ஆக்டினைடு வரிசையில், திரை மறைத்தல் விளைவு லாந்தனைடு வரிசையை விட குறைவு ஆக்டினைடு வரிசையில் அணு எண் அதிகரிக்க அதிகரிக்க செயலுறு அணுக்கரு மின்சுமை அதிகரிக்கிறது. ஆகவே லாந்தனாய்டு குறுக்கத்தை விட ஆக்டினாய்டு வரிசையில் ஆக்டினாய்டு குறுக்கம் அதிகமாக உள்ளது.

(i) லாந்தனைடு அயனிகளின் நிறத்திற்கு காரணம் தனித்த 4f - எலக்ட்ரான்களும், ஒளியை உறிஞ்சி அவை f - f ஆர்பிட்டால் பரிமாற்றம் அடைவதும் ஆகும்.
(ii) Gd³⁺ அயனியின் எலக்ட்ரான் அமைப்பு 4f⁷ 5d⁰ 6s⁰  
(iii) Gd³⁺ அயனி ஏழு தனித்த எலக்ட்ரான்களைப் பெற்று, நிலைப்புத் தன்மையுடைய சரிபாதி நிரம்பிய 4f - ஆர்பிட்டால்களைக் கொண்டுள்ளது.
(iv) எலக்ட்ரான்களின் சீர்மைத்தன்மை குலைந்து, நிலைப்புத் தன்மை குறைவதால் Gd³⁺ அயனியில் f - f ஆர்பிட்டல் பரிமாற்றம் நிகழ்வதில்லை. எனவே Gd³⁺ அயனி நிறமற்றது.
(v) மேலும் f - f எலக்ட்ரான் பரிமாற்றம் நிகழத் தேவையான ஒளி ஆற்றலை அகச்சிவப்புப் பகுதியில் உறிஞ்ச வேண்டி இருப்பதால் கட்புலனாகும் ஒளிப்பகுதியில் Gd³⁺ அயனியின் நிறம் தெரிவதில்லை.  

1. நவீன தனிம வரிசை அட்டவணையில் தொகுதி 3 வரிசை 6 யில் லாந்தனைடுகள் இடம் பெற்றிருக்க வேண்டும். எனினும் ஆறாவது தொடரில் லாந்தனத்திற்கு பிறகு எலக்ட்ரான்கள் 4f உட்கூட்டில் சேர்கின்றன. மேலும், லாந்தனத்தைத் தொடர்ந்து வரும் 14 தனிமங்களும் ஒத்த வேதிப் பண்புகளைக் கொண்டுள்ளன. எனவே இத்தனிமங்கள் அனைத்தும் ஒருங்கே ஒரே தொகுதியாக தனிம வரிசை அட்டவணையில் கீழ்புறம் தனியே இடம் பெற்றுள்ளன.
2. இதைப் போலவே ஆக்டினியத்தை தொடர்ந்து வரும் 14 தனிமங்களும் அவைகளில் இயற் மற்றும் வேதிப் பண்புகளில் ஒத்துக் காணப்படுகின்றன. இதனால் தனிமவரிசை அட்டவணையில் கீழே தனியிடம் ஒதுக்கப்பட்டுள்ளது.

IUPAC வரையறையின் படி ஒரு தனிமத்தின் அணுவானது முழுவதும் நிரப்படாத d உட்கூட்டினை பெற்றிருந்தாலோ அல்லது அத்தனிமம் உருவாக்கும் நேரயனியானது முழுவதும் நிரப்பப்படாத d உட்கூட்டினை பெற்றிருந்தாலோ அத்தனிமம் ஒரு இடைநிலை உலோகமாகும். இவைகள் தனிம வரிசை அட்டவணையில் மையப் பகுதியில் s மற்றும் p-தொகுதி தனிமங்களுக்கு இடையில் இடம் பெற்றுள்ளன.
எடுத்துக்காட்டு: Fc, Cu, Ag, Au

வ.எண்:	லாந்தனைடுகள்	ஆக்டினாய்டுகள்
1.	வேறுபடுத்தும் எலக்ட்ரான் 4f ஆர்பிட்டாலில் சேர்க்கிறது	வேறுபடுத்தும் எலக்ட்ரான் 5f ஆர்பிட்டாலில் சேர்க்கிறது.
2.	4f ஆர்பிட்டாலில் பிணைப்பு ஆற்றல் அதிகம்	5f ஆர்பிட்டாலில் பிணைப்பு ஆற்றல் குறைவு
3.	இவைகளில் அணைவுச் சேர்மங்களை உருவாக்கும் தன்மை குறைவு.	இவற்றின் அணைவுச் சேர்மங்களை உருவாக்கும் தன்மை அதிகம்.
4.	பெரும்பாலான லாந்தனாய்டுகள் நிறமற்றவை	பெரும்பாலான ஆக்டினாய்டுகள் நிறமுடையவை (U3+ சிவப்பு, U4+ பச்சை, UO22+ மஞ்சள்)
5.	இவைகள் ஆக்சோ நேரயனிகளை உருவாக்குவதில்லை.	இவைகளின் ஆக்சோ நேரயனிகளை உருவாக்குகின்றன. UO22+, NpO22+
6.	லாந்தனாய்டுகள் சில நேர்வுகளில் +3 ஆக்சிஜனேற்ற நிலையுடன், +2 ஆக்சிஜனேற்ற நிலைகளையும் பெற்றுள்ளன.	ஆக்டினாய்டுகள் +3 ஆக்சிஜனேற்ற நிலையுடன் +4, +5, +6 மற்றும் +7 போன்ற உயர் ஆக்சிஜனேற்ற நிலைகளை பெற்றுள்ளன.

