அ. இது அந்த நோய்க்கிருமிகள் ஒத்த பலவீனமாக்கப்பட்ட அல்லது செயலாக்கமிழந்த அல்லது கொல்லப்பட்ட நுண்ணுயிரியாகவோ அல்லது அவற்றின் நச்சுப்பொருள்களாகவோ அல்லது அதன் புறப்பரப்பு புரதமாகவோ இருக்கலாம்.
ஆ. தடுப்பு மருந்துகளின் வகைகள்:
முதல் தலைமுறை தடுப்பு மருந்து:
1. வீரியமிழந்த உயிருள்ள தடுப்பு மருந்து.எ.கா. MMR
2. கொல்லப்பட்ட தடுப்பு மருந்துகள். எ.கா.சால்க் போலியோ
3. நச்சு அல்லது வேதிப்பொருள் தடுப்பு மருந்துகள். எ.கா. DTP 
இரண்டாம் தலைமுறை தடுப்பு மருந்து:
நோய்க்கிருமிகளின் புறப்பரப்பு எதிர்ப்பொருள் தூண்டிகளைக் கொண்டவையாகும். எ.கா. கல்லீரல் அழற்சி, தடுப்பு மருந்து.
மூன்றாம் தலைமுறை தடுப்பு மருந்து:
செயற்கையாக தயாரிக்கப்பட்ட தூய்மையான ஆற்றல் மிக்க தடுப்பு மருந்துகளாகும். எ.கா. மறுசேர்க்கை தடுப்பு மருந்து ஆகும்.

இயல்பு நோய்த்தடைகாப்பு மண்டலத்தில் ஈடுபட்டுள்ள செல்கள்
1. லியூக்கோசைட்டுகள் - நியூட்ரோபிலிகள், மோனோசைட்டுகள்.
2. மேக்ரோஃபேஜ்கள்.
3. சேதமடைந்த திசுக்கள்.
4. இயற்கைக் கொல்லி செல்கள்.

முதல்நிலை நிணநீரிய உறுப்பு தைமஸ் ஆகும்.
இரண்டாம் நிலை நிணநீரிய உறுப்பு டான்சில் ஆகும்.
முதல்நிலை நிணநீரிய உறுப்பின் பங்கு: தைமஸ்
தைமஸ் பிறந்த குழந்தைகளிலும் விடலைப் பருவத்தினரிடத்திலும் தைமஸ் அதிக செயல்திறனுடன் செயல் புரிகின்றது.
தைமஸ் தட்டையான இரு கதுப்புகளைக் கொண்டது. மார்பெலும்பிற்குப் பின்புறம் இதயத்திற்கு மேலாகவும் அமைந்துள்ளன. 
தைமசின் ஒவ்வொரு கதுப்பும் பல எண்ணற்ற நுண் கதுப்புகளால் ஆக்கப்பட்டுள்ளது. நுண் கதுப்புகளை இணைப்புத் திசுவால் ஆன தடுப்புச் சுவர் பிரிக்கிறது.
ஒவ்வொரு நுண் அடுக்கும் கார்டெக்ஸ் எனும் புற அடுக்கினையும் மெடுல்லா எனும் அக அடுக்கினையும் கொண்டுள்ளன. கார்டெக்ஸ் பகுதியில் தைமோசைட்டுகள் எனும் முதிர்ச்சியடைந்த T - செல்கள் அடர்ந்து காணப்படுகின்றன.
தைமஸிலிருந்து தைமோசின் எனும் மிகமுக்கிய ஹார்மோன் உருவாகிறது.
அது T - செல்களைத் தூண்டி அவற்றை முதிர்ச்சியடையச் செய்கிறது, மற்றும் தடைகாப்புதிறன் பெற்ற செல்களாக மாற்றுகிறது. பதின்பருவத்தின் தொடக்கத்தில் (12 - 13 வயது) தைமஸ் நலிவுறுகின்றது. அவ்விடத்தில் அடிபோஸ் திசு பதிலீடாக வளருகின்றது.
இரண்டாம்நிலை நிணநீரிய உறுப்பின் பங்கு: டான்சில்கள்
டான்சில்கள் (அண்ண டான்சில்கள்) ஒரு இணையான மென்திசுவாகும். இவை தொண்டையின் பின்புறம் அமைந்துள்ளன. 
டான்சில்கள் நிணநீர் மண்டலத்தின் ஒரு பகுதியாகும். இவை தொற்றுகளுக்கு எதிராக போராடுவதில் உதவுகின்றன. இவை உள்நுழையும் பாக்டீரியா மற்றும் வைரஸ் போன்ற நுண்கிருமிகளை தடுத்து நிறுத்துகின்றன. 

