1. கடன் வாங்குபவர்களுக்கு நிதியை வழங்குகிறது. இதன் மூலம்தான் அவர்கள் தங்களின் முதலீட்டு திட்டங்களை செயல்படுத்த முடியும்
2. கடன் வழங்குபவர்கள் சொத்துக்களை ஈட்ட வழிவகை செய்கிறது. இதன் மூலம் அவர்கள் சொத்துக்களை உற்பத்தி சார்ந்த துணிகர முயற்சியை பயன்படுத்தி செல்வம் ஈட்ட முடிகிறது
3. சந்தையில் நீர்மைத் தன்மையை வழங்குகிறது. இதன் மூலம் நிதியை வணிகம் செய்ய உதவுகிறது

(i) நிதிச் சந்தை தனிநபர்களுக்கு, விவசாயத் துறைகளுக்கு, தொழிற்துறைகளுக்கு, சேவை துறைகள், நிதி நிறுவனங்களான வங்கிகள், காப்பீட்டு துறைகள், சேம நல காப்பு நிதிகள் மற்றும் அரசுக்கு நிதி உதவிகளை வழங்குகிறது.
(ii) மேற்குறிப்பிட்ட அமைப்புகள் தேவையான நிதியை நிதிச் சந்தையின் உதவியுடன் குறித்த நேரத்தில் பெறுகின்றனர்.
(iii) நிதிச் சந்தையின் மூலம் குறுகிய கால மற்றும் நீண்ட கால நிதி உதவியினை நிறுவனங்கள் பெறுகின்றன. ஒட்டுமொத்த பொருளாதார மேம்பாட்டிற்கு வழி வகுக்கிறது.

1. எந்த ஒரு சந்தையில் நிதி கோருதல்கள், சொத்துக்கள் மற்றும் பத்திரங்கள் போன்ற நிதிக் கருவிகள் வியாபாரம் செய்யப்படுகின்றதோ அதுவே 'நிதிச் சந்தை' எனப்படுகிறது.
2. நிதி அளிப்பவர்களிடம் உள்ள உபரி நிதியை நிதி தேவை உள்ளவரின் நிதிப் பற்றாக்குறையை நோக்கி கடன் நிதியை எடுத்து செல்வது நிதிச் சந்தை எனவும் கூறலாம்.

அ) நிதி கோருதல் வகையின் அடிப்படையில்:
i) கடன் சந்தை:
கடன் கருவிகளை வர்த்தகம் செய்வதற்கான நிதிச் சந்தை கடன் சந்தை ஆகும்.
ii) சமநிலை பங்குச் சந்தை:
நிறுவனம் சமநிலை பங்குகளின் வர்த்தகத்திற்கான நிதிச் சந்தை சமநிலை பங்குச் சந்தை ஆகும்.
ஆ) நிதி கோருதலின் முதிர்வு அடிப்படையில்:
i) பணச் சந்தை:
குறுகிய கால ஓராண்டு அல்லது அதற்கு குறைவாக நிதி கோருதலுக்கான நிதிச் சந்தை பணச் சந்தை ஆகும்.
எ.கா. கருவூலச் சீட்டுகள், வணிகத் தாட்கள், வைப்புச் சான்றிதழ்கள் 
ii) மூலதனச் சந்தை:
நீண்ட கால, ஓராண்டுக்கு மேல் நிதி கோருதலுக்கான சந்தை மூலதனச் சந்தை ஆகும்.
இ) நிதி கோருதலின் வெளியீட்டுக் கால அடிப்படையில்:
i) முதல் நிலைச் சந்தை:
(1) நிறுவனங்கள் முதன் முதலில் பத்திரங்களை விற்பனை செய்வது அல்லது வெளியிடுவது முதல் நிலைச் சந்தை ஆகும்.
(2) இதில் பணம் முதலீட்டாளர்களிடமிருந்து நேரடியாக நிறுவனங்களுக்குச் செல்கிறது.
ii) இரண்டாம் நிலைச் சந்தை:
ஏற்கனவே வெளியீடு செய்யப்பட்ட பங்குகளுக்கான சந்தை இரண்டாம் நிலைச் சந்தை ஆகும்.
ஈ) நிதி கோருதலின் வழங்கலின் கால அடிப்படையில்:
i) ரொக்கம் (அ) உடனடிச் சந்தை:
(1) ஆவணங்களை வழங்கலும், ரொக்கம் பெறுதலும் உடனடியாக நடைபெறும் சந்தை உடனடிச் சந்தை ஆகும்.
(2) தீர்வு உடனடியாக நடைபெறுகிறது.
ii) முன்னோக்கிய (அ) எதிர்காலச் சந்தை:
(1) சொத்து வழங்கலும், ரொக்கம் செலுத்தலும் முன்னரே தீர்மானிக்கப்பட்டு எதிர்காலத்தில் நடைபெறும் சந்தை எதிர்கால சந்தை ஆகும்.
(2) பின்னொரு நாட்களில் பொருட்களை மாற்றிக் கொள்வதற்காக இன்றே விலை முடிவு செய்து கொள்ளும் சந்தையாகும்.
உ) நிதிச் சந்தை அமைப்பின் அடிப்படையில்:
i) பரிமாற்ற வர்த்தகச் சந்தை:
ஒரே ஒழுங்கு நடைமுறைகளைக் கொண்ட மைய அமைப்பு (பங்கு மாற்றகம்) ஆகும்.
ii) உடனடி சந்தை:
வழக்கமான நடைமுறைகளைக் கொண்ட பரவலாக்கப்பட்ட சந்தை ஆகும்.  

