போர்க்குணம் வளர்ச்சி பெற்றது.
(vi) இதற்கு காரணங்கள், காங்கிரசுக்குள் உருவான உட்குழுக்கள், மிதவாதிகளின் அரசியல் நடவடிக்கைகளால் ஏற்பட்ட மனச்சோர்வு மற்றும் வங்காளத்தை பிரிப்பதற்காகக் கர்சன் மீது ஏற்பட்ட சினம் ஆகும்.
(vii) இவர்களால் சுதேசி இயக்கம் வளர்ச்சி பெற்றது. பல உத்திகள் முன்னெடுக்கப்பட்டன.
(viii) அந்நியப் பொருட்களைப் புறக்கணிப்பது, அரசால் நிர்வகிக்கப்படும் கல்வி நிலையங்களைப் புறக்கணிப்பது ஆகியன சுதேசி இயக்கத்தின் ஆக்கபூர்வமானத் திட்டங்களாக இருந்தன.
(ix) வங்கப் பிரிவினையைத் தடுப்பதில் ஏற்பட்ட தோல்வி பிபின் சந்திரபால் கொடுத்த அழுத்தம் காரணமாக மிதவாத தேசியவாதிகள் ஆங்கிலப் பொருட்களைப் புறக்கணிப்பது என்ற முடிவுக்கு வந்தனர்.
(x) மகாராஷ்டிரத்தைச் சேர்ந்த பாலகங்காதர திலகர் "சுயராஜ்ஜியம் எனது பிறப்புரிமை அதை அடைந்தே தீருவேன்" என்று முழங்கினார்.
(xi) பிபின் சந்திரபாலின் கருத்துப்படி சுயராஜ்ஜியம் என்பது அந்நியர் ஆட்சியிலிருந்து முற்றிலுமாக விடுதலையடைதல் என்பதாகும்.
(xii) வ.உ.சி.யின் சுதேசி இயக்க கப்பல் நிறுவனத்தின் வெற்றி குறித்து லோகமான்ய திலகர் தன்னுடைய கேசரி, மராட்டா பத்திரிகைகளில் எழுதினார்.
(xiii) பாலகங்காதர திலகர், பிபின் சந்திரபால், லாலா லஜபதிராய் (லால்-பால் -பால், Lal-bal-pal ) எனக் குறிப்பிடப்படும் முப்பெரும் தலைவர்களின் இயக்க நடவடிக்கைகளின் விளைவாக மகாராஷ்டிரம், வங்காளம், பஞ்சாப் ஆகிய மூன்றும் சுதேசி இயக்கக் காலப்பகுதியில் தீவிர தேசியவாதத்தின் மையப்புள்ளிகளாகத் திகழ்ந்தன.