பொட்டாசியம் டைகுரோமேட் K₂Cr₂O₇ தயாரித்தல்:
1. குரோமைட் தாதுவிலிருந்து பொட்டாசியம் டைகுரோமேட் தயாரிக்கப்படுகிறது. தாதுவானது புவிஈர்ப்பு முறையைப் பயன்படுத்தி அடர்ப்பிக்கப்படுகிறது. பின் அடர்ப்பிக்கப்பட்ட தாதுவுடன் அதிகளவு சோடியம் கார்பனேட் மற்றும் சுண்ணாம்பு சேர்க்கப்பட்டு எதிர் அனல் உலையில் வறுக்கப்படுகிறது.
4FeCr₂O₄ + 8Na₂CO₃ + 7O₂ \(\underrightarrow { { 900-1000 }^{ o }C } \) 8Na₂CrO₄ + 2Fe₂O₃ + 8CO₂
2. வறுக்கப்பட்ட தாதுவானது பின் நீருடன் சேர்க்கப்பட்டு கரையாத இரும்பு ஆக்சைடிலிருந்து கரையக்கூடிய சோடியம் குரோமேட்டாக பிரித்தெடுக்கப்படுகிறது. சோடியம் குரோமேட்டின் மஞ்சள் நிறக்கரைசலை அடர்கந்தக அமிலத்துடன் வினைப்படுத்தும்போது சோடியம் குரோமேட் ஆனது சோடியம் டைகுரோமேட்டாக மாற்றப்படுகிறது.

3. மேற்கண்டுள்ள கரைசலை அடர்பித்தல் மூலமாக குறைந்த கரையும் தன்மையுடைய சோடியம்சல்பேட் நீக்கப்படுகிறது. எஞ்சியுள்ள கரைசல் வடிகட்டப்பட்டு பின் அடர்ப்பிக்கப்படுகிறது. இதனை குளிர்வித்து Na₂SO₄.2H₂O படிகங்கள் பெறப்பட்டு நீக்கப்படுகின்றன.
4. சோடியம் டை குரோமேட்டின் நிறைவுற்ற நீர்க்கரைசலுடன் KCl கரைசல் கலக்கப்பட்டு, பின் அடர்பிக்கும் போது NaCl படிகங்கள் நீக்கப்படுகின்றன. இக்கரைசல் சூடான நிலையில் வடிகட்டப்பட்டு, வடிநீரைக் குளிர்விப்பதன் மூலம் K₂Cr₂O₇ படிகங்கள் பெறப்படுகிறது.
Na₂Cr₂O₇+2KCl ⟶ K₂Cr₂O₇+2NaCI

இடைநிலை உலோகங்கள் அதிகளவு தனித்த எலக்ட்ரானை கொண்டுள்ளது. இது உலோகப்பிணைப்பில் ஈடுபடுவதால் அதிக உருகுநிலையைக் கொண்டுள்ளது.
இடைநிலை உலோக வரிசையில் இடமிருந்து வலமாகச் செல்லும் போது, ஆரம்பத்தில் உலோகப் பிணைப்பிற்கு தேவையான தனித்த d- எலக்ட்ரான்களின் எண்ணிக்கை அதிகரிப்பதால் உருகுநிலையும் அதிகரித்து, அதிகபட்ச மதிப்பினை அடைந்து பின், உலோக பிணைப்பிற்கு தேவையான எலக்ட்ரான்கள் இணையாவதால் உருகுநிலையின் மதிப்பு குறைகிறது.

1. Cr²⁺ ஆனது Fe²⁺ விட வலிமையான ஆக்ஸிஜனோடுக்கியாகும். Cr²⁺ திட்ட மின்முனை மின்னழுத்த (E°) மதிப்பானது - 0.91 V ஆகும். ஆனால் Fe²⁺ ன் மதிப்பு - 0.44 V ஆகும்.
2. ஒரு உலோகத்தின் திட்ட மின்முனை மின்னழுத்த மதிப்பானது அதிக எதிர்க்குறி மதிப்பைப் பெற்றிருப்பின் அந்த உலோகமானது ஒரு வலிமையான ஒடுக்கும் காரணியாகும். ஏனெனில் இவைகள் எளிதில் எலக்ட்ரான்களை இழக்கின்றன. எனவே Cr²+ ஒரு வலிமையான ஆக்ஸிஜனோடுக்கியாகும்.