நிதிச் சந்தையின் பங்கு:
நிதிச் சந்தையின் பங்கு பொருளாதாரத்தின் துரித வளர்ச்சியின் முக்கிய தேவைகளில் ஒன்று சுறுசுறுப்பான மற்றும் செழிப்பான நிதிச்சந்தை ஆகும். ஒரு நிதிச் சந்தை பின்வரும் வழிகளில் ஒரு நாட்டின் பொருளாதாரத்திற்கு உதவி செய்வதால் அது மிகப்பெரும் பயனாக திகழ்கிறது.
(அ) சேமிப்பை பெருக்குதல் (Savings Mobilization):
சேமிப்பாளர்கள் (அ) தனிநபர்கள், வணிக நிறுவனங்கள், பொதுத்துறை நிறுவனங்கள் மற்றும் அரசு போன்ற உபரி அலகுகளிடமிருந்து நிதிகளை பெறுவதன் மூலம் நிதிச் சந்தை ஒரு முக்கிய பங்கு வகிக்கிறது.
(ஆ) முதலீடுகள் (Investment):
நிதி முதலீடுகளை வசூலிப்பதிலும் அவற்றை தேவை உள்ளவர்களுக்கு வழங்குவதிலும் நிதிச் சந்தை' முக்கியப் பங்கு வகிக்கிறது.
(இ) தேசிய வளர்ச்சி (National Growth):
நிதிப் பற்றாக்குறை உள்ள நிறுவனங்களுக்கு உபரி நிதிகள் தடங்கலின்றி நடமாட்டம் செய்ய உறுதி செய்வதன் மூலம் ஒரு தேசத்தின் வளர்ச்சியில் நிதிச் சந்தை பங்களிப்பை வழங்குகிறது. நிதி ஆக்க பூர்வமான நோக்கில் பயன்படுத்த வழிவகை செய்கிறது. இது ஒட்டு மொத்த பொருளாதார வளர்ச்சிக்கு வழிவகுக்கிறது.
(ஈ) தொழில்முனைவோர் வளர்ச்சி (Entrepreneurship Growth):
தேவையான நிதி வளங்களை தொழில் முனைவோர்களுக்கு கிடைக்க பெறுவதன் மூலம் அதன் மேம்பாட்டிற்கு நிதிச் சந்தை பங்களிக்கிறது.
(உ) தொழிற்துறை மேம்பாடு (Industrial Development):
நிதிச் சந்தையின் பல்வேறு கூறுகள் ஒரு நாட்டின் தொழிற்துறையின் துரித வளர்ச்சி மற்றும் பொருளாதார மேம்பாட்டிற்கு உதவி புரிகிறது. இதன் மூலம் சமுதாயத்தின் வாழ்க்கை தரம் மற்றும் நல்வாழ்வை உயர்த்துகிறது.