1. செரோடோனின்
2. ஹிஸ்டமைன்
3. புரோஸ்டாகிளான்டின்
இவை சிதைந்த மாஸ்ட் திசுக்களால் சுரக்கப்படுகிறது.

1. இன்டர்ஃபெரான்கள் வைரஸ் எதிர்ப்பு புரத கிருமி நாசினியாகும். இது வைரஸால் தாக்கப்பட்ட செல் சுரக்கிறது.
2. இது தொற்றில்லா செல்களில் வைரஸ் எதிர்ப்பை தூண்டுகின்றன.
3. இது கிளைக்கோ புரத மூலக்கூறாகும்.
4. லியூக்கோசைட்களும், ஃபைப்ரோபிளாஸ்ட்களாலும் சுரக்கப்படுகிறது.

1. மேக்ரோஃபேஜ்கள் செல் விழுங்குதல் சார்ந்த இயல்பு நோய்த்தடைக்காப்பில் காணப்படுகிறது.
2. இவை நுண்ணுயிரிகளை முழுமையாக விழுங்கி அவற்றை செரிக்கிறது.
3. இவை பெரியதாகவும் ஒழுங்கற்ற முறையில் காணப்படும்.
4. மோனோசைட்டுகள் தான் மேக்ரோஃபேஜ்களாக காணப்படுகிறது.
5. இந்த மேக்ரோஃபேஜ்களில் - பாக்டீரியாலைட்டிக் நொதிகள் மற்றும் தனிச்சையான ரேடிக்கல்ஸ் காணப்படுகிறது. இவை நுண்கிருமிகளை அழிக்கும் திறன் உடையது.

1. இம்யூனோகுளோபுலின் நான்கு பாலிபெப்டைடு சங்கிலிகளை கொண்டதாகும்.
2. அவற்றில் ஒத்த அமைப்புடைய நீளம் குறைவான சங்கிலிகளும் மற்றும் நீளம் அதிகமான இரண்டு கனமான சங்கிலிகளும் உண்டு.
3. இலகுவான சங்கிலிகளின் மூலக்கூறு எடை ஏறத்தாழ 25,000 டால்டன் மற்றும் ஏறத்தாழ 214 அமினோ அமிலம் கொண்டது.
4. கனமான சங்கிலிகளின் மூலக்கூறு எடை ஏறத்தாழ 50,000 டால்டன் மற்றும் ஏறத்தாழ 450 அமினோ அமிலம் கொண்டதாகும்.
5. ஒவ்வொரு இலகுவான சங்கிலி ஒரு கனமான சங்கிலியுடனும் அதே நேரத்தில் இரண்டு கனமான சங்கிலியும் ஒன்றுடன் ஒன்று டை-சல்பைடு பிணைப்பால் இணைக்கப்பட்டுள்ளன 
6. ஏறத்தாழ நடுப்பகுதியில், அசையும் கீல் அமைப்பினை கன சங்கிலிகள் பெற்றுள்ளன 
7.ஒவ்வொரு சங்கிலியும் இரு முனைகள் கொண்டுள்ளன அவை C - முனை மற்றும் N - முனை 
8. ஒரு இம்யூனோகுளோபுலினில் இரண்டு பகுதிகள் உண்டு N - முனையில் - மாறுபடும் பகுதி (V - region) C - முனையில் - நிலையான பகுதி (C - region ) காணப்படுகிறது.

1. ஒரு மனிதனின் உடலில் நுழைந்த பிறகு எச்.ஐ.வி மேக்ரோபேஜ் செல்களில் நுழைகிறது.
2. தன்னுடைய ஆர்.என்.ஏ மரபணுத் தொகுதியை ரிவர்ஸ் டிரான்ஸ்கிரிப்டேஸ் நொதியின் உதவியால் வைரஸின் டி.என்.ஏ வாக மாற்றி கொள்கிறது 
3. இந்த வைரஸ் டி.என்.ஏ விருந்தோம்பி செல்களில் டி.என்.ஏ வுடன் இணைந்து வைரஸ் துகள்களை உற்பத்தி செய்கிறது.
4. இவ்வாறு மேக்ரோஃபேஜ்கள் தொடர்ச்சியாக வைரஸ்களை உற்பத்தி செய்வதன் மூலம் அவை எச்.ஐ.வி தொழிற்சாலையாக செயல்படுகின்றன.
5. அதே நேரத்தில் உதவி T - லிம்போசைட்டுகளினுள் நுழைந்த எச்.ஐ.வி பெருகி சந்ததி வைரஸ்களை உற்பத்தி செய்து கொள்கின்றன.
6. இவ்வாறாக வெளி வந்த சந்ததி வைரஸ்கள் இரத்தத்தின் மற்ற உதவி T - செல்களையும் தாக்குகின்